الحلم التالت

الحلم التالت


04-30-2009, 10:00 AM


  » http://sudaneseonline.com/cgi-bin/sdb/2bb.cgi?seq=msg&board=481&msg=1255233069&rn=54


Post: #1
Title: الحلم التالت
Author: هند محمد
Date: 04-30-2009, 10:00 AM
Parent: #0

وحشة مين الجاية تكحل ..
رمش الليل والقمرة رتابة
زمناً ناتل بين الروح
والعصب الراجف
إتلملمت
من بينات السبعة مصاطب
إتوحدتَ مع الأيام
والموت اللافح
كل ماتبدأ النجمة تّحكي
ترجع تاني تقول كضابة
لا بتفوتك رعشة أيد
الصبر الحايم
لابغباك الحلم الواقف
قدر الفات والجاي شتلنا
اماني تّلم الصحرا فى غابة
وفى درجات الغيب شكلنا
صبراً فارد النيل بوابة
فيك كم باب للون الواحد ؟
أسقيني الفكرة
اللون الأخضر
وقلب يتهجي الغبن المارق
أدينى ملامحك لون
غيمات الحزن العالق
خلينى أحدد
فيك ملامح الضوء الشارد
قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..



هند محمد
مارس 2009

Post: #2
Title: Re: الحلم التالت
Author: مريم بنت الحسين
Date: 04-30-2009, 10:13 AM
Parent: #1

هند محمد.. تحية ليك..

اضحكك؟ انا قلت الزولة دي فاتحه موضوع عن الفايز التالت في مسابقة mbc ههههه

Post: #8
Title: Re: الحلم التالت
Author: هند محمد
Date: 04-30-2009, 03:19 PM
Parent: #2

Quote: هند محمد.. تحية ليك..

اضحكك؟ انا قلت الزولة دي فاتحه موضوع عن الفايز التالت في مسابقة mbc ههههه

غايتو الا يكون سودانى ههههه
حياك الله يامريم
لازم أروح أفتش المسابقة فى mbc دى عشان أنقش حاجة انا مامتابعاها بصراحة
لكن كلامك حسسنى انو فايتنى كتير

تسلمى على الضحكة المن جوة

Post: #3
Title: Re: الحلم التالت
Author: محمد كابيلا
Date: 04-30-2009, 10:31 AM
Parent: #1

Quote:
لا بتفوتك رعشة أيد
الصبر الحايم
لابغباك الحلم الواقف
قدر الفات والجاي شتلنا
اماني تّلم الصحرا فى غابة
وفى درجات الغيب شكلنا
صبراً فارد النيل بوابة
فيك كم باب للون الواحد ؟
أسقيني الفكرة
اللون الأخضر

يا سلام يا هند ياخ ....!!!!
كلام زى مشروب الليمون مريح للأعصاب ؟؟؟؟
يا ترى كيف يكون الحلم الأول ؟!
كل الود
محمد كابيلا

Post: #10
Title: Re: الحلم التالت
Author: هند محمد
Date: 04-30-2009, 08:35 PM
Parent: #3

Quote: يا سلام يا هند ياخ ....!!!!
كلام زى مشروب الليمون مريح للأعصاب ؟؟؟؟
يا ترى كيف يكون الحلم الأول ؟!
كل الود
محمد كابيلا

وياسلام يامحمد على الاطراء
جبرت خاطرين الحرف
رضيت شمس
سعيدة انو الاحساس وصلك
والحلم لسه واسع وبحره غريق
عشان كده مابنحده بأول

تسلم على المشاركة

Post: #4
Title: Re: الحلم التالت
Author: عماد محمود علي
Date: 04-30-2009, 10:44 AM
Parent: #1

ياهند ما كنا كويسيييين ذي العسل والتين ياخ .... ده شنو ده :
من بينات السبعة مصاطب
إتوحدتَ مع الأيام
والموت اللافح
كل ماتبدأ النجمة تّحكي
ترجع تاني تقول كضابة
ياخي إنت قاصدة المريخ ولا شنو يارشاشة إنتِ ؟ غايتو دي أول قصيدة ما أقدر أقراءها كاملة حتى أفتي فيها من هنا وبطني طمت ... ياخي اتصلحي معانا ياخ .. الوحداااات دي نسيناها زمااااان ياخ ... عالم تحب المكاواه ياخي ... غايتو الرشاشات ديل .. إنشاء الله تتغلبوا من ناس أغسطس ديلااااااك .

Post: #13
Title: Re: الحلم التالت
Author: هند محمد
Date: 05-01-2009, 08:23 AM
Parent: #4

Quote: ياهند ما كنا كويسيييين ذي العسل والتين ياخ .... ده شنو ده :
من بينات السبعة مصاطب
إتوحدتَ مع الأيام
والموت اللافح
كل ماتبدأ النجمة تّحكي
ترجع تاني تقول كضابة
ياخي إنت قاصدة المريخ ولا شنو يارشاشة إنتِ ؟ غايتو دي أول قصيدة ما أقدر أقراءها كاملة حتى أفتي فيها من هنا وبطني طمت ... ياخي اتصلحي معانا ياخ .. الوحداااات دي نسيناها زمااااان ياخ ... عالم تحب المكاواه ياخي ... غايتو الرشاشات ديل .. إنشاء الله تتغلبوا من ناس أغسطس ديلااااااك


