Post: #1
Title: الخرائط اندهاش
Author: رشيدة عثمان فقيري
Date: 06-13-2011, 12:45 PM
1
صمتك حنين الواطه
لحبه حنين..
بزوغك يا وطن هجرة وسفر..
حبك محكر في الدواخل ضفتين...
والحلوق مسكت لهاة السكه
من صبرك سماد
لواطه تفتح ضلفتين..
لو بس يروح حزنك ويرحل للابد..
الدراويش والذكر..
والتقاسيم اللي مرقت
بيوتات الفريق..
والليل قرابين لمداد قدرة مدد..
والشوارع مرقت ترتب
في الخطيوات الصباح..
لوطن مسروق ومطعون
ومحقون من قفاه سنين طويله..
اه يا وطن..
لوينبثق كل السراب..
في خيط امل
الكروش مليانه من شهقه طفل..
لاخر احساس استلاب..
الكروش مليانه بحقي وحقك..
حق المزارعيه الغلابا..
حق شعب مسكين ..
متوسد اللقمه الحلال..
الكروش مليانه بحقي وحقك..
حق ست شاي ..
مسكينه تلعق في الصبر..
حق طفل ورنيش
مادي صبره
علي الخرائط اندهاش
|
Post: #2
Title: Re: الخرائط اندهاش
Author: رشيدة عثمان فقيري
Date: 06-13-2011, 12:48 PM
Parent: #1
2
كل الحروف الحايمه في الخاطر تجول..
واللسه واقفه علي حس السفر..
مكتوبه حتما في الوطن.
..الليل محكر بالسكات.
وفي الصباح كيمان حزن ..
...مطليه بلون المدن ااواقفه
لسع في الرصيف..
راجيه المطر حبه هواء
والدنيا صيف ..
والنيل هدير صمته انتحل
والواطه بس جوطه وكلام..
والدهشه ترفس في الوحل ..
والناس بتسال عن رحيل ..
وانهد حيل ..
حبل التنهدفي فصام..
والوطن عكرة محطات السفر
لحته جوة الاذدحام...
|
Post: #4
Title: Re: الخرائط اندهاش
Author: رشيدة عثمان فقيري
Date: 06-13-2011, 01:23 PM
Parent: #3
3
احتملت الهجرة لغربه وعذاب
شان هجرتك
واحتسبت الفرقه من وطن الغلابه
وارتضيت بقاهر الايام
مع الزمن الرتابه
واحتميت بالهجرة منك
يا وطن كل البيبحثوا لحروفهم عن كتابه
في تباشير الصباح
لما مووووج نيلنا مويته
وكب روحك جوة صمتي
ومن هواك رشاني دابه
التقيتك ذي اماني مسافرة
من حر الكاااابه
لموانئ جديدة طاله من
وطنا خيوط صبابه
وتفتح الامل البتاتي
وتدي لاطفالنا لوحه
مزيجها فرحه وروح دعابه
احتميت من خوفي منك
لفواصل دهشتك
واحتملتك لما طال
الروح سرابها
وادعيت صمت الحروف
واحتكرت الشوق مواعيد
البنفسج طاله من اهات غلابا
جوة شباك لوطنا الغالي
سودان موسم بعلامات لسه دابه
مديت شهيق انفاسي
يا سودان عشان
ارحل واجيك
شايل فرح سودان جديد
طوريه طين
في كل وادي وكل غابه
سودان جديد يمسح علامات الرتابه
وتتبدل الاحزان فرح
مسدول علي غيم الامل
مكبوب علي صدرالسحابه
|
Post: #5
Title: Re: الخرائط اندهاش
Author: رشيدة عثمان فقيري
Date: 06-13-2011, 02:34 PM
Parent: #4
4
الحروف الجايه من عمق التوالف
ما كتيرة علي الوطن..
الحبه مشيول ..
جوة احساس الكلام..
حين دفقت من الحنين..
وانشري فيني النيل تساب..
واتشرشر الرقراق محن..
نورة بتئن........
مصليه بصوت المدن..
مسقيه بالخوف والسراب..
والمقرن المشرور ضفاير في السفر..
دابوا بيتاتي..
بينادي للنيل والوطن..
مشتاقه انا لحفنه تراب..
لجبنه في ضل الضحي..
عصريه في حوش من رمال
ساقياهوا امطار الدعاش..
وبديت احسسسسب في السنين..
