ماقلناها .. مافى لزوم من تانى نعيدها من ميلادنا .. كان متطابق جين الحسّ الفى تكوينا ورابط ..أنا من ضلعك وانتََا..انت مهجّّن كل خلية وكان متوارد نبض الفكرة وشكل احساسنا بأننا واحد باقى يقييّنا .. ومن أمالنا رسمنا السكة وبأحلامنا كسينا القمرة وكان ايمانا الضو فى العتمة وكنا نغنى .. ورجع صدانا بنادى الغيمة وكان بتوسل فينا الخاطر مرّة مرّحل ومرّة بنازع لحظة يبرق فى خُلدينا وفص الشوق أنصاص وموزع غرسه مفرهد فى قلبينا ولهفة ريد معجونة بسكرة فينا تميمة .. ولو كان ممكن .. ضل النبتة يفارق غيمها أو تتخلى الأرض الدائرة عن خط سيرها أو القمرة تخاصم ليلها يبقى فراقنا يجوز وبيحصل وجاى حقيقة لكن بتخيّل .. أنو الروح حتبارى خليلها ويبقى الريد فى قالب أسمى وحق وحقيقة ....... وماقلناها .. مافى لزوم من تانى نعيدها مصيرنا الريدة ..
ايوة نعيدها مرة و تانية و تالتة نزيدا شنو اجمل من كلمة ريدة طالعة بكل محنة وصدق من جوة لجوة عمرانة مشاعر و احلام قلبا شاعر بي لحظة سعيدة عشان كل القلناهو و الحسيناهو يبقى نعيدها
شاعرتنا هندوية شكرا على مساحة التواصل
الشديدة
Post: #7 Title: Re: كنا نغنى .. Author: هند محمد Date: 07-04-2008, 09:46 AM Parent: #3
علي مهلك .. عيديها.. فالمشوار لسه بعيد.. علي الطريق هموم الريد.. علي مهلك عيدها صباح ومساء حد الانتشاء لا تتركيها وتأخذي الاسي علي مهلك عيديها في بحارالشوق تغتسلُ ليصفا لنا الزمن والريح لا تشتعلُ عيدهامن القلب بلا مللُ علي مهلك عيديها
الأشواق .. ما خاطر يسرح ويرجع مرة ولو فكرت الشوق بتأجل ما وروك قانون الفطرة ولسه انسانك غايب رشدو غيم الشوق.. بتقطر إلفة وفى عينينا بندفن سره ما الأشواق لو تعرف سكة واحنا الخطوة الفى ممشاها وطول الغيبة الزاد نيرانها ..
الاخ العزيز عماد ألف شكر على مداخلتك الجميلة الأنيقة ومليون سلام وتحية لشخصك الانسان تسلم كتير
Quote: ما الأشواق لو تعرف سكة واحنا الخطوة الفى ممشاها
براي .. مارق فوق فيافي الشوق أصبر دمعاً نازل وجاي أسوق الخطوة الاولي وكل السكة تجقلب بيها خطاي .. جضت بسمة مطعونة بمراية هواي سليت سؤال الذمة عن أحلامنا ساكنة؟! ولا طشة مع الهبباي ؟! إختارت الصمت ذكري لحظة التيه البال نساي أديني طرف الطرحه وطناً أدسومعاي وينام حداي .. أشيل دمعكِ,النيل شال ما بحزن والفراشة جواي أبقي النسيم والروح أبقي نجمة تحلب ضؤاً باهي أبقي الشمس تقش الضل.. غيمة ومطيرة من سمائي أبقي القمرة للاطفال تغني غنوة باي باي ..
Post: #8 Title: Re: كنا نغنى .. Author: هاشم أحمد خلف الله Date: 07-04-2008, 09:51 AM Parent: #1
Quote: ولو كان ممكن .. ضل النبتة يفارق غيمها أو تتخلى الأرض الدائرة عن خط سيرها أو القمرة تخاصم ليلها يبقى فراقنا يجوز وبيحصل وجاى حقيقة لكن بتخيّل .. أنو الروح حتبارى خليلها ويبقى الريد فى قالب أسمى وحق وحقيقة ....... وماقلناها .. مافى لزوم من تانى نعيدها مصيرنا الريدة ..
مبدعة والله يا هند , جمعة مباركة ومشتاقين كتير يا زولة
Post: #24 Title: Re: كنا نغنى .. Author: هند محمد Date: 07-06-2008, 06:37 AM Parent: #8
Quote: مبدعة والله يا هند , جمعة مباركة ومشتاقين كتير يا زولة
الابداع فى احساسك ونصوصك الأنيقة شاعرنا هاشم ومايوحشك غالى اخى مشكور على المرور الكلمات الطيبة تسلم كتير
Post: #33 Title: Re: كنا نغنى .. Author: هند محمد Date: 07-07-2008, 08:46 AM Parent: #16
Quote: الرائعة دوما
تحية لكى
مليون سلام وتحية المر
الروعة فى احساسك وطيبة قلبك
الف شكر على الطلة المفرحة
Post: #32 Title: Re: كنا نغنى .. Author: هند محمد Date: 07-07-2008, 06:33 AM Parent: #14
Quote: هند...
رهافة الحرف و رقة الكلمة تحكى عن ذات شفيفة مسكونة بالصفاء و الق التفرد...
شكرا ليك و كل الود..
صباحاتك أشراق محمد ويارب كل صباح جميل صباحك
الصفاء فى روحك المتذوقة للمعانى والباحثة عن كل جميل
الشكر لك انت اخى على المرور الدافئ الكريم
شكراً جميلاً
Post: #18 Title: Re: كنا نغنى .. Author: محمد عثمان Date: 07-05-2008, 10:24 AM Parent: #1
هند...
صبااحات ندية...
و اضافة نغم لهذا البوست الشفيف..
Post: #20 Title: Re: كنا نغنى .. Author: محمد الطيب حسن Date: 07-05-2008, 05:22 PM Parent: #18
هند
بوست راقي ورفيع بمداخلات اروع من الروعه
الشكر لكل من وضع اكليل من الزهر هنا
شكرا هند
Post: #21 Title: Re: كنا نغنى .. Author: خالد علي محجوب المنسي Date: 07-05-2008, 08:22 PM Parent: #20
Quote: ماقلناها .. مافى لزوم من تانى نعيدها من ميلادنا .. كان متطابق جين الحسّ الفى تكوينا ورابط ..أنا من ضلعك وانتََا..انت مهجّّن كل خلية وكان متوارد نبض الفكرة وشكل احساسنا بأننا واحد باقى يقييّنا .. ومن أمالنا رسمنا السكة وبأحلامنا كسينا القمرة وكان ايمانا الضو فى العتمة وكنا نغنى .. ورجع صدانا بنادى الغيمة وكان بتوسل فينا الخاطر مرّة مرّحل ومرّة بنازع لحظة يبرق فى خُلدينا وفص الشوق أنصاص وموزع غرسه مفرهد فى قلبينا ولهفة ريد معجونة بسكرة فينا تميمة .. ولو كان ممكن .. ضل النبتة يفارق غيمها أو تتخلى الأرض الدائرة عن خط سيرها أو القمرة تخاصم ليلها يبقى فراقنا يجوز وبيحصل وجاى حقيقة لكن بتخيّل .. أنو الروح حتبارى خليلها ويبقى الريد فى قالب أسمى وحق وحقيقة ....... وماقلناها .. مافى لزوم من تانى نعيدها مصيرنا الريدة ..
