ما تفهموني غلط.....

01:53 PM Nov, 16 2015

سودانيز اون لاين
عباس الدسيس-Saudia
مكتبتى
رابط مختصر

" target="_blank">


الولد اشتري ليهو حاجة بسموها سكيت بورد الذكي عشان احنا ما شفنا في طفولتنا كلام زي دا عجبتني شديد بعاين ليها من بعيد لي بعيد يوم الخميس قالو طالعني الحديقه وصلتهم وجيت راجع البيت جاري جري عشان اجربا....
لا اله الا الله وقعته علي ظهري كان ما الله شاف لي كان اتكسرته راقد في الواطه نص ساعه حتي قمتا وقام علي القضروف اتظلطه في الركب وعيييييييك زي وقعت الزول الفوق دا اكلتها وعملته نايم لي حسي بنوم بي بطني.
من ضمن سيئات المدارس بنغيب عن الاسافير واهل العلم يعلمون ... في نفس المدرسه معاي اولاد زميل البورد الزبير الختمي ونورالدين عثمان أها نورالدين دا براهو كوم عندو صاحبو بنجي نقيف في الباب والهندي بالمكرفون بقول الاسماء عملية مملة بصورة غريبه تلقي نوردالين وصاحبو إنقو البت وينا اتاخرت ليه يا صديق يلا خلينا نمشي وصاحبو تصل معاهو مرحلة ..قف... تعرف يا نوردالين أنا والله لو عارف العرس بجيبني هنا ما كان عرسته بالله دي شغله ... ارد ليهو نورالدين البت الكبيره خليناها ممكن تكون غلطه أها البقية الجبتهم ديل الوداك تهبش شنو!!!!
في سوداني ظهر معانا جديد نوعية الكل سنة بنقل الاولاد مدرسة جديدة الراجل شفقان جدا باب البنات تلاقهو بدافر عشان اطلع بتو بدري وحسب قوانين المدرسة تقيف بعيد لا عندو شغله بي قوانيين لا غيرو ما شاءالله جسمو ضخم بلدوزر اكش القدامو وجري لي بابا الاولاد عندهم بابين واحد للحافلة والثاني لي ناس العربات زولنا بتلصق في بتاع الحافلة ممنوع الدخول بيهو واقف فيهو استاذ كيني الجنسية لا يقل ضخامه عنه كل يوم الشمطه قايمه الكيني ما بعرف عربي وزولنا اخم الباب قدام سدرو توشك انقطع جوه... الكيني اتوسم فيني خير وشافني انا سوداني زيو ملتزم بمشي بي الابا التاني ، شكي لي منو وقال لي اتكلم معاهو عشان ما اجيب لي مشكله مع ادارة المدرسة مشيت للراجل حق الله بق الله شوية دردشه فتحت ليهو الموضوع يا خوي مالك مع الاستاذ الكيني راجل مسكين ؟؟؟
رد لي والله ما عندي معاهو أي شيء بتعامل معاهو بي كلو تهذيب بس يا اخوي الراجل المزهجني فيهو بالله من اشوفني اقعد ارطن انجليزي (( شو شو شو شو وشو)) اها بقول اتخارج منو ادفر الباب وانقطع لي جوه ياخ المرا عملتا فينا عمله مالنا ومال مدارس الخواجات نقعد لي جنس الغلبة دي.
الراجل طلع ظريف جدا مرافق لي زوجتو .
أول ما بدينا قصة المدارس كنا فرحانيين بيها حالتي كانت تشبه حالت بتي الصغيره في اول قبول ليها الليل كلو ما نامت منتظره بكره عشان تمشي المدرسه الحكاية بعد اخذت ليها اسبوع وجات اجازة نهاية الاسبوع عشان نبدأ الفلم تاني صحيتها مع الصباح قالت لي: يا بابا الحكاية دي كل يوم ما خلاس مشينا الاسبوع الفات.
حالتنا احنا زمان بفصلو ليك رداء وكبك او شدة للمدرسة والخريف والشنطة دموريه او من باقي اكياس المخدات الاتقطعت المدرسه هنا عندها طقوس غير الشنط والكتب وغيرو في ورقه كل اسبوع بكتبوها ليك عشان تمشي تجيب حاجات المدرسه من مويه وجبس واشياء اخري للسندوتشات رغيف طوست ومعارف ايه ..... الخ وأنا جديد كنت فرحان زي بتي بي مرسال حاجات المدرسه ادوني الورقه وجري علي بنده.
اها الورقه دي انا كانت بطلع روحي خاصة بكتبو ليك بي خط زي بتاع الدكاتره مرة لقيت كاتبين فيها ((سوداني قودي)) اشيل وادور في الصفوف افتش للسوداني قودي كرعي اتكسرن والهنود ما بساعدوك تسأل الواحد الولح ليك راسو في نهاية لقيت واحد خبره سوداني شغال بي ورقه ومنهمك فيها سألتو من سوداني قودي بالله طلعو لي من محل أنا واقف لما استغربته المزعلني عرفته النسوان فعلا بحبو اتلتلو الرجل وإدبو بالله المرا لو كتبت لي ((فول حاجات مدمس)) ما كان ريحتني المصيبه الاخري كاتبه لي حاجة اسمها ((نوتيلا)) قلته يا زول هوي دي حكاية وجدنا الكنز امشي جر الزوله دي وخليها تجي تشوف حاجاتها