ياعمدة سلامات
يشهد الله انى بريئة من الفهمتو ده ومن هذا اللمز براءة الذئب من دم الأسد
ده عقلي الباطن أظنه ، لكن ضحكت من استنتاجك ده لما جانى صداع هههههه
غايتو الله ينسيكم صدمة السبعة دى بقيتو تشوفوها فى اى حتة
الزول كان كتب سبعة ساكت تتحسسوا ..
بينى وبينك روعة الاكتشاف لكن ههههههه
بكده أظنى تاريخ وانا اول زول وثق لهزيمة السبعة فى قصيدة ههههه
خلينى اتم الضحكة وأجيك

Post: #15
Title: Re: الحلم التالت
Author: هند محمد
Date: 05-01-2009, 02:49 PM
Parent: #13

Quote: ياخ .. الوحداااات دي نسيناها زمااااان ياخ ...


هى دى بتتنسى !!!
ومن حظكم الأسود صادفت ليلة الكريسماس
كل كريسماس العالم حيطفى سبعة شمعات هههه

استنتاجك ده دليل على انه ذكراها حية خالدة جواك ومابراك
ولا كيف ؟

Quote: إنشاء الله تتغلبوا من ناس أغسطس ديلااااااك .

قالوا الدعوة بتلف بتلف وبترجع لصاحبها تانى
فاعمل حساب يوم بكرة
بتجيكم صادة

Post: #16
Title: Re: الحلم التالت
Author: هند محمد
Date: 05-02-2009, 08:07 AM
Parent: #15

Quote: عالم تحب المكاواه ياخي

الفى قلبه سبعة ياعمدة

بتصدق كل ما ادخل البوست اضحك

ومرات اكون برة البيت أضحك

بيكونو قالو مجنونة هههه

يديك العافية على المرور الجميل والابتسامة

وأضحك الله سنك

Post: #21
Title: Re: الحلم التالت
Author: هند محمد
Date: 05-05-2009, 08:55 AM
Parent: #16

Quote: إنشاء الله تتغلبوا من ناس أغسطس ديلااااااك


دعوتك جات فأل حسن علينا ياعمدة

يديك العافية

Post: #5
Title: Re: الحلم التالت
Author: معتصم مكاوي
Date: 04-30-2009, 10:56 AM
Parent: #1

خلينى أحدد
فيك ملامح الضوء الشارد
قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..
ـــــــــــــــــــــ
يا هند يا جميلة ومش مستحيلة ..
طالما أنك تملكين كل هذه الدواخل
الناصعة البياض ..
فأنتي توزعين الحياة وتنثرين فرح
مغطى بين الحجب ..
لو عارفك وين كنت جيت وشديت على يديك
لأنك عرفتي أين توجد مكامن الفرح المغموس بالحزن النبيل فينا ..

Post: #6
Title: Re: الحلم التالت
Author: emad altaib
Date: 04-30-2009, 11:36 AM
Parent: #5

ــــ
Quote: وقلب يتهجي الغبن المارق
..


غبائن سُفْع السماء .




تحياتي لك يا هند يا واعية وفاهمة خلاصة الحاصل ,
وعندك أخضر حلماً تالت .

Post: #19
Title: Re: الحلم التالت
Author: هند محمد
Date: 05-04-2009, 05:44 PM
Parent: #6

غبائن سُفْع السماء .




تحياتي لك يا هند يا واعية وفاهمة خلاصة الحاصل ,
وعندك أخضر حلماً تالت .
________________________________

سلامات ياعماد
مليون تحية وسلام
وشكرا للمرور الجميل
وأسعدتنى الاشادة
كن بألف خير ياراقى

Post: #18
Title: Re: الحلم التالت
Author: هند محمد
Date: 05-03-2009, 07:56 AM
Parent: #5

Quote: يا هند يا جميلة ومش مستحيلة ..
طالما أنك تملكين كل هذه الدواخل
الناصعة البياض ..
فأنتي توزعين الحياة وتنثرين فرح
مغطى بين الحجب ..
لو عارفك وين كنت جيت وشديت على يديك
لأنك عرفتي أين توجد مكامن الفرح المغموس بالحزن النبيل فينا


الأخ معتصم
أشكرك جدا على اطرائك الجميل
مايخرج من القلب حتما يصل كل القلوب
انسانيتك هى من تملك الذائقة واحساسك
ممتنة وأشكر لطفك
كن بخير

Post: #7
Title: Re: الحلم التالت
Author: عروة علي موسى
Date: 04-30-2009, 11:42 AM
Parent: #1

هند محمد
سلام ومحبة
بالبعد الثالث ..
( خلينى أحدد
فيك ملامح الضوء الشارد)
ولم يكن مجرد حلم ولا روح طيف بل الحقيقة وكل الحقيقة ..

طالما أن الأمر عندك هكذا ..
( زمناً ناتل بين الروح
والعصب الراجف )

ويغدو الحلم أملاً يرفرف حولك ويأخذك على جنح غيمة كرفقين
عندما تصدحين بالقول المترع بالأمل القادم من ( باكر )

( وفى درجات الغيب شكلنا
صبراً فارد النيل بوابة
فيك كم باب للون الواحد ؟
أسقيني الفكرة
اللون الأخضر )

هند محمد شكراً لهذا الجمال ...

