شيخ الامين في عيد ميلاده ولا ملك الروم ... ( صور )

شيخ الامين في عيد ميلاده ولا ملك الروم ... ( صور )


11-06-2015, 05:37 PM


  » http://sudaneseonline.com/cgi-bin/sdb/2bb.cgi?seq=msg&board=480&msg=1446827878&rn=24


Post: #1
Title: شيخ الامين في عيد ميلاده ولا ملك الروم ... ( صور )
Author: صلاح جادات
Date: 11-06-2015, 05:37 PM
Parent: #0

04:37 PM Nov, 06 2015
سودانيز اون لاين
صلاح جادات-قطر
مكتبتى

اذا كان شيخ الامين كما قيل فيه
فما بال هولاء القوم

Post: #2
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 05:41 PM
Parent: #1

العصاية دي من الفضة :






Post: #3
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 05:42 PM
Parent: #2




Post: #4
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 05:43 PM
Parent: #3




Post: #5
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 05:44 PM
Parent: #4




Post: #6
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 05:45 PM
Parent: #5




Post: #7
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 06:08 PM
Parent: #6


Post: #8
Title: Re: شيخ الامين في عيد ميلاده ولا ملك الروم ... (
Author: إسماعيل ببو
Date: 11-06-2015, 11:25 PM
Parent: #7

يا صلاح،
عيد الميلاد دا " مُش بدعة"؟

Post: #9
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-06-2015, 11:28 PM
Parent: #7


Post: #10
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-07-2015, 06:09 PM
Parent: #9


Post: #11
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-07-2015, 10:23 PM
Parent: #10

ماهو سر تقاطر الدبلوماسين علي شيخ الامين وماهي الخدمة التي يقدمها لهم ؟

Post: #12
Title: Re: شيخ الامين في عيد ميلاده ولا ملك الروم ... (
Author: Mohd Ibrahim
Date: 11-07-2015, 11:02 PM
Parent: #11

شيخ الامين رجل مثير للاهنمام فعلا..............يحمل كل المتناقضات بتناغم فريد ...ماعندو قناة تلفزبونبة تعبر عنو ولا وبسايت

Post: #13
Title: Re: شيخ الامين في عيد ميلاده ولا ملك الروم ... (
Author: Mohd Ibrahim
Date: 11-07-2015, 11:35 PM
Parent: #12

https://youtu.be/49b5zvPOnyUhttps://youtu.be/49b5zvPOnyU

Post: #14
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-08-2015, 05:41 PM
Parent: #13

الاخ محمد
هو ليس محتاج لقناة خاصة لان كل القنوات السودانية بتجيب اخبارو .. والصحف والاذاعة .... الخ
- اليوتوب النزلتو لم يفتح معاي

Quote: شيخ الامين رجل مثير للاهنمام فعلا..............يحمل كل المتناقضات بتناغم فريد ...ماعندو قناة تلفزبونبة تعبر عنو ولا وبسايت

Post: #15
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-08-2015, 11:04 PM
Parent: #14

فوق

Post: #16
Title: Re: شيخ الامين في عيد ميلاده ولا ملك الروم ... (
Author: خضر الطيب
Date: 11-09-2015, 00:21 AM
Parent: #15

سلام يا ابو صلاح


Post: #17
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-09-2015, 00:39 AM
Parent: #16

Quote:
ماهو سر تقاطر الدبلوماسين علي شيخ الامين

أخى العزيز صلاح جادات
غايتو أنا ماعارف بالضبط المناسبه شنو
لكن لاحظت من الصور أن معظم من حضر لمقابلة شيخ الأمين وجهوهم هاشه
باشه وبأنهم سعداء بلقائه .
لعله جذب صوفى .
التعديل لبعض الحروف

Post: #18
Title: Re: شيخ الامين في عيد ميلاده ولا ملك الروم ... (
Author: قرشـــو
Date: 11-09-2015, 08:11 AM
Parent: #17

معقول الناس ديل كلهم جادين ؟؟؟؟

Post: #19
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-09-2015, 08:19 AM
Parent: #18

أول مرة ... نضطر أن نشكر جادات ...

لنقله هذه الأخبار السعيدة ... في خضم التعاسة التي يعيشها السودان ...







... المهم ....

Post: #20
Title: Re: شيخ الامين في عيد ميلاده ولا ملك الروم ... (
Author: أحمد الشايقي
Date: 11-09-2015, 09:24 AM
Parent: #19

.... إذا كان للطائفية في السودان سادة ... فللحزب الحاكم أيضاً سيـد ....

... مشروع بناء شخصية اسطوريـة ... (من مافي .... )

Post: #21
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-09-2015, 09:34 AM
Parent: #20

Quote: .... إذا كان للطائفية في السودان سادة ... فللحزب الحاكم أيضاً سيـد ....


وعلاقة شيخ الامين بالحزب الحاكم شنو؟

(احترمني وما تجيب لي صورتو مع البشير)









.... المهم ....

Post: #24
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-09-2015, 11:26 AM
Parent: #15

صلاح شمارات .. ملك الصواطات ...

خلليك راجل مرة واحدة فى حياتك و شوف ليك شغلة تانية .........

Post: #22
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-09-2015, 10:21 AM
Parent: #1



قال : عبد الله عبد الله
( لكن لاحظت من الصور أن معظم من حضر لمقابلة شيخ الأمين وجهوهم هاشه
باشه وبأنهم سعداء بلقائه . لعله جذب صوفى . )




ونقول : لماذا لا يكونون هاشين باشين ( أعني الدبلوماسيون الغربيون ) وشيخ الأمين يقدم
لهم خدمات مجانية في محاربة الدين وهدمة من الداخل...؟؟؟
يا شيخنا حتى الأمريكان والغرب يعلمون من من الفرق الإسلامية هي التي تتبع المنهج القويم
للإسلام ، وأنتم ما زلتم في غيكم تتكبرون وتتبعون الصوفية .
هل سمعت يوماً ما أن دبلوماسي غربي قابل أو زار أحد من أنصار السنة ؟؟؟ هل سمعت يوماً ما
الكونجرس الأمريكي قدم الدعوة لأي من أنصار السنة لإلقاء كلمة أمام النواب ؟؟؟؟
( ( لا تجد قوما يؤمنون بالله واليوم الآخر يوادون من حاد الله ورسوله ... الآية ) المجادلة

Post: #23
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-09-2015, 11:16 AM
Parent: #22

لا تَجِدُ قَوْمًا يُؤْمِنُونَ بِاللَّهِ وَالْيَوْمِ الآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلا إِنَّ حِزْبَ اللَّهِ هُمُ الْمُفْلِحُونَ

و "من حاد الله ورسوله" دا شيخ الامين؟

ولّ السفير التركي؟









... المهم ....

Post: #28
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-09-2015, 01:19 PM
Parent: #23

Quote:
قال : عبد الله عبد الله
( لكن لاحظت من الصور أن معظم من حضر لمقابلة شيخ الأمين وجهوهم هاشه
باشه وبأنهم سعداء بلقائه . لعله جذب صوفى . )




ونقول : لماذا لا يكونون هاشين باشين ( أعني الدبلوماسيون الغربيون ) وشيخ الأمين يقدم
لهم خدمات مجانية في محاربة الدين وهدمة من الداخل...؟؟؟
يا شيخنا حتى الأمريكان والغرب يعلمون من من الفرق الإسلامية هي التي تتبع المنهج القويم
للإسلام ، وأنتم ما زلتم في غيكم تتكبرون وتتبعون الصوفية .
هل سمعت يوماً ما أن دبلوماسي غربي قابل أو زار أحد من أنصار السنة ؟؟؟

يا عثمان الحسن
يا إبنى يا أخى إنت ليه متلحنى
أهو أخونا د. ياسر الشريف أثبت ليك أن القائم بالأعمال الأمريكى جوزيف أستافورد زار مركز أنصار السنه
وأهدوا له مصحفاً ونسخه من مجلتهم الإستجابه عله يستجيب لتوددهم ويقدم لهم زياره لأميركا
Quote: من جانبه شكر جوزيف ستافورد الرئيس العام للجماعة على حسن الاستقبال والضيافة
وقال إن لجماعة أنصار السنة المحمدية عطاءاً ودوراً مؤثراً في المجتمع السوداني ، وفي رده على سؤال الماحي
حول مستقبل العلاقات السودانية الأمريكية تمنى السفير الأمريكي أن يحدث تقدم في العلاقات الثنائية على المستوى
الرسمي بين البلدين ، واضاف ستانفورد : إننا نعتبر السودان دولة مهمة في القارة الإفريقية وأوضح أن الشعب الأمريكي
يحترم الدين الإسلامي مشيرا إلى ملايين المسلمين الذين يسهمون في الحياة الأمريكية بكافة جوانبها . هذا وقد قدم السفير
هدية عبارة عن كتابين عن أوضاع المسلمين في أمريكا
كما قدم الدكتور اسماعيل هدية للسفير عبارة عن مصحف ومجلة الاستجابة لسان حال الجماعة وعدد من مطبوعات الجماعة
.

Post: #27
Title: Re: شيخ الامين في عيد ميلاده ولا ملك الروم ... (
Author: Yasir Elsharif
Date: 11-09-2015, 12:53 PM
Parent: #22

Quote: هل سمعت يوماً ما أن دبلوماسي غربي قابل أو زار أحد من أنصار السنة ؟؟؟


نعم يا عثمان شوف هنا:
Quote: السفير الأمريكي يزور أنصار السنة (المركز العام) ويجتمع برئيس الجماعة
02/05/2013 00:18:00


الخرطوم - المجهر
أكد الرئيس العام لجماعة أنصار السنة المحمدية بالسودان الدكتور "إسماعيل عثمان" اهتمام الجماعة بإصلاح المجتمع بالدعوة إلى التوحيد واتباع الرسول صلى الله عليه وسلم وصولاً إلى تزكية النفوس، وشدّد على اهتمام الجماعة بقيمة العدل وإرادة الخير للناس . وقال في اللقاء الذي عقده مع "جوزيف ستافورد" القائم بالأعمال الأمريكي بالسودان بالمركز العام للجماعة، الذي جاء بطلب من االقائم بالاعمال، قال إن الجماعة تتعاون مع الجميع على البر والتقوى. وأكد أن الجماعة ليست حزباً سياسياً لكنها تتعاطى السياسة باعتبارها من واجبات المسلم في سعيه لتكثير الخير وتقليل الشر والفساد، مبيناً سماحة الإسلام مع الإنسان عموماً، ودعا "إسماعيل" الولايات المتحدة الأمريكية كدولة عظمى لها إمكانات إلى لعب دوراً في السعي لاستقرار العالم والسودان خاصة .ومن جانبه شكر "جوزيف ستافورد" الرئيس العام للجماعة على حسن الاستقبال والضيافة، وقال إن لجماعة أنصار السنة المحمدية عطاءً ودوراً مؤثراً في المجتمع السوداني .وفي رده على سؤال حول مستقبل العلاقات السودانية الأمريكية تمنى السفير الأمريكي أن يحدث تقدم في العلاقات الثنائية على المستوى الرسمي بين البلدين، وأضاف ستانفورد: (إننا نعتبر السودان دولة مهمة في القارة الأفريقية)، وأوضح أن الشعب الأمريكي يحترم الدين الإسلامي، مشيراً إلى ملايين المسلمين الذين يسهمون في الحياة الأمريكية بجوانبها . كافة وقد قدم السفير هدية عبارة عن كتابين عن أوضاع المسلمين في أمريكا كما قدم الدكتور "إسماعيل" هدية للسفير عبارة عن مصحف ومجلة (الاستجابة) لسان حال الجماعة وعدد من مطبوعات الجماعة.


AnsarAlsunnawaAlsafeerAlAmreeki.jpg Hosting at Sudaneseonline.com

Post: #25
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-09-2015, 12:33 PM
Parent: #1


شيخ الأمين وكل شيوخ الصوفية يوادون الأمريكان والغربيين ويحبونهم ...!!
إيه الغريب في ذلك ؟؟؟؟؟

وإلا فسر لي الزيارات التي يقوم بها الدبلوماسيون الغربيون لشيوخ الطرق الصوفية ؟؟
وأيضاً فسر لي الدعوات التي تقدم لشيوخ الطرق الصوفية لزيارة أمريكا ؟؟؟؟
وحضورهم لحلقات الذكر الصوفية ( الذكر نذكرها هنا مجازاً ) لأنه لا يوجد ذكر يوجد فيه رقص
وبالأحرى هذا ليس الذكر الذي ورد في القرآن والسنة ....

Post: #26
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-09-2015, 12:44 PM
Parent: #25

Quote: وإلا فسر لي الزيارات التي يقوم بها الدبلوماسيون الغربيون لشيوخ الطرق الصوفية ؟؟
وأيضاً فسر لي الدعوات التي تقدم لشيوخ الطرق الصوفية لزيارة أمريكا ؟؟؟؟

انت فسّر لي ...

لماذا لم تستعيدوا المصحف الذي أهديتموه للسفير الأمريكي ... رغم مطالبة هيئة العلماء لكم بإرجاعه؟

هل لا زلتم تعشمون في دعوة من السفير لزيارة أمريكا؟








.... المهم ....

Post: #29
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-09-2015, 01:22 PM
Parent: #26

سلام جميعاً، وشكراً جادات


والله يا أخي عثمان، ماعندك طريقة تتتتتتب! ما لم تفسِّر لنا اختباطك بأن " أنصار السُّنَّة" لا يحاددون! وَ ها هُم..! كما أثبتَ لك الأخوان تبارك و د. ياسر

أن " أنصار السُّنَّة" لم يقفوا فقط بعيداً عن "زورات" الغربيين الكُفُر منهم والمُسلمين! بل زادوا الكلام وشالوه حَبّة كمان هااا..! بإهدائهم مصحف، للسفير

الأمريكي الزّوّار للبيوتات الدينية السودانية.

وتلك، الإهدائية، قد فتحت باباً تعدو به الرِّيح، من جانب هيئة عُلماء السودان ورعيل سودانيين آخرين؛ إلى داخل " سوح " حزب " أنصار السُّنَّة" - الأصل حتى!!

أها وين ليك عاااد؟


.........................

برغم تذكيري التحذيري لك أعلاه، إلّا أنني متّفِقٌ معك تماماً، أن زورات وحضور أعياد الميلادات و.. و.. أعياد الورود والياسَمين و البوفيهات المفتوحة وكدا، من جانب عدد من مبعوثي الدول بالخرطوم

يحملون وجوهاً باشّة ونفوساً هاشّة إلخ,,, لهو ممّا يفيد بما ذهبتَ إليه، من أنه لا يعدو كونه " رفعٌ للواقع من الإسلام في جُب العصر الهاااايص" ..

لكن للأسى، ناسك طلعوا كمان قادلين!!!


وَ تجي بعد ده تقول لينا: الطيّارة فيها بوووووري؟!

Post: #30
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-09-2015, 01:57 PM
Parent: #1


الأخوان :
عبد الله عبد الله
تبارك
ياسر الشريف
أبوجودة

أنا ليس ممن يكابرون على الخطأ وبمثل ما انتقدت المتصوفة لتقاربهم مع
الدبلوماسيون الغربيون ها أنا وبالمفم المليان أعلنها على الملآ باستنكاري للخطأ الفادح
الذي وقع في جماعة أنصار السنة بتقاربهم مع الدبلوماسيين الغربيين بل وزادوا
عليها كيل بعير بإهدائهم مصحفاً للقائم بالأعمال الأمريكي ... فهذا ليس هو المنهج
الذي يتبع القرآن والسنة .

Post: #31
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-09-2015, 02:37 PM
Parent: #30

Quote: والغربيين ويحبونهم ...!!

عثمان يا حبيب
الغربيون وغيرهم يحبون المتصوفه
ببساطه شديده جداً لأن أهل الصوفيه أهل محبه ولايكرهون أحداً لذلك تجدهم محبوبين أينما حلوا .
ألم تسمع بأن الله إذا أحب عبداً نادى يا جبريل إنى أحب فلاناً فحبه .

Post: #32
Title: Re: شيخ الامين في عيد ميلاده ولا ملك الروم ...!
Author: محمد أبوجودة
Date: 11-09-2015, 03:03 PM
Parent: #30

Quote: ...... ها أنا وبالفم المليان أعلنها على الملآ باستنكاري للخطأ الفادح الذي وقع في جماعة أنصار السنة بتقاربهم مع الدبلوماسيين الغربيين بل وزادوا
عليها كيل بعير بإهدائهم مصحفاً للقائم بالأعمال الأمريكي ...