الله يجازى محنك يا الدسيس
العايز تشيل حالنا فى حوش بكرى

ههههههههههههه

السديس سلام يغشاك ..

لا فهمناك تب والوقعة بتصلح العترة ههههههههههههه .

كيفك يا دسيس

ياخ ناس المدارس تقول عندهم ظار مرة يقول ليك جيب فستان أحمر وطربوش أخدر وشنو وشنو

المشكلة في التغييب الوطني دا

يوم البت بتراجع سمعت أمها قالت ليها what is the name of your country حسب المنهج

قالت ليها باكستان يمين أنا نطيت زي المجنون قلتها ليها شنو؟ قالت لي باكستان ، قلت ليها لا الإجابة السودان قالت لي كان كتبتها الاستاذة بتديني ليها غلط

قلت ليها اكتبيها السودان ولو أدتك ليها غلط تعالي كلميني عشان أمشي أزفها ليك زفة حبيب

هسة نحن في البيت رئيس السودان الملك سلمان
لما أقول ليهم رئيسنا البشير يقولوا لي البشير دا منو.
أقول ليهم خلاس خليكم مع الملك سلمان دا لحدي ما نمشي السودان وتعرفوا البشير دا منو والله تعرفو جنس عِرفة

😂😂😂😂😂
عباس الدسيس سلام
ياخ الزول دا انبرش انبراشه عجيبه اوع تكون انبرشت زيو 😂😂😂😂

Quote: السديس سلام يغشاك ..

القا عندك القران برواية حفص عن عاصم؟
منى دى يوم بتطَلّعك بن لادِن
ازيكم جميعا ,, منى دردقي لينا الدسيس ده
لى عِن باب القهوة

Quote: الله يجازى محنك يا الدسيس العايز تشيل حالنا فى حوش بكرى

انت ما قاعد تمشي معاي الباب بتاع الاولاد فيهو العجب!!!!!
واحد من اهلنا المحس جاء البلد هنا وفات سن المعاش بمراحل اخيرا اشتغل في الفرماله ترحيل طلاب
الزول عامل لي ود الباوقه ... من اشوفني يازول ماشوفتا عمر البشير الكلس وعمل وعمل وعمل
مع الراجل دا في دوامة عمر البشير لي سنين وبقول الزول عمرو كبير ما اخش معاهو في جدل السودان بقي سمح وعمر البشير كويس
انت عارف زمن المدارس ضيق بعد كلامو اكمل بقول ليهو عمر البشير الله اطول في عمرو واديهو العافيه
برد لي إطول عمرك انت واخلي ليك اولادك
بعد طلعت اشاعة الجواز اخر ليهو شهر 11 مشي السفارة اعمل الرقم الوطني والجواز وعينك ما تشوف الا النور والزحمة ودفع القروش
اها قابلتو بعد ما جاء من السفارة زهجان وقرفان ... كيف يا زول انشاءالله خلصت اجراءاتك
قال لي الله لا غزا فيهم بركه ولا في عمر البشير محل ما إقبلو تتعكس معاهم قروش زي دي نجيبا ليهم من وين
قلت ليهو يعني عمر البشير طلع فشنك .... قال لي فشنك وستين فشنك
قلته اخوك بعد كدا اتجدع....
انت ياعم فلان من جيت السعودية ليك كم سنة؟؟؟
قال لي 40 سنة
اخر مرة مشيت السودان متين ؟؟؟
قال لي قبل 30 سنة المحيرني الناس ديل من جو الحكومة كانو غاشني ما عارف الشعب السوداني صبر عليهم كيف المدة دي كلها.
أها قلت ليهو زي صبري معاك انت بقابل فيك لي 9 سنوات تشكر لي في عمر البشير بقول ليك عمر البشير الله اطول في عمرو واديهو العافيه اعتبرني انا من الجيل العاصر الناس ديل هناك مثال ليك.
عمك لي حسي من اشوفني افتح خشمو وانطط عيونو......