الطاله من شباك
سهر..
والنيل فتر من المشي
وانشري قيف..
|
Post: #6
Title: Re: الخرائط اندهاش
Author: رشيدة عثمان فقيري
Date: 06-13-2011, 02:50 PM
Parent: #5
5
امواج تصاوير
وانحدار شوق لوطن
معجون خطيوات اغتراب
هجرة طيور في موسم الشوق
الحلو من العذاب..
واه يا وطن
لو هد نخلك
باشبوزق في ليل خفوت
لو تستحي الاهات تفوت..
مليانه خطوات الوطن بالعشم
ما العنكبوت سر احتشاد
صمت البيوت الساكن الله في حيطتها..
وبديت اسبببح
وفي عزاي حاجات كتيرة
شفع فتاري
لفحت احاسيسهم
تلاطم موجات الم حد النخاع
وكرعينهم اتشوشوت
واتدفقت من الهجير
والنيل ركع مرقت صلاة...
|
Post: #7
Title: Re: الخرائط اندهاش
Author: عبدالعزيز الفاضلابى
Date: 06-13-2011, 03:12 PM
Parent: #6
حمد لله بسلامة العودة
نعاين لي رجعتك زي هلال العيد.
رجعي صورة البروفايل القديمة
واروينا من قصائد المطر
|
Post: #8
Title: Re: الخرائط اندهاش
Author: رشيدة عثمان فقيري
Date: 06-13-2011, 03:12 PM
Parent: #6
6
حبه بتنوووم في الوجع
تصحي بتلاقي الحب تصاوير للوصول
صليت فروض السهو حين قامت
مراكب الشوق...
ما الفاتحه بابها قبل امل
مديت بواكير اشتهاي
لحته جوة الاحتمال
قبال تهاجر في الافول
وسلام كتير لشعبنا
يمشي ويغطي قري
وسهول
والضوء حزم
ما مل من سهر الخفوت
في الامكنه..
او هبش الاحساس
اصابع ببكرة ما متيقنه..
في كل حته الكضبوت والصهينه..
بس لو نعس حس التعب
ما مل سهري فيك يا وطن..
القومه ليك..
برسل حزم اشواقي ليك..
برسل حروفي مدوزنه مكتوبه فيك..
|
Post: #9
Title: Re: الخرائط اندهاش
Author: رشيدة عثمان فقيري
Date: 06-13-2011, 03:20 PM
Parent: #8
صديق الحرف
والمطر
كيفنك يا عبده
مشتاقه ليكم شديد
|
Post: #11
Title: Re: الخرائط اندهاش
Author: رشيدة عثمان فقيري
Date: 06-13-2011, 03:55 PM
Parent: #10
7
سبحت ارسل في الامل
حزمه رسائل ما شالها زول
ساعي البريد ما خت طابع في التوارد
الجوة في خاطر الدميرة
ملح ملح حس الرحيل
مطر مطر
رزازه يرسل في الهديل
لامن شرق حسي
واتمطي خاطر الليل برق
من السماء الثامنه
ومرقت مراكب الشوق تحج
|
Post: #13
Title: Re: الخرائط اندهاش
Author: رشيدة عثمان فقيري
Date: 06-13-2011, 04:13 PM
Parent: #12
8
8
مشطت خاطر النيل صفيرة
قلبت احساس الفتي
ما طش قلب النيل سهي
انشر احساس التسابيح في النهي
تاوقت للنيل حين شرق حسه
الرحيل..
صوت البنيات مرقن عصر
لحته في الجيران
لمه بتسر ..
