الزهرة الجديدة

الزهرة الجديدة


07-11-2015, 04:34 AM


  » http://sudaneseonline.com/cgi-bin/sdb/2bb.cgi?seq=msg&board=480&msg=1446870853&rn=0


Post: #1
Title: الزهرة الجديدة
Author: أبوبكر عباس
Date: 07-11-2015, 04:34 AM

04:34 AM Nov, 07 2015
سودانيز اون لاين
أبوبكر عباس-الإمارات
مكتبتى

الما مشى أديس أو لم تحدثه نفسه بالذهاب لأديس؛ فلينتحر.
كيف زول عايش في الدنيا دي وما يكون شاف الزهرة الجديدة؟!

لحدي نهاية الأسبوع دا، لو دينا خالد ما رجعت المنتدى؛ بستقيل من المنبر.

Post: #2
Title: Re: الزهرة الجديدة
Author: أبوبكر عباس
Date: 07-11-2015, 04:53 AM
Parent: #1

أكيد أكيد الناس ديل جابوا القيافة واللطافة والنضافة ديل من الجو.

السودانيين برضو لو لا السخانة كانوا بكونوا ناس لطاف، لكن بس السخانة!

Post: #3
Title: Re: الزهرة الجديدة
Author: معاوية الزبير
Date: 07-11-2015, 06:46 AM
Parent: #2

مرحب دكتور أبوبكر عباس
حمدا لله على سلامة الوصول
Quote: لحدي نهاية الأسبوع دا، لو دينا خالد ما رجعت المنتدى؛ بستقيل من المنبر.
هل للأستاذة دينا خالد علاقة بموضوع الزهرة الجديدة
أم أن الجملة كانت مركونة في مكان ما وسقطت هنا بالصدفة؟

Post: #4
Title: Re: الزهرة الجديدة
Author: أبوبكر عباس
Date: 07-11-2015, 06:49 AM
Parent: #2

القمر من الهضبة:
حكت لنا تيتا مرشدة رحلة السفاري لأعلى نقطة بالهضبة:
أثيوبيا هي روح أفريقيا الجميلة وأديس عاصمتها الجديدة
اليوم هو عيد الكرواجوت التاسع عشر من الشهر القمري والذي يقع في شهر أكتوبر من كل سنة.
الكرواجوت عيد هندي تقول الأسطورة أن إله الجمال خطف أميرة هندية وأحتجزها في هذه النقطة.
أحس جد الأمهرا بأن القمر في يوم بدره حزينا، وصل لأعلى الهضبة بعد أربعة أيام (جوت تعني أربعة)

برجع أتم القصة دي

Post: #5
Title: Re: الزهرة الجديدة
Author: أبوبكر عباس
Date: 07-11-2015, 06:53 AM
Parent: #4

القصة كلها يا معاوية، مربوطة بالجميليين
زي الداير أقول: بمناسبة روعة الهضبة وحلاوة ناسا؛ دينا وين يا أخوانا؟
وكدا
إتّا بس ما تتحسس، إتّا برضو جميل، بس بطريقة تانية

Post: #6
Title: Re: الزهرة الجديدة
Author: أبوبكر عباس
Date: 07-11-2015, 07:08 AM
Parent: #5

وهي بتحكي لينا في القصة جاتني لحظة وسن
وسن دي يا منتصر، ما بتاع مكة داك الاكلو عمر بن الخطاب؟؟
داك بالثاء
لحظة الوسن دي الغنا ليها وردي يا كيشة:
لو لحظة من وسن تحمل عني الحزن، وبدل تيتا تتم لي القصة، أشوف الأميرة الهندية تسللت لغباشة نعستي ديك ومسكت الحكي من تيتا وقالت:
جدكم بعد طلع هنا يوم تسعتاشر، مسح دموع القمر بأطراف بنان أصابعو

Post: #7
Title: Re: الزهرة الجديدة
Author: أبوبكر عباس
Date: 07-11-2015, 09:43 AM
Parent: #6

جدّكم بعد طلع هنا يوم تسعتاشر، مسح دموع القمر بأطراف بنانو
فخرجت حُرّة من القمر، وتشابكت أصابعنا فصارت مُخضبة، ونظرنا من رقراق أصابعنا المتشابكة للقمر فبدأ لنا بدرا كاملا.

صار هذا اليوم عيدا للأزواج المحبين، وفي هذا اليوم من كل عام تقوم الزوجة بالحنا والصيام من الصباح لحدي خروج القمر، وتقوم بالنظر للقمر من خلال غربال دايري يشبه طار المداحين، وبعده تحول بصرها عبر الغربال لزوجها الذي يقوم بإطعامها بيده الفواكة والنبيذ الأحمر

هذه هي سلالة الأمهرا، خليط بين القمر، والهند والإله وجد أفريقي

Post: #8
Title: Re: الزهرة الجديدة
Author: Kabar
Date: 07-11-2015, 11:15 AM
Parent: #7

ايواتا ليك..