Post: #20
Title: Re: الحلم التالت
Author: هند محمد
Date: 05-05-2009, 07:49 AM
Parent: #7

Quote: هند محمد
سلام ومحبة
بالبعد الثالث ..
( خلينى أحدد
فيك ملامح الضوء الشارد)
ولم يكن مجرد حلم ولا روح طيف بل الحقيقة وكل الحقيقة ..

طالما أن الأمر عندك هكذا ..
( زمناً ناتل بين الروح
والعصب الراجف )

ويغدو الحلم أملاً يرفرف حولك ويأخذك على جنح غيمة كرفقين
عندما تصدحين بالقول المترع بالأمل القادم من ( باكر )

هند محمد شكراً لهذا الجمال ...


شاعرنا عروة سلام من الله يغشاك فى كل حين
نقف جميعنا احتراما واعجابا...
ليس للقاضي
بل للمتهم بالابداع والاحساس المرهف..
ولحروف شمسك الأنيقة .
وأطيافها في أوردة الورد ,


لاحرمت عابق حضورك والنقاء منكِ .
شكرا أنيقا ..

Post: #41
Title: Re: الحلم التالت
Author: وصال عالم
Date: 05-24-2009, 08:09 AM
Parent: #7

Quote: كل ماتبدأ النجمة تّحكي
ترجع تاني تقول كضابة
لا بتفوتك رعشة أيد
الصبر الحايم


سعيدة أن رأيت حروفكم هنا بعد غيبة !

كيفك هند ،،، وكيف حال حرفك ؟؟ عطفه ،، ورفعه وسكونه ؟؟!!

رأيته بتمام عافيته ورونقه ،،

يا لغة تُغزَل من ضفائرها
رسائل العيون ..
تتثاءب في رحيل أمسية؛
من فيروزها أنسام
لنا ....
بها ...
نايات تمطرني..
نقوشا في ذاكرة الروح !

محبتي ....
وصال عالم

Post: #50
Title: Re: الحلم التالت
Author: هند محمد
Date: 06-09-2009, 06:33 PM
Parent: #41

Quote: سعيدة أن رأيت حروفكم هنا بعد غيبة !

كيفك هند ،،، وكيف حال حرفك ؟؟ عطفه ،، ورفعه وسكونه ؟؟!!

رأيته بتمام عافيته ورونقه ،،

يا لغة تُغزَل من ضفائرها
رسائل العيون ..
تتثاءب في رحيل أمسية؛
من فيروزها أنسام
لنا ....
بها ...
نايات تمطرني..
نقوشا في ذاكرة الروح !

محبتي ....
وصال عالم


العزيزة وصال
مااجمل ان ترقبنا عيونك..
ومااروع ان ارى بلحظي هنا عيناك..
غمرتني بلطفك..
واشرقت حروفي بسموالود والاخوة
أنا وحرفي بخير بطلتك الدافئة ياعزيزتي
شكرا ً على أناقة الحضور ..
وعذوبة الإطلالة ..

كوني بخير دوما ً

Post: #9
Title: Re: الحلم التالت
Author: المر
Date: 04-30-2009, 03:44 PM
Parent: #1

هند محمد مساء الخير

قمة الروائع

Post: #11
Title: Re: الحلم التالت
Author: خالد علي محجوب المنسي
Date: 04-30-2009, 10:37 PM
Parent: #9

Quote: قدر الفات والجاي شتلنا
اماني تّلم الصحرا فى غابة


هند سلاااام
تسلمي
تحياتي ومودتي

Post: #12
Title: Re: الحلم التالت
Author: حبيب نورة
Date: 04-30-2009, 11:21 PM
Parent: #11

عسل يا هندة


ربنا يغطيك

Post: #14
Title: Re: الحلم التالت
Author: سمير شيخ ادريس
Date: 05-01-2009, 11:49 AM
Parent: #12

هند
سلام
وتحية لك وأنت تكتبين القصيدة .. بعد أن كانت تكتبك القصيدة ..
بهذه الكلمات أرى من استطاع امتلاك ناصية الكلمات وغمسها بالوعى والمعرفة والتجربة .. وهذا الطريق حتما سيفضى بك الى مقام الكمال الفنى والشعرى ..
الكلمات غابة ثرة من التنوع والمعانى عميقة لها قوتها ودلالتها رغم بساطتها
وهنا تكمن الروعة فى انك تقدمين دائما السهل الممتنع ..
اعتقد انها بداية مرحلة .. فكل شاعر يري فى أحد نصوصه وما يتبعه بداية خلق
ومخاض أدبى يرتقى به درجة نحو سلم الكمال أو الجمال .. وما دفعنى لقول ذلك
احساسي بالجدة والاختلاف .. ولابد ان القادم سيكون أجمل
طالما أن الخطى تسير واثقة ومطمئنة وتعي ما تريد قبل ما تقول
فلك التوفيق وللأمام دوما

ملحوظة :-
أنزلى النص بالخط العريض للمطششين امثانا

Post: #17
Title: Re: الحلم التالت
Author: ابو جهينة
Date: 05-02-2009, 08:29 AM
Parent: #14

هند

سلام مربع

أما بعد

Quote: اماني تّلم الصحرا فى غابة
وفى درجات الغيب شكلنا
صبراً فارد النيل بوابة
فيك كم باب للون الواحد ؟
أسقيني الفكرة
اللون الأخضر
وقلب يتهجي الغبن المارق


دة أحلى كلام في اللوحة الفوق دي

يا سلام عليك يا هند يا سلام
ربنا يحفظك

Post: #22
Title: Re: الحلم التالت
Author: معاوية المدير
Date: 05-05-2009, 01:01 PM
Parent: #17

حرفك يقدح فينا مهابة
وخاطرك يعزف أحلى ربابة
وفكرك موقد نار تقابة
تنور لينا دروب أروأحنا
ولشواردك دائما
نتشابا...