شكراً أخينا عثمان الحسن،
و كويّس أنك ما كابرتَ، فهذا أمرٌ يُعبِّر عنك أفضل، ولكن! لعلّ ما اعترفتَ به ولم تُكابِر، هو في جانب منه، ممّا يُــعَــدُّ من " الخاص" بك، وكل رَيْعِه لك؛ أما الأمرَيْن الآخَرين: وهما
1/ ذاك الرّوح الحماسي الذي دخلتَ به لكأنّما "أنصار السُّنَّة"، ولمجرد اسمهم ذي الصِّيْت، الذي تَيَمَّنوه، أو لربما كونهم جماعتك المفضَّلَة وكدا؛ لكأنّما هُــم - براهُم - الساس والراس في " التزام الطريقة المُثلَى في الدِّين الإسلامي ال حق" وما عداهم - من طَرف - إنْ هُموا إلّا يُــجَــدِّفون في الدِّين الإسلامي ال حق! وبمعنى أصَح: إنْ هُموا إلّا الفِرَق غير النّاجية؛ تلك التي يستخفّها الطَربُ أن تلتقي بالذين يحادّون الله تعالى ورسوله الكريم (ص)، ك ناس الصوفية متعددة الألوان
وناس شيخ اللمين أهل الترطيبات والبهرجات وال وال وال وال.....إلخ,,وغيرهم أفنانٌ وأفانين، كلهم، أي كلام، في مجال التوحيد والعدل!

2/ إعلانك الجماهيري، مستنكراً الخطأ الفادح، والذي وقع فيه جماعة أنصار السنة بتقاربهم مع الدبلوماسيين الغربيين بل وزادوا عليها كيل بعير إلخ,,, وبصرف النظر عن " فوته " لك ربما ..! أو لربما جئتَ متأخِّراً بعض الشيء؛ لا يُمكن أن يقف هكذا: مجرد إعلان كإبراء ذِمّة تنظيري، وانتهينا ..! لكنه أمرٌ - بطبيعة الحال - يُشكِّل موقف رؤيوي وَثّاب، وبالتالي يتحرّى تحقيق نتيجة معيّنة تنبني عليه. فالموقف، موقفك الآن!
هو أن "أنصار السَّنُّة" طلعوا أيّ كلام..! أو على الأقل، طلعوا زي شيخ اللمين وَ " جِكسيّيه ودبلوماسييه وَ حَبَرْتَــجييه"، أو كبقيّة بيوتات "أهل الدِّين ال جا بو!! الصّوفية في البلد دي!! كما يزعمون: نان ال جابو منو ..؟!! أما النتيجة ال مُتحرّاة، فمن المتوقّع ألّا تكتفي فقط بإعلان الموقف! بل إعادة بحث هذا الخطأ الاستنكاري، وبكل ما يستدعي من "أمانة" ومصداقية لا تلاوز من العصبية المذهبية الكامنة في جُك " أنصار السنة. لا بد من
إعادة بحث ال موضوعة الخاثرة، مع ذوي الجناب العالي في تنظيم " أنصار السنة المحمدية في السودان" ؛ وذلك حتى تستمسِك بالبُلغَة الناجية بوضوحٍ لا تشوبه غُلالة، أو تضحى كـــ" سيد الرّايحة" فتفتح خشوم البقرات السودانية المتخدِّدة، وقد أعمتك كل الضَّلالة.

يعني بالواضح كدا: أمامك طريقان
مستقيمٌ وَ أعوَج

فأرِنا أيّ الطريقين ســــ تَنهَجُ ..؟


.........................
معليش يا بوالصلح، على احتكار بوستييك..!
و آ هو، كلو فدى السودان، أن يذهب بريحه العُميان هههه


Post: #33
Title: Re: شيخ الامين في عيد ميلاده ولا ملك الروم ...!
Author: منتصر عبد الباسط
Date: 11-09-2015, 03:31 PM
Parent: #32

Quote: ا زلتم في غيكم تتكبرون وتتبعون الصوفية

ما علاقة الصوفية بهذا المسلك ؟؟؟
هو نعم هو تتلمذ على يد شيوخ صوفية ولكنه تفلت عن نهج الصوفية ولم يلتزم به
وكل منصف عاقل محايد يعلم أن الصوفية لا تشبههم مثل هذه الأعياد الأفرنجية والأمور الأفرنجية
الحكم على الصوفية يكون بسلوك شائع وليس بأعمال لا تشبههم

Post: #34
Title: Re: شيخ الامين في عيد ميلاده ولا ملك الروم ...!
Author: منتصر عبد الباسط
Date: 11-09-2015, 03:58 PM
Parent: #33

Quote: هل سمعت يوماً ما أن دبلوماسي غربي قابل أو زار أحد من أنصار السنة ؟؟؟

نعم سمعنا وقرأنا وعلمنا
وليس مجرد أحد بل رئيس جماعة أنصار السنه قابل السفير الأمريكي وكمان أهدى له مصحفاً
علماً بأن النبي صلى الله عليه وسلم (منع السفر بالمصحف لبلاد الكفر )
في حديث رواه رواه البخاري مسلم وغيرهما
عَنِ ابْنِ عُمَرَ ، أَنَّ النَّبِيَّ صَلَّى اللَّهُ عَلَيْهِ وَسَلَّمَ ، قَالَ : " لا تُسَافِرُوا بِالْقُرْآنِ إِلَى أَرْضِ الْعَدُوِّ ، فَإِنِّي أَخَافُ أَنْ يَنَالَهُ الْعَدُوُّ " .
فكيف وأن يهدى يد بيد؟؟؟

Quote: خرطوم 1 مايو 2013 - دعا الرئيس العام لجماعة أنصار السنة المحمدية إسماعيل عثمان الولايات المتحدة الأمريكية إلى لعب دور في تحقيق الاستقرار بالسودان و العالم ، مؤكدا إن الجماعة تتعاون مع الجميع على البر والتقوى وانها ليست حزباً سياسياً لكنها تتعاطى السياسة باعتبارها من واجبات المسلم في سعيه لتكثير الخير وتقليل الشر والفساد .

JPEG - 89.3 كيلوبايت
السفير الأميركي ورئيس جماعة انصار السنة (سونا)
وشدّد الزعيم السلفي على اهتمام الجماعة بقيمة العدل وإرادة الخير للناس ، لافتا الى اهتمام الجماعة بإصلاح المجتمع بالدعوة إلى التوحيد واتباع الرسول صلى الله عليه وسلم وصولا إلى تزكية النفوس .

.من جانبه قال جوزيف ستافورد السفير الأمريكي خلال زيارته المركز العام للجماعة الثلاثاء إن لجماعة أنصار السنة المحمدية عطاءاً ودوراً مؤثراً في المجتمع السوداني .

وتوقع السفير أن يحدث تقدم في العلاقات الثنائية على المستوى الرسمي بين البلدين ، مضيفا "إننا نعتبر السودان دولة مهمة في القارة الإفريقية وأوضح أن الشعب الأمريكي يحترم الدين الإسلامي .

وأشار إلى ملايين المسلمين الذين يسهمون في الحياة الأمريكية بكافة جوانبها . هذا وقد قدم السفير هدية عبارة عن كتابين عن أوضاع المسلمين في أمريكا كما قدم الدكتور اسماعيل هدية للسفير عبارة عن مصحف ومجلة الاستجابة لسان حال الجماعة وعدد من مطبوعات الجماعة.
وتعد جماعة انصار السنة المحمدية من الجماعات السلفية ذات القاعدة الواسعة في السودان وتمكنت الجماعة من بناء آلاف المساجد في مختلف بقاع السودان كما تشارك الجماعة التى انشقت قي فترة سابقة في التحالف الحاكم في السودان منذ العام 2000م

Post: #35
Title: Re: شيخ الامين في عيد ميلاده ولا ملك الروم ...!
Author: صلاح جادات
Date: 11-09-2015, 10:00 PM
Parent: #34

الاخ خضر سلام
شكرا لتنزيل الفيديو

Post: #36
Title: Re: شيخ الامين في عيد ميلاده ولا ملك الروم ...!
Author: تبارك شيخ الدين جبريل
Date: 11-09-2015, 10:52 PM
Parent: #35

"بل وزادوا عليها كيل بعير بإهدائهم مصحفاً للقائم بالأعمال الأمريكي ... فهذا ليس هو المنهج الذي يتبع القرآن والسنة ."

والله أثرت فضولنا ... ما هو المنهج الذي يتبع القرآن والسنة فيما يختص بالدبلوماسية الشعبية؟

يعني معيارك في إدانة واستنكار هدية المصحف للسفير ... شنو؟

وحسب معيارك السفير مفروض يتعاملوا معاهو كيف؟

نضيّق عليهو في الطرقات ويدفع الجزية عن يد وهو صاغر؟

ولّ كيف؟

(غايتو انا متنازل عن باقي الحوار دا لى ابوبكر عباس )





... المهم ....

Post: #37
Title: Re: شيخ الامين في عيد ميلاده ولا ملك الروم ...!
Author: NEWSUDANI
Date: 11-10-2015, 05:23 AM
Parent: #36

بصراحة شديدة أنا شايف الناس اللي بيهاجموا شيخ الامين ديل ما عندهم شغلة بل هو شغل شعب بني حاسد

هل شيخ الامين يملك مليشيات دعم سريع ؟؟؟

هل شيخ الامين يتبرع للمجهود الحربي أمثال ناس الكاردينال ويسرق من الدولة ؟؟

هل شيخ الامين أرسل ناس لجمع الشباب للجهاد ؟؟

ياأخواننا شيخ الامين شيخ صوفي بطريقته هو لو راقت لك فلتتبعه وان لم ترق لك فلتبحث عن طريقة عبادتك أنشاء الله تكون شيعي ولا بوذي هو لم ولن يعاقب أو يحاسب شخص على خياراته

من يدعون المعارضة عندكم البشير ومحمد عطا ونافع وعلي عثمان ووووووووو ممن يقتلونكم ويعذبونكم يوميا شنو شغلتكم بشيخ الامين يذكر كيف ويحتفل وما يحتفل ؟؟؟؟

ياأخواننا خليكم جاديين وما تفقعوا مرارتنا من الصباح

Post: #38
Title: Re: شيخ الامين في عيد ميلاده ولا ملك الروم ...!
Author: ABDALLAH ABDALLAH
Date: 11-10-2015, 06:17 AM
Parent: #37

ما قلت إلا الحق يا نيو سودان
شيخ الأمين ما شغال بى زول الناس ديل هم الساكنوا
شيخ الأمين حنن
شيخ الأمين رقص
شيخ الأمين بذكر
شيخ الأمين غنيان
شيخ الأمين سافر
يا ناس إنتو مالكم ومالو
يا شيخ الأمين نحن فى واشنطن بنقول ليك ما تنسانا من صالح الدعوات وندعو الله أن يوفقك
وتجى تزورنا فى بلاد العم سام السمحه .

Post: #39
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-10-2015, 09:38 AM
Parent: #1


الأخ / محمد أبوجودة تحياتي

من الواضح أن شهيتك إتفتحت عندما أعلنت استنكاري لما قام به جماعة أنصار السنة
ومداخلتك توضح أنك تريد مني المزيد من التنازلات وكأني بك تفرض شروط
المهزوم في الحرب ...!!! بل وقد وضعت نفسك مكان القاضي وأنا المتهم بدليل ما ورد في خاتمة المداخلة :

يعني بالواضح كدا: أمامك طريقان
مستقيمٌ وَ أعوَج

فأرِنا أيّ الطريقين ســــ تَنهَجُ ..؟


الموضوع ليس بهذا الفهم يا شيخنا ، أنا عندما استنكرت ما قام به أفراد من أنصار السنة لا يعني ذلك بأنني
أستنكر المنهج الذي يتبعونه فالأخطاء واردة من قبل الأشخاص لكن يظل المنهج صحيح ، ونمثل لذلك بما يقوم
به تنظيم داعش مثلاً من أخطاء وفهم سقيم للإسلام فلا يمكننا بسبب ذلك أن نقول بأن الإسلام هو الخطأ ولكن فهم هؤلاء
للإسلام هو الخطأ ..!!
أنا مؤمن تماماً بالمنهج الذي يتبعه أنصار السنة وهو الكتاب والسنة ولكن لا يعني ذلك أنه حتى لو أخطأ شخص
من أنصار السنة أو من قادة التنظيم سأظل أدافع عنهم لا ليس هكذا ...!! أنا لست كالمتصوفة الذين يتباهون ويتفاخرون
بأنالصوفي يجب أن يكون مع شيخه كالميت بين يدي مغسله حتى لو أتى هذا الشيخ ما هو منكراً فعلى المريد ألا يعترض
حتى لا ينطرد بحسب فهمهم وأدبياتهم ..!!
أرجو أن أكون قد أوصلت لك الفكرة ...

Post: #40
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-10-2015, 11:03 AM
Parent: #1



قال الشيخ : عبد الله عبد الله

( ببساطه شديده جداً لأن أهل الصوفيه أهل محبه ولايكرهون أحداً لذلك تجدهم محبوبين أينما حلوا .
ألم تسمع بأن الله إذا أحب عبداً نادى يا جبريل إنى أحب فلاناً فحبه ) .



ونقول :
1) ببساطة شديدة جداً هل هذا يعني أن المتصوفة يحبون كل الناس حتى لو كانوا أعداء للإسلام كالأمريكان مثلاً ؟؟

2) نعم سمعت بالحديث القدسي أن الله إذا أحب عبداً .... الخ لكن منذ متى كان الغرب والأمريكان يحبون المسلمين ؟؟؟
هل لأن الله وضع القبول لشيخ الأمين والمتصوفة جميعاً في نفوس الأمريكان ؟؟ أم أن المسألة فيها مصالح أخرى يرمي
لها الأمريكان ؟؟

Post: #41
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-10-2015, 11:15 AM
Parent: #1

قال الأخ / نيو سودان

( ياأخواننا شيخ الامين شيخ صوفي بطريقته هو لو راقت لك فلتتبعه وان لم ترق لك فلتبحث
عن طريقة عبادتك أنشاء الله تكون شيعي ولا بوذي هو لم ولن يعاقب أو يحاسب شخص على خياراته )


ونقول للأخ نيو سودان أن الامور لا تقاس بمثل هذا الفهم لأن المسلم مطلوب منه أن يأمر بالمعروف
وأن ينهى عن المنكر ( كنتم خير أمة أخرجت للناس تأمرون بالمعروف وتنهون عن المنكر ... الآية )
هذه الخيرية التي عرف بها المسلم تحتم عليه أنه متى ما رأى منكراً عليه أن يتدخل بالتي هي أحسن
لإصلاحه ، ونحن هنا نستنكر ما يقوم به شيخ الأمين وكل المتصوفة ونتدخل بالنصح وبالكلام فقط
ولا نحمل كلاشات أو أحزمة ناسفة .. بل واستنكرنا ما قام به أيضاً بعض الأشخاص من أنصار السنة .

Post: #42
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-10-2015, 05:29 PM
Parent: #41

Quote: الموضوع ليس بهذا الفهم يا شيخنا ، أنا عندما استنكرت ما قام به أفراد من أنصار السنة لا يعني ذلك بأنني أستنكر المنهج الذي يتبعونه
فالأخطاء واردة من قبل الأشخاص لكن يظل المنهج صحيح ، ونمثل لذلك بما يقوم به تنظيم داعش مثلاً من أخطاء وفهم سقيم للإسلام فلا يمكننا
بسبب ذلك أن نقول بأن الإسلام هو الخطأ ولكن فهم هؤلاء للإسلام هو الخطأ ..!


مرحب أخ عثمان،
حقيقة، فقد انفتحت شهيّتي للتحاور معك، نسبةً لما لمسته من مصداقية في تعاطيك في "الفعل/الاستجابة"، وبالطبع، فإنني أرمي من تحاوري معك
إلى تصحيح ما أفتهمه عن " جماعة أنصار السنة المحمدية " السودانية، أو فلنقُل: جماعة أنصار السنة المحمدية التي في السودان.

ضربك لمثل " داعش " ليس في محله! وبالتالي، لا يفيد بياناً ولا تفسيراً لوجهة نظرك المُستنكرة ل فعل من " جماعة أنصار السنة" ..! وبالتالي، لا يمثّل
ردّاً ولا إجابة لتساؤلي عن أي الطريقين س تنهجُ؛ ذلك أن الفعل، وهو، استقبال السفير الأمريكي، بل وإهدائه مصحفا؛ لم يتم من قِبَل " أفراد " من أنصار السنة، بل كان مع "زعيم" و "رأس"
التنظيم..! بما يعني أنه فعلٌ مُصَوَّبٌ في " كل " أنصار الحزب، التنظيم" وأنه غير قابل للأخذ نقداً ولا للاستهجان عطاءاً من بعض المُستنكرين ل ذات الفعل! كشخصك الكريم؛ وتعلم، أيها الأخ
الكريم، أن " هيئة عُلماء السودان" قد انتقدتْ إهداء المصحف لغير مُسلم، بل وسفير للأمريكان؛ وتعلم أن الأخيرين هم " شيطانٌ أكبر" في عُرف كتير من المتأسلمين في بلادنا والجوار. كذلك،
ها أنت تستنكر فعل أنصار السنة، وعلى رؤوس الأشهاد؛ مع أنّك لا تجهل، تلك السَّفْهة!! التي سفها الجماعة لرعيل الهيئة!

