الليام دي قايم سداري في التكنولوجيا فرحانة تركب الزمن الفات دا كلو شغال نوكيا كشاف هلو وقفلو واللضان باردة تقوم يا ود البوش يا سجم الرماد تجيب التلفون البقشوهو باللصبع فككان مشهاد ساكت وقلة شغلة على الليمان والرحمن البارح القريبة دي قوقل خلاني الف حلة الدار البيضاء زقاق زقاق في الفاضي على بعد مية متر اتجه يسار ثم اتجه يمين يسار يمين لمن بطارتي كملت وبقيت اغني يا حليل موسى اللرجال خوسة لكن انا ما شديد ما مرضع مع المغارب الكشاف الحنين قاعد وهلووووووووو ووصلت بالسلامة ارغي وازبد واشتم في القوقل والتكنولوجيا على أبو الجابا زولي المشيت ليهو هدى من روعي وبعد العصير والشاهي وحلت الونسة وراني تطبيق من دليل الهاتف السعودي اوريك الزول المتصل عليك الناس كاتبين اسمو شنو ومن المعلومات الكتيرة دي كلها بتقدر تعرفو منو وضحكت ضحك ولاسع اضحك وشفت ليك ناسي : سوداني مجنون احمد معط زول دايما تلفونو مشغول نقة زول ما دفع الاجار ( السعوديين بكتبو الايجار كدا ) فضيحة ههههههههه محمد اللخبات ههههههه الخ الخ هههههههههههههههههههه
Post: #2 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:03 AM Parent: #1
والداير اجرب وواثق من نفسو أقول لي وريني اسمي مكتوب كيف ؟
Post: #6 Title: Re: هههههههههههههههه اسمك مكتوب كيف في هواتف Author: عماد قريش Date: 11-07-2015, 08:24 AM Parent: #2
سلام ود البوش مسألة كتابة الإسم دى بتندرج تحت باب الإبتلاء والنعم عن نفسى الحمد لله أسمى وارد بمايشرفنى ولكن أعرف كثيرين واقعين تحت مظلة الإبتلاء ولهم من المسميات والالقاب مايحير إبليس
Post: #9 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:39 AM Parent: #6
مرحبا شيخ عماد قريش ظاهر وواضح الثقة في النفس تحياتي
Post: #3 Title: Re: هههههههههههههههه اسمك مكتوب كيف في هواتف Author: عمر السلمة Date: 11-07-2015, 08:17 AM Parent: #1
السلام عليكم ورحمة الله .. ومبرووووووك التلفون الجديد .
لو لقيتو غير عمر السلامة أو اومو .. أديني خبر ولو رقمي ما عندك برضو اديني خبر .. ولو قريب لينا بنجيك عدييييييييل بالدرب ... اها قلت شنو ؟؟
Post: #4 Title: Re: هههههههههههههههه اسمك مكتوب كيف في هواتف Author: بله محمد الفاضل Date: 11-07-2015, 08:21 AM Parent: #3
0565541443
ما تدس شي خالس واثقين وما ملاوزين خخخخخ
..............