غريبة يا صاحب ، شعب امسودان لا يعرف افبتسامة الحقيقية نوهائي..ولو لاقتك ابتسامة يعول عليها فقول لينا عووك..




وكما قال الحكيم ،عليه السلام ، فهو يرمي الحكمة بعد كل سفة تمباك يرميها على الأرض..عشان كده حكموا بتكون خالدة شديد..

فقد قال:
شنو كده ما عارف ،
والحلة بصل

فشنو..نحن ناس الإبتسامة ، وانتا كن داير اتفرج في الفيديو كويس وامسك في حكاية (شنو كده ما عارف )بتاعة الحكيم داك..!!

يااخي ما ممكن كلو كلو يا ابوبكر..يعني الواح\ لمن يموت ما يباري رمال الساحل ويغرق رجليهوفي موجة هاربة؟..ده كج شنو يا عالم؟..

التحية للزهرة الجديد..وبرضك التحية لدينا خالد..!!

كبر

Post: #9
Title: Re: الزهرة الجديدة
Author: Faisal Saad
Date: 07-11-2015, 05:03 PM
Parent: #8

ايامك ايام شفافية و تنوير،، طبعا على نفس خطى صديقك العلى خفيف
معاوية كنت داير اقول ليك انت دينا خالد شفتها وين جميلة و لا لا، لكن
غيرت راييي و قلت احسن أقول ليك انت مالك مع احمد سليمان الله
يرحمو؟؟ و اطمنك انه الاجواء بى هنا برضو اعتدلت و رشحت،
مع وافر الود و الاعزاز لك و للجميع هاهنا..

Post: #10
Title: Re: الزهرة الجديدة
Author: mustafa mudathir
Date: 08-11-2015, 00:10 AM
Parent: #9



يا سلام يا أبوبكر ياخ! والله هنيالك يا زول! عب بالكأس كبير من معين
الابتسام واللطف الخلْقي، وماك ح تشبع. أنا أديس دي شفتها من الطيارة
وتأكدت أن البيوت تحتي كلها بيوت حبش، حسب النقطة العميقة الدلالة.
وبعدين ياخي جبت لينا كبر بوش لطيف ومبتسم ومشرق بعيداً عن جهامة
التعاطي السياسي، فشكراً يا كبر على الفيديو الأنيق وبالمناسبة ود القوصي
دا أنا بحبه جداً. إسمه جاكي قوصي، ههههه!
بوست أب ليفتينج بجد!


Post: #11
Title: Re: الزهرة الجديدة
Author: معاوية المدير
Date: 08-11-2015, 00:33 AM
Parent: #10

أُستاذنا مصطفى مدثر،

يا اخي بركة ليك الشوفة البعيدة النظر والمُشبِعة في آن .
بعدينك نحن زمان كلمناك قلنالك الزول دا انظر ليهو من
خِلآل رقراق حروفو ضربت بنضمينا عُرض الحيطة ...

Post: #13
Title: Re: الزهرة الجديدة
Author: أبوبكر عباس
Date: 08-11-2015, 01:19 AM
Parent: #11

يا كبر، يا أخي، قصة إبتسامة الناس ديل واريحتم مُحيّرة!
الله دا يوم وزع الحلاوة والجمال شال حقت شرق أفريقيا دي كلها في بقجة ورماها هناك
وخلانا ميطي ساكت نسف ونرسل في الحكم
هسع عليك الله، عاين لشنات الناس (شنات طبع) في سودانيزلاين ديل! لو بكري دا رسل ليهو كل شهر اتنين لهناك، هل بحتاج يوقف ليهو زول؟!
أقترح عليهو الشهر الجاي يرسل صديق الغالي وأبو الحسين والشهر البعدو ود البشرى وابو روضة.
تذاكر السفر علي أنا
والفندق الفيهو المنتجع و الفنانات والمطاعم و ستات القهوة بوصفو ليكم

Post: #12
Title: Re: الزهرة الجديدة
Author: محمد على طه الملك
Date: 08-11-2015, 00:58 AM
Parent: #10

أنا ما شفقان عليك يا ( مسكين)..
شوف المدردحين صلحو ليك مزاج البوست كيف؟
بس قول لأب قطرة المعاك ما تقهي كتير ..
باقي عروب الجزيرة ديل الهضاب دي بتتعبم ؤ كدا..
أول مرة يلفق معاي بروفايل مصطفى .

Post: #14
Title: Re: الزهرة الجديدة
Author: mustafa mudathir
Date: 08-11-2015, 01:27 AM
Parent: #12



Quote: أول مرة يلفق معاي بروفايل مصطفى .

يخربني كان فهمت العبارة دي، لكن هو دا ذاتو ما بوست فهم. دا بوست
تأمل في أن الله ع و ج جاب لينا الحبش ديل من الجنة وختاهم لينا جيران
وبرضو ما هدّوا فينا. حقو نطراهم في أي ملف عشان أيامنا تتخضر والكآبة
ال فينا دي تمشي كدا ولا كدا!
سلامات يا ود المدير، انتو كان بتسوو بوستات زي دي مرة في الاسبوع
الواحد نفسو بتتفتح، الله يفتحها عليكم.