على كل حال، الأمر الآن، أمرك؛ فإن أردتَّ التحاور، فأهلا، وإن ذهبت إلى التجاوز، فأهلا

مع التحايا

Post: #43
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-10-2015, 08:21 PM
Parent: #42

الأخ نيوســـوداني، لك التحايا، وبعد:

Quote: بصراحة شديدة أنا شايف الناس اللي بيهاجموا شيخ الامين ديل ما عندهم شغلة بل هو شغل شعب بني حاسد

- شيخ اللمين، أصبح "شاغل عام" بما يدّرع من تجييش و تهبيش، فضلاً عن " غير قليل" من هردبيس.

هل شيخ الامين يملك مليشيات دعم سريع ؟؟؟
- من ناحية يملك " دي" ف لا تستبعد..! أنه يملك ميليشا ( باعتبار التطورات العادية) بمعنى، ما سيكون عليه الحال في القريب؛ ولعل الشاهد
الحي، أنه وأتباعه قد دخلوا في ما يشبه "عمل الميليشا" مبدأ ظهورهم بحي " ود البَنــّا"، فضلاً عن تتابع البلاغات فتحاً وإغلاقا مع شرطة أم مدرمان.


هل شيخ الامين يتبرع للمجهود الحربي أمثال ناس الكاردينال ويسرق من الدولة ؟؟
- وهل التبرع فقط ب المال ..! ألا ترى في استقبال حاشدٍ ل واحد من " كُبارات" ميليشيا الحكومة، نوعٌ من التبرع والدعم الذي ..؟

هل شيخ الامين أرسل ناس لجمع الشباب للجهاد ؟؟
- I 'am afraid it's just a matter of time مسألة زمن فقط!! كما تبدو الصورة! وذلك بصرف النظر عن وِجهة توجيه الشباب الجهاديين.

ياأخواننا شيخ الامين شيخ صوفي بطريقته هو لو راقت لك فلتتبعه وان لم ترق لك فلتبحث عن طريقة عبادتك أنشاء الله تكون شيعي ولا بوذي هو لم ولن يعاقب أو يحاسب شخص على خياراته
- بالطبع! هو صوفي بطريقته، ولكنها طريقة مُستَفِزّة للمتصوِّفة وَ لغير المتصوِّفة، أفلا تــُناش؟

من يدعون المعارضة عندكم البشير ومحمد عطا ونافع وعلي عثمان ووووووووو ممن يقتلونكم ويعذبونكم يوميا شنو شغلتكم بشيخ الامين يذكر كيف ويحتفل وما يحتفل ؟؟؟؟
- هل انتا " الناطق الرسمي لشيخ الأمين ..؟

ياأخواننا خليكم جاديين وما تفقعوا مرارتنا من الصباح
- هذا تبادل فقع مرارات ..! أ فَ كلامنا عن شيخ الأمين، يفقع مرارتكم..! ولا يفقع مراراتنا ما يقوم به الشيخ اللمين ..![/bule]







---------------

Post: #44
Title: Re: شيخ الامين في عيد ميلاده ولا ملك الروم ... (
Author: NEWSUDANI
Date: 11-11-2015, 08:07 AM
Parent: #43

سيد محمد رغم أنني ليست من المحبين للردود في المنبر لما ينجم من أسآت وملاسنات لا تأتي أكلها ولكن :-

١- لا معرفة لي بالشيخ الامين مطلقا وذلك لعدم أقامتي في بلد الفوضى المسمى السودان ،،،،
٢- بحكم معرفتي للطريقة السمانية الخلوتية وأتباعي لتعاليمها السمحة فلقد تعلمنا عدم الأساءة لكل من يخالفنا الرأي بل أحترام وتوقير كل شيوخ الطرق الصوفية
٣- كل ما قصدته بأختصار أن هناك ما يستدعي الهجوم والأهتمام في هذا البلد أكثر من ما يفعله شيخ الأمين فما يفعله هو المسؤؤل أمام الله عز وجل عنه ولكن ما يفعله ناس البشير ونافع وعلي عثمان والحركات المسلحة فهذا شأن عام يمس حياة كل مواطن فأيهما أحري بالهجوم والنقد العام أم الخاص ؟؟؟
أيهما أجدى بالحديث الناس اللي بتموت بالجوع والقنابل والمرض أم فتح بوستات أن شيخ الأمين عيد ميلاده وملابسه وووووو

بالله أحترموا جهلنا ،، انه السودان ده سر تخلفه الحديث عن البشر وليس الحديث عن الافكار

SMALL MINDS DISCUSS PEOPLE ,MEDIUM MINDS DISCUSS EVENTS and BIG MINDS DISCUSS IDEAS

سيدي أنتهى ولك الشكر

Post: #45
Title: Re: شيخ الامين في عيد ميلاده ولا ملك الروم ... (
Author: Deng
Date: 11-11-2015, 08:32 AM
Parent: #44

أنا غايتو مبسوط من شيخ الأمين دهلأنو مدور البلد كلها بما في ذلك الكيزان، والوهابية بتصرفاتهم الرعناء حاولو محاربته ولكنهم فشلوا أيضا.

أما جماعة المعارضة فهم أخر من يدرون.

على فكرة!

ما هو الفرق بين شيخ الأمين والامام الصادق المهدي؟؟

Post: #46
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-11-2015, 09:03 AM
Parent: #45

يا أخي، لمان ألقى تبارك في بوست، بتجنب التداخل، بخاف من زيادة الجرعة، لكن ما دام بدلني؛ أقول:

كتبت قديما عن شيخ اللمين هذه الخاطرة:
أهديها له الآن في عيد ميلاده الميمون

مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب
جلسوا في صالة أسمح من صالون وردي، الفي الغنا، البي الحرير و الورد مفروش...

شوية ونسمع صوت نوبة
حيّ حيّ
يسبق الصوت ريحة صندل*
يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام والسبابة ويهزها هزة خفيفة مع إيقاع الطبل والطار،
طار عقل الحضور وبانت لديهم سعادة إختفت عن أم درمان من زمن الفوزات

في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها
كلمينا: علاقتك بي أبونا الشيخ بدت كيف؟
قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك...
من اللقاء دا، أيقنت انو شيخ اللمين دا نبي
أصلو النبي دا شنو؟ زول بزرع السعادة في الناس

* أنا حضرت الحلقة في التلفزيون، ريحة الصندل إتخيلتها ساكت

Post: #47
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-11-2015, 09:13 AM
Parent: #46

سلام لصاحب البوست وضيوفه

الأخ أبو بكر عباس
كيف أحوال

سؤال : الاستنارة دي عندها حبل ولا مطلوقة ساكت ؟!

تحياتي

Post: #48
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-11-2015, 09:16 AM
Parent: #47

Quote: سؤال : الاستنارة دي عندها حبل ولا مطلوقة ساكت ؟!

عضم الاستنارة (الإنطلاقة)

Post: #49
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-11-2015, 09:18 AM
Parent: #48

Quote: عضم الاستنارة (الإنطلاقة)


الانطلاقة بـ(حبل) ولا بدون ؟!

Post: #50
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-11-2015, 10:01 AM
Parent: #49

يا عثمان بعد أن استنكرت وأدنت إهداء جماعة أنصار السنة المصحف للسفير الأمريكي ...

هل هذا هو بديلك لطريقة التعامل مع سعادة السفير؟:










... المهم ....

Post: #51
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-11-2015, 10:43 AM
Parent: #1


الأخ / محمد جودة ......... تحياتي

أنا قصدت من ضرب المثل بداعش أن من يأتينا بأفكار أو فتاوي تخالف المنهج الذي يسير عليه فنحن في حل من اتباعه
نحن نتبع منهج وليس أشخاص فاليذهب الأشخاص ويظل المنهج هذا ما قصدته ليس إلا وحتى لو كان من قام بالفعل هو
زعيم جماعة أنصار السنة المحمدية فأنا شخصياً لا يمهني ذلك في شئ فكما أوضحت لك سابقاً نحن لسنا كما الصوفية
مثلاً أو الجمهوريين أو أي فرقة أخرى نحن نتبع منهج فلو كان من يتحدثون بإسم هذا المنهج قد أخطأوا فليتحملوا تبعات
ذلك ونحن لسنا مجبرين على إتباعهم ...!!
ولا أخفيك القول أن من يتحدثون بإسم أنصار السنة ليسوا جميعهم أنصار سنة فالكثير منهم تراهم ظاهرياً أنصار سنة ولكن
في حقيقة الأمر هم إما أخوان مسلمون أو حركة إسلامية ، فهذه من سياسات الإنقاذ منذ مجيئها الدخول بين الأحزاب والحركات
وحتى الجماعات الإسلامية لتفريقها وإضعافها فأنا لا أشك أبداً من أن من قام بهذا العمل وهو استقبال القائم بالأعمال الأمريكي
وإهداءه المصحف هم من هذا الصنف .

مع تحياتي

Post: #52
Title: Re: شيخ الامين في عيد ميلاده ولا ملك الروم ... (
Author: اخلاص عبدالرحمن المشرف
Date: 11-11-2015, 11:17 AM
Parent: #51

طبارك مستنير الباقي ما بعرفو




التعديل لاضافة الاتي كنت دايرة اكتب المهم بس سيدا قاعد
الله في
والتعديل التاني لانو هو غالبآ ما قاصده ( يا اخ ما معقول اكون انا احن منو في الحته دي اعتذاري واسفي )

Post: #53
Title: Re: شيخ الامين في عيد ميلاده ولا ملك الروم ... (
Author: أبو الحسين
Date: 11-11-2015, 11:43 AM
Parent: #52

حفظ الله شيخ الأمين ورعاه وكل سنة وهُو وجميعكم طيبين...

شيخنا عبد الله... وحات الله إني أُحبك في الله تعالى... وأسأل الله أن يجمعني وإياك في هذه الدُنيا عند الحبيب المصطفى صلى الله عليه وآله وسلم...

وفي الآخرة في جنات عدنٍ مع جميع الإخوة المرور من هنا ومن هناك...

د. ياسر الشريف... تعجبني والله دائماً جاهز... الله يُديمَك مرجعاً حاضراً مُتابعاً في سودانيز أُون لاين...

صلاح جادات سلامٌ من الله عليك وعلى ضيوفك الكرام هنا...

Post: #54
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-11-2015, 11:54 AM
Parent: #53

Quote: صلاح جادات سلامٌ من الله عليك وعلى ضيوفك الكرام هنا...


شايف يا جاكات؟

نالك التحيات والإحترامات والتشكّرات والمحبة ... عشان جبت سيرة شيخ الامين ...










... المهم ....

Post: #55
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-11-2015, 05:58 PM
Parent: #54

كمال الخنيث
- كلامك ده ياهو كلام الكيزان المخانيث
- انا نقلت خبر بالصور .. انت المزعلك شنو .. غير انو دفروك جيت جاري تتعرص
- انا راجل من يومي وحتي مماتي يا خايس .. ولا كنت بقيت كوز زيك كده
- كدي شوف انت مسجل من متين .. ومداخلاتك كم .. كل القضايا التي شغلت وهزت البلد ما دخلتك المنبر جاي تدخل هسع في موضوع زي ده
يا لخيابتك
Quote: صلاح شمارات .. ملك الصواطات ...

خلليك راجل مرة واحدة فى حياتك و شوف ليك شغلة تانية .........

Post: #56
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-11-2015, 11:42 PM
Parent: #55

حيران شيخ الامين


Post: #57
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 03:12 AM
Parent: #55

صلاح شمارات .. ملك الصواطات ... بلا منازع

يبدو أنك ما فهمت كلامى لما قلت ليك. .أبقى راجل .. و واااضح جدا حرقتك كلمة أبقى راجل دى ...

و حاولت ألمح ليك من بعيد كدا .. أنك تبقى راجل .. لكن فعلا .. الما بعرف التلميح لا يريح ولا يستريح .....

و إنت ما راجل ولا حاجة ................

و شغل المخانيث و الخيابة إنت سيدو .....

يبقى بعد دا انت جيتنى فى "الواسع" .. يا "غلام" .................................

يا صلاح إنت أظنك نسيت أيامك فى الثانوى .. و برضو بقول ليك مافى داعى أقلب عليك المواجع .. لكن يبدو فعلا ركوب العجلة ما بتنسى .....

و صدق القال : ال...... لما تتوب بتتعر..............

و أقسم بالله العظيم .. و تاااانى كمان ... أقسم بالله العظيم .. أنا لو طلعت ليك دفاترك القديمة .. تانى ما بتكتب يا صواطات ..


أحسن تلم نفسك .. و تمشى تمارس وساختك دى فى حتة تانية ............


و بعدين أنا ما البقولو له "كوز".. صحى الجهل مصيبة .. لونى السياسي معرووووووف لمعظم أعضاء البورد .... و تشهد علينا أيام القاهرة و أسمرا و أديس أبابا و نيروبى و لندن و جنيف ... و العارف عزو مستريح

و المعارضة ما فى سودانيز اون لاين بس ... و المعارضة ما كلها طقطقة كيبورد .. فى شغل بتعمل اكتر من الحكى و الكلام .....

تانيا .. أنا ما النوع البحتاج يلزوهو .. لكن نوعك دا بقوم فيهو بنمرة أربعة .. و سبق قبل كدا فى بوستات سابقة قلت أنا نفسى "طويييييييل" .... و أنا جاهز ليك و لمسخرتك ...


بعد كلامى دا .. و من هنا و ماشى .. مافى تلميح ولا توريه .........

Post: #58
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 08:34 AM
Parent: #57

Quote: و حاولت ألمح ليك من بعيد كدا .. أنك تبقى راجل .. لكن فعلا .. الما بعرف التلميح لا يريح ولا يستريح .....

و إنت ما راجل ولا حاجة ................

و شغل المخانيث و الخيابة إنت سيدو .....

يبقى بعد دا انت جيتنى فى "الواسع" .. يا "غلام" .................................

نسجل صوت احتجاج على هذه اللغة الباغية على قطاع في المجتمع بريء من هذه العركة ...

على أمل أن يرتقي السودان لمرحة معاقبة خطاب الكراهية كجريمة في يومٍ ما ...








... المهم ....

Post: #59
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-12-2015, 09:18 AM
Parent: #58

سيد/ NewSudani
والله العظيم، أحبطتّني!
وكان ما أخاف ال كضب! يا عملات بعض القوّالين: أقولليك قرّبتا تقع من " نظري" في مداخلاتك ال زماااان!!
هو اتا وكت mac قاعد في السودان، ال هباشة ليك شنو جايي تمنعنا نقول في شيخ اللمين ولا نقول في شيخ ال منسر الأفين؟

....................

يا أخانا "أنصار السنة" عثمان الحسن،
لك التحايا، وشكراً على مداخلتك الأخيرة، مع أنها لم تُشفِ لي غليلا ولا كثيرا ..!

على كُل حال، إن كنتَ عايز تتعامل مع حزب " جماعة أنصار السنة" التي في "الســـــــــــــــودان" فــــَـــلتحذَر! بأن استنكاراتك دييييك على "الزعيم"
ما بتنبلع!
إلّا كما " تنشتل ال زهرة في الأرض ال يباب!

وُ "ما كلو نجمة بتضوِّي ليل!

ولا "كُل سحابة" بـــِ تنهَمِل.


.......................................
دحين آخوي، راعي لانتمائك العقدي وابعد بعييييد ما يكفشوووك!


صلاح جادات، يا صديق
بوستاتك والعة يا ابني! بس اعمل حساب ال فِلِّيق وكدا

Post: #60
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-12-2015, 09:41 AM
Parent: #59

لك التحايا الطيبة، عزيزي الأخ دينق

تقول:


Quote: أنا غايتو مبسوط من شيخ الأمين ده لأنو مدور البلد كلها بما في ذلك الكيزان،

- وإذاً فأنتَ بالنسبة لإخوانك في البلد - زي حالاتنا - تكون من " التـــّانين!! تعمل على أن تنبسط غاية الانبساط لظهور التيارات المعاندة لاستدامة التطور، بل وال مُفضية لِـــ" استدامة التخلُّف والتزلُّف وال تَّبَلُّف!

والوهابية بتصرفاتهم الرعناء حاولو محاربته ولكنهم فشلوا أيضا.

- إن حاربوه، فهم أقوى منه مددا وَ عُدَّة وعتادا، لكن المشكلة أنّهم مختلفون في ما بينهم! وبعضهم يُرخي السمع ل " حَركات" شيخ اللمين ال عاجبك انتا ده!! حتى يكيد كيداً لمنافسيه.

أما جماعة المعارضة فهم أخر من يدرون.
- أكيد تقصد يُدَوَّرون! وإن كان ذلك كذلك، ف يقيني! أنه من الأفضل أن تتدوّر وتدوِّر المعارضة على الدوام ودون توقّف! أما إن كنت تقصد أن أهل المعارضة، لا يدرون!!! فذاك تبخيس بالمعارضة.

