لا .. القصة ريد

أنضف من السما في رجب
يازول بمجد فيك تاريخ القيم
وماالقصة ريد
يكفيني فيك حاجات كتيره وبعرفها
عمق العلاقة البين ضميرك والصدق
خوة بنيات الفريق لحدهن
طهرك ورب العالمين
سرك وباطنك والعلن
مطر الرذاذ لزول بعيد حافي وهلك
بسمة وليداتن صغار
ماعرفو يطعنو في الضهر
تاج العفاف مختوم علي الطيب والوفا
الاحترام لناس معاك وحاجات كتير بنوالفا

وماالقصة ريد
أنا جيت اشيل منك مفاتيح الفهم
وأفتح قلوب كل اللي باعوا الآخرة بالدنيا العدم
أملاها بيك وأكتب عديل أدبا أدب
أنا دايرة نيل أتوضا بيه واغسل ذنوبهم وأتكل
وأنا بحترم
سدًا وقف مابين دواخلك والكضب
ونجماً نزيه في ليل طويل قاسي وحلك
يازول حنين أنا دايرة فيك منك خصالك وأشبهك
كل الصفات خلقا خلق
تتباهي بيك كل الحروف الواقفة في سن القلم
تعظيم سلام لزول قليبه من الدهب

لا القصة ريد
وأنا دايرة منك اشيل خصال
وأعلم الناس الصدق

Quote: سدًا وقف مابين دواخلك والكضب ونجماً نزيه في ليل طويل قاسي وحلك يازول حنين أنا دايرة فيك منك خصالك وأشبهك كل الصفات خلقا خلق تتباهي بيك كل الحروف الواقفة في سن القلم تعظيم سلام لزول قليبه من الدهب

كلام حلو
ان تكون هناك قلوب تنبض هذا في حد ذاته
دفعة للإيمان ان الفضل مازال باقي

نحن صرنا في زمان قلَّ فيه الوفاء وطغى عليه
ضمير قضي وقتك

لك التحية هند محمد ابوالعزائم

وليت الفرحة تعصر قلبك كل سوم ونسمع كلام حلو وجميل

لحين ميسرة

Quote: لحين ميسرة

أعتذر لتأخير الردود لظرف صحي

يا أهلا وسهلا بالكرام وبالحضور العطر




حبابك كتير أخي خالد في الحروف وعشرات حباب حرفك

كل الشكر لك لصدق وطيب النوايا

الود والاحترام

Quote: وليت الفرحة تعصر قلبك كل سوم ونسمع كلام حلو وجميل

شكرا أخي خالد للطفك
لك تحية صباحية نقية معطرة بهدي الرحمن
تقديري للاشراق هنا
ليك كل الاماني الجميلة
كن بألف خير

Quote: تتباهي بيك كل الحروف الواقفة في سن القلم تعظيم سلام لزول قليبه من الدهب

تعظيم سلام ليك يا هند وقومه واحترام
كلمات جميله ومعاني نبيله
تسلمي ويسلم مدادك

بقيتي خطيرة في الشعر يا بت الباشا..
مضامينك الشعرية ارتوت حسنا وارتقت لمراق عليّة..
وفقك الله.

شكراً كثير
مرور من أجل التحية
لهذا الشعر المثمر للانسانية
والمحفز للتواصل النضيف


______

أتذكر العميري
وابقى زولاً ليه قيمة

التعديل من أجل خطاء في الكتابة

Quote: شكراً كثير مرور من أجل التحية لهذا الشعر المثمر للانسانية والمحفز للتواصل النضيف ______ أتذكر العميري وابقى زولاً ليه قيمة

والله لقد أكرمتني بالعطاء في أرقي معانيه عبر هذه الكلمات الشفيفة
والحضور الجميل
لك من ورد الكلام مايليق يا أمين
ولك أنبل مايليق وانت تهديني الثقة في الحروف والتواصل الانساني في أبهي حلة
الشكر لك انت العميق
وانت زولا كله قيمة
زينت الحتة
ألف تحية وتقدير

ونجماً نزيه في ليل طويل قاسي وحلك

والنجم النزيه خلّوه بس يرقص معاي هند الدَّلِك
راجينو دا الفجر اللي جايي ماله صار زي العِلِك
لا قال بغيب ولا أدى إنذار للمراكب والفنارات والفُلك
وقال داير مناظير صممت كيفن تشوف علمه "الفَلك"

--
تجربة جديدة تتراءى أمامي
تعتمد على الموسيقى
والإيقاع الذي يقول
لسنا في حاجة
إلى التزيّن بالقوافي
وشدّ الرسن
بل إفصاح ذاتي
أنه فن
محض فن
يختال كما العصفور على فنن
--
شاعرتنا
أعلمينا
إن كنت في سباق وتنافس
مع نفسك
كي لا نتوه
فعلى الرغم من ادّعائنا
أننا نقرأ لك
نكاد لا نفهم ما استجد
--
لله درّك
هاهنا شيءٌ جديد
احترامي
واقرئي
ما كتبناه عنها في مكان آخر

ولنا عودة إن شاء الكريم

يوم بتكتلي ليك زول بكلامك السمح ده..



هو سمح ساكت ..ده سمح ما سماحة نصاح..



شكرا هند ..يا مَجيدة ومُجِيدة..

يوم بتكتلي ليك زول بكلامك السمح ده..



هو سمح ساكت ..ده سمح ما سماحة نصاح..



شكرا هند ..يا مَجيدة ومُجِيدة..


