الحوار في ذمة الله .. ويقام الدفن بمقابر الانقاذ .

09:45 AM Dec, 28 2015 سودانيز اون لاين
مني عمسيب- هولندا
مكتبتى
رابط مختصر


انتقل اليوم بجوار ربه ! ( الحوار الوطني ) !!
شقيق كل من .. المرحوم الدفاع الشعبي ! والمرحوم المشروع الحضاري !
والمرحومة الشريعة الاسلامية ! والمرحومة وثيقة الدوحة ! والمرحومة الوثبة

ويقام الدفن بمقابر الانقاذ .

إتوفي كيف يا استاذة عمسيب؟؟ مدوهوا حوار الوثبة لحدي ما تراجي ترجع كندا تقضي حاجاتها و تجي تاني راجعة تكمل الحوار .

حليلنا نحن اللى لسه بنقرا عن وفاة الغول

إنّا لله وإنّا إليه راجعون

العزيز .. محمد عثمان ..

لك التحايا .. والتقدير ..

تخيل مات في حادث حركة ؟ هم داسين الخبر لكن الاخبار المؤكدة وصلتنا التو !

البركة في الشعب السوداني الفضل وياهو حال الانقاذ هادمة اللذات !

ومشكور علي المرور .

قاعدة اعمل في اتصالات مع ود دفع الله يستعجل لينا بكركاتير سرعة .

Quote: العزيز .. محمد عثمان .. لك التحايا .. والتقدير .. تخيل مات في حادث حركة ؟ هم داسين الخبر لكن الاخبار المؤكدة وصلتنا التو ! البركة في الشعب السوداني الفضل وياهو حال الانقاذ هادمة اللذات ! ومشكور علي المرور . قاعدة اعمل في اتصالات مع ود دفع الله يستعجل لينا بكركاتير سرعة .

ده مش ميت يا مني. ده ميت و شبع موت.

ابن عمي الحبيب .. عبد العزيز ود عيسي ..

Quote: إنّا لله وإنّا إليه راجعون

الحمد لله علي ما ارد وياهو حال الانقاذ هادمة اللذات !
وان شاء الله ما نجيك في شينة وقول لباقي العاقب ما تتعبوا
المسافة بعيدة وتعازيكم مقبولة .. وياهو دا حال الانقاذ !!

العزيز محمد علي ..

منور ..

Quote: ده مش ميت يا مني. ده ميت و شبع موت.

صاح هو كان محتضر لكن داسنو لكن اسه اتأكد تمامآ لانه النعي في الصحف
في حد ذاتها تأكيد هههههههه .

اللهم يصرفهم مننا الكذابين المجرميين ,

عليكم الله اسه الزول دا ممكن يحاور كدي شوفوا تعابير وشو ؟؟

احذروا احذروا ثم احذروا

المتهورين .. لانهم ليست لهم كلمة ولا شرف كلمة

ولا شرف خصام .. ولا عهد حفظ الاسرار !!!

و الله يا بت عمسيب
أنا لي مدة بتابع في تعليقاتك و حقيقة عاجباني شديد بس لأنها مثيرة للجدل و أنا زول ‏ما عندي شدة للهجوم و لا للرد.‏
‏ فبوستاتك تجد مني كل الإعجاب فهي خفيفة الظل من ناحية و تتسم بالجرأة و ‏الشجاعة من ناحية أخرى. ‏
الله يديكي العافية و يكفيك شر اعاديك.‏

كتبت الصديقة العزيزة منى عمسيب(ابن عمي الحبيب عبد العزيز ود عيسى )
وكانت برضو بتقول لقريمان ابن عمي الحبيب...
الله يستر يا عزو ما نلقاك واثب 😃😃😃
--------------
بهظر يا بت نفيسة هههههههههه
نرجع لي موضوع البوست يا صديقة حوار شنو وكوار شنو دي حقن تطويل عمر النظام ومزيدا من الوقت ...لكن ثقي الناس الحاسة بالوجعة ولا هاميهم يتحاوروا يضقلوا يجيبو قون ..حا تجي لحظة الخلاص وكل العفن دا الى اقرب مكب نفايات ...
مودتي يا راكزة ...

Quote: فبوستاتك تجد مني كل الإعجاب فهي خفيفة الظل من ناحية و تتسم بالجرأة و ‏الشجاعة من ناحية أخرى. ‏ الله يديكي العافية و يكفيك شر اعاديك.‏

العزاء للجمييييع ,,

انتقل اليوم بجوار ربه ! وبحادث حركة مروع وجبان ( الحوار الوطني ) !!
شقيق كل من .. المرحوم الدفاع الشعبي ! والمرحوم المشروع الحضاري !
والمرحومة الشريعة الاسلامية ! والمرحومة وثيقة الدوحة ! والمرحومة الوثبة !

ويقام الدفن بمقابر الانقاذ .

بت عمسيب انزيك ....

نسأل للفقيد الرحمة

وللمتحاورين حسن العزاء وجبر الكسر

وان لا يجمعكم في وثبة اخري اقصد جنازة اخري

المشكلة يا بت عمسيب ما في موت الحوار

المشكلة في الانقاذ ذاتها الميتة سريريا ليها 26 سنة ونص وما لاقيا ليها دفاناً يدفنها

اخي العزيز .. محمد عبد الله الحسين ..

لك مني عاطر التحايا ,, وجزيل الشكر علي الكلمات المخجلات للتواضع
وانا اكتر اعجابآ وحبآ لمرورك الدافئ الجميل عبر هذه الاسطر المتواصعة .

Quote: فبوستاتك تجد مني كل الإعجاب

مخ خالص الود والتقدير ..

حبابك ود الريح محمد ..

مشكور علي المرور وانا ذاتي معجبة بزيارتك البيها بوستي نور ,

ابو علوة يا رفيق يا وهيط ..

لك وافر التقدير .. وسلام حجم الوطن .

Quote: نرجع لي موضوع البوست يا صديقة حوار شنو وكوار شنو دي حقن تطويل عمر النظام ومزيدا من الوقت ...لكن ثقي الناس الحاسة بالوجعة ولا هاميهم يتحاوروا يضقلوا يجيبو قون ..حا تجي لحظة الخلاص وكل العفن دا الى اقرب مكب نفايات ...

بدون شك يا صديق واهو الدليل اعلان وفاة الحوار للمرة الدشليون عشسي
ولعل يستوعبوا الدرس هولاء المهودين لانه درس خصوصي والجميع منه يستفيد .

ولك وافر الشكر .

سلام وشوووق .. يا طشاش يا غارف ..

ومشكور علي حسن العزاء والحضور .. ولو سمحت اغشي ود الباوقة
ما تنسي . وما تنسي السترة والفضيحة متباريات هههههههههههههههه .

Quote: وللمتحاورين حسن العزاء وجبر الكسر وان لا يجمعكم في وثبة اخري اقصد جنازة اخري

العزيز .. الفاروق ..

لك وافر الشكر والسلام ...