على فكرة! ما هو الفرق بين شيخ الأمين والامام الصادق المهدي؟؟

فرق الليل من النهار ..! ولّا أقولّلك: فرق الجنوب من الشمال..! ف الصادق المهدي، وطني استقلالي وفي العقيدة استهلالي وإمهالي، بينما
شيخك ال عاجبك ده! شيخ اللمين، مجرد مواطن اتّكالي، انفعالي، ليس له استهلال إلّا في كثيرٍ من إهمال...!


Post: #61
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 09:59 AM
Parent: #60

Quote: تعمل على أن تنبسط غاية الانبساط لظهور التيارات المعاندة لاستدامة التطور، بل وال مُفضية لِـــ" استدامة التخلُّف والتزلُّف وال تَّبَلُّف!

يا محمد جودة ...

لو غضينا البصر عن تعبير "إستدامة التطوّر" ... واعتبرناك قاصد "التقدّم" بمعناه العريض كنقيض لما تسميه "إستدامة التخلّف" ..(*)

يا اخوي شيخ الامين عاند "استدامة التطوّر" وين؟ ومتين؟ وكيف؟

انت عندك - أو بتعرف زول عندو - مشروع "إستدامة تطوّر" فشل أو اتعطّل بسبب معاندة شيخ الامين لهذا المشروع؟

يعني انت بماذا تتهم شيخ الامين بالضبط؟

مع خالص الود ..






... المهم ....
____________
(*)
الإستدامة ... Sustainability
التطوّر ... Evolution
التخلّف ... Backwardness/ Underdevelopment
التقدّم ... Advancement/ Development

Post: #62
Title: Re: شيخ الامين في عيد ميلاده ولا ملك الروم ... (
Author: قسم الفضيل مضوي محمد
Date: 11-12-2015, 10:05 AM
Parent: #58

Quote: * أنا حضرت الحلقة في التلفزيون، ريحة الصندل إتخيلتها ساكت

الريحة دي ما بشمها الا زول وصل مرحلة بعيدة في التصوف ...
نحن غايتو الدخان جانا طالع بي فتحات سماعات التلفزيون :)

Post: #63
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 10:22 AM
Parent: #58

تبارك

دا كلام صلاح:

كمال الخنيث
- كلامك ده ياهو كلام الكيزان المخانيث
- انا نقلت خبر بالصور .. انت المزعلك شنو .. غير انو دفروك جيت جاري تتعرص
- انا راجل من يومي وحتي مماتي يا خايس .. ولا كنت بقيت كوز زيك كده
- كدي شوف انت مسجل من متين .. ومداخلاتك كم .. كل القضايا التي شغلت وهزت البلد ما دخلتك المنبر جاي تدخل هسع في موضوع زي ده
يا لخيابتك


و ما احتجيت على إساءته و نبذهُ المباشر لى ليه ؟؟؟

فى بعض المفردات فى كلامه الفوق دا .. لو ما عرفتها أوعرفت معانيها .. كلمنى و أنا أوضحها ليك ...

و دا منبر مفتوح .. لو الكلام ما عجبك .. شوف ليك بوست تانى .........

و دا حا يكون اسلوبى مع صلاح من هنا و ماشى ... لانه بدأ بالبذاءة .... و الاسلوب الهجومى ...

Post: #64
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 10:35 AM
Parent: #63

Quote: و ما احتجيت على إساءته و نبذهُ المباشر لى ليه ؟؟؟

ولا احتجيت على إساءاتك ونبذك المباشر ليهو ..

أنا احتجيت على إقحام المثليين في الموضوع ... والتلميح بأن انتماء صلاح جادات ليهم ممكن يكون مسبة تؤخذ عليهو ...

بالإضافة لى اللغة المغرقة في الشوفينية الذكورية ... ما راجل ... خايب ... وما شابه من ألفاظ باغية ومعتدية على المثليين ...

عندك مشكلة مع صلاح جادات ... خلي شتيمتك تكون محدودة على صلاح جادات بس ... وشوفني كان لمتك أو هببت ليك ...








... المهم .....

Post: #65
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 10:43 AM
Parent: #64

تبارك ...

ريح نفسك .. و ما تتدخل في كلامى مع صلاح ...

صلاح فاااااهم كويس قصدى و هو عارف أنا عارف شنو عليه .....

و ما أظن بغيب عليك معنى كلمتى: الخنيث .. و.. خيابتك ....

مرة تانية .. أبعد من نقاشى مع صلاح ..........................

Post: #66
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 11:12 AM
Parent: #65

Quote: ريح نفسك .. و ما تتدخل في كلامى مع صلاح ...

صلاح فاااااهم كويس قصدى و هو عارف أنا عارف شنو عليه .....

و ما أظن بغيب عليك معنى كلمتى: الخنيث .. و.. خيابتك ....

مرة تانية .. أبعد من نقاشى مع صلاح ..........................

أضرب ليو تلفون






... المهم ...

Post: #67
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-12-2015, 12:11 PM
Parent: #66

الأخ تبارك، الذي
السلام عليكم

Quote: يا محمد جودة ...

لو غضينا البصر عن تعبير "إستدامة التطوّر" ... واعتبرناك قاصد "التقدّم" بمعناه العريض كنقيض لما تسميه "إستدامة التخلّف" ..(*)

يا اخوي شيخ الامين عاند "استدامة التطوّر" وين؟ ومتين؟ وكيف؟

انت عندك - أو بتعرف زول عندو - مشروع "إستدامة تطوّر" فشل أو اتعطّل بسبب معاندة شيخ الامين لهذا المشروع؟

يعني انت بماذا تتهم شيخ الامين بالضبط؟

مع خالص الود ..


أنا لا أتهم أحدا ..!
وبعدين دي: " إستدامة التطوّر" ما عبارتي!! شفتا كيف
لأن "مصدر" الفعل الخماسي تأتي " ألفُه " وصلا، لا قطعُك الذي أودى بالزُّبدة ولم يدعَ ال فُرصَة وكدا.
وتعلم، أخي الكريم، أن:

ألِف الكتابة، وهو بعض حروفها xxx لما استقامَ، على الحروفِ تقدّما


المُهِم،
وَقَع ليك إن شاءالله


مع خالص الود والاستنارة The Enlightenment وكدا

Post: #68
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-12-2015, 12:15 PM
Parent: #67

يا تبارك،

انتا اللّتاريك من فتيان شيخ اللمين!





..................
العم هْ

Post: #69
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 12:41 PM
Parent: #68

طبعًا نظامك في الكتابة لا يوضح الإقتباس من عدمو يا محمد جودة ...

أنا فهمت من كتابتك إنو كلام دينق:
Quote: أنا غايتو مبسوط من شيخ الأمين ده لأنو مدور البلد كلها بما في ذلك الكيزان،

وردّك عليهو:
Quote: - وإذاً فأنتَ بالنسبة لإخوانك في البلد - زي حالاتنا - تكون من " التـــّانين!! تعمل على أن تنبسط غاية الانبساط لظهور التيارات المعاندة لاستدامة التطور، بل وال مُفضية لِـــ" استدامة التخلُّف والتزلُّف وال تَّبَلُّف!


... لا أدري مصدر الكلام التاني .... لاكين طالما بتقول إنو تعبير "إستدامة التطوّر" ما كلامك ... ممكن تورينا الرد على دينق جايي من وين؟

عشان ما نناقشك بناءًا على كلام ما كلامك ونضيّع زمننا ونسألك ساكت

(بعدين أنا من فتيان بني مالك )










... المهم ....

Post: #70
Title: Re: شيخ الامين في عيد ميلاده ولا ملك الروم ... (
Author: منتصر عبد الباسط
Date: 11-12-2015, 01:26 PM
Parent: #69

الذين ينتقدون التصوف ويهاجمونه الذين عمر دعوتهم لم يتجاوز الثمانون عام والتصوف عمره أكثر من 1200عام
والحافظ أبو نعيم يعتبر التصوف بدأ منذ عهد الصحابة عليهم الرضوان
نقول لهؤلاء أن علماء الصوفية حين مقدمهم للسودان وجدوا
عرب بدو أميين مسلمون بالاسم لا يعرفون فقه ولا شرع قطاع طرق يغزو بعضهم بعضا
قرأت كتاب عن النيل الأبيض يقول الكاتب أن العرب وحتى الذين في منطقة الدويم يعني قبل أكثر من خمسمائة عام
يطلق أحدهم زوجته في الصباح فيتزوجها غيره في مساء ذات اليوم وعلى هذا قس ...
حتى جاء علماء التصوف من المغرب فعمروا المساجد وفتحوا خلاوي تحفيظ القرآن وعلموهم سنة النبي صلى الله عليه وسلم وفقهوا الناس على مذهب الإمام مالك
وعرفوا الناس الشرع ...
والأن يأتي خوارج العصر أولاد أول امبارح لينتقصوا من الصوفية والتصوف ...
تاريخ التصوف في السودان منذ خمسة قرون منذ بداية أول دوله اسلامية في وسط السودان وهي دولة سنار
وكان قبل ذلك المسلمون يسكنون البوادي والاطراف وهم أميون لا يفقهون في الدين غير القليل جداً
والنيل يسيطر عليه المسيحيون ...فأسس الصوفية أول دولة اسلامية وهي دولة سنار ووفد لها العلماء المتصوفون
وفي ذلك الزمن كان معظم علماء السنة في العالم الإسلامي صوفية...حتى ظهرت الوهابية لتفتت جسم المسلمين وتفتنهم
فلم يكسب العالم بعد مجيئهم غير الضعف والخوار وأول نتيجه هي احتلال فلسطين
لو كانوا صادقون لجمعوا المسلمون ووحدوهم بدلاً من تقسيمهم وتمزيقهم وتكفيرهم ...خاب مساعهم
ونسأل الله أن يخلص منهم العباد

Post: #71
Title: Re: شيخ الامين في عيد ميلاده ولا ملك الروم ... (
Author: منتصر عبد الباسط
Date: 11-12-2015, 01:37 PM
Parent: #70

Quote: فكما أوضحت لك سابقاً نحن لسنا كما الصوفية
مثلاً أو الجمهوريين أو أي فرقة أخرى نحن نتبع منهج
بئس المنهج منهجكم
منهج كله طعن وتكفير وتبخيس وغيبه ونميمه
الاسلام بري من منهجكم هذا ومن كل مناهج الخوارج

Post: #73
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-12-2015, 02:05 PM
Parent: #69

Quote: انت عندك - أو بتعرف زول عندو - مشروع "إستدامة تطوّر" فشل أو اتعطّل بسبب معاندة شيخ الامين لهذا المشروع؟


- داب زول واحد ..! يا أخي الكريم، في ناس ( طبعاً دي مجموع زول، عندنا) كُتار عندهم مشاريع استدامة تطوّر؛ وَ هل عندك شك؟
خُد عندك، وعلى سبيل المثال دون الحصر:-
- الاستناريّون، يرون في فعايل الشيخ، خروج من اللباقة والذوق السـوداني الأصيل وكدا؛ والتفاصيل ما بتغلبك آ جنا.
- الوهّابيون، تجد بعضهم قد رأى في الـ " فعائل" اللّمينية، محاولة مدروسة من جهةٍ مَـــا ..! لتوهيط ارتجاعة، أو قول: انتكاسة، ينخزل بسببها
بعض الشباب الذين قَصّروا الثياب وأطالوا اللِّحَى و مسكو مكرفونات يفتون في الأسواق! ( بالله عليك، برضك خلِّي باقي التفاصيل عليك؛ ما بيناتنا ياخ ههه)
- المعارضون من يمين ويسار وَ بين بين، أكيد أنك تعرف أن لهم مشاريع استدامة تطوّر؛ ولا يقلل بحال! جهل الكثيرين من رعيلهم تلك المشاريع التطويرية!
وقد قيل: إن التابع مفترَض يكون كما الميِّت بين يدي غاسله!!
- مُثَقَّفي المُدَن! خلّينا نقول: مدينة العاصمة المثلثة، من فل الخرِّيجين العاطلين، وَ زُمَر المُحالين إلى الصالح العام وبعضه خاص! يرون في تلك " الفعايل" كما رؤية ذاك
المنكوب،والذي حينما شاف خياراتو قال: ده حااااار وُ داك ما بنكويبو!

بالطبع، لم ألمم بعد، برؤية الإخوان الجمهوريين! حول "نافرة" شيخ اللمين في أم درمان! ولا أعتقد أنهم س يناصبونه العداء..! ولكنني على اعتقاد أيضاً بأنهم لن يقبلوه
بسهولة!!
وعلى ذلك قِس البقية التي لن تبقى كثيراً على ال " حياد" ..


يعني انت بماذا تتهم شيخ الامين بالضبط؟

- كما أسلفتُ، لا اتهام محدد لشخصٍ معيّن..! ولكنّها خاطرة عندي! تتوارى عنّي حيناً وتحضر لتشغب بي! وَ فحوى الخاطرة، أن الطبيعة لا تعرف الفراغ، وأن بيئة الفوضى التنظيمية
تلد - لا محالة - بنات الفوضى ورجالها وفتيانها ..! حذوَك القُذّة بالقُذّة؛ كأن تقول: لا تلدُ الحَيَّة إلّا حَيّة؛ وطالما أنّ بيئتنا هذه السنوات ال عجاف، ترزح في الفوضى والتنظيم وتغرق في
الحَبَرتَجية، ف مين يضمن لينا ألّا يخرج لنا " نيرون " جديد من " ودّ البّنّا؟ أو " الشيخ حسن الصباح عميد وزعيم الباطنية ( في الشيعة الإسماعيلية)..! من " ودّ ارو" أو بالأقلّ واحد ك أبي بكر العباسي(!)من الملازمين!!
أو حتى واحد كـــ" المُختار بن أبي عُبيد الثّقَفي، بذات جنِّه وخَبَلِه، من "الرِّكابية" ..أو حتى سي أسامة من " حي العرب" ..؟ أو ظواهري من بين "المسالمة" غزااال..! وتعرف - يا هذا - أننا ما ناقصين.



Post: #72
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 01:50 PM
Parent: #66

Quote: أضرب ليو تلفون


لأ .. ما حا أضرب له تلفون ..

صلاح إختار المنبر دا .. ما إختار التلفون .. بالتالى الحوار حا يستمر فى المنبر دا ..

بعدين .. وفر نصايحك و أديها للطرف التانى ..

Post: #74
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-12-2015, 02:08 PM
Parent: #72

يا كمال عبدو،
تبارك دقّسك
Quote: مرة تانية .. أبعد من نقاشى مع صلاح


Quote: أضرب ليو تلفون


Quote: ما حا أضرب له تلفون ..

صلاح إختار المنبر دا .. ما إختار التلفون .. بالتالى الحوار حا يستمر فى المنبر دا

والمنبر عام، لا تستطيع أن تبعد تبارك من نقاشك مع جادات

هذا ما لزم توضيحو والسلام

Post: #75
Title: Re: شيخ الامين في عيد ميلاده ولا ملك الروم ... (
Author: muntasir
Date: 11-12-2015, 02:32 PM
Parent: #74

يا بكة ابعد من نقاش تبارك وكمال ولا نسيت ايام الروضة

Post: #76
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 02:33 PM
Parent: #74

أبوبكر عباس

يعنى انت متفق معاى .. المنبر مفتوح .. انا طلبت من تبارك يبتعد من الكلام البينى و بين صلاح .. لانه ما بهمو فى شئ .. و له مطلق الحرية فى مناقشة الموضوع العام ..

Post: #77
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-12-2015, 02:39 PM
Parent: #76

طبعا ما متفق معاك
لو الكلام البينك وصلاح لا يهم تبارك ولا يحق ليهو التدخل فيهو
إذا أضرب لصلاح تلفون، ما تجيب لينا الكلام الخاص هنا

Post: #79
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-12-2015, 02:46 PM
Parent: #77

Quote: يا بكة ابعد من نقاش تبارك وكمال ولا نسيت ايام الروضة

لا لا يا منتصر، كمال ما زي تراجي!
حتى لو راشني بيكون رش خفيف!
ديك أمريكية يا أخ وكمال محلي!

Post: #78
Title: Re: شيخ الامين في عيد ميلاده ولا ملك الروم ... (
Author: منتصر عبد الباسط
Date: 11-12-2015, 02:45 PM
Parent: #72

Quote: أنا لست كالمتصوفة الذين يتباهون ويتفاخرون
بأنالصوفي يجب أن يكون مع شيخه كالميت بين يدي مغسله حتى لو أتى هذا الشيخ ما هو منكراً فعلى المريد ألا يعترض
حتى لا ينطرد بحسب فهمهم وأدبياتهم ..!!
من قال لك هذا
في الطريقه السمانية العهد مع الشيخ يكون فيه عبارة( الطاعه تجمعنا والمعصية تفرقنا)
التصوف فقط يعلم أدب الرفقه وأدب التلميذ مع معلمه
فليس بالضرورة أن الذي يعترض معه الحق على المعترض عليه
خصوصاً وأن التلميذ دائماً ما يكون أقل دراية وعلماً من الشيخ
وقد يكون الاعتراض نتيجة جهل...

