Post: #1
Title: سر الفه النيل لحجاي...
Author: الق هاشم
Date: 05-01-2009, 00:54 AM
سنيت بيارق مهجه الشوق الوقف ..
ما بيني بينك والحراز..
مديت صليل حس القوافي..
الطال حنانها .
من بعد ما عز المزار
وسهت عيون حرفي البتاتي..
يشتت الالوان للارض..
عنوان قزح..
من جوة جوف حس الشمس..
الدابا مرقت...
شارة ضؤها ليك امان..
ختيتها قدرة بوحي فيك..
ضميت حنانك امنيه..
حين جيت غشيت..
احساس هواي..
عود وناي ..
دوبيت مستف بالوله..
حين ذاد شقاي..
وااااوجعه الاحساس..
لو كنت مشدوه ..بالمسافه ..
تقش دراريب لهفه الداساهو ليك..
شايفاهوا باين في غناي..
مديت حبال الدهشه مويه ريد..
تغطغط في الجزر..
لامن سقت كل جدائل الغربه..
وبحار اللهفه فاضت بمناي..
اه من حزم فيضك ضفاف ..
لكل ريدة...
واتساع طوفان حنانك بهرجه..
موج لعزاي..
اه من تصاويرك ..
واحتضان حرفي المسافر..
ليك ......................
يهبش في وريدك..
راجياهوا ريدك..
يلا ارسم لوحتك..
ما ريشه احساسك معاي..
شيل وخت خاطري المعاك..
لولي احساسات رجاي..
طرز الليل بالمطر ..
سر الفه النيل لحجاي....
|
Post: #2
Title: Re: سر الفه النيل لحجاي...
Author: نوفل عبد الرحيم حسن
Date: 05-01-2009, 01:05 AM
Parent: #1
| Quote: مديت حبال الدهشه مويه ريد.. |
ممتع حد الدهشه قلمك
يا ألق
صدق من سماك
شكرا علي هذا الالق
|
Post: #3
Title: Re: سر الفه النيل لحجاي...
Author: Safa Fagiri
Date: 05-01-2009, 01:17 AM
Parent: #2
Quote: وسهت عيون حرفي البتاتي..
يشتت الالوان للارض..
عنوان قزح..
من جوة جوف حس الشمس..
الدابا مرقت...
شارة ضؤها ليك امان..
ختيتها قدرة بوحي فيك.. |
ما هذا يا روعة?
Quote: سنيت بيارق مهجه الشوق الوقف ..
ما بيني بينك والحراز.. |
عيونك
ذي سحابة
صيف
تجافي بلاد
وتسقي بلاد
وبدون
عينيكي..
أصبح زولا
بدون ذكرى..
حتما أعود
حبيبتي
الغالية..
|
Post: #4
Title: Re: سر الفه النيل لحجاي...
Author: سمير شيخ ادريس
Date: 05-01-2009, 12:09 PM
Parent: #3
| Quote: من بعد ما عز المزار |
( من بعد ما عز المزار)
واليل سهى .. وملت نجومه الانتظار
والشوق شرب حزن المواويل ..
وانجرح خاطر النهار
( من بعد ما عز المزار)
|
Post: #5
Title: Re: سر الفه النيل لحجاي...
Author: مزمل التريكى
Date: 05-01-2009, 01:23 PM
Parent: #3
Quote: اه من حزم فيضك ضفاف ..
لكل ريدة...
واتساع طوفان حنانك بهرجه..
موج لعزاي..
اه من تصاويرك ..
واحتضان حرفي المسافر..
ليك ......................
يهبش في وريدك.. |
Quote: راجياهوا ريدك..
يلا ارسم لوحتك..
ما ريشه احساسك معاي..
شيل وخت خاطري المعاك..
لولي احساسات رجاي..
طرز الليل بالمطر ..
سر الفه النيل لحجاي.... |
حضور ومتابعه
وبنبر وكباية جبنه .. وعطله باقى اليوم ::((
كل الود والورد
|
Post: #6
Title: Re: سر الفه النيل لحجاي...
Author: مدثر محمد ادم
Date: 05-02-2009, 09:59 AM
Parent: #5
الرائعة الق سلامات
Quote: يهبش في وريدك..
راجياهوا ريدك..
يلا ارسم لوحتك..
ما ريشه احساسك معاي..
شيل وخت خاطري المعاك..
لولي احساسات رجاي..
طرز الليل بالمطر ..
سر الفه النيل لحجاي.... |
دهشة وابداع
ويسلم احساس حروفك
|
Post: #7
Title: Re: سر الفه النيل لحجاي...
Author: الق هاشم
Date: 05-02-2009, 05:32 PM
Parent: #6
ما ساقني مشوار للحنين...