Quote: المشكلة في الانقاذ ذاتها الميتة سريريا ليها 26 سنة ونص وما لاقيا ليها دفاناً يدفنها

صدقت رجال الاوقاذ كلهم بقوا في عدد الموتي ومدتهم الافتراضية انتهت
في اي شئ بس هم مصرين علي البعملوا فيهو ... الله يقتلهم بالجملة يريحنا منهم .

ولك الشكر .

الاخت بت عمسيب والاخوة الكرام
الحقيقة هذا الجنين ولد ميتا منذو ميلاده.بس كان مغطي. بالوهم..الشفاف.والان اعلنوه بطريقة خجولة عشان يشوفو ردفعلكم يا شعبنا المسكين.وبعداشهر سيعلنون او يرفع الماتم بانتهاء المصاريف وسوف يعلنون عن ميلاد مولود اخر ويمطوه ويطولها حتي يكمل الدورة الرئاسية المفترى.

حبابك اخي .. سليمان ود تودي ..

وكل عام وانتم والوطن بالف خير ..

Quote: الحقيقة هذا الجنين ولد ميتا منذو ميلاده.

والحمد لله اهاو نحن دفنا ههههههه . ومشكور علي مشاركة الاحزان .


ودمتم ,,,

تحية قلبية لك اخت منى وضيوفك الكرام ..
أعتقد أن الوفاة كانت طبيعية وليست بحادث عرضي أو مدبر يا اخت منى، فالحوار الماثل جاء خديجا والوفاة حالته الطبيعية ..
أما المتحارون فلم يأتوا أصلا لحوار بل استدعتهم رغباتهم الشخصية لتقاسم المكاسب الدنيوية ..
الحوار الحقيقي مازال حيا يرزق في زنازين النظام ينتظر الثوار الذين يحطمون الطاغوت وحوائط السجون..

سلام أختي العزيزة منى

هولاء الكيزان حددوا سقف للحوار قبل أن يبدأ ... أملا في ضغط أو مساومة الجميع

للقبول ببقاء الكيزان مع إحداث تغييرات ضئيلة لا تمس بنية الحكم و هامش

مؤقت من الحريات لتسويق الكيزان عالميا . يمكن القول إن الحوار أصلا كان

" حمل كاذب " . لأن الكذب شعار الكيزان .

كل عام إنتي و عائلتك و السودان بألف خير .

الحبيبة .. نعومي ..

صباحك زين ..

Quote: هولاء الكيزان حددوا سقف للحوار قبل أن يبدأ ... أملا في ضغط أو مساومة الجميع للقبول ببقاء الكيزان مع إحداث تغييرات ضئيلة لا تمس بنية الحكم و هامش مؤقت من الحريات لتسويق الكيزان عالميا . يمكن القول إن الحوار أصلا كان " حمل كاذب " . لأن الكذب شعار الكيزان .

يا نعومي لا فرق بين الحوار بين اليوم والامس ! وما اشبه اليوم بالبارحة في الحوار
نفس اللف والدواران والمماطلات ! والكيزان السفهاء عارفين الحوار الجد هو مقبرتهم
الجماعية .. والسؤال هل عرف متحاورين الشتات بأنهم وباذن الانقاذ سوف يرجعوا الي
شتاتهم بمحافيرهم ؟؟؟

ولك وافر التقدير ..

-

بت عمسيب
تحياتي

الحوار بتاع الكيزان دا ما مات، لكن الكيزان دايرين
يقضوا بيهو غرضن والغرض ماشي كويس
مشكلتنا نحنا في المعارضة ما بندرس الحاجات برواقة
عشان كدا ما قادرين نشيل الانقاذ دي، ومع احترامي ليك
ولي كثير من المعارضين بما فيهم (أنا ذاتي)، لكن ما في عقلية تحليلية ولا إبتكار ذاتو.
هسع موضوع الحوار دا المعارضة الهنا في سودانيزاونلاين شغالة
بيهو اكتر من ناس الحكومة ذاتم.
أنا كنت في السودان، وعلى النعمة، ما في زول طاري سيرة الحوار
من أساسه، ولو فتحتي السيرة بتاعته الناس بعاينوا ليك ويقول في سرهم (البت دي هبلة ولا شنو؟)

والله صحي

طيب الكيزان مزنوقين مالياً واقتصادياً ومفلسين بالدرب العديل
مشوا للبنك الدولي والصناديق وقالوا ليهم لازم تعملوا اصلاحات اقتصادية وسياسية
الاقتصادية شغالين فيها رفع دعم وحظر سلع وغيره، السياسية يا هو الحوار الشغال في قاعة الصداقة.
الكيزان دايرين المنظر، وقالوا فتحنا الحوار لناس الداخل والخارج بنحاورهم في اديس

أها اسمعيها مني يا بت عمسيب وما في زول بيقولها ليك(
(المعارضة لمن قابلت ناس الاتحاد الاوروبي قالوا ليهم اشتركوا في الحوار) وهم عشان
ما يخسروا المجتمع الدولي، قالوا لي الاتحاد الاوروبي (نحن موافقين، لكن بشرط تتم اجراءات تهيئة المناخ)


المستفيد لحدي هسع من الحوار هو المؤتمر الوطني وتراجي بس،

نسال الله له الرحمه والمغفره وان يخلف اهله بنظام خالف يارب

Abo4.jpg Hosting at Sudaneseonline.com

*

الحوار الحقيقي مازال حيا يرزق في زنازين النظام ينتظر الثوار الذين يحطمون الطاغوت وحوائط السجون..

هلا بت نفيسة

اها الصدقة متين؟

يا حبيبتي وطوق نجاتي .. بت تاور ..

والله ليك وحشة وينك يا المهولة ؟

Quote: الحوار الحقيقي مازال حيا يرزق في زنازين النظام ينتظر الثوار الذين يحطمون الطاغوت وحوائط السجون..

باذن الله ولكل بداية نهاية .. ووقعتهم ما اقل من وقعت باقي الطغاة
بس الاستعدوا للعملوهو في القذاقي وامثاله من الطغاة . وغدآ لناظره قريب ..

اللهم ارينا فيهم عظمة جلالك وقدرتك
وخذهم اخذ عزيز مقتدر الذين افسدوا
البلاد والعباد !!! اميين .

حبابك الفريدة الحبيبة .. الكنداكة الراكزة ..

Quote: هلا بت نفيسة اها الصدقة متين؟

باذن الله قريب بس حضري حالك ..

اللهم يا قوي يا عزيز
تاخذ عمر البشير وكل
من والاه من مأمنهم
اخذ عزيز مقتدر .. اميين .

الجماعة المشو الماتم وجو لسع ما قالو سبب الوفاه شنوو.
عسي ولعلي الماتع خير

العزيز .. تودي ..

لك التحية ..

Quote: الجماعة المشو الماتم وجو لسع ما قالو سبب الوفاه شنوو. عسي ولعلي الماتع خير

سبب الوفاة عارفنها لكن خجلانيين .. ويا خبر بفلوس بكرة بلاش ههههههه ..

ولك التقدير ,, وشكر المرور ..