شكرا يا صاحبة الحروف المنمقة المموثقة...

Post: #35
Title: Re: الحلم التالت
Author: هند محمد
Date: 05-19-2009, 07:36 AM
Parent: #22

Quote: حرفك يقدح فينا مهابة
وخاطرك يعزف أحلى ربابة
وفكرك موقد نار تقابة
تنور لينا دروب أروأحنا
ولشواردك دائما
نتشابا...

شكرا يا صاحبة الحروف المنمقة المموثقة...


كلام طاعم يامعاوية
شكرا على احساسك
زينت الحتة
ممتنة للمرور والشكر لك انت على الحضور الكريم
تقدير

Post: #32
Title: Re: الحلم التالت
Author: هند محمد
Date: 05-16-2009, 11:44 AM
Parent: #17

Quote: دة أحلى كلام في اللوحة الفوق دي

يا سلام عليك يا هند يا سلام
ربنا يحفظك


شاعرنا ابو جهينة
سلام جمهورى ومرتب على كيفك
هى الحلاوة دى الاتكون فى الحروف
اتهيا لى ربنا خلقها نصين
نص فى الشئ البعجبنا
ونص فى احساسنا ..
بيحسوها من يملكون احساس عالى بالجمال
وأكيد انت واحد منهم

شكرا للطلة الأنيقة

Post: #30
Title: Re: الحلم التالت
Author: هند محمد
Date: 05-16-2009, 07:13 AM
Parent: #14

الأخ الكريم سمير
لك دور فى هذا ..
بفضلك أعدت النظر كرتين فيما أكتب بنظرة تحليلية
واتجهت صوب مزيد من الاطلاع وفتح أفاق الخيال
نقدك أتى بثماره ..
وأنى والله عاجزة عن شكرك وأتمنى ان أستطيع المتابعة على هذا النحو
كل ما اعد به هو الاستمرار فى المحاولة قدما نحو الأفضل
وكل ما اتمناه منك المتابعة لى ولغيرى وابداء الراى بكل صدق
صدقا هذا الامر يفيد برغم صعوبته على الطرفين
ممتنة وشكرا لاتوفيك حقك ومافعلته لايأتى الا من نفس نقية
تدمن العطاء ولاتعرف النفاق ..قليلون من يقولون الحقيقة ناصعة فى هذا الزمان

شكرا جميلا وتقدير يليق بك
كن بخير

Post: #29
Title: Re: الحلم التالت
Author: هند محمد
Date: 05-13-2009, 08:49 PM
Parent: #12

Quote: عسل يا هندة


ربنا يغطيك


حبيب نورة ياملك الحروف
ياخى تسلم انت وكل حبايبك ويديك العافية
مانتحرم لطفك
ألف شكر

Post: #25
Title: Re: الحلم التالت
Author: هند محمد
Date: 05-09-2009, 07:41 AM
Parent: #11

Quote: هند سلاااام
تسلمي
تحياتي ومودتي

الأخ العزيز خالد
سلامات وسائلين من احوالك ..
تسلم من كل سوء
مليون تحية لشخصك وللمرور المشرق
والود نيلين

Post: #23
Title: Re: الحلم التالت
Author: هند محمد
Date: 05-07-2009, 10:24 AM
Parent: #9

Quote: هند محمد مساء الخير

قمة الروائع


المر يسعد كل ايامك
روعتها من روعة احساسك
شكرا على المرور واللطف

Post: #24
Title: Re: الحلم التالت
Author: مبارك السروجي
Date: 05-07-2009, 10:49 AM
Parent: #23

Quote: قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..


ياهند.. ألم تتعبي من الإبداع؟؟

المقطع مفعم بالأمل العارم.. والثقة بالغد المشرق.. كم نتمنى أن نهجر معاناتنا.. لكن ألا تتفقي معي بأن الدموع أحياناً تغسل القلوب كما تغسل العيون؟؟

مودتي

Post: #26
Title: Re: الحلم التالت
Author: mohmed khalail
Date: 05-12-2009, 04:58 PM
Parent: #24

slam hindoya

Great poem as usual


I will be back in our lovely Arabic language

best wishes

Post: #27
Title: Re: الحلم التالت
Author: سمية الحسن طلحة
Date: 05-12-2009, 10:38 PM
Parent: #26

Quote: فيك كم باب للون الواحد ؟

فيك ميقات للفرح الشارد
فيك مراقي الأمل الصاعد

الشاعرة الجميلة هند محمد
شوقنا الوارد
أبقيلو مراصد

تقبلي زائد الإعجاب بالنص
#

Post: #28
Title: Re: الحلم التالت
Author: سلمى الشيخ سلامة
Date: 05-13-2009, 01:54 AM
Parent: #27

Quote: أدينى ملامحك لون
غيمات الحزن العالق
خلينى أحدد
فيك ملامح الضوء الشارد
قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..