ونسه بتشيل حبه هجيع
اطفال مساحتهم حنين
مشغوله باقواس قزح
نيلين بلد مويه فرح
|
Post: #15
Title: Re: الخرائط اندهاش
Author: رشيدة عثمان فقيري
Date: 06-13-2011, 04:33 PM
Parent: #14
9
نعست احساس المني
حين كب ضرع الليل حليب
ودخلت في خاطر الوجع
مديت حبال الاندهاش
لنفس ذات كل الحروف
الكابه كب
سكك الحديد في عطبرة
هجرة وطن
شنطه صفيح
شافع مرق عز الهجير
رافض لعيشه الدردرة
ما ودع امه وكت رحل
حين طش حسه مرق براه
ما حضرت امه قطع رحط
(رهط)
صوت القطر انهد هد
والنارتحيض ما عطبرة
بلد الحديد عمال بدقشوا
في هجير لفحه وطن
لضل يسور خاطرهم
في الشافع اللسع مسافر
وما رجع
|
Post: #16
Title: Re: الخرائط اندهاش
Author: رشيدة عثمان فقيري
Date: 06-13-2011, 04:47 PM
Parent: #15
10
لو استبان الصمت
في جواي واتمد مد
اوجات قماري تقوقي
بشوقها بالريد والحنين
فوق نيل سجد
قيفت حس الليل مطر
بغربه نيل ابوابها سد
عدادها مشغول حولالا
قربانها سائل الله ود
محريه في قلب المسيد
الشال فلول الريد مدد
متكيه في دفه طبول
متيقنه لو طش نيل
وانهد حيل( ما الله في)
ما ياها قدرة حي تشيل
وفوق للابد
|
Post: #17
Title: Re: الخرائط اندهاش
Author: رشيدة عثمان فقيري
Date: 06-14-2011, 08:03 PM
Parent: #16
11
سميت مواويلك حراز
مديت مواعين المطر
فسحه شوارعك
طينه حنانك
ومهرجانات العشم
دفيق رزاز
لحته جواي تنهزم
وكتين اشر نغماتي
في وجه الحزن
وارحل مقسم بيك
مدن.
مسكونه فيك
حد الوجع
اركان حنانك في انقسام
النخيل واشجار دليب
بيتباكوا من طول المسافه
الشادة حيلها علي الرحيل
اطفال مدارس وشخبتت
سبورة في عز الهجير
وقيع كلام
والدنيا مركب مقلوب علي موج البحر
والمويه رقراق لخواطر
مرقوعه بصبر وامل
والليل وطن محموم هموم
كتر الزعل
غربل مواويل السكات
نكهه سفر لحته جوة الانقسام
|
Post: #18
Title: Re: الخرائط اندهاش
Author: رشيدة عثمان فقيري
Date: 06-14-2011, 08:12 PM
Parent: #17
|
Post: #19
Title: Re: الخرائط اندهاش
Author: المسافر
Date: 06-15-2011, 06:23 AM
Parent: #18
Quote:
1
صمتك حنين الواطه
لحبه حنين..
بزوغك يا وطن هجرة وسفر..
حبك محكر في الدواخل ضفتين...
والحلوق مسكت لهاة السكه
من صبرك سماد
|
ما بين الصمت والحب والصبر أجمل اللحظات تبني حياة وتزينها بالبقاء
وإطلالتك الجميلة بهذه الكلمات
أشرعي في الكلام وأرفعي الأشرعة والصواري
هبت نسائم الوصول إلى الضفاف
|
Post: #20
Title: Re: الخرائط اندهاش
Author: رشيدة عثمان فقيري
Date: 06-19-2011, 04:34 AM
Parent: #19
http://www.youtube.com/watch?v=iip8KHOQ1Do&feature=related
http://www.youtube.com/watch?v=iip8KHOQ1Do&feature=related
عندما ترحل التماسيح من ذات الوطن سنغني كلنا اناشيد الخلاص لوطن محقون حد الوريد.
حضورك يبني للطيور المهاجرة هجعه مواعيد للسفر ويرسم الف لوحه امل للوطن شكرا لانك قرات حروفي وحضورك الذي يهش الوجع
تشكرات 1000يا المسافر.
الضفاف مرقوع صبر
والبحر عنوان سفر
لموجه جوة الاحتضار
كوة شمس حزمه نهار
وطن مقسم بالوجع
واهات مقسمه في الخلوق
ونورة من كتر الصبر
حاضت نجيع
دفست رمال الهم سنين
كوم المسافرين والعطاشي
وتذاكر الهم بالردوم
اطفال مدارس اقلام رصاص
تكتب حزم مشوار
مفتق بالغبار..
لحته في خاطر
النعاس.
واه يا وطن
|
Post: #21
Title: Re: الخرائط اندهاش
Author: رشيدة عثمان فقيري
Date: 06-23-2011, 11:11 PM
Parent: #20
12
سجل حضورك
وانسج غيابك
وغيب
من تباريح حزنك
لجوف عبابك
وعبي ذاتك بالوطن
وانتشل من بهرجه حزنك
ادي المظنه
بصيص سفر
وصبر طويل
وحبه محنه
بتوارد من حضورك
غيب وادخل لصلاتك
اشطب محطات المساخر
امسح صدير الهدهد
المضبوح في جوف
زنازين العساكر
المعلق بين تفاكر بكرة كيف?