ههههههههههههههههههههههههههههههههه صباح جميل بديتو بايات من كتاب الله
وبوستيك اللذيذ ده

Quote: ما كان ريحتني المصيبه الاخري كاتبه لي حاجة اسمها ((نوتيلا)) قلته يا زول هوي دي حكاية وجدنا الكنز امشي جر الزوله دي وخليها تجي تشوف حاجاتها

النصيب الفوق ده وصوني بيو الوليدات مشيت مالقيتو لقيت حاجة مزورة واسما قريب للنوتيلا اول ماطلعوها من الكيس البت قعدت تسرررخ دي قوية مانافعه ومابتتاكل قتا ليك نوتيلا نوتيلا يابابا اتا مابتقرا الله يتلتلكم زي ماتلتلتوني

Quote: انت ما قاعد تمشي معاي الباب بتاع الاولاد فيهو العجب!!!!! واحد من اهلنا المحس جاء البلد هنا وفات سن المعاش بمراحل اخيرا اشتغل في الفرماله ترحيل طلاب الزول عامل لي ود الباوقه ... من اشوفني يازول ماشوفتا عمر البشير الكلس وعمل وعمل وعمل مع الراجل دا في دوامة عمر البشير لي سنين وبقول الزول عمرو كبير ما اخش معاهو في جدل السودان بقي سمح وعمر البشير كويس انت عارف زمن المدارس ضيق بعد كلامو اكمل بقول ليهو عمر البشير الله اطول في عمرو واديهو العافيه برد لي إطول عمرك انت واخلي ليك اولادك بعد طلعت اشاعة الجواز اخر ليهو شهر 11 مشي السفارة اعمل الرقم الوطني والجواز وعينك ما تشوف الا النور والزحمة ودفع القروش اها قابلتو بعد ما جاء من السفارة زهجان وقرفان ... كيف يا زول انشاءالله خلصت اجراءاتك قال لي الله لا غزا فيهم بركه ولا في عمر البشير محل ما إقبلو تتعكس معاهم قروش زي دي نجيبا ليهم من وين قلت ليهو يعني عمر البشير طلع فشنك .... قال لي فشنك وستين فشنك قلته اخوك بعد كدا اتجدع.... انت ياعم فلان من جيت السعودية ليك كم سنة؟؟؟ قال لي 40 سنة اخر مرة مشيت السودان متين ؟؟؟ قال لي قبل 30 سنة المحيرني الناس ديل من جو الحكومة كانو غاشني ما عارف الشعب السوداني صبر عليهم كيف المدة دي كلها. أها قلت ليهو زي صبري معاك انت بقابل فيك لي 9 سنوات تشكر لي في عمر البشير بقول ليك عمر البشير الله اطول في عمرو واديهو العافيه اعتبرني انا من الجيل العاصر الناس ديل هناك مثال ليك. عمك لي حسي من اشوفني افتح خشمو وانطط عيونو......