Post: #8 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:37 AM Parent: #4
بله والرقم جلا فندق للايجار السنوي نقابل فندق الشهداء هههههههه محمد الفاضل وقف الخزندار مكه بيلا - دكتور طارق خرندار أبو سامر بله محمد الف 1 بله عمارة بلا فندق بلبل Bala Jawal بله بشرى بله معاز بله / اسم مرة .... بتكون دي مرة كاتباك باسم زوجتك هههههههههه لكن ما عندك عوجة ولمن اجي مكة بتصل عليك تحجز لي في الفندق واسع انا ذاتي بكتب اسمك بله فندق
Post: #5 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:23 AM Parent: #3
م / عمر مشتريات العويضة أ / عمر الرجا عمر السلمة 1 عمر محم عمر عمر السلمة ساكن ش . اد هههههههههه Omar Accountant طرف عبدو السلمة اومو هههههههههههههه صحي واثق من نفسك عندي صاحبي لقيت اسمو طبيز ههههههههه
Post: #7 Title: Re: هههههههههههههههه اسمك مكتوب كيف في هواتف Author: حامد بدري Date: 11-07-2015, 08:26 AM Parent: #5
Quote: وشفت ليك ناسي : سوداني مجنون احمد معط زول دايما تلفونو مشغول نقة زول ما دفع الاجار ( السعوديين بكتبو الايجار كدا ) فضيحة ههههههههه محمد اللخبات ههههههه الخ الخ هههههههههههههههههههه
هههههههههههههههههههههههههههه عندي صحبي معاط وزعاط لقيتو كاتبنو السوداني التهاب اللوزات كاااااااااااااااااك انا ماعندي جوال ظاتو مشتاقين ودالبوش سيد الحوش
Post: #10 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:41 AM Parent: #7
عندي صاحبي اتصل علي قبل شوية لقيتو مكتوب السم الهاري ههههههههههههههههه
Post: #11 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:42 AM Parent: #10
الليلة بفضحكم فضيحة يا أولاد البقز شابكني ليك اطور اطور اها خمو وصرو وقعتو معاي
Post: #12 Title: Re: هههههههههههههههه اسمك مكتوب كيف في هواتف Author: بله محمد الفاضل Date: 11-07-2015, 08:45 AM Parent: #11
بالمناسبة في طريقة تخلي الواحد اسمو ما يظهر في الحتات دي أجيبها ولا أخليك تتفسح شوية ههههههههههه
Post: #14 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:49 AM Parent: #12
Quote: بالمناسبة في طريقة تخلي الواحد اسمو ما يظهر في الحتات دي أجيبها ولا أخليك تتفسح شوية
اديني الضحوة دي بس ولبعدين خلي الحسادة تجي من غيرك اتا زول صاحبي اكيد في ناس عارفين لكن ما شافو البوست
Post: #13 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 08:46 AM Parent: #7
فتشت لتلفونك يا حامد بدري في الكشاف والبقشو باللصبع ما لقيتو الله حلاك مني يا عولاق هههههههههههه
Post: #15 Title: Re: هههههههههههههههه اسمك مكتوب كيف في هواتف Author: بله محمد الفاضل Date: 11-07-2015, 08:53 AM Parent: #13
خلاص اكتب اسمي بله فندك ههههههههههه وجاهزين للحجز ما عندك أيتوها مشكلة وبأسعار مخفضة كمان خخخخخخخخخ (أي مافي مجاني تب)
قلتلي ضحوية بس
Post: #16 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 09:08 AM Parent: #15
Quote: قلتلي ضحوية بس
اها ما قلت ليك بدرالدين الطائف الضحيوة دي ما خلاها لي . . فائدة هذا البوست : ضمنت حجز شبه مجاني من بله فندق والفائدة التانية صاحبي السم الهاري اتصل علي بعد طول غياب وفوائد أخرى قد يستفيد منها كثير من الناس ويجعل سرو في اكتر واحد كان عميان وفتح . . خالد المحرب موعود ببوست المحاق : ستة جدادات وبيضة واحدة في اليوم بسبب الديك العيفة
Post: #17 Title: Re: هههههههههههههههه اسمك مكتوب كيف في هواتف Author: معتصم سليمان Date: 11-07-2015, 09:14 AM Parent: #1
يازول ياجميل وكلك فرح
كييييفك
يا أخي موضوع الاسم البكتبوه بيك الناس ده في تلفوناتهم مشكلة كبيرة
انا الحمدلله مكتوب سمممممممممممممممممممممح
لكن المصيبة قبل كم شهر كده كان معاي ضيف جاي زيارة طلب رقم واحد قريبي على أساس يتوسط ليهو في أمر ماء حسب أنو هو فاهم انو قريبو ده وااااااااااااااااااصل
