حوار سودانيزاولاين

حوار سودانيزاولاين


15-11-2015, 00:44 AM


  » http://sudaneseonline.com/cgi-bin/sdb/2bb.cgi?seq=msg&board=480&msg=1447544698&rn=0


Post: #1
Title: حوار سودانيزاولاين
Author: تبارك شيخ الدين جبريل
Date: 15-11-2015, 00:44 AM

11:44 PM Nov, 15 2015

سودانيز اون لاين
تبارك شيخ الدين جبريل-USA
مكتبتى
رابط مختصر

الحكومة عملت حوار في قاعة الصداقة ...

نحن نعمل حوار هنا ...

نفس الوطن ونفس القضايا الملحّة ...

(على الأقل هنا ضمانات هامش الحرية وعدم القمع أعلى من قاعة الصداقة)








... المهم ....

Post: #2
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 00:48 AM
Parent: #1

مافي 7+7 ...

نخش في طرح القضايا والملفات طوالي ...











... المهم ....

Post: #3
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 00:52 AM
Parent: #2

الحوار دا ما حقي ... انا ببداو بس ...

Post: #4
Title: Re: حوار سودانيزاولاين
Author: محمد على طه الملك
Date: 15-11-2015, 01:55 AM
Parent: #3

مالو ما دام لياقتك مكتملة ..
بس حدد سياسي / اجتماعي / ثقافي / فقهي / طرشان ..
عنكبة ايوه العنكبة برضها دخلت المنهاج..
إنت بس خت صباعك وانا طوالي اقول.

Post: #5
Title: Re: حوار سودانيزاولاين
Author: أبوبكر عباس
Date: 15-11-2015, 05:35 AM
Parent: #4

أول جند (مفرد أجندّة) بقترحو:
1- شنو يعني عدم الإساءة للمعتقدات والذات الإلهية والرسل؟
بياضي فيها:
الإساءة لهم من صميم حريّة التعبير

Post: #6
Title: Re: حوار سودانيزاولاين
Author: Muhib
Date: 15-11-2015, 06:18 AM
Parent: #5

بكور .. ليس هنالك شئ اسمه سب معتقد ..قل ما لديك حتي لو كان ضد الله وهو ( ائ الله) محب لك رغم كل شئ ..لانه محب لا يضيرنا ما يقوله الناس عنه ..
الناس يا بكور بتتصرف حسب فهمها عن الله ..لو هو منتقم فهم سوف ينتقمون من اجله ..لو هو ماكر ..فهم سوف يمكرون من اجله ..لو هو ارهابي ..فهم ارهابيون من اجله ..
لو هو محب .. فهم محبون له وللاخرين ..

Post: #7
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 09:51 AM
Parent: #6

بدأ الحوار بحرية التعبير ...

يقول الدستور:
Quote:
39 -
(1) لكل مواطن حق لا يُقيد في حرية التعبير وتلقي ونشر المعلومات والمطبوعات والوصول إلى الصحافة دون مساس بالنظام والسلامة والأخلاق العامة، وذلك وفقاً لما يحدده القانون.

(2) تكفل الدولة حرية الصحافة ووسائل الإعلام الأخرى وفقاً لما ينظمه القانون في مجتمع ديمقراطي.

(3) تلتزم كافة وسائل الإعلام بأخلاق المهنة وبعدم إثارة الكراهية الدينية أو العرقية أو العنصرية أو الثقافية أو الدعوة للعنف أو الحرب.

- والدعوة للعنف أو الحرب معروفة ... نسمعها في خطابات البشير وهو يسمّي الحركة الشعبية بالحشرة ... ونقرأها في أدبيات إسقاط النظام بالقوة العسكرية ... وتأتينا من مآذن المساجد كل جمعة في سياقات الدعوة للجهاد والدعاء على الكفار والمشركين بعد نهاية الخطبة ... نفعل كل ذلك ودستورنا ينص بعدم إثارة الكراهية أو الدعوة للعنف ...

- موضوع إثارة الكراهية الدينية هو الموضوع المتعلق بسب عقيدة ما أو سب إله ما ... والمعايير التي نتواضع عليها في خطاب الكراهية هي التي تحدد إن كان سب أي عقيدة أو أي إله يعتبر من باب حرية التعبير التي يكفلها الدستور ولا يقيدها؛ أم هو من باب إثارة الكراهية والدعوة للعنف ...

يعتقد البعض أن مصطلح "خطاب الكراهية" من الألفاظ الرنانة التي تم سبكها للقمع والحد من حرية التعبير لدى الناقدين للظواهر الإجتماعية والسياسية ... وأن قوانين "خطاب الكراهية" شرعت ووضعت قيد التنفيذ على عجالة بهدف الكسب السياسي الرخيص أو لاستقطاب مجموعات دينية أو عرقية أو اجتماعية استقطابًا سياسيًا وآيديولوجيًا ...

ويعتقد البعض الآخر بضرورة منع "خطاب الكراهية" بالقانون ... ولكن تختلف القوانين من دولة لأخرى ... ففي الأردن مثلاً ... يعتبر نقد الدين الإسلامي عمومًا والمذهب السني خصوصًا .. ضرب من ضروب "خطاب الكراهية" وإثارة الفتنة ..

- سنحاول في هذا الحوار ... أن نضع معايير تتناسب مع الحالة السودانية الراهنة ... وقابلة للتعديل في المستقبل ... لتكون إحدى مخرجات هذا الحوار الإسفيري ... فيما يختص بالهوية وطبيعة الدولة والمواطنة والحقوق والحريات الأساسية ... بإنتاج معايير لحرية تعبير تشبهنا ...






... ويستمر الحوار ...

Post: #8
Title: Re: حوار سودانيزاولاين
Author: طلحة عبدالله
Date: 15-11-2015, 09:59 AM
Parent: #7

Quote: إنتاج معايير لحرية تعبير تشبهنا .
أيواااااااااااا عليك نووووووور
حرية التعبير البتشبهنا لنا ولسوانا .. حلو اللوز جميل اللوز ..
مثلا انت سبيت الدين دي حرية تعبير مكفولة ليك ..
أنا جيت سبيتك دفاعا عن ديني دي حرية تعبير مكفولة لي .. الخ الخ الخ .
.........
يا اتا غلبك التعبير يا إما أنا فهمت غلط ..
أنا غايتو فهمت صاح اتا ما بعرفك ..

Post: #9
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 10:18 AM
Parent: #8

شوف يا طلحة ... سب الإنسان اعتداء على هذا الإنسان ... لا يوجد اثنين في هذا الكوكب يختلفان على ذلك ...

سب الرسول ... اعتداء على الرسول لا شك ...

ولكن هل سب الدين اعتداء عليك؟ إن كانت الإجابة بنعم ... فهذا زعمك وعليك إثبات صحته ...

هل سب الرسول اعتداء عليك؟ إن كانت الإجابة بنعم ... فهذا أيضًا زعمك وعليك إثبات صحته ...

مطالبة الآخر بإثبات حقه في سب الدين أو سب الرسول ... نوع من المراوغة والتهرب من مسؤولية إثبات صحة مزاعمك ...

نرجو أن تثري الحوار بأن نسمع إجابتك على السؤالين ... وبالتالي حجتك على صحة مزاعمك ...








... ويستمر الحوار ...

Post: #11
Title: Re: حوار سودانيزاولاين
Author: Yasir Elsharif
Date: 15-11-2015, 10:34 AM
Parent: #9

القانون الجنائي السوداني 1991 يقول

Quote: الردة.


المادة 126-
(1) يعد مرتكباً جريمة الردة كل مسلم يروج للخروج من ملة الاسلام او يجاهر بالخروج عنها بقول صريح او بفعل قاطع الدلالة.
(2) يستتاب من يرتكب جريمة الردة ويمهل مدة تقررها المحكمة فاذا اصر على ردته ولم يكن حديث عهد بالاسلام، يعاقب بالإعدام .
(3) تسقط عقوبة الردة متى عدل المرتد قبل التنفيذ.


وهذا يتناقض مع المواد من الدستور التي وضعتها يا تبارك..

حقو بداية الحوار هنا تكون بهذه النقطة.. وما ننسى النقطة بتاعة أبو بكر عباس التي تقع تحت طائلة المادة 125 من نفس القانون:



Quote: اهانة العقائد الدينية.

المادة 125-
من يسب علناً او يهين، بأى طريقة ايا من الأديان او شعائرها او معتقداتها او مقدساتها او يعمل على اثارة شعور الاحتقار والزراية بمعتنقيها، يعاقب بالسجن مدة لا تجاوز ستة أشهر او بالغرامة او بالجلد بما لا يجاوز اربعين جلدة.

Post: #10
Title: Re: حوار سودانيزاولاين
Author: انور تاج السر
Date: 15-11-2015, 10:31 AM
Parent: #8

سلام لصاحب البوست مستنير رقم 2 تبارك الحبوب،

طلحة يا حبيب، بتعرف خواص عنصر الزئبق؟ لو عرفتها و فهمتها بتقدر تفهم تبارك!

Post: #12
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 10:53 AM
Parent: #10

نرجو الإلتزام بموضوع البوست يا أنور تاج السر ..

Post: #13
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 11:00 AM
Parent: #12

دستورية القوانين يا دكتور ياسر ... تأتي بعد حل الإشكالات في الدستور نفسه ..

وهنالك جهات تسعى لتقويض الدستور ... لأهداف أدلجة الدولة أو تركيز السلطة في يد نخبة مركزية ...

وهذه الجهات والأهداف هي التي يستمد منها القانون الجنائي 1991 ديمومته ..

لذا أرى أن الأولوية لمناقشة حرية التعبير في الدستور نفسه ... ومن ثم التعريج على دستورية القوانين ...









... ويستمر الحوار ...

Post: #15
Title: Re: حوار سودانيزاولاين
Author: جلالدونا
Date: 15-11-2015, 11:13 AM
Parent: #13

حرية التعبير .. اين حدودها الاخلاقية
مساسها بالغير
فى شخصه و معتقده و تقاليده
لو دايرنها مطلوقةكمان ,, نيران و ولعت
شوف بياض الزول داك
من هسى هبشنى فى الحّتة الغلط كزول موّحد بالله
و ده بياضى كمان
لا حق لآبليس فى حرية تعبير

Post: #14
Title: Re: حوار سودانيزاولاين
Author: انور تاج السر
Date: 15-11-2015, 11:12 AM
Parent: #12

أى موضوع يا تبارك؟ أول مرة أشوف لى زئبق عايز يعمل حوار!! يا أخوى والله انت ميسى و مارادونا ما يقدرو يحاوروك.


بخيت و سعيد عليك حوارك مع المستنيرين و الناس الغير عاديين يا قول مصطفى مدثر:)

Post: #16
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 11:16 AM
Parent: #14

شكرًا أنور تاج السر ... جر وراك الباب ...

Post: #17
Title: Re: حوار سودانيزاولاين
Author: جلالدونا
Date: 15-11-2015, 11:31 AM
Parent: #16

Quote: جر وراك الباب ...

و سقط الحوار المزعوم فى اول ضيقة خلق بالحوار
عشان كده قلنا ماسكين ليكم فى شى زى الاعمى و ما عارفين معناهو
قال حوار قال

Post: #18
Title: Re: حوار سودانيزاولاين
Author: انور تاج السر
Date: 15-11-2015, 11:37 AM
Parent: #16

مافى مانع يا تبارك، بس ما لقيت باب شكلك حوارك عاملو فى الهواء الطلق و انت ما عارف. أصحى يا بريش:)

Post: #20
Title: Re: حوار سودانيزاولاين
Author: انور تاج السر
Date: 15-11-2015, 11:54 AM
Parent: #18

جلالدونا يا حبيب سلام و تحية،

تعرف على خواص الزئبق و حا تعرف السر وراء هذه الدعوة للحوار:)

Post: #19
Title: Re: حوار سودانيزاولاين
Author: معاوية المدير
Date: 15-11-2015, 11:54 AM
Parent: #16

Quote:
شوف يا طلحة ... سب الإنسان اعتداء على هذا الإنسان ... لا يوجد اثنين في هذا الكوكب يختلفان على ذلك ...
سب الرسول ... اعتداء على الرسول لا شك ...
ولكن هل سب الدين اعتداء عليك؟ إن كانت الإجابة بنعم ... فهذا زعمك وعليك إثبات صحته ...
هل سب الرسول اعتداء عليك؟ إن كانت الإجابة بنعم ... فهذا أيضًا زعمك وعليك إثبات صحته ...
مطالبة الآخر بإثبات حقه في سب الدين أو سب الرسول ... نوع من المراوغة والتهرب من مسؤولية إثبات صحة مزاعمك ...


المستنيرين طبارك و ابو بكر .
يعني هسّع انا اجي أهدم بيت وآحد فيكم مستأجرو اخُتو اساوي بيهو الأرض، واقولو، انا ما اعتديت عليك لأنو في مفهومي للديمقراطية
البيت دا ما ملكك، وبناءً علي فهمكم للديمقراطية يقول لي، كلآمك في محلو !؟. نحن الدين دا عقيدتنا والله ربنا ومحمد نبينا،
عايزين تهدموا لينا عقيدتنا من اساسها، ؤُ تسوها لينا ملطشة للقاصي والداني، ونقعد نتفرج فيكم !؟ . يا عالم ايّ ديمقراطية
في الدنيا دي لو ما بقت قائمة علي الإحترام فلا طائل منها، وأقصد إحترام الإنسان وإحترام معتقده . ربنا أمر بمحاورة
المشركين في إطار ديمقراطي حسب فهمي انا للديمقراطية، وليس حسب فهمكم أنتم لها وخلطكم بينها والإباحية، وأمرهم
بعدم سب الحجارة التي كانوا يعتقدوا فيها حتي لا يكون ذلك سبب في سب ذآته العليّة، ويفسد الحوار من اصله . يا سادتي
إنتو عايزين تحاوروا زول كيف وأنتم تسبون دينه وإلهه ورسوله ؟. ايّ بني آدم في الدنيا دي، يعبد بقرة، يعبد تور، يعبد
زول، يعبد رِويحتو دي، تسبو في معتقدو ما راح يكون عندو إستعداد يحاورك .
سقطت اول تجربة لحواركم التي ليست بأحسن من نظيرتها بتاعت قاعة الصدآقة .
اكان دي إستنارتكم مِنّو العوض ؤُ عليهو العوض، وانا قايل اخير تخلوها قبل تتبوجنو .
أها، يا ابو بكر خلآس يا زول إنت اكبر مستنير في الدنيا، إرتحت ؟.
إنتو اللتنين عندكم الحق تدخلو امريكا ؤُ تعيشو فيها، إتحدى ايّ وآحد فيكم ينطلق عريان ؤُ يولعلو سيجارة
ؤُ يتجول وسط الناس في بلد الديمقراطية، ويقسم بالله إنه يفعل ذلك من عميق إيمانه بالديمقراطية، ولنرى
إن كان قسمه سيشفع له أم لا !...

Post: #21
Title: Re: حوار سودانيزاولاين
Author: أبوبكر عباس
Date: 15-11-2015, 12:18 PM
Parent: #19

الأيام دي يا ود المدير في مشكلة في الهند بين الهندو من جانب والمسلمين والمسيحيين من جانب.

الهندو بفتكروا انو الناس ديل بحتقروا معتقداتم بذبحهم للابقار وأكلها!!

Post: #22
Title: Re: حوار سودانيزاولاين
Author: معاوية المدير
Date: 15-11-2015, 12:35 PM
Parent: #21

Quote: الأيام دي يا ود المدير في مشكلة في الهند بين الهندو من جانب والمسلمين والمسيحيين من جانب.

الهندو بفتكروا انو الناس ديل بحتقروا معتقداتم بذبحهم للابقار وأكلها!!


نعم تناقلتها وكالآت الأنباء ؤُ سمعتها ؤُ فاتت قعر اضاني، أقصر يا ابو بكر فهم لا يقبلوا هذا
التصرف في إطار حدودهم التي يعيشون فيها، وأنتم هنا تدعوا لحوار ضد حوار قاعة الصداقة
في إطار دولة السودان والسودانيون لا يرضون بديمقراطية تبيح سب عقيدتهم وربهم ونبيهم
في إطار دولتهم . يبقى إنتو من الأساس مرفوضين، بل أنتم في نظرهم اسوأ من بتاعين قاعة
الصداقة . يا ابو بكر دا كلآم ورق ساكت، لكن لو خُوّلت ليك السُلطة في السودان حاتسقط
اشياء كتيرة لا تتناسب والديمقراطية مع الإطار الذي تريد ان تضعها فيه .
أساس الحوار فاسد .

إنت زول ذكي ...

Post: #23
Title: Re: حوار سودانيزاولاين
Author: جلالدونا
Date: 15-11-2015, 12:44 PM
Parent: #21

Quote: الأيام دي يا ود المدير في مشكلة في الهند بين الهندو من جانب والمسلمين والمسيحيين من جانب.

الهندو بفتكروا انو الناس ديل بحتقروا معتقداتم بذبحهم للابقار وأكلها!!

اها يلا بى حرية تعبيرك امشى حلها ليهم
سبحان الله يؤمن بالشئ و يدلل عليه بنقيضه
حرية تعبير .. حرية عبادة .. ومعاها حرية صعلقة برضو
داير زياده فى الدفوعات
سوق تبارك معاك

Post: #24
Title: Re: حوار سودانيزاولاين
Author: معاوية المدير
Date: 15-11-2015, 12:50 PM
Parent: #23

Quote: اها يلا بى حرية تعبيرك امشى حلها ليهم
سبحان الله يؤمن بالشئ و يدلل عليه بنقيضه

هههههههههههههههههههههههههههههه،

يا جلالدونا،
المستنير كان عايز يمسكني من اللِيّد دي مفتكرها هي البتوجعني !.
والله صحي .

عندك وآحد زهرة فوق ...

Post: #25
Title: Re: حوار سودانيزاولاين
Author: عادل البراري
Date: 15-11-2015, 12:56 PM
Parent: #23

تحياتي تبارك والاخرون

Quote: (2) تكفل الدولة حرية الصحافة ووسائل الإعلام الأخرى وفقاً لما ينظمه القانون في مجتمع ديمقراطي.


