وليد محمد المبارك،،!

( بتين يحكُم بلدنا رئيس، يوزِع في الشوارِع حُب. )

ممكن أترشح يا سوميتا..

وسلام وتحية ليك وللحبيب الشفت

دكتور معز

والله تترشح انت اجيب ليك اهلي البساطاب واهلي النفيدية واجمع ليك السمانية الطيبية اهل دكتور عمر كلهم , ومش ده كان عايز نشاكل ليك نشاكل

saif massad ali

Quote: دكتور معز والله تترشح انت اجيب ليك اهلي البساطاب واهلي النفيدية واجمع ليك السمانية الطيبية اهل دكتور عمر كلهم , ومش ده كان عايز نشاكل ليك نشاكل

حبيبي انت يا ابو السيوف..

الله أكبر..

لي الرئاسة؟!
بتضمن لينا توزيع الحُب في الشوارع؟

طيب ما نبداها حرية و مسؤلية و توزيع حُب من هنا!

قُتّ شنو؟

تحية مكرّبة مني ،،
و الولد وليد الشفت،،

Soumeta

Quote: لي الرئاسة؟! بتضمن لينا توزيع الحُب في الشوارع؟

ده ما المشروع بتاع الرئاسة زااااتو..

Quote: طيب ما نبداها حرية و مسؤلية و توزيع حُب من هنا! قُتّ شنو؟

مواااااااااااااافق

إيدي على إيدك..

Quote: تحية مكرّبة مني ،، و الولد وليد الشفت،،

ومني كمان ليكم الإتنين

والشفت ده والله أنا بحبو لله وفي الله

يلا إيدك معاي،،

عشان يرجعو يكتبو تاني في البورد،،

شبان ناجحين،،
أولاد و بنات،،

و نبداهم بي الشفت،،
و دي خطوة في الحُب و المسالمة،،
توزيع الورود ربما يأتي لاحقاً،،

وليد محمد المبارك "الشفت"

شاب مكافح هميم ببلدو تاريخها،
حاضرها و مستقبلها، و
بجيله ..

جيلي انا .. يحيى وحيدا .. يقاتل وحيدا .. ويموت وحيدا

Quote: ] وليد محمد المبارك،،!

رجل راقى ولماح وما بخاف فى الحق لومة لائم
له التحية اينما كان

رشحينى ياسوميتا نائب الرئيس عزو ووليد امين عام حزب الحب النبيل وانتى مستشار الرئيس لشئون الحب رايك شنو ؟!!


تحياتى للرجل الطيب وليد الشفت

نادية،،
هنيـــــــــــــــالنا،،

و توصل تحاياك لي الشفت الولد الشفت،،

أتمني يرجع معانا يا وليد،،

لكن منو البسمعنا؟

قلنا نسجل حضور لأننا من أنصار توزيع الحب في كل مكان (مش في الشوارع بس) ولنبدأ بهذا البورد أولاً مع تخصيص جرعات أكبر للمصابين بأمراض سياسية مزمنة.


شكراً يا سوميتا رغم أني لا أعرف المدعو وليد (الشفت) هذا.

محمد هارون،،
كيف للحُب أن ينمو مع القمع؟

قمع بمكان ينادي أغلب رواده بالحرية!

أتمني ان يعود وليد،،
ففيه يرتسم مثال للشاب السوداني المتفائل،،

ياخ الزول ده شبكة

بخاف ،، قول خير!

خير

Quote: جيلي انا .. يحيى وحيدا .. يقاتل وحيدا .. ويموت وحيدا

تتمه ..
ويبعث يوم القيامة وحيدا

سوميتا ..

يا متفائلة .. يقلل ظلم .. فمن يوزع الحب لا يركب على رأس آلة جهنمية الهوى .. لتلتف حوله دوائرة النفاق حلقا .. ألم تسمعي بذاك الحاكم الظالم الذي كان عهده هو تمكن الرعب من الناس ولحقهم زلزال شديد .. فجاء أحد سدنته ليقول له على الملآ:

ما زلزلت مصر من كيد يراد بها لكنها رقصت من عدلكم طربا

الاخت سوميتا

لك التحايا

اما للاخ وليد

فاقول:

دخلت نملة
و اخدت حبة
و خرجت


خالص التحايا

غادة

غادة العزيزة،،
تحية صباح،،

والنملة التانية
(دي الاصل Version)

دخلت
و قرصت
وطلعت،،

محمد عبد الجليل العزيز،،
متفائلة بالتأكيد و سأُداوم ما أستطعت،،

كلما ضاقت الصدور من عبء المعايش و الظلم،،
كلما وسعت دائرة النفاق،،

أو..
كلما كان البند الاول من القانون السائد
لونه الاحمر، و خطه اكبر حجماً من البنود التالية ماذا نتنبء؟

