مساعدة يا بورداب و القرّاء من الكويت ...

04:07 AM Nov, 11 2015
سودانيز اون لاين
محمد البشرى الخضر-العين-الإمارات
مكتبتى
رابط مختصر

سلامات يا شباب
أحتاج للاستفسار عن بعض المعلومات عن الكويت من شخص يعيش هناك
الرجاء التواصل على 00971504682415 او

[email protected]

وشاكرين مقدما

عرفنا ما في بوردابي في الكويت يا كافي البلا ناس نرفع البوست و اضعف الإيمان وبتاع كمان ماف!!
هسّي كان كاتباه دامة ناس فوق وأب و أرفعك ما تديك الدرب

Quote: هسّي كان كاتباه دامة ناس فوق وأب و أرفعك ما تديك الدرب

..... و أترك المايكرفون لزميلي طلحة .....!!!!!!!!!!!!!!!!!!!!!!!!

Quote: عرفنا ما في بوردابي في الكويت يا كافي البلا ناس نرفع البوست و اضعف الإيمان وبتاع كمان ماف!! هسّي كان كاتباه دامة ناس فوق وأب و أرفعك ما تديك الدرب

ود البشري الكويت فيها بوردابية مريم عزالدين

بس مختفية من المنبر ليها زمن

Quote: دامة

دمت لى جنس دا ..
واضح انو في سوء إستخدام وسخرية هنا ..
يجب الإرتفاع بالتعابير عندما يتعلق الأمر بالمرأة ..
شنو مرة حريم ومرة دامة ومرة ما عارف شنو ..
إرتقوا .















كدا كيف يا تهريف ؟..

Quote: عرفنا ما في بوردابي في الكويت يا كافي البلا ناس نرفع البوست و اضعف الإيمان وبتاع كمان ماف!! هسّي كان كاتباه دامة ناس فوق وأب و أرفعك ما تديك الدرب

هى نان ما تصبر شوية
بوستيك لسع نارو حية

إلا عمك بكري يعلقوا ليك بي فوق

ثم

Quote: عرفنا ما في بوردابي في الكويت

أهلنا السودانيين طفشوا في القبل الأربع
الكويت أبوها مالا ؟؟

ولا السودانيين الفيها أبو سوانيزأونلاين مالم ؟؟



________________

الله يطرا أبو ساندرا بالخير
في قصص ( رفع ) البوستات دي عندو قصص طرائف وقفشات وحائد

قال دامة قال ..
عالم لا تفرز بين المنابر الجادة وقعدات الكوتشينة ..
باللاي دي امة يرفعوا ليها علم استقلال ؟

Quote: هسّي كان كاتباه دامة ناس فوق وأب و أرفعك ما تديك الدرب

الردود كلها ما عجبتني أحسن النرد أنا .....

طيب ألبس ليك طرحة و أكتب البوست ....

فوق

ابوحتوت قصرنا معاك

سلام ياود البشرى ...

أرسلت ليك مباشرة في الصباح ... تفاصيل بوردابي من ناس الكويت منذ السعبينات - الرسالة في الماسنجر بتاع الفيسبوك -


راجع الماسنجر في الفيسبوك ....

* كمان دعمتها ب رسالة على موبايلك

تحياتي ياحبيب

ود البشرى سلامات

بسبيل من رفع البوست مع أن الجماعة ما قصروا

زمان كانت هناك نكتة عن الكويت: قالوا واحد سوداني مات. لما وقف للحساب ما لقوا إسمو في الدفتر وقالوا ليهو إنت مت بالغلط أطلب أي أمنية دايرا.. الزول بدل يقول ليهم خلاس دخلوني الجنة، قام قال للملايكة بتتكلمو جد. قالوا ليهو أيوا. قال ليهم داير فيزا للكويت..

Quote: دمت لى جنس دا .. واضح انو في سوء إستخدام وسخرية هنا .. يجب الإرتفاع بالتعابير عندما يتعلق الأمر بالمرأة .. شنو مرة حريم ومرة دامة ومرة ما عارف شنو .. إرتقوا .

أيوة وكان ما مصدق اسأل طلحة دا زااااتو!!

والشاهد زات بوست كدا زرزرو بقى في التفكو
وفى الآخر قام إتحلل منو..

قسم بالله زرزرة عدوك

إن شاء الله يوم 24 بكون في الكويت لو قصتك بتنتظر,,,

مشكور اخونا حاتم يوسف العبيد و صلتني التكست لكن المسنجر لسة
مشكور اخونا الفيس بوكابي على الرسالة و ساتواصل إن شاء الله
مشكورين الشباب هنا على رفع البوست وكتر خيركم

بهذا و لله الحمد البوست أدى غرضه, عليه نعلن نحن أبو حتوت عن تسبيله للونسة و المطايبة وتفقد الأحوال

+

تنظير و ابو حسين تقوموا تلفو أحسن أنا شايف

ودالبشري تقفل كيف البوست ده عندنا حبوب شغالين فيها صرف بس الا ترسل لي بكري
عشان نوقف الحبوب ولا تقول الرووووووب ممكن نخليه وكان مابلعت برحله الربع الجديد

الله فرجيني

قلنا سبّلناه (اي جعلناه سبيلا) يا ود المسلمي ما قفلناه
يعني جيب الحبوب و النشوق و التحاميل و الدربات و افرش هنا بي عافيتك مرحب بيك وكان ما شالك البوست ممكن تفرش في الرصيف بره :)

ابوحتوت العتبي علي النظر وكثرة السهر طشش النظر
التحاميل حقت دكتور المعيز اسمها ماعرفته ومواصل
بي المضاد الحيوي وكان ماجابوا نتيجة بستعمل ليه
التحاميل ان شاالله تقلبه بعاتي


----
مادام سبيل قاعدين تب

الاخ محمد البشرى
انا أعمل في حفر الباطن على بعد 100 ك من الكويت و50% من زملائي السعوديين عندهم قرابة ونسب في الكويت
ممكن يردوا على بعض استفساراتك

سلامات يا هندسة
لو فكرت تغير وتخليها البحرين
تلفوني عندك.

******

ودالبشرى قال ليك البترول في السودان بقى يطلع بالكوريك وانت حالف تحت اتو الخليج ده ساكيه بالبلي والدامة خلاص ياخ انشاالله عودة طوعية للوطن حتى لو زي عودة غريبة للسودان مقيما بالمحروسة او عودة ودالباوقة مؤتمرات وسد

Quote: سلامات يا شباب أحتاج للاستفسار عن بعض المعلومات عن الكويت من شخص يعيش هناك الرجاء التواصل على

تقع دولة الكويت في شمال شرق شبه الجزيرة العربية، في أقصى شمال الخليج العربي،
فيحدها من الشمال والغرب جمهورية العراق ومن الجنوب المملكة العربية السعودية ومن الشرق الخليج العربي.
تقع الكويت بين خطي عرض 28.45° و 30.05° شمال خط الاستواء وبين خطي طول 46.30° و 48.30°
شرق خط جرينتش. تبلغ مساحة الكويت 17.818 ألف كيلومتراً مربعاً ,, الفيفا مجمد نشاطها الرياضى.

,, كفاك ولا نزيدك؟