Post: #15
Title: Re: الزهرة الجديدة
Author: معاوية الزبير
Date: 08-11-2015, 01:30 AM
Parent: #12

ماذا تفعل السياسة بالناس الجميلين يا رب؟
شوف كبر وأبكر في اليومين الفاتو ديل هايجين كيف
وشوفهم هسي تقول ادوهم حقنة حلم
إنتو قايلين م مدثر وأ الخواض ما بعرفوا سياسة يعني؟
شكرا يا بكور ويا كبر على هذا الجمال

يا ود المدير خليك مطمئن مصطفى نااااظر لي المستنير بتلك النظرة
لكن شايل ليهو العصاية عشان ما يفلّت ساكت
وانت زاتك لو صحي داير تحترف ما بتبقى بلا عصا مدثر

فيصل سعد ياخ اكتب حتى نراك

Post: #16
Title: Re: الزهرة الجديدة
Author: معاوية الزبير
Date: 08-11-2015, 01:40 AM
Parent: #15

مولانا الملك يكون قاصد الابتسامات يا م. م.

Post: #17
Title: Re: الزهرة الجديدة
Author: محمد على طه الملك
Date: 08-11-2015, 03:07 AM
Parent: #16

الحمد لله أو فسرا ود الزبير ..
وقبالو براااك فسرتها يا يا مصطفى لما كتبت :
Quote: الواحد نفسو بتتفتح،
..
التحية لكم أجمعين وعلى الأرض المحبة .

Post: #18
Title: Re: الزهرة الجديدة
Author: أبوبكر عباس
Date: 08-11-2015, 04:16 AM
Parent: #17

أول يوم نزلت من الغرفة وبعد الفطور مشيت أشرب القهوة في بهو الفندق، أشوف ليك أميرة حولها بنابر وتحمص في البن بالطريقة التقليدية.
طوالي مشيت عليهم وسلمت عليهم بالصف وإنتهيت عندها وعرفت نفسي زي السودانيين في بلاد الخواجات:
أبوبكر عباس من السودان
الساعة الأشوف ليك البت وقفت علي حيلها وشهقت شهقة طويلة وقالت: بتاع استاربكس؟!
قلت ليهو بتعرفي تقري عربي؟
- الساعة التانية التقلدني فيها وتقول: تمنتاشر سنة في الجريف غرب، ووحات الله، يا بكور يوم قر يت استاربكس دموعي سالن والمنام أبى ليّا
قلت بسري: كان كدا بكاء سلمى الشيخ ما بقى في خطورة شديدة
قلت ليها: أوكي خليني أتصور جنبك، لأنو الناس ديل لو مشيت حكيت ليهم الكلام دا أبداً ما بصدقو
قالت لي: ونحن نطول يا فردة.

الصورة في المداخلة الجايّة:

Post: #19
Title: Re: الزهرة الجديدة
Author: muntasir
Date: 08-11-2015, 04:20 AM
Parent: #17

خسارة الوسن والزهرة الجديدة في رأسك ده لا بتسجر لا بتسف لا بتسكر وتكون سايق الاولاد معاك كان تمش مارنجان ولا بزار وبس وهسي البوست ده عن اديس ولا اعلان خرج ولم يعد

Post: #20
Title: Re: الزهرة الجديدة
Author: Haytham Ghaly
Date: 08-11-2015, 04:49 AM
Parent: #19

Quote: قلت ليها: أوكي خليني أتصور جنبك، لأنو الناس ديل لو مشيت حكيت ليهم الكلام دا أبداً ما بصدقو



والصورة حا تثبت كيف انها قرت استار بوكس


بصراحة الحبش ديل فعلاً محيرين جداً

برغم كل الفقر الذي يعانيه هذا الشعب الا انهم دائماً مبتسمين وسعداء ويحبون الحياة

يرقصون على أي لحن يقع على مسامعهم ويعبرون عن انفسهم بكل تلقائية

ياخ والله حلوين حلا لمممن بهناك



والله اني احبهم حباً......











في الله طبعاً

Post: #21
Title: Re: الزهرة الجديدة
Author: معاوية الزبير
Date: 08-11-2015, 04:51 AM
Parent: #19

أولاد شنو المعاهو، قاليك يسلم في البهو بالصف.
غايتو صدق من قال يدي الحلق للمستنير
بدل ما يدخل على حصة المحفوظات والأحياء عملها لينا تاريخ وجغرافيا

Post: #22
Title: Re: الزهرة الجديدة
Author: Kabar
Date: 08-11-2015, 06:57 AM
Parent: #21

صديقنا واستاذنا مصطفي مدثر..حبابك
كتر خيرك ياصديقي ، وزي ما قال مصطفى مضوي (الدنيا ما بتدي الحريف ، يغرق البيعرف يعوم ،يرسب الحاضن الكتاب ، وينجح الطول السنة قضاها نوم..)..
فكرتنا يا صديقي ، انو الفيديو رسالة متكاملة ..اهم ما فيها ان بتنقل التفاصيل العادية لحد الأسطرة..وفي دي افارقة كتار نجحوا ..وبالطبع من ضمنهم اهلنا ناس الزهرة الجديدة الله يطراهم بالخير محل ما قبلوا..!
كتر خيرك..وح نضيف فيديو تاني.. طبعا الذ مافي بوستات ابكر الطويل (برواية قمر عليها وعلينا السلام)..انو العفش داخل البوست طوالي على مسئولية صاحبه..

