Caught on camera: Taxi driver confronts Uber driver in Toronto

10:31 PM Dec, 10 2015

سودانيز اون لاين
يحي قباني-فى الدنيا العجيبة
مكتبتى
رابط مختصر

ود المدير ... بعلم الوصول ...

سلام يا يحيى

الزول دا أكيد عندو عرق في الجعليين.

Quote: سلام يا يحيى الزول دا أكيد عندو عرق في الجعليين

أبو الريش يا حبيب ...

قطع الارزاق حار يا صديقي ...

ناي الأوبر جننوا اسياد التكاسي جن ...

اين انت يا ود المدير ...
فلتلو بدلوك في هذا الأمر ...

الهندي همجي جدا .. اسلوب الغابة
عرض حياتو لخطر كبير .. عشان كم روبيه !

والا رايك شنو يا مستر قباني؟

تحياتى يا قبانى

حتى ولو كان تطبيق النظام الجديد الذى يتحدث عنه هذا السائق الهائج الا ان تعامله مع
مع الازمة اقل ما يمكن ان يقال عنه انه : Rough وكان بامكانه ان يعبر بطريقة اخرى
اكثر قبولا لدى الشارع والمجتمع الذى يعيش فيه .

Quote: تحياتى يا قبانى حتى ولو كان تطبيق النظام الجديد الذى يتحدث عنه هذا السائق الهائج الا ان تعامله مع مع الازمة اقل ما يمكن ان يقال عنه انه : Rough وكان بامكانه ان يعبر بطريقة اخرى اكثر قبولا لدى الشارع والمجتمع الذى يعيش فيه .

ما في شك يا علاء ...

و للعلم موضوع الاوبر ده خفف على الناس الانتظار و خفف الأسعار كمان ...

لكن أصحاب التكاسي بعد ما لوحاتهم كانت تسوى 300 الف دولار للوحة الواحدة في تورنتو ... نزل سعرها للربع تقريباً ...

موت و خراب ديار يعني ...ههه

سلام ياقباني
التاكسى مؤسسة وسخة جدا وينتفع منها أفراد قلائل من الذين راكموا الميداليات بطريقة غير مشروعة

منذ خمسينات القرن الماضى بواسطة بروقرطيين مفسدين في بلديات المدن الكندية والأمريكية

الزول ألفي الفيديو كاذب لأن اوبر له تأمين يصل إلى خمسة ملايين على الركاب بينما تأمين التاكسى يصل مليونين فقط

اوبر أصبح مرغوب من الجمهور لأنه ارخص وأفضل وانظف ولذلك جون توري عمدة تورونتو مضطر لعدم التدخل لإيقاف خدمات

أوبر اكس


سوف تقوم بلدية تورنتو بوضع ضوابط لاوبر في الربيع القادم وإنهاء الفساد الذي ظل ينخر في قطاع التاكسى مرة وإلى الأبد

كذلك تقوم اوبر بالتنسيق مع شركة انتاكت فينانشيال لعمل تأمين السواقين اوبر والذين لا تأمين عليهم بعد بعكس الركاب

Quote: سلام ياقباني التاكسى مؤسسة وسخة جدا وينتفع منها أفراد قلائل من الذين راكموا الميداليات بطريقة غير مشروعة منذ خمسينات القرن الماضى بواسطة بروقرطيين مفسدين في بلديات المدن الكندية والأمريكية الزول ألفي الفيديو كاذب لأن اوبر له تأمين يصل إلى خمسة ملايين على الركاب بينما تأمين التاكسى يصل مليونين فقط اوبر أصبح مرغوب من الجمهور لأنه ارخص وأفضل وانظف ولذلك جون توري عمدة تورونتو مضطر لعدم التدخل لإيقاف خدمات أوبر اكس سوف تقوم بلدية تورنتو بوضع ضوابط لاوبر في الربيع القادم وإنهاء الفساد الذي ظل ينخر في قطاع التاكسى مرة وإلى الأبد كذلك تقوم اوبر بالتنسيق مع شركة انتاكت فينانشيال لعمل تأمين السواقين اوبر والذين لا تأمين عليهم بعد بعكس الركاب

كيف مؤسسة وسخة جداً يا طلعت ؟

مش تعميمك ده بظلم ناس كتيرة و لا رأيك شنو ؟

في كمية من السودانيين عندهم لوحات حقتهم و شغالين بما يرضي ضمائرهم و حقيقة الشغل ما ساهل و مليان مخاطر ...

