بتساءل ..

أنا بتساءل ..
مين أداك تصريح تتجول
تبقى الفكرة الجوة الخاطر
توصل حد الشوق الفطرة
تمشى معاى فى الزمن الحاضر
مين أداك جواى القدرة ؟
مين خلاك الغيم الماطر
حاجة غريبة الدنيا تشاتر !!
أنا حاساك مشتاق لعيونى
وأنا بشتاق لشوقك ماطر
ونفضل نزرع درب الريدة
خطوة بتمشى .. وخطوة تراجع
ورغم السكة الواحدة فى ريدنا
ما أتلاقينا .. أقدارنا تمانع ..
تعرف ..تهتَ ..
دربك سكة بمليون شارع
ضاعت منى رموز العرفة
قلبى أختارك .. وقلبك شاهد ..
أنا بتسائل كيف ألقاك
أنا غرقانة فى موج احزانك ..

ليك مشتاقة ..
ومامسئولة عيونى تريدك
أنا أدمنتك لهفة خاطر
أنا عمدتك بأشواقى
وبيك بتحدى الزمن الغادر
شلتك سيرة ..
ورحت أذاكر
أتمنيتك زى العافية
وليك بترجى الرب القادر
عارفة هواى جواك متمكن
عاند قلبك أكتر وكابر
بكرة حنينك لى يهدك
تمشى معاى فى السكة تغامر
بينى وبينك
حاجة غريبة الدنيا تشاتر .. !!!

هند محمد .

كل عام وأنتم بألف خير وصحة وسعادة ..

وربنا يحقق الآمانى ..

هند الجميلة كل سنة وانتِ وكل الأهل بألف صحة وعافية وأشكرك الشكر الجزيل لهذه العيدية الجميلة .

وانا بتسأل زيك برضو كيف القمرة تباري ضياءك
وكيف الغيمة تهطل شوق ترؤي خطاك تفضح جيتك

كل عام وانت بألف خير وصحة وسعادة شاعرنا هاشم ..

كل عام وانت بذات الروح الطيبة والقلب النظيف ..

ربنا يحقق جميع امنياتك .. وكل عام والاسرة وجميع الاهل بخير ..

أشكر لطفك والتهنئة الرقيقة ..

شكراً جميلاً ..

Quote: ليك مشتاقة .. ومامسئولة عيونى تريدك أنا أدمنتك لهفة خاطر أنا عمدتك بأشواقى وبيك بتحدى الزمن الغادر شلتك سيرة .. ورحت أذاكر

وكل عام وانت بخير وصحة وسعادة

ومذاكرة كويس
وناجحة بتفوق

دى شهادة اعتز بيها ابوساندرا ..

كل عام وانت بألف خير وصحة وسعادة ..

ربنا يحقق جميع امنياتك ..

أشكر لطفك ومرورك الجميل ..

Quote: أتمنيتك زى العافية

لا تساءل هنا
فقط لأنك ملكت ناصية الحرف
وطوعته كما تشاءين
هند لك التحية على هذا الكلام الجميل
وكل لحظة وأنت كما أنت رائعة متفردة

كل عام وانت بألف خير وصحة وسعادة شاعرنا حسين ..

ربنا يحقق جميع امنياتك ..

الروعة فى احساسك الجميل ووجودك هنا بين أحرفى ..

أشكر لطفك وعيدك مبارك ..

تساؤل وجيه
ياريت بس يجيب
ويخت النقط فوق الحروف

أنا بتساءل ..
مين أداك تصريح تتجول
تبقى الفكرة الجوة الخاطر
توصل حد الشوق الفطرة
تمشى معاى فى الزمن الحاضر
مين أداك جواى القدرة ؟
مين خلاك الغيم الماطر
حاجة غريبة الدنيا تشاتر !!
أنا حاساك مشتاق لعيونى
وأنا بشتاق لشوقك ماطر
ونفضل نزرع درب الريدة
خطوة بتمشى .. وخطوة تراجع
ورغم السكة الواحدة فى ريدنا
ما أتلاقينا .. أقدارنا تمانع ..
تعرف ..تهتَ ..
دربك سكة بمليون شارع
ضاعت منى رموز العرفة
قلبى أختارك .. وقلبك شاهد ..
أنا بتسائل كيف ألقاك
أنا غرقانة فى موج احزانك ..