Post: #23
Title: Re: الزهرة الجديدة
Author: Kabar
Date: 08-11-2015, 06:58 AM
Parent: #22

ول ابا معاوية الزبير..حبابك يا صديقي..
ياخي معاوية المدير (جاحظ زمانو) جابها من الأخر بوصف لمن كيفني في حناني ذاتو..فان كان الجاحظ كتب (الحيوان) فمعاوية المدير اكتر مجدد في الناحية دي..وعندو بوست قال ليك الناس ديل زي الخرتيت..واجاد الوصف بصورة مبهرة للغاية..!
هي طبايع النفس البشرية يا صديقي..مرة فوق ومرة تحت....ولكن..!
حكاية الإبتسامة دي واجعاني شديد.. فشعوب امسودان متجهمة بصورة اسكت ساكت خليها..و الصورة زمان الواحد ما كان شغال بيها كتير..لكني مرة كنت بقرا في رواية واسيني الأعرج (نوار اللوز).. ولاحظت حاجة عجيبة أنو الجزائرين لمن يضحك كتير ..الواحد فيهم طوالي بيستغفر الله كأنما الضحك المعافى اثم او خطيئة..!
الشغلانة دي برضك لاحظتها في امسودان..الناس بتفتكر الضحك الحر المعافى..خطيئة ومنقصة وعيب ذاتو..شفتا نحن معقدين قدر شنو؟..
الكلام عندو ارتباط بحكاية الزهرة الجديدة.. لأنو فكرة الإبتسامة مرقت ابكر الطويل من علبو وقعد يساءل الرب في طريقة خلق للعالم..ودي بركات اميركا..لأنو بتعلمك تمرق من الصناديق الوهمية وتسأل وتسأل..لمن تصل لإيمان عن قناعة..!

Post: #24
Title: Re: الزهرة الجديدة
Author: Kabar
Date: 08-11-2015, 07:08 AM
Parent: #23

منتصر..حبابك يا صديق
كتر خيرك ، ياخي رجعتني لزمن جميل ومعافي وطيب..
ايام كان اخونا الفنان ربيع طه بيقول:

الرضية ،
الرضية بتسف وبتسجر ،
وبتسب الدين وبتسدر..


ومن عجب الناس كانت بتضحك على المفارقة الذكية..من غير طبطبة وعقد..!
المهم..
كبر

Post: #25
Title: Re: الزهرة الجديدة
Author: Kabar
Date: 08-11-2015, 07:11 AM
Parent: #24

يازول هوي احتجاجك عن الرب نحن ما فيهومعاك..لأنو الواحد خايف ينسخت ويبقى همر ساكت..!

بس يا صديقي لو عاينت شوية..وارجعت البصر كرتين..ح تلاقى ناس كتار سمحين..لو عاينت لمالي والنيجر..خصوصا مجتمعات الطوارق..تقول للزهرة الجديدة زحي ورا..

المهم..الوكت واكت يا قريبي..وكنت ح احكي ليك حكاية باتريشا (فاطنة)..ودي زولة اظرط من ضحا يااااااااااخ.. لكن وكتين الحبشية اتذكرت استاربكس وما اتذكرت ضحا..فشنو..نحن ذاتنا مقاطعين..اكتبني رافض ياااااخ..

هنا بت ابا صليحة سامي..الفيديو ده بيحسم كل حاجاتي الماقادر احكيها.. فيهو تصالح عجيب..بقارة..ابالة.. جبال..قطاطي..المشاط..مسواك الصبيان..نعال الشبط الشايعة في غرب امسودان..المقوقاة (حمل الطفل على الضهر)..الرقص..المصارعة..ربطة التوب حول الخصر (كما يحدث في رقصة النقارة)..وفوق لديل كولهم..فوق ليهم كولهم..شاعرية مسحة الودك..في دينك يا ابوبكر حصل يوم جاك احساس انو طريقة مسح الودك ممكن تكون بكل هذه الطقوسية والحميمية والشاعرية؟..ياخي الله يقطع طارينا نحن وكتين بنعاين للحاجات بالصورة دي..!

ديل اهل سيدنا بلال بن رباح (عليك الله مشيها يا ابكر وما تشبكنا جنكم ترجعوا الناس لقبائلهم ناس الزغاوي الذي احببت وشنوكده ما عارف..!!)..




لك وللأصدقاء هنا..لغاية ما نرجع..ونحن اكتر اشراقا..اشراقا اظرط من بتاع سيدنا السهروردي..السهروردي المكتول..!