أها انا من باب إكرام الضيف وكده اتصلت على ناس في جدة وادوني كتر خيرهم الرقم هول الواااااااااااااااااااااصل قلت أكمل الجميل واتصل ليهو من تلفوني مرة واحدة عشان المكالمة ماتتحسب على ضيفي إتصلت ياودالبوش ولا عاينت اديتو التلفون الجلكسي الليلي ابو شاشة عريييييضة وماخمج زولك ضحك وماقال لي حاجة
المهم خلص مكالمتو مع الزول وقال لي يا أخوي زولي ده حرامي وماسورة كيف الكلام ده ؟؟؟ قال لي لامن اديتني التلفون وقبل مايرد لقيت اسمو ظاهر فلان الماسورة وتحت منو مكتوب الكضاب
Post: #21 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 09:30 AM Parent: #17
Quote: فلان الماسورة وتحت منو مكتوب الكضاب
ههههههههههههههههه اوووووووو الزول السمح وفعلا اسمك مكتوب سمح يا معتصم سليمان تحياتي واشتياقي
Post: #18 Title: Re: هههههههههههههههه اسمك مكتوب كيف في هواتف Author: عمر السلمة Date: 11-07-2015, 09:18 AM Parent: #1
برضو عندنا واحد شلييييييييييق .. شال تلفون صاحبو وسجل رقو وعمل إتصال عشان يعرف صاحبو مسجلو منو ..
لقاهو مسجلو
فلان الوهم هههههههههههه
Post: #20 Title: Re: هههههههههههههههه اسمك مكتوب كيف في هواتف Author: عماد قريش Date: 11-07-2015, 09:27 AM Parent: #18
ياود البوش أدينى اخر تلاته ارقام من رقمك وبجيب خبرك
Post: #22 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 09:39 AM Parent: #20
هاك يا عمدة 0554009464 عبدالله الصناعية عبدالله الربيعه ( دا بكون واحد عايز استفيد مني ) كاتبني باسم الوزير الشغال معاهو مع انو في رقبتي ما مستفيد منو بعد شوية ح اكتبني ماسورة زي زول معتصم سليمان عبدالله احمد API دا اسم الشركة الشغال فيها عبدالله ود البوش محاسب ابوفريد عبدالله دقيقه .... دا برضو اختصار لاسم الشركة الشغال فيها عبدالله البوش ود البوشي ود البوش بوشني دا اسم الدلع هههههههه البوش Abdullah Wad Alboush وفي واحد ول واحدة كاتباني باسم المرة هههههههههههه بالله عدل الاسم دا يا هههههه
Post: #19 Title: Re: هههههههههههههههه اسمك مكتوب كيف في هواتف Author: عمر السلمة Date: 11-07-2015, 09:25 AM Parent: #1
و واحد تاني ملك الطقاشة والرواشة تلفون واحد من ناس البيت ضرب (عزابة ) اسم المتصل .. كضوبة اها صاحبنا طوااالي مسك التلفون رد
اووو كضوبة
غايتو صاحبنا بعد داك موقفو شنو ما عارف
Post: #23 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 09:49 AM Parent: #19
Quote: اووو كضوبة
عمر السلمة التلفونات دي فيها المحن والبلاوي عندي واحد بعرفو وكاتب اسمو اتصل علي ومن قولة تيت سمعني كلام فاضي ونبذ وشتيمة شينة وتعال شوف الشكلة دورت كيف ؟ والله زي ما اقوليك طبعا هو زعلان لدرجة ما قادر اميز الصوت وانا مستغرب ما بينا الا الخير لكن كمان زول اشتم وانبذ وبكلام فظيع ح اسكت ليهو ؟ وفجأة كدا استدرك انو انا ما الزول المقصود ياخ دا نبذ اهلي جت ونبذ شين ولم اقبل عذره طبعا وتميت ليهو الناقصة وبقت شكلة جد جد واخد الفيها النصيب اففففففف كان موقف كعب
Post: #24 Title: Re: هههههههههههههههه اسمك مكتوب كيف في هواتف Author: عمر التاج Date: 11-07-2015, 11:30 AM Parent: #23
الله يسترنا من التكنلوجيا دي بطبعتي أكتب الأسم الأول فقط وأتم الباقي من انطباعي عن المتصل.. بعد شفت البوست راجعت قائمة الاتصال ولقيت فيها بلاوي.. طبعا حسب معلوماتي ان التعديل في موبايلك ما بفيدك يالسويتو بايدك حا يغلب اجاويدك . .. وزيو وزي كاشف المتصل يمكن تعديله من خلالرقاعدة البيانات في الموقع الالكتروني الخاص بالتطبيق .. اذا في تطبيق مضاد الحقونا بيه .. ومتنسى ياود (البوش الحريف) تدينا اسم التطبيق لعل الله يجعل لك اجر كشف الاوصاف ومن حمل التطبيق الى يوم القيامة تحياتي ..