هل يكفل القانون أم تكلف الدولة
إشارة الدولة هنا هل هي تلك المؤسسة القانونية أم هي المنظومة الحاكمة التي تستمد وجودها من ممارسة أداة القهر بهدف فرض سيطرتها؟

Post: #26
Title: Re: حوار سودانيزاولاين
Author: أبوبكر عباس
Date: 15-11-2015, 02:01 PM
Parent: #25

خلوني أوضح شنو حق الإساءة للدين للمخالف:
بالطبع لا أقصد الإساءة من أجل الإساءة وبوضح دا في مثال:
لما الرسول قال أُسري به لبيت المقدس وعُرج به للسموات، قالوا لأبي بكر "الصديق": صاحبك اليوم جابها كبيرة وقال مشى السماء
قال ليهم: إن كان قد قال، فقد صدق، وأصبح يبشر بذلك
في الوقت نفسو أبو جهل بكون قال: دا زول دجال وكذاب وأصبح يبشر بذلك

في الوقت داك الكان مسيطر كان قاعد يمنع حرية إعتقاد الثاني

اليوم زي ما من حق ود المدير يبشر ويتعبد بإعتقاد أبوبكر الصديق
من حق الأخر يكذب هذا الإعتقاد ويصفه بالدجل دون تعدى شخصي أو في حرية ممارسة هذا الإعتقاد

Post: #27
Title: Re: حوار سودانيزاولاين
Author: أبوبكر عباس
Date: 15-11-2015, 02:05 PM
Parent: #26

Quote: نفسو أبو جهل

أعتذر للسيد عمر بن هشام لوصفي إياه بالجهل

Post: #28
Title: Re: حوار سودانيزاولاين
Author: طلحة عبدالله
Date: 15-11-2015, 02:06 PM
Parent: #25

اتا يا تبارك لو عايز السفسطائية بتاعت الدين ما حق زول والانسان ملك
لنفسه فما عندك مشكلة تعال اتا اثبت لي انو الانسان ملك لنفسو ؟
من جانبي فالدين اللى هو معتقدي ملكي أكتر من نفسي.. يعني سبني
ما تسب ديني واللا سأملص أية حاجة لابسا وأقعد ليك عريان للدفاع
عن نفسي أقصد ديني ..
اتو يا أخوانا الخلق الفلسفة والكلام الفارغ اللزج دا منو ؟

Post: #29
Title: Re: حوار سودانيزاولاين
Author: عوض الشيخ حامد العوض
Date: 15-11-2015, 02:21 PM
Parent: #25

Quote:
هل يكفل القانون أم تكلف الدولة
إشارة الدولة هنا هل هي تلك المؤسسة القانونية أم هي المنظومة الحاكمة التي تستمد وجودها من ممارسة أداة القهر بهدف فرض سيطرتها؟


اكيد تكفل الدولة لانها ما دولة قانون ولا تسير على هدى القانون ولكن القانون هو الذي يسير على مزاج الدولة والدولة في الحالة دي المؤتمر الوطني بكل قبحو
تحياتي عادل البراري

Post: #30
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 04:21 PM
Parent: #29

Quote: اتا يا تبارك لو عايز السفسطائية بتاعت الدين ما حق زول والانسان ملك
لنفسه فما عندك مشكلة تعال اتا اثبت لي انو الانسان ملك لنفسو ؟
من جانبي فالدين اللى هو معتقدي ملكي أكتر من نفسي.. يعني سبني
ما تسب ديني واللا سأملص أية حاجة لابسا وأقعد ليك عريان للدفاع
عن نفسي أقصد ديني ..
اتو يا أخوانا الخلق الفلسفة والكلام الفارغ اللزج دا منو ؟

مثالك دا ... زي مثال ود المدير بتاع البيت - رغم انو ما حدد البيت ملك ولّ إيجار - ما بيسقط عنك مسؤولية الحجة والإثبات بالدليل والبرهان (ولا عن ودالمدير) ...

فما تحاول تثبت إنو الدين دا ملكك اكتر من نفسك بى "تعال اثبت لي انو الإنسان ملك نفسو" ...

اثبت انو الدين ملكك اكتر من نفسك ببرهان وااااضح يدلل على إنو الدين ملكك ... وملكك اكتر من نفسك كما تزعم ... جيب شهادة بحث أو ما شابه ...

في حالة تثبت الكلام دا ... يبقى البيسب الدين بيعتدي على ملكك .. ومن حقّك - كصاحب حق مثبت - إنك تعترض وتتظلّم ...

لو الدين فكرة ممكن تجول في العقول بحرية ... فكل العقول من حقها تفكّر في الدين كما يحلو لها ...

وزي ما الناس بتفكر في شخصك وفي ملكك كما يحلو لها ... ولكن لا يحق لها التعبير عن أفكار معينة ويحق لها التعبير عمّا دون ذلك ...

فيجب أن تثبت ملكيتك للدين وأنه ليس فكرة تجول في العقول لو أردت أن تحدّ على الناس حقهم في التعبير عن الأفكار التي تعتريهم بخصوص الدين ...

(بعدين يا اخواننا من الأول قلت ليكم دا ما حواري انا ... دا حوار من يأنس في نفسه الحوار)







... ويستمر الحوار ....

Post: #31
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 04:27 PM
Parent: #30

طبعًا يا عادل البراري أي دستور ينص على مسؤوليات الدولة ... كما ينص على مسؤوليات الحكومة ... وينص على مسؤوليات أعلى سلطة بالبلاد ...

انت ما تلخبت الكيمان ... مسؤولية السلطة الحاكمة تجاه الدستور ومسؤوليات الدولة التي ينص عليها الدستور مسألة سياسية تتغيّر من سلطة حاكمة لأخرى وليست قانون ولا معيار ...

ولكن مسألة الحكم والإدارة هذه يفترض أن نفرد لها ملفًا في هذا الحوار ...









... ويستمر الحوار ....

Post: #32
Title: Re: حوار سودانيزاولاين
Author: طلحة عبدالله
Date: 15-11-2015, 04:29 PM
Parent: #30

Quote:
اثبت انو الدين ملكك اكتر من نفسك ببرهان وااااضح يدلل على إنو الدين ملكك ... وملكك اكتر من نفسك كما تزعم
لا أثبت اتا أول انو الانسان ملك نفسو .. اتا قايل دق الباب دا بغلب ليهو زول .
غايتو من جهتي اتا ما طالبني اثبات .. أنا مصر على موقفي كدا ساي حنفشة مني ولو سبيت
الدين بدافع عنو وبقول ليك حرام والله بحاسبك .
اتا ما بعرفك ح تثبت انو الانسان ملك نفسو بى برهان وااضح كيف ؟

( الحوار حوارك اتا الشخصي جدا البعيد كل البعد عن من يأنس في نفسو الحوار )

Post: #36
Title: Re: حوار سودانيزاولاين
Author: سيف النصر محي الدين
Date: 15-11-2015, 04:51 PM
Parent: #30

اعتقد أن على الجميع ناقدين و مدافعين التركيز على الافكار و البعد عن الاشخاص و تحري
استخدام لغة مهذبة مقبولة في اطار حضاري.
هذه مجرد مقدمة و من ثم ارجو من بعض الأخوة الرد على تساؤلاتي التالية:
- لماذا يغضب المسلمون و يخرجون في مظاهرات هادرة يتخللها الكثير من اعمال العنف اذا اعتقدوا
أن هنالك من مس عقائدهم و رموزهم في نفس الوقت الذي لا يتورعون هم فيه عن المساس بعقائد الآخرين؟
للتدليل على كلامي هذا ساقدم مثالا واقعيا شهجته عشرات المرات:
مسلم يتحدث مع مسيحي و يقوم بشرح مبادئ الاسلام له و من ضمن ما يقول هو اننا كمسلمين نعتقد
بان عيسى نبي مرسل من عند الله و أنه ليس الها و أنه لم يمت صلبا بل شخصا آخر هو من صلب و مات!
يقول هذا الكلام دون أن يطرف له جفن مع أن كلامه هذا يمثل اساءة مباشرة لعقائد المسيحيين التي يمثل
الصلب و موت و قيامة المسيح اهم محاورها بل هو محورها الرئيس؟
يمكن توضيح فداحة هذا الكلام بالنسبة للمسيحي بافتراض أن مسيحيا قال لمسلم أن الوحي لا ينزل
من السماء يحمله ملاك مثلا أن محمدا (صلى الله عليه و سلم) ليس نبيا رسولا و انهم هكذا يعتقدون
او أن طقوسا مثل التي تجري في الحج نعتقد كمسيحيين أنها طقوس وثنية..الخ.
هناك مثال آخر : سمعت مرة على تلفزيون رسمي لاحدى الدول واعظا يتحدث عن الهندوس و يقول
أنهم لا عقل لهم و أنهم يعبدون البقر و سخر من هذه الجزئية طويلا و قال فيها كل ما يمكن لك أن تتصوره
من شتم و تسفيه ..هل اذا حدث العكس سيقبل المسلمون؟
لسع ما انتهيت.

Post: #33
Title: Re: حوار سودانيزاولاين
Author: Abuelgasim Mohamed
Date: 15-11-2015, 04:30 PM
Parent: #29

قال المستنير
Quote: بياضي فيها:
الإساءة لهم من صميم حريّة التعبير

ويعني المعتقدات والذات الالهيه والرسل

واردف قائلاً

Quote: في الوقت نفسو أبو جهل بكون قال: دا زول دجال وكذاب وأصبح يبشر بذلك


نفهم من ذلك ان اساس الاستناره لدي المستنير منبعهُ ابا جهل ,اي لم يجتهد مستنيرنا في شئ

سوي ان غرف من بئر رسول استنارته ابوجهل وجانا جاري فرحان كأنو اكتشف الذهب

في حين انو استنارتك يا ابا بكر كانت قد هزمت شر هزيمه في عهود سحيقه في عهد

رسولها ابا جهل وانفض الجمهور من حوله لسبب بسيط وهو لابديل لدي اباجهل كما لابديل

ل ابابكر عباس ..السؤال المحير انتا مسميها استناره علي اي اساس حين ان رسولها

اباجهل ماكان بعرف جيب سين كم وانت اليفترض انو بعرف كم يساوي جيب سين

فماذا يعني ذلك يا ابابكر سوي انو القلم ما بزيل بلم ..الشئ التاني يا ابابكر ليش استنارك

محصوره في المسأله العقائديه وبعضاً من شويه قصص فطيره لاطعم ولا ريحه لها, مع التركيز

الخاوي علي العقيده ..الحاجه الفايته عليك حتي مثلك الاعلي اباجهل لم يكن هو مخترع استنارتكم

سبقوهو فيها ناس عاد وثمود وقوم نوح وايضاً لحسرتكم في استنارتكم قوم لوط ..

فيا دكتور ما تغش نفسك كأنك اتيت بجديد ..

Post: #34
Title: Re: حوار سودانيزاولاين
Author: طلحة عبدالله
Date: 15-11-2015, 04:33 PM
Parent: #33

ويستمر الجدال ...

Post: #35
Title: Re: حوار سودانيزاولاين
Author: صلاح عباس فقير
Date: 15-11-2015, 04:42 PM
Parent: #33

بكري السلام عليكم، قلت:
Quote: شنو يعني عدم الإساءة للمعتقدات والذات الإلهية والرسل؟
بياضي فيها:
الإساءة لهم من صميم حريّة التعبير



لست أدري أيّة حرية تعبير هذه التي من صميمها الإساءة للمعتقدات!؟
يا أخي في الليبرالية لا بد من مراعاة مشاعر عامّة المجتمع،
لأن الديمقراطية أصلاً في أحد تعريفاتها هي حكم الأكثرية،
فأن تحترم عقيدة مجتمع معيّن،
هذا أمر مفروغ منه!
هل عاقل من يعيش في المجتمع الهندوسي، ثم يجاهر
بالإساءة لمعبوداتهم المثيرة بطبيعتها للسخرية!؟

فاحترام عقيدة مجتمع كامل،
وصونها من أن تُمسّ وأن يُساء إليها،
هذا أمر مفروغ منه!

ثم أصلاً، ما الداعي إلى الإساءة لعقائد الناس!؟

مع تحياتي للأخ تبارك!

Post: #37
Title: Re: حوار سودانيزاولاين
Author: مني عمسيب
Date: 15-11-2015, 04:54 PM
Parent: #35

تبارك والاعزاء بدون فرز ..

تحياتي ..

الحوار : بنطالب بحقوق المرأة والترشيح للرئاسة لو ما عندكم مانع .

Post: #38
Title: Re: حوار سودانيزاولاين
Author: ALWALEED ALSHEIKH
Date: 15-11-2015, 05:02 PM
Parent: #35

Quote: أعتذر للسيد عمر بن هشام لوصفي إياه بالجهل

غايتو أتباعه بكونو قبلو الاعتذار .. ما ديمقراطية و استنارة و كدة
غايتو صراحة يا دكتور كان لزمت بوستاتك بتاعت القصص اللطيفة ديك باقي لى اخير
لأنه الناس الما مستنيرين الزينا ديل صعب تفهمهم علاقة سب الذات الإلهية و الرسل بالاستنارة و الديمقراطية شنو.
أسأل الله لك و لي و لتبارك و لكل ضيوف البوست الهداية.

Post: #40
Title: Re: حوار سودانيزاولاين
Author: حمد عبد الغفار عمر
Date: 15-11-2015, 05:19 PM
Parent: #38

يا تبارك

لو في الأول ثبت حرية الاعتقاد ما بكون في حاجة لسب الدين



أنا في ظني السودانيين مع الفلس الضاربهم دا مافي طريقة يتحاوروا

أول تمتلئ الجيوب بعد داك صدقني زول بشتغل ليهو بزول مافي
الكاش بقلل النقاش

Post: #41
Title: Re: حوار سودانيزاولاين
Author: أبوبكر عباس
Date: 15-11-2015, 05:21 PM
Parent: #38

Quote: رية التعبير .. اين حدودها الاخلاقية
مساسها بالغير
فى شخصه و معتقده و تقاليده
لو دايرنها مطلوقةكمان ,, نيران و ولعت
شوف بياض الزول داك

حدّها ما تهبشك في شخصك
لكن عادي تهبشك في معتقدك وتاكلها تحت اللباد.
يعني الهندوسي البجي يقولي ما تسفهني بذبحك لبقرتك البعتقد فيها
بقول هوي ها أمشي كدا ولّ كدا أصلا أنا كونو ما أتبع معتقدك أصلا سافهك قبل أضبح ربك، أمشي شوف ليك شغلة أقضاها،
لكن لو جيتك منعتك من تعبد بقرتك وديني السجن، لانو بكون تعديت على دستور 2005 والإعلان العالمي لحقوق الإنسان.
لكن أعمل لي ندوة وأقول فيها:
البقر دا لا رب لا شيء
هو حيوان وفي الحيوانات حيوان بليد ومرتبتو في الذكاء بتجي بعد الإبل والماعز والغنم
وأكون بعد كلومواطن صالح لم يعتد على دستور 2005 الإنتقالي

Post: #39
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 05:07 PM
Parent: #35

Quote: غايتو من جهتي اتا ما طالبني اثبات .. أنا مصر على موقفي كدا ساي حنفشة مني ولو سبيت
الدين بدافع عنو وبقول ليك حرام والله بحاسبك .

انت لو حكايتك قايمة على "الله بحاسبك" ... فأنت لا تعترض على حرية التعبير مبدئيًا .. تعال اقيف معانا في الصف بتاع محاربة المادة 125 جنائي 1991 الإساءة للمعتقدات ... وانت قلبك قوي ... البيسألك الموقفك شنو مع المستنيرين المجارمة الكفار ديل ... قول ليهو: البيسب الدين مفروض ما يحاسبو القانون ... يحاسبو الله !!!

ياخي إنت البتزعم بوضع قيود على حرية التعبير ... بالتالي إنت العليك عبء إثبات أن القيود التي تطرحها صحيحة ...

يعني لو زول شتم الرسول ... أنا بربع يديني واتفرج ... إنت العندك رد فعل مختلف ... وإنت المفروض تبرر حقك في رد الفعل المختلف ...

الحوار في النقطة دي اخد اكتر مما تستدعي ... انا اعتقد انو وجهة نظري من حيث المبدأ وضحت ... ولو دعى الأمر قد أشارك بإضافات تفصيلية في موضوع التمييز بين حرية التعبير وخطاب الكراهية في سياق الواقع السوداني الراهن ...

Quote: لست أدري أيّة حرية تعبير هذه التي من صميمها الإساءة للمعتقدات!؟

إنها حرية التعبير التي يعبر فيها المرء عن نفسه بحرية ...










... ويستمر الحوار ....

Post: #42
Title: Re: حوار سودانيزاولاين
Author: أبوبكر عباس
Date: 15-11-2015, 05:27 PM
Parent: #39

Quote: لأنه الناس الما مستنيرين الزينا ديل صعب تفهمهم علاقة سب الذات الإلهية و الرسل بالاستنارة و الديمقراطية شنو.

ما في مشكلة يا وليد، إن شاء مقعد معاكم تاني خمسين سنة واستنار واحد بس، كفاية
ما مستعجلين، إتّوا بس ما تزعلوا مننا، كلام بنتونس بيهو وما حارين لينا فيهو أثر قريب

Post: #43
Title: Re: حوار سودانيزاولاين
Author: طلحة عبدالله
Date: 15-11-2015, 05:30 PM
Parent: #39

يا تبارك ( الله بحاسبك ) دي أضعف الأيمان .. باللسان ( تقرأ الكيبورد ) ..
أقيف معاك وين في الصف ؟؟ واللا دايرني أجىء داخل ليك المنبر دا بى
حسام ناسف ؟
ربنا موجود وهو القال : قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ * لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ (65-66) سورة التوبة.
ويستمر الجدال
وفي رواية أخري يستمر الدجال

Post: #44
Title: Re: حوار سودانيزاولاين
Author: طلحة عبدالله
Date: 15-11-2015, 05:34 PM
Parent: #43

Quote:
ياخي إنت البتزعم بوضع قيود على حرية التعبير

أبدا ما حصل الكلام دا ..
وين زعمت أنا الزعم دا ؟

Post: #45
Title: Re: حوار سودانيزاولاين
Author: أبوبكر عباس
Date: 15-11-2015, 05:42 PM
Parent: #44

Quote: فماذا يعني ذلك يا ابابكر سوي انو القلم ما بزيل بلم

غلطان أنا يا أبوالقاسم، البعد تحصلت على جواز من ناس ما محتاجين استنارة، جيت راجع تاني ليكم قلت اساهم في مساعدة أهلي الزمان

لو ما دايرني بمشي بدون شتيمة وتعدي لشخصي المسالم

Post: #46
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 05:50 PM
Parent: #45

Quote: يا تبارك

لو في الأول ثبت حرية الاعتقاد ما بكون في حاجة لسب الدين



أنا في ظني السودانيين مع الفلس الضاربهم دا مافي طريقة يتحاوروا

أول تمتلئ الجيوب بعد داك صدقني زول بشتغل ليهو بزول مافي
الكاش بقلل النقاش


Post: #48
Title: Re: حوار سودانيزاولاين
Author: أبوبكر عباس
Date: 15-11-2015, 06:01 PM
Parent: #46

Quote: ا تبارك

لو في الأول ثبت حرية الاعتقاد ما بكون في حاجة لسب الدين

المشكلة يا حمد، حرية الاعتقاد من ضمنها سفهك لاعتقاد آخر
يعني كيف المسلمين يسخروا من اعتقاد الآخرين زي ما قال سيف، وفي نفس الوقت ما دايرين زول يقول بقم على اعتقادم؟!
حريّة اعتقادك وسفهك لاعتقاد الآخرالاتنين ما بنفصلن
عشان كدا دايرين نثبتم كحقوق في النقاش هنا
ما يجي واحد زي الزميل القبل يومين قال داير يمشي أمريكا يشتكي زول أهان دينو!!