الله على التفاؤل
اجمل ماقرات لك من قصيد
لك الامل دائما
لك المنى ان تظل كلماتك فينا ابدا

Post: #40
Title: Re: الحلم التالت
Author: هند محمد
Date: 05-24-2009, 06:30 AM
Parent: #28

Quote: الله على التفاؤل
اجمل ماقرات لك من قصيد
لك الامل دائما
لك المنى ان تظل كلماتك فينا ابدا


العزيزة سلمي
الف مرحبا باشراقك
وأعجابك ياعزيزتى شهادة للنص بجماله
هذا الجمال لاينبع الا من دواخلك واحاسيسك المرهفة
كونى بألف ألف خير
أشكر لطفك ومرورك

Post: #39
Title: Re: الحلم التالت
Author: هند محمد
Date: 05-21-2009, 05:33 PM
Parent: #27

Quote: فيك ميقات للفرح الشارد
فيك مراقي الأمل الصاعد

الشاعرة الجميلة هند محمد
شوقنا الوارد
أبقيلو مراصد

تقبلي زائد الإعجاب بالنص
#



الأديبة الأنيقة شاعرتنا سمية
يا ألف مرحبا وأزدانت الحروف بمقدمك ولبست أحلى حلة
يارب مايوحشك غالى والشوق نفسه ياغالية تسلمى كتير والله
أعجابك بالنص شهادة علي جماله
ألف شكر ومانتحرم لطفك

Post: #37
Title: Re: الحلم التالت
Author: هند محمد
Date: 05-19-2009, 09:57 PM
Parent: #26

Quote: slam hindoya

Great poem as usual


I will be back in our lovely Arabic language

best wishes


شاعرنا محمد خليل الله يسلمك ويخليك
وشكرا على اطرائك الرقيق
بانتظار عودتك مجددا
حضور لانمله ابدا
لك كل الامنيات الطيبة وباقة ورد
شكرا جميلا

Post: #36
Title: Re: الحلم التالت
Author: هند محمد
Date: 05-19-2009, 09:30 PM
Parent: #24

Quote: ياهند.. ألم تتعبي من الإبداع؟؟

المقطع مفعم بالأمل العارم.. والثقة بالغد المشرق.. كم نتمنى أن نهجر معاناتنا.. لكن ألا تتفقي معي بأن الدموع أحياناً تغسل القلوب كما تغسل العيون؟؟

مودتي


أسعد الله كل امسياتك بالخير دوما
لا أبداع الافى حواسكم ..وأتفق معك فى أن
الدموع متنفس ووسيلة للتخفيف من الأحزان
ولكن هى بوجهها الآخر قمة التعبير عن الآلم
ولهذا فرض التحدى وجودها فى هذا النص
الفكرة تدور بين شد ومقاومة بين الامل والزمن المجهول المعالم
ومايحمله من كثير من الأحباطات

شكرا لهذه الوقفة مع الدموع
ولحضورك الأنيق
تقدير يليق بسمو روحك

Post: #31
Title: Re: الحلم التالت
Author: أبوذر بابكر
Date: 05-16-2009, 07:20 AM
Parent: #1

كامل الطعم

ومنتهى النكهة والله يا هند

طعم الشعر ونكهة المعنى

تحية وإعجاب شديد

Post: #33
Title: Re: الحلم التالت
Author: ALZOLZATOO
Date: 05-16-2009, 12:04 PM
Parent: #31

الحلم التالت خدر عودو

الله يخدر ضراعك قولي امين وانشاء الله الحلم يصبح حقيقة وتقطفي ثمارها

كلام بسيط وجميل

تحياتي

زاتوووو

Post: #47
Title: Re: الحلم التالت
Author: هند محمد
Date: 06-03-2009, 06:25 AM
Parent: #33

العزيز الزول ذاتو
الله يحقق كل احلامك وامنياتك
جمالها من جمال احساسك
شكرا ياراقي على المرور العذب والاطراء الجميل
شرفت كتير والله
تسلم

Post: #34
Title: Re: الحلم التالت
Author: Emad Abdulla
Date: 05-16-2009, 12:05 PM
Parent: #31


يا سلام يا هند ..
.. يا سلام .



Post: #38
Title: Re: الحلم التالت
Author: baha eassa
Date: 05-19-2009, 10:52 PM
Parent: #34

تحية للكلمات العذبة التي تنساب الي الوجدان ..
والتحية لك ايتهاالمبدعة الي بعد الدهشة ..

Post: #42
Title: Re: الحلم التالت
Author: عبدالله داش
Date: 05-24-2009, 09:08 AM
Parent: #38



اللون المازج عطر الكون
في واحد من أرقام العد
من طين البحر العذب تساب
اتصوصل شكل غناك بالجد
وهناك اتمرد وكان مجنون
أو فاقد مرفأ وريح
قبال الباب يتوصد
سحر اللون ...
إنســاب في الرود
وغطي الدنيا سكون
في باحة حرفك
كان الشاطئ فسيح ممتد
مرهون للحرف الساكن
عصب الرعشه في زول مسكون



Post: #52
Title: Re: الحلم التالت
Author: هند محمد
Date: 06-22-2009, 07:39 PM
Parent: #42