Post: #80
Title: Re: شيخ الامين في عيد ميلاده ولا ملك الروم ... (
Author: Osman Dongos
Date: 11-12-2015, 03:35 PM
Parent: #78

أخونا جادات و ضيوفك الكرام،
السلام عليكم،
يا أخوانا نحنا لينا زمن طويل من السودان. من باب العلم بالشئ و لا الجهل به، لو تكرمتم ممكن تورونا شيخ اللمين دا ظهر بتين و قاعد وين و بسوي شنو؟ ينوبكم ثواب
جزاكم الله خير.
عثمان دُنقس

Post: #81
Title: Re: شيخ الامين في عيد ميلاده ولا ملك الروم ... (
Author: Hatim Alhwary
Date: 11-12-2015, 05:50 PM
Parent: #80

على الروح ان تجد الروح في روحها

غايتو الانسان كائن عصي على الفهم

بين الدجال والنبي شعرة

Post: #82
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-12-2015, 05:59 PM
Parent: #80

كمال الخنيث
- اذا انت فعلا بتعرف تاريخي في الثانوي بتكون حقا بتعرف رجالتي صاح وده الغايظك يا شبيه الرجال
- اهلك الكيزان فتشو ملفاتي حتي الروضة ولم يجدوا مايعيب صلاح جادات يا خايب .. كدي اكشف عن نفسك ولا تتلبد وراء الكي بورد كالخنايث
- انت اقسمت بالله العظيم مرتين بر بقسمك وطلع لي دفاتري القديمة يا معرص .. عشان تاني ما اكتب في المنبر وترتاح مني
- كتار سبقوك بمثل هذا القول ونكسوا علي رؤوسهم كالمخانيث
- كدي وري المشاهد انا قريت الثانوي وين ..
- قلت لي انت معارضة .. ها ها ها .. ومن متين المعارضة بتشتغل بالملفات .. ده شغل الكيزان المخانيث الكسرو بيهو عينك وخلاك بقيت كوز
- انت لو معارض صاح وليس مدفور موضوع البوست ده فيهو شنو بخليك تزعل وتشتم .. شفتا انت غبي كيف ( جيب سبب واحد يا معرس )
- عارف معرس معناها شنو .. اسال اهلك الكيزان
- قلت لي جاهز للمسخرة ابقي مارق وتعال بملفاتك يا شبيه الرجال .. وريني انت وين وانا بصلك اذا كنت في مكان ممكن اصلك فيه عشان تعرف الرجالة صاح
- وانا موجود في كينيا اذا انت راجل وبتقدر تصل تعال دافع عن عرضك لو عندك عرض وماتبقي ديثوك زي كتار هنا هربوا من المواجهة
Quote: صلاح شمارات .. ملك الصواطات ... بلا منازع

يبدو أنك ما فهمت كلامى لما قلت ليك. .أبقى راجل .. و واااضح جدا حرقتك كلمة أبقى راجل دى ...

و حاولت ألمح ليك من بعيد كدا .. أنك تبقى راجل .. لكن فعلا .. الما بعرف التلميح لا يريح ولا يستريح .....

و إنت ما راجل ولا حاجة ................

و شغل المخانيث و الخيابة إنت سيدو .....

يبقى بعد دا انت جيتنى فى "الواسع" .. يا "غلام" .................................

يا صلاح إنت أظنك نسيت أيامك فى الثانوى .. و برضو بقول ليك مافى داعى أقلب عليك المواجع .. لكن يبدو فعلا ركوب العجلة ما بتنسى .....

و صدق القال : ال...... لما تتوب بتتعر..............

و أقسم بالله العظيم .. و تاااانى كمان ... أقسم بالله العظيم .. أنا لو طلعت ليك دفاترك القديمة .. تانى ما بتكتب يا صواطات ..


أحسن تلم نفسك .. و تمشى تمارس وساختك دى فى حتة تانية ............


و بعدين أنا ما البقولو له "كوز".. صحى الجهل مصيبة .. لونى السياسي معرووووووف لمعظم أعضاء البورد .... و تشهد علينا أيام القاهرة و أسمرا و أديس أبابا و نيروبى و لندن و جنيف ... و العارف عزو مستريح

و المعارضة ما فى سودانيز اون لاين بس ... و المعارضة ما كلها طقطقة كيبورد .. فى شغل بتعمل اكتر من الحكى و الكلام .....

تانيا .. أنا ما النوع البحتاج يلزوهو .. لكن نوعك دا بقوم فيهو بنمرة أربعة .. و سبق قبل كدا فى بوستات سابقة قلت أنا نفسى "طويييييييل" .... و أنا جاهز ليك و لمسخرتك ...


بعد كلامى دا .. و من هنا و ماشى .. مافى تلميح ولا توريه .........

Post: #88
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 08:22 PM
Parent: #82

صلاح صواطات

هههههههههههههههههههههههههه

مالك أفلست سريع كدا ... و مالك بتتوتر كدا من ما تجى سيرة الرجال و الرجالة 😂😂😂

أولاً أنا فى بلد ما بتقدر تجيها انت لو نططت .. و متوجه بعد يومين أول أقل للبلد الطردوك منها لمدة أربعة أيام ....

و هلا هلا على الجد .. انا بطلع العندى .. وانت تكتب ولا ما تكتب تانى ما فارقة معاى .. لكن تكتب و تتمسخر على شيخ الامين بتلاقينى واقف ليك فى حلقك ..

و برضو يا صواطات انت ما راجل .. و دى ثرثرة منك ساي خلف الكيبورد .....

راجع ليك بعد شويه .. يا ....................... ههههههههههه

Post: #83
Title: Re: شيخ الامين في عيد ميلاده ولا ملك الروم ... (
Author: أحمد الشايقي
Date: 11-12-2015, 06:00 PM
Parent: #80

الرجل مدعي المشيخة و المسمى نفسه الشيخ الأمين

هو أول منسوب للتصوف في تاريخ السودان يفوز بكراهية جيرانـه أهل الحي له ورغبتهم في أن يرحل عنهم هو وحيرانه المتفلتين عن التقاليد السودانية في هذا الحي المحافظ

ومعروف عن أهل التصوف محبة الناس لهم لزهدهم ورشدهم وكرمهم وبركتهــم ولتواضعهـم

وهو أول صوفي يقرأ القرآن على الهواء مباشرة في التلفاز و (يلحن) فيه ويبدي سوء الحفظ والجهل بالتجويـد

ويعرف أهل السودان المتصوفة جيداً فقوتهم القرآن وهو مبتدأهـم ومنتهاهــم

وهو أول صوفي يدعي على الصحـف التأثير على نتائج المباريات الرياضيــة ؟؟؟؟؟؟؟

ومعروف عن أهل التصوف ايكالهم الأمر لله

والرجل ذو نفوذ واسع ارتبط بأهل الحكم (وما هو المشهور عن أهل الحكم في بلادنا ) ؟؟؟؟؟؟؟؟؟؟؟؟

.... يخطئ من يثبت للرجل مشيخة من أي نوع كانت ويخطئ كذلك من يعتبره من المتصوفـة ....

أحمــد الشايقي

Post: #84
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 06:35 PM
Parent: #80

Quote: - داب زول واحد ..! يا أخي الكريم، في ناس ( طبعاً دي مجموع زول، عندنا) كُتار عندهم مشاريع استدامة تطوّر؛ وَ هل عندك شك؟
خُد عندك، وعلى سبيل المثال دون الحصر:-
- الاستناريّون، يرون في فعايل الشيخ، خروج من اللباقة والذوق السـوداني الأصيل وكدا؛ والتفاصيل ما بتغلبك آ جنا.
- الوهّابيون، تجد بعضهم قد رأى في الـ " فعائل" اللّمينية، محاولة مدروسة من جهةٍ مَـــا ..! لتوهيط ارتجاعة، أو قول: انتكاسة، ينخزل بسببها
بعض الشباب الذين قَصّروا الثياب وأطالوا اللِّحَى و مسكو مكرفونات يفتون في الأسواق! ( بالله عليك، برضك خلِّي باقي التفاصيل عليك؛ ما بيناتنا ياخ ههه)
- المعارضون من يمين ويسار وَ بين بين، أكيد أنك تعرف أن لهم مشاريع استدامة تطوّر؛ ولا يقلل بحال! جهل الكثيرين من رعيلهم تلك المشاريع التطويرية!
وقد قيل: إن التابع مفترَض يكون كما الميِّت بين يدي غاسله!!
- مُثَقَّفي المُدَن! خلّينا نقول: مدينة العاصمة المثلثة، من فل الخرِّيجين العاطلين، وَ زُمَر المُحالين إلى الصالح العام وبعضه خاص! يرون في تلك " الفعايل" كما رؤية ذاك
المنكوب،والذي حينما شاف خياراتو قال: ده حااااار وُ داك ما بنكويبو!

بالطبع، لم ألمم بعد، برؤية الإخوان الجمهوريين! حول "نافرة" شيخ اللمين في أم درمان! ولا أعتقد أنهم س يناصبونه العداء..! ولكنني على اعتقاد أيضاً بأنهم لن يقبلوه
بسهولة!!
وعلى ذلك قِس البقية التي لن تبقى كثيراً على ال " حياد" ..

بغض النظر عن ضبط المصطلح "إستدامة التطوّر" ... نمشي مع ردك دا خطوة لى قدّام ...

- الاستناريّون، يرون في فعايل الشيخ، خروج من اللباقة والذوق السـوداني الأصيل وكدا؛ والتفاصيل ما بتغلبك آ جنا.

بتغلبني تب ... الاستنارة ام تغبيش دي ما سمعت بيها ولا بعرفها ... المعروف عن الإستنارة:
The Enlightenment, known in French as the Siècle des Lumières (Century of Enlightenment), and in German as the Aufklärung, was a philosophical movement which dominated the world of ideas in Europe in the 18th century. The principal goals of Enlightenment thinkers were liberty, progress, reason, tolerance, and ending the abuses of the church and state

أنها تحرر العقل من وصاية الدين والدولة ... وأهدافها الحرية ورفعة الإنسان بالعقل والتسامح وبمحاربة تجاوزات الدولة والدين لحقوقه وحرياته ... وهذا المشروع الاستناري لو نعتناه - جدلاً - بـ"استدامة التطوّر" نخلص لنتيجتين سريعتين ... أولاهما أن مشروع استناري كهذا مطروح من قلة تشتكي من دوغمائية المثقفاتية أكثر مما تشتكي من شيخ الامين ... وثانيهما ... أن شيخ الأمين لا يقول، ولا يفعل، ولا يبدو عليه أنه يخطط سرًا لمستقبل يكون فيه، مؤسسة دينية تزعم الوصاية على العقل وتقمعه وتتحجّر في التسامح الديني وقبول الديانات والملل والنحل والمذاهب والطرق الأخرى .. وسأعود لنقاطك الأخرى بعد أن استلف قيلولة طويلة من ود الباوقة لقضاء حاجات لا تنتظر ...






... المهم ...

Post: #85
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 07:20 PM
Parent: #84

Quote: - الوهّابيون، تجد بعضهم قد رأى في الـ " فعائل" اللّمينية، محاولة مدروسة من جهةٍ مَـــا ..! لتوهيط ارتجاعة، أو قول: انتكاسة، ينخزل بسببها
بعض الشباب الذين قَصّروا الثياب وأطالوا اللِّحَى و مسكو مكرفونات يفتون في الأسواق! ( بالله عليك، برضك خلِّي باقي التفاصيل عليك؛ ما بيناتنا ياخ ههه)

بعد مشيت ... اتذكرت النقطة دي ... جيت راجع ...

بالله "الوهابيون" أبّين مشروع "إستدامة تطوّر" ديل ... ممكن توصف لي مكانهم امشي اتصوّر معاهم؟

لآنو كدا انا بكون ما فهمت "إستدامة تطوّر" يعني شنو ظاطو ...










... المهم ....

Post: #86
Title: Re: شيخ الامين في عيد ميلاده ولا ملك الروم ... (
Author: Osman Dongos
Date: 11-12-2015, 07:39 PM
Parent: #85

الدنيا دي محنا كتار خلاس، الله يسترنا في باقي عمرنا دا.
لك جزيل الشكر أخونا أحمد الشايقي على التنوير.
لك الود،
عثمان دُنقس

Post: #87
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 08:01 PM
Parent: #86

شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...

اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...

فأغلب ما ذكره الأخ الشايقي هو من اسقاطات تلك الحملة الشعواء لتشويه صورته ..

وهو في آخر الأمر شيخ صوفي ... لا يمايز بين غني أو فقير ولا بين أمير أو أسير ... كدأب شيوخ الصوفية عبر التاريخ ..

والله يسترنا جميعًا ... لاكين الشايقي زاتو داير تنوير








... المهم ....

Post: #89
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-12-2015, 08:26 PM
Parent: #87

Quote:
شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...

اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...

فأغلب ما ذكره الأخ الشايقي هو من اسقاطات تلك الحملة الشعواء لتشويه صورته ..

وهو في آخر الأمر شيخ صوفي ... لا يمايز بين غني أو فقير ولا بين أمير أو أسير ... كدأب شيوخ الصوفية عبر التاريخ ..

Post: #90
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 08:38 PM
Parent: #87

نجي لى محمد جودة ..

Quote: - المعارضون من يمين ويسار وَ بين بين، أكيد أنك تعرف أن لهم مشاريع استدامة تطوّر؛ ولا يقلل بحال! جهل الكثيرين من رعيلهم تلك المشاريع التطويرية!
وقد قيل: إن التابع مفترَض يكون كما الميِّت بين يدي غاسله!!

رغم أن شيخ الامين يدرّس اتباعه فقه غسل الجنازة ... ولكنه لم يسبق له - ولا ينبغي له - أن يتعامل مع احد حوارييه ومريديه وكأنه جنازة ... فإنت تمشي تشوف الجنايز ديل وين وتنوّرهم باستدامة التطوّر التي طرحتها المعارضة ..

بس الحاجة الوحيدة البتحتاج ليها ... هي نسخة من مشروع استدامة تطوّر ... مطروح بواسطة فصيل من فصايل المعارضة ... ولو عندك كلام زي دا ... نورنا بيهو نحن المستنيرين قبال تمشي على جنايز شيخ الامين ... لاننا قرينا آلاف الصفحات من أدبيات المعارضة ... وما لقينا فيها أي مشروع سياسي ... لا مشروع تطور ... ولا مشروع تخلّف ... ولا مشروع استدامة أي حاجة غير لعبة الكراسي الموسيقية للصراع على السلطة والمناصب الدستورية ...

فاااا شنو ... لوكان للتطوّر استدامة (وهي من سمات التطوّر منذ بدء الخليقة بالمناسبة) ... فالمعارضة باص ... لا تقول لي جبهة ثورية ... لا تفقع مرارتي بى وثيقة البديل الديموقراطي ...

حتى لو سلمنا بإنو المعارضة عندها مشروع سياسي ... وشيخ الامين معاند لوصول مشروعكم دا للشباب ... ليه ما تستعملوا التنوير والحجة العقلية لاستقطاب الشباب ... بدل ارسال التهم غير المعقلنة وغير المدعمة بمعطيات الواقع على عواهنها في حق انسان ما جاب سيرتكم بى خير أو بى شر؟

بل عندما تدخّل - كديبلوماسية شعبية - في العلاقات السودانية الإماراتية ... رد على المعارضة بكل احترام بعد أن اتهمته بالتماهي مع سياسات النظام الحاكم وأوسعوه شتمًا وتقريعًا ... بأن علاقاته في الإمارات تسمح له بتقديم ما فيه خير السودان والمواطن السوداني؛ بغض النظر عن الجهة التي تحكم السودان ...

طبعًا اتهام استقبال شيوخ الطرق الصوفية للبشير ورموز النظام ... اتهام طال الكثيرين من المشايخ ولم يتوقف عند شيخ الامين وحده ... وقلنا ليكم شيوخنا ديل لو جاهم حرامي ياهو ... يستقبلوهو ويستضيفوهو ويكرمو مثواه زيو زي البشير بالضبط ... لاكين ناس ثقافة حشر الشطة في مؤخرات الحرامية ما دايرين يفهموا الكلام دا ...







... المهم ....

Post: #91
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 08:48 PM
Parent: #90

مولانا العم عبدالله ..

ولدي قاعد جنبي بيتعلم في:

يا عبدالله شيل الحلة الحلة تقيلة فيها بليلة ..

فأرسلت مداخلتي ثم وجدت مشاركتك بتأكيد كلامي عن شيخ الامين ...

فوالله القلوب شواهد ... والحلة تقيلة .. والناس دي دايرة تضرب البليلة بدون ما تشيل شيلتها ...

ولك مني قيزان من المحبة والود ...








... المهم ...

Post: #92
Title: Re: شيخ الامين في عيد ميلاده ولا ملك الروم ... (
Author: Osman Dongos
Date: 11-12-2015, 09:05 PM
Parent: #91

تشكر تبارك على التنوير الإضافي،
تاني حاجة، أبعد الولد من الحلل عشان ما تقوَم ليهو هبوب يوم عرسو، ههههههههه
لكم الود جميعا.