Post: #47
Title: Re: حوار سودانيزاولاين
Author: معاوية المدير
Date: 15-11-2015, 06:00 PM
Parent: #43

Quote:
خلوني أوضح شنو حق الإساءة للدين للمخالف:
بالطبع لا أقصد الإساءة من أجل الإساءة وبوضح دا في مثال:
لما الرسول قال أُسري به لبيت المقدس وعُرج به للسموات، قالوا لأبي بكر "الصديق": صاحبك اليوم جابها كبيرة وقال مشى السماء
قال ليهم: إن كان قد قال، فقد صدق، وأصبح يبشر بذلك
في الوقت نفسو أبو جهل بكون قال: دا زول دجال وكذاب وأصبح يبشر بذلك
في الوقت داك الكان مسيطر كان قاعد يمنع حرية إعتقاد الثاني
اليوم زي ما من حق ود المدير يبشر ويتعبد بإعتقاد أبوبكر الصديق
من حق الأخر يكذب هذا الإعتقاد ويصفه بالدجل دون تعدى شخصي أو في حرية ممارسة هذا الإعتقاد

يا ابو بكر ما تبقى زي كورة التنس الفكوها في الهوا ؤُ خلوها تقع في البلآط، تنطط خبط عشواء ساكت .
إنت جيت ناطي هنا علي خلفية ما كان يدور في البورد قبل ايام من لعن وسب للدين، ؤُ عايز تأسس
حوار علي مبدأ سب الدين والعقيدة والله زاتو ؤُ في اوّل مداخلة ليك قلت يثبتوها ليك في اللوّل عشان
تأسس عليها، هسّع داير تزوغ مالك !؟. الإنت قلتو فوق دا حوار ؤُ مقبول بالنسبة للمسلمين عدى من شذّ
عن هذه القاعدة، لكن لآمن الحكاية وصلت للعن وسب الإله وسب المعتقد الله اوقفها بخطابه للمسلمين
بأن لا يسبو الله ولا يسبو العقيدة لأنّ هذا السب يفسد الحوار ويؤدي لسب ذآت الله .
يا ابو بكر خليك زول وآضح إذا إنت بتقصد كلآمك الفي مداخلتك دي فأنت معي في سرج وآحد أما إذا
كنت تقصد فلآن يقول لفلآن، يلعن دينك، ؤُ يسب الإله، ؤُ يسب العقيدة فأنا بقولك اساس حوارك فاسد
وغير مقبول من السودانيين في عضُمُن دا، ؤُ لو ما مصدقني امشي اطرح طرحك دا في السودان كان
زول يقبلو ليك . الدعوة في البوست دا انا علي حسب ما فهمت حوار معاكس لما يدور في قاعة الصدآقة
وكان رضيت كان قبلت لو عايز تأسس ليهو بسب الدين والعقيدة فطراش الطارشين في قاعة الصداقة
بكل أسف سيجد قبول اكتر مِنو، دحين يا اخوي إنت قاصد كلآمك الفوق دا واللآ السب بيلعن دين فلآن ؤُ
يلعن دين فرتكان، ؤُ سب للعقيدة . ارجو التوضيح عشان نشوف غيرك ...

Post: #49
Title: Re: حوار سودانيزاولاين
Author: معاوية المدير
Date: 15-11-2015, 06:07 PM
Parent: #47

Quote: مثالك دا ... زي مثال ود المدير بتاع البيت - رغم انو ما حدد البيت ملك ولّ إيجار


القالك مِنو ما حددت، إنت قاعِد تقرالك صورة بروفايلك ؟...

Post: #51
Title: Re: حوار سودانيزاولاين
Author: معاوية المدير
Date: 15-11-2015, 06:19 PM
Parent: #49

Quote:
شوف يا طلحة ... سب الإنسان اعتداء على هذا الإنسان ... لا يوجد اثنين في هذا الكوكب يختلفان على ذلك ...
سب الرسول ... اعتداء على الرسول لا شك ...
ولكن هل سب الدين اعتداء عليك؟ إن كانت الإجابة بنعم ... فهذا زعمك وعليك إثبات صحته ...
هل سب الرسول اعتداء عليك؟ إن كانت الإجابة بنعم ... فهذا أيضًا زعمك وعليك إثبات صحته ...
مطالبة الآخر بإثبات حقه في سب الدين أو سب الرسول ... نوع من المراوغة والتهرب من مسؤولية إثبات صحة مزاعمك ...
نرجو أن تثري الحوار بأن نسمع إجابتك على السؤالين ... وبالتالي حجتك على صحة مزاعمك ...


إنت يا طبارك بتدعو لحوار ديمقراطي والديمقراطية ومبدأ الديمقراطية يرفض سب العقيدة والعقيدة
لا تتجزأ، يعني انا لو بعبد تلآتة حُجار ما تجي تسب لي وآحد ؤُ تقول انا ماسبيت عقيدتك سبيت اب رِويس
دا وحدو . كلآمك الفوق دا سب للعقيدة، هل الديمقراطية تسمح بسب العقيدة ؟. يا طبارك خلي جستن تريدو
يسب لي وآحد من ديل الفي مدآخلتك، كان ما وقفتو في المحاكم علي فِرد كُراع ابقى ما ود ابوي .

أنا والله لآمن شُفت البوست دا إستبشرت خير كتيّر ؤُ قلت نفنّد مزاعم كرور قاعة الصداقة
جيت لقيت الحكاية هنا جلبة في الفاضي ؤُ ناس عايزين يأسسو لسب العقيدة !!!...

Post: #50
Title: Re: حوار سودانيزاولاين
Author: أبوبكر عباس
Date: 15-11-2015, 06:14 PM
Parent: #47

يا ود المدير، معقول إتّا فاهم أنو أنا بأسس لموضوع سب الدين أثناء الملاسنات الشخصية!!
أنا بأسس لحوار لا يؤدي لملاسنات شخصية سببها اعتقاد أحد أطراف الحوار انو التاني تعدى على دينو، كأن أقول بموضوعية أثناء مناقشة أحقية المسلمين للمسجد الأقصى المؤسسة على إسراء الرسول له، أقول هذا الكلام خرافة ساكت، المسلمين أخرجوا من كان قبلهم لانو كانوا أقوى منهم

Post: #52
Title: Re: حوار سودانيزاولاين
Author: معاوية المدير
Date: 15-11-2015, 06:28 PM
Parent: #50

Quote: يا ود المدير، معقول إتّا فاهم أنو أنا بأسس لموضوع سب الدين أثناء الملاسنات الشخصية!!
أنا بأسس لحوار لا يؤدي لملاسنات شخصية سببها اعتقاد أحد أطراف الحوار انو التاني تعدى على دينو،
كأن أقول بموضوعية أثناء مناقشة أحقية المسلمين للمسجد الأقصى المؤسسة على إسراء الرسول له،
أقول هذا الكلام خرافة ساكت، المسلمين أخرجوا من كان قبلهم لانو كانوا أقوى منهم


يا ابو بكر نحن بنتكلم عن تأسيس نظام دولة يعني زينا ؤُ زي ناس قاعة الصداقة بس هم في قاعة الصداقة
ؤُ نحن في منبرنا المُو فايتنا دا، أنا الفهمتو دعوة لسب الدين عشان يكون مباح في الدولة الإفتراضية دي وكذلك
سب العقيدة، كان فهمي دا خاطئ لك مني ألف عذر اما ما خلآ ذلك من نقاش وحوار فهو مقبول

Post: #53
Title: Re: حوار سودانيزاولاين
Author: معاوية المدير
Date: 15-11-2015, 06:47 PM
Parent: #52

Quote:
لست أدري أيّة حرية تعبير هذه التي من صميمها الإساءة للمعتقدات!؟


Quote: إنها حرية التعبير التي يعبر فيها المرء عن نفسه بحرية ...


كذبت يا طبارك في ردك علي صلاح عباس،
وأنت رونالدينو .
إنت يا طبارك ما قادر ترقى لمستوى الحوار الفتحتو دا، وإنت في تفكيرك بهذا المستوى بعيد
بعد السماء للأرض من دائرة الحوار الفتحتو . ما إعتقد في مثيل ليك علي كوكب الأرض يفكر
بمستوى تفكيرك دا ؤُ يفسر حرية تعبير المرء عن نفسه بهذا المستوى . يا طبارك في شارع
الله دا ما تنتظر يوم يلآقيك زول يعترض طريقك يسب دينك ؤُ عقيدتك ؤُ ربك بحُجة حرية
التعبير، ما في يا زول زي دا يا طبارك . اظنك يا طبارك إنت من العصر الحجري، عليك الله احكيلنا جيت هنا كيف ؟...

Post: #54
Title: Re: حوار سودانيزاولاين
Author: Hafiz Bashir
Date: 15-11-2015, 06:58 PM
Parent: #52




Quote: يعني هسّع انا اجي أهدم بيت وآحد فيكم مستأجرو اخُتو اساوي بيهو الأرض، واقولو، انا ما اعتديت عليك لأنو في مفهومي للديمقراطية
البيت دا ما ملكك، وبناءً علي فهمكم للديمقراطية يقول لي، كلآمك في محلو !؟


سلام يا معاوية المدير

يا ود المدير في الحالة دي أنا اصلاً ما بيكون عندي شغلة بإنو كلامك في محلو ولا مافي محلو لو إنت كسرت البيت بدون ما عفشي الكان جوة البيت يتضرر

أنا شغلتي مع سيد البيت الأنا مأجر منو و مرجعيتنا عقد الإيجار

و إنت و سيد البيت بعد داك مشاكلكم حلوها غادي غادي




Post: #56
Title: Re: حوار سودانيزاولاين
Author: معاوية المدير
Date: 15-11-2015, 07:10 PM
Parent: #54

Quote:
سلام يا معاوية المدير
يا ود المدير في الحالة دي أنا اصلاً ما بيكون عندي شغلة بإنو كلامك في محلو ولا مافي محلو لو إنت كسرت البيت بدون ما عفشي الكان جوة البيت يتضرر
أنا شغلتي مع سيد البيت الأنا مأجر منو و مرجعيتنا عقد الإيجار
و إنت و سيد البيت بعد داك مشاكلكم حلوها غادي غادي


سلآمات يا حافظ،

يعني بيت الراجل يروح شمار في مرقة قدآم عينك وإنت تلملم عفشك ؤُ تفوت !؟،
ثم يا اخي صاحب البيت دا يكسر لي الطوب طوبة، طوبة فوق صلعتي وإنت برضك
دارع عفشك فوق ضهرك ؤُ ماشي ! غايتو يا ناس منبر بكري خوتكم دي خوّة مرآسة
ساكت ...

Post: #55
Title: Re: حوار سودانيزاولاين
Author: أبوبكر عباس
Date: 15-11-2015, 07:04 PM
Parent: #52

أضرب مثال فوق مداخلة سيف النصر:
الآية القرآنية البتقول: " لقد كفر الذين قالوا إن الله ثالث ثلاثة"
هل دا سب لعقيدة المسحيين ولّ لا؟
أنا رأيي دا سب، لكنو حق أصيل للمسلمين ويندرج تحت حرية التعبيير

Post: #57
Title: Re: حوار سودانيزاولاين
Author: معاوية المدير
Date: 15-11-2015, 07:15 PM
Parent: #55

Quote: Nada Hassan Ahmed · يعمل لدى Royal Care International Hospital. مستشفي رويال كير العالمي
ود المدير البتكتب فيهو دا هبالة ساي و لا يقوم على ساقي منطق


جميل جداً يا ندى،
انا بشر وقد اكون اخطأت، فياريت ترديني للصواب،
وأكون لك من الشاكرين ...

Post: #58
Title: Re: حوار سودانيزاولاين
Author: معاوية المدير
Date: 15-11-2015, 07:33 PM
Parent: #57

Quote: أضرب مثال فوق مداخلة سيف النصر:
الآية القرآنية البتقول: " لقد كفر الذين قالوا إن الله ثالث ثلاثة"
هل دا سب لعقيدة المسحيين ولّ لا؟
أنا رأيي دا سب، لكنو حق أصيل للمسلمين ويندرج تحت حرية التعبيير


وانا بقول ما سب،
وإتفق معك علي إنه حرية تعبير تفتح مجال للحوار .

يا ابو بكر ربنا لايسب أحد، ؤُ كلمة كفر ما سب .
مدآخلة سيف النصر لا تعنيني لأنو الناس الضربهم مثل لا يمثلوني
في شئ، مثلما لا يمثلني ناس داعش ومن نهج نهجهم ؤُ سيف النصر
لو قال يمثلوني لأني مسلم هو زاتو مسلم وإنت
مسلم ...

Post: #60
Title: Re: حوار سودانيزاولاين
Author: أبوبكر عباس
Date: 15-11-2015, 07:43 PM
Parent: #58

هو أصلا لو الآخر مقتنع انو دا كلام ربنا، ما كان في مشكلة، لكنو بعتقد انك خراط ساكت

Post: #59
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 07:43 PM
Parent: #57

Quote: الفهمتو دعوة لسب الدين عشان يكون مباح في الدولة الإفتراضية دي وكذلك
سب العقيدة،

وهو كذلك يا ودالمدير ... الدعوة لإباحة حرية التعبير وعدم قمعها بمحظورات الثلاثي المرح(*) الدينية ... كجزء من احترام التعددية وحرية التعبير وحرية الإعتقاد والضمير في نفس الآن ...

_____________
(*) الثلاثي المرح: شيخ محمد مصطفى عبدالقادر، المشير عمر حسن احمد البشير، ومعاوية المدير الاتبراوي ...








... أها كدا كويس؟ ...

Post: #61
Title: Re: حوار سودانيزاولاين
Author: طلحة عبدالله
Date: 15-11-2015, 07:56 PM
Parent: #59

يا تبارك والله أنا ما عارفك رابط حرية التعبير دي بالسب والشتم لشنو .. الا كان
قاصد تخرب سمعة حرية التعبير دي .
حرية التعبير لا تجيز السب والشتم والتعدي على الآخر بأي شكل من الأشكال
وإلا أصبحت فوضي .







يستمر الجدال .

Post: #62
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 08:08 PM
Parent: #61

Quote: يا تبارك والله أنا ما عارفك رابط حرية التعبير دي بالسب والشتم لشنو .. الا كان قاصد تخرب سمعة حرية التعبير دي .
حرية التعبير لا تجيز السب والشتم والتعدي على الآخر بأي شكل من الأشكال
وإلا أصبحت فوضي .

انا نهائي ما جبت سيرة السب والشتم والتعدي على الآخر في البوست دا ...

غير انو قلت ليك انو البيسبك ويشتمك ويتعدّى عليك بيكون عندك حق الإعتراض والتظلّم ...

غير كدا ما ذكرت سب ولا شتم ولا تعدي ...

أولاً انا لا اقبل التعدّي مبدئيًا ...

ثانيًا انا تحدثت عن سب العقيدة والدين ولم أتحدث عن السب والشتم بشكل مطلق ومعتدي ...

فلا تقوّلني ما لم اقله ...








... فعلاً دخلنا في الجدال اب كذب داك ...

Post: #64
Title: Re: حوار سودانيزاولاين
Author: طلحة عبدالله
Date: 15-11-2015, 08:14 PM
Parent: #62

سمح

( تبارك ) اذا قرأتها كل ليلة تنجيك من عذاب القبر ..

يا ربي ما تحرم بيت من الأديان ..










ويستمر النكران ..

Post: #63
Title: Re: حوار سودانيزاولاين
Author: جلالدونا
Date: 15-11-2015, 08:13 PM
Parent: #61

Quote: أضرب مثال فوق مداخلة سيف النصر:
الآية القرآنية البتقول: " لقد كفر الذين قالوا إن الله ثالث ثلاثة"
هل دا سب لعقيدة المسحيين ولّ لا؟
أنا رأيي دا سب، لكنو حق أصيل للمسلمين ويندرج تحت حرية التعبيير

لا يا مستنير ده ما سب
ده وصف لى حالة ال بيجزئ الذات الالهية لى ثلاتة
هو صاحب الملكوت و هو الذى اهدانا النجدين اما شاكرا و موحدا و هو الطريق الى رحمته و مغفرته
و اما كفورا و هو اسّ غصب الله و الطريق الى ناره و عذابه
و عليك استنارتك و نبيك ابو جهل ما تحمّل كلمات الله ما لا تحتمل
_____
ود المدير و طلحة ... دايرين اى مساعدة لآفحام جوز اللوز ديل نحنا جاهزين
و بالمنطق و بموجب حرية التعبير كمان

Post: #65
Title: Re: حوار سودانيزاولاين
Author: طلحة عبدالله
Date: 15-11-2015, 08:18 PM
Parent: #63

يا جلالدونا سعيك مشكور
تبارك بالصلاة ع النبي قاعد يفحم نفسو بى نفسو ..
وأحيانا يقحم نفسو في مواقف بايخاااااااااااا

Post: #66
Title: Re: حوار سودانيزاولاين
Author: طلحة عبدالله
Date: 15-11-2015, 08:23 PM
Parent: #65

Quote:
حكمت محكمة حقوق الإنسان الأوروبية في العام 1994م حكما تاريخيًّا يُقدم “حقوق الغير” على حرية التعبير، في قضية فيلم معادٍ للكثوليكية ويُحقر التعاليم الدينية. إذ قضت المحكمة بمنع بث الفيلم، وأكدت أن “حرية التعبير يجب أن تُمارس، مع الاضطلاع بالواجبات والمسؤوليات. والأمر يتعلق في هذه الحالة بتجنب تعابير تحمل إساءة مجانية للآخرين، وتشكل بناءً عليه اعتداءً على حقوقهم”، واعتبرت المحكمة أن المعاقبة على أشكال التّهجم المنطوية على إهانة للمواضيع التي تحظى بإجلال ديني، أمرا ضروريًّا في المجتمعات الديموقراطية"
يا تبارك أظنك متفق معاي انو ناس صامت الصامت التحت ديل
ليهم علينا حق رفع مداخلاتكم طالما بشاركونا هم الجدال أقصد الحوار ..
شنو يا فردة عامل نايم ؟

Post: #67
Title: Re: حوار سودانيزاولاين
Author: طلحة عبدالله
Date: 15-11-2015, 08:24 PM
Parent: #66

ويستمر ضرب النار ..

Post: #68
Title: Re: حوار سودانيزاولاين
Author: جمال ود القوز
Date: 15-11-2015, 08:54 PM
Parent: #57


إنت كزول ماعندك شغله بالدين ..
وعايز تسب الدين وتستهزيء بيهو وبتفتكر ..
إنه الدين ده ماحقي وما حق زول ..
وما من حقي وبرضو ما من حق زول يجي يدافع عن الدين ..
طيب إذا إنت أصلاً ما عندك دين بدليل سبك للدين ..
كيف بتقول إنه الدين ده ماحقي وأنا القاعد أدافع عنه ؟! ..
من منا له حق الإدعاء بأن الدين حقه ..
إنت الما عندكـ دين ولا شغله بالدين ..
ولا انا العندي دين وقاعد ادافع عن الدين ..
ياتو فينا العندو حق وضاع أو تم إنتهاكه ؟..