اين الذهبوا للحوار ولم يعدوا ؟؟؟؟؟؟؟؟؟

لو كان عندك موضوع كان خاطبوك لكن الهيافه والردحى الفارغ لا يحتاج

إلى رد وممكن نعزفه لحوناَ يطرب لها الناس يا بنت عمسيب وإنتى والهتيفه والصفيقه

بتاعنك يعلمون ذلك جيداَ دحين قولى حاجه تانى والحوار نافذ

وعلك إنتى طيبه وربنا ينصر بك وبالصفيقة والهتيفة الحوار والسودان

سلام يا منصور ..

قلت لي :

Quote: لكن الهيافه والردحى الفارغ لا يحتاج إلى رد وممكن نعزفه لحوناَ يطرب لها الناس يا بنت عمسيب وإنتى والهتيفه والصفيقه بتاعنك يعلمون ذلك جيداَ دحين قولى حاجه تانى والحوار نافذ

الهيافة والردحي العمت القري والحضر هللتوا ليها وكبرتوا ليها

ومشيتوا بقيتوا ليها ذيول والهتيفة والصفيقة دي فضلت خيركم

انتوا يا المشيتوا ليها ملثمين !!!

وكل البقولوا اعرف الحوار ! تعرف اهله !

اين اهل الحوار ؟؟؟؟؟؟؟؟؟؟

صورة للسفاح قائد الحوار !

الي الذين ذهبوا الي الحوار ؟؟؟؟؟؟؟

التحية لك اخي سيف الدين ..

ومشكور علي احضار صبية الترابي اللاخلاق ولا مبأدي لهم

غير مصالحهم الشخصية وهولاء هم نموذج للمتحاورين !!!!

اعرف الحوار تعرف اهله !!!

اين ذهب وفد المنافي ؟

وقت منصور وقريمان رفضوا التنوير بما حدث في الحوار

منتظرين الباقين .

**********
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...

سلام وتحية كنداكة منى عمسيببعد مؤتمر القضايا المصيرية التاريخى باسمرا جاءت مبادرة الشريف زين العابدين الهندى للحوار الوطنى لم يشاورنا الراحل الشريف (شباب الامانة العامة )فى ذلك الوقت لانهم كانوا معارضين جادين وصادقين بل سمعنا بالمبادرة بواسطة العميل المذدوج جمال عنقرة كانت لجنة لندن رفضت المبادرة وبعد اجتماعصديق الهندى وشيخ السراقين ابو سبحة اللالوبة السمانى الوسيلة واللص المحترف الذى حاول الاستيلاء على ايداعات الشريف حسين فى لندن وهو لم يدفن بعدجلال الدقير انقلب الامر واصبحوا هم اهل المبادرة معليش نسيت امير الكضابين مضوى الترابى لكن احيى زوجته الاصيلة خدرة المايستاهلها المستهبل دا الحرامى الغلب شيخو احمد بلال كان رئيس وفد المقدمة كان سارق قروش كتيرة ومطالب فكان من اشد الناس حماسا للمبادرة وتابعه د.امين البيلىالقادممن موسكووبقى كمان طبيب الشريف وقال لى سبب التحاقه بالمبادرة انه سلف مبلغ لاحمد بلال ويود استرجاع حقوقو منه وكانت شنطة الشريف الخاصةالتى بحوزته وتحتوى على اهم متعلقاته الشخصية اختفت فى مطار دمشق فى طريق عودتهم للخرطوم .هؤلاء ايضا حاوروا النظام وسرقوا اموال الشعب وفسدوا وافسدوا وشاركوا النظام فى كل جرائمه ضد الشعب والوطن .

الهميم الكلس فقير .. لك التقدير ..


ولي عودة للرد علي كلامك المهم ..




***************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...

الكلس الهميم .. فقيري ..

لك التحية الوطنية ..

كل ما ذكر في مداخلتك الفوق يؤكد لاحوار مع هولاء المفسدين
والحوار بالنسبة لهم مقبرتهم الجماعية لانهم لصوص ومفسدين وحريصين
علي انفسهم كل الحرص من المحاسبة . وهذه المداخلة اخي فقيري اتمني
أن يقرأها الكل لمعرفة مع مع يتحاورون !
فنقول لهم قوموا لثورتكم واعتصاماتكم وعصيانكم من أجل سودان جديد .

ولك الشكر المرابط فقيري .



************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...

عزيزتنا المناضلة الرفيعة كندلاكة منى عمسيب اسعد الرحمن مساءك وكل حياتك.

هنالك الكثيرالمثير حول مبادرة الشريف زين العابدين والاجواء المحيطة بتلك الايام ارجو ان نتمكن من توثيق تلك

الفترة الهامة ارجو من الاستاذ الشقيق محمد خير الزبير ان يتحفنا بتوثيق تلك الايام واحكى لك حدوتة عند زيارة الشريف للعقيد القذافى

ووفد معه من الحرامية كان من ضمنهم واحد ظهر ايام المبادرة اسمو الفكى من مناطق شندى اثناء العشاء سال الفكى شطتى وين

بعد ماوصلو الفندق الشريف يتكلم مع الفكى ويقول شوفو ناس شطتى انت يازول ماعندك اهل الدنيا عيد امشى اهلك هكذا طرد

الفكى ابشنب ومرة قلت له قريبك الشريف صديق قبض مبلغ من الامير تركى بن عبدالعزيز وسافر من هنالك للندن وقال

لى ماكان ينزل ويقسم لينا منها كانت مبالغ قدمت من ال سعود لقيام جسم موازى للتجمع الوطنى الديمقراطى .

الكلس المرابط .. فقيري ..

تحياتي الوطنية ..

كلام في غاية الاهمية .. ونرجو من كل من لديه فكرة للمزيد من اضافة
لهذه الاحداث فليمدنا بها لو سمحتم .

Quote: هنالك الكثيرالمثير حول مبادرة الشريف زين العابدين والاجواء المحيطة بتلك الايام ارجو ان نتمكن من توثيق تلك الفترة الهامة ارجو من الاستاذ الشقيق محمد خير الزبير ان يتحفنا بتوثيق تلك الايام واحكى لك حدوتة عند زيارة الشريف للعقيد القذافى ووفد معه من الحرامية كان من ضمنهم واحد ظهر ايام المبادرة اسمو الفكى من مناطق شندى اثناء العشاء سال الفكى شطتى وين بعد ماوصلو الفندق الشريف يتكلم مع الفكى ويقول شوفو ناس شطتى انت يازول ماعندك اهل الدنيا عيد امشى اهلك هكذا طرد الفكى ابشنب ومرة قلت له قريبك الشريف صديق قبض مبلغ من الامير تركى بن عبدالعزيز وسافر من هنالك للندن وقال لى ماكان ينزل ويقسم لينا منها كانت مبالغ قدمت من ال سعود لقيام جسم موازى للتجمع الوطنى الديمقراطى .

***************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...

التحية للجميع ..

هذه المداخلة للاستاذ ود الحسين ..

حقيقة كلام يؤكد ما نقوله بأن الحوار في ذمة الله !
والشئ المؤسف مافي واحد من المشي الحوار ولامؤيد ليهو
عندو شجاعة يجي يوضح ولا يشارك في كلام المسؤلين نفسهم
عن الحوار !