Post: #25 Title: Re: هههههههههههههههه اسمك مكتوب كيف في هواتف Author: عبدالحفيظ ابوسن Date: 11-07-2015, 11:48 AM Parent: #24
انا طالبك ضربتين وتلاتة رسايل اخصم ضربة وشوفني
Post: #26 Title: Re: هههههههههههههههه اسمك مكتوب كيف في هواتف Author: عماد قريش Date: 11-07-2015, 12:17 PM Parent: #25
كدى ياحبيب شوف لينا ود ابو سن ده خبرو شنو
Post: #29 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 12:49 PM Parent: #26
Quote: كدى ياحبيب شوف لينا ود ابو سن ده خبرو شنو
الله عفاهو كما هو موضح اعلاهو
Post: #28 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 12:45 PM Parent: #25
داير تتعلم الغلات يا حاج ضرباتي مسجلات كل شيء ولا الغلات . . بختك ما بقدر اشوفك التطبيق العندي دا دليل الجوال السعودي فقط اكيد في السودان في واحد زيو شوفو لينا ضروري لان ناسنا هناك ملوك التسميات وما بتصاقعوا كلو كلو في الألقاب والاسماء ياخي مرة في السوق العربي اسمع ليك واحد انادي في واحد قدامو قاليهو يا ود الحرام قلت الليلة خلاص القيامة تقوم اتفاجات بصاحبو قاليهو آآآآآي ههههههههههه
Post: #27 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-07-2015, 12:36 PM Parent: #24
Quote: ومتنسى ياود (البوش الحريف) تدينا اسم التطبيق
حلاة لقلق يا عمر التاج كان بديك اسم التطبيق دي سيئة جارية خليها تجري علي غيري العلي انا ما شوية
Post: #30 Title: Re: هههههههههههههههه اسمك مكتوب كيف في هواتف Author: علي محمد الفكي Date: 11-07-2015, 12:49 PM Parent: #27
غايتو يا ود البوش اتفلهمته فلهمة شديدة اول حاجة عملتها قلت اراجع اسماء الناس المسجلين عندي واتاكد من تسجيلي ليهم الحمد لله طلعت سلامة كلو مسجل مظبوط وبي اسمو الحقيقي تحياتي يا جميل يا مفلهم
Post: #31 Title: Re: هههههههههههههههه اسمك مكتوب كيف في هواتف Author: أحمد محمد عمر Date: 11-07-2015, 02:09 PM Parent: #30
Quote: بله / اسم مرة .... بتكون دي مرة كاتباك باسم زوجتك هههههههههه
ويمكن لأ لازم المدام تشيك بي نفسها على البرنامج ولو طلع في أي عالي واطي ولا كرضمة يدفع ود البوش سعر سلسل الدهب الحتصالحها بيه
.