اهلي المحس وكل المغتربين جت صرة في خيت معارضين للحكومة والبشير باقي ود الباوقة بس

Quote: قال لي الله لا غزا فيهم بركه ولا في عمر البشير محل ما إقبلو تتعكس معاهم قروش زي دي نجيبا ليهم من وين قلت ليهو يعني عمر البشير طلع فشنك .... قال لي فشنك وستين فشنك

الزول دا اداك النجيضة براو وانبرش ليك هههههههههههههههههههههههههههههههه ياخ اضحك الله سنك يا دسيس "

الشفيف الحريف عباس الدسيس سلام من الله يغشاك يا حبيب ومالك طولت الغيبة والله انا قلت الراجل ده سافر السودان كونكشن لانو عارفك عندك نية تمشي استرااااليا ........... اخبارك يا حبيب ... غايتو يا عباس المدارس هنا ادبه بس اول شي تقوم من النوم قبل النباه وباقي الفلم طبعا الناس كلووها عايشاه ,,, لكن يا خوي انت ما بقت عليك حكاية وردي ( بررااااي سويتا في نفسي وقلبي الحبه ما واعي ) ولا شنو ؟ غايتو يا خوي نحن لغاية ما نطلع من البلد دي حا نظل نلعن في التعليم واليوم العملو في المدارس هنا ده هههههههههههههههه ,,, واصل يا حبيب في هذا الحكي الطاااااعم .. وتحياتي لك وللاسرة الكريمه ,,, وتاني بتجي هههههههههههههههههه



تحياتي : ياسر العيلفون .....

Quote: ههههههههههههه السديس سلام يغشاك .. لا فهمناك تب والوقعة بتصلح العترة ههههههههههههه .

بت عمسيب اخبارك يا عسل
اقولو ليك تعرف فلانه ؟؟؟
تقول ايوا.....
شفتها من غير مكياج
تقول لا ...
اذا انت ما بتعرفها.....
اها البتاعة دي غابت عني خفاياها
تحياتي وتقديري

Quote: ياخ ناس المدارس تقول عندهم ظار مرة يقول ليك جيب فستان أحمر وطربوش أخدر وشنو وشنو

حبيبنا حمد مشتاقون
اخبارك والعيال
الورقه بتاعت الطلبات لما اشوف واحد مدينها ليهو بتكيفني في حناني وبتذكر ايام كنا جدد في الشغلانه
يا كافي البلي اصلو ما بتقدر تجيب الطلبات كلها لو مشيت جرير و ل غيرو جنس ثقالة وعبط ولياقه
تذكرني بي قصة الزول الثقيل المشي مطعم وطلب صحن فول، وبعدما أنتهي من آكله سأل الجرسون الحســــاب كم, رد الجرسون 3 ريال
مد الثقيل يده في جيبه وطلع الـ 3 ريال ورماها على الارض
تكرر المشهد 3 ايام متتالية، وفي اليوم الرابع دخل المطعم وماكان معه فكه اعطى الجرسون خمسه ريال وقال له واحد فول
طبعا الجرسون حب ينتقم منه احضر الباقي 2 ريال ورماهم على الارض وقال له خذ الباقي
طلع الثقيل1 ريال من جيبه ورماه فوق الـ 2 ريال وقال للجرسون لو سمحت صحن ثاني

الاخ عباس
اضحك الله سنك واسعد الله صباحك

ياخوى لكن انت طلعت ما دسيس ابدا
يعني رميت حكاية الاسكوتر ودغمستنا بحكاوى المدارس والبوابات والطلبات
كلنا خايفين من حكاية الاسكوتر الانتشر انتشار النار في الهشيم دي
انا غايتو لسع ما اشتريتو وعارف يومي الاشتريه حايقولوا لي يا بابا تعال جربو والله لذيذ
وبتبقى علي حكايتك دي وحكاية اخونا الفي الفيديو هههههههههههههه
ونحن ما عندنا ظهر لجنس الوقيع ده نهااااااااائي

لكن شكلكم ولا واحد فيكم جرب المجموعات السودانية والتي تسمى زوراً وبهتانا مدارس
ياخي دي فيها العجب
تصور بتاع البوفيه يصبح معلم لانه مافي معلمين
والموضوع ده عاوز ليه بوست منفصل لانه الحكاوي فيه لا تخلص

عموما بوستك ظريف جدا ورفاقك كلهم خفيفي الظل فقد لونوه بأزهى الالوان
يديكم العافية

Quote: 😂😂😂😂😂 عباس الدسيس سلام ياخ الزول دا انبرش انبراشه عجيبه اوع تكون انبرشت زيو 😂😂😂😂

الطيب سلام يا حبيبنا
ياخ انبراشه ساكت احنا بقينا البرش ذاتو في البلد دي
خليها علي الله
تحياتي وتقديري

Quote: وعملته نايم لي حسي بنوم بي بطني

يا ركس ...