و كمان في ناس عملت ملايين من بيع البليتات و تسخير السواقيين ...

غايته المسألة عويصة ... أتمنى انها تنتهي بسلام ...

Quote: الهندي همجي جدا .. اسلوب الغابة عرض حياتو لخطر كبير .. عشان كم روبيه !

الموضوع ما الهندي و لا الروبية يا بوي ...

الموضوع يا شاب يا ظريف انو دخول الحاجة الاسمها الأُوبر دي السوق ...

وهم أصحاب عربيات ملاكي ساكت ... و عن طريق تطبيق في التلفون بتجيهم مكالمات لتوصيل الزباين وزاحموا ناس التكاسي الدافعين تأميناتهم و المشترين لوحاتهم بأغلى الأسعار ...

اما تصرف الهندي ( اللي هو ما أساس البوست ) .. فجايز من خوفة قبض في العربية لغاية ما التاني يقيف ...

بعدين القصة دولار ما روبية ... :) انت قريت في الهند ولا شنو .؟

Quote: يا بوي ..

Quote: يا شاب يا ظريف

Quote: انت قريت في الهند ولا شنو

ياخي دي قطامه حامضه خالص خالص

Quote: ياخي دي قطامه حامضه خالص خالص

محمد معانا ما تغشانا ...!!

يا زول قول بسم الله ... في شنو الكلام ده كله ؟

حيدر قطامة ... :)

سلام يا يحى
عفوا حينما كتبت ان مؤسسة التاكسى فاسدة ومتعفنة لم اقصد ممن يمكتلك بليت واحد او سائقى التاكسى
بل قصدت مافية التاكسى ما ادراك ما مافيا التاكسى فقط اقرا المقال ادناه فى القولب اند ميل:
http://www.theglobeandmail.com/globe-drive/adventure/red-line/how-uber-is-ending-the-dirty-dealings-behind-torontos-cab-business/article25515301/

السودانيين او غيرهم ممن يمتلك ميدالية او (بليت) كان قد اضطر لشراء البليت بمبلغ 200 الف دولار وربما ازيد او اقل حسب المدينة
مع ان الميدالية من ممتلكات البلدية!
it is the property of the city
فكيف امكن لافراد مراكمة عدد كبير منها وتوريثها لابنائهم!!!
ده زى ما تكون داير رخصة لفتح دكان ولكنك مجبر لشراء تلك الرخصة من وسيط وليس من البلدية!
انا بتكلم عن تجربة وقد اضطررت للعمل فى التاكسى حينما قدمت الى كندا فى التسعينات حتى اتمكن من مقابلة التزامات مالية متعددة
وطوال عملى كتكاسى لسنوات كنت اعمل 12 ساعة فى اليوم سبعة ايام فى الاسبوع اضطر فيها لدفع 60 دولار يوميا ايجار اضافة الى البنزين ونضافة العربية
يعنى بالعربى كدة ابدأ يومى ب- 100 دولار اعمل لخمسة ساعات متواصلة لتحصيلها اولا
اليس ذلك نوع من السخرة التى لم تحدث الا فى الاقطاع؟
اصحاب البليتات راكموا ثروات ضخمة ومعظمهم لا يقيم حتى فى كندا بل فى فلوريدا والهند وغيرها
ثم ان اوبر تجربة اصبحت محبوبة بل تكاد تكون ثقافة جدبدة للكنديين ادمنوها
انا فى النهاية لست ضد التكاسى واتمنى ان يستطيع اصحاب البليتات الواحدة ان ياكوا عيش حلال
ولكن ما فيا التكاسى تريد احتكار الحدمات دون وجه حق
اوبر يعبر عن المستقبل ومن الافضل للتاكسى التطور فى منافسته لاوبر بدل محاولات لوبى اعضاء مجلس المدينة المنتخبين
والا سوف ينقرض
لاوبر اب ساحر جدا وشفاف واقل تكلفة ويمكنك معرفة متى سيحضر الاوبر الذى طلبته لانك تستطيع رؤيته قادما اليك فى هاتفك السمارت
وليس بينكما وسيط نتيجة للعمل المشترك والتعاون بين قوقل واوبر!
كذلك فإن اوبر امن جدا وليس هناك تبادل للنقود لان الدفع يتم بكارت التسليف الكترونيا