Post: #32 Title: Re: هههههههههههههههه اسمك مكتوب كيف في هواتف Author: عبدالحفيظ ابوسن Date: 11-07-2015, 02:31 PM Parent: #31
هههه غايتو انا قاعد انسي القي نفسي مسجل اسماء اصلو ما اعرفها . ف قاعد اكتب معاها مذكرة تفسيرية .. مثلا حسن علي صاحب ود عمي احمد ولا فلان الفلاني راجل فلانة بت ناس فلان مرة ضرب لي واحد والله صحي معاك ابراهيم .. مرحبا رد عدم عرفة ابراهيم خلف الله برضو جليتو ابراهيم خلف الله علي باش مهندس ابراهيم خلف الله علي جليتو ابراهيم مهندس كنانة جليتو ياخ ابراهيم راجل فلانة اووووو ابراهيم وكبس لي جنس كبس وانا اضحك اصلا انا بعرف زوجتو شقيقة صديق عشرات السنوات طوالي سجلت اسمو ابراهيم خلف الله علي راجل فلانة اخت فلان
Post: #33 Title: Re: هههههههههههههههه اسمك مكتوب كيف في هواتف Author: أحمد الشايقي Date: 11-07-2015, 07:11 PM Parent: #32
هلا ود البوش والحكي الطاعم
المرة دي عن التكنولوجيا
فارقت الضهرة وحكايات الضل والقنيص واللواري وما إلى هنالك
أنا بس رقمي خليهو في النوكيا القديم أبو بطارية
ودائما في سرك
أحمد الشايقي
Post: #37 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-08-2015, 07:01 AM Parent: #33
Quote: المرة دي عن التكنولوجيا
فارقت الضهرة وحكايات الضل والقنيص واللواري وما إلى هنالك
ما تخاف يا الشايقي كلو بركبو ليك عاشق معشوق ويا حلات ملاح اللوبا مع البشمل ههههههههههه ايقونة هذا الزمن أجبرتنا ان نطلع العالي التكنولوجي السفت وندلا بالدقداق والفرنغيتة عشان نقدر نجيب مريسة التامزين
Quote: أنا بس رقمي خليهو في النوكيا القديم أبو بطارية
ما تفرح بيهو كتير ولن تتهنأ بهدؤه كثيرا فالموج سيجرفك ولن تجد جبلا يأويك فاركب معنا يا بني لتكون من الناجين اركب ساهي يا الشايقي بالحسنة وسوف اضيفك في اشهر مجموعة ادير دفتها اسمها حمارة اللمحمدية الغرقت مع البقر الشايقي سلام يا زول وتحية وشوق
Post: #36 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-08-2015, 06:50 AM Parent: #32
Quote: ابراهيم خلف الله علي راجل فلانة اخت فلان
شيخ العروب عبدالحفيظ ود اب سن اتو عندكم المحن في السودان اتو البتسجلو الجكس البطارية ضعيفة ؟ البرنامج دا بفضحكم فضيحة من اسع حاولو امنعوهو تحية وشوق
Post: #35 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-08-2015, 06:47 AM Parent: #31
Quote: لازم المدام تشيك بي نفسها على البرنامج
المدامات كان عرفن البرنامج دا في ناس كتار وقعتم سودا عندي صاحبي حكايتو بايظة مرة واحد والله جد عندو اسم ولافيهو غلات والمشكلة وين يا الحبيب أحمد محمد عمر ما بتقدر تعمل فيهو أي حاجة لكن صاحبي بله دا طلع براءة كل الأسماء خاصة بالعمل تحياتي
Post: #34 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-08-2015, 06:42 AM Parent: #30
Quote: غايتو يا ود البوش اتفلهمته فلهمة شديدة
من تفلهم أخيرا جاب لاهلو بلا تحياتي يا علي ود اخوي وأيضا كذلك اشتياقي
Post: #38 Title: Re: هههههههههههههههه اسمك مكتوب كيف في هواتف Author: نادر النور آدم Date: 11-08-2015, 07:21 AM Parent: #34
