Post: #1
Title: هل حان الوقت؟!
Author: Soumeta
Date: 06-22-2007, 05:55 PM
"القدم ليهو رافع"
يبدو ان وقت رفع قدمي قد إقترب،،
قبل عدة اعوام،،
كان لرمضان نكهة خفيفة كدة،،
إذ قررنا انا و امي ان ندخل القنوات العربية
عالم بيتنا،، خصوصاً و كان لكلينا زمن طويل
من الاحساس بالاعياد جُملة،،
بدا واضحاً علينا النقد الحاد و السخرية الغير إرادية من
المسلسلات العربية، كثير من البرامج التلفزيونة
المالية في جملتها،، الافلام، الممثلين و تمثيلهم، الديكور, التصوير،،
الاخراج، المونتاج،
ولو ان الديكور كان يعجبني في كثير من الاوقات،
أي شي بي إختصار،،
ربما كان لسان نقد ماما احد بكثير مني،،
اظن ان هذا يرجع للتخصص،،
مسلسلات ذلك الرمضان القديم كانت تشترك في جملة "واحد و عشرين سنة،،
و كلما ذكر ذلك الرقم نضحك انا و ماما عالياً،،
إذ ان الرقم واحد و عشرين إشتهر إيما إشتهار في ذلك الوقت..
اصبح مقياس و معيار حاسم يدل علي طول الفراق،، و طول الغربة،،
وفقد الاب لاولادو ،،
ثم جميعهم يلم اهلو ويعود إلي ارض وطنه،و يحتضن الاب اولادو و....
بعد الواحد و عشرين سنة،،
دحين اسع؛
و بعد عشرة سنين عائدة انا إلي بيتي،،
ربما لا اذكر كيف منظر الطرقات و المداخل،،
ربما لون النيل بذاكرتي اصابه الغباش،،
ربما لا اعرف ان اصل بيتنا من المطار براي،،
ربما نسيت قليلا من ملالمح صديقاتي و اصدقائي،،
ربما و ربما حاجات كثيرة،،
لكني رغم ذلك ذاهبة،،
كلما تذكرت تفاصيل السفر و تلتلته،،
هانت علي وزادت بنضات قلبي،،
بشكل مخيف،،
و كأنني احتضن حبيبي بعد طول فراق،،
ترتسم إبتسامة علي وجه روحي و تترك خلفها ضوء مرن،،
يتحرك مع عدسات عيوني
وانا مغمضة،،
|
Post: #2
Title: Re: هل حان الوقت؟!
Author: صديق الموج
Date: 06-22-2007, 06:17 PM
Parent: #1
| Quote: و كأنني احتضن حبيبي بعد طول فراق،، |
اخ اخ اخ اخ سيرتى جات
عودى يا حبيبه يا عزة فما زالت عزة خليل تحن اليكم انسال الترحال
الذين هجرتم الام العاقه بعد ان انكفأت عن دن احلامكم وصارت
تطردكم بعيدا وتشيح بوجهها عنكم الواحد تلو الاخر
عودى مازالت شوارعنا تعمرها خيمة عرس اوتعزيه وهى تصرخ
بتكافل وروح جميله جبلنا عليها ونحن بها موشحون
عودى ففى عودت الابناء سرور بهيج
مازالت مدافن الصرة ترنو اليكم وكيف انكم بعدتم
عودى ولا تهتمى لرجل امن يضايقك الطريق ويفتش فى شنطتك الخاصه
ولا صفيق يسالك باسم الدين وهو منه براءة ماذا تلبسين وماذا تنتعلين..
عودى فما زالت مضارب العشيرة وقبلة الحنان كماهى
ومهما فعل الطغاة بالارض فما زال اهلونا هم هم
لا تتفاجىء ان قل زادهم فالشح تحدثه الضرورة عند الجواد المبذل
لا تندهشى ان رايتى احدهم يعبى قفه بالاوراق الماليه ليعود بكيلو بطاطس وربطة جرجير فى يده..
لاتفغرى فاهك ان طلب منك سايق رقشه الوف لتكافئنيه عن مشوار تركتيه بجنيهات..