بعدين منو القال أن الدين أو أي معتقد هو عبارة ..
عن جانب واحد خارجي مشاع ..
يتمثل في مجموع القيم والتعاليم والأطر الظاهرية ..
ويقتصر الامر على الجانب الخارجي المشاع ده ..
وطبقاً لذلكـ مامن حق أي أحد يجي يدافع عن أي دين أو أي معتقد ..
منو القال الكلام الفاضي ده ؟!! ..
لأن هناك جانب روحاني وتكوين روحي داخل الناس ..
البتعتقد في الدين او المعتقد ده ..
وأي تعدي على الدين بيمثل إنتهاك صارخ وضرر جسيم ..
على الآخرين عبر الأعتداء الروحي عليهم ..
يبقى ياخذوا حقهم منك كيف ؟ ..
وهم عارفين إنك بتفتقد للجانب الروحي الديني الجواهم ..
الانت اعتديت عليهو ..
أها في الحالة دي يسوا ليك شنو ؟؟ ..
أكيد حيقوموا يسوو ليك شغلة (حبتي ولاّ الديكـ ) ..
ياتجيب حبتهم النقدا الديكـ حقك ولا هم أكيد حأيشلوا الديك ..
أو بالأحرى حأشيلوا رويحتك ..
عشان الناس نتعادل .. ولّا كيف ؟!! ..
لان الشغلة بقت عباطة وغلاط فاضي ..
لا مجال لسب الأديان ومن يعتقد بذلك فهو يعتدي على الآخرين ..
وحينها من حق الآخرين أن يقتصوا منه ..
وبنفس منطقه وقانونه الذي أسس له ..
الناس ترعوي وتمارس حرياتها بعيدا عن التعدي علي حريات الآخرين ..
عبر التعدي على مكوناتهم الروحية المرتبطة بالاديان والمعتقدات ..
التي هي بلا شك ليست ملكهم وليس من حقهم التعدي عليها ..

Post: #69
Title: Re: حوار سودانيزاولاين
Author: nour tawir
Date: 15-11-2015, 09:24 PM
Parent: #68

الآخ الفاضل ابوبكر عباس..


1- شنو يعني عدم الإساءة للمعتقدات والذات الإلهية والرسل؟
...

يا زول كوووله الا الذات الالهية والرسل..
الاساءة اليهم والعياذ بالله..
تتم على أى اساس ؟
ولا فوق راسك سماء غير السماء؟
ولا تحت رجليك أرض غير الآرض؟
ولا فى أنفسكم ؟ جيت من وين وحتمشى وين لما تموت ؟
ولا داير شنو تانى عشان يثبت ليك وجوده وقدرته ؟

Post: #70
Title: Re: حوار سودانيزاولاين
Author: معاوية المدير
Date: 15-11-2015, 09:33 PM
Parent: #69

Quote: أها في الحالة دي يسوا ليك شنو ؟؟ ..


سوي ليهو موية ليمون، عشان رجعنا لعهد بيزنطة ...

Post: #71
Title: Re: حوار سودانيزاولاين
Author: معاوية المدير
Date: 15-11-2015, 09:42 PM
Parent: #70

Quote: هو أصلا لو الآخر مقتنع انو دا كلام ربنا، ما كان في مشكلة، لكنو بعتقد انك خراط ساكت


طيّب مالو، هو يجيب حجتو وانا أجيب حجتي ؤُ نفتح حوار من غير
زعل وسب عقيدة ودين، وسب ألهة .
واللآ رايك شنو ؟...

Post: #72
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 09:49 PM
Parent: #68

Quote: إنت كزول ماعندك شغله بالدين ..
وعايز تسب الدين وتستهزيء بيهو وبتفتكر ..
إنه الدين ده ماحقي وما حق زول ..
وما من حقي وبرضو ما من حق زول يجي يدافع عن الدين ..
طيب إذا إنت أصلاً ما عندك دين بدليل سبك للدين ..
كيف بتقول إنه الدين ده ماحقي وأنا القاعد أدافع عنه ؟! ..
من منا له حق الإدعاء بأن الدين حقه ..
إنت الما عندكـ دين ولا شغله بالدين ..
ولا انا العندي دين وقاعد ادافع عن الدين ..
ياتو فينا العندو حق وضاع أو تم إنتهاكه ؟..

يعني عشان انت متديّن ... غير المتديّنين ما ليهم حق يقولوا رايهم في دينك؟ بالحمد أو بالتقريع؟

تفتكر لأنو انت عندك دين محدد ... نيقولا باسيلي حا يتنازل عن دينو عشان ينتج فيلم "براءة المسلمين"؟

يعني رسام الكراكاتير بتاع شارلي آبدو ما عندو معتقد؟

لازم عشان تدي روحك حق الدفاع عن الدين بطريقة اكتر من انك تمارس حريتك في التعبير (بالقانون أو بالعنف أو بالتعدّي والسباب الشخصي) عشان تدي روحك حق اكتر من حق رسام الكراكاتير وتقتلو ... أو تدي روحك حق حرق السفارة الألمانية بسبب فيلم لا علاقة لألمانيا به ... عشان تدي روحك حقوق زي دي لازم تكون صاحب ملكية ومتضرر مش مجرد مؤمن لا أكثر ... ومنطقك بالطريقة دي منطق غاب ... لو طبقناهو على التجارة مثلاً ... فأنا ممكن اقول ليك "الربح" حقي ... لأنني أؤمن بـ"الربح" ... تاني بتتاجر معاي في حلة واحدة كيفن والربح حقي؟

بالمناسبة ... انا لامن قريت كلامك:

إنت كزول ماعندك شغله بالدين ..
وعايز تسب الدين وتستهزيء بيهو وبتفتكر ..
إنه الدين ده ماحقي وما حق زول ..


ما كنت قايل الكلام دا موجه لي ... لأنو ما بتذكّر قاولتك انت أو غيرك انو علاقتي بدين ما طبيعتها شنو أو في دين محدد انا عايز اسبو واستهزئ بيهو ...

عمومًا ... اخدت الكلام في سياق شخصنة المواضيع المعتادة في هذا المنبر ...

وهي من صلب الموضوع ... شخصنة العام ... المعتقدات والرموز والشخصيات الدينية شأن عام ... وغير محصّن من النقد والسب ...

انت شخصيًا يا جمال القوز انا ما بأيّد زول يقول ليك حاجة تمسّك في شخصك ...

تقول:

Quote: وأي تعدي على الدين بيمثل إنتهاك صارخ وضرر جسيم ..
على الآخرين عبر الأعتداء الروحي عليهم ..
يبقى ياخذوا حقهم منك كيف ؟ ..

لو أخدنا مثال نيقولا باسيلي ... لو مشيت المحكمة - طبعًا في ناس جربوا مشوا - حا يقع على عاتقك عبء إثبات وقوع ضرر عليك من فيلم عن الرسول ... اللي هو نفس الغلات الداخلين فيهو مع طلحة وهو ما فاهم ليه مسؤولية الإثبات عليهو ... لأنو البينة على ادّعي ... بتدّعي إنو السب ليك أو لى غيرك دين أوقع عليك ضرر ... تثبت الضرر الوقع عليك ...

هسي دي نحن فيها ... نجرّب يا جمال القوز ...

اعتبرني قاضي ... عايز آخد منك دعوى ضد ما يعرف بـ"الرسوم المسيئة للرسول" ... قول كلامك ...





... معاك أحلى مايك ...

Post: #73
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 09:57 PM
Parent: #72

جزئية بسييييطة ... من الحوار حول حرية التعبير ...

ولا تشمل حرية انتقاد الحكومة وكشف الفساد وعدم اعتقال الصحفيين ...

يعني دا الحوار قبل أن ندخل في الجانب السياسي لحرية التعبير ... والذي أعلن جهاز الأمن والمخابرات أن هنالك "خطوط حمراء" لحرية التعبير هذه ...

يعني لامن ندخل الفنون وحرية التعبير ... طلحة دا احتمال يفجّر البوست دا بى حزام ناسف ...

ولا زالت هنالك حقوق وحريات تنتظر المناقشة ... واقتصاد وتعليم وصحة وتاريخ وثقافات وعيييييك ...











... ويستمر الحوار ....

Post: #74
Title: Re: حوار سودانيزاولاين
Author: احمد الشيخ
Date: 15-11-2015, 10:16 PM
Parent: #73

اذا واحد سب ام زول فهل القاضي حيقول ليه امك هي الوقع عليها الاعتداء انت ما عندك شغلة؟
اها الناس المتدينة الدين عندهم مقدس اكتر من امهم
دا مش ضرر معنوي؟

ثم ليه السب في الاساس
لو كان نقد كان ماشي لكن سب كدا سااااي؟

وهل مشكلة السودانيين الآن انهم دايرين يسبوا الدين وعندهم سبة واقفة ليهم في حلقهم حامياهم النفس
ومنتظرين بس المخلصين عشان يغيروا ليهم الدستور عشان يفكوا السبة دي ويرتاحوا؟

Post: #75
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 10:26 PM
Parent: #74

Quote: اها الناس المتدينة الدين عندهم مقدس اكتر من امهم
دا مش ضرر معنوي؟

لأ

Post: #77
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 10:30 PM
Parent: #75

Quote: وهل مشكلة السودانيين الآن انهم دايرين يسبوا الدين وعندهم سبة واقفة ليهم في حلقهم حامياهم النفس
ومنتظرين بس المخلصين عشان يغيروا ليهم الدستور عشان يفكوا السبة دي ويرتاحوا؟

مشكلة السودانيين في الذهنية البتستخدم المنطق المعوج ... ومحتاجين يتحرروا من هذه الذهنية لكي يصلوا ببلدهم احتمالات الإزدهار الممكنة ومتاحة وغير حاصلة ..

دا لو سألتني ... لاكين انا بفضل تحويل السؤال للآخرين ...

Post: #81
Title: Re: حوار سودانيزاولاين
Author: احمد الشيخ
Date: 15-11-2015, 11:23 PM
Parent: #77

احتمالات الزدهار الممكنة وغير حاصلة
دا كلام ممتاز ودا القبيل راجنه نحنا
دايرين الحق في التعليم والحق في العلاج والحق في السكن والحق في الشغل والحق في اختيار المسؤولين ومحاسبتهم وتغييرهم
لكن سب نسوي بيه شنو
ياخي سب اي حاجة ما كويسة حتى الجمادات سبها ما كويس
افهم الحق في النقد
اي زول ملحد ليه الحق يدق صيوانه في الساحة الخدرا ويقول للناس انا شايف انه ما في حاجة اسمها دين ولا رب ولا رسل
ودليلي واحد اتنين تلاتة
والمتدينين يردوا عليه واحد اتنين تلاتة
لا يسب دينهم لا يسبوا فكره
ونزدهر

بعدين ردك على انه سب الدين فيه ضرر معنوي بكلمة واحدة هي لا كدا ساي
طيب غيرك بقول نعم
تغالط المتضرر في معنوياته؟

Post: #76
Title: Re: حوار سودانيزاولاين
Author: Hafiz Bashir
Date: 15-11-2015, 10:27 PM
Parent: #73



أنا بقترح يا متحاورين تعدبل على المادة 39 فقرة 1 لتقرأ

"لكل مواطن حق لا يُقيد في حرية التعبير عن الرأي و الفكر و المعتقد وتلقي ونشر المعلومات دون مساس بسلامة المواطنين، وذلك وفقاً لما يحدده القانون"

بدلاً عن

"لكل مواطن حق لا يُقيد في حرية التعبير وتلقي ونشر المعلومات والمطبوعات والوصول إلى الصحافة دون مساس بالنظام والسلامة والأخلاق العامة، وذلك وفقاً لما يحدده القانون."

و الهدف من التعديل هو تعيين الأوجه التي يحق للمواطن التعبير عنها و هذا التعيين يهدف إلى حماية حق الأقليات في التعبير عن فكرهم و معتقداتهم و نشرها بكل السبل المتاحة ما لم تتضر السلامة العامة من ذلك. كما تم سحب الأخلاق العامة كقيد لحرية التعبير لأن في ذلك فسحة لسيطرة الأغلبية و فرض قواعد للتعبير و النشر تتماشى مع معتقداتهم.



Post: #78
Title: Re: حوار سودانيزاولاين
Author: تبارك شيخ الدين جبريل
Date: 15-11-2015, 10:36 PM
Parent: #76

نحن في البث التجريبي يا حافظ ...

لاكين وجهة نظرك محفوظة ...

Post: #79
Title: Re: حوار سودانيزاولاين
Author: munswor almophtah
Date: 15-11-2015, 10:37 PM
Parent: #76

والله يا طبارك من الأمثال المواسير (أرجى سفيه ما ترجى عاطل)
ظبطت سته وطابه والعجب لمن السفيه يكون سفيه معرفه
ياخ والله مرات بتقول كلام الحكام ديل مفرض يخلو بالهم منها
يشيلو البدوروهو ويخلولك الباقى

ملاحظه إنت أقيف عشان نلحقك لكن دايما ماش

Post: #80
Title: Re: حوار سودانيزاولاين
Author: أيمن محمود
Date: 15-11-2015, 11:00 PM
Parent: #79

الحوار ده بين ناس محركهم الاساسي الدين وناس محركهم الاساسي العقل
يا تطلعو دينكم من الحوار يا تطلعو عقولكم
اقترح انو الناس تطلع دينا لأنو الدين ما فيهو حوار .. الدين امورو منصوصة

Post: #82
Title: Re: حوار سودانيزاولاين
Author: جمال ود القوز
Date: 15-11-2015, 11:52 PM
Parent: #80


Quote: يعني عشان انت متديّن ...
غير المتديّنين ما ليهم حق يقولوا رايهم في دينك؟ بالحمد أو بالتقريع؟

تفتكر لأنو انت عندك دين محدد ... نيقولا باسيلي حا يتنازل عن دينو عشان ينتج فيلم "براءة المسلمين"؟

يعني رسام الكراكاتير بتاع شارلي آبدو ما عندو معتقد؟

لازم عشان تدي روحك حق الدفاع عن الدين بطريقة اكتر من انك تمارس حريتك في التعبير
(بالقانون أو بالعنف أو بالتعدّي والسباب الشخصي)
عشان تدي روحك حق اكتر من حق رسام الكراكاتير وتقتلو ...
أو تدي روحك حق حرق السفارة الألمانية بسبب فيلم لا علاقة لألمانيا به ...
عشان تدي روحك حقوق زي دي لازم تكون صاحب ملكية ومتضرر مش مجرد مؤمن لا أكثر ...
ومنطقك بالطريقة دي منطق غاب ...


رغم إنكـ قفزت لدائرة أرحب وأشمل لكن لا بأس ..

فخليني أقول ليكـ ..
إنت عندك خلط مريع ومخل بين حرية المعتقد ..
وبين التعدي على معتقدات الآخرين ..
منو المنع باسيلي او غيرو أن يعتقدوا ماشاءوا ؟!! ..
لهم ان يعتقدوا ماشاءوا لهم ذلكـ ..
أما التعدي على معتقدات الآخرين فهذا شأن آخر ..
ثم أصلاً ماهي العلاقة والرابط بين حرية المعتقد ..
وحرية التعدي على معتقدات الآخرين ..
هل تعدي بأسيلي أو غيره على ديننا فيه حق لهم ؟!! ..
هل هذه حرية أصلاً ! ..
تلكـ التي تتخطى حدود ممارسة المعتقد الخاص بهم ..
لتدخل حيز وحدود سب معتقدات الآخرين والنيل منها ..
هل في عدم فعلهم لذلك حق لهم تم حجبه عنهم ؟ ..
حتى يحيق بهم ضرر !! ..
هل هم المتضررين ام من قاموا بسب معتقداتهم والقدح فيها والنيل منها !! ..
بعدين البديهم الحق يسبوا ديني ومعتقداتي شنو ! ..
اليس في فعلهم لذلك تعدي وضرر يقع عليّ ؟ ..
كيف لي ان امارس حريتي في التعبير ..
وانا أراهم يتجاوزون حرياتهم ليعتدوا على حريتي في الاعتقاد ..
اليس في قدحهم وانتقاصهم من قيم معتقدي ..
انتقاص من حريتي في التعبير عن ذلكـ المعتقد ؟ ..
بعدين ما شأني بمعتقدهم ان يتركوه أو يبدلوه ..
طالما ليس في ذلك المعتقد تعدي على معتقدي ..
ومن الذي تعدي على الآخر أنا ام هم ؟ ..
منطق الغاب أنت وهم من أسس له بتعديكم على معتقدي ..
لعلمك وعلمهم بانحياز الجهة التي نحتكم اليها ..
بعدين رغم عدم قدرة أمريكا على التصدي لهكذا تخرصات مباشرة ..
هل تركت باسيلي يفعل ماشاء أم تصدت له ؟ ..
وجابت ليهو قضية إحتيال مصرفي مركونة ..
لتقتص منه لعجزها عن إظهار أصل القضية جرياً وراء حريات أعتبرها زائفة ..
لأنها سقطت امام منصات القضاء والعدالة .. فبدلت واجهتها لانصاف حق بيّن ..
اليس في ذلك منحي صك لاقتص ممن يعتدي علي معتقدي بحجج أخرى أو وفق قوانين أخرى ..

Quote:
فأنا ممكن اقول ليك "الربح" حقي ... لأنني أؤمن بـ"الربح" ...
تاني بتتاجر معاي في حلة واحدة كيفن والربح حقي؟


ضربك لمسالة الربح واتيانكـ بها كمثال لايستقيم ..
هل الربح أصلاً يمثل معتقد روحي ؟ ..

Quote: إنت كزول ماعندك شغله بالدين ..
وعايز تسب الدين وتستهزيء بيهو وبتفتكر ..
إنه الدين ده ماحقي وما حق زول ..


رغم إني لم أقصدكـ شخصياً ..
وأتى الامر في سياق ضرب المثل ..
لكني لم احمد لكـ تنصلك عن رأي شخصي تتبناه ..
رغم عدم إفصاحكـ لي أو لغيري عن مكنونات نفسك التي لا اعلمها ..
لكن اليست الألسنة مغاريف لما في القلوب ؟ .. وتبيان لمايعتقده أحدنا ..
وعلى أي شيء يمكنني أن أتكيء لاعرف مكنونات نفسك وماتعتقده اليس من كلامك وماتكتب ؟ ..
هل الأمر محض هرجلة وتبني لمواقف يتنصل عنها احدنا متى شاء ! ..
أم الى ماذا يمكنني أن أعزي نكرانك هذا !! ..
Quote: لو أخدنا مثال نيقولا باسيلي ... لو مشيت المحكمة - طبعًا في ناس جربوا مشوا -
حا يقع على عاتقك عبء إثبات وقوع ضرر عليك من فيلم عن الرسول ...
اللي هو نفس الغلات الداخلين فيهو مع طلحة وهو ما فاهم ليه مسؤولية الإثبات عليهو ...
لأنو البينة على ادّعي ... بتدّعي إنو السب ليك أو لى غيرك دين أوقع عليك ضرر ...
تثبت الضرر الوقع عليك ...

هسي دي نحن فيها ... نجرّب يا جمال القوز ...

اعتبرني قاضي ...
عايز آخد منك دعوى ضد ما يعرف بـ"الرسوم المسيئة للرسول" ... قول كلامك ...