حينما كنت اعمل فى التاكسى كنت مضطر للنهوض فى الثالثة صباحا لابدأ عملى فى الرابعة
عمليا كنت اشتغل حوالى عشرة ساعات ( لاتستطيع استغلال ال12 ساعة التى تدفع لها لانك تحتاج لبريكين على الاقل للاكل واشياء اخرى اضافة الى انك لا تأخذ مشوار بعد الثالثة ظهرا خوفا من التأخر على تسليم سائق الليل السيارة بعد الرابعة)
يعنى نصف دخلى كنت بدفعه لزول قاعد فى اسرائيل او الهند مثلا!
هو بدفع منه 20 فى المائة تكاليف والباقى بروح لجيبه!
بينما اوبر بياخد 25 فى المائة فقط من دخلك مقابل خدماته
ولذلك بدأ العديد من سائقى التاكسى المغلوب على امرهم من الانتقال لاوبر حيث يكون غير مجبر على العمل 12 ساعة بل فقط ساعات الذروة.
فما رأيك اليس ذلك اعدل للفقراء خاصة المهاجرين من امثالنا
عموما انا اعمل فى وظيفة حكومية نذ وقت طويل ولكننى لا اود ان ارى استغلال مماثل للمهاجرين الكادحين.

الاوبر اكس يا طلعت تسعيرتو قليلة جدا و ما ممكن زول يفتح بيت بالعمل عليه.
و اوبر ايضا مثل غيرها تستغل السائقين
تحياتي يا يحي و الجميع

تحياتي يا سيف
أنا بعرف سواق أوبر في تورنتو بعمل ألف دولار أسبوعيا في المتوسط لأنه متفرغ
كذلك هناك ما يعرف بالسيرج وهو ارتفاع الأجرة حينما يزداد الطلب
وده كلو بيعوضهم كثير

عموما يا سيف أجرة أوبرا حوالي 70 في المائة من التاكسى
الثلاثين بالمائة هي بالضبط ما كان يذهب للطفيليين الذين يمتلكون عدد من الميداليات
بدون وجه حق سوى فساد البيروقراطي في البلدية
هي تعود الآن لجيب المواطن دون أن تؤثر على دخل السواق
الأب ذكي جدا لأنه يضاعف الأجرة وقت الذروة

اولا سواق التاكسي الهندي ده شفقان ليه؟ يعني عاوز يقطع
رزق سواقين الاوبر Uber بالقوة...وما بيعرف ان الارزاق قسم
وبعدين مدينة تورونتو مدينة كبيرة وضخمة زي مدينة نيويورك
وكل سواق بيلقى رزقو..
وهناىفي نيويورك يوم واحد ما شفنا شكلة بين سواقين الاوبر والتاكسي
الاصفر..
وثانيا بصفتي زبونة لتاكسي الاوبر ممكن اوريكم ليه الناس بتفضل الاوبر
على التاكسي الاصفر....ونحن طلاب وطالبات الجامعة خلينا حكاية تكسي
اصفر نهائيا للاسباب التالية:~
~زمان كنا بنقيف في الشارع لوقت طويل جدا عشان نلقى التاكسي الاصفر
ومرات نقيف في المطر والبرد الشديد....واحتمال بعد ما السواق يقيف ويعرف
العنوان الماشه ليهو يرفض ويتحجج باية حجة وننتظر تاني..
~ سواق الاوبر بجينا قدام الباب وفي اقل من خمسة دقائق
~سواقين التاكسي الاصفر بيلعبوا في العدادات البتحسب تسعيرة
المسافة والراكب. يضطر يدفع مضاعف...والجرائد بتكتب دائما عن
هذا التلاعب..
~تسعيرة الاوبر معقولة جدا ..واذا السواق وجد راكب اخر في طريقه
وماشي نفس الاتجاه فالركاب يتقاسموا الاجرة...فمثلا بدل ما تدفع
٣٠ دولار للمشوار ممكن تدفع ١٠ دولار...اذا ماشين المطار او اي جهة اخرى
~وعشان كده السواق الهندي ده ما عنده موضوع وبدل ما يعر ض حياته للخطر
عشان الحسادة والغيرة من سواقين الاوبر...كان احسن ليه هو كمان يسوق الاوبر(وجه ضاحك)
~ سيارات الاوبر مريحة لانها زي الليموزين وسيارات التاكسي الاصفر ضيقة ...
اها كيف في الايجابيات دي..مش عندنا حق نركب تكسي الاوبر؟؟!!
ودمتم بالف خير