سلام قولا من رب رحيم..!
كبر

Post: #26
Title: Re: الزهرة الجديدة
Author: اخلاص عبدالرحمن المشرف
Date: 08-11-2015, 07:12 AM
Parent: #23

بوست مريح
شكرآ

Post: #27
Title: Re: الزهرة الجديدة
Author: أبوبكر عباس
Date: 08-11-2015, 08:42 AM
Parent: #26

يا فيصل سعد، كيف يعني دينا ما شفتها؟!
إتّا قايلني أنا زي "المساكين" ديل بدسوا مني!
لاقيتها في مول الإمارات وعزمتها في استاربكس
وقلت ليها ما في داعي لصورة الهندية
إبتسمت وقالت لي: تواضع وكدا
وحتى بالإمارة أبت تشرب الفرابشينو وطلبت شاي سادة
وإتونسنا وما خلينا زول في المنبر ما قطعنا فوقو

Post: #28
Title: Re: الزهرة الجديدة
Author: محمد البشرى الخضر
Date: 08-11-2015, 09:06 AM
Parent: #27


Post: #35
Title: Re: الزهرة الجديدة
Author: almulaomar
Date: 09-11-2015, 07:16 AM
Parent: #6

أبوبكر
تحياتي
يا أخوي عمر بن الخطاب ضي الله عنه دا أمير المؤمنين وخليفة رسول الله ومن العشرة المبشرين بالجنة كمان قولو كدا ساكت عمر إنت قايلو عمر الجزلي ولا عمر بخيت
متابعين

Post: #29
Title: Re: الزهرة الجديدة
Author: Hani Arabi Mohamed
Date: 08-11-2015, 10:32 AM
Parent: #1

يا سلام عليك يا سلام

Post: #30
Title: Re: الزهرة الجديدة
Author: أبوبكر عباس
Date: 08-11-2015, 01:54 PM
Parent: #29

كونو مصطفى يجي داخل البوست من غير "عطايتو" معناتو دا بوست خطير.
أكتر شيء بدهشك في أثيوبيا فعلا يا مصطفى، هي لطافة الناس ثم الجو
غرف الفندق لا فيها مكيفات لا مراوح، يعني أثيوبيا دي هي كلفورنيا بتاعة أفريقيا.

لكن كمان برضو خارج أديس هناك عالم مختلف.
مع الحدود الصومالية الجيبوتية عندهم أقليم اسمو صومال، سكانو كلهم صوماليين
الأقليم دا أصبح منقذ لكثير من الصوماليين بعد الإنهيار وشهد هجرة كبيرة للصوماليين وإبلهم
عاصمتو اسمها جي جيقا وبها مطار أسمح من مطار الخرطوم وأهم حاجة فيها مصنعين بتاعة حليب إبل

<082.JPG Hosting at Sudaneseonline.com

Post: #31
Title: Re: الزهرة الجديدة
Author: اخلاص عبدالرحمن المشرف
Date: 08-11-2015, 02:18 PM
Parent: #30

نبيل الله يهديك
وبعدين ما شايف الوجه الضاحك ومدردق بعدنا
بنختبر قدرتكم علي الرأي والراي الاخر وقبول المختلف

Post: #32
Title: Re: الزهرة الجديدة
Author: أبوبكر عباس
Date: 09-11-2015, 02:41 AM
Parent: #31

في رحلتي الثانية بالعربية لمناطق الأرومو والعفر لاحظت العمل الدووب في خط السكة حديد بين جيبوتي واديس والمدهش بالنسبة لي أن يكون الخط كهربائي و لا يقل عن المواصفات الأوربية!

167.JPG Hosting at Sudaneseonline.com

فظي وظي من العفر أو الأرومو لا أدري! منطقة أواش مكان الصورة حدودية بين العفر والأرومو، ومعرفتي بسحنات الأثيوبيين ضعيفة

140.JPG Hosting at Sudaneseonline.com

Post: #33
Title: Re: الزهرة الجديدة
Author: mustafa mudathir
Date: 09-11-2015, 03:52 AM
Parent: #32



فظي وظي قال!
لا أنحنا دايرين صورة ناس ستاربكس!
استاركبس قال!
لا أنحنا لو ختيت لينا فيديو ساكت كفاية.
فيديو ساكت قال!
والله أنحنا كان قامت علينا الحالة الحبشية!
الحالة الحبشية قال!
كضاب!


Post: #34
Title: Re: الزهرة الجديدة
Author: أبوبكر عباس
Date: 09-11-2015, 05:11 AM
Parent: #33

الصورة جايّة يا مصطفى

Post: #36
Title: Re: الزهرة الجديدة
Author: أبوبكر عباس
Date: 10-11-2015, 03:43 AM
Parent: #34

تراتيب القهوة بالمطعم السوداني، أصحاب المطعم عبد الله ومصعب يقدمون مساعدات جليلة للسودانيين القادمين لأديس وهم بمثابة دليل تجاري سياحي مجاني للزوار
البت البتسوي القهوة بالمطعم رفضت نشر صورتها، لكن بتاعة الفندق وافقت.