رغم إتيانك للأمر كمثل لكن هل تصلح أنت كقاضي بتحيزك المخل هذا ؟! ...
وهل أن أنا لم استطيع ان أقتص منك وفقاً لعجز أنظمة حكم نتقاضى اليها ..
هل ذلك مدعاة لأن الحق معك والمطلوب مني أن أستسلم ..
وأترك لك الحبل على الغارب لتفعل ماشئت ؟ ..
والى أي قضاء نحتكم ؟ ..
اليس من ثمة فرق وهل كل الأنظمة التي نحتكم لها سواء ؟ ..
وهل الحكم بماهية المعتدي كان سيختلف من دولة لأخرى ؟ ..
وهل هذا الأمر أصلاً حجة بها نعلم من هو المعتدى من المعتدى عليه ..
ام أن الامر جلي وواضح ..
وتكتشف عن كنهه النفس السوية التي تبتغي عدلا وإنصافا ..
قبل أن تفصل فيه منصات القضاء باختلاف مواقعها واختلاف الأنظمة والقوانين التي تحتكم اليها ..



ياتباركـ ..
التعدي على معتقدات الآخرين مهما كانت تمثل ضرر بليغ ..
ويترتب عليها مايترتب من رفع ذلك الضرر وبشتى السبل ..
ولن يعيي متضررا رفع غبن وظلم وقع عليه ..
وإلا لكان غير متضرر أصلاً ولم يمسه شيء ولم يتم التعدي عليه ..


خليك منصف يأخ وبطّل شغل اللولوة البتسوي فيهو ده ..

Post: #83
Title: Re: حوار سودانيزاولاين
Author: أبوبكر عباس
Date: 16-11-2015, 02:56 AM
Parent: #82

حتى الآن رسل الاستنارة هازمين العوام تلاتة صفر، والشمش لسع حيّة، والمباراة مجانا بميدان عقرب والكل بضحك عليهم!
السخرية من أديان الآخرين هي دعوة وتبشير بدين آو لا دين آخر، وتمثل حرية للتعبير من أجل تطور المجتمعات، الدين من داخل نفسو غير قابل للتطور إلا إذا واجه نقد ساخر من الآخر.
رواية آيات شيطانية الاهدرتو فيها دم سلمان رشدي،عندها هدف -وهي حق تعبير حاول المسلمين حجره- وهدفها الدعوة للمساواة بين المرأة والرجل ومنع تعدد الزوجات.
هل يا مدير وجلالدونا، سلمان رشدي سب الرسول وتعدى على المسلمين؟
أوعة تجي تقول لي ربنا أداهو حق الزواج من عشرة
لانو دي اجابة محلية تقولها في الخلوة، لكن في محفل عالمي زي دا، عيب تكون حجتكم ضعيفة كدا!
زعيم الاستنارة سهيل بن عمرو ما سمعتوهو لمان قال للرسول: وقف عندك ما تكتب لينا هذا ما عاهد عليه محمد رسول الله
اكتب محمد بن عبد الله بس؟!
دحين يا كيشا (جمع كيشة)، لمان تردوا لينا ختوا في بالكم نحن بنحاوركم بنمثل ليكم الطرف الآخر الذي لا يعتقد فيما تعتقدون، وليس له نفس مسلماتكم
مجرد تمثيل عشان تتدربوا على النقاش المنطقي
والمنطق دائما بشتغل في الاتجاهين بنفس المستوى يا تعبانين ومعاكم نور تاور

تحننوا!

Post: #84
Title: Re: حوار سودانيزاولاين
Author: سيف النصر محي الدين
Date: 16-11-2015, 03:06 AM
Parent: #82

البهائية
النصيرية
الدروز
الشيعة
اليهود
النصارى
الهندوس
هل يا ود القوز ما تقول في السباب و الوصف بالكذب و الكفر و الماسونية و الضلال
الصادر في حق هذه الجماعات و غيرها من جهات رسمية و موجود في كتب منشورة
و موسوعات تدرس للطلاب في بعض الجامعات ؟
هل الكلام ضد هذه الجماعات يدخل في حرية التعبير ام هو سب لعقائد الآخرين و لا يجوز؟
ممكن ادلل على كلامي بروابط كثيرة و لكن مؤقتا انظر هنا:
http://www.saaid.net/feraq/mthahb/http://www.saaid.net/feraq/mthahb/

Post: #85
Title: Re: حوار سودانيزاولاين
Author: muntasir
Date: 16-11-2015, 04:27 AM
Parent: #84

هل حرية التعبير مطلقة يعني ممكن بكرة أدخل مكان حفلة في باريس وأقول الله اكبر ولا ادخل سينما وأصيح قنبلةهل دستور ٢٠٠٥ بجيز لي ذلك هل ولا ما هل

Post: #86
Title: Re: حوار سودانيزاولاين
Author: سيف النصر محي الدين
Date: 16-11-2015, 05:06 AM
Parent: #85

Quote: It's Time to Stop Using the 'Fire in a Crowded Theater' Quote


اقرأ القصة كلها هنا..

http://www.theatlantic.com/national/archive/2012/11/its-time-to-stop-using-the-fire-in-a-crowded-theater-quote/264449/http://www.theatlantic.com/national/archive/2012/11/its-time-to-stop-using-the-fire-in-a-crowded-theater-quote/264449/

Post: #87
Title: Re: حوار سودانيزاولاين
Author: Haytham Ghaly
Date: 16-11-2015, 05:13 AM
Parent: #85

غايتو من خلال الجدل دا كلللو

الشي الفهمتو انو النقاش لن يصل الى نتيجة في مسألة حرية التعبير من الناحية العقائدية

ليه .. لانو تبارك وابوبكر عباس بتكلمو عن عدم منطقية المواد التي تحاسب من يسب او يسيئ العقيدة في القانون

بحجة ان لا احد يتضرر ضرر مباشر من سب او انتقاد العقيدة (اقصد ضرر جنائي) لذلك لا يمكن ان يحاكم

من مارس مثل هذه الممارسات بنصوص منصوصة في قانون دولة . ولا اظن ان شخص مثل تبارك او ابوبكر

يقصد بذلك ان يشجع الناس على سب الدين والعقائد كدا سااااااااكت

فيما ينظر المتداخلين الاخرين للامر من زاوية أخلاقية وانه فعل يقدح في العقيدة وغير مقبول ويجب محاسبة فاعله وردعه بالقانون

أي نعم انه غير مقبول وكذلك سب أي شخص أي نوع من السباب غير مقبول فهل سيؤمن القانون مادة لكل سباب او شتيمة

علماً بان في منظور تبارك وابوبكر ان شتيمة الشخص لشخص اخر اقوى حجة في القانون من سب الدين

لذلك يجب ان يوضع الامر في اطار أخلاقي والمحاسبه فيه من خلال نظرة المجتمع للشخص الذي يسب عقائد الناس

ولا يجب ان يحاسب محاسبة قانونية مثله مثل القاتل او السارق

Post: #88
Title: Re: حوار سودانيزاولاين
Author: عليش الريدة
Date: 16-11-2015, 05:52 AM
Parent: #87

*غالبا الحوار بين الدين والعقل (بمعناه المباشر) يتجه لمصلحة الأخير..والسبب الأساسي في ذلك هو أن الدين أهم مرتكزاته غيبية (ليست تحت سطوة العقل)..والعقل يستنكف عادة من الاعتراف بكل شئ أعجز قدراته التأطيرية الذاتية.. وبالمقابل ، بالنسبة للمؤمن السوي فإن الإيمان بتلك الغيبيات هو مفتاح الجنة..
*قرأت لبعض الشيوخ القدامى في تفسيره ل (وأخر متشابهات)..أن الله جعل المتشابه فتنة وإحقاق للعذاب لمن في قلبه مرض..ما أدرجت هذه النقطة لإثبات شئ محدد، ولكن لبث إشارات عن كيف يمكن أن ينظر بعض رجال الدين للأمور..
*ملاحظتي الأساسية أن حرية التعبير وما يايليها من معاني (خاصة تمييع سطوة الدين) هي في ذهننا الظاهر والباطن ماركة ليست مسجلة بإسمنا ،على الأقل في التاريخ الحديث (عصر النهضة ومابعده)،و الدليل على ذلك أن الاستدلالات المرفقة في هذا البوست لتأييد تلك الوجهات من النظر،كلها غربية..
*أسئلتي هي : هل يريد دعاة ،دعونا نقول مصطلح (حرية التعبير) أن ينتجوا منتجا خاصا بهم يراعوا فيه الاختلافات الفطرية الطبيعية بين مجتمعهم و المجتمع الغربي، أم يريدون تثبيت المنتج الغربي بحذافيره؟
:هل في أذهان دعاة حرية التعبير،أي تصورات لمجابهة الآثار الجانبية التي قد تترتب على (لاأريد أن أقول حتما ستترتب) ممارسة تلك الحرية بحدودها العريضة والوهمية، وأعني تلك الآثار التي يعاني منها المجتمع الغربي الآن،وخاصة التفكك الأسري؟
:أليس الأنسب أن يوجه النقد على الطريقة التي نمارس بها الدين،بدلا عن نقد الدين نفسه؟
*لو كان الأمر بيدي لفرضت وحفزت توجها جديدا في الطريقة التي تُحدد بها نسب القبول لكلياتنا الجامعية،لجعلت أعلى النسب للكليات الدينية،ولوجهت نسبة من النوابغ وأصحاب العقول لدراسة الدين،بدلا عن التكديس في الهندسة والطب،وليس ذلك تحقيرا لدورهما،ولكن لفهمي أن الأذي ،كل الأذي يأتي من الفهم غير السليم للدين..وذلك لأنه ــــ شئنا أم أبينا ــــ لاشئ يلعب دورا في مجتمعنا أكبر من الدور الذي يؤديه الدين...ومن الاعتراف بهذه النقطة تحديدا أرى أن ينطلق دعاة حرية التعبير..
تحياتي

Post: #89
Title: Re: حوار سودانيزاولاين
Author: تبارك شيخ الدين جبريل
Date: 16-11-2015, 08:50 AM
Parent: #88

Quote: *أسئلتي هي : هل يريد دعاة ،دعونا نقول مصطلح (حرية التعبير) أن ينتجوا منتجا خاصا بهم يراعوا فيه الاختلافات الفطرية الطبيعية بين مجتمعهم و المجتمع الغربي، أم يريدون تثبيت المنتج الغربي بحذافيره؟

الاختلافات الفطرية والطبيعية بين مجتمعهم والمجتمع الغربي؟

يا اخواننا ممكن نكون موضوعيين ومنضبطين شوية ...

يعني مثلاً دايرين بتاعين أحياء وعلم نفس يورونا لو في اختلافات بين المجتمعات (غير الاختلافات الثقافية) ممكن يكون مردّها للطبيعة ... أو مولودة مع الإنسان في الفطرة ... يعني يكون في مجتمع بيراكم المعرفة بالفطرة (كالحبيان ثم المشي ثم الجري) ... ومجتمع اطفالو بيتولدو حافظين جدول 9 بالفطرة ... أو ظاهرة طبيعية زي بيض السالمون في الموية الحلوة ويكون اطفال مجتمع محدد بيتولدوا غيورين على دينهم وعوائلهم ... واولاد مجتمع تاني بيتولدوا - بالفطرة - قلبهم ميت وما عندهم نخوة ...

بالله يا اخواننا ... ما تسيؤوا استخدام حرية التعبير المتوفرة في المنبر دا ... عشان ما نعمل قانون يمنع مثل هذا الكلام لأنه لا يتماشى مع الذوق العام والأخلاق الحميدة ...

(غربي شنو يا عليش ... انت دايرنا نستورد من الصين حرية تعبير تتفركش في اسبوع؟)










... المهم ....

Post: #90
Title: Re: حوار سودانيزاولاين
Author: Hafiz Bashir
Date: 16-11-2015, 08:54 AM
Parent: #89



Quote: انت دايرنا نستورد من الصين حرية تعبير تتفركش في اسبوع؟)





Post: #91
Title: Re: حوار سودانيزاولاين
Author: طلحة عبدالله
Date: 16-11-2015, 08:55 AM
Parent: #89

Quote:
يعني لامن ندخل الفنون وحرية التعبير
تبارك عليك دينك قوم لف .

Post: #93
Title: Re: حوار سودانيزاولاين
Author: تبارك شيخ الدين جبريل
Date: 16-11-2015, 09:06 AM
Parent: #91

بعدين ملاحظة سغيرة لى اخونا عليش الريدة ...

الغيبيات عادة يستند عليها المتطرفين دينيًا لتغييب العقل واستنكار الحجة العقلية ...

بينما العقل مستخدم في دراسة الظواهر الغيبية بطرق علمية وموضوعية ومنطقية ...

يعني العقل يستوعب الغيبيات كمبحث للدراسة ... ولكن الغيبيات لا تستوعب العقل كسلطة منافسة على إرادة العاقل ...

يعني الواقع أن العقل يستوعب الغيبيات والغيبيات ترفض العقل ... وليس العكس كما تفضلت ...

يعني ما ممكن تقول لينا كلام غلط وتكون بانيهو على أساس غلط ... كدا بتكون ما أديتنا فرصة نعذرك بى سوء الفهم ...









... المهم ....

Post: #94
Title: Re: حوار سودانيزاولاين
Author: عليش الريدة
Date: 16-11-2015, 07:46 PM
Parent: #93

معليش ياتبارك على التأخير
دي مداخلتك الأولى
ـــــــــــــــــــــــــــــــــــــــــــــــــــــــــــــــــــــــــــــ
الاختلافات الفطرية والطبيعية بين مجتمعهم والمجتمع الغربي؟
يا اخواننا ممكن نكون موضوعيين ومنضبطين شوية ...
يعني مثلاً دايرين بتاعين أحياء وعلم نفس يورونا لو في اختلافات بين المجتمعات (غير الاختلافات الثقافية) ممكن يكون مردّها للطبيعة ... أو مولودة مع الإنسان في الفطرة ... يعني يكون في مجتمع بيراكم المعرفة بالفطرة (كالحبيان ثم المشي ثم الجري) ... ومجتمع اطفالو بيتولدو حافظين جدول 9 بالفطرة ... أو ظاهرة طبيعية زي بيض السالمون في الموية الحلوة ويكون اطفال مجتمع محدد بيتولدوا غيورين على دينهم وعوائلهم ... واولاد مجتمع تاني بيتولدوا - بالفطرة - قلبهم ميت وما عندهم نخوة ...

بالله يا اخواننا ... ما تسيؤوا استخدام حرية التعبير المتوفرة في المنبر دا ... عشان ما نعمل قانون يمنع مثل هذا الكلام لأنه لا يتماشى مع الذوق العام والأخلاق الحميدة ...
وختمتها بالدعابة دي
(غربي شنو يا عليش ... انت دايرنا نستورد من الصين حرية تعبير تتفركش في اسبوع؟)
ـــــــــــــــــــــــــــــــــــــــــــــــــــــــــــــــــــــ


الفطرة التي ذكرتها أنا، تعتمد على حديث شريف (كل ابن يولد على الفطرة....إلخ) المعني المقصود في كلامي من (هذه المفردة ) أن التنشئة قد تحل معها وتصبح فطرة بديلة، وأن المجتمع الغربي فطرنفسه منذ زمن على تقبل مثل دعوتك لحرية التعبير،خلاف مجتمعنا السوداني..
لكن طبعا استخدام مفردة ثقافة هو الأنسب والأصح..وطالما أنك استلهمت المعنى المراد من الكلام..فلماذا إذن استهلكت هذه الأسطر كلها لتفند الخطأ المتصور لك عن مفردة فطرة وتجاهلت الرد على أسئلتي..


ودي مداخلتك التانية
ـــــــــــــــــــــــــــــــــــــــــــــــ
بعدين ملاحظة سغيرة لى اخونا عليش الريدة ...

الغيبيات عادة يستند عليها المتطرفين دينيًا لتغييب العقل واستنكار الحجة العقلية ...

بينما العقل مستخدم في دراسة الظواهر الغيبية بطرق علمية وموضوعية ومنطقية ...

يعني العقل يستوعب الغيبيات كمبحث للدراسة ... ولكن الغيبيات لا تستوعب العقل كسلطة منافسة على إرادة العاقل ...

يعني الواقع أن العقل يستوعب الغيبيات والغيبيات ترفض العقل ... وليس العكس كما تفضلت ...

يعني ما ممكن تقول لينا كلام غلط وتكون بانيهو على أساس غلط ... كدا بتكون ما أديتنا فرصة نعذرك بى سوء الفهم ...
ــــــــــــــــــــــــــــــــــــــــــــــ


الغيبيات التي أعنيها هي الايمان بالله والملائكة والرسل واليوم الآخر والقضاء والقدر واليوم الآخر..
وأردت أن أشير بذلك إلى العقل الذي أسس الحضارة الغربية خاصة (بناء على فصل الدين عن الدولة)..لأبعد العقل الديني من المقارنة ..والاختلاف يبدو لي ظاهر بين الأثنين..

وكتبت أنت في مشاركة سابقة في نفس هذا البوست
ــــــــــــــــــــــــــــــــــــــــــــــــــــــــــــــــــــــــــــــــــــــ
ولكن هل سب الدين اعتداء عليك؟ إن كانت الإجابة بنعم ... فهذا زعمك وعليك إثبات صحته ...

هل سب الرسول اعتداء عليك؟ إن كانت الإجابة بنعم ... فهذا أيضًا زعمك وعليك إثبات صحته ...
ـــــــــــــــــــــــــــــــــــــــــــــــــــــــــــــــــــــــــــــــــــــ

وأنا لا أريد أن أدخل في جدال صحة دعواك أعلاه أو بطلانها، لكن مايهمني هو أنك تريد لهذه الدعوى أن تُطبق بواسطة المجتمع السوداني الحالي،واقتبست أنا هذا الفهم من مداخلتك هذه
ـــــــــــــــــــــــــــــــــــــــــــــــــــــــــــــــ
الحكومة عملت حوار في قاعة الصداقة ...

نحن نعمل حوار هنا ...

نفس الوطن ونفس القضايا الملحّة
ــــــــــــــــــــــــــــــــــــــــــــــــــــــــــــــــــــ


لذلك كان كل هدفي أن اوصل لك أن كلامك هذا لن يُقبل من المجتمع السوداني الحالي..ورأيي هذا ليس أيدلوجيا بقدر ماهو عملي وموضوعي، يعني بالضبط كدا زي تمشي السوق تلفحليك قميص مقاس 8 من أقرب محل ،وتجي تحاول تلبسو لولدك وإنت عارف إنو بلبس مقاس 14..
بعدين الملكة في الجدال ممكن تساعدك في شرح فكرة جيدة..وممكن تساعدك في التشويش على فكرة جيدة..لكن أبدا مابتساعدك في إنك تحيي فكرة ميتة..
فلو عندك مشهاد غير دا ياخوي سوو،و لو ماعندك اكسب زمنك..
الحضارة الغربية عظيمة ،مافي زول بقدر يقول كلام غير دا،لكن عندها ترسبات هم معترفين بيها وكايسين ليها مخرج ،نجي نحن نخم ساي كدا،لقدام البحلنا منو..بعدين ياخي ماخمينا كتير،مانحاول نعمل شيتنا برانا بعدا..
*عجبتني الدعابة الصينية..
تحياتي

Post: #92
Title: Re: حوار سودانيزاولاين
Author: MAHJOOP ALI
Date: 16-11-2015, 09:03 AM
Parent: #88

ياحبان
كلام طبارك والمستنير ماجديد
... ياهو كلام ابو العتاهية وابن المقفع وابن الراوندي وجابر بن حيان والرازي
خلونا من التاريخ ، امسكوا في الحقوق . هل تخضع الحقوق لدين سائد او مذهب طاغي
او طائفة متغلبة او قومية غالبة وآلية نص + 1 ، نحنا عايشين في الارض دي بصورة جماعية
وحاننصرف منها فرادي ، فالانصراف مسؤولية فردية ، فحدثونا عن سبل الحياة في الارض دون
اجحاف بحق كائن حي او مكون اجتماعي ، لانه لايوجد بشر يأمن علي مآلات الانصراف

Post: #95
Title: Re: حوار سودانيزاولاين
Author: جمال ود القوز
Date: 16-11-2015, 09:11 PM
Parent: #92

.
Quote: البهائية
النصيرية
الدروز
الشيعة
اليهود
النصارى
الهندوس
هل يا ود القوز ما تقول في السباب و الوصف بالكذب و الكفر و الماسونية و الضلال
الصادر في حق هذه الجماعات و غيرها من جهات رسمية و موجود في كتب منشورة
و موسوعات تدرس للطلاب في بعض الجامعات ؟
هل الكلام ضد هذه الجماعات يدخل في حرية التعبير ام هو سب لعقائد الآخرين و لا يجوز؟
ممكن ادلل على كلامي بروابط كثيرة و لكن مؤقتا انظر هنا:
http://www.saaid.net/feraq/mthahb/http://www.saaid.net/feraq/mthahb/http://www.saaid.net/feraq/mthahb/http://www.saaid.net/feraq/mthahb/







تقديري دكتور سيف ..