Quote: اولا سواق التاكسي الهندي ده شفقان ليه؟ يعني عاوز يقطع رزق سواقين الاوبر Uber بالقوة...وما بيعرف ان الارزاق قسم وبعدين مدينة تورونتو مدينة كبيرة وضخمة زي مدينة نيويورك وكل سواق بيلقى رزقو..

بسمات يا بتنا ...

هو لو بفهم قصة ارزاق دي ما كان عمل كده ...

و هو داير كان يوري مقدمة البرنامج انو ناس الاوبر بجو مناطقهم ...

و سواق الاوبر ما داير يقيف قام جرى و اخينا ده قام يقابض بس ...

الاوبر و السبيدي بس دايرة تنظيم و كوتات ...

اتخيلي انو سيد التاكسي ده راس ماله اللوحة حقته دي ...

لما سعرها ينزل من 300 الف دولار ل 70 الف مش خراب بيوت ؟

Quote: الاوبر اكس يا طلعت تسعيرتو قليلة جدا و ما ممكن زول يفتح بيت بالعمل عليه. و اوبر ايضا مثل غيرها تستغل السائقين تحياتي يا يحي و الجميع

سلامات يا دكتور ...

زي ما قال ليك طلعت في و في ... على حسب وين و متين شغلك ...

Quote: ولذلك بدأ العديد من سائقى التاكسى المغلوب على امرهم من الانتقال لاوبر حيث يكون غير مجبر على العمل 12 ساعة بل فقط ساعات الذروة. فما رأيك اليس ذلك اعدل للفقراء خاصة المهاجرين من امثالنا عموما انا اعمل فى وظيفة حكومية نذ وقت طويل ولكننى لا اود ان ارى استغلال مماثل للمهاجرين الكادحين.

الرأسمالية يا طلعت لا ترحم ...

بالتأكيد اعدل للمهاجرين و المحتاجين ...

لكن أصحاب العمل و التجارة بنظروا لأرباحهم و لا شيء سواها ...

نحييك يا قباني على اسلوبك الراقي المتحضر
وبالتالي لا غرابة انك شايف انو سلوك المهاجر الهندي سلوك عادي وما مفروض الناس تتوقف فيه
المدهش فصلك بين "موضوع البوست الاساسي" وهو عملية "تصدي التكاسي" وكلامي عن اسلوبه في التصدي "الشبطة"

Quote: اما تصرف الهندي ( اللي هو ما أساس البوست )

كيف الكلام ده وعنوان بوستك بقول: سائق تاكسي "يتصدى" لسائق أُوبر في تورينتو؟!!

أما ذكر روبيه بدلا عن دولار مقترنة بسلوك الهندي فشكلي اديت ذكاءك اكبر من حجمه!

طبعا الفهم قسم ولا يكلف الله نفساً الا وسعها - ودمت على رقيك

Quote: "يتصدى

دي ترجمة confronts يعني ؟

قوقل جابها ليك كده ؟ و بعداك قمت انت سميتها ( شبطه ) ؟؟

عجيب ...

لكن برضك اوف بوينت يا بُلبل ...

الموضوع ياهو البنتناقش فوقه انا و عمك طلعت و عمك د. سيف ...

Quote: لكن برضك اوف بوينت يا بُلبل ...

Quote: قوقل جابها ليك كده ؟ و بعداك قمت انت سميتها ( شبطه ) ؟؟

يا بني آدم أقرا الكلام كويس وافهمو!