________________________________


وبقدر غلاوة الاخاء يأتي الشكر والتقدير
والله جابتني المشاعر من فكر الغياب
وعلي هذه الارض هنا مايستحق الحياة ..أخوة نودهم في الله
شكرا يا أخي محمد أيها الشاعر والانسان علي احساسك الجاب تعبيرك
هي سماحة روح فيك وعطاء وكل الخلق
تقديري لمرور افتقدته
عشرات حبابك في الحروف
والمودة بينا والاحترام

Quote: شاعرتنا أعلمينا إن كنت في سباق وتنافس مع نفسك كي لا نتوه فعلى الرغم من ادّعائنا أننا نقرأ لك نكاد لا نفهم ما استجد -- لله درّك هاهنا شيءٌ جديد احترامي واقرئي ما كتبناه عنها في مكان آخر ولنا عودة إن شاء الكريم

انا حملت الشكر دوماَ يا اخي عبد الفتاح لهذا العطاء الجميل لي ولكل من تتداخل معه
وصدقني ما تأخرت بعمد عن التعليق باحتفائك هناك
هي الظروف وبعض من ألم
شكرا وانت تهديني الشعور بجمال وقيمة ما اكتبه
وبهذه الاطلالة الانيقة يا أخي
لم القي تعابير توفي كلماتك
ولكن الكثير من والود والاخاء والاحترام قيكفي
شكرا بحر

Quote: هي الظروف وبعض من ألم شكرا وانت تهديني الشعور بجمال وقيمة ما اكتبه وبهذه الاطلالة الانيقة يا أخي لم القي تعابير توفي كلماتك ولكن الكثير من والود والاخاء والاحترام قيكفي شكرا بحر

يا شيخة تسلمي
من ظروف من الألم
هي الدهشة ما لازم تجيب
للظروف ولي كل الألم
يحفظكم الله من الألم
وكل اللي بتخبّيه القسم
وفي المثل من خاف سلم[/

B]

(وماالقصة ريد
يكفيني فيك حاجات كتيره وبعرفها
عمق العلاقة البين ضميرك والصدق)

--
يا حليلو داك زمن الصدق
وكتين كان ضمير طلباً لحق
داك كان زمن ليه الألق
يفوح ضمير بي كل عبق
وللوطن كل زول كيفن عشق

(أنا جيت أشيل منك مفاتيح الفهم
وأفتح قلوب كل اللي باعوا الآخرة بالدنيا العدم)

--
شن الفهم
غير اللي عندك يا نُعم
وشيل المفاتيح ما قِسم
أدّاك رب العالمين لما قَسم
قبّال تجينا من العدم
وفوق يا فهم

يا شيخة تسلمي
من ظروف من الألم
هي الدهشة ما لازم تجيب
للظروف ولي كل الألم
يحفظكم الله من الألم
وكل اللي بتخبّيه القسم
وفي المثل من خاف سلم[/

_____________________

الله يكرمك يا أخي عبد الفتاح
كان عندي غثيان
لكن ربنا سبب الاسباب
بديت أكتب رواية اسمها غثيان
بأذن الله تصدر قريبا
شكرا للشعور الطيب منك
ليك مني أجمل مايتمني انسان لانسان والاخوة والود والاحترام

Quote: كان عندي غثيان لكن ربنا سبب الاسباب بديت أكتب رواية اسمها غثيان بأذن الله تصدر قريبا شكرا للشعور الطيب منك ليك مني أجمل مايتمني انسان لانسان والاخوة والود والاحترام

معذرة
لم يكن الهدف إلا رفع البوست

ومعذرة إن أسيء فهم ما كتبت
ولك كل الاحترام

Quote: بقيتي خطيرة في الشعر يا بت الباشا.. مضامينك الشعرية ارتوت حسنا وارتقت لمراق عليّة.. وفقك الله.

أستاذنا محمد طه
كلام شهادة وأنبل عطاء واكبر حافز للمواصلة

وللناس عيون وللناس فهم
وكل شئ بعطره
حروف وروح ..واحساس
ويبقي الجمال مناصفة مابين القلوب والاحساس والذائقة
وأنتم أهل كل جميل

لك الشكر بكثافة
ومودتي والاحترام

كن بألف ألف خير
خذلني حرف

شكرا بحر :)

Quote: تعظيم سلام ليك يا هند وقومه واحترام كلمات جميله ومعاني نبيله تسلمي ويسلم مدادك

تسسسلم تسلم يانوفل تعظيم سلام ليك ولاحساسك
شكرا للطف والاطراء
هذا النص اراه ايضا من أجمل ماكتبت مؤخرا

من نزلتو بفتح المنبر ماقريت شئ غيرو : )

تقديري يا أخي لخطك الجميل

Quote: كلام حلو ان تكون هناك قلوب تنبض هذا في حد ذاته دفعة للإيمان ان الفضل مازال باقي نحن صرنا في زمان قلَّ فيه الوفاء وطغى عليه ضمير قضي وقتك

وعودة شكر لهذا الكلام الجميل
بكل مايحمله من معاني انسانية
ووقفة احترام
وانا في شخصك بحترم اشخاص
شكرا يا أخي خالد
لك المودة والاحترام

مفردة ريدة ابلغ واجمل مية مرة من مفردة حب..

والسودانيين عادة ريادين ..

وكلمة بريدك كلمة حنينة وبتصل لوريدك مباشرة ..

الله يخليكي لينا يا هند..ويديم الريد..

مفردة ريدة ابلغ واجمل مية مرة من مفردة حب..

والسودانيين عادة ريادين ..

وكلمة بريدك كلمة حنينة وبتصل لوريدك مباشرة ..

الله يخليكي لينا يا هند..ويديم الريد..

____________________________

تسلمي يارشوية يازولة يارذاذ ياحنينة
الله يخليك انتي ويكتر فينا من منك
شكرا ياعزيزتي للطفك الجميل
كلماتك دخلت فيني موج
وفاضت ريد
ليك كل المحبة والتقدير
كوني
بقلبك
ده