خالي زمن تقاسيم الفرح من لون
وكل الدنيا ماخدة الأغبش
الكالح ومالي الكون
ومر ألم الجروح مكنون
وياممكون ..
وشاري الوجعة في حبل الصبر
وريح مجنون تصر في جوفك الوحشة
وخوف مركون علي قلبك
يشابي ..يشابي ماموصول



ياداش ..اللون شهق
وقام فنان وشد شرودو من موية
وقام فرحان يفتش في مساحات الشجر بجيتك

جياتك فرح رويان

Post: #43
Title: Re: الحلم التالت
Author: عبدالله داش
Date: 05-24-2009, 09:11 AM
Parent: #38


Post: #44
Title: Re: الحلم التالت
Author: عبدالله داش
Date: 05-24-2009, 09:14 AM
Parent: #38



معليش إتلفت مني سهيت
من مافي اجيب السكه
تفتش عصبي التالف
لو بتخالف دربي
مشيت متوتّر
وعارف بكره
الحلم التالت بكّبر
قالت :
شفتك شارد
وارد حلمي مشارف شوفك
سارد قولك اكتر ...
وكان عذرك معقول


Post: #53
Title: Re: الحلم التالت
Author: هند محمد
Date: 06-23-2009, 09:41 AM
Parent: #44

إتشابي نور عم السطور
إمتد يسرج فى قوافي النم
ويمسح فى التواريخ القبيل
متوسد الليل العشم
مستني طلات البدور
كفكف من الأبيات
دموع سالت بحور
شايل شموع مليانة نور

داش
حباب الجابك
وطيف من لون الجفن الأخضر

Post: #54
Title: Re: الحلم التالت
Author: عروة علي موسى
Date: 06-23-2009, 09:55 AM
Parent: #53

هند محمد
سلام وشوق

أدمنت في ضلك مقيل

ووقفت في الليل البخلاج حسي بي طيفك وإشيل

إشيل .. نومي ..

وإسُوقِد حرفي وإتعذب بدور إلقاك معاه دليل

دليل .. لومي

إني جيت بعدما طيفك ختر مع عينة المطر الرحل

ولسة شايل خاطري بأملو الكسيح

عايشك أمل ..

أمل .. يومي ..

وعشان أقدر أعيش طيفك

صادقت نجمات الصباح

الواقفة بي شوق الأماني بتنتحب

منتظرة لو مطرك إصب

ويمر دعاشك لي القلب

معذورة يا نجمات صباحي

على الوقوف الطال مداه

ما إنت عارفة

زمن الرياح الجاية بي المطر الوفي

الراسمة بي قوس قزح صورة الخل الصفي

وأكيد كمان خبرانة ..

بي قصة حروف منسوجة هم ..

ببراكي يا وجعي القبيل ..

وببراكي في دربك وأقيف ..

تديني منك .. وأديك مني

حرفين حنان .. من آهة الريد الخفي

تمنع فواصلنا المروق ...

Post: #55
Title: Re: الحلم التالت
Author: هند محمد
Date: 06-25-2009, 10:37 AM

Quote: ببراكي يا وجعي القبيل ..

وببراكي في دربك وأقيف ..

تديني منك .. وأديك مني

حرفين حنان .. من آهة الريد الخفي

تمنع فواصلنا المروق ...

إنفتح جوة الجراح
شلال فرح
لملم حروف الناي
وخت الراحة في
تيبان غتاي
وأتنفس حنينى الراح
هدهّد قوافي الهجعة
وكتين السهر شرّاح
أحب صوتك يقالد الناى
وأحب لمن يحاكي غناي
وأشهد ليل سكون عينيك
وكت يبقي الحنين وداي
دروب الوجعة تتبدد
وليل التيه يفوت الحد

شاعرنا عروة ألف سلام وتحية
شكرا للطلة الآنيقة

Post: #51
Title: Re: الحلم التالت
Author: هند محمد
Date: 06-18-2009, 09:38 PM
Parent: #38

Quote: تحية للكلمات العذبة التي تنساب الي الوجدان ..
والتحية لك ايتهاالمبدعة الي بعد الدهشة

العزيز بهاء مليون تحية للطفك
وشمس تبراك محل ماتقيف وهجها من طيبة احساسك
ألف شكر للمرور العذب
والله يديك العافية

Post: #49
Title: Re: الحلم التالت
Author: هند محمد
Date: 06-06-2009, 06:46 AM
Parent: #34

Quote: يا سلام يا هند ..
.. يا سلام .


الأديب عماد عبد الله
اعجابك بالقصيدة أضاف لجمالها جمال آخر
شكرا لتوقيعك هنا
جبرت خاطر الحروف
كل التقدير

Post: #45
Title: Re: الحلم التالت
Author: هند محمد
Date: 05-29-2009, 08:51 PM
Parent: #31

Quote: كامل الطعم

ومنتهى النكهة والله يا هند

طعم الشعر ونكهة المعنى

تحية وإعجاب شديد


سلامات شاعرنا أبو ذر
هذه شهادة يا استاذي للنص وللحروف
سعيدة أن راقت
مليون تحية لأشراقك هنا
وشكرا للمرور البهجة
امتناني وكل التقدير

Post: #46
Title: Re: الحلم التالت
Author: حبيب نورة
Date: 05-29-2009, 10:25 PM
Parent: #45


Post: #48
Title: Re: الحلم التالت
Author: salah ismail
Date: 06-04-2009, 03:06 AM
Parent: #46