المطعم السوداني بأديس:
Addis15335.JPG Hosting at Sudaneseonline.com

Post: #37
Title: Re: الزهرة الجديدة
Author: أبوبكر عباس
Date: 10-11-2015, 05:14 AM
Parent: #36

الصورة الأشهر لطقس القهوة بأديس:
الناس ديل بحترموا القهوة إحترام شديد والبنات ملتزمات بالزي وكامل الطقوس من طريقة رص الفناجين للبخور لرص البنابر، والخلفية دي.

starbucks1.jpg Hosting at Sudaneseonline.com

Post: #38
Title: Re: الزهرة الجديدة
Author: أبوبكر عباس
Date: 10-11-2015, 05:42 AM
Parent: #37

Quote: يا أخوي عمر بن الخطاب ضي الله عنه دا أمير المؤمنين وخليفة رسول الله ومن العشرة المبشرين بالجنة كمان قولو كدا ساكت عمر إنت قايلو عمر الجزلي ولا عمر بخيت

يا ملا
أنا كنت بتكلم عنو لمان كان كافر وأكل الإله
لكن بعد الإسلام لازم علينا نقول ليهو:
سيدنا عمر رضي الله عنه

Post: #39
Title: Re: الزهرة الجديدة
Author: almulaomar
Date: 10-11-2015, 08:28 AM
Parent: #38

تسلم يا أبوبكر منطق تبريري رائع لكن الإسلام يجب ما قبله وحتى لا أخرج بالموضوع من مضمونه أخوك الملا زاتو زول يعشق الزهرة الجديدة عشقا كبيرا وأعرف عن أثيوبيا ما لا يعرفه الأحباش عنها فأنا كثير الزيارات لتلك البقاع ، وبكل ما في أديس أبابا من تميز وجمال وروعة أجواء إلا أنها ما عادت تستهويني فقد أصبحت المدينة صاخبة ومزدحمة وسريعة الحركة. عدا عن أنني أحفظها عن ظهر قلب فربما أكون من القلائل الذين يمكنهم الوصول من مطار بولي إلى فندق سورامبا في شارع بلاي زلكا بالقرب من جورجس بي 2 بر وبحافلة صغيرة على سبيل المثال أنزل في بياسا وأمر بالقرب من كنيسية القديس جورجيس ومنها مباشرة إلى الفندق.
أنصح كل من ينوي الذهاب إلى الحبشة أن يضع ضمن برنامجه زيارة لمكان خارج أديس أبابا وحبذا لو كانت وسيلته في ذلك السفر براً بالبص فهناك sky bus وselam bus وكلاهما بصات سياحية تصل إلى معظم مناطق وأقاليم أثيوبيا.
آخر رحلاتي زرت خلالها منطقة تسمى Arba Minch وتعني الأربعين ينبوعاً وهي مصادر مياه نابعه من الأرض وعددها أربعين نباعاً.

Post: #40
Title: Re: الزهرة الجديدة
Author: أبوبكر عباس
Date: 12-11-2015, 06:50 AM
Parent: #39

Quote: واحد فيهم فات الخمسة واربعين وبس مايشوف ليه حبشية _ انشاء الله يبقي قرد حبشي
ن ب فيسبوك

محمية أواش الطبيعية تبعد عن أديس 250 كلم وهي من المقاصد السياحية، تكاثرت بها الحيوانات الوحشية بصورة كبيرة.
القرود أصبحت تقريبا أليفة وهي في تواصل مع السياح علي جوانب طريق الأسفلت، إلتقطت عدة صور لها، شجعتني مداخلة "نبيل من الفيسبوك" الباعيرنا فوقها بكبر سننا وإحتفائنا بالحياة؛ أنزل واحدة من الصور كهدية له
الصورة:
monkey.jpg Hosting at Sudaneseonline.com

Post: #41
Title: Re: الزهرة الجديدة
Author: أبوبكر عباس
Date: 12-11-2015, 07:58 AM
Parent: #40

المستنير وعلاقته الغرامية مع القهوة:

Addis15202.JPG Hosting at Sudaneseonline.com

Post: #42
Title: Re: الزهرة الجديدة
Author: أبوبكر عباس
Date: 12-11-2015, 08:09 AM
Parent: #41

وردة عند مدخل المطعم السوداني بأديس:

Addis15329.JPG Hosting at Sudaneseonline.com

Post: #43
Title: Re: الزهرة الجديدة
Author: Deng
Date: 12-11-2015, 08:14 AM
Parent: #41

الأخ أبوبكر عباس.

سلام.

أنا كنت في أثيوبيا قبل شهر، رحلة عمل. وقضيت فيها أسبوعين جميلين. زرت خلالهم نازريت، منتجعات أواسي وشاشاماني مدينة الجماكيين.

أثيوبيا فعلا بلد جميلة وشعبها أجمل. الشعب الأثيوبي شعب مضياف جدا ويحترمون الأجانب، ولهم معزة خاصة للسودانيين.

