Post: #3 Title: Re: شيخ الامين دة واحد يهديهو Author: على احمد النعيم Date: 01-21-2016, 08:03 AM Parent: #1
الما بيهديهو الكريم تعبان يا ود اب سن
تحياتى بلا حدود
Post: #4 Title: Re: شيخ الامين دة واحد يهديهو Author: عبدالحفيظ ابوسن Date: 01-21-2016, 08:07 AM Parent: #3
آي والله يا علي احمد النعيم ياخ ربنا سترو وداير يهتك ستر الله انا فاهم هو محتاج يخم ويغش اتباعو عشان يحافظ علي صورتو اليقول كان امتحان من ربنا والحمدلله نجحنا فيهو دون تبرير وبعد داك اليقول كنت صايم وختمت القرآن مية مرة ويستشهد عسي ان تكرهوا شيئا لكن
Post: #5 Title: Re: شيخ الامين دة واحد يهديهو Author: عبدالحفيظ ابوسن Date: 01-21-2016, 08:11 AM Parent: #4
ويستعين بقصة سيدنا يوسف عليه السلام وعلي نبينا لكن يتهم جهاز دولة كامل انو ساذج وغبي ويأخذ معلوماته من النت دون تمحيص ويلتبس عليه انو الجهاد كان نادي الجهاد وحيحاول يخش في السياسية من جديد قالوا هدوها من التأخير ... فجرت
Post: #6 Title: الشيخ اتبين! Author: قصي محمد عبدالله Date: 01-21-2016, 08:13 AM Parent: #4
Post: #9 Title: Re: الشيخ اتبين! Author: عمر نملة Date: 01-21-2016, 09:04 AM Parent: #8
سلام ياحفيظ استوزن الرجل
Post: #10 Title: Re: الشيخ اتبين! Author: عبدالحفيظ ابوسن Date: 01-21-2016, 11:34 AM Parent: #9
الشيخ بالغ يا قصي في سبيل تبيض وجهه جابها كبيرة قالوا واحد كضاب ومعاهو اخوهو . بحكي لي جماعة .. قال ليهم نشت لي غزالة بي طلقة واحدة . كسرت قرنها وظلفها الجماعة قامو فوق ووووووو جبتها كبيرة صحبو قال ليهم بس هو لامن جا ينيشها كانت بتحك في راسها بي كراعها بعد مرقو صحبو قال ليهو دي مرت لكن تاني اعمل حسابك نقدر نلمها
Post: #11 Title: Re: الشيخ اتبين! Author: على احمد النعيم Date: 01-21-2016, 12:32 PM Parent: #10
Quote: هدوها من التأخير ... فجرت
على الطلاق ياها زاتا قالو هدوها من التأخير باتت كتر
او (يبخرو فيها وهى تفسى).
غايتو ربنا يكون فى العون
تحياتى يا ود اب سن
Post: #12 Title: Re: الشيخ اتبين! Author: علي عبدالوهاب عثمان Date: 01-21-2016, 01:34 PM Parent: #11
حبيبنا أبوسن .. شيخ الأمين ده .. أكيد عندو مستشارين .. ( لأنه صرف الناس عن القضية وعمل الموضوع نكته .. زميلي في المكتب مبسوط من البوست ده وكلام شيخ الامين .. حسب علمي دي يسموها ( الانصرافية ) دايفريب أتنشن ( فريق الجهاد في أمدرمان )
مودتي أبوسن ..
Post: #13 Title: Re: الشيخ اتبين! Author: أيمن التوم حسن Date: 01-21-2016, 05:31 PM Parent: #12
الاخ عبد الحفيظ وضيوفه الكرام ,, تحية طيبة
شيخ الامين اختبر حيرانه ومريديه مرات عددا ,,, ودخل في ادمغتهم خزعبلات ماليها حصر هو مدرك ان هناك من سيصدقه ,,, غايتو الاماراتيين لو بكرا فكو آخرهم وقالو الحقيقه الضحك شرطو هو والمعاهو
Quote: Alfatih Mosa · كردفان يا جماعة الزول ده مالو ؟ معقول عقله صغير لهذه الدرجه ؟ الأماراتية سكتوا وما فضحو لكنه براه عايز يفضح نفسو ! وبدأ يشير بأشياء قد تستفز الأمارتية وتجعلهم يكشفون ما سكتو عنه ... قال إيه الجهاد الأمدرماني !! طيب شيل شيلتك وشوف كذبتك الساذجة دي حتجيب ليك شنو ؟؟؟؟؟ أعجبني · رد · 3 ساعة