Quote: ابدى قطبي المهدي في حواره مع صحيفة الصيحة اراء بما يمكن ‏إعتباره تقييمات سالبة للحوار و مخرجاته. و فيما يلي بعض ‏المقتطفات التي قلل فيها من مدار و مناقشات التي تمت داخل ‏الحوار. مما يفهم منه عدم التفاؤل لما يمكن ان يُفضي إليه الحوار.‏ ‏- الحوار لم يمضي خطوة للأمام ‏- معظم القضايا التي نوقشت توصلوا فيها لنفس الأراء المجمع ‏عليها منذ الاستقلال.‏ ‏- رغم الحوار وهذه المجهودات إلا انه إلى الآن لم توضع خارطة ‏طريق واضحة جدًا بأننا إلى أين نتجه التعليقات بالتفصيل: ‏( اعتقد بأن هنالك ارتباكاً في المشهد السياسي وعدم وضوح، وقد ‏تابعت الحوار الوطني كنت حريصاً في معرفة العقلية السياسية ‏السودانية في ظل هذا الوضع، و كيف تفكر في قضايا الوطن؟ وحتى ‏الأجندة الوطنية الملحة، ولكن لم أشعر بوجود إسهام حقيقي لأن ‏معظم القضايا التي نوقشت توصلوا فيها لنفس الأراء المجمع عليها ‏منذ الاستقلال،)‏ ‏( ..........الشخصيات السياسية التي لم تقدم شيئاً في الحوار سوى ‏حفظ الانطباع العام بأننا كسودانيين جلسنا مع بعض وتفاهمنا ‏واخترنا الحوار بديلاً للصراع هذا هو الإنجاز الوحيد ولكن لن ‏يمضي بنا خطوة إلى الأمام‎.(…..‎ ‏(...لا زالت هنالك أسئلة ملحة جداً حول العقلية السياسية والسودان ‏إلى أين؟ وهل لدينا رؤية للمستقبل؟ وهل لدينا إستراتيجية متفقة مع ‏هذه الرؤية؟ الآن مطروح هذا السؤال في الشارع العام، رغم الحوار ‏وهذه المجهودات إلا انه إلى الآن لم توضع خارطة طريق واضحة ‏جدًا بأننا إلى أين نتجه؟‎.(…..‎ ‏( .... عدم وجود إجابات سياسية قوية من الجميع، فالأحزاب ‏السياسية كلها لم تجب على الأسئلة الاستراتيجية، وحتى الحزب ‏الحاكم لم يستطع طمأنة المواطن بأن لديه رؤية سياسية تخرج به ‏إلى بر الأمان‎.(…..‎

الغوغائية وضوضاء الحوار !
يتحدثون مع انفسهم عن الحوار !
ويعظون ويوجهون الآخرين !

يذهبون بالخفاء لكي يوكدوا مايفعلونه
غيرطبيعي !! ياله من حوار !



***********
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ .

ضوضاء الحوار الكاذب !

هل يقبل مجرمي الحرب المطاردين دوليآ الحوار ؟
هلي يقبل اللصوص الذين نهبوا ثروات الشعب الحوار معه ؟
هل يقبل من اغتصب نساء السودان الحوار ؟
هل يقبل من تسبب في جميع الحروبات المسعورة في الوطن الحوار ؟

ولكي لاتنسوا هولاء من يحضرون للخوار النائمون الظالمون !





*********
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ .

ميما مبااارك عليك الشهر
نتيجة الحوار كانت شنو ؟

انا غايتوا ما محيرنى واجعنى زول غير قريمان
بعد الردحى الردحوا هنا دا مشا حاورن كييييف

وضوح سلمات .. مشتاقون .

Quote: انا غايتوا ما محيرنى واجعنى زول غير قريمان بعد الردحى الردحوا هنا دا مشا حاورن كييييف

العرجة لي مراحها اصبري علي يعني هو اسه مصدق في حوار
مع المفسدين تجار الدين ! بكرة بجوا راجعين وحا نضحكم عليهم
هههههههههههه .

لك الشكر يا منقة .

الحوار الجاد .
مقبرة الطغاة
ومقبرة مغتصبين النساء .
ومقبرة اللصوص ..
ومقبرة تجار الدين ,,
ومقبرة القتلة المجرمين .
وتسليمهم للعدالة .

هل سيوافقوا علي هذا ؟

هذه هو حوارهم ..

ك لاب امنهم يضربون اسر المعتقلين من الطلبة !

لاحوار مع مجرمي الحرب ..

القتلة اللصوص المغتصبين المفسدين .

ولا نامت اعين الكيزان الجبناء .

لاحوار مع الفسدين تجار الدين ..

من دعم فاسد فهو فاسد
من دعم مغتصب فهو مغتصب
من دعم لص فهو لص
من دعم مجرم فهو مجرم ..

والثورة مستمرة ولو اتوا بالجنجويد المرتزقة .

ولانامت اعين الكيزان الجبناء .

الحوار الحقيقي الان يدور في اديس ابابا بين المعارضة وامريكا
والكل ينتظر
وعلي المعارضة ان لا تستجيب للضغط مهما كان
فالامر تاريخي وعليها ان لا تحفر مقبرتها بيد امريكا

عليه الرحمة
لحق مشروع الجزيرة وسودانير والملاحة والاقطان والصمغ والقطارات والعقارات ووووو
العزاء في منزل المدعو كمال جوعار
وشعيب وجابر وآخرين
انا لله وانا اليه راجعون
الشفيع

التحية لك الكلس جادات ..

Quote: الحوار الحقيقي الان يدور في اديس ابابا بين المعارضة وامريكا والكل ينتظر وعلي المعارضة ان لا تستجيب للضغط مهما كان فالامر تاريخي وعليها ان لا تحفر مقبرتها بيد امريكا

المعارضة ما بنخاف عليها قايدنها الكلوس والاسود
وقبل كدا قعدت مع مجرمي الانقاذ واشترطت الحوار
وما افتكر تكون غيرت رايها الموضوع موضوع حلول
جذرية لكل المشاكل الاصبحت عايق لتقدم الوطن والمواطن
وهي الحريات وتبادل السلطة التي لم تجازف المعارضة
بالبتخلي عنها .

ولك الشكر يا صديق ..

الشفيع ود ابراهيم ..

كيفك يا كلس ووينك وين اراضيك ؟ وكل رمضان وانت بالف خير .

Quote: عليه الرحمة لحق مشروع الجزيرة وسودانير والملاحة والاقطان والصمغ والقطارات والعقارات ووووو العزاء في منزل المدعو كمال جوعار

ومشكور علي زيادة الموتي لحكومة الانقاذ !
وياها دي الجابتهم المؤذيين المجرميين ..

اللهم نسألك الخلاص العاجل .. وان تعجل بهم
وكل من افسد البلد باسمك .

من اجمل الكركتيرات .. واعظمها تعبيرآ
سلمت الايادي المبدعة .

رد دكتورة مريم الصادق علي الحوار ..