داير ارد ليك لكن اتذكرتا نكتة الدحشة ههههههههههههههههههههههههه
Post: #45 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 07:06 AM Parent: #38
Quote: داير ارد ليك لكن اتذكرتا نكتة الدحشة
ودحيشتك قامت عليك ؟ احسن من قومان الكديسة مرحبا أبو النسب
Post: #39 Title: Re: هههههههههههههههه اسمك مكتوب كيف في هواتف Author: اسامه العريفي Date: 11-08-2015, 07:22 AM Parent: #34
Quote: عندي صاحبي اتصل علي قبل شوية لقيتو مكتوب السم الهاري ههههههههههههههههه
عليك الله عدل اسمي ده يا ود البوش
Post: #40 Title: Re: هههههههههههههههه اسمك مكتوب كيف في هواتف Author: محمد درار Date: 11-08-2015, 08:07 AM Parent: #39
بوست طاعم وخفيف الظل
Post: #48 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 07:59 AM Parent: #40
Quote: بوست طاعم وخفيف الظل
ومرورك هنا زاده طعامة وظرافة ولطافة لك الشكر والتقدير اخي محمد درار
Post: #47 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 07:37 AM Parent: #39
Quote: عليك الله عدل اسمي ده يا ود البوش
يا اخوي شوف الزول الكاتب انا لاقدرك ولا لحم سدرك . . طمنا على الوالد ياخ ..... أتمنى ان يكون في صحة وعافية
Post: #41 Title: Re: هههههههههههههههه اسمك مكتوب كيف في هواتف Author: محمد مجيدو Date: 11-08-2015, 08:11 AM Parent: #1
يا عبدالله ...
لقيت اسمك مكتوب عندي .. عبدالله ود بشوشه .. دي على وزن ود عشوشه بت قشوشه .... ههههه
Post: #42 Title: Re: هههههههههههههههه اسمك مكتوب كيف في هواتف Author: فيصل محمد خليل Date: 11-08-2015, 09:12 AM Parent: #41
انا كاتبك في تلفوني لفة كاب الجداد
Post: #53 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 10:12 PM Parent: #42
فيسل هليل يا جميل شكرا لاضافة بسمة لكن الفيك اتعرفت وناس كاب الجداد حالفين عليك
Post: #51 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 09:57 PM Parent: #41
Quote: عبدالله ود بشوشه .
دي الا تكون كتبتها اتا جديد مجيدو يا مجيدو النصيح حديدو تحية وشوق
Post: #43 Title: Re: هههههههههههههههه اسمك مكتوب كيف في هواتف Author: الطيب عباس Date: 11-08-2015, 11:16 AM Parent: #1
ههههه بوست ممتع ود البوش
انا بره منكم ههههه بس لمن اجي السعودية بشتري شريحه عندي قريب 10 شرايح اسع ههههههههههه من قبل موضوع الهوية انا بشتريا من الحدود وبتنهي بعد امرق بي كم شهر هههه
Post: #54 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 10:22 PM Parent: #43
ضحكة دائمة اخونا الطيب عباس أكيد واحدة من شرايحك مكتوب عليها كنت عابر سكة فايت ول جيت قاصد تزورنا
Post: #44 Title: Re: هههههههههههههههه اسمك مكتوب كيف في هواتف Author: Hani Arabi Mohamed Date: 11-08-2015, 11:39 AM Parent: #1
لو سجلت كل زول باسمه كامل بتريح نفسك من كلام كتير
Post: #46 Title: Re: هههههههههههههههه اسمك مكتوب كيف في هواتف Author: HAIDER ALZAIN Date: 11-10-2015, 07:34 AM Parent: #44
بالله شوف لنا شيــخ العرب ابو احمد مسجل شنو ..!!