و المعروف ان اللون الاحمر هو لون الهيجان٭

Quote: رشحينى ياسوميتا نائب الرئيس عزو ووليد امين عام حزب الحب النبيل وانتى مستشار الرئيس لشئون الحب رايك شنو ؟!! [/QUOTE نادية عثمان ... وانا مشيت وين يا سوميتا انتى وليد محمد المبارك دة كان لابس جلابية بيضة وقاعد يحدر للناس فى بروفايلو ؟؟ عليك الله ورينى هشام امين

---

Post: #17 Title: Re: وليد محمد المبارك،،! Author: محمد بهنس Date: 05-30-2006, 07:54 AM Parent: #16 سلام وشوق ليك ولي اسرتك حبيبنا وليد,ونسال عن اخبارك. .. .. تسلمي يا سوميته عساك بخير وعافيه .. تحيه قلبيه

---

Post: #22 Title: Re: وليد محمد المبارك،،! Author: Mustafa Mahmoud Date: 05-30-2006, 12:32 PM Parent: #17 wow i feel love in the air who will join in and increase the rations of love in the dim streets of this forum? dr mustafa Mahmoud

---

Post: #36 Title: Re: وليد محمد المبارك،،! Author: Soumeta Date: 06-01-2006, 08:44 AM Parent: #22 Hope is always here! thankyou for the sweet comment. I wish he returns Though!

---

Post: #34 Title: Re: وليد محمد المبارك،،! Author: Soumeta Date: 05-31-2006, 04:20 PM Parent: #17 وليد إن شاءالله يكون قاري كلامك وسلامك الطيب ده،، تسلم يا محمد بهنس و يسلم قلبك،، ومثلها تحية مني لك عزيزي،، دايماً اتمناك طيب،،

---

Post: #32 Title: Re: وليد محمد المبارك،،! Author: Soumeta Date: 05-31-2006, 06:59 AM Parent: #16 ايوة ايوة،، أيوة هوّ يا هشام امين،، وليد الشفت،، جيفارا إلا تِلت،،

---

Post: #21 Title: Re: وليد محمد المبارك،،! Author: محمدين ايدام Date: 05-30-2006, 12:31 PM Parent: #1 سوميتا لك العتبى كان فى السابق سؤال.. نعتذر عنه.. التحية لك ولوليد الشفت دى مناسبة: وليد دة منو؟ ايدام

---

Post: #38 Title: Re: وليد محمد المبارك،،! Author: Soumeta Date: 06-01-2006, 07:44 PM Parent: #21 شاب سوداني صاح.

---

Post: #24 Title: Re: وليد محمد المبارك،،! Author: Soumeta Date: 05-30-2006, 07:42 PM Parent: #1 إختلاف الرأي أكبر قضية!!!

---

Post: #30 Title: Re: وليد محمد المبارك،،! Author: محمدين ايدام Date: 05-31-2006, 05:39 AM Parent: #24 Quote: إختلاف الرأي أكبر قضية!!! معقولة بس.. (!!!) ايدام

---

Post: #25 Title: Re: وليد محمد المبارك،،! Author: الملك Date: 05-30-2006, 08:14 PM Parent: #1 ... ... وليد محمد المبارك و فى كثير من المحركات العنكوبتية يلقب الشفـــــت

---

Post: #26 Title: Re: وليد محمد المبارك،،! Author: عبدالرحمن عزّاز Date: 05-30-2006, 09:22 PM Parent: #25 إذا ما حسبها النبيل وليد شهادة خصم فهى فى صالحه و إذا ما حسبها شهادة أخ فهى ضمن شهادات الأعزاء الآخرين..... زاملته فى منبر آخر..... عرفته .... و قرأت له هنا قبل أن أنال العضوية... وليد محمد المبارك....! إنسان بمعناها ... رجل بمعناها فى بوست إستجاب فيه بكرى لعودة الأخ تراجى سألته ... و تمنيت عودة وليد! و لكن.... إن غاب عن المكان ... سيظل فى الوجدان أتمنى أن أقابله لوجه الله... سوميتا ( بتنا بالسلبطة) شكراً كثيفاً .... هكذا أنت .... و شهادتك فى وليد غير مجروحة لكم جميعاً الأمنيات الطيبة؛؛؛

---

Post: #41 Title: Re: وليد محمد المبارك،،! Author: Soumeta Date: 06-03-2006, 07:15 AM Parent: #26 عرفت وليد لزمن ما بي الهين،، وفي ظروف تسمح لروئية واضحة لسوداني سوداني،، لم أري منه إلا كل إلتزام بالموضوعية و الأدب الجم،، انا و كل من عرف وليد متحيرين في سبب فصلو! و ياربي ح يعبرنا بس بتوضيح؟ شي يوجّع،، عزاز قريبنا ولا بي السلبطة،، سِلمت،،

---

Post: #39 Title: Re: وليد محمد المبارك،،! Author: Soumeta Date: 06-01-2006, 07:52 PM Parent: #25 نجوي دي مظاهرة سلمية خالص،، قليب الصور ده بدخلنا في مضايق،، لكن برضك ما عندي مانع،، بس وليد يرجع،، تبدا نقلب،، أقول ليك حاجة،، ياخ مــــــا يرجع،، بس يتعرف سبب فصلو!