Quote: وفي ردها على سؤال حول مصير الملحق في حال رفضته الحكومة، قالت نائبة رئيس حزب الامة إن توقيع الحكومة على الملحق ليس مطلوباً، واعتبرت ان ما يهم هو لقاء الأطراف في أديس أبابا لمناقشة الترتيبات التي تسبق الحوار، وقطعت بأن الحكومة غير مكترثة لمشاركة الآخرين، واستندت على ذلك باعلان المؤتمر الوطني رفض مقترح المعارضة، وقالت (سارع الوطني بعقد اجتماعاته وتوجيه الهجوم والتجريم ووصم الرافضين بالإرهاب). وحملت مريم الصادق مجموعات لم تسمها داخل الوطني مسؤولية فشل الحوار الوطني، وقالت (المشكلة ليست في الحوار والمشكلة في أن هناك مجموعة مهيمنة وخائفة على مصالحها والملاحقات الجنائية والفساد والجرائم السياسية، لذلك يقفون ضد التغيير ويحاولون منعه). الجريدة

منقول .

الحوار الان حتى بين جماعة الانقاذ نفسها وصل مراحل متاخرة
هم الان مشغولين بما يحدث بينهم ومافاضين لحوار تانى
والايام الجايه فيها الكثير
ربنا يجعل كيدهم فى نحرهم
ويورينا فيهم كل المرارات التى سقونا اياه

ههههههههههههههههههههه بت عمسيب يعني ناس وفد المنافي خلاص الحين في بيت الحبس
والله قايتو تراجي الثوب الابيض لايق فيها بس الطيب قريمان البدله السوداء بتحتفظ بالحراره
هو حوار طرشان وبركة الاندفن في احمد شرفي مايودهو بري
مودتي
شــــــــــــــــــــــــطة

العزيز .. ود دهب ..

لك التحية والشكر .. والاضافة المقنعة ..

Quote: الحوار الان حتى بين جماعة الانقاذ نفسها وصل مراحل متاخرة هم الان مشغولين بما يحدث بينهم ومافاضين لحوار تانى والايام الجايه فيها الكثير ربنا يجعل كيدهم فى نحرهم ويورينا فيهم كل المرارات التى سقونا اياه

دا الحاصل .. وخير الكلام ما قل وادل .. واللهم استجب الدعاء ..

ودمت ..

حبيبنا .. شطة ..

لك التحية والتقدير .. ومشكور علي المرور ..

Quote: هو حوار طرشان وبركة الاندفن في احمد شرفي مايودهو بري مودتي

هههههههههه مشكور علي الشماتة .. والله الطرشان ممكن مرة يسمع
لكن امثال هولاء بقي عليهم طرش وعمي ! اها منتطرين لما يجوا براهم
يقولوا الفاتحة هههههههه .

ولك الشكر شطة ..

Up

هذا ،
و بما انه حوار بلا حدود ، حوار في انتظار كل الأطراف، حوار ناس الدنيا و الآخرة ،
حوار مستمر حتى قيام ساعة البلد، حوار يمثل الضلع الرابع لمثلث الفقر - الحرب - قل ما شئت،
اذن ف الأفضل تعديل تركيبة جماعة ( ٧ +٧ ) ، و ذلك بعد ضم كل الأسرى العائدين بمبادرة السائحون،
و الذين بالضرورة قد أضافوا بعدا جديدا للمشهد السياسي، و صاروا نواة للحزب الجديد ( حزب العائدين من الموت )

أحسن الله عزائكم بت عمسيب و نجيكم في السمحة ..

يا دكتور طراوة ياخي لي زمن بفتش ليكم ..

لكم وافر التحية والآشواق وللاسرة الجميلة ... يا حليل زمان وايام زمان .

Quote: أحسن الله عزائكم بت عمسيب و نجيكم في السمحة

البركة في السودان وشعبه .. وبركة الجابك لينا العزاء هههههههه .
بتمني نتلاقي في الافراح زي ما قلت ..

ولكم وافر الشوق جميعآ ..

هذا هو حال الذين ذهبوا يأكلون فضلآت الحوار،
ابت نفوسهم إلا أن تسترزقوا من مؤخرات الجُثث ...

هناك محاولات مستميتة من الغواصات لجر المعارضة الي خارطة الطريق الكيزانية
وعلي المعارضة ان تسميت في تحقيق اغراضها دون الالتفات للضغوط الدولية

التحية للمرور وكل عام وانتم بخير ..

ولي عودة ..

ما يدور في الجنوب الان جهاز امن البشير ضالع فيه
فكيف يفعل هذا الجهاز في المعارضة اذا وقعت علي خارطة الطريق ودخلت السودان ؟؟؟ !!!

سلام المرابط الكلس .. جادات ..

Quote: ما يدور في الجنوب الان جهاز امن البشير ضالع فيه فكيف يفعل هذا الجهاز في المعارضة اذا وقعت علي خارطة الطريق ودخلت السودان ؟؟؟ !!!

اكيد ضالع فيه وكل الارهاصات بتأكد اما الجماعة الجوا يسلفوا
ويتباكوا ديل عشان عارفين كل الجحيم دا من ولاتهم المفسدين .
والمعارضة ما بتوقع لانهم عارفين المجرمين واسالبهم الاجرامية ..

ولك الشكر يا جادات ..

التحية للجميع ..

يا شباب لو سمحتوا امسكوا معاي الحساب .
دا اغسطس وقرب للمنتصف .



في انتظار الحوار .

اليوم الموافق : 4 اغسطس 2016

فوق

لحين عودة

باذن الله

ود الباوقة سلام

(( لحين عودة ))

ولازم تركز اوعة تجعر لما تدينا الفاتحة .

يقام الدفن بمقابر الانقاذ ...

بت عمسيب سلام
شايف في وفود اتجهت لاديس ابابا لاحياء الميت

سلام المرابط جادات ..


هاك من الصباح القنبلة الموقودة دي !
الجريدة :
9 اشهر والمحصلة صفر كبير وكنا نعلم ذلك فحوار الوثبة ما هو
الا وسيلة لشراء المزيد من الوقت وفي النهاية توزيع مناصب سطحية
لاحزاب الفكة .. هؤلاء الانجاس ما اتوا لسلام ؛ متشبثون بالسلطة ولن
يقدموا اي تنازلات تخدم مصلحة الوطن وتؤكد حسن نيتهم بايجاد حلول
ومخرجات لازمة البلاد الطاحنة .. لقد حاولوا رفع العقوبات الامريكية
وقدموا تنازلات وخدمات لدولة اسرائيل من تحت الطاولة لتتوسط لهم
لامريكا حتي تطبيع العلاقات مع اسرائيل وجد رفضا في اسرائيل
واشترطت امريكا لتطبيع علاقاتها ورفع عقوباتها بعض التزامات من
نظام البشير الاخواني .. وتطالعنا الصحف الامريكية بالزام حكومة
الشياطين بدفع تعويضات لاهالي المدمرة يو إس كول كما تحركت
مجموعات من المحامين الامريكيين الذين قاموا برفع قضايا تعويضات
مشابهة في كل من ولاية فيرجينيا وولاية نيويورك لصالح جرحي
حادثة الباخرة كول وفي واشنطن دي سي لصالح ضحايا تفجير
السفارتين الامريكيتين في نيروبي ودار السلام .
الحوار شبع موووووووت .