فظاظتك يا قباني محبطة على عدة اصعدة
1. انك زول كبير وما ولد صغير ما شاف حاجة
2. زول اتيحت ليه فرصة يتعلم ويصل المستوى الجامعي
3. سافرت واتغربت وعشت في دول متحضرة لكن ما استفدت حاجة في اطار التهذيب والذوق

فتك بعافية

Quote: اين انت يا ود المدير ... فلتلو بدلوك في هذا الأمر ...

سلآمات يا قباني،
يا زول جرينا بقى كتير خلآس .

زي ما قالك طلعت الطيّب يا قباني أصحاب الشركات ديل مصاصين دماء، ومسألة تجميد الميداليات
من جانب (السيتي) اظهرت جشع بلا حدود في وسط التكسي وظاهر جداً في سعر المدالية الوصل
لمئات من الدولارآت في الوكت اللفيهو هي منحة من (السيتي) . اضف إلي ذلك التكاسي المسكين
دا بيدفع اقلّ شي 1800 $ لصاحب الشركة دا في حالة يكون سايق 12 ساعة بس، زيد علي ذلك
اقلّ شي 600$ للبنزين دا غير نضافة العربية . اصحاب الشركات اصبحو مليارديرات ؤ مسألة
أُوبر دي ما فارقة معاهم، بالنسبة للهندي دا يبدو إنو صاحب ميدالية، وأصحاب الميداليات الأفراد
هم المتضررين وفي نفس الوقت بيمارسو ضغوط علي الناس السايقين معاهم واضعين في الإعتبار
سعر المدالية وفيهم المشتري والماخدا منحة من (السيتي) سواء كان عن طريق قرعة أو غيرها .
يبقى المتضرر الأساسي هو السواق المستأجر، وقد يكون صاحب العربية البيضاء اللِشعلق فيها
الهندي كان أحد المستأجرين ؤُ ديل يرون في أُوبر الإنعتاق من قيد العبودية .
التكسي اصبح نظام إستعماري وإستعبادي سيئ جداً يا قباني بعد قرار (السيتي) بتجميد الميدالية
سواء كان من جانب اصحاب الشركات أو أصحاب المداليات لأنو صاحب المدالية زاتو ممكن
يتحكم في سعر الإيجار، أضف إلي ذلك قرار التجميد خلق نُدرة وشُح في عدد العربات واصبح
إنت كمستأجر لا تجد الفرصة حتي عشان تاخد إجازة ولو لمدة إسبوع، لأنك إذا حاولت تمشي
إجازة ستفقد وظيفتك بكل سهولة عكس أُوبر .
عموماً أُوبر ليها مزايا كتيرة جداً تجعلها تتفوق علي التكسي وفي اعتقادي المستقبل لها .
قول للهندي دا بطّل الجقلبة البتسوي فيها دي ...

Quote: فظاظتك يا قباني محبطة على عدة اصعدة 1. انك زول كبير وما ولد صغير ما شاف حاجة 2. زول اتيحت ليه فرصة يتعلم ويصل المستوى الجامعي 3. سافرت واتغربت وعشت في دول متحضرة لكن ما استفدت حاجة في اطار التهذيب والذوق فتك بعافية

وانت لما جيت تتخفف و تقول لي ( يا مستر قباني ) كنت قدرك الوكت داك؟

ما احترمت نفسك من الأول ليه و جاي تتقندف ...

اديك النصيحة ... انت زول ملان أشياء ما جميلة جواك ... و انت عارف و انا عارف ...

خليك في مكانك و اختاني عشان ترتاح من فظاظتي ...

التهذيب يا ولد لما علموهوا لينا كبارنا انت لسة ما جيت الدنيا ...

و فتك بي عافية دي زاتها انا كايس ليها من اول البوست انت ما فهمتها الا متأخر ... مشكلتك ... ما حاجيب ورقة و قلم و ادرسك ...

Quote: محمد معانا ما تغشانا ...!!