التكفير في حد ذاته أكبر فتنة وأعتبره من الامور التي فيها الكثير من التعدي ..
وقد يكون مرحلة من مراحل رد الفعل على إنتهاك الجانب الآخر ..
لمعتقدات الآخرين ومحاولة النيل منها وتبخيسها والاساءة اليها ..
حرية التعبير إن وصلت مرحلة التطرف والغلو فأكيد سيكون بها تجاوز وتعدي ..
وانتهاك لمعتقدات الآخرين .. حرية التعبير لابد لها من اطر تحكمها ..
حتى لايكون الباب مفتوح على مصراعيه حتى يصل الأمر لمرحلة الشطط والغلو ..
الموضوع جد شائكـ كما قال الأخوه ..
وقد يصعب الوصول الى نقاط تلاقي فيه ..
لكن الفيصل هو أن يتم سن القوانين الرادعة للجم النزعات العدائية في المجتمعات ..
وايقاف التعدي على معتقدات الآخرين ..

تقديري .....


Post: #96
Title: Re: حوار سودانيزاولاين
Author: تبارك شيخ الدين جبريل
Date: 16-11-2015, 10:29 PM
Parent: #95

Quote: .وطالما أنك استلهمت المعنى المراد من الكلام..فلماذا إذن استهلكت هذه الأسطر كلها لتفند الخطأ المتصور لك عن مفردة فطرة وتجاهلت الرد على أسئلتي..

باختصار يا عليش الريدة ... حرية التعبير واحدة من الأدوات الديموقراطية المستخدمة (في الغرب والشرق والشمال والجنوب) لاستيعاب التعدد الثقافي في الدولة الواحدة ... واختلاف الثقافات لا يقف عائق في سبيل تحقيق حرية التعبير ... لا بين الأفراد في المجتمع الواحد ... ولا في الدولة الواحدة التي تحوي ثقافات عدة مجتمعات كالسودان ... ولا بين الدول المختلفة غربية أو شرقية أو شمالية أو جنوبية (إن كنت تفضّل تقسيم العالم بالإتجاهات، فحرية التعبير موفورة وناجحة في القِبَل الأربعة) ...

فلا يصح اقتراحك بتحديد حرية التعبير في حدود معاييرك وأفكارك في ثقافة المجتمع الذي أتيت منه .... وأنا الآتي من نفس ثقافة هذا المجتمع أختلف معك في هذه الأفكار والمعايير ... ناهيك عن الآتين من مجتمعات وثقافات سودانية تختلف عن مجتمعك وثقافتك ...تعبيرك عن الفطرة وإسنادك لها لرسول الله نختلف معاك فيهو ... بل عندما علقنا على تعبيرك أعدت صياغتو ... هل يصير مفهومك لرسول الله هو معيار حرية التعبير؟

في حرية التعبير ... ما يقوله رسول الله قابل لكل الآراء ... بما فيها الإستنكار والإستحقار ... ففي نهاية المطاف كل إنسان يعبّر عن مفهومه ... ولا يجوز تأطير مفاهيم الناس بإطار قانوني أو ديني يعتدي على حريتهم ...

وجرائم التخريب الغوغائية التي ترتكب كرد فعل لحرية التعبير ... تظل جرائم لا يبرئها القانون ولا تبررها "العاطفة الدينية" ...
________________

جمال القوز ...

Quote: وقد يكون مرحلة من مراحل رد الفعل على إنتهاك الجانب الآخر ..
لمعتقدات الآخرين ومحاولة النيل منها وتبخيسها والاساءة اليها ..

افرز ...

محاولة النيل والتبخيس والإساءة ... راي ... والعوج راي والعديل راي ....

لاكين حرق السلفيين لغطاء ضريح الشيح حسن ود حسونة انتهاك ...

لو السلفيين مشوا طبعوا أكبر صورة للشيخ حسن ودحسونة على نفقتهم الخاصة ... وحرقوها في الساحة الخضراء ... زول بيسألهم مافي ...

لاكين الإعتداء على ممتلكات الغير جريمة ...

ما تزلق ليك كلمة زي "انتهاك" دي في نص حوار عن حرية الراي ... مافي راي ديني بينتهك أي حاجة ...

(اللهم إلا يكون زي رايك دا ... بينتهك حرية التعبير الضحى الاعلم)






... ويستمر الحوار ...

Post: #97
Title: Re: حوار سودانيزاولاين
Author: Hafiz Bashir
Date: 16-11-2015, 11:36 PM
Parent: #96



Quote: أعتذر للسيد عمر بن هشام لوصفي إياه بالجهل



دي لفتة بارعة منك يا مستنير في رد الإعتبار لأبي الحكم عمرو بن هشام الخزومي و الذي تتم الإساءة إليه بشكل متكرر من قِبل المسلمين على مدي ثلاثة عشر قرن من الزمان



Post: #98
Title: Re: حوار سودانيزاولاين
Author: عليش الريدة
Date: 17-11-2015, 05:22 AM
Parent: #97

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
باختصار يا عليش الريدة ... حرية التعبير واحدة من الأدوات الديموقراطية المستخدمة (في الغرب والشرق والشمال والجنوب) لاستيعاب التعدد الثقافي في الدولة الواحدة ... واختلاف الثقافات لا يقف عائق في سبيل تحقيق حرية التعبير ... لا بين الأفراد في المجتمع الواحد ... ولا في الدولة الواحدة التي تحوي ثقافات عدة مجتمعات كالسودان ... ولا بين الدول المختلفة غربية أو شرقية أو شمالية أو جنوبية (إن كنت تفضّل تقسيم العالم بالإتجاهات، فحرية التعبير موفورة وناجحة في القِبَل الأربعة) ...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*الكلام الفوق دا أنا ماعندي فيهو مشكلة،وكمان مطلوب لدي وأساسي لسلامة المجتمه السوداني..



*والتحت د انا ماقلتو ولو إنت فهمتو من كلامي دي مشكلتك براك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فلا يصح اقتراحك بتحديد حرية التعبير في حدود معاييرك وأفكارك في ثقافة المجتمع الذي أتيت منه .... وأنا الآتي من نفس ثقافة هذا المجتمع أختلف معك في هذه الأفكار والمعايير ... ناهيك عن الآتين من مجتمعات وثقافات سودانية تختلف عن مجتمعك وثقافتك ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



*نجي لي دا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعبيرك عن الفطرة وإسنادك لها لرسول الله نختلف معاك فيهو ... بل عندما علقنا على تعبيرك أعدت صياغتو ... هل يصير مفهومك لرسول الله هو معيار حرية التعبير؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*اختلافك حق مكفول ليك،أنا عترف بيهو شئت أم أبيت..يبقي إنك تعترف لي بحقي في الاختلاف عنك،وفي إنو مفهومي لرسول الله صلى الله عليه وسلم هو معياري في حرية التعبير،وتبقي المسألة بيناتنا برضو في إني ماأعتدي على حقوقك بفهمي دا...عشان كدا أنا قبيل قلت داير النوابغ يقروا الدين،ومايتكدسوا في الهندسة والطب..


*والجاي دا مربط الفرس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في حرية التعبير ... ما يقوله رسول الله قابل لكل الآراء ... بما فيها الإستنكار والإستحقار ... ففي نهاية المطاف كل إنسان يعبّر عن مفهومه ... ولا يجوز تأطير مفاهيم الناس بإطار قانوني أو ديني يعتدي على حريتهم ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*كلمة (الاستحقار) دي لب موضوعي معاك،وهي محشورة هنا حشر،وبتتعارض مع كلامك في هذه المداخلة وفي كل البوست(نصا وجوهرا)..وببساطة ياتبارك:كيف تصورك لمجتمع متعدد الثقافات أن يعيش في سلام وكل مجموعة ممكن تستحقر معتقدات المجموعات التانية وتعبر علني عن ذلك الاستحقار؟


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وجرائم التخريب الغوغائية التي ترتكب كرد فعل لحرية التعبير ... تظل جرائم لا يبرئها القانون ولا تبررها "العاطفة الدينية" ...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

*قال الإمام الشعبي:نعم الشئ الغوغاء،يطفئون الحريق،ويسدون السيل،ويشغبون على ولاة السوء..
فنرجو من الأخ تبارك احترام هذه الفئة وعدم إقحامهم في جرائم التخريب ضد حرية التعبير..

*قبل أن أبارح أود الإشادة بالإسلوب الاستثنائي في جدية الطرح وعدم محاولة الاستهزاء في هذه المداخلة..وطبعا ممكن نكون متفقين في إنو احترام المحاور مهما كانت ضحالة مستواه العقلي والمعرفي،دا شئ من آداب الحوار...وللا مامتفق معاي؟



ــــــــــــــــــــــــــــــ
*سلام أخي أبا رونق
الأيام دي أنا قاعد في حتة خلوية والشبكة ضعيفة..
لذلك محرومين نحن من عالمكم التحتاني..
فدحين شوفولكم صرفة مع بكري،خلوهو يرفع مداخلاتكم فوق..
*شايف نبيل ماشي كويس مع د.سيف..




Post: #99
Title: Re: حوار سودانيزاولاين
Author: تبارك شيخ الدين جبريل
Date: 17-11-2015, 10:33 AM
Parent: #98

Quote: *كلمة (الاستحقار) دي لب موضوعي معاك،وهي محشورة هنا حشر،وبتتعارض مع كلامك في هذه المداخلة وفي كل البوست(نصا وجوهرا)..وببساطة ياتبارك:كيف تصورك لمجتمع متعدد الثقافات أن يعيش في سلام وكل مجموعة ممكن تستحقر معتقدات المجموعات التانية وتعبر علني عن ذلك الاستحقار؟

دا فعلاً لب الموضوع يا عليش الريدة ... لاكين انا ما حشرتها حشر كما تقول ...

فالإستحقار رأي ... ينشأ رأي ويظل رأي ... وتنتهي مآلاته باعتباره رأي ...

مثلاً الرقص ... في الرأي المؤيد يعتبر الرقص ضرورة نفسية للعملية الجنسية التي حفظت نوع الإنسان من الإنقراض ... ويعتبر الرقص من أهم معايير اختيار شريك التزاوج والولادة ... وكضرب من الفنون للرقص قيمة جمالية مرتبطة بقيمته النفسية والجنسية ... هذه القيمة الجمالية ترتقي بالروح مراقي أحوال الذائبين في القدسية ...

في الرأي المناوئ ... الرقص تلوّي غير لائق ... واختلاط ... وفساد اخلاق ... وتسليع جسد ... وسفاهة ...

يعني الرأي المناوئ يمكن أن يصل حد الإستحقار عادي ... ويتأسس الرأي عادةً إما على معايير موضوعية تخضع للمنطق واختبار حيثيات موضوع الرأي ... أو يتأسس على معايير ذاتية تخضع للأمزجة النفسية والمعايير الأخلاقية والأهواء العقائدية والثقافية (أو ما تسميه أنت "فطرة") التي تنظر لموضوع الرأي من وجهة نظر محدودة ... قاصرة معرفيًا ... وغير منصفة ...

ويمكن أن يكون الرأي الذاتي هو الرأي المؤيّد ... والرأي الموضوعي هو الرأي المناوئ ... أو العكس ... أو أن يصطدم رأيان موضوعيان أو ذاتيان ...

في نهاية المطاف ... يمكن أن يصل الرأي (بمعايير موضوعية أو ذاتية) لدرجة الإستحقار ... وليس في ذلك شيء ... فالناس بطبيعة طرق تفكيرهم يحتقرون أشياء يحترمها غيرهم ... لذلك يجب أن يكون هنالك معايير لحرية الرأي ... تضمن عدم تجريم الرأي الذي لا يعندي على الآخر ولا يوقع به الضرر ... وفي نفس الوقت لا يقوم بتكميم الأفواه وقمع الرأي الآخر ...

طالما أنك لا تتضرر ... لا تقمع ...

وإذا زعمت أنك تضررت ... فيقع على عاتقك مسؤولية إثبات الضرر الواقع عليك ... ولا تكفي الشكوى والجئير ...

نجي لى توضيح بسيط آخر ... أنت تقول:

Quote: *والتحت د انا ماقلتو ولو إنت فهمتو من كلامي دي مشكلتك براك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فلا يصح اقتراحك بتحديد حرية التعبير في حدود معاييرك وأفكارك في ثقافة المجتمع الذي أتيت منه .... وأنا الآتي من نفس ثقافة هذا المجتمع أختلف معك في هذه الأفكار والمعايير ... ناهيك عن الآتين من مجتمعات وثقافات سودانية تختلف عن مجتمعك وثقافتك ...

أنا ما بهتتك ... فأنت قد قلت في مطلع مشاركاتك:

Quote: *غالبا الحوار بين الدين والعقل (بمعناه المباشر) يتجه لمصلحة الأخير..والسبب الأساسي في ذلك هو أن الدين أهم مرتكزاته غيبية (ليست تحت سطوة العقل)..والعقل يستنكف عادة من الاعتراف بكل شئ أعجز قدراته التأطيرية الذاتية.. وبالمقابل ، بالنسبة للمؤمن السوي فإن الإيمان بتلك الغيبيات هو مفتاح الجنة..
*قرأت لبعض الشيوخ القدامى في تفسيره ل (وأخر متشابهات)..أن الله جعل المتشابه فتنة وإحقاق للعذاب لمن في قلبه مرض..ما أدرجت هذه النقطة لإثبات شئ محدد، ولكن لبث إشارات عن كيف يمكن أن ينظر بعض رجال الدين للأمور..
*ملاحظتي الأساسية أن حرية التعبير وما يايليها من معاني (خاصة تمييع سطوة الدين) هي في ذهننا الظاهر والباطن ماركة ليست مسجلة بإسمنا ،على الأقل في التاريخ الحديث (عصر النهضة ومابعده)،و الدليل على ذلك أن الاستدلالات المرفقة في هذا البوست لتأييد تلك الوجهات من النظر،كلها غربية..
*أسئلتي هي : هل يريد دعاة ،دعونا نقول مصطلح (حرية التعبير) أن ينتجوا منتجا خاصا بهم يراعوا فيه الاختلافات الفطرية الطبيعية بين مجتمعهم و المجتمع الغربي، أم يريدون تثبيت المنتج الغربي بحذافيره؟
:هل في أذهان دعاة حرية التعبير،أي تصورات لمجابهة الآثار الجانبية التي قد تترتب على (لاأريد أن أقول حتما ستترتب) ممارسة تلك الحرية بحدودها العريضة والوهمية، وأعني تلك الآثار التي يعاني منها المجتمع الغربي الآن،وخاصة التفكك الأسري؟
:أليس الأنسب أن يوجه النقد على الطريقة التي نمارس بها الدين،بدلا عن نقد الدين نفسه؟


يعني حددت إنو معايير حرية التعبير التي نتبناها وتسمح بسب العقائد "غربية" ... وأن المعايير يجب أن لا تتجاوز نقد الدين من باب "الأنسب" ... وأن المجتمعات "الغربية" غير مؤهلة لإنتاج معايير لحرية التعبير لأنها - حسب زعمك - "مفككة" (وما أدراك ما "مفككة" )

قلنا ليك: فلا يصح اقتراحك بتحديد حرية التعبير في حدود معاييرك وأفكارك في ثقافة المجتمع الذي أتيت منه ..

اتلومنا معاك؟







... ويستمر الحوار ...

Post: #100
Title: Re: حوار سودانيزاولاين
Author: عليش الريدة
Date: 17-11-2015, 10:43 AM
Parent: #99

ــــــــــــــــــــــــــ
اتلومنا معاك؟
ــــــــــــــــــــــ

*أبدا..











..المهاتما... (دي المهم حقتي)

Post: #101
Title: Re: حوار سودانيزاولاين
Author: Abuelgasim Mohamed
Date: 17-11-2015, 08:35 PM
Parent: #100

Quote: Hafiz Elemam Mohieldin · كالغاري
سأل الأخ تبارك أخونا طلحه :ولكن هل سب الدين اعتداء عليك؟ إن كانت الإجابة بنعم ... فهذا زعمك وعليك إثبات صحته .......... إنتهى
أنا عايز أسألك يا تبارك، إذا وصفك شخص بأنك كافر، هل تعتبر ده إعتداء عليك؟ هل الكلمه دي تصف ما تعتقده أم تصف شخصك؟
أعجبني · رد · 15 نوفمبر، 2015 04:48 مساءً


كدي يا تبارك جاوب سؤال احونا حافظ ده

Post: #102
Title: Re: حوار سودانيزاولاين
Author: تبارك شيخ الدين جبريل
Date: 17-11-2015, 09:14 PM
Parent: #101

Quote: إذا وصفك شخص بأنك كافر، هل تعتبر ده إعتداء عليك؟ هل الكلمه دي تصف ما تعتقده أم تصف شخصك؟

هو قال كافر انا ولّ زول تاني؟

دا سؤال في غاية السذاجة ... لأنو لو افترضنا انو انا مجوسي ... وغير كافر بالمجوسية ... يعني انت وصاحبك دايرين تدافعوا عن المجوسية من سبّ المعتقدات؟

ياخي الشاعر ودالرضي قال:

طاف خيالك والليل كافر ... شفت بدرو المتجلي سافر ...

يعني على كدا ... الليل يمشي يفتح بلاغ اساءة شخصية في ودالرضي؟

(الإجابة بالنسبة لي بتعتمد على السياق الإتوصفت فيهو بالكفر ... لاكين فرز الشخصي من العام ما داير ليهو درس عصر)






... يا اخواننا ارتقوا بمستوى الحوار شوية ...

Post: #103
Title: Re: حوار سودانيزاولاين
Author: Abuelgasim Mohamed
Date: 17-11-2015, 09:41 PM
Parent: #102

يازول مجوسيه مين ورضي شنو وليل شنو السؤال واضح وبسيط
لكن انت لازم تعمل فيها الحسين الحسن
كافر بي مجوسيه بي يهوديه بي الشئ البريحك هل الكلمه دي تمسك انت
في شخصك ولا تمس اعتقادك ..