ومشكور يا جادات ,,

ومازالت الحركة الشعبية تظن ان الحوار متواصل .. الا اذا كان سرا !
- حيث انها طلعت بيان تهدد فيه بتجميد الحوار ... ها ها ها

يا الكلس جادات .. لك التحية .

ومازالت الحركة الشعبية تظن ان الحوار متواصل .. الا اذا كان سرا
- حيث انها طلعت بيان تهدد فيه بتجميد الحوار ... ها ها ها
يا جادات انت عارف الحركة الشعبية دي صدقني الوحيدة
البتجيب أجل الحيكومة . قول لي كيف ؟
لانها متمسكة بالشروط الشبه تعجيزية وتعتبر المقبرة الجماعية
لعصابة الانقاذ . والذ شئ التدلل هههه تحرد وتطلع وتجي راجعة
بنفس الشروط ودا اجمل مافي حوار في ذمة الله هههههه .


ولك وافر الشكر ,,,,

فوق

لاحوار مع القتلة المغتصبين .
لاحوار مع المفسدين اللصوص .
لاحوار مع حثالة الشعب ..

يا سكان الحوش ..


انا ما فهمت اي شئ في الحوار ممكن تشرحوا لي
قالوا شنو والنقاط المهمة والتنفيذ متين ؟

انا فهمت انه في حكومة وفاق وطني ، ودي اذا صدقت حتكون كالتالي
الصادق المهدي رئيسا للوزارة
ويكلفه البشير بتشكيل وزارة خدمية مقرها مجلس الوزراء ولا علاقة لها بالقصر الا للموافقة على السياسات والقرارات
مبارك الفاضل للداخلية
الخارجية للاتحاد الديموقراطي الاصل
وزارة العمل للحزب الشيوعي
الزراعة للموقعين على اتفاق دارفور
الثروة الحيوانية والتخطيط الاجتماعي والاعلام والثقافة للاحزاب المسجلة
وتبقى اجهزة الامن وقيادة الجيش ووزارة المالية في يد المؤتمر الوطني
وعلى المعارضة ان تقدم حلولها لمشكلات السودان المستديمة وعندما تفشل يقدم البشير خطابا ضافيا للشعب يقول فيه ما قلت ليكم الناس ديل زي الجبنة السويسرية ... واكيد منى عمسيب عارفة يعني شنو الجبنة السويسرية اكثر مني
انا عرفتها بعد سالت وقالوا لي يعني كلها ثقوب.

سلام يا دكتور مطلب .. ومشكور علي المرور .


يعني جبنة سوسرية شدة الله ما اداك ؟ ههههههههه
ديل زي الجبنة السويسرية ... واكيد منى عمسيب عارفة يعني شنو الجبنة
السويسرية اكثر مني انا عرفتها بعد سالت وقالوا لي يعني كلها ثقوب.

يا دكتور انا جادة تصدق نفسي اعرف بس الزمن المحدد
عشان تاني ناس الزفة وابواق حوار البشتنة ما يقدو لينا
اضانا .

ولك الشكر ,,,

فوق

لاحوار مع الكضابين مجرمي الحرب .

الحوار الجاد مقبرتهم الجماعية .
فلاتحلموا بحوار وسلام .

ما أخذ بإنقلاب لا يسترد إلا بثورة شعبية سلاحها العصيان المدني Full Stop

حبابك الكلس عثمان حسن .. ومشكور علي المرور ..


وغدآ لناطره قريب .
ما أخذ بإنقلاب لا يسترد إلا بثورة شعبية سلاحها العصيان المدني
Full Stop

لاحوار بل عصيان .

خلاصة الحوار !!!


اعتقالات عمت القري والحضر !
تهديد اشباه رجال الانقاذ بالقوة ضد العزل !
افقار متقن للفقراء .

والحوار في ذمة الله .

هل لازلتم في انتظار الحوار ؟؟؟؟؟

لاحوار مع الجلادين مجرمي النظام ..

منقووول .

اليكم ايها البسطاء السذج الذين ما زلتم تلهثون وراء السراب !!

الحزب يرفض حل آلية (7+7).. 12-13-2016 01:07 PM
الخرطوم: جادالرب عبيد كشف القيادي بحزب الاتحادي الديمقراطي الأصل
وممثله في الحوار الوطني الزين العوض عن اجتماع لقيادات نافذة بالحزب
قرروا فيه رفع مذكرة يطالبون فيها بالانسحاب من المشاركة في الحكومة
والوقوف مع العصيان المدني. وقال الزين أمس، إن الحزب يرفض حل الآلية
التنسيقية للحوار الوطني، مشيراً إلى أن حل الآلية يعتبر تعدياً على الجمعية
العمومية للحوار، وأضاف: "كان يجب الرجوع للجمعية حتى يتم حل الآلية"،
وشدَّد على ضرورة أن يلتزم الحزب الحاكم بالشفافية والالتزام في تنفيذ مخرجات
الحوار الوطني. الصيحة

حوار الكضابين .


عصيان لكنس الانقاذ ومتحاوريناها الخونة !

الحوار في ذمة الله !



معآ لانقاذ الوطن من الذين اتوا لانقاذه !

تعالوا اقروا الكضب !!!

حجوة ام ضبيبينة !

حث المشير عمر البشير رئيس الجمهورية اليوم الإثنين مع
الدكتور علي الحاج الأمين العام لحزب المؤتمر الشعبي سبل إنفاذ
مخرجات الحوار الوطني وتحقيق السلام والتنمية . وقال الدكتور ..
علي الحاج في تصريحات صحافية عقب اللقاء إن مبادرته الخاصة
بالسلام وإيقاف الحرب تأتي في إطار الجهود المبذولة لتحقيق السلام
بالبلاد ودعم مخرجات الحوار الوطني . وقال إن اللقاء تطرق لعدد من
القضايا التي تشهدها الساحة السياسية معلنا مواصلة الجهود للاتصال
بالممانعين والحركات والقوى السياسية بالداخل والخارج للحاق بعملية
الحوار الوطني. سونا.

يا ناس العارف اخر اخبار الحوار شنو
ووصل لي وين ينورنا قبال ما ندخل في
معمعة رفع العقوبات .


وما اشبه اليوم بالبارحة !

ما أخذ بإنقلاب لا يسترد إلا بثورة شعبية سلاحها العصيان المدني Full Stop

التحية لك اخي العزيز ... عصمان . ولك الشكر .


بالضبط كدا السفاحين رجال الانقاذ ما بنفذوا مخرجات
الحوار لانه مقبرتهم الجماعية والبحصل عليهم اسوأ من
الحصل للقذافي عشان كدا بعد دا نفكر بالقوة لنسترد الوطن
وحقوقنا النهبوها وسرقوها .
ما أخذ بإنقلاب لا يسترد إلا بثورة شعبية سلاحها العصيان المدني
Full Stop

في انتظار تنفيذ مخرجات الحوار ..
نوصل الكضاب للباب .

مازلنا في الانتظار .

ونختص نقطة تبادل السلطة .

سلام يا وطن ..

