الشاعر الدكتور مبارك بشير

10:52 AM Nov, 12 2015
سودانيز اون لاين
Suhail Nasser-الخرطوم-السودان
مكتبتى
رابط مختصر

الدكتور مبارك بشير الشاعر المرهف



الاستاذ الدكتور مبارك بشير شاعر فريد بكل ما تحمل كلمة شاعر من معاني تغني للوطن في عرس الفداء التي غناها الفنان محمد وردي وغني له ايضا يا نسمه جاية من الوطن بتقولي لي ايام زمان ما برجعن وغني له ايضا الفنان محمد الامين عويناتك فهي من اجمل ما تغني به محمد الامين حسب وجهة نظري لاحتوائها لمفردات جميله طوع فيها الحروف بكل فن واقتدار وفي سؤال للاستاذ الدكتور مبارك بشير عن كيفية وصول هذه الاغنيه للاستاذ محمد الامين رد قائلا بأنه لم يكتب الأغنية للغناء ، ولم يلتق بمحمد الأمين أصلاً .. بل كان يكتب اشعاره في كراسة ، وعندما يجد زمنا في نهاية الإسبوع يذهب من البركس بجامعة الخرطوم للأستاذ الشاعر الفلسفي والمؤلف المسرحي الراحل الكبير ( عمر الطيب الدوش ) شاعر الروائع في مسيرة الغناء السوداني ، وقد ترك مبارك بشير عنده تلك الكراسة الشعرية إن كانت لديه بعض ملاحظات علي النصوص المكتوبة ليراجعها مع الدوش ، وذات مرة ذهب ابو الأمين في زيارة لعمر الدوش ، ربما كان يرغب في تعاون معه بنصوص تصلح للغناء ، خاصة وأن التنافس علي القمة الفنية كان في اوج سنواته بين وردي وأبو الأمين ، فقال الدوش لمحمد الأمين ، خذ طالع قصائد من هذه الكراسة ، فوجد فيها محمد الأمين هذا النص الذي اعجب به جدا ( عويناتك ) فلحنها وخرجت لساحة الفن من رحم الغيب ، فإجتهد محمد الأمين حتي وجد شاعرنا مبارك بشير بالجامعة كي ياخذ الإذن بأدائها ، وقد كان ، حيث كان ابو الامين يعلم ان ( نسمة ) لوردي هي من نظم هذا الشاب ، فجاءت عويناتك تتهادي بكل خيلاء ومشحونة بموسيقي هادئة وبمقاطع لحن في غاية الرهافة

أقول ليها عويناتك

ترع لولي وبحار ياقوتْ...

مناحات ريد حزاينيه

بغازل فيها مأساتي...

وفي شرف العبور ليها

بموت وأكسر شراعاتي...

تقول لي غناك حزين

غناي حزين...

وأنا الواهب قصائدي الباكيه للفرحهْ...

وأنا البديها شان ريدي وصباي طرحهْ...

قول ليها عويناتك زي سواد قدري...

مكحله عمري من بدري...

لو بقدر أسافر في بريق لحظك وما أرجعْ...

تقول لي خايفاك بكرة تتوجع وأتوجعْ...

أقول ليها عويناتك ديار وعدي...

مسوره بي جدار صمتكْ...

عذابي معاك بريدك قبل ما أعرفكْ...

ولو بقدر أشيل من الزمن وقتي

واموت في لحظه وأوهب ليك عقاب عمري

عويناتك

التحية للاستاذ الدكتور مبارك بشير الشاعر المبدع و التحية لصاحب البوست.

الصديق والشاعر المرهف سعدت وتشرفت بزمالته وصداقته واستمعت وزملائى لجميل قصائده فى سبعينات القرن الماضى ورقصنا على اشعاره مغناة من قمتى الفن السودانى الحديث وردى وود اللمين.. اين هذا الشاعر الجميل والشقى الآن؟؟ انه حيي وخجول لا يحب الاضواء... ليتنى اقتنى ديوان شعره... شكرا لصاحب البوست الفخيم..