الجو في أثيوبيا أكثر من رأئع، أنا كنت قادم من الخليخ حيث درجة الحرارة والرطوبة العالية، وعندما وصلت أديس، كأني وصلت الى عالم أخر.

ملاحظتي على الأثيوبيون عموما، يحبون المشي لمسافات طويلة، من الصعب أن تجدهم يتشاجرون وواضح جدا أن مزاجهم رايق رغم نسبة الفقر العالية، ورغم

كثافة السودان العالية.

Post: #44
Title: Re: الزهرة الجديدة
Author: أبوبكر عباس
Date: 12-11-2015, 08:30 AM
Parent: #43

Quote: والصورة حا تثبت كيف انها قرت استار بوكس

ح تثبت يا هيثم ولمان أنزل الصورة في آخر البوست
إتّا أول زول بقول لي: كلامك صاح يا بكور

Post: #45
Title: Re: الزهرة الجديدة
Author: muntasir
Date: 12-11-2015, 08:31 AM
Parent: #41

ﺍﻟﻤﻌﺎﻃﻒ ﺍﺟﻨﺒﻴﺔ
ﺍﻟﻌﻮﺍﻃﻒ ﺍﺟﻨﺒﻴﺔ
ﺍﻟﺠﻼﻟﻴﺐ ﺍﺟﻨﺒﻴﺔ
ﺍﻟﺪﻭﻻﻳﺐ ﺍﺟﻨﺒﻴﺔ
ﺍﻟﺪﻫﺎﻟﻴﺰ ﺍﺟﻨﺒﻴﺔ
ﺍﻟﺴﺮﺍﻳﺮ ﺍﺟﻨﺒﻴﺔ
ﺍﻟﻤﺴﺎﻳﺮ ﺍﺟﻨﺒﻴﺔ
ﺻﺒﺔ ﺍﻟﻜﺂﺱ ﺍﺟﻨﺒﻴﺔ
ﺧﺘﺖ ﺍﻟﺮﺍﺱ ﺍﺟﻨﺒﻴﺔ
ﺭﺷﺔ ﺍﻟﺪﻟﻜﺔ ﺍﺟﻨﺒﻴﺔ
ﺭﻋﺸﺔ ﺍﻟﻔﺮﻛﺔ ﺍﺟﻨﺒﻴﺔ
ﻃﻔﻴﺔ ﺍﻟﻨﻮﺭ ﺍﺟﻨﺒﻴﺔ
ﻭﺍﻟﺨﻮﺍﺯﻳﻖ

مستيرة

Post: #46
Title: Re: الزهرة الجديدة
Author: محمد الكامل عبد الحليم
Date: 12-11-2015, 05:35 PM
Parent: #45

عندما تحمل النسائم الخريفية الابتسامة....ترتفع من مستوي الخطوات اللافتة....تستدير في مكان ما علي الصدر....تتفجر بعذوبة الضحكة الهامسة....تعلم عندئذ انك في الزهرة الجديدة قيد الحبس الارادي عند ومنذ حافة تواريخ اكسوم...



الماز منو داني...

Post: #47
Title: Re: الزهرة الجديدة
Author: محمد الكامل عبد الحليم
Date: 12-11-2015, 05:45 PM
Parent: #46

هم افصحوا عن الحب فتصالحوا مع انفسهم ونحن نستعذب نيران الجوي ونغني يا قلبي المكتول كمد...

Post: #48
Title: Re: الزهرة الجديدة
Author: أبوبكر عباس
Date: 13-11-2015, 07:42 AM
Parent: #47

سلام يا دينق،
بأثيوبيا عدد كبير من جنوبي السودان، إلتقيت في الأيام القلايل دي بعدد منهم بالمطعم السوداني، بعدين لاحظت ودّهم لي أكتر كتير من ود الجنوبيين البعرفو زمان!
ما عارف هدّوا فوقم الحبش ولّ زمان الواحد كان بتعامل معاهم بحذر!
زي ما قلت الناس ديل فعلا شالوا بقجة اللطافة بتاعة شرق أفريقيا كلها
المستغرب ليهو: ليش اللطافة دي ما إدردقت مع المويه للسودان؟!

Post: #49
Title: Re: الزهرة الجديدة
Author: أبوبكر عباس
Date: 13-11-2015, 07:51 AM
Parent: #48

Quote: هم افصحوا عن الحب فتصالحوا مع انفسهم ونحن نستعذب نيران الجوي ونغني يا قلبي المكتول كمد...

إتّا من وين يا ولد؟
والعجب يا كامل، لو حاولت تفصح عن بعض الجمال، تلقى الجميع شايلين عكازيزم واحدين بجوا يضربوا وبعدين بسألوا عن السبب.
يا أخي، صورتي المع الحبشية المعجبة، شايلها ومزازي بيها حول البوست وكل مرّة أقرب أرسلها بكليك، لكن أتخيل صوت العكاز في راسي وأتذكر رئيس تحرير جريدة الوطن!