Post: #93
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 09:14 PM
Parent: #91

Quote: - مُثَقَّفي المُدَن! خلّينا نقول: مدينة العاصمة المثلثة، من فل الخرِّيجين العاطلين، وَ زُمَر المُحالين إلى الصالح العام وبعضه خاص! يرون في تلك " الفعايل" كما رؤية ذاك
المنكوب،والذي حينما شاف خياراتو قال: ده حااااار وُ داك ما بنكويبو!

ههههههههههههههه ....

جماعتك ديل دايرين ليهم مشروع أسر منتجة ولّ مشروع قرض أصغر وحسن كمان ... ما اظنهم ناس مشروع استدامة تطوّر ...

لو لقوا مشروع طشمة وعشا ... بيبقوا ناس ذكريات عثمان الشفيع لا اكثر

وشيخ الامين ما اظنوا بيعاند استدامة تطوّر الجماعة ديل ... خليهم يجوا على الخلوة وكت الغدا ويحضروا كيتة المغارب









... المهم ....

Post: #94
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 09:19 PM
Parent: #93

Quote: بالطبع، لم ألمم بعد، برؤية الإخوان الجمهوريين! حول "نافرة" شيخ اللمين في أم درمان! ولا أعتقد أنهم س يناصبونه العداء..! ولكنني على اعتقاد أيضاً بأنهم لن يقبلوه
بسهولة!!
وعلى ذلك قِس البقية التي لن تبقى كثيراً على ال " حياد" ..

الاستاذ رايو في المشايخ الصوفية معروف ... انت داير راي منو في الاخوان الجمهوريين ... ياسر الشريف شارك في بوست دا وقال لى عثمان السلفي جر ...









... المهم ....

Post: #96
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 09:28 PM
Parent: #94

أمّا موضوع خاطرتك بتاعة مشابهة الطرق الصوفية السودانية بالحشاشين والمتطرفين ..

فبنسمح ليك تأسس لى ترجيح صحتها ببينات ومعطيات واضحة وتحليل علمي منطقي لمقارناتك التاريخية التي عقدتها بين شيخ الامين وابوبكر العباسي والصباحي وغيرهم ..

ونرد عليك الصباح كان الله هوّن ...









... المهم ....

Post: #101
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 05:47 AM
Parent: #96

Quote: أمّا موضوع خاطرتك بتاعة مشابهة الطرق الصوفية السودانية بالحشاشين والمتطرفين ..

فبنسمح ليك تأسس لى ترجيح صحتها ببينات ومعطيات واضحة وتحليل علمي منطقي لمقارناتك التاريخية التي عقدتها بين شيخ الامين وابوبكر العباسي والصباحي وغيرهم ..


ما بتقصِّر والله، كتّر خيرك، وَ زاد بِرَّك، عزيزي تبارك؛ فقد والله، زدتني معرفة بمستوى " الأثر" الأميني في العقول المتصوِّفة السودانية، وتلك ال متشوِّفة لغدٍ يخلو
من تقسيمات الدِّين وتقاطعاته بين المسلمين السودانيين.

وسأكون، في انتظار جيتك، وأسال اللهَ تعالى، أن يهوِّن قواسينا جميعا.



......
وَ لي عودة بإذن الله،

مع " قوز كَبَّرو" كامل، وعديل كدا من المودة وبنات عمّها من "محبّة" و ال" لهفة" دون العذاااب! لو تعرف؟

Post: #102
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 06:07 AM
Parent: #101

Quote: شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...


يا تبارك،

تفعل خيراً كثيراً إن زدّتنا معرفة بأخبار عن الشيخ عبدالله ود عجوز.

أذكر أنني قرأتُ في الشهرين تلاتة ال ماضيات، خبراً عن خلاف في هَمَر! Hammer بين "خليفة" ود عجوز!! وَ جماعة
قيل أنهم احتالوا على "واحدة" ممّن كُنّ ضمن " زوجاته" وأخذوا " هَمَرَها" ..! كأنما تسمع الـFour Wheel Drive حقَّتها تقول:
خَتفها .. خَتَفها .. خَتَفَها !!!



...............................
معليش! مع إنو الناس بتقول: دي الشفقة ال عَوَجتْ خشم الفتيل!

Post: #95
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 09:25 PM
Parent: #93

هاك يا صواطات ...

حا أديك ليها بالقطارة ........

(نسيت القضية بتاعتك تحرش .. و إنت متعود ما متحرشين بيك .. و و شكلك ظاااااااااااهر ....)


قول واحد 😉

Post: #97
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-12-2015, 09:37 PM
Parent: #95

كمال عبدو ...

اتصلح معانا في المعايير والحساسية ... واشتم الراجل على راحتك ...

غير كدا ... نحتج مرة أخرى على انعدام الحساسية .. والتلميحات الشوفينية الذكورية ..

ثم تانيًا ...

نفترض انو صلاح جادات عندو قضية اتحرش بى زول ... أو زول اتحرش بيهو ... وبعدين؟

يعني داير تفضحو مثلاً؟

ياخي انت فضحت رقبتك وعقدك النفسية كلها مرقت في الصقيعة بى لغتك الضحلة دي ...

اشتم الراجل ... لاكين ما تضرسنا بى تخلفك دا ...

دا ما نوع المنابر الممكن تبتز فيهو زول بى تتذكر لامن قبضوك في الخور ...










... المهم ....

Post: #98
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-12-2015, 10:27 PM
Parent: #97

Quote: ولك مني قيزان من المحبة والود ...

ولك من المحبه والود جبال , حبيبنا الحبوب تبارك
فاقدنك وليك وحشه .
سلامنا للأمير ولى العهد .

Quote: فوالله القلوب شواهد ... والحلة تقيلة .. والناس دي دايرة تضرب البليلة بدون ما تشيل شيلتها ...

يا حِليلنا من زمن بَليلةْ العيش الكانت كرامه وحاليَّاً ما بنلقى ناس بقوموا بيها إلّا زى ناس شيخ الأمين .

Post: #183
Title: Re: شيخ الامين في عيد ميلاده ولا ملك الروم ... (
Author: Muhib
Date: 11-23-2015, 04:30 PM
Parent: #98

Quote: سؤال : الاستنارة دي عندها حبل ولا مطلوقة ساكت ؟!


لا اذكر من كتب هذه المداخله ولكن الاجابه
مطلوقه من غير حبل ..
بالمناسبه ..شيخ الامين في الحوار التلفزيوني كلامه معقول ولا غضاضه علي الرجل ...فهو رجل دين اسلامي وبيمارس في حريته
والتابعين له لهم كامل الحريه في اتباعه و في الفرح والاحتفاء به وايضا اين المشكله في احتفال السفراء معه في عيد مياده ؟
هذا الرجل ليس مشكله السودان ..السودان مشكلته في الحاكم الجائر قسم الناس لطبقات

Post: #99
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-12-2015, 11:43 PM
Parent: #97

كمال الخنيث
- ها ها ها
- من البتوتر ومن منو يتوتر ... طلعت من حيران شيخ الامين وبرضو عاوز تتكلم عن الرجالة ها ها ها
- طالما انا مابقدر اجي البلد الانت فيها تعال انت لكينيا عشان نشوف رجالتك .. كفي انك طلعت من حيران الببسي
- ضحكتك ذاتا بتوري من انت ...
- قضية تحرش ... الثانوي ده قريناهو نحن الاثنين فقط .. معقولة انا قريت في مدرسة فيها عدد كبير من الكيزان وتحصل لي قضية تحرش والكيزان ما يجبو خبرها
- قضية يعني وصلت البوليس والمحكمة .. جيب تفاصيلها واسم المتحرش به .. طالما هي وصلت المحكمة مافي داعي لهذا التستر
- اوعا بس يكون اتحرشت بيك انت ها ها ها .. تعرف عند الجهلاء في الزمن الكنت فيه في الثانوي التحرش بيعتبر رجولة وفحولة
- تعرف واحد عضو منبر زيك عصرنا شديد هدد وازبد وارعد بانه سوف يكشف ملفي وبعد طول انتظار جا قال لي انت ساكن في غرفة مافيها عفش وانتو ثلاثة في الغرفة
وانا ساكن في بيتي بلندن .. ده العيب الوحيد الوجدو في ملفي .. اثبت لي الشرف ورفع من قدري دون ان يدري واثبت علي نفسه الخسة والرزالة .. فكان السؤال بيت ملك في لندن من اين لك هذا ؟
واتضح انه من اثرياء السودان فايضا قيل له من اين لك هذا فهرب من المنبر وحتي اليوم لم يدخله
- فنجض شغلك وجيب حاجة قوية قدر حليفتك الحلفتها يا حوار الببسي
Quote: صلاح صواطات

هههههههههههههههههههههههههه

مالك أفلست سريع كدا ... و مالك بتتوتر كدا من ما تجى سيرة الرجال و الرجالة 😂😂😂

أولاً أنا فى بلد ما بتقدر تجيها انت لو نططت .. و متوجه بعد يومين أول أقل للبلد الطردوك منها لمدة أربعة أيام ....

و هلا هلا على الجد .. انا بطلع العندى .. وانت تكتب ولا ما تكتب تانى ما فارقة معاى .. لكن تكتب و تتمسخر على شيخ الامين بتلاقينى واقف ليك فى حلقك ..

و برضو يا صواطات انت ما راجل .. و دى ثرثرة منك ساي خلف الكيبورد .....

راجع ليك بعد شويه .. يا ....................... ههههههههههه

..................................................................................................................................

هاك يا صواطات ...

حا أديك ليها بالقطارة ........

(نسيت القضية بتاعتك تحرش .. و إنت متعود ما متحرشين بيك .. و و شكلك ظاااااااااااهر ....)


قول واحد 😉

Post: #100
Title: Re: شيخ الامين في عيد ميلاده ولا ملك الروم ... (
Author: Kamal Abdu
Date: 11-12-2015, 11:58 PM
Parent: #99

صواطات .. ما قلت انا كوز .. هههههههههههههههه

و انا قلت ليك قول واحد ....

ما تستعجل على رزقك .....

و أنا قدر حليفتى .....

و بالقطاااااارة ................

Post: #103
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 06:33 AM
Parent: #1

12208779_707952879306032_7872677345845464046_n.jpg Hosting at Sudaneseonline.com


لا أدري!
لم تذكِّرني هذه اللقطة ذَينك السِّماطَيْن! في زمنٍ ما بــ مدينة " حَـلَــبْ ال شهباء كانت! ثم طمرتها "نوافر" الإسلام السياسي في دُهيَتِها البغدادية الدِّمشقية ..!؟
ولكن، ربما كان لعنوان الأخ/ جادّات، لهذا البوست عن بهرجات عيد ميلاد صوفنجي في أم درمان، وقد اشتمل في "شبه جُملة": ملك الرّوم! أكبر الأثر التذكيري؛
فكان من باب أولى، أن آتي ببعض "رَويِّ" يتناسب والمناسبة ال " نواة" حتى يُعيد التاريخ نفسه ..!
دُرُوعٌ لمَلْكِ الرّومِ هذي الرّسائِلُ ...!
دُرُوعٌ لمَلْكِ الرّومِ هذي الرّسائِلُ يَرُدّ بهَا عَنْ نَفْسِهِ وَيُشَاغِلُ
هيَ الزّرَدُ الضّافي علَيْهِ وَلَفْظُها عَلَيْكَ ثَنَاءٌ سَابِغٌ وَفَضائِلُ
وَأنّى اهْتَدَى هذا الرّسُولُ بأرْضِهِ وَما سكَنَتْ مذْ سرْتَ فيها القساطِلُ
وَمن أيّ ماءٍ كانَ يَسقي جِيادَهُ وَلم تَصْفُ مِن مَزْجِ الدّماءِ المَناهِلُ
أتَاكَ يكادُ الرّأسُ يَجْحَدُ عُنقَهُ وَتَنْقَدّ تحتَ الدّرْعِ منهُ المَفَاصِلُ
يُقَوِّمُ تَقْوِيمُ السِّماطَينِ مَشْيَهُ إلَيكَ إذا ما عَوّجَتْهُ الأفَاكِلُ
فَقَاسَمَكَ العَينَينِ منهُ وَلَحْظَهُ سَمِيُّكَ وَالخِلُّ الذي لا تُزَايِلُ
وَأبصَرَ منكَ الرّزْقَ وَالرّزْقُ مُطمِعٌ وَأبصَرَ منهُ المَوْتَ وَالمَوْتُ هَائِلُ



---------------------------

Post: #104
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 07:09 AM
Parent: #103

أسِفتُ جدّاً والله أنني لم أكوِّت مداخلة جعيصة للأخ أبوبكر عباس،

كان يفوح فيها، الصندل الصوفي ال عبيق!

وَ "تومي" الدنيا فرّاااااقة.

ولك التحايا يا أبابكر عباس،





---------------------------
والله يا دكتور، لسنا ضد حُريات المُداخلين في تعديل مداخلاتهم،
ولكن سحبها كما سحب الشَّعَرَة من العجين، يضطّرنا أن نقول لك: ال فيكم اتعرفَتْ!!

Post: #105
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-13-2015, 08:29 AM
Parent: #104

أبا جودة، العتب على النظر، المداخلة لم تحذف ولم يمسسها سوء
الرابط:
Re: شيخ الامين في عيد ميلاده ولا ملك الروم ... ( Re: شيخ الامين في عيد ميلاده ولا ملك الروم ... (

Post: #106
Title: Re: شيخ الامين في عيد ميلاده ولا ملك الروم ... (
Author: أحمد الشايقي
Date: 11-13-2015, 08:39 AM
Parent: #105

Quote: يا أخي، لمان ألقى تبارك في بوست، بتجنب التداخل، بخاف من زيادة الجرعة، لكن ما دام بدلني؛ أقول:

كتبت قديما عن شيخ اللمين هذه الخاطرة:
أهديها له الآن في عيد ميلاده الميمون

مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب
جلسوا في صالة أسمح من صالون وردي، الفي الغنا، البي الحرير و الورد مفروش...

شوية ونسمع صوت نوبة
حيّ حيّ
يسبق الصوت ريحة صندل*
يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام والسبابة ويهزها هزة خفيفة مع إيقاع الطبل والطار،
طار عقل الحضور وبانت لديهم سعادة إختفت عن أم درمان من زمن الفوزات

في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها
كلمينا: علاقتك بي أبونا الشيخ بدت كيف؟
قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك...
من اللقاء دا، أيقنت انو شيخ اللمين دا نبي
أصلو النبي دا شنو؟ زول بزرع السعادة في الناس

* أنا حضرت الحلقة في التلفزيون، ريحة الصندل إتخيلتها ساكت


جميلة يا أبوبكر

لفت نظري إليها تعليق الاستاذ أبوجودة

رحمة الله على جدي الفضيل .. كان لما ينبسط من زول يوصفه بالراجــل (الفحــل)

Post: #107
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 08:43 AM
Parent: #105

شكرن كتيراً عزيزي أبوبكر عباس،

وَ حات شيخ اللمين، ما لقيتا بي هناك ..!
يكون دي كرامة ولّا إيه يا بيه!

ولاّ يكون ال عَتَبْ على " الشبكة الانترنتية سودانياً" وكدا ..!
فأنا نظري، واثق منّو شديد!! شفتا كيف.



على كُل حال، كان دار تشيلا، بعد ده

شييييييلا

وُ بي شوّالا

ههه

.............
فقد تمّ التكويت تدكيناً وتشوينا

Post: #108
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-13-2015, 08:53 AM
Parent: #107

تسلم عزيزنا وأستاذنا/ أحمد الشايقي،

ولك التحايا الطيبة،

حقيقة فقد قرأت المداخلة، أول نشرها، وأعتقد أن الأخ أبوبكر، قد قطّع بها كثيراً من الشكوك الحائمة؛ ولمّا جاءت مداخلتك
ومداخلات الأخ تبارك، احتجتُ أن أراجع مداخلة أبوبكر ( والكاربة ) في توصيف ما أريد قوله عن عيد ميلاد شيخ الأمين ودّ البنا.

لم أجدها، ف لعب الفار في عِبِّي! ثم ندمتُ ندامة ال كُسَعي لمّا طارت مني التواثيق.


قطعة أبي بكر عباس، السردية، تصلُح للكثير ال مُثير ال خَطَر.

والله - يا بكّور الدكتور - ماكا هويِّن سهل قيادَك ,, انتا سيّد نفسَك مين ميييين أسيادك.

وَ دُمتما

Post: #109
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-13-2015, 11:50 AM
Parent: #108

Quote: شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...

اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


وين الدين من الكلام دا ؟؟!!

Post: #110
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-13-2015, 05:30 PM
Parent: #109

Quote: وين الدين من الكلام دا ؟؟!!

والله انا ما بقدر افتش دواخلك ... واعرف انت ضليت عن الدين في الكلام دا في ياتو ملف ... لاكين نصيحتي الأخوية لك أن تبقي السؤال مرفوعًا ... وتبحث في دواخلك عن إجابة ... عسى أن يكشف المولى غفلتك عنها ويهديك صراطه المستقيم ...