لا تغضبى ان قطعت الكهرباء سهوا او عمدا وبلغت بك السخانه مبلغا
ففى قلوب ناس كل بيت تجدين مايعوضك حرارة الطقس
وقارنى بين ذلك وزمهرير الغربه
اتمنى لك اجازة سعيده تملائين طرقات السودان جية وذهابا
وتحضرى حفلة كاربه فى الشارع..
وتشربى من ماء النيل وتتقىء كل ماء حملتيه فى امعاءك من مياه الامازون اوالتيمس
الماسخه،وتعبين رئاك من همبريب البلد لان هواهم ماسخ..
عودى والعود احمد عزوز ففى ذلك ادواء لكثير من علل الغربه..
قشة ما تعتر ليك ودربك اخدر...سلمتى...
اتمنى ان القاك هناك لو قدر لنا مشيه،،،،
|
Post: #4
Title: Re: هل حان الوقت؟!
Author: الطاهر ساتي
Date: 06-22-2007, 06:25 PM
Parent: #2
| Quote: اخ اخ اخ اخ سيرتى جات |
|
Post: #3
Title: Re: هل حان الوقت؟!
Author: abubakr
Date: 06-22-2007, 06:18 PM
Parent: #1
بالسلامة والراعي واعي
|
Post: #5
Title: Re: هل حان الوقت؟!
Author: طارق الأمين
Date: 06-22-2007, 06:28 PM
Parent: #3
نعم حان الاوان
بالتوفيق ياسوميتا
والسلامه
|
Post: #6
Title: Re: هل حان الوقت؟!
Author: Soumeta
Date: 06-23-2007, 04:21 AM
Parent: #3
تسلم ابوي،،
و ارجوني بي القصص و النصايب السمحات،،
سفري الكنت بشوفو حلم حلم،،
قرب شدييييد،،
الله يهون غايتو،،
|
Post: #7
Title: Re: هل حان الوقت؟!
Author: د.محمد حسن
Date: 06-23-2007, 06:57 AM
Parent: #1
الاخت عزة او سوميتا
كلا الاسمين يخرج من رحم معنى واحد
عودا حميدا
وما تتخيلي اي حاجة
امشي مغمضة
عشان تستمتعي بالاكتشافات
|
Post: #8
Title: Re: هل حان الوقت؟!
Author: نهال الطيب
Date: 06-23-2007, 11:22 AM
Parent: #7
كلما تذكرت تفاصيل السفر و تلتلته،،
هانت علي وزادت بنضات قلبي،،
بشكل مخيف،،
و كأنني احتضن حبيبي بعد طول فراق،،
ترتسم إبتسامة علي وجه روحي و تترك خلفها ضوء مرن،،
يتحرك مع عدسات عيوني
وانا مغمضة،،
عزوز
يا سلام عليك اول أمبارح مسكت القلم وكتبت أحساسي بالعودة
بانتهاء الترحال
بفرح الرجوع المنية
ظللت مبتسمة لحد الصباح
لفكرة أنو ده أخر تستيف شنط حا أعمله
أخيرا حابقى جنب النيل
وبينا التلاقي يا حبيبة
|
Post: #9
Title: Re: هل حان الوقت؟!
Author: هاشم أحمد خلف الله
Date: 06-23-2007, 11:35 AM
Parent: #8
Soumeta
نعم حان الوقت للقاء الأهل والأحباب والأصدقاء ومفروض تسمي هذا البوست بوست
العودة للسودان بعد طول غياب عشان اي واحد ماشي للسودان إجازة او نهائي
يوقع هنا وإنشاء الله نجتمع كلنا مع بورداب الخرطوم ونتعرف علي بعض زيادة .
لاني انا كمان إنشاء الله سأكون في السودان الشهر القادم .
|
Post: #10
Title: Re: هل حان الوقت؟!
Author: انعام عبد الحفيظ
Date: 06-23-2007, 11:40 AM
Parent: #1
تصلي بالسلامة يا سوميتا
|
Post: #11
Title: Re: هل حان الوقت؟!
Author: omer almahi
Date: 06-23-2007, 01:52 PM
Parent: #10
بالسلامة
الامنيات الطيبة
|
|