Post: #104
Title: Re: حوار سودانيزاولاين
Author: Abuelgasim Mohamed
Date: 17-11-2015, 09:54 PM
Parent: #103

بعدين يا سيد ماتتحسس شديد كده.. فانا لا اري اي وصف سالب اوشتيمه
فيمن يوصف بانه كافر ..ماهو الا تصنيف غير مُخل بواقع الحال ..
والرجل ضرب ليك مثال وسألك من خلالو فجاوب بوضوح ومن غير
فلسفه فطيره..

Post: #105
Title: Re: حوار سودانيزاولاين
Author: تبارك شيخ الدين جبريل
Date: 17-11-2015, 10:27 PM
Parent: #104

Quote: هل الكلمه دي تمسك انت في شخصك ولا تمس اعتقادك ..

هل الوصف موجه لي في شخصي أم موجّه لاعتقادي ...

أنا جاوبت بأن المسألة عندي تعتمد على السياق ...

يعني مثلاً ... لو مسيحي قال لي: أنا اصفك بأنك كافر لأنك تؤمن بالمجوسية أنا اعتبرها عقيدة كفّار ...

ففي هذه الحالة ... واضح أن الوصف مقصود به المعتقد وليس شخصي ...

لاكين مجوسي يجي يقول لي: أنت كافر بالمجوسية لأنك تزعم أنك مجوسي وتسيء لآهورا مزدا لأنك تعيش مع المسيحيين ومتأثر بكفرهم بأهورا مزدا ...

فهذا قطعًا يصفني بالكفر شخصيًا ...

عمومًا ... لو وصف "كافر" لا يترتب عليه ذبح أو صلب أو حكم إعدام تحت المادة 126 جنائي 1991 ... فليس هنالك إشكل من الوصف سواء كان لشخصي أو لمعتقدي ... أمّا إذا كان الوصف يترتب عليه وقوع الضرر على شخصي اللئيم ... فااااا شنو ... البيعمل كدا ياكل نارو ...






... الحوار ما فيهو تحسس ...

Post: #106
Title: Re: حوار سودانيزاولاين
Author: تبارك شيخ الدين جبريل
Date: 17-11-2015, 10:32 PM
Parent: #105

في هذا الحوار ... نحاول الإتفاق على معايير ... تضمن حرية التعبير لجميع الأفراد بمختلف آراءهم ... وتضمن سلامة الجميع ...

حتى لا يضار أحد برأيه ... ولا يضر الآخرين به ...











... ويستمر الحوار ...

Post: #107
Title: Re: حوار سودانيزاولاين
Author: Kabar
Date: 18-11-2015, 03:43 AM
Parent: #106

ول ابا تبارك..حبابك يا صديقي

وحباب ضيوفك هنا..

المواد التي اضافها اخونا ياسر الشريف تتعلق بحرية الإعتقاد ، خصوصا المادة 126

المادة 125 فيها نقة كتيرة للغاية ، لأنها غير واضحة تماما..وبالتالي لا تصلح للمعايرة أو المقايسة..ليه؟..

زمان القانون ، أي قانون كان ، بتكون معاهو حاجة اسمها مذكرة تفسيرية..وبتجيب امثلة مشابهة للفعل الذي يشكل جريمة حال وقوعه..الحكاية دي في القانون السوداني الحالي غير موجودة..و بالتالي الموضوع اصبح جاغت ساكت..لأن القانون عندو معيارين..واحد ذاتي..والتاني موضوعي ، واغلب القوانين بتشتغل بالمعيار الموضوعي عشان تضبط فوضى التفسير..اما المعيار الذاتي فهو جوطة شديد..يعني في حكاية السب دي..لو أي زول من أي حتة ، من أي خلفية كانت..وتظلم فالقانون احتمال يشتغل برأيه.. اما ان كان المعيار موضوعي فهنا بتكون معيار الرجل الموضوعي..
Reasonable man
وفي الحتة دي بتدخل اعتبارات كتيرة ناس القانون بياخدوها في الإعتبار قبال ما يدينو ليهم فرد بانو اجرم ام لأ..

بالنسبة لحرية التعبير..في حتة صغيرة فايتة على الناس.. فالفكرة اساسا تم التنظير ليها واضافتها لثقافة حقوق الإنسان والدساتير والقانون لحكمة تشريعية..و الحكمة دي ما بتخط فرد قصاد فرد وانما دولة قصاد فرد..كيف؟..
يعني الفكرة أن الفرد عندو الحق في حرية التعبير دون الخوف من جبروت الدولة التي يمكن ان تشرع قوانين وتحاسبه لأنه عبر عن رأيه..!

يعني مثلا..ناخد نموذج اخونا ياسر الشريف..فهو فرد..وعندو التزام جمهوري..غض النظر عن هوية الإلتزام ده شنو (ديني ، ثقافي ، فكري ، سياسي..الخ)..فمن حقه التعبير عن الفكرة الجمهورية دون الخوف من الدولة باعتبارها جبروت ح يجي يقول ليهو لأ..ده غير مسموح بيهو لأنك مرتد..!
اما الأفراد.. في مواجهة الأفراد فهذا بيكون ضحد الحجة بالحجة..يعني واحد يجي يقول لأخونا ياسر انا شايف فكرتك غير سليمة لكيت وكيت..وياسر يرد ويقول انا شايف الفكرة سليمة لكيت وكيت..وهكذا ..يعني نقاش..تثاقف..

يبقى المحك في اعتقادي: هل الناس دي هنا كلها على استعداد للتكتل باعتبار ان المعركة هي معركة افراد ضد دولة؟..بمعنى ادق هل الناس عندها استعداد تعمل حملة حقوقية وتقول للدولة دايرين حق في حرية تعبير أم لأ؟..
مع ملاحظة ان اي حملة لتثبيت الحق في حرية التعبير فهي تهم أي فرد..فمثلما اريد أن اعبر عن رأي بحرية ..او افصح عن افكاري بحرية..فاطالب بنفس الحق لغيري..ولمن الناس كلها تعي النقطة دي ..ممكن بعد داك تتفق مبدئيا على وجود الحرية وبالتالي تطالب الدولة بتوفير وحماية الحق في حرية التعبير..لأ، الناس شايفة..انو انا من حقي امارس حقي في التعبير وعلان لأ..فهنا بيكون خلل اخلاقي ووجودي كبير للغاية..!

انا منتظر باقي الأجندة..لأنو في حاجات كتيرة محتاجة الناس تتكلم فيها..الحريات العامة كتيرة..الحقوق كتيرة..التعليم ، الصحة ، تكوين الأحزاب..الهوية ، العلاقة بين الحكومة المركزية وحكومات الولايات ، العلاقة بين الولايات والمحليات..واهم من ديل كلهن حكاية الحرب ..الناس رايها شنو فيها؟..تقيف؟ ام تستمر (لأنو في ناس بتفتكر في سبيل اسقاط النظام أي حاجة جايزة ومشروعة )..!

المهم على قولك..
كبر

Post: #108
Title: Re: حوار سودانيزاولاين
Author: عليش الريدة
Date: 18-11-2015, 05:03 AM
Parent: #107

سلام يانبيل..
*السطر الذي ذكرته،هو سطر مكرر(ورد في مداخلة من قبل وليس جديد) وأعاده تبارك هنا لنفي تهمة أنه قد بهتني..لذلك استشهادك به لايصلح في هذا السياق،لكني معك في أن تبارك يميل للتنظير في ذاته بغض النظر عن مدى حوجة المجتمع الآنية وقابليته لهذا التنظير..
* أهمني من البوست شئ واحد فقط ،وهو أن أثبت أن المجتمع السوداني (لاعتبارات مفهومة) لاتنفع معه النسخة الغربية من مصطلح (حرية التعبير)..ورغم أن تبارك حام حول الحمى لكن لم يثبت صراحة أنه يتبنى تلك النسخة..
*الشئ الذي جعلني أقفل الحوار معه في هذه الجزئية(وقد أعود إذا تقدم الحوارفي أوجه أخرى ) هو هذا الجزء من مداخلته الأخيرة معي
(... لذلك يجب أن يكون هنالك معايير لحرية الرأي ... تضمن عدم تجريم الرأي الذي لا يعندي على الآخر ولا يوقع به الضرر ... وفي نفس الوقت لا يقوم بتكميم الأفواه وقمع الرأي الآخر ...

طالما أنك لا تتضرر ... لا تقمع ...

وإذا زعمت أنك تضررت ... فيقع على عاتقك مسؤولية إثبات الضرر الواقع عليك ... ولا تكفي الشكوى والجئير (...

فمن يضع تلك المعايير يانبيل؟
المجتمع السوداني طبعا..
لذلك عندما قال اتلومنا معاك؟
قلت أبدا..
تحياتي

Post: #109
Title: Re: حوار سودانيزاولاين
Author: احمد الشيخ
Date: 18-11-2015, 06:40 AM
Parent: #108

يعني حوار سودانيز اون لاين طلع متخصص فقط في سب الدين؟
بعد تنتهو من الحتة دي بالله اتحاوروا لينا في ما يهم المواطن السوداني من آليات حكم ومحاسبة وتنمية

Post: #110
Title: Re: حوار سودانيزاولاين
Author: معاوية المدير
Date: 18-11-2015, 07:01 AM
Parent: #108

Quote:
انا منتظر باقي الأجندة..لأنو في حاجات كتيرة محتاجة الناس تتكلم فيها.


كبر يا صاحب،
مرحب برجوعك .
البوست كان ممكن يكون ذو قيمة عالية لو سار بالحوار للإتجاه المعاكس للحوار الدائر
في السودان وتناول حوار السودان بالنقد والتحليل، مع محاولة تصور وضع مستقبلي للبلد .

الشئ المهم الذي اظهره هذا البوست هو انه في ظل ايّ مجتمع وفي إطار ايّ حكم وفي مضمون
ايّ فكر يجب ان تكون حرية العقيدة مكفولة، ومُصانة في نفس الوقت، وإذا تُركت العقيدة دون
صيانة وحفظ سيؤدي ذلك لإفراز جماعات متطرفة تدافع عن عقيدتها بصورة إرهابية . ترك
العقيدة من غير صيانة بنص قانوني ادى إلي أعمال عنف كثيرة في زماننا هذا كلنا نشهد عليها ...

Post: #111
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 09:24 AM
Parent: #110

Quote: يبقى المحك في اعتقادي: هل الناس دي هنا كلها على استعداد للتكتل باعتبار ان المعركة هي معركة افراد ضد دولة؟..بمعنى ادق هل الناس عندها استعداد تعمل حملة حقوقية وتقول للدولة دايرين حق في حرية تعبير أم لأ؟..

لأجل هذا وغيره فتحنا هذا الحوار الأهالي ...

ولكن الدبّابين الأسفيريين أبوا إلاّ أن يوصلونا للميل اربعين ... صونًا للعقيدة ... وجهادًا في سبيل الله ...

(يا ود المدير شوف ليك ورشة "صيانة" في اتبرا وريحنا)









... ويستمر الحوار ...

Post: #112
Title: Re: حوار سودانيزاولاين
Author: طلحة عبدالله
Date: 18-11-2015, 10:02 AM
Parent: #111

يا تبارك اتا لغاية هسع ما جاوبت أي سؤال ؟
كما لم تبدأ أي حوار ..
وين الحوار هنا ؟؟

Post: #113
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 10:57 AM
Parent: #112

Quote: يا تبارك اتا لغاية هسع ما جاوبت أي سؤال ؟
كما لم تبدأ أي حوار ..
وين الحوار هنا ؟؟

أعلم أن الدبّابين الأسفيريين ضد الحوار مبدءًا ومنتهى ... ولكن ليس لهذه الدرجة من الغباء وعدم التمييز بين الحوار والطرح السياسي ..

ليس لدينا طرح سياسي تستهدفه هنا يا سعادة المجاهد طلحة ...

نحن هنا في حوار يهدف لصناعة طرح سياسي ...

أرمي بياضك ... أو نقّطنا بى سكاتك ...








... ويستمر الحوار ....

Post: #114
Title: Re: حوار سودانيزاولاين
Author: طلحة عبدالله
Date: 18-11-2015, 11:01 AM
Parent: #113

دباب* شنو يا تبارك
عليك دينك أنسانا من (المراوغات المنحرفة ) دي وجاوب على
سؤال واحد بس.. أو أبدأ حوار جاد إن كنت تأنس في نفسك (ملكك ) الحوار ..

............
لولا ود الباوقة ومنو ومنو لكانت الدبابية تهمة لا أنكرها وشرف لا أدعيه ..

Post: #115
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 11:04 AM
Parent: #114

سأل سؤالك يا طلحة ... النشوف آخرتها ..

Post: #116
Title: Re: حوار سودانيزاولاين
Author: طلحة عبدالله
Date: 18-11-2015, 11:06 AM
Parent: #115

هل أنت كافر ؟؟

Post: #117
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 11:10 AM
Parent: #116

الشباب المشاركين في الحوار ...

عندنا سؤال مطروح من الدبّاب طلحة ... نحيله للحوار الجاد:

Quote: هل أنت كافر ؟؟


من يأنس في نفسه (ملكه) الإجابة ... فليتفضل ...

ونشكر المجاهد طلحة على المشاركة المفيدة ...








... ويستمر الحوار ...

Post: #118
Title: Re: حوار سودانيزاولاين
Author: طلحة عبدالله
Date: 18-11-2015, 11:15 AM
Parent: #117

Quote: الدبّاب طلحة ...
ليي كدا القسوة دي
شفتا أتا بتعاملني بى قسوة كيف يا تبارك ؟

Post: #119
Title: Re: حوار سودانيزاولاين
Author: قسم الفضيل مضوي محمد
Date: 18-11-2015, 11:36 AM
Parent: #118

حوارك دا لو ما طلعنا منو الا باكتشاف خليتي البورد النائمتين (ود المدير وطلحة) ...


لأدى غرضه ...

Post: #120
Title: Re: حوار سودانيزاولاين
Author: طلحة عبدالله
Date: 18-11-2015, 11:43 AM
Parent: #119

Quote: خليتي البورد
تقصد دبابتي البورد
عموما أنا براءة والله .. لكن ود المدير ما بعرفو
لكن لو بدفعوا لي ويخلوني أعرض وأتصور مع سيدي الرئيس ما عندي مانع ..
الدنيا مصالح يا حبيب .

Post: #121
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 12:02 PM
Parent: #120

يا طلحة انت وكتين ما جادي ... الحوار دا حارقك في شنو؟

ومصر تمرر أجندة الكيزان بإغلاق كل منافذ الحوار إلا منفذهم ليه؟

ياخي لو ما قادر على الحوار ... امرق يمرق فيك شنو اقول ليك؟









... لكي يستمر الحوار ...

Post: #122
Title: Re: حوار سودانيزاولاين
Author: طلحة عبدالله
Date: 18-11-2015, 12:08 PM
Parent: #121

علي الطلاق جادي يا تبارك .. لكن هو وينو الحوار اسى ..؟
يا زول قول بسم الله ..

Post: #123
Title: Re: حوار سودانيزاولاين
Author: طلحة عبدالله
Date: 18-11-2015, 12:10 PM
Parent: #122

وبعدين الكيزان أنا مالي ومالم عشان امرر ليهم حاجاتم القلتها دي ؟؟؟
مستفيد منهم شنو ؟؟

Post: #124
Title: Re: حوار سودانيزاولاين
Author: طلحة عبدالله
Date: 18-11-2015, 12:13 PM
Parent: #123

يا تبارك أنا اختلافي معاك في حاجة واحدة بس
قول لي سب الدين ما حرية تعبير وما كويس
وتاني اعمل أي حاجة ستجدني ان شاء الله من المافيشين في البوست دا..

Post: #125
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 12:37 PM
Parent: #124

Quote: قول لي سب الدين ما حرية تعبير وما كويس

اكضّب يعني؟

انت قول لي سب الدين حرية تعبير ... أو اثبت العكس ...

الحرية أصل ... والموانع هي الطارئة ..

يعني الأصل في التعبير عن سب الدين الحرية ... ما لم يكون هنالك مانع في التعبير عن سب الدين ...

قول لينا أيه المانع ... لو انت فعلاً جادي في الحوار ...

يعني سبب وجود سب الدين ضمن حرية التعبير ... عدم وجود موانع ... مش عيون سب الدين الكحيلة ... أو زواج سري بين الإلحاد وحرية التعبير ... فما تلف وتدوّر وتجي تسألني عن عقيدتي ... وانت عارف انو الإجابة لا تقع في دائرة اختصاصاتك وغير مطروحة للحوار في أي مكان ...

المطروح في الحوار ... هل عواطف الناس الدينية تحد من حرية التعبير بشكل قانوني نافذ؟

أم أن ردود الأفعال العاطفية لحرية التعبير تعتبر خرق للقانون يجب تجريمه؟

لأنو نحن بنتحاور عن قضايا الدولة والحريات فتحنا الكلام دا ... لو عندك مانع انو سب الدين ما يكون حرية تعبير ...

قول لينا المانع شنو؟






... ويستمر الغلات ...

Post: #126
Title: Re: حوار سودانيزاولاين
Author: Hafiz Bashir
Date: 18-11-2015, 02:15 PM
Parent: #125



يا تبارك

حوارك دا كلو إنحبس في سب الدين.. و سب الدين دا مسألة تجريمو من عدمو حاجة ينظمها القانون الجتائي

فخلي الحوار يكون عن المبدأ بتاع كفالة حرية التعبير لجميع المواطنين و ضمان مساواة جميع المواطنين في حق التعبير عن الفكر و المعتقدات

فيما يتعلق بسب الدين البنعرفو الواحد دا أنا ما شايف إنو حرية تعبير و شايف فيهو تعدي على الغير و لكن لا أرى أن فيه أي مكون يستوجب الحق العام و شايف إنو سب الدين دا إساءة شخصية موجهة للفرد محل السب..