Post: #50
Title: Re: الزهرة الجديدة
Author: محمد على طه الملك
Date: 13-11-2015, 07:42 PM
Parent: #49

يعني نقعد نتخيل القاعدة في البنبر الفاضي جنبك ولّ كيف؟

Post: #51
Title: Re: الزهرة الجديدة
Author: محمد الكامل عبد الحليم
Date: 13-11-2015, 09:04 PM
Parent: #50

يا استاذ محمد علي ........لعلها هي التي التقطت الصورة تخليدا للحظات طاب فيها المقام في ( البونابيت) ثمرا سودانيا يانعا يضع بذرة الحب عيشا تلتقطه عصافير الهضبة غناءا صادحا...



شن قولك....

Post: #52
Title: Re: الزهرة الجديدة
Author: محمد على طه الملك
Date: 13-11-2015, 09:16 PM
Parent: #51

هههه..
يا مولانا محمد الكامل ..
أبوبكر من قروب بعاين بعيوني أسألني منو..
حدو البنيبر دا.

Post: #53
Title: Re: الزهرة الجديدة
Author: muntasir
Date: 13-11-2015, 10:22 PM
Parent: #52

يا ملك بس بعاين بي عيونو وحاتو هو صاحبك ده متزندق شناة طبع بس لا سكر لا سهر لا ملك يمين ياخ ما يتحجب ويريحنا

Post: #54
Title: Re: الزهرة الجديدة
Author: محمد على طه الملك
Date: 14-11-2015, 01:17 AM
Parent: #53

المشكلة يا منتصر ناس السفلي أقصد السلفي ما قادرين يفصلو بين ابوبكر همسلف وابوبكر الراوي والأديب المستنير..
يخلو يجي يجنن فوقنا زي ما شايف فوق.

Post: #55
Title: Re: الزهرة الجديدة
Author: محمد الكامل عبد الحليم
Date: 14-11-2015, 05:10 AM
Parent: #54

تحية مولانا محمد علي والمتداخلين...


يكفيه التأمل في فراشات الهضبة والمبللة برحيق أكسوم وتاريخها العاصف بالسماحة والشدو دوما بغناوي التذكار...براحات البونابيت تكفيه وتشجيه وتمطر علي خاطره كل موجبات استدعاء الجمال من النفس(في انطلاقها المحمود)


لك وله عطر السماحة اينما كانت..

Post: #56
Title: Re: الزهرة الجديدة
Author: أبوبكر عباس
Date: 14-11-2015, 05:20 AM
Parent: #55

Quote: يعني نقعد نتخيل القاعدة في البنبر الفاضي جنبك ولّ كيف؟


يا مولانا الملك،
ممكن تتخيلها، لكن البنابر ما كانن قراب جنب بعض كدا كما يبدو في صورة المستنير الراوي القاص مع البُنّة والبنبر الخالي، كان في عازل كهربائي بتاع 60 سنت كدا

Post: #57
Title: Re: الزهرة الجديدة
Author: محمد على طه الملك
Date: 14-11-2015, 04:58 PM
Parent: #56

Quote: ، كان في عازل كهربائي بتاع 60 سنت كدا

نحن ناس دقيقين يا أبوبكر ..
ال60 دي بين البنير والبنبر والّ الرؤوس ؟
ولّ أقول ليك بلاش خليها علينا.

Post: #58
Title: Re: الزهرة الجديدة
Author: أبوبكر عباس
Date: 14-11-2015, 05:20 PM
Parent: #57

هو برضو يا ملك، محمد الكامل طلع مولانا؟!
من زمان عارف المولانات ديل خطرين، الواحد فيهم يمسح ليك شويّة على اللحيه ويقول ليك: ما شاء الله ما شاء الله
تبارك الله تبارك الله

Post: #59
Title: Re: الزهرة الجديدة
Author: محمد الكامل عبد الحليم
Date: 15-11-2015, 03:24 AM
Parent: #58

تحية عطرية صندلية...


يا اخانا (ابوبكر) نحن من طائفة(حاسر الراس عند كل جمال ...مستشف من كل شيئ جمالا).....تهزمنا الضحكة الملائكية ونبترد من حياض سلام النفس والخاطر....تتوسع حواف رؤيانا وتنطلق ارواحنا من عقالها حين تطل من احداهن الابتسامة نستعيذ عندئذ بالله صانع الحسن شاكرين حامدين...طالبين بالمزيد... ولكن (حبة ....حبة..)

Post: #60
Title: Re: إنتقلت إلى رحاب ربها شقيقة معاويه المدير
Author: احمد التجانى احمد
Date: 15-11-2015, 05:12 AM
Parent: #59

Quote: الزهرة الجديدة


سلام يا ابكر
تصدق اول ما عينى وقعت على العنوان قراته الحلة الجديدة , قلت ابكر دة جنا ولا شنو من ما قطع المحيط لكن برضو لقيتك ما مشيت بعيد الزهرة والحلة الجديدات الاثنين بجرحوا الصيام
اها الوصية فى الذمة دينا خالد قالت ما بتجى لوب كدة ساى , عايزة وفد مقدمة زى جون قرنق لما رسل ناس عرمان وادوارد لينو قدامو