بعدين عمر السلمة دا اساميهو ما ظهرت كلها عشان انا مسجلو سيد الكارو :) :)
وأنا اختاني لا تتصل علي لا بتصل عليك
Post: #49 Title: Re: هههههههههههههههه اسمك مكتوب كيف في هواتف Author: جلالدونا Date: 11-10-2015, 08:42 PM Parent: #46
غايتو يا بوش غندنا واحد صاحبنا مرتو .. مدامو.. دايما زعلانة منو مداهو اسم يخليك تنفقع من الضحك و فى نفس تستعيذ من الشيطان الرجيم غايتو ما بقدر اكتبو عشان نسوانكم ما يتلحوكم بيهو و تنقرو طارى بس للعلم فقط و عدم النشر .. راجع الماسنجر
Post: #50 Title: Re: هههههههههههههههه اسمك مكتوب كيف في هواتف Author: عبدالعزيز الفاضلابى Date: 11-10-2015, 09:28 PM Parent: #49
يعنى مارديت على
Post: #52 Title: Re: هههههههههههههههه اسمك مكتوب كيف في هواتف Author: عبدالعزيز الفاضلابى Date: 11-10-2015, 10:09 PM Parent: #50
أحكيها؟؟؟
Post: #58 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:15 PM Parent: #52
Quote: أحكيها؟؟؟
ما شفتا التحذيرات الفوق دي وبرضو معاند اها اصلي ما بعلم كيبوري الهوبان بتقصد ياتا ؟ حقت زولك النسى تلفونو مع الجكس ودخل الحمام وعملت رنة لقت روحها مسجلها زي بوست أبو الريش ول واحدة تانية ؟ عشان اوريك العماكة الاكتر من عماكتك الحالة جازفتها ههههههههههه اها
Post: #57 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:11 PM Parent: #49
Post: #56 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:08 PM Parent: #46
Quote: بالله شوف لنا شيــخ العرب ابو احمد مسجل شنو
شيخ العرب راكز في ركزانو كان بالقديم ول كان بالجديد راكز طااااااااااااب لكن الله لينا من منقة المناصير كان جيت تاني بلفخك طوالي ... اصلي ما بعلم كيبوردي الهوبان
Post: #55 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-10-2015, 10:26 PM Parent: #44
Quote: لو سجلت كل زول باسمه كامل بتريح نفسك من كلام كتير
وهو كذلك يا الحبيب هاني عربي ولكن منو البسمع كلامك دا ؟ تحياتي
Post: #59 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:17 PM Parent: #55
في واحد عامل فيها مدير كبير طلع سواق في داعي لكدا ؟ التكنولوجيا دي بتكشف أي حاجة بعد كدا
Post: #60 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:20 PM Parent: #59
Quote: انا اسمى مكتوب .طيب هههههههههه
جيب الرقم يا فضل الله عشان تعرفو مكتوب كيف ؟
Post: #61 Title: Re: هههههههههههههههه اسمك مكتوب كيف في هواتف Author: عبدالله ود البوش Date: 11-11-2015, 02:23 PM Parent: #60
Quote: يا شيخ العرب مره رنيت على المره وكانت ناسيه تلفونها معاى فى العربيه ظهر لى المتصل (((سعادتو))) ههههههههه لمن رجعت البيت قت ليها سعادتو دى شنو قالت لى تصدق ايام الخطوبه كنت مسجلاك (((زولى))) ؟؟؟ لكن لو استمريت بطريقتك دى حا اغير من سعادتو للعدو هههههههههههههههههههه
كل شوية اديهو رنة يا ابوبكر بعد سعادتو دي انا قايل المعاش الاجباري هههههههه
Post: #62 Title: Re: هههههههههههههههه اسمك مكتوب كيف في هواتف Author: اسامه العريفي Date: 11-29-2015, 02:09 PM Parent: #61
Quote: على الليمان والرحمن البارح القريبة دي قوقل خلاني الف حلة الدار البيضاء زقاق زقاق في الفاضيعلى بعد مية متر اتجه يسار ثم اتجه يمينيساريمينلمن بطارتي كملت وبقيت اغني يا حليل موسى اللرجال خوسة