ليك مشتاقة ..
ومامسئولة عيونى تريدك
أنا أدمنتك لهفة خاطر
أنا عمدتك بأشواقى
وبيك بتحدى الزمن الغادر
شلتك سيرة ..
ورحت أذاكر
أتمنيتك زى العافية
وليك بترجى الرب القادر
عارفة هواى جواك متمكن
عاند قلبك أكتر وكابر
بكرة حنينك لى يهدك
تمشى معاى فى السكة تغامر
بينى وبينك
حاجة غريبة الدنيا تشاتر .. !!!

هند محمد .

أنا حاساك مشتاق لعيونى
وأنا بشتاق لشوقك ماطر
ونفضل نزرع درب الريدة
خطوة بتمشى .. وخطوة تراجع
ورغم السكة الواحدة فى ريدنا
ما أتلاقينا .. أقدارنا تمانع ..
هند كل عام وأنت بخير وربنا يحقق الأماني ويجمع الشمل

العزيزة سمية ..كل عام وانتِ بألف خير وصحة وسعادة ..

ربنا يحقق كل امنياتك ويسعد ايامك ..

أشكرك على التهنئة اللطيفة والمرور العذب ..

تسلمى كتير ..

فناننا نور الهادى كل عام وأنت بألف خير وصحة وسعادة ..

وربنا يحقق كل أمنياتك ..

هو تساؤل من وحى الخيال الشعرى ليس موجه الى شخص بعينه ..

خواطر واشجان تمخض عنها هذه القصيدة ..

تماما مثل الوجوه التى ترسمونها فى لوحاتكم ..غامضة ولاتحمل أوصاف شخص بعينه ..

ولكنها تظل وجوه ووجوه معبرة جداً ..

أشكر لطفك ومرورك الجميل ..

Quote: أنا بتساءل .. مين أداك تصريح تتجول تبقى الفكرة الجوة الخاطر توصل حد الشوق الفطرة تمشى معاى فى الزمن الحاضر مين أداك جواى القدرة ؟ مين خلاك الغيم الماطر حاجة غريبة الدنيا تشاتر !! أنا حاساك مشتاق لعيونى وأنا بشتاق لشوقك ماطر ونفضل نزرع درب الريدة خطوة بتمشى .. وخطوة تراجع ورغم السكة الواحدة فى ريدنا ما أتلاقينا .. أقدارنا تمانع .. تعرف ..تهتَ .. دربك سكة بمليون شارع ضاعت منى رموز العرفة قلبى أختارك .. وقلبك شاهد .. أنا بتسائل كيف ألقاك أنا غرقانة فى موج احزانك .. ليك مشتاقة .. ومامسئولة عيونى تريدك أنا أدمنتك لهفة خاطر أنا عمدتك بأشواقى وبيك بتحدى الزمن الغادر شلتك سيرة .. ورحت أذاكر أتمنيتك زى العافية وليك بترجى الرب القادر عارفة هواى جواك متمكن عاند قلبك أكتر وكابر بكرة حنينك لى يهدك تمشى معاى فى السكة تغامر بينى وبينك حاجة غريبة الدنيا تشاتر .. !!! هند محمد .

لو بتحبنى ..أوعا تغامر!!

ماتخلينى أموت فى بعدك

الغى الفكرة وأوعا تسافر

انا حبيتك انت الفكرة

غرام بالجد من نوعا نادر

ماتخليك فى غيك سادر

شيل الحلم معاى يوم باكر

انا حذرّتك بقع الشاطر !!

أسمعنى وقول كلمة حاضر

ومن نار غضبى أعمل ساتر !!