وصوته اني
امسح الوجع
الخرافي لنيل مسافر
ومن هديره
ومن سكاته قرب يرحل للفيافي
ابيض مجرتق بالصبر
وازرق ممدد بالحزن
جاييين علينا
توافق الحب والتصافي
لا صرخه للحزن النبيل
لا نورة من عتم المشاوير
المسربله بين محطات العشم
تمرق تكوس درب المنافي
اه يا وطن من حسك المشرور
علي كل المسافات
والسفر هو هدير قوافي
لحضرتك
سودان مجرتق بالنضال
سودان جديد
لابس غنيوات الفرح
والعيد عوافي
|
Post: #22
Title: Re: الخرائط اندهاش
Author: محمد عثمان
Date: 06-23-2011, 11:43 PM
Parent: #21
Quote: اه يا وطن من حسك المشرور
علي كل المسافات
والسفر هو هدير قوافي
لحضرتك
سودان مجرتق بالنضال
سودان جديد
لابس غنيوات الفرح
والعيد عوافي |
رشيده..
عواافى..
يديك العاافيه,
|
Post: #23
Title: Re: الخرائط اندهاش
Author: محمد عثمان
Date: 06-24-2011, 00:13 AM
Parent: #22
|
Post: #24
Title: Re: الخرائط اندهاش
Author: كمال ادريس
Date: 06-24-2011, 01:55 AM
Parent: #23
حرفك انيق زي فكرتك
سلمت يداك
|
Post: #25
Title: Re: الخرائط اندهاش
Author: محمد طه الحبر
Date: 06-24-2011, 06:28 AM
Parent: #15
ياسلام عليك رشيده
واصلي في هذا الابداع
لكمني كل الشكر
محمد طه الحبر
|
Post: #26
Title: Re: الخرائط اندهاش
Author: حبيب نورة
Date: 06-25-2011, 03:35 PM
Parent: #25
*
ما كان لهذا أن يهبط للأسفل
|
Post: #27
Title: Re: الخرائط اندهاش
Author: رشيدة عثمان فقيري
Date: 06-29-2011, 08:15 AM
Parent: #26
اعزائ رفقه حرفي ووطن منشطر الفؤاد بوداع جزء يمثل القلب من الجسد,
اخي محمد عثمان حضورك مشرق دائما كيفنك
اخي كمال ادريس سعدت بوجودك بين حروفي
المبدع الاخ محمد طه منور البوست عساك طيب
اخي يسسسسن صباحاتك بيض ما فهمتك كيف عامل
منشطر فؤادي كوطني الحبيب
صباحاتكم
غيمه ومطر
وطن............
فرحان
لحد القيف
... والكيف
في البحر
نازل
|
Post: #28
Title: Re: الخرائط اندهاش
Author: Sidig Rahama Elnour
Date: 06-29-2011, 08:58 AM
Parent: #27
كلنا إندهاش برشاقة هذا الحرف الندي ...
الحرف الذي يسبق توقعكـ ويطابق خاطركـ وقع الحافر على الحافر لما يجب ان يسطر في مفصل السطر القادم
كلنا شوق لوطنٍ تنبثق في راهنه أشجارًاً وماء ... وتتساوي في تجلياته وتراتيله الضوضاء والصمت ...
وتتلاشي من ذاكرته الحروب والدماء ... ويزف فيه (كما قال رمرم) الحب للبغضاء ويتوضى الشيطان من أنهار جنته
صباح بهي بهذا الكلام .. تسجيل حضور وإعجاب ومتابعة ..
|
Post: #29
Title: Re: الخرائط اندهاش
Author: رشيدة عثمان فقيري
Date: 06-29-2011, 10:16 PM
Parent: #28
شكرا كتير لحضورك الذي عطر سماوات الوطن باهازيج عذبه
اخي العزيز صديق كيفنك اخوي شرفتني بحضورك ومتابعتك
احترامي ومودتي ومحبرة بنفسجيه اللون,
تغطي جدائل وطني الحبييب
بامطار التسامح والتصافي والحب
حتي يجرجر النيل سطحه
فتتغني امواجه
فتخرج
نورة متعافيه من كل هم يا رب .
|
|