كلمني يا مجنون هواي

كلمني يا مجنون هواي ..
عن زخه الصدق المطر ..
وكيف ينتر الاحساس ..
غشاوه الحس وتسكن ضفتي ..
ما ضفتك شالت خواصي ..
و
ذوبت فيك دهشتي ..
واتنسج فيك الالق..
وكلمني
يا مجنون هواي
لما ترتاح ليك حواسي ..
وانشد احساسك غنا ..
وارسل عصافير الذهول ..
واستوطن الفكره الوجود ..
واستسالك يا خاطر الزمن
الموسم برؤاي ..
كيفن سكن حسك تفاصيلي ..
وغشتني طراوه الحس الوسيم ..
من ما غشت خاطري الفواصل ..
ذوبت كل الحدود ..
دخل ضؤي سكونك ..
فانبلج فلق الصباح
واتعطر احساسك رشا ..
ما زخه المطر الولوج ..
وباب المطارات الوصول ..
وحضن زخيمك نجمتي ..
واحتضنت سماي ..
حين جيتني غاشي الضفه .
وبلت ضلوعك دهشتي ..
وكلمني يا مجنون هواي
عن زخه الصدق المطر..
الأربعاء مايو 11, 2005 7:09 am

الاخت رشيدة شكرا لهذا الالق

نص دافئ رويان محنة

تحية لحرفك الأنيق

الأخت رشيدة سلامات

نص مُتألق كعادتكـ

شُكرا لهذا الجمال الدفاق


تحايايّ

الاخت الحبيبه هند
حضورك اثلج صدري
ببعض حنين
مودتي وشوقي الاكيد

حضورك هو الاجمل اخي محمد الجيلي
سعدت بوجودك هنا بين حروفي
مودتي ومحبرة بذات اللون

كيفن سكن حسك تفاصيلي ..




جمله معبره لدرجة الدهشه
تسلمى يا غاليه

سعدت بحضورك هنا
يا صفويه يا عسل الروح
كوني قريبه
فانتي صديقه
وحروفي لروحك قريبه
حتي لو عدلت ردك
برضي اشتاق ليك حبيبه
خالص الاشواق

اختي الحبيبه رانيه
حضورك حنين
وصمتك حنين
وحرفك حنين
قرايتك لي بتفرحني جدا
خليك قريبه