معانا كلنا ..شئ طبيعي انك تكون شايف ردك علي الراحل حليم وحكيم ووديع
انا شايفو غليظ وفظ وغير حكيم بالمره ...زعلان من شوفي ليه ,,اجاملك يعني!!!
في ردك عليهو تسببت بي (مستر قباني)يعني انا ما افتريت عليك انت فعلاً اتقاطمتا
عليهو..واذا ياهو ده سببك فالراجل معاهو حق يفوتك بعافيه او بدونا ...
وفي النهايه عاوز تطلعو ما فاهم البوست بتحدث عن شنو من اساسو..كلوووو ده
فوق كم وعشان شنو يعني ..انت فتحت موضوع ميت والراجل رد عليك بكل ادب
واحترام كونو انو قال كلمه ما عجبتك ده مابستدعي انك تقهمو بالصوره الفظه دي
والعذر صراحه اقبح من الذنب .....

Quote: معانا كلنا ..شئ طبيعي انك تكون شايف ردك علي الراحل حليم وحكيم ووديع انا شايفو غليظ وفظ وغير حكيم بالمره ...زعلان من شوفي ليه ,,اجاملك يعني!!! في ردك عليهو تسببت بي (مستر قباني)يعني انا ما افتريت عليك انت فعلاً اتقاطمتا عليهو..واذا ياهو ده سببك فالراجل معاهو حق يفوتك بعافيه او بدونا ... وفي النهايه عاوز تطلعو ما فاهم البوست بتحدث عن شنو من اساسو..كلوووو ده فوق كم وعشان شنو يعني ..انت فتحت موضوع ميت والراجل رد عليك بكل ادب واحترام كونو انو قال كلمه ما عجبتك ده مابستدعي انك تقهمو بالصوره الفظه دي والعذر صراحه اقبح من الذنب .....

يا زول عوجة مافي تب و كتر خيرك علي التوجيه ...

فهمي للموضوع إنه قباني ما عاوز يتعرض لسلوك الهندي وبحاول يسوق البوست بعيداً عن إدانة الهندي بي حرفنة
في سبيل تلطيف الجو على صد أيمن استخدم طرفة انت قريت في الهندي ولا شنو ومعاها رمز الابتسامة :)

أبو القاسم اقتبس أشكال مخاطبة عادية يا بوي ويا شاب يا ظريف وختاها مع انت قريت في الهند لكن نسى يجيب معاها ابتسامتها .. وقال دي قطامة

قباني اندهش من فهم كلامه وقال كلمة الدهشة المشهورة عندنا (محمد معانا ما تغشانا) ولأنها كلمة حبوبات فالناس بتستخدمها بي ظرافة وللتأكيد أضاف ليها حيدر قطامة :)

رد أيمن على كلام قباني كان إيضاح لماذا قال ما حاول تلافيه قباني وهو مداخلة منطقية جداً لولا أنه اختتمها بعبارة مستفزة للغاية (طبعا الفهم قسم ولا يكلف الله نفساً الا وسعها - ودمت على رقيك )

مداخلة قباني البعدها كانت منطقية حول إيضاح أصل الموضوع لكن بدأها بالرد على الاستفزاز باستفزاز مثله وسخرية من المستعينين بقوقل اللي فعلاً بجيب معناها تصدي .. يعني نحن الناطقين بغيرها ديل يا قباني ما نتكلم معاكم ولا كيف !

رد أيمن بعدها كان فيه رباطة جأش وتأكيد على إنه ما الوحيد الفهم الموضوع غلط واجتهد في الصور لكن ما نسى يلصق استفزاز برضو

أردفها بمداخلة أخرى كإعلان حرب حينما اتهم قباني في ذوقه وتهذيبه

قباني نعل أبو خاشها وقال ليه في ستين واختاني وتاني ما داير اشوفك


نهايتو :
يا أيمن محمود
عمك قباني راجل طيب وحبوب وصدقني لو كنت قلت ليه أنا زعلان كان حيعتذر ليك فوريا ويتدردق ليك في الواطة عشان تسامحو

يا قباني بطل الكسل واستخدم الوش الاخدر البتعرفو الناس لأنه بلطف الأجواء سريع بدل استخدام الرمز :)