الا ومعاكم كان خطيوات العشم ...
ما جاني خاطرا في التلا بيب ...
الا بحب المحنه الفيكم...
مجدوله زي قمرا يودر في العتم..
عذرا حتي افيق من ولهي بكم...
|
Post: #8
Title: Re: سر الفه النيل لحجاي...
Author: حبيب نورة
Date: 05-03-2009, 09:27 PM
Parent: #7
فوق
عسل
|
Post: #9
Title: Re: سر الفه النيل لحجاي...
Author: الق هاشم
Date: 05-04-2009, 05:04 PM
Parent: #2
المزدان حضورا صديقي نوفل ...
تداخلك هكذا يلامس وجدان حروفي...
فاعزف سيمفونيتي للمطر ..
واسافر في سماء تحيطني بمحبتكم...
فاغني حد لهفتي بكم...
جد بشكرك شديد لوقفتك..
في ظلال حروفي..
تغطيها بمطر دهشتك
|
Post: #10
Title: Re: سر الفه النيل لحجاي...
Author: الق هاشم
Date: 05-04-2009, 05:12 PM
Parent: #9
صفويه عسل الروح...
حضورك مليئ بحبك ...
المزروع في اخر وريد من حبل احساسي ...
اكتب لنغزل الحب..........
لنغني في جوف المطر...
نغزل وشاحات المحنه...
للنيل ...
ووطن معطون بدهشه خريرك يا بنيه..
احبك من الوريد وحتي اخر نخاع الحرف..
ياجميله ...
|
Post: #11
Title: Re: سر الفه النيل لحجاي...
Author: مدحت عفيفي
Date: 05-04-2009, 05:21 PM
Parent: #10
ألقٌ على ألقٍ
ومثلي يألقُ
وجوىً يزيدُ
وعبرةٌ تترقرقُ
شكرأً لك ياألق فقد كنت في حوجةٍ لهذه القصيدة
أصدق تحياتي
|
Post: #12
Title: Re: سر الفه النيل لحجاي...
Author: الق هاشم
Date: 05-04-2009, 05:26 PM
Parent: #10
المزدان سمير...
سعدت حضورا واذددت دهشه
بهكذا مزار ..
عزيز علي جدا تداخل الوانك بيني ...
صديق حرفي اهديك صمتي ودهشه ..ملونه
|
Post: #13
Title: Re: سر الفه النيل لحجاي...
Author: مدحت عفيفي
Date: 05-04-2009, 05:29 PM
Parent: #10
ألقٌ على ألقٍ
ومثلي يألقُ
وجوىً يزيدُ
وعبرةٌ تترقرقُ
شكرأً لك ياألق فقد كنت في حوجةٍ لهذه القصيدة
أصدق تحياتي
|
Post: #14
Title: Re: سر الفه النيل لحجاي...
Author: الق هاشم
Date: 05-04-2009, 05:42 PM
Parent: #13
المزدان مزمل التريكي.. نتكئ علي نبض الحروف..
نعبئ صمت الغربه
بحس التماوج ..
الان جدا مملؤو جوفي بدغدغات الكلام..
اتوكاء حرفي اعبي بلوداتي لسفر بذات اللون...
صديقي خليك بين الحروف ..
لنطرز اقحوان الكلام بنغمه توتيل..
وبذات نكهه
الوطن
|
Post: #15
Title: Re: سر الفه النيل لحجاي...
Author: الق هاشم
Date: 05-04-2009, 05:49 PM
Parent: #14
المزدان بالمطر صديق حرفي مدثر..
للمدي اسفير مدي يغطي توب الارض فتتزمل بالمطر..
لتتغطي.. وهكذا وجدان صمت الحروف ...
عند تلفتك لحرفي ..
.تتهادي فرحا ..
.تتماوج لتعبئ كل البلودات بذات الرزاز
|
Post: #16
Title: Re: سر الفه النيل لحجاي...
Author: الق هاشم
Date: 05-04-2009, 06:04 PM
Parent: #15
امشط السحاب
اهجي المطر
حبيب نورة ..
ويا نورة اه..
عسجد حضورك اطرب انامل الحرف
لتتماوج بالفرح
وتستقي شهد الكلام ..
.
.
.
.
مشتاقين
|
Post: #17
Title: Re: سر الفه النيل لحجاي...
Author: الق هاشم
Date: 05-04-2009, 06:17 PM
Parent: #16
سلامات حبابك المزدان حضورا مدحت..
سعدت بوجودك بين حروفي ..
املاء دنك من كل حرف اغسل وجدانك بالمطر..
نجري خلف بيت شعر هارب..
ونغمس كل الحس في حبر الذاكرة ..
لنعطر وجدان الخاطر ببعض همس..
دمت شفيف
|
|