شكرا الرائعة هند لتحريضى على الكتابة بعد توقف طوووووووووويل وشكرا لملامستك للروح بروعة قصيدتك الحانية ..

في ناس جبانات بشكل
ما تسألي من الإحساس الجواه ده
شابكنا الغيم الماطر
تقول مزارعية
يا اختي
اسمحي لي اقوليك انت المشاترة
يابت اسألي من احساسو عديل
حتيضيعي
وقتنا ووقتك
منو الأداك تصريح تتجول
ناس المعتمدية
بزعل منك ما تسألي اسئلة زي دي
ديل انا بعرفوهم
ما تكبي لي حنان قدر ده
ما بستاهلو
اسمعي كلام احوك

Quote: مين أداك تصريح تتجول تبقى الفكرة الجوة الخاطر توصل حد الشوق الفطرة تمشى معاى فى الزمن الحاضر مين أداك جواى القدرة ؟ مين خلاك الغيم الماطر حاجة غريبة الدنيا تشاتر !!

تجولنا بدون تصريح حتي الفكرة وصلت حد الشوق

ومشينا معاك مشواره حاضرة الزمن الجميل هند أحلي

عيد حتي الغيمة حبست الريد الجوة سحابة مطر رشاش

،،،،أبوقصى ،،،،

ياسلام على روحك الطيبة يا ابوقصى ..

كل عام وانت بالف خير وصحة وسعادة وربنا يحقق امنياتك ..

أشكرك على كلماتك الطيبة ومرورك الدافئ ..

تسلم كتير ..

Quote: منو الأداك تصريح تتجول ناس المعتمدية

لوووووووول

ناس المعتمدية سلطتهم أيه؟دى ملكية فردية جوانية استاذ السنى ..

كدى حاول اعرف لى اسمه عشان نرميه فى الحراسة هههه

كل عام وانت بينا بكل هذه الروعة والروح الحلوة ..

كل عام وانت واسرتك بالف خير وصحة وسعادة وربنا يحقق امنياتكم ..

أشكرك على المرور الفرح ولطفك ..

حقيقى كلمات رائعة ..

اديبتنا الغالية نادية ..كل عام وانتى بألف خير وصحة وسعادة ..

وسعيدة أن لامست كلماتى مشاعرك وطلعت من جواك هذه الآحرف الجميلة ..

أشكر لطفك ومداخلتك الجميلة ..

ومرة تانية تسلم مشاعرك ..

كل عام وانت بالف خير وصحة وسعادة حسام ..

مشكور على الاهداء الجميل أخى ..

تسلم ويسلم لطفك ..

بيني وبينك ..
أنا بتساءل ..
وبقول زي الكتابة الحلوة دي يوم بتودر عمرنا ..
أها نعمل شنو في جنس الحالة دي ..

شكراً هند على هذا الكلام الراقي ..
وكل عام وأنتِ بألف خير ..

سلامة عمرك استاذ معتصم ..وعمر احساسك بالجمال ما يأذيك ..

حيكبر الانسان الجواك مع احساسك ..

كل عام وانت بألف خير وصحة وسعادة وربنا يحقق جميع امنياتك ..

أشكر مرورك العذب وروحك الجميلة ..

شكراً جميلاً ..

Quote: تعرف ..تهتَ .. دربك سكة بمليون شارع ضاعت منى رموز العرفة قلبى أختارك .. وقلبك شاهد .. أنا بتسائل كيف ألقاك أنا غرقانة فى موج احزانك ..

تسلمى حبيبة انتى من الغرق والحزن ويارب يتهو عدوينك
كل سنه وانتى طيبة هندوية حبيبه والشهر الجاى فينا ده تكونى لقيتى
السكة ومامحتاجه تتسائلى وربنا يديك الفى مرادك ويحقق ليكى كل الامنيات ويحفظك من كل شر

دربك اخضر انشالله

ماجدة الحنينة .. احساسى بيقول انك أنقى الناس هنا ..