تنوم بي بطنك .... زي ابو القنفد يعني ؟؟؟

بايسون .. كلك حركات ..

Quote: القا عندك القران برواية حفص عن عاصم؟ منى دى يوم بتطَلّعك بن لادِن ازيكم جميعا ,, منى دردقي لينا الدسيس ده لى عِن باب القهوة

عبدالعزيز سلام يا حبيبنا
بت عمسيب زولة لذيذه شغاله معاي طوالي السديس
انت عارف الظاهر عايزه تلحقني الغطس زي صاحبنبا قصي انصار السنة
الجماعه هنا شبكو ليك انت داعش انت داعش لما طار ليهم طيرت ابريش من المنبر

Quote: ههههههههههههههههههههههههههههههههه صباح جميل بديتو بايات من كتاب الله وبوستيك اللذيذ ده

حبيبنا الوجيه حامد
اخبارك والاسرة الكريمة ربنا يحفظكم
يا خوي من ديك وعيك السفارة في العمارة
مشتاقون
مشكلة المسميات المابنعرفا ولا شوفناها صعبه علينا
تصدق اول ما جيت هنا مشيت محل الخضار قلت ليهم عايز خضره حيرته ليك صاحب المحل مفتكرني عايز اشتيرهو كلو عندي مناسبة
قعدته افهم فيهو برضو العملية ما قسمت في النهاية قعدته افتش لما لقيتها شيلته لي كم ربطه واتخارجته الخضره هنا بقصدو بيها الخضار
اما الخضره بتاعتنا غير تقول ملوخيه ما بعرفوها ليك البتعرف بي شوف العين هين الكعب تكون قبل كدا لا شوفتو لا بتعرفة
تحياتي

Quote: الزول دا اداك النجيضة براو وانبرش ليك هههههههههههههههههههههههههههههههه ياخ اضحك الله سنك يا دسيس "

الطيب سلام يا حبيبنا
في ناس ما تعرفا عايشه وين لو اتكلمت معاك ما عليك الا السكوت ولو ما جاء براهو في الخط صعب تناقشو
تحياتي وتقديري

Quote: الشفيف الحريف عباس الدسيس سلام من الله يغشاك يا حبيب ومالك طولت الغيبة والله انا قلت الراجل ده سافر السودان كونكشن لانو عارفك عندك نية تمشي استرااااليا ........... اخبارك يا حبيب ... غايتو يا عباس المدارس هنا ادبه بس اول شي تقوم من النوم قبل النباه وباقي الفلم طبعا الناس كلووها عايشاه ,,, لكن يا خوي انت ما بقت عليك حكاية وردي ( بررااااي سويتا في نفسي وقلبي الحبه ما واعي ) ولا شنو ؟ غايتو يا خوي نحن لغاية ما نطلع من البلد دي حا نظل نلعن في التعليم واليوم العملو في المدارس هنا ده هههههههههههههههه ,,, واصل يا حبيب في هذا الحكي الطاااااعم .. وتحياتي لك وللاسرة الكريمه ,,, وتاني بتجي هههههههههههههههههه تحياتي : ياسر العيلفون .....

حبيبنا الرجل الفنان الزوق ياسر
احيانا بتصيبك من متلازمات الزهج والقرفه بكون عندك حالة صمت من التواصل
مشتاقين ليك
الحياة تدور وتمشي وتجي ترجع للنقطه الاولي تقول الحمد لله اتفكيت من القراية ام دق تلقي نفسك تاني بديت من الصفر وماشي لي فوق
سلامي للاسرة الكريمه مع تحياتي

Quote: الاخ عباس اضحك الله سنك واسعد الله صباحك ياخوى لكن انت طلعت ما دسيس ابدا يعني رميت حكاية الاسكوتر ودغمستنا بحكاوى المدارس والبوابات والطلبات كلنا خايفين من حكاية الاسكوتر الانتشر انتشار النار في الهشيم دي انا غايتو لسع ما اشتريتو وعارف يومي الاشتريه حايقولوا لي يا بابا تعال جربو والله لذيذ وبتبقى علي حكايتك دي وحكاية اخونا الفي الفيديو هههههههههههههه ونحن ما عندنا ظهر لجنس الوقيع ده نهااااااااائي لكن شكلكم ولا واحد فيكم جرب المجموعات السودانية والتي تسمى زوراً وبهتانا مدارس ياخي دي فيها العجب تصور بتاع البوفيه يصبح معلم لانه مافي معلمين والموضوع ده عاوز ليه بوست منفصل لانه الحكاوي فيه لا تخلص عموما بوستك ظريف جدا ورفاقك كلهم خفيفي الظل فقد لونوه بأزهى الالوان يديكم العافية