نتضامن معك ونسأل الله أن يجيبك:

وين الدين من الكلام دا؟

ولكن عمومًا ... نعرفك بأن زعم وجود نسخة واحدة صحيحة من الدين ... ووجود براهين على صحة هذا الدين وخطأ ذاك الدين ... هذا الزعم في حد ذاته مشكلة ... ويجعل كل منا يكفّر الآخر ويتطيّر بدينه .. فأرجو أن لا ندخل ذلك النفق ... لأن البوذي لا يغيّر ما يؤمن به الهندوسي والهندوسي لا يغيّر ما يؤمن به البوذي ... هكذا خلق الله الإنسان ... وهو يهدي من يشاء ... والله لا يحب المعتدين ...








... المهم ...

Post: #111
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-13-2015, 05:47 PM
Parent: #110

نسأل اخواننا الاقباط إذا كان صاحب الصورة مع شيخ الامين هو أبونا الراهب القمص صرابامون السرياني شخصيًا؟؟

عشان نقدر نرد على محمد جودة في تشبيه اسقف النوبة بملك الروم ...













... المهم ....

Post: #112
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-13-2015, 07:18 PM
Parent: #109

كمال الخنيث
في انتظار نمرة اتنين ...
البمنعك شنو ماتجي كينيا تدافع عن عرضك يا ديوث ...
Quote: صواطات .. ما قلت انا كوز .. هههههههههههههههه

و انا قلت ليك قول واحد ....

ما تستعجل على رزقك .....

و أنا قدر حليفتى .....

و بالقطاااااارة ................

Post: #113
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-13-2015, 08:01 PM
Parent: #112

الأخ تبارك
قول بسم الله واستهدى بالله المسألة ما محتاجة تفتيش وضلال وهداية وبحث دواخل انت قلت :

Quote: اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


التلات أسباب مافيها شيء من الدين إطلاقاً ، هل اسلوب الحياة العصرية من الدين يعني الما عايش حياة عصرية ما متدين ؟ وانت حدد انو هو رجل أعمال ناجح
وأنه جاذبيته لقطاع الشباب من الميسورين وتصديه محاولة اغتيال الشخصية من الجماعات السلفية ؟

طيب هل فسر آية ؟ شرح حديث ؟ علم أحكام صلاة صوم ميراث شنو الحاجات البتعرفو بيها رجال الدين عملها واللي انت ما أوردتها في كلامك .

وكلامي كله كان في ما ذكرته أعلاه ، لكن سبحان الله المنبر يعج بـ(محاكم تفتيش الضمائر) وإطلاق الأحكام المسبقة ، مشيت لنسخة واحدة من الدين وكلام كتير وطالما ذكرتها أسألك الرسول عليه السلام قال :
(تركت فيكم ما إن تمسكتم به لن تضلوا بعدي أبداً) ، أين ما يفعله المدعو الأمين وهو حيرانه مما فعله النبي عليه أفضل الصلاة والسلام وصحابته الكرام ؟

هل كان في عهد الرسول عليه أفضل الصلاة والسلام نوبة وذكر ؟

هل في عهد صحابته حصل هذا الشيء ؟

هل احتفل الرسول صلى الله عليه وسلم بعيد وميلاده ؟

هل جلس النبي مثل قال جادات مثل ملك كرسي وصولجان وحواريين وحشم وخدم؟

وكثير مما يفعله الأمين وحيرانه وكثير من الصوفية هل له من الدين في شيء ؟! وتحسباً لا تقولي وهابية وأنصار سنة ، كلمني عن ما ورد في القرآن الكريم والسنة المطهرة فقط

عشان ما تجيني تقول الوهابية فعلوا أنصار السنة تركوا علان فعل ، أنا اتكلم عن قرآن كريم وسنة مطهرة فقط لا شخوص ولا جماعات

Post: #114
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-13-2015, 08:35 PM
Parent: #113

Quote: قال الشيخ الألباني رحمه الله في رسالته " مقدمة في مصطلح الحديث والحديث حجة بنفسه في العقائد والأحكام ": { عن أبي هريرة رضي الله عنه قال: قال رسول الله صلى الله عليه وسلم: تركت فيكم شيئين لن تضلوا بعدهما ما تمسكتم بهما، كتاب الله وسنتي، ولن يتفرّقا حتى يردا على الحوض. أخرجه مالك مرسلاً، والحاكم مسنداً وصححه } (راجع باب وجوب الرجوع إلى السنة وتحريم مخالفتها ص 30 حديث رقم 6).

قلت: سكت الحاكم عقب رواية أبي هريرة رضي الله عنه ولم يصححه، وفيه صالح بن موسى الطلحي وهو متروك (تقريب التهذيب ج 1 ص 433). ثم رأيت صالح بن موسى هذا، روى الحديث بلفظ آخر " كتاب الله ونسبـي " بنفس السند عن أبي هريرة (راجع كشف الأستار ج 3 ص 223 رقم 2617). وسند الحافظ البزار (المتوفى 292 هـ) إلى صالح بن موسى أصح وأعلى من سند الحاكم (المتوفى 405 هـ) إليه. وهذا اللفظ " كتاب الله ونسبـي " له شاهد بلفظ " كتاب الله وعترتي " صححه الشيخ الألباني وغيره. إذن حديث أبي هريرة بلفظ " سنتي " إما تصحيف أو من أوهام الرواة أو أغلاط وإضطراب صالح بن موسى نفسه فهو متروك كما عرفت. وقد اضطرب فيه مرة أخرى فرواه بلفظ آخر بنفس السند عن أبي هريرة فقال: { قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّهَا سَتَأْتِيكُمْ عَنِّي أَحَادِيثُ مُخْتَلِفَةٌ، فَمَا آتَاكُمْ مُوَافِقًا لِكِتَابِ اللَّهِ وَلِسُنَّتِي فَهُوَ مِنِّي، وَمَا آتَاكُمْ مُخَالِفًا لِكِتَابِ اللَّهِ وَسُنَّتِي فَلَيْسَ مِنِّي } (الفقيه والمتفقه للخطيب رقم 345).

ورواه الحاكم أيضاً بإسناده عن ابن عباس رضي الله عنه ولكن قال عقبه: { وقد احتجّ البخاري بأحاديث عكرمة، واحتج مسلم بابن أبي أويس، وسائر رواته متفق عليهم. وهذا الحديث لخطبة النبي صلى الله عليه وآله وسلّم متفق على إخراجه في الصحيح: يا أيها الناس إني قد تركت فيكم ما لن تضلوا بعده إن اعتصمتم به، كتاب الله، وأنتم مسؤولون عني فما أنتم قائلون؟ وذكر الاعتصام بالسنة في هذه الخطبة غريب، ويحتاج إليها }.
وفيه إسماعيل ابن أبي أويس متهم بالوضع، قال الحافظ: " لا يحتج بشئ من حديثه غير ما في الصحيح من أجل ما قدح فيه النسائي وغيره إلا أن شاركه فيه غيره فيعتبر فيه " (مقدمة فتح الباري ص 388). قلت: لم يشاركه أحد. وقد تكلم في أبيه أيضا، قال ابن معين: يسرق الحديث وضعفه غير واحد، وقال الحافظ: " صدوق يهم ".

والحديث روي أيضاً عن أبي سعيد الخدري رضي الله عنه (الفقيه والمتفقه للخطيب البغدادي رقم 272) فيه غير واحد من الضعفاء والمتروكين كسيف بن عمر والصباح بن محمد.

أما رواية إمام مالك فهي مرسلة، قال السيوطي: { وصله ابن عبد البرّ من حديث كثير بن عبدالله بن عمرو بن عوف، عن أبيه، عن جده } (راجع تنوير الحوالك). وكثير بن عبد الله هذا هو من أركان الكذب كما قال الإمام الشافعي وأبو داود وقال ابن حبان: " روى عن أبيه عن جدّه نسخة موضوعة ".



لو سألتني انا ... شيتًا قالوا الألباني مشكوك في صحته عندي وإن صح ... لأن الألباني لاجئ سياسي وجليس ملوك وصاحب غرض عليه رحمة الله ...

أها ... اختلفنا في معيار الكتاب والسنة ... ودخلنا في نفق الهندوسي الداير يقنع البوذي ...

يا زول واصل السؤال: الكلام دا علاقتو بالدين شنو؟

وامتحن نفسك: الدين عندك شنو؟

بالنسبة لى شيخ الامين قلنا إنو حوار الشيخ عبدالله ودعجوز ... يعني تم تشييخو والإذن له في الطريقة كما تم تشييخ مئات الشيوخ على مر مئات السنين في السودان ... لامن نتكلم عن أسباب شهرتو ... فنحن نقصد أسباب تناول الإعلام له وكيف صار حديث المجالس بين الناس ... ولا نتحدث عن دينه ...

لأن الحديث عن دين شخص لشخص على دين آخر أو على جهل بما يزعم أنه دينه ... حديث جارح ويطعن في حرية الإعتقاد ... فقد ذكرنا أن الرجل لا يقف في مسير الإستنارة التي تهدف لتحرير العقل الإنساني من سلطات الدين والدولة ... مما يعني أن دينه دين تسامح معقلن ... وليس بمصيطر ...

فيا اخوي ربنا يهدينا ويهديك ...






... المهم ....

Post: #115
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-13-2015, 09:10 PM
Parent: #114

نواصل (اللت) و(العجن) :

برضو مشيت للألباني ولاجئ سياسي ومهرب بشر وتاجر سلاح وكلام كتير ما ليه داعي ولا داخل في صميم نقاشنا .

بعدين شنو تم تشييخه من عبد الله ود العجوز ؟ ود العجوز لا يأتيه الباطل من بين يديه ولا شنو ؟

أسألك سؤالك ترجع بسؤال غير تاني ما ليه علاقة بالكلام نهائي ، انا تعريفي للدين خليه وريني انت فهمك للدين شنو

ادينا فهمك للدين امكن نتبعك وتبقى ليك شيخ طريقة .. المافي شنو ؟

وبرضو بتتكلم عن دين شخص آخر وما إلى ذلك ، ياخ تكلم لي عن مفاهيم أفكار مذاهب عقائد ، أبعدنا من الشخوص نهائي عشان نصل لحل

جيب من القرآن والسنة الحاجة الانت مقتنع بيها وصحيحة وشايفة هي الأصح وبعدها طبقها على الأمين وحواريه وهل هي صحيحة ولا لا ؟

وكفى الله المؤمنين القتال

Post: #116
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-13-2015, 10:28 PM
Parent: #115

Quote: برضو مشيت للألباني ولاجئ سياسي ومهرب بشر وتاجر سلاح وكلام كتير ما ليه داعي ولا داخل في صميم نقاشنا

دا تخريج حديث ... الألباني تكلّم في الحاكم ليبرر تخريجه ... والحاكم تكلّم في ابن ابي موسى ... وأنا تكلمت في الألباني لأضع لك نتيجتي النهائية ... المسألة ليست مزاج شخصي للتدخل في شؤون الألباني ... ولكن جلب حقائق حوله لتقييم مصداقيته ... مثل كونه لاجئ من البطش العثماني في ألبانيا ... وكونه جليس ملوك ومتملق سلطة ... وكونه صاحب غرض خدمة السلطة التي لجأ إليها بأحاديث تعضد سلطانها ... وهكذا ... هذه حقائق حول السياق الذي يقوم فيه بتخريج الأحاديث ... وتطعن في مصداقيته ...

Quote: انا تعريفي للدين خليه وريني انت فهمك للدين شنو

ادينا فهمك للدين امكن نتبعك وتبقى ليك شيخ طريقة .. المافي شنو ؟

المافي أنا ... هذا المشترك لا يمكن الوصول إليه حاليًا ...

انت يا زول فكيت شيخ الامين؛ اتدرّعتني انا؟

Quote: جيب من القرآن والسنة الحاجة الانت مقتنع بيها وصحيحة وشايفة هي الأصح وبعدها طبقها على الأمين وحواريه وهل هي صحيحة ولا لا ؟

اجيب لى منو؟

جبت ليك من الألباني انو السنة بدعة موضوعة كلفظ من لسان رسول الله في الحديث ... وطبعًا السنة لم يرد ذكرها في القرآن ... يعني معيار مشترك بيناتنا عشان اجيب ليك وتجيب لي ... مافي

هسي كمان بقيت داير تبقيني شيخك؟

يا راجل الله يهدينا ويهديك ....





... المهم ....

Post: #117
Title: Re: شيخ الامين في عيد ميلاده ولا ملك الروم ... (
Author: أحمد الشايقي
Date: 11-13-2015, 11:08 PM
Parent: #116

شكرا أستاذ أبو جودة

Quote: قطعة أبي بكر عباس، السردية، تصلُح للكثير ال مُثير ال خَطَر.


أخونا ابوبكر (جاب العيد) .. على قول الخليجيين أحبابنا

ووضع موضوع رواية أدبية غاية في الرفعة

في قريتنا (ديك) كما يقول الفادح نزار وفي قريتنا الحقيقية (حكواتي) هو الآخر أخو فداحـة ينسب للكثير من (ألفقراء .. والمعنى واضح) الكثير من الفداحات أيضاً

هي مما (يسكت عنه) في الغالب ويؤسفني أنه لم يصبح بعد محل كتابة أدبية جادة وهو قصور في هذا المجتمع الذي يفتقد إلى الصراحـة ويركن إلى السلامة (غادي غادي)

لك التحية أبو جودة ولأبي بكر قدر ما أسعدنا .. ونشكره على اسعادنا ...

أحمد الشايقي

Post: #118
Title: Re: شيخ الامين في عيد ميلاده ولا ملك الروم ... (
Author: أحمد الشايقي
Date: 11-13-2015, 11:22 PM
Parent: #117

يا تبارك أخوي

قرأت افادتك بأن الرجل المسمى نفسه الشيخ الامين هو حوار الشيخ ود العجوز

ولعلمك يا أخي فالحق لا يعرف بالرجال وإنما الرجال يعرفون بالحق .. والرجل هذا رأيناه في التلفزيون وعلى اليوتيوب يستشهد بآيات شهيرة من القرآن الكريم ولا يحسن قراءتها ولا تجويدها

فمثل الذي يلحن بالقرآن الكريم لا يصلح أن يؤم الصلاة ناهيك عن أية أمور أخرى

فما بالك من رجل يشتكي منه جيرانه بالحي مر الشكوى (وبقية القصة وتفاصيلها معروفة)

فارتباطه بشيخ ود العجوز لا يعنينا في شئ ولو تطابق فعل الشيخ ود العجوز نفسه مع فعل المسمي نفسه الشيخ الامين لأنكرنا عليه ما يفعل وما يقول

لو طلبت طريقاً صوفيا يا تبارك فدونك قمة الشجرة المكاشفية ولا تتوقف حتى ترد الشكينيبة ففيها غنى عن كل هؤلاء

ومن قصد البحر استقل السواقيا

أحمد الشايقي

Post: #119
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-13-2015, 11:34 PM
Parent: #116


Post: #120
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 05:04 AM
Parent: #119

Quote: فما بالك من رجل يشتكي منه جيرانه بالحي مر الشكوى (وبقية القصة وتفاصيلها معروفة)

ما هذا التناقض يا شايقي؟

انت وكتين عارف التفاصيل ... ما متعاطف مع شيخ الامين مالك؟



ما تبقى زي شيخ مزمل فقيري ... أدين في تهمة اشانة سمعة ضد شيخ الامين ... واتحكم بى دفع تعويض 10000 جنيه ...

وشيخ الامين عفا التعويض قال: شيخ مزمل راجل محمول ...






... المهم ....

Post: #121
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 05:58 AM
Parent: #120

أصبحنا وأصبح الملك لله ، ونسأل الله أن يعيننا على (توم) و(جيري) :

يا تبارك منو القال مزاج شخصي ومنو الطلب منك تتدخل في شؤون الألباني ؟

بالنسبة لكلامك عن الألباني برجع ليك فيهو برواقة ، أما الآن موضوع بسيط جداً

أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

وعشان تثبت لينا ليها علاقة بالدين ولا لا هات ما تراه أنت ديناً وأحكم لينا على كده ؟!

ورينا تصرفات الأمين وهل وردت عن النبي صلى الله عليه وسلم ولا صحابته ولا لا ؟

دا كل الموضوع ببساطة واختصار شديد ..

كلامك فيه نقاط كتيرة محتاجة نقاش لكن عشان نخلص (توم) و(جيري) يا ريت ترد على ما ورد أعلاه من أسئلة

Post: #122
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-14-2015, 06:24 AM
Parent: #121

Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

ليها علاقة وكمان عميقة بإعتقاد ودين شيخ الامين وأتباعو يا يوسف

Post: #123
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 06:30 AM
Parent: #121

Quote: يا تبارك منو القال مزاج شخصي ومنو الطلب منك تتدخل في شؤون الألباني ؟

حبيبي ...