ثم أما بعد
قلت لي الأوبر والتاكسي مالهم ؟

عزيزي الفاضل احمد محمد عمر
ياخي انت زول سمح بالجد...وانت معزوم فنجان جبنة في اللمة السمحة عند
ود الفاضلاب...
وانا بجزم انت تكون في احدى سفرياتك مريت بعطبرة او زرت اصحاب ليك في عطبرة
وشربت من موية الاتبراوي...ومع انه مويته عكرانة زي ما بيقول طلحة لكن الموية دي بتسقيك
كل الحنان وكل المودة وكل شئ جميل...وما اظنك انت بتزعل زول ولا بتزعل من زول بهين..
وديل صفات العطبراويين..
ودمت بالف خير وصحة وعافية

Quote: فهمي للموضوع إنه قباني ما عاوز يتعرض لسلوك الهندي وبحاول يسوق البوست بعيداً عن إدانة الهندي بي حرفنة

ياخ انت وين من زمان يابو حميد ؟

بعدين وحياتك الوش الاخدر ده ما بعرف بسوهوا كيف ... :)

Quote: عمك قباني راجل طيب وحبوب وصدقني لو كنت قلت ليه أنا زعلان كان حيعتذر ليك فوريا ويتدردق ليك في الواطة عشان تسامحو

والله الذي لا اله الا هو يا أحمد انت ما بتعرف مستر قباني كويس!

يا أيمن قول لا إله إلا الله
نحن في المنبر دة بنتعامل مع حروف بتتكتب هناالمعرفة خارج المنبر المفروض الناس تتعامل معاها خارج المنبر
جوة المنبر بنقيم كتاباتك ما شخصك
أنا واحد من الناس أول ما أدخل المنبر بفتش لي بوستات قباني ومولانا المرتضى حامد عشان عاوز استمتع بي كتابة لذيذة وطاعمة ما فيها شكل واقتباسات ونكد
الفينا مكفينا وعندنا من الضيق والنكد في حياتنا خارج المنبر ما يكفينا 50 سنة لي قدام
ما عاوز أتكلم عن غبينتك البايتة لكن بقول ليك ما تعيش غبيتك أهملها .. براها بتروح
عمرها المشاكل والقص والانتصارات ما صنعت حياة لذيذة .. السلام الداخلي والتسامح هو البخلي الدنيا وردية
أجمل نصيحة جاتني في حياتي من شيخ بحبو جداً قال لي أمسك أذاك عن الناس .. الكلام دة ليه قريب السنة وانا زول لساني سليط وبتاع مشاكل في منتديات تانيةأقسم بالله لما طبقتو اكتشفت إنه الناس الشريرين ديل كلهم جواهم إنسان جميل ما لاقي الجو البطلع فيه .. بس نحن كيف ندي السلام فرصة ونخلي الإنسان الجميل دة يظهر
أنا ما عاوز أنصحك يا أيمن انت بكل تأكيد أفهم مني وأعلم مني واحتمال كمان تكون أكبر مني في العمر
بس عازمك تعيش معاي تجربة كف الأذى واتحداك لو تندم







_________
نأسف للتعديل الرد بجي مجوبك والحروف متداخلة

بسمات الشيخ
ناس عطبرة جميلين وحنين وعندي معاهم عشرة طويلة
وأي كلمة زيادة معناها المدام حتبيتني برة البيت
بتفتحي ليك مواضيع حساسة خلاص

بالمناسبة
جابك أجلك .. سألتك قبل كدة في بوست تاني لكن ما أظنك قريتي سؤالي
عاوز أعرف أرخص جامعة معتمدة من الوزارة في أمريكا لتحضير دكتوراة في علوم الكمبيوتر
ما مهم تصنيفها ومستوى الدراسة والمنطقة بتاعتها وباقي المعايير .. بس عاوز الأقل من ناحية التكلفة المادية

_____________
قباني عليك الله أركن الأوبر بتاعك دة شوية خلينا نقضي مصالحنا وفي انتظار أجابتك يا بسمات

أحمد محمد عمر سلامات

Quote: يا أيمن قول لا إله إلا الله

لا اله الا الله

Quote: نحن في المنبر دة بنتعامل مع حروف بتتكتب هنا المعرفة خارج المنبر المفروض الناس تتعامل معاها خارج المنبر جوة المنبر بنقيم كتاباتك ما شخصك

انا ما بعرف قباني خارج المنبر ولا اتمنى ذلك يا أحمد.