---

Post: #27 Title: Re: وليد محمد المبارك،،! Author: Mohammed Haroun Date: 05-30-2006, 09:25 PM Parent: #1 Quote: محمد هارون،، كيف للحُب أن ينمو مع القمع؟ قمع بمكان ينادي أغلب رواده بالحرية! أتمني ان يعود وليد،، ففيه يرتسم مثال للشاب السوداني المتفائل،، العزيزة سوميتا إن كان الشاب وليد سجيناً فربنا يفك أسره وإن كان مهاجراً مثلنا فربنا يرد غربته. وأنا والله حينما قلت لك لا أعرفه ولم أسمع به فقد كنت صادقاً وغربتنا الطويلة للآسف جعلت أحاسسينا متبلدة ومعلوماتنا بالية. عموماً البركة في هذا المنبر الذي جعلنا نتعارف من على البعد ونتبادل الأخبار والمعلومات. لك مني كل الود

---

Post: #28 Title: Re: وليد محمد المبارك،،! Author: nashaat elemam Date: 05-31-2006, 05:16 AM Parent: #27 له مني تحية.. على الرغم من أن معرفتنا جاءت ونحن في حالة »حرب« لكن للحق والأمانة.. وليد رجل في الحرب.. وكذلك في السلم.. له خالص تحياتي اينما كان

---

Post: #43 Title: Re: وليد محمد المبارك،،! Author: Soumeta Date: 06-04-2006, 06:38 AM Parent: #28 هو كذلك رأيت فيه الوزنة في الكيل للأشياء،، اتمني ان يسمح له بالعودة و لنا التوضيح! شكراً نشأت،،

---

Post: #42 Title: Re: وليد محمد المبارك،،! Author: Soumeta Date: 06-04-2006, 06:34 AM Parent: #27 محمد هارون تحياتي ليك،، وشكراً كتير علي الاهتمام و توفيرك لزمن ترجع فيهو عني لي الكثير،، اما بخصوص وليد،، ف وليف ما مأسور ورا سور حديد،، لكن موقوف من الكتابة في المنبر دون أدني سبب! او هذا علي حد علمه و علمنا،، ربما للقائمين علي ابوب هذا المكان اسباب نجهلها،، روابط الاخوان معتز و سعد الدين توضح اكثر،، وشكراً مجدداً علي العودة،،

---

Post: #29 Title: Re: وليد محمد المبارك،،! Author: عمر الفاروق Date: 05-31-2006, 05:38 AM Parent: #1 وليد المبارك يكفي انه من امدرمان ... وفي امدرمان في الاحياء القديمة منها .. يعني اصيل ومأصل.. لعب لفريق المريخ (وده اكبر عيب فيهو ) وشارك كحارس احتياطي للمنتخب السوداني للناشئين .. بيقول للاعور اعور في عينو .. عيبو الوحيد جا عرسي لابس ليهو جزمة باتا وشايل عكاز ومطوة لأنه حينها كان جاي من حملة تطهير ايام احداث جون قرنق الدامية له التحية اينما كان ولأسرته الجميلة ..

---

Post: #35 Title: Re: وليد محمد المبارك،،! Author: معتز تروتسكى Date: 06-01-2006, 01:23 AM Parent: #29 توضيح بخصوص وليد محمد المبارك..

---

Post: #37 Title: مستنير ولا ظلامي Author: Bakhaf Date: 06-01-2006, 11:18 AM Parent: #1 انت ويا جماعة الزول ده مستنير ولا ظلامي ؟ شايف اهل المعسكرين داخلين هنا ...!

---

Post: #40 Title: Re: وليد محمد المبارك،،! Author: saadeldin abdelrahman Date: 06-03-2006, 03:34 AM Parent: #1 وليد محمد المبارك....مره أخري يابكري! و معاها اعتذار و بوسه فوق جبين الأخ بكري على طولة اللسان و الخشونة الغير متعمدة.

---

Post: #44 Title: Re: وليد محمد المبارك،،! Author: عبدالرحمن عزّاز Date: 06-04-2006, 11:53 PM Parent: #40 Quote: انت ويا جماعة الزول ده مستنير ولا ظلامي ؟ شايف اهل المعسكرين داخلين هنا ...! فقط .... سودانى أصيل ود بلد بقول للأعور فى عينه التانية ما بتشوف... بغض النظر عن المعسكر و الإنتماء ، لذلك يفتقده الجميع... مع الشكر للأخ بخاف و الأخت سوميتة...

---

Post: #45 Title: Re: وليد محمد المبارك،،! Author: ناذر محمد الخليفة Date: 10-09-2006, 11:50 AM Parent: #1 ++