قرشو سلام يا حبيبنا
التباع دا لو اشتريتو اعمل حسابك منو عاين ليهو من بعيد ولا ياكا اللحقتني انا
حكاية التعليم عموما عايزه ليها نقاش طويل هنا مسأه مرهقه ماديا وجسديا ونفسيا
اما السودانيه اصبحو زي بتاعين الطبيلات الما مرخصة في السودان كل يوم في فيلا جيده
غير المعاناه الاخري المواضيع كثيرة ومتشعبه
تحياتي وتقديري

Quote: يا ركس ... تنوم بي بطنك .... زي ابو القنفد يعني ؟؟؟ بايسون .. كلك حركات ..

حبيبنا مجيدو
اخبارك والاسرة الكريمه
لينا زمن نفتش ليك وجيتنا الليلة
يا خوي انا طالبك حق السمسرة عربيتك البعتها انا كنت الاستشاري بتاع المشتري
تعرف في اجازتي الفاتت في السودان لقيت صاحبي معاهو صيني طبقو وجاني بعرض علي مشروع تصدير عقارب
السودان كلو بيق بايسون........
تحياتي وتقديري

عشان تعرفو نحن كنا تعبانين كيف يا أولاد البقز
عشرييييييييييييييييييييييين سنة مدارس واتو كنتو تتحواموا من مخرج 18 لوادي لبن
اها جاتكم تارة احملوها
عجبني ليكم
عباس الوناس ..... السلام مرفق طيه مع الاشواق

Quote: عشان تعرفو نحن كنا تعبانين كيف يا أولاد البقز عشرييييييييييييييييييييييين سنة مدارس واتو كنتو تتحواموا من مخرج 18 لوادي لبن اها جاتكم تارة احملوها عجبني ليكم عباس الوناس ..... السلام مرفق طيه مع الاشواق

ود البوش سلام يا حبيبنا

شوق كميات

رفعت لينا القزاز بعد اكمال نصف دينك

حكاية المدارس صعبه يا ود البوش

زمن العزوبيه والكشاتين وباللليل تقلب شنو ما عارف

كان في اصدقاء لينا اولاد اعم وبياطره فات فيهم الفوات ودخلو في الاربعينات

اجازة العيد كل زول بمشي علي اهلو رجعنا بعد الاجازة لقيناهم متحننين قالو الجماعه في الحله مسكوهم وعرسو ليهم

اها كل خميس بقو اسافرو للحله شويه شويه بقو افطو خميس ورجعت لينا قعدات الكوتشينه

هم بتونس بي تحت تحت والكوتشينه مدوره ود العم الكبير بقول للصغير يا فلان الخميس الجاي حا نمشي الحله

التاني رد ليهو ياخ والله مشي الحله زهجت منو شغل النسوان دا صعب......مع حزف جزء من التجرمة

فوق

Quote: فوق

صلاح يا حبيبنا اخبارك
ارفع مقامك وإعلي راتبك
تحياتي وتقديري

عباس الدسيس
انت اخف حال شابكك المحسي عمر البشير يديهو العافية
انا عندي الشيخ الكبير عمرو اكثر من 85 سنة وبجي مرات الشركة
اول ما يشوفني يشبكني عمر البشير تمام عمر البشير خوف امريكا البشير احسن رئيس
ويختمه بالسؤال عندك رأي في عمر البشير يا علي
بقول لا واكله في حناني
وطنية وسودانية ساي ما بقدر اقول ام بغم وحاجات تانيه حامياني
رغم انو الراجل ما عندو علاقة الان بادارة الشركة لكن عندو محبة شديدة للسودانيين بتخليني اجاملو
الغريبة اولادو المدير العام والمدير التنفيذي في الشركة عارفين راي في البشير
يفضلو يضحكو وكل ما يسمعوني بتكلم في البشير يقولو لي بنخبر الوالد انك ضد البشير