Quote: ما عاوز أتكلم عن غبينتك البايتة لكن بقول ليك ما تعيش غبيتك أهملها براها بتروح

غبينتي البايتة؟! ياتو غبينة دي؟! بالجد والله يا احمد وريني ياتو غبينة؟
يا أحمد انا طول عضويتي في المنبر ما اظن اتداخلت مع قباني في اكتر من تلاتة او اربعة بوستات بالكتير!!
ودي آخر مداخله ليهو معاي وانا ما رديت عليهو ذاتو!

Quote: بس جرب تعيش معاي تجربة كف الأذى واتحداك لو تندم

انت شايف اني زول مؤذي؟
ومفروض اكف ازاي كمان؟

ماشي يا أحمد

عزيزي الفاضل احمد محمد عمر
اذا انت كنت قلت لي انك اساس من عطبرة انا كنت بنفسي سجلتك في
جامعة كولومبيا ،وهي بالمناسبة اغلى جامعة بعد جامعة هارفارد،ودفعت ليك
القسط الاول ورسلت ليك تاشيرة I-20 وهي التاشيرة الدراسية للدخول لامريكا وبعد داك انت
تجي تكمل باقي الاقساط وتشتغل في تاكسي الاوبر ،الحاسدهم ناس ود قباني لان دخلهم في الاسبوع
الف دولار ،وبعد شهرين تقدم طلب اللجوء السياسي وبعدما تستلم الكرت الاخضر تقدم للمساعدة المادية
للدراسة(Financial Aid)....وبعد التخرج واذا جبت درجة الشرف حتكون استاذ في جامعة كولومبيا
وحتنسى حكاية الماديات دي نهائي عشان مرتبك حتشيله بالشوالات(وجه باسم)''
بس حكاية معترفة من الوزارة دي ما فهمتها...ياتو وزارة ..الوزارة السودانية ولا الوزارة الامريكية؟
لكن بما انك ما من عطبرة ..فبقول ليك ان Berkley college ،ومقرها الرئيسي اظنها في كاليفورنيا ولكن
عندها فروع في كل الولايات ومنها نيويورك فيبدو ان تكلفة الدراسة فيها معقولة..وكذلك جامعة سان جونز
رسومها اعلى شوية ومتوسطة (٢٧ الف دولار للماجستير ،و ٢٠ الف دولار للدكتوراة)..
وما تنسى تقول للمدام ما تغيري من بسمات لان روحها خفيفة وبتهظر كثير وبتضرب الهم بالجزمة
عشان ننسى مصائب الغربة ولمن تجي امريكا وتتعرف علي حتكون اعز صديقة ...لكن اذا كانت من عطبرة
فحتكون شقيقتي التوام(وجه ضاحك)
ودمتم بالف خير وصحة وعافية

لا لا المدام سيرة عطبرة نهائي ما عاوزاها
أكان جابو حسن خليفة العطبراوي الله يرحمو بغني في التلفزيون ساي بتقفله

قصدي Accredited في وزارة التعليم العالي الأمريكية
ope.ed.gov/accreditation

تسلمي على المعلومات وإن شاء الله بشيك عليهم الجامعتين

Quote: انت شايف اني زول مؤذي؟ ومفروض اكف ازاي كمان؟ ماشي يا أحمد

العفو يا أبو يمن ياخ

طيب ماهو دة انت بتضحك وترص في الوشوش داخل علينا في البداية بي مدفعك الرشاش مالك !

ما تبقى زول حساس .. هسة وحاتك صورتك دي وديتها الفوتوشوب عشان أشوف الحاجة الكعبة فيها شنو ما لقيت أي أكواد مدسوسة

المهم طب نفساً وإن شاء الله ما تكون فهمتني غلط
طبعاً لمن أتكلم بي صورة قد يفهم فيها توجيه لشخص بكون قلبي في يدي .. أقول هسة لو جاء قال لي انت ذااااااتك شنو عشان توجهني ! يكون موقفي في الأمم المتحدة كيف