هذا هو حوارهم !!!

الاحداث الجارية في السودان الان حتي هذه اللحظة
من اضرابات من قبل الاطباء واضطرابات في بعض
الجامعات ورفض اهلنا الجريفاب للظلم واستلاب حقوقهم
واكيد دي الما المشكلة ودا الشئ الطبيعي واكتر من طبيعي
المفروض يحصل لاسترداد الحقوق بل المشكلة فيما
قوبل به هذا الحراك المشروع من قبل الطبقة المثقفة
والواعية !! زي ما شايفيين سلسلة الاعتقالات للاطباء
وضرب التفشي لطلبة جامعة الخرطوم وغيرها وقتل
طالب جامعة السودان دي كلها بتأكد لاحوار مع هولاء
الفاشست الخونة اعداء الوطن والشعب ! فيجب علينا
الا ننتظر اقل من كدا بل المزيد من هذا السلوك الاسلامي
النازي ! فما علينا في هذه اللحظات الا الوقوف والدعم
بكل الوسائل لهولاء الشرارة التي بامكانها تتطور لكي
تبقي نار لاتنطفئ .

والنصر للحق والشعب ..

ودمت يا سوداني ...

ومازال حملت السلاح يتهافتون علي الحوار سرا وعلنا

جادات لك التحية الوطنية ..


ومازال حملت السلاح يتهافتون علي الحوار سرا وعلنا
وهذا لايعني الاتفاق مع الانقاذ بل احتمال كبير
لتوريطها في الحوار .. وسياسة وصل الكضاب
للباب .


ولك الشكر ,,,


للجميع :

اهذا هو بشري الحوار ؟
الوضع الراهن وفي هذه اللحظة تحديدآ من :
اضطرابات هنا وهناك . وزيادة الاسعار
وانخفاض العملة المحلية المريع ؟


فعلآ الحوار في ذمة الله .

شكرا يا زميلة

الحوار أكذوبة كبرى وقبل أن تجف حروف (مخرجاته) تجاوزت الحكومة كل ما كتب فيه عن الاصلاح الاقتصادي واحرجت المشاركين وسممت الاجواء بلجوءها للزيادات التي تعرف أن لا قبل لأحد من الشعب بها

وقبل أن ترى المخرجات النور لجأت الحكومة مرة اخرى لاعتقال الناشطين وتكميم الأفواه ومصادرة الصحف

الآن الدكتاتورية صوت وصورة وما على جماعة وفد المنافي سوى المغادرة

أحدهم قال ... صفرجــت ... فعلا صفرجت عليكم وفضحتكم

أحمد الشايقي

الزميل .. الشايقي لك التحايا ..


أحدهم قال ... صفرجــت ... فعلا صفرجت عليكم وفضحتكم
قال كدا لانه هو ذاتو مصفرج !


ولك الشكر ,,

ما يحدث من اعتقالات !
وتهديد من قبل السفاح الرئيس
وكلابه المسعورة نعتبره مخرجات
الحوار !!!!

حوار الوثبة من يوم إعلانه كان واضح إنه كذبة كبيرة...

الحوار ومن صوره المغلوبة !!!

قالوا حوار سلام ويترأسه مجرم حرب !!!!

هل يجوز الحوار مع قتلة لصوص لاعهد لهم ؟

هل يجوز حوار مع امثال هولاء ؟
اين المبأدي بانواعها ؟ اسلامية كانت ام غير ذلك ؟

لاحوار بل عصيان .. لكنس الخونة المفسدين النازيين !


http://store1.up-00.com/2016-11/1480251669161.jpghttp://store1.up-00.com/2016-11/1480251669161.jpg

منقووووووووووووووووول !

حلت اللجنة التنسيقية العليا للحوار الوطني في السودان هياكلها
بعد اجتماع في القصر الرئاسي، الإثنين. وأقرَّت تشكيل (لجنة متابعة
إنفاذ مخرجات الحوار)، ينتظر صدور مرسوم جمهوري بتشكيلها مع
توسعتها، بإضافة كيانات التحقت بالعملية مؤخراً. وقال عضو اللجنة
التنسيقية العليا للحوار تاج الدين نيام، إن الاجتماع الموسع الذي عقد
بحضور أطراف الحكومة والمعارضة في آلية (7+7)، أقرَّ حل اللجنة،
وتحولها إلى (لجنة متابعة تنفيذ مخرجات الحوار). شبكة الشروق

كاركاتير اهداء فقط للسذج والمجانيين .. الذين يثقون في مجرمي الحرب !!!

لو سمحتوا ايها القراء .. ركزوا في الكلام دا
عشان تتاكدوا نحن حاكمننا مساطيل ؟؟

منقول من الراكوبة .

قال النائب الأول لرئيس الجمهورية الفريق بكري حسن صالح
إن الحكومة ملتزمة بتنفيذ برنامج الإصلاح في المجالات السياسية
والاقتصادية والخدمية كافة وغيرها. ونوَّه إلى أن الإجراءات الاقتصادية
الأخيرة كانت من صميم توصيات الحوار الوطني. وخاطب صالح،
الثلاثاء، بالخرطوم، الورشة التدريبية لقيادات لجان الإصلاح بالولايات
التي نظمها ديوان الحكم الاتحادي بالتعاون مع مجلس الوزراء السوداني.
وأشار إلى أن برنامج إصلاح أجهزة الدولة هو نتاج برنامج الوثبة الذي
أعلنه رئيس الجمهورية في العام 2014م، والذي يهدف إلى إعادة ترتيب
ومراجعة المرحلة بعد انفصال الجنوب، وتداعيات الأحداث في المحيطين
الدولي والإقليمي، خاصة ما يسمى بالربيع العربي والتحولات الدولية.
وأكد صالح أن برنامج الإصلاح عملية مستمرة من خلال تشكيل الآليات
وعمل التوقيتات والمتابعة والرصد المباشر والتقارير، فضلاً على الزيارات
الميدانية المعلنة وغير المعلنة، حتى يحقق البرنامج أهدافه المنشودة. قدم السبق
"النائب الأول قال إن الإجراءات الاقتصادية الأخيرة كانت من صميم توصيات
الحوار الوطني التي تدعو إلى دعم القطاعات الإنتاجية ورفع سعر العملة لتكون
متساوية أو متقاربة مع السوق الموازي" ودعا إلى أهمية إعادة الخدمة إلى سيرتها
الأولى، خاصة وأن السودان رائد في بناء كثير من الدول من خلال ما ورثه أبناؤه
من تجربة تاريخية في هذا المجال منذ العهديْن المروي والسناري. وقال: "لدينا قدم
السبق على كثير من الدول في هذا المجال". وقال إن الإجراءات الاقتصادية
الأخيرة كانت من صميم توصيات الحوار الوطني التي تدعو إلى دعم القطاعات
الإنتاجية ورفع سعر العملة لتكون متساوية أو متقاربة مع السوق الموازي، فضلاً
عن رفع الدعم عن بعض السلع. وأشار إلى أن توصيات الحوار الوطني المصفوفة
الوطنية عبرت عن رأي الشعب السوداني، منوهاً إلى أنها تطبق الآن على أرض
الواقع، لافتاً إلى أن الحوار بشقيه السياسي والمجتمعي من نتاج خطاب الوثبة.
ودعا النائب الأول لرئيس الجمهورية الأمناء العامين والمديرين العامين بالولايات إلى
ضرورة توحيد آليات العمل، والعمل بجدية في تحقيق مطلوبات إصلاح أجهزة الدولة،
حتى تتحقق التنمية والخدمات للمواطنين. شبكة الشروق

لاحوار مع الجهلاء اللصوص الخونة .
فقط عصيان لكنسهم ..