احساسى عالى بالناس كتير بصدق ..

مشكورة عزيزتى على امنياتك الطيبة وحضورك العذب الدافئ ..

ربنا يسعد ايامك ويحقق كل احلامك ياست الناس ..

أشكرك كتير ..وتسلمى ..

Quote: أنا عمدتك بأشواقى وبيك بتحدى الزمن الغادر

تسامح الاديان برغم تشدد (الجامع) و(الكنيسة)

لكنها الاشواق ..





بنحى فيك الشجاعة (بالبوح) اول شئ , والتانى بالجرأة (بالتعميد) وحتى لو ماتو بغيظم (المعمدان) والإمام

الشفيفة الرقيقة الدواخل
هند أحمد

كل عام وأنت بالف خير
لكي خالص مودتي

غادة

العزيزة غادة ..كل عام وانتى بألف خير وصحة وسعادة عزيزتى ..

ربنا يحقق جميع امنياتك ..

أشكر لطفك والحضور الجميل ..

شكراً جميلاً ..

وانا احيى الروح الطيبة والحضور الآنيق ..

استاذ عبد الخالق كل عام وانت بالف خير وصحة وسعادة ..

ربنا يحقق جميع امنياتك ..

أشكر لطفك والمرور ..

شكراً جميلاً ..

ارتهانك اللون
فشدي وتر الكلام على خاصرة النغم

و
عزرا أن قادرني الكلام

بل أغفر لى انا ..أن تحينت فرصة ردك الآنيق لتوضيح رسالة عامة ..

أسعد بوجودك دائما سيدى المرهف والحساس جداً ..

وعذراً إن طالك من كلماتى شئ ..

أشكر لطفك ومرورك الدافئ ..شكراً جميلاً ..

هند محمد

مددتي حبال الود أكثر مما ينبغي ... ولكنها الحقيقة التي لا يناصرها الكثيرون
ولكن انها الحقيقة .... شكرا لكلماتك الصريحة ... الجميلة
وليت البوح يصبح هكذا .......

شكرا كتير

استاذ عبدالرحمن ..الشكر أجزله لك أنت على كلماتك اللطيفة والداعمة ..

كل عام وانت بألف خير وصحة وسعادة وربنا يحقق الامانى ..

أشكر لطفك ومرورك الآنيق ..شكراً جميلاً ..

انا اتضاءل امام هؤلاء الشعراء والأدباء الذيت تداخلوا
وفيهم من جارى نظمك الأنيق بحروف من زعفران .. ولكني :

Quote: أنا بتساءل ..

افراشة انتي تريدين السكون برهة في احضان هذه الوردة الحمراء
أم انتي عطرها الفواح الذي تتنفسه فنشتمه نحن ويبث فينا الحياة بالأمل

فقط اتساءل

سلامات يا هند وكل سنه وانت مليانه بحاجات كثيره احلى واحلى ..
اكتبي واتساءلي زي ما انت عايزه
وفتشي عن كل الاجابات
اكتبي
ايمن

هندويه...

......

......

بعد كتر الكلام وغلبني أنظمه علشان يليق بكلامك..
قلت كفايه اقول ليك كل سنه وانتي طيبه وجميله..

كل عام وانتى بألف خير وصحة وسعادة يامنى وربنا يحقق جميع امنياتك ..

حضورك هنا وتواجدك فى اى بوست هوالبهجة وكل الفرح عزيزتى ..

أشكر لطفك ومرورك الجميل ..تسلمى

العزيز ايمن ..كل عام وانت بألف خير وصحة وسعادة وربنا يحقق جميع امنياتك ..

أشكرك على الدعم والمساندة والتهنئة اللطيفة ..

شكراً جميلاً ..

العزيز امير ..روحك الجميلة اخى هى التى تتحسس مواطن الجميل ..


منها كل اناقة الورد وعبق الرياحين ..

أشكرك جزيل الشكر على كلماتك الجميلة الرقيقة والمعبرة ..

شكراً جميلاً ..

...