يعني يا تبارك إنت ما بحق ليك تسب لي الدين و لو حصل و عملتها (و إنت ما مضمون) بتكون تعديت على أنا و بس يعني طلحة مثلاً ما بيكون في أي تعدي واقع عليهو و ما من حقو في الحالة دي يدخل بيناتنا مالم سبك للدين دا يكون جزء من فعل بسبب ضرر بطريق آخر لطلحة (إزعاج مثلاً)




Post: #127
Title: Re: حوار سودانيزاولاين
Author: أبوبكر عباس
Date: 18-11-2015, 02:21 PM
Parent: #126

يا حافظ، نحن لا نقصد سب الدين بتاع العن دينك بتاع المهاترات داك
نقصد سب الدين بوعي بمعنى الإنتقاص و السخرية منو

Post: #129
Title: Re: حوار سودانيزاولاين
Author: محمد على طه الملك
Date: 18-11-2015, 03:10 PM
Parent: #127

بقيتو على شنو يسبو ولّ ما يسبو؟
سوداني زهج من نقة المصري قال ليهو الله ينعلك ..
المصري : ايش ؤولت؟
- قلت ليك الله ينعلك ..
المصري : الله يرضى عليك يا بن النيل الله ما لوش في النعال ..
السودانيون لا يلعنون ولكنهم ينعلون الدين..
حول..
أنا شايف الموضوع انبهل خالص ..
السؤال : حرية التعبير هل يجب إطلاقها دون قيود ؟ أم تقيدها ؟
بالمناسبة دا سؤال قديم من زمن ناس ارسطو ..
ناقشو الفلاسفة بمختلف توجهاتهم يمينية يسارية ..
وما وصلوا لرأي جمعي ..
طبعا البوست ما بتحمل الرغي الفلسفي الكتير ..
لكن حقو بالأول نعرف هل نحن مقتنعين بضرورة تنظيم أنفسنا وعلاقاتنا مع الآخرين وضبطها بالقانون أم لا ؟
إذا كانت الإجابة آه..
يبقى السؤال شنو ضرورتو ؤمين البعملو؟
ضرورته تنظيم العلاقات وضبط السلوك بين أفراد المجتمع والحفاظ على سلامتهم ..
حتى لا تكون الحياة فوضوية يسودها قانون القوة ( القوى ياكل الضعيف) ..
مين بألف القاعدة القانونية ؟
المجتمع هو الذي يؤلف القاعدة القانونية وفق بيئته وثقافته وأخلاقه ..
دا الوضع الطبيعي ..
لذا تجد قوانيين مختلفة ومتباينة بين الجماعات ..
إذن وجود القانون مرتبط ارتباط وجود وعدم مع المجتمع ..
بمعنى أن الإنسان الذي يعيش بمفرده في مكان خالى لا يحتاج لقانون ..
على ذلك فإن القول بالحرية المطلقة لا وجود له طالما الإنسان بعيش في مجتمع..
ولكن دائما عندما يتعرض المجتمع لقوانيين كبتية ..
فمن الراجح أن السلطة وليس المجتمع وراء تلك القوانين لحماية سلطته

Post: #128
Title: Re: حوار سودانيزاولاين
Author: Hatim Alhwary
Date: 18-11-2015, 02:38 PM
Parent: #100

مساء الخير

Quote: القانون الجنائي السوداني 1991 يقول



Quote: الردة.


المادة 126-
(1) يعد مرتكباً جريمة الردة كل مسلم يروج للخروج من ملة الاسلام او يجاهر بالخروج عنها بقول صريح او بفعل قاطع الدلالة.
(2) يستتاب من يرتكب جريمة الردة ويمهل مدة تقررها المحكمة فاذا اصر على ردته ولم يكن حديث عهد بالاسلام، يعاقب بالإعدام .
(3) تسقط عقوبة الردة متى عدل المرتد قبل التنفيذ.




دا قانون معيب جدا

حرية الاعتقاد مفروض تكون قبل حرية التعبير


يعني حتعبر تقول شنو ...لو اصلا انت ماعندك حرية اعتقاد

Post: #130
Title: Re: حوار سودانيزاولاين
Author: عثمان الأمام
Date: 18-11-2015, 03:34 PM
Parent: #128

الوصلت ليهو حرية الأعتقاد وحرية التعبير مع الدين ما بتلموا نهاائي!!
لأنو الحرية حاجة ثابتة والدين متغير(بإعتبار تعدد الأديان والمذاهب داخل الدين الواحد)
تخيل سوداني شيعي يعبر عن دينه ومعتقده بحرية وفي نفس الوقت حرية تعبيرو دي تعتبر
سب وتستحق الجهاد والقتل لسوداني سني آخر!!

احسن حل كل الطوائف الدينية وكل الديانات والماعندهم دين يمسكوا في العلمانية دي ويقاتلوا
من أجلها أي واحد يعبر بطريقتو (على الأقل بتحل الإشكالات بتاعت التعبير والمعتقدات ودولة
القانون) غيركده أي واحد يتحسس مسدسو بس :)

أنا شايف يا تبارك تتخطى حتة حرية التعبير والإعتقاد دي وتمشي للنقاط التانية زي ما قال كبر
وتجيها في النهاية .

Post: #131
Title: Re: حوار سودانيزاولاين
Author: Hafiz Bashir
Date: 18-11-2015, 03:52 PM
Parent: #128



Quote: يا حافظ، نحن لا نقصد سب الدين بتاع العن دينك بتاع المهاترات داك
نقصد سب الدين بوعي بمعنى الإنتقاص و السخرية منو


أيوا يا بكري أنا فاهم قصدك إنت يا مستنير لكين ما ضامن فهم كل المتحاورين

حرية نقد الدين كفكرة و مهما كان شكل النقد دا بيدخل في حرية التعبير (مسألة أن يسمى النقد إساءة تعتمد على موقع المتلقى و لكن في كل الأحوال لا تسمى سباب).. لذلك هنالك فرق بين سب الدين و الإساءة للدين

و بتفق معاك في إنو زي ما المسلم بيشوف إنو عبادة البقرة هي قلة عقل و بيدي نفسو الحق في السخرية من الهندوسي برضو بالمقابل ممكن الهندوسي يكون شايف إنو فكرة كتاب منزل من الله دي فكرة تستحق السخرية.

في السودان المشكلة الأساسية إنو حرية التعبير بما فيها الإساءة للأديان الأخرى دي متاحة لإتجاه فكري و عَقَدي واحد و لمعتنقي دين واحد و غير متاحة للبقية

نقطتي الأساسية في البوست دا هي مساواة جميع الأفراد في حقهم في حرية التعبير عن آراءهم و أفكارهم و معتقداتهم و أقصد من هذه النقطة الإنتباه بالإلتزام بحماية حق الأقليات في التعبير

و قصدت أيضاً أن اسس لرفضي لأي نوع من الوصاية من قبل الدولة بدعوى الإلتزام بمعايير مستنبطة من دين معين او ثقافة سودانية سائدة في زمكان معين لتحديد حرية التعبير. و أن أي دعوى مثل هذه لما هي إلا تكريس لدكتاتورية الأغلبية

و أن أي حرية تعبير غير متاحة للأقليات فهي حرية تعبير كاذبة


Post: #132
Title: Re: حوار سودانيزاولاين
Author: muntasir
Date: 18-11-2015, 04:54 PM
Parent: #128

يا ملك سألنا هل حرية التعبير مطلقة عشان نتناقش سيف حولني لي لينك وقال لي ما تستخدم حجة النار في السينما وسكت هسي الدستور ده بكفل حقوق مقدسات الاستنارة ولا نقوم نرص لي صاحبك

Post: #133
Title: Re: حوار سودانيزاولاين
Author: Muhib
Date: 18-11-2015, 05:56 PM
Parent: #132

Quote: السؤال : حرية التعبير هل يجب إطلاقها دون قيود ؟ أم تقيدها ؟



من السهل العيش هذه الطريقه ...
يجب اطلاقها ( الحريه ) بدون قيود .. للك الحق القول وللاخر حق الرد ..
يجب اعطاء الحق للجميع لابداء الرائ في ( الله , البشير و تبارك و الاخر و كل شئ )

..

Post: #134
Title: Re: حوار سودانيزاولاين
Author: طلحة عبدالله
Date: 18-11-2015, 07:32 PM
Parent: #133

Quote:
الحرية أصل ... والموانع هي الطارئة
..
يعني لما صنعوا الحرية دي ما صنعوا ليها موانع ؟؟
خلوها ساي كدا مطلوقة ؟

Post: #135
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 08:52 PM
Parent: #134

يا حافظ ... تابع طلحة بيسوي في شنو من بداية البوست ...

دا كلّو ... عشان انا قلت كيف منير الكوز - بتاع "المنقذ من الضلال" - يبتزّ محمد النور كبر في سب الدين ...

اللف والدوران دا كلو ... عشان يقنعنا انو هم الكيزان صاح ... بعد داك حا يقول لينا نصوّت على الشريعة ...

أصلو ما خسارة انو الواحد يقابل لواقتهم واستهبالهم بالأجوبة والصبر والبرود ..

هسي شوف جنس السؤال دا:

Quote: يعني لما صنعوا الحرية دي ما صنعوا ليها موانع ؟؟
خلوها ساي كدا مطلوقة ؟


إنت حدد ... بتتكلم عن الحرية الصناعة صينية ول الصناعة سويسرية ...

عشان نوريك الإنطلاقة جات منّو فيو ... ول بيركّبوها توليفة ...

قال الحرية لما صنعوها قال ... إنت ما تسأل الصانعو ...






... ويستمر الإسفاف ...

Post: #136
Title: Re: حوار سودانيزاولاين
Author: انور تاج السر
Date: 18-11-2015, 09:15 PM
Parent: #135

يا تبارك محمد النور كبر ده قاصر؟؟ ما عارف اذا كان منير الكوز ابتزاهو ولا لا؟ و ليه كبر اعتذر؟؟

لو انت ولى أمر عموم السودانيين عليك الله أجرى حررنا من الكيزان بمعاونة أهلك الجدد الأمريكان هه

يا زئبقى:)

Post: #137
Title: Re: حوار سودانيزاولاين
Author: طلحة عبدالله
Date: 18-11-2015, 09:18 PM
Parent: #135

يعني اسي طريقتك دي ياها البرود البتدعيهو فوق دا ههههههههه
اتا مش قلتا الحرية هي الأصل والموانع طارئة ؟؟ يبقي حريتك
دي مصنوعة يا عم الفهلونجي المتذاكي ..
بعدين القال ليك منو أنا كوز ودباب .. اتا يا زول بتكذب مالك
أوع تكون عايز تبتزني بالتلفيق يا حنش ؟
قلتا ليك فوق لو الكيزان دفعوا لي ولقيت عندهم مصلحتي ما عندي
مانع منهم زي ما اتا عملتا معاهم بالضبط ولما وقفوا منك النقاطات
والمصلحة قلبت عليهم وللأمانة دا ذكاء يحسب ليك وشخصيا معجب
بالحركة دي جدا عشان كدا لو لقيت فرصة زي فرصتك اللقيتا اتا
طوالي بنتهزا .. وأهو زي ما عارف انو الحكاية مصالح فاااشنو
أنا ما أحسن ولا أكعب منك في الحالة دي ..

Post: #138
Title: Re: حوار سودانيزاولاين
Author: طلحة عبدالله
Date: 18-11-2015, 09:25 PM
Parent: #137

يا أبو النور الود تبارك عامل فيها حنش ممكن يبتز الناس بالتلفيق والمزاعم
الكذوبة .. ياخ دي حركة شفع ساذجين ..
والله يا تبارك أنا ما كتا قايلك خرخار كدا .
دي آخر مداخلة معاك وكت جابت ليها كضب وإدعاء .. مع انو
أسهل حاجة الواحد يدعي ويلفق في التاني .

Post: #139
Title: Re: حوار سودانيزاولاين
Author: قسم الفضيل مضوي محمد
Date: 18-11-2015, 10:11 PM
Parent: #138

Quote: دي آخر مداخلة معاك وكت جابت ليها كضب وإدعاء ..



جر معاك الباب وانت مارق ..



البعدو

Post: #140
Title: Re: حوار سودانيزاولاين
Author: طلحة عبدالله
Date: 18-11-2015, 10:23 PM
Parent: #139

ههههههههه اتا يا أخونا قسم الفضيل مضوي محمد ديدبان البوست واللا شنو ؟؟
تمرق وتدخل في الناس زي سيد الحفلة ..
قلتا آخر مداخلة مع تبارك ما في البوست يعني لو لفتت نظري مداخلة زي بتاعتك دي
عادي برجع أرد عليها .. بس اتا ما تشيل هم يا حبيب .

Post: #141
Title: Re: حوار سودانيزاولاين
Author: انور تاج السر
Date: 18-11-2015, 10:24 PM
Parent: #139

Quote: جر معاك الباب وانت مارق ..



اوسكااار يا قسم الفضيل

Post: #142
Title: Re: حوار سودانيزاولاين
Author: MAHJOOP ALI
Date: 18-11-2015, 10:46 PM
Parent: #139

عشان كده قلنا نتكلم عن الحقوق
هل من حق الوهابي ان يحدد اسمانا
ويعتبر اسم تبارك مخالف للمعلوم من (الدين ) بالضرورة ؟
وهل من حق الصوفي والشيعي والاشعري والبوذي والملحد
ان يتدخل في علاقاتي باسمي او معتقدتي او اطفالي او زوجتي
وهل حقي كفرد يخضع لاغلبية واقلية ؟ وهل المقدس هو اجماع متفق عليه ؟
ولو كان اجماع دولة ال سعود ماله فارزة عيشته في الاسماء وقيادة السيارة للنساء
وعدم تطبيق الحدود الشرعية علي الخواجات ابات عيون خدر ؟ شرع الله في يومنا
هذا هو اداءة سياسية يبتز بها الشعوب لاغراض سلطوية ، الحرية تنزه المقدس من
التوظيف والاستخدام

Post: #143
Title: Re: حوار سودانيزاولاين
Author: تبارك شيخ الدين جبريل
Date: 18-11-2015, 11:12 PM
Parent: #142

Quote: جر معاك الباب وانت مارق ..

وين حقوقنا الفكرية يا قسم؟











... ويستمر الحوار ...

Post: #144
Title: Re: حوار سودانيزاولاين
Author: احمد الشيخ
Date: 18-11-2015, 11:29 PM
Parent: #143

حواركم كله سب دين يا كافي البلا؟

Post: #145
Title: Re: حوار سودانيزاولاين
Author: قسم الفضيل مضوي محمد
Date: 19-11-2015, 00:23 AM
Parent: #144

Quote: وين حقوقنا الفكرية يا قسم؟


بعد الاخوان طلحة و انور علقوا على مداخلتي كنت داير ارجع وانوه الى ان العبارة دي خاصة بي تبارك ،،،
بس انشغلت ...

عموما اعتذر لعدم التنويه لذلك ...


و يا طلحة ياخ عشان خاترنا ترجع ...

Post: #146
Title: Re: حوار سودانيزاولاين
Author: معاوية المدير
Date: 19-11-2015, 01:50 AM
Parent: #145

Quote: ... ويستمر الحوار ...


Post: #147
Title: Re: حوار سودانيزاولاين
Author: معاوية المدير
Date: 19-11-2015, 01:55 AM
Parent: #146

Quote: تقصد دبابتي البورد
عموما أنا براءة والله .. لكن ود المدير ما بعرفو


بالله عليكم الله شوفو الزول دا !!!،
لآمن ختوني بين الترابي ؤُ محمد مصطفى الكلآم دا كان في التلفزيون ؟،
ما في ملجة الحوار الهنا دي .

يا بتاع السكيورتي بالله الزول دا ما تخليهو تاني يرد لا علي طبارك
لا غيرو ...

Post: #148
Title: Re: حوار سودانيزاولاين
Author: معاوية المدير
Date: 19-11-2015, 02:00 AM
Parent: #147

Quote: Atif Omer Mohamed Ali


يا طبارك الزول دا معاك ؟.
انا شايفو لا في العِير لا في النفير ...

Post: #149
Title: Re: حوار سودانيزاولاين
Author: معاوية المدير
Date: 19-11-2015, 02:02 AM
Parent: #148

Quote: حوارك دا لو ما طلعنا منو الا باكتشاف خليتي البورد النائمتين (ود المدير وطلحة) ...

لأدى غرضه ...


هسّع عليك الله يا قسم الفضيل الإكتشاف دا جائزة نوبل زاتا
ما قليلة عليهو ؟...

Post: #150
Title: Re: حوار سودانيزاولاين
Author: تبارك شيخ الدين جبريل
Date: 19-11-2015, 02:42 AM
Parent: #149

ود المدير حبابك تاني ... المافي شنو؟








... ويستمر الاستنكاح ...

Post: #151
Title: Re: حوار سودانيزاولاين
Author: تبارك شيخ الدين جبريل
Date: 19-11-2015, 01:58 PM
Parent: #150

الآن ... وقد إتختّ كل "كوز" في "عِلَبو" ...

بندأ بتفنيد ملفات الحوار ...

وأكرر ... الحوار ما لمناقشة طرح حقي ... ولا عايز أديرو ... عايز ابتدرو وأشارك فيهو لا أكثر ...








... وهنا ينتهي البث التجريبي ...

Post: #152
Title: Re: حوار سودانيزاولاين
Author: HAIDER ALZAIN
Date: 19-11-2015, 05:01 PM
Parent: #151

ومالو حواركم دا زي حوار صديق الموج وطرّاجي مصطفي وابوروضة والباوقة...!

دا حوار والا كوار .؟


المهم اديكم الخلاصة حقتي للفائـدة العامة
البيسب الدين ينسب دينو لدين سنسفيل اجدادو
والبيرسم قنبلة في عمامة النبي تتفجر قنبلة في دين محل ما بيرسم .. والبيقول لا بيجي اليوم وكسر رقبة يغير دستورو ويحدد حريتو ويضطر يغير قوانينو عشان يسحب جنسيات مواطنين دولتو الماعاجبمهم كلامو ..

ولا شئ ثابت حتى الحريـة متغير تغيرها عوامل مرتبطة بأمان الفي يدو قلم كتابة صكوك الحريات ..

والماعجبو يقوم يلف ..

قال حرية قال ...:)

Post: #153
Title: Re: حوار سودانيزاولاين
Author: HAIDER ALZAIN
Date: 19-11-2015, 05:08 PM
Parent: #152

هسه كرمي حجر في الحوار المتعثر دا ..

ايش رايكم في خطاب هولاند امام البرلمان الفرنسي ومطالبتهم بتعديل الدستور وتغيير بعض القوانين وبعضها أصيل بأصالة الثورة الفرنسية ( حرية - اخوة -مساواة - ) واصالة خطابات ميرابو هيمسلف ؟؟

Post: #154
Title: Re: حوار سودانيزاولاين
Author: جمال ود القوز
Date: 19-11-2015, 06:14 PM
Parent: #153


أها وين وصلتوا ..
مع إني شايف درب الحوار بقى ضيق ....






Post: #155
Title: Re: حوار سودانيزاولاين
Author: تبارك شيخ الدين جبريل
Date: 19-11-2015, 07:10 PM
Parent: #154

Quote: والبيرسم قنبلة في عمامة النبي تتفجر قنبلة في دين محل ما بيرسم ..

الإرهابي HAIDER ELZAIN

Post: #156
Title: Re: حوار سودانيزاولاين
Author: صلاح جادات
Date: 24-11-2015, 10:16 PM
Parent: #155

فوق

Post: #157
Title: Re: حوار سودانيزاولاين
Author: تبارك شيخ الدين جبريل
Date: 25-11-2015, 01:46 PM
Parent: #156

يعني السودانيين لو بدوا حوار غير مسبق الشروط ... بتعصلج معاهم حكاية الحقوق والحريات الأساسية بتاعة العهد العالمي للحقوق والحريات المدنية ...

طيب حقوا نبدا الحوار من هنا ... ونطرح السؤال الأول:

مشكلة السودانيين مع الحقوق والحريات الأساسية دي يحلوها كيف؟

هل هي مشكلة قانونية أم ثقافية؟






... ربما ... يستمر الحوار ...

Post: #158
Title: Re: حوار سودانيزاولاين
Author: احمد الشيخ
Date: 25-11-2015, 04:33 PM
Parent: #157

هل سيكون من حق السوداني انكار او التشكيك في الهولوكوست؟

ويستمر الاستنكاح