اعجب لذلك الذي في الدواخل يصهر في مناجم اللغة معادن الحروف اليسطع منها نهارا لكل العيون...كيف يري وطن تتنفسة القصائد
الا الجمال....هنا يكون التوقف ركنا من اركان التحية والاحترام...سيدتي
البداية من البداية

Post: #59
Title: Re: الحلم التالت
Author: هند محمد
Date: 06-27-2009, 07:32 PM
Parent: #48

Quote: اعجب لذلك الذي في الدواخل يصهر في مناجم اللغة معادن الحروف اليسطع منها نهارا لكل العيون...كيف يري وطن تتنفسة القصائد
الا الجمال....هنا يكون التوقف ركنا من اركان التحية والاحترام...سيدتي
البداية من البداية


الأخ العزيز صلاح

لم أستطع إلا أن أكون كما أنتم .. فلعلي آخذ منكم قبساً ..

تحيةٌ لك .. فلا شيء يُضاف إلى ما كتبت .. سوى حديث نفسي لـ نفسي

شكرا لعطرك هنا .. آلاف التحايا عذبة والاحترام

كن بخير

Post: #56
Title: Re: الحلم التالت
Author: هند محمد
Date: 06-25-2009, 12:00 PM
Parent: #46

حبيب نورة
تسلم الايدين البتصفق
وألف بسمة تقالدك وتسلم ايديك
شكرا للطلة من جديد

Post: #57
Title: Re: الحلم التالت
Author: Abd-Elrhman sorkati
Date: 06-25-2009, 12:06 PM
Parent: #56

Quote: أسقيني الفكرة
اللون الأخضر
وقلب يتهجي الغبن المارق
أدينى ملامحك لون
غيمات الحزن العالق




مدهشة يا هند لك الود والامنيات الطيبة

Post: #62
Title: Re: الحلم التالت
Author: هند محمد
Date: 06-28-2009, 07:19 PM
Parent: #57

Quote: مدهشة يا هند لك الود والامنيات الطيبة


ممتنة أخي عبد الرحمن للطفك الجميل
والامنيات الطيبة
لك منى مثلها أضعاف
الدهشة فى اناقة وطيب حضورك
شكرا لاشراقك هنا

Post: #58
Title: Re: الحلم التالت
Author: ابوبكر يوسف إبراهيم
Date: 06-27-2009, 01:51 PM
Parent: #1

الأخت الشاعرة الأنيقة الكلمات والروح /هند
سلام على روحك الطيبة

تفيأت ظلال البواسق في دوحتك وتوقفت هنا بين الآتي من غصونها:

[أسقيني الفكرة
اللون الأخضر
وقلب يتهجي الغبن المارق
أدينى ملامحك لون
غيمات الحزن العالق
خلينى أحدد
فيك ملامح الضوء الشارد
قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..]ُ
شعرت وكأنما قد كلما داهمتني وحشة البعاد .. غرقت في نار القلق.. ليل الهحير كأنه عواء ذئاب تنهش دمي ووجداني.. أتوه في فضاءات لا أدري لها توصيفاً تحملني إليهاكليماتك ..تشعل اشتياقي للبكاء.. شعورنا بالوحشة ربما يعلنا [ان وجه الربيع قد غادرنا.. روحي ما عادت تنتشي بموسيقى الفصول إلا حين زوال الوحشة .. ربمالا يجف عطر الندى في كريات دمي.. وربما لا تتلاشى غيوم الفرح عند هطول مزن قصيدك هتوناً.. وعندها لا ينسحب بريق الأمل من عزيمتي...فأه منها كلماتك التي تنبش من الوجدان دفين ذكرياته .. لك الود يا أخية

Post: #60
Title: Re: الحلم التالت
Author: نادر الفضلى
Date: 06-27-2009, 08:35 PM
Parent: #58

Quote: وقلب يتهجي الغبن المارق
أدينى ملامحك لون
غيمات الحزن العالق
خلينى أحدد
فيك ملامح الضوء الشارد
قول للدمعة مات غنايك
دفنا معاه الهم الشايب
الحلم التالت خدر عودو
ومابتغطى وشيه سحابة ..


هند .. شاعرة ذات إحساس شفيف صادق
و أدوات تعبيرية جميلة تتخير الكلمات
وتعطيها بعداً و معنى أعمق

لك تحياتى .. هند

Post: #61
Title: Re: الحلم التالت
Author: الفاتح الجنيد
Date: 06-27-2009, 10:26 PM
Parent: #60

العزيزة هند

الواحد يغيب ويرجع يلقى
ظلك ما زال وارفاً
وأغصانك حبلى بالثمار

Post: #65
Title: Re: الحلم التالت
Author: هند محمد
Date: 06-30-2009, 08:35 PM
Parent: #61

Quote: العزيزة هند

الواحد يغيب ويرجع يلقى
ظلك ما زال وارفاً
وأغصانك حبلى بالثمار


شاعرنا الفاتح جيتك تشرح الروح
كفاية علينا شوفة عينك
شكرا جبرت خاطر الحرف
التحايا آلاف للطفك وكلماتك العبقة
زينت الحتة ، تسلم كتير

Post: #63
Title: Re: الحلم التالت
Author: هند محمد
Date: 06-28-2009, 08:51 PM
Parent: #58