عصيان حتي الكنس .

تصدقوا كتبت لي منقول ما عارفاه طفش وين !
كدي النفتشه تاني .

منقوووول .

للسذج والبسطاء الذين ما زالوا في انتظار حوار السراب .

الحزب يرفض حل آلية (7+7).. 12-13-2016 01:07 PM الخرطوم:
جادالرب عبيد كشف القيادي بحزب الاتحادي الديمقراطي الأصل
وممثله في الحوار الوطني الزين العوض عن اجتماع لقيادات نافذة
بالحزب قرروا فيه رفع مذكرة يطالبون فيها بالانسحاب من المشاركة
في الحكومة والوقوف مع العصيان المدني. وقال الزين أمس، إن الحزب
يرفض حل الآلية التنسيقية للحوار الوطني، مشيراً إلى أن حل الآلية
يعتبر تعدياً على الجمعية العمومية للحوار، وأضاف: "كان يجب الرجوع
للجمعية حتى يتم حل الآلية"، وشدَّد على ضرورة أن يلتزم الحزب الحاكم
بالشفافية والالتزام في تنفيذ مخرجات الحوار الوطني. الصيحة

لاحوار مع الخونة اعداء الشعب والوطن .


المحاسبة واجب وطني ولا تنازل منه .

Quote: لاحوار مع الخونة اعداء الشعب والوطن . المحاسبة واجب وطني ولا تنازل منه .

عارف لك التحية ..

وما زلنا بنوه للذين ما زالوا تحت تخدير ما يسمي بالحوار
الكاذب لتفويقهم من غيبوبتهم ! التي سوف تستمر طويلآ !!

مقتطفات من اخر التطورات للحوار !! هذه هي الفوضي !
وطالب النائب مبارك النور في تصريحات صحفية أمس،
القوى السياسية بالبرلمان بإسقاط التعديلات حتى يفهم المؤتمر
الوطني الدرس، واكد استقطاب 100 نائب من بينهم نواب بالحزب
الحاكم لتنفيذ تلك الخطوة، وتوقع عدم اجازة التعديلات لعدم اكتمال
النصاب. وقال النور ان مخرجات الحوار الوطني لم تحقق السلام
وستتسبب في مزيد من الترهل في الوظائف والانفاق الحكومي
والضغط على المواطن. الجريدة

التحية للجميع ..

قالوا الحوار طلع ماسورة زي الماركة السلفية بالمنبر !!!

فوق

تعالوا اقروا الكضب !!!حجوة ام ضبيبينة !


حث المشير عمر البشير رئيس الجمهورية اليوم الإثنين مع الدكتور علي الحاج الأمين العام لحزب المؤتمر الشعبي سبل إنفاذ مخرجات الحوار الوطني وتحقيق السلام والتنمية . وقال الدكتور ..علي الحاج في تصريحات صحافية عقب اللقاء إن مبادرته الخاصة بالسلام وإيقاف الحرب تأتي في إطار الجهود المبذولة لتحقيق السلام بالبلاد ودعم مخرجات الحوار الوطني . وقال إن اللقاء تطرق لعدد من القضايا التي تشهدها الساحة السياسية معلنا مواصلة الجهود للاتصال بالممانعين والحركات والقوى السياسية بالداخل والخارج للحاق بعملية الحوار الوطني. سونا.

بعد ان فرح المفسدين وحلفائهم برفع العقوبات !
ماذا عن الحوار الذي يعتبر من شرط من اشتراط
رفع العقوبات ؟

هل تستجيب حكومة عدم الكلمة في التعاون مع
كل الجهات المنادية بتقدم الحوار واستخراجه
بالصورة المرضية للجميع ولا سوف تلف وتدور
كعادتها ليتم حظرها تاني ؟

اليكم آخر تطورات كذبات الحوار !


وما اشبه اليوم بالبارحة !
وما بين الحوار ورفع العقوبات !



والمثل بقول :
الما بسمع ياكل لما يقنع .

آخر التطورات !

* الخرطوم : ناهد ـ أسماء وصف نائب رئيس مجلس الوزراء الناطق الرسمى باسم الحكومة، أحمد بلال، الحديث عن أن توصيات الحوار الوطنى حبيسة الادراج* بغير الصحيح، وقال: قطعنا شوطاً كبيراً في تنفيذ التوصيات، وتوقع بلال خلال المنبر الأسبوعى الذي تنظمه وزارة الإعلام أن تشهد البلاد استقراراً سياسياً* وانفتاح فى العلاقات لم تشهده من قبل، وأكد بلال أن ما تم من اتفاق مع الإدارة الأمريكية ليس انبطاحاً وإنما تفاهم سياسي، وقال :إن الحكومة تتوقع كل الاحتمالات سواء رفع كامل أم لا. . آخر لحظة.

حالتك تحنن

ليگم، منى، أماسي رابحات
و بكل خير نافحات. كنت كتبت
منشوراً بأحد القروبات بعنوان :/
"مخرجات الحمار الوطني"و لا يزال
بحثي عنه جارياً على قدم و ساق ومتى ما
عثرت عليه ، فسوف أوافيگ بنصه گاملاً.
***********(((+++)))************
هذا المنشور خانته الصحيحة مفروض
في الآراء. و لكن قصدنا به مبنركم العام
نظراً إلى طبيعة مضمونه الحوارية بامتياز.
فقبيل بدء احتفالية المُخْرَجَات في اليوم داك، قمت
اتصلت ليك على ناس شرطة مكافحة ناس تُلُّبْ وكدي،
على (999) ، قلت ليهم: في (حرامي) هنا، جا ناطي لينا في
بيتنا.. قالوا لي : أوعك يا زول هوي ،و بطل كضب، الليلة بالذات،
مردة الحرامية كولهم بهنا عاملين اجتماعات في بطن الساحة
الخدرا. قلتا لو : والله تعجبني فيكم صراحتكم ياخي؛ بس،
إن شاء الله يفضلو هناك كدا ، مقرنين في الأصفاد،
إلى أن يرث الله أرضه و من عليها؟!)
🐸🐸🐸🐸👏👌 😂😂😂😂😂😂😂😂😂
شعارهم للمرحلة الجاية يقول:
@ باسم الحومار الوتني(الجاري) ،على
قدمٍ و ساقٍ دعونا ، منذ الآن فصاعداً، ننسي،
و نقلب صفحة اخطاء الماضي ؛عشان نعرف
نبتدئ نرتكب خطاء جديدة تكون فرش ، وكدي.
أها بالله موش (حكمة و الله و حكاية؟!)