Quote: الأخت الشاعرة الأنيقة الكلمات والروح /هند
سلام على روحك الطيبة

شعرت وكأنما قد كلما داهمتني وحشة البعاد .. غرقت في نار القلق.. ليل الهحير كأنه عواء ذئاب تنهش دمي ووجداني.. أتوه في فضاءات لا أدري لها توصيفاً تحملني إليهاكليماتك ..تشعل اشتياقي للبكاء.. شعورنا بالوحشة ربما يعلنا [ان وجه الربيع قد غادرنا.. روحي ما عادت تنتشي بموسيقى الفصول إلا حين زوال الوحشة .. ربمالا يجف عطر الندى في كريات دمي.. وربما لا تتلاشى غيوم الفرح عند هطول مزن قصيدك هتوناً.. وعندها لا ينسحب بريق الأمل من عزيمتي...فأه منها كلماتك التي تنبش من الوجدان دفين ذكرياته .. لك الود يا أخية


شاعرنا أبوبكر سلام الله يغشاك كل حين
وعودنا في مدارات السعادة لازالت في إنتظار تحقيقها ، لازال الحُلم يكبر كبذرة غُرستْ في قلب ميّت وحاربت القحط لتعيش وتزهر
هذا هو السبب الذي يجعلني أرى كل الممرات التي لا تؤدي إلي الأمل ممرات سقيمه ..
أصابها من العقم ما أغلق أبوابها ..
إضرب قلبي بخنجر إذا فكرت مرة أخرى بالإبتعاد عنه لتغلق ابواب الحياة عني
فلا حياة إلا به ومنه ، ولنا أجر المحاولة
ياسيدي نبض الأمل ..
ألا ليت حلمي ..
بأنكَ من سيمنحنى ضوءا وأرادة !
لتطرح على وحشتى التي أنهكت المرايا ..
طوباً أحمراً .. طوبة .. طوبة ..!
فينزل من السماء ماءاً أبيضاً ..
يطهرها من كل سوء..
لتعود إلى ربها ..
راضية مرضيّه !

هنا أنا لالاحراك حتى مطلع الزهر الى ان تشرع نهارات المنى في لوائح الزمن الابيض
ولازال التلويح مستمر بالامل
وللذكرى نبض أمل وان كانت
شكرا عبقا كحضورك

Post: #64
Title: Re: الحلم التالت
Author: هند محمد
Date: 06-29-2009, 08:18 AM
Parent: #63

Quote: هند .. شاعرة ذات إحساس شفيف صادق
و أدوات تعبيرية جميلة تتخير الكلمات
وتعطيها بعداً و معنى أعمق

لك تحياتى .. هند


الأخ الكريم نادر آلاف التحايا للطفك
لا يسمع العزف الا بتواجدك بين الحرف والكلمة
حضور اسعدني واطراء اخجلني لك الود
امتنانى للطفك وأناقة قلبك
شكرا جميلا

Post: #66
Title: Re: الحلم التالت
Author: هند محمد
Date: 08-17-2009, 08:27 AM
Parent: #64

*

Post: #67
Title: Re: الحلم التالت
Author: جورج بنيوتي
Date: 08-17-2009, 01:07 PM
Parent: #66



مسام النور ساكنات في حوش أحلامك

والصاحيين بيترجوك..

يسعد نهارك الأسعد نهارنا...

و...احلمي

Post: #68
Title: Re: الحلم التالت
Author: هند محمد
Date: 08-18-2009, 07:38 PM
Parent: #67

Quote: مسام النور ساكنات في حوش أحلامك

والصاحيين بيترجوك..

يسعد نهارك الأسعد نهارنا...

و...احلمي


استاذي الفاضل جورج بنيوتي
أسعد الله كل مساءاتك وصباحاتك وكل اوقاتك بالخير دائما
لحضورك بصمةالجمال ولردك هيبة الكبار

كم اسعدني تواجدك هنا قرب تلك المتواضعة

لك تقديري

Post: #69
Title: Re: الحلم التالت
Author: هند محمد
Date: 09-02-2009, 08:06 AM
Parent: #68

وكم بفتش عني عنك
في مداين مابتعرفك
انتظرتك ياما ياما
والمؤاني أبت تجيبك
لاتعبت من المسافة
لابفكر يوم أسيبك ..

Post: #70
Title: Re: الحلم التالت
Author: السمؤال بدرالدين
Date: 09-02-2009, 08:32 AM
Parent: #69

رائعة واتيتي بالرائعين
داش وعروة
سلاااام كتير

Post: #71
Title: Re: الحلم التالت
Author: هند محمد
Date: 09-04-2009, 09:44 AM
Parent: #70

Quote: رائعة واتيتي بالرائعين
داش وعروة
سلاااام كتير

الاخ العزيز السمؤال سلامات
والله ليك وحشة انت وكل بورداب الخرطوم
الروعة في جيتك دي
والتحية عبرك للمبدعين داش وعروة
ورمضان كريم عليك وعليهم وتصومو وتفطرو علي الف خير
تقبل الله منا ومنكم
وشكرا للمرور العذب

Post: #72
Title: Re: الحلم التالت
Author: هند محمد
Date: 09-14-2009, 06:22 PM
Parent: #71

حلم البشابو علي الشمس
أنا لسه واقفة
في مداخلك من أمس
لي وين يتوهنى العتم
وانا جاية من سفري الالم ؟؟