انا بحاول اشرح ليك انو الصنعة الإسمها "علم الحديث" ... نظامها كدا ... بيقولوا عليها "علم الرجال" لأنو بتقرقر شخصية الرجل عشان تحدد إنو "من الثقاة" ولّ "من المتروكين" ولّ من "ما بينهما" (وتشمل ورع وخلاّط ومجهول ووضاع وكذاب وهلم جر) وقلنا ليك الألباني لاجئ وجليس ومغرض ... وواحد من مؤسسي "علم الرجال" حرد جلسة تدارس عن سير أعلام الرواة والأسانيد ... وقال للجماعة انو دي نميمة واتخارج ... فأنا مقدّر موقفك من هجومي الشخصي على الألباني ... ولكن أصول صنعة "علم الحديث" كدا ... ولامن امتهنها الألباني كان قايل اصحابو الملوك بيعصموهو من الهجوم الشخصي ...
Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

ديني ولّ دينك؟

لأنو انا ما بعرف اغتيال الشخصية وحمل اللافتات وقيادة الهمر وجذب الميسورين والميسورات في دينك وضعهم شنو ... عمومًا انا ما داير احشر ديني في الموضوع ... داير اتكلم كلام موضوعي في اسباب الإشتهار كما حدثت في الواقع ...
Quote: وعشان تثبت لينا ليها علاقة بالدين ولا لا هات ما تراه أنت ديناً وأحكم لينا على كده ؟!

ورينا تصرفات الأمين وهل وردت عن النبي صلى الله عليه وسلم ولا صحابته ولا لا ؟

دا بيرجعنا لى غلات "علم الحديث" الما اتفقنا فيهو على إسناد "السنة" لرسول الله حتى الآن ...

لاكين باختصار شديد ... لو داير تتناقش اتناقش بموضوعية واترك المناوشات الدينية ..

لا بسألك عن دينك ... لا تسألني عن ديني ..

وإذا دار بخلدك سؤال: علاقة الكلام دا بالدين شنو؟

فننصحك بالتمسّك بالسؤال ... والتفتيش عن إجابة في دواخلك ... عسى الله يهدينا ويهديك ...





... المهم ....

Post: #124
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 06:48 AM
Parent: #123

Quote: ليها علاقة وكمان عميقة بإعتقاد ودين شيخ الامين وأتباعو يا يوسف

واضح انو يوسف لا يدين بدين شيخ الامين ...

انا منهدش:

لماذا يبحث عمّا يطعن في دين شيخ الامين؟

لماذا لا ينشغل بدينه هو؟






... المهم ....

Post: #125
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 11:05 AM
Parent: #124

أبو بكر عباس

سلام عليكم

Quote:

Quote: أوردت أسباب اشتهار المدعو الأمين ، الأسباب دي ليها علاقة بالدين ولا لا ؟

ليها علاقة وكمان عميقة بإعتقاد ودين شيخ الامين وأتباعو يا يوسف


ورينا العلاقة شنو ؟!

؛؛؛ ؛؛؛ ؛؛؛

تبارك

اعترف لك بأنك نجحت في جرجرة السؤال ومطمطته بشكل بارع .

بعدين البسوي فيه الأمين دا دين ولا مذهب ؟!

يا شيخنا ممكن أجيب اقتباسات كتيرة جداً وأقارن ما يفعله الأمين وحوارييه مع صحيح القرآن الكريم والسنة المطهرة، تقوم تنفيه كله وتقول دا ما صاح ودا القالو ودا عشان كدا سألتك وريني المقتنع بيه انت من القرآن والسنة وطبق لينا على ما يفعله الأمين وحوارييه هل هو صحيح ولا لا ؟ لكن مصر إن تمط وتجر السؤال الواحد دا إلى ما لا نهاية ، ما عارف هو استعراض عضلات فكرية ولا الفهم شنو ما واضح ؟

طيب لا تسألني من ديني ولا أسألك من دينك ، طيب لو عايزين نقيم البسوي فيه الأمين وجماعته نقيم كيف ؟

وممكن تشرح كيف اتناقش بموضوعية وكيف اترك المناوشات الدينية ؟

Quote: لماذا يبحث عمّا يطعن في دين شيخ الامين؟

لماذا لا ينشغل بدينه هو؟


انتو شيخ الأمين مش قالو محدث ومجدد علم التصوف ورائد علم النهضة بالتصوف ؟ طيب ليه ما ننشغل بالبسوي فيه ويدخل في التقييم والتقويم والتعديل ؟

يوسف ما قال هو مجدد ولا محدث ولا طلع منبر ولا قال شيخ طريقة ولا قال زعيم جماعة عشان عرفت الفرق .

Post: #126
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 12:26 PM
Parent: #125

Quote: طيب لا تسألني من ديني ولا أسألك من دينك ، طيب لو عايزين نقيم البسوي فيه الأمين وجماعته نقيم كيف ؟

وممكن تشرح كيف اتناقش بموضوعية وكيف اترك المناوشات الدينية ؟

انت عايز ليك مناظرة دينية مع شيخ الامين؟

بالله لو قبل بى مناظرتك اعزمنا عشان نحضر ...

خصوصًا انو نتيجتك جاهزة:
Quote: بعدين البسوي فيه الأمين دا دين ولا مذهب ؟!


بعدين انت بتحصحص في شيخ الامين وفيني انا بى معاييرك انت ودينك انت ليه؟
Quote: يا شيخنا ممكن أجيب اقتباسات كتيرة جداً وأقارن ما يفعله الأمين وحوارييه مع صحيح القرآن الكريم والسنة المطهرة، تقوم تنفيه كله وتقول دا ما صاح ودا القالو ودا عشان كدا سألتك وريني المقتنع بيه انت من القرآن والسنة وطبق لينا على ما يفعله الأمين وحوارييه هل هو صحيح ولا لا ؟ لكن مصر إن تمط وتجر السؤال الواحد دا إلى ما لا نهاية ، ما عارف هو استعراض عضلات فكرية ولا الفهم شنو ما واضح ؟

في زول جاك قال ليك البتسوي فيو انت دا غلت؟

انا قاولتك ولّ قاولت شيخ الامين انو انا مقتنع بى شنو؟

ياخي الموضوع انو زعيم ديني وشيخ صوفي مشهور ... عمل عيد ميلاد ... وعزم دبلوماسيين ومسيحيين وأديان أخرى ... جا انصاري السنة اشتكى انو السفير الامريكي ما زارهم ولا عزمهم ... جبنا ليهو صور دكتور اسماعيل مع السفير حين اهداه المصحف ... استنكر على انصار السنة إهداء المصحف للسفير ... سألناهو عن كيفية التعامل مع السفير حسب وجهة نظرو ... اتخارج تاني ما جا ... جانا التقدمي محمد جودة قال شيخ الامين يعاند استدامة التطوّر (أيًا كان معنى هذا التعبير العجيب) ... قلنا ليهو كيف ... قال بيلهي الشباب عن مشاريع استدامية تطورية اتضح انها ما موجودة ظاطو ... وجدع لينا سيرة الجمهوريين في النص في شكل وردة ... واقتبس كلام ابوبكر عباس دخل بيهو بى حمد ومرق بيهو بى خوجلي ...

يعني الموضوع كلو ما فيهو سيرة دين وموقف ديني وأحكام فقهية حول ضرورة أي شي معلوم من الدين بالضرورة (يا قول السلباطة) ...

فإنت هسي جايي داير تعرف رايي الديني في شيخ الامين ... يعني ما رايي السياسي زي عثمان انصاري السنة ومحمد جودة ...

وانا قلت ليك نقاش ديني ما داير ... نقاش موضوعي حول الوقائع والأحداث زي راي احمد الشايقي في مشكلتو مع الجيران (التفاصيلها معلومة من الإعلام بالضرورة برضو ) ... ما عندك أي مشكلة ... نسرد ليك ونناقشك زي العجب ...

لاكين حكاية تفتيش ضماير الناس ... ومقتنعين بى شنو وما مقتنعين بى شنو ... حقو تبطّلها ...







... المهم ....

Post: #127
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-14-2015, 12:31 PM
Parent: #126

يا تبارك، أعصابك
الإستنارة محتاجة طولة بال
يوسف دا لو ما دايرو؛ أديني ليهو

Post: #129
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 12:37 PM
Parent: #127

Quote: يا تبارك، أعصابك
الإستنارة محتاجة طولة بال
يوسف دا لو ما دايرو؛ أديني ليهو



Post: #128
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 12:35 PM
Parent: #126

بالله عليك يا تبارك وين أنا قلت عايز مناظرة بيني وبين الأمين ؟؟

وين الكلام دا ؟؟

إني آمنت بالذي خلق السموات والأرض من هذا لت وعجن ..

بعدين ياخ لو نسيت أنا بذكرك هاك دا سؤالي :

Quote:

Quote: شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...

اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


وين الدين من الكلام دا ؟؟!!



كدي وريني وين استنارة وتطور واستدامة والخطرفات الما معروف بتجيب فيها من وين ؟؟

Post: #130
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 12:38 PM
Parent: #128

Quote: يا تبارك، أعصابك
الإستنارة محتاجة طولة بال
يوسف دا لو ما دايرو؛ أديني ليهو


الشيء شنو يا أبو بكر عباس بني آدم ولا شوال فحم ...

ممكن نسميها شنو ظرافة زايدة عن اللزوم ولا استنارة فوق الجميع ولا فهم بحجم سنوات ضوئية ..

اللهم لا تمحننا ولا تبلينا

Post: #131
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 12:39 PM
Parent: #128

Quote: شيخ الامين من تلاميذ الشيخ عبدالله ودعجوز ...

له خلوة ببيت المال منذ ما يزيد عن عقدين من الزمان ...

اشتهر لأسباب عدة ... منها اسلوب حياته العصرية كرجل أعمال ناجح ...

ومنها جاذبيته لقطاع شباب الطبقة الميسرة من الجنسين ...

ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...


وين الدين من الكلام دا ؟؟!!

ياتو دين؟

Post: #132
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 12:41 PM
Parent: #131

Quote: ياتو دين؟



الدين الإسلامي

Post: #133
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 12:45 PM
Parent: #132

Quote: الدين الإسلامي

يعني الإباضية؟

طيب ياخي مش كان تقول كدا من الصباح ... عشان نوجهك لى اخواننا الإباضية يردّوا عليك ...

انا ما بقدر اتكلم في الدين نيابة عنهم بصراحة ...







... المهم ....

Post: #134
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 12:50 PM
Parent: #133

لو قاصد بى "الدين الإسلامي" الإمامية الإثناعشرية نبّهني ... عشان ما اكون فهمتك غلت







... المهم ...

Post: #135
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 12:51 PM
Parent: #133

تبارك

رغم اني ما احب الاصطفاف والمساندة في النقاش لكن عملاً بنصيحة أخونا عاطف عمر من الفيس أحسن الواحد يتوقف عن النقاش الدائري المطاط .

فتك بعافية ... سلام

Post: #136
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 12:55 PM
Parent: #135

Quote:

Quote: الدين الإسلامي

يعني الإباضية؟

طيب ياخي مش كان تقول كدا من الصباح ... عشان نوجهك لى اخواننا الإباضية يردّوا عليك ...

انا ما بقدر اتكلم في الدين نيابة عنهم بصراحة ...







... المهم ....



Quote: لو قاصد بى "الدين الإسلامي" الإمامية الإثناعشرية نبّهني ... عشان ما اكون فهمتك غلت







... المهم ...



بالله دا زول عايز يتناقش !!!!!

Post: #137
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 01:06 PM
Parent: #136

Quote: بالله دا زول عايز يتناقش !!!!!

وانت داير تدردقني في نقاش ديني انا ما عايز اتناقشو؟ ...

قلت ليك الكلام دا عديييييل ... إلاّ يشيلوك يضربوا بيك الواطا حتين تفهم انو انا ما عايز اتناقش نقاش ديني؟

قلنا ليك لو عايز نقاش موضوعي تعال ..

هسي كلامي دا ... الغلت فيهو شنو ... عشان اصححو:

1/ شيخ الامين من تلاميذ الشيخ عبدالله ودعجوز ...

2/ له خلوة ببيت المال منذ ما يزيد عن عقدين من الزمان ...

3/ اشتهر لأسباب عدة ... منها اسلوب حياته العصرية كرجل أعمال ناجح ...

4/ ومنها جاذبيته لقطاع شباب الطبقة الميسرة من الجنسين ...

5/ ولكن أهم اسباب شهرته تصدّيه وحيرانه لحملة اغتيال الشخصية التي تنظمها الجماعات السلفية ضده ...

لو فيهو كذب أو تحوير للوقائع قول ...

ولو حقيقة ... تكون فهمت علاقة الدين بالحقيقة بالضرورة ...







... المهم ....

Post: #138
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 01:08 PM
Parent: #137

اخد نقلة يا ابوبكر عباس ...







... المهم ...

Post: #139
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-14-2015, 01:36 PM
Parent: #138

يا يوسف، آسفين مجرد مداعبة، لكن الظاهر عليها طلعت غليظة
نقطتك تهمني وأنا غير تبارك حابي اتناقش في الموضوع من النقطة البتحاول تجر ليها تبارك

Post: #140
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 01:43 PM
Parent: #139

طيب جاوب يا الفالح ...

في دينك - الإستناري دا - هل لديك أدلة شرعية على صحة ما يفعله شيخ الامين؟

(انت قايلني زايغ من شوية؟)









... المهم ....

Post: #141
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-14-2015, 02:20 PM
Parent: #140

تعريفي للدين هو ظن حسن
والعقيدة في الدين الفلاني هي:
حكم لا يقبل الشك فيه لدى المعتقد، بالظبط زي ما قالت اللغة
هذا الحكم غير قابل للنقد من منطق عقلي متفق عليه
لذلك عشان الدساتير تشمل كل هذه الأحكام تحت مظلة واحدة قالت:
حرية الإعتقاد وتشمل الحرية داخل الظن الواحد
والشكر لجون قرنق على دستور 2005

عشان كدا لمان يوسف يجي يخت معايير للدين الصحيح
نقول ليهو أمشي كدا ولّ كدا هو في نفسو مجرد ظن
لم تُخضعه في البداية لأي معايير عقلية؟! داي في النص تقول لينا:
لا بُدّ أن يتفق من شنو وشنو ما عارف!!

Post: #142
Title: Re: شيخ الامين في عيد ميلاده ولا ملك الروم ... (
Author: سيف النصر محي الدين
Date: 11-14-2015, 04:08 PM
Parent: #141

في رأيي ان اللمين و حيرانو احرار في ممارسة الدين او ما يعتقدون انه الدين بطريقتهم
يدقوا النوبة..يرقصوا..يتحننوا..يحننوا..هم احرار او المفترض يكونو احرار.
اما ازعاج ناس الحلة بالعربات و المكرفونات و اطلاق الرصاص في الهواء
فهم ليسو احرارا على الاطلاق و ينبغي أن يجدوا وسيلة للتفاهم مع الناس.
ثانيا: استقبال حميدتي و عمر البشير و غيرهم من الشخصيات غير المرغوب
فيها من قبل بعض الناس لابد أن يثير هذا البعض ضدهم و يدخلهم في جدل و جدال
و هجوم و نقد فلابد لهم حينها من تحمل ما يجيهم. و قديما قال الفرنجة:
if you cannot stand the heat get out of the kitchen
اما بخصوص السلفيين فهؤلاء ايضا يجب أن تكفل لهم حرية نقد ما يرون
من وجهة نظرهم انه يستحق النقد و هكذا الحياة يا قول منير.
ارجو أن اكون قد وفقت في تحرير المسألة و بيان مناط الاختلاف
هذا و الله ولي التوفيق.
كتبه و املاه الفقير لربه..الخ

Post: #143
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 06:41 PM
Parent: #142

بس يوسف يفهم ... إنو نحن خالينو على عقيدتو ... يخلينا على عقيدتنا ...

لا يصححنا لا نصححو ...

لو عقيدتو تحضّو أو تأمرو بنصحنا وإرشادنا وأمرنا بما يعرف ونهينا عن ما يستنكر ...

فليعلم: هذا تعدّي ... بنطقطقو فيهو زي السلام عليكم ...

فالمدخل بتاع ...

دينك شنو؟ ورايك شنو؟ ودا بيوافق ولّ بيخالف السنة؟

عشان بعد داك ندخل في غلات مذهبي ويمكن توحيدي ذاتو ...

... دا مدخل ما مقبول مبدئيًا ...

شوف عقيدتك بتقول ليك شنو؛ وامشي بيه ... ما تتعدى على زول ..






... المهم ...

Post: #144
Title: Re: شيخ الامين في عيد ميلاده ولا ملك الروم ... (
Author: صلاح جادات
Date: 11-14-2015, 07:46 PM
Parent: #143

واصلوا في النقاش حتي نجد فرقة لقراءة كل المداخلات

Post: #145
Title: Re: شيخ الامين في عيد ميلاده ولا ملك الروم ... (
Author: يوسف الطيب احمد إدريس
Date: 11-14-2015, 08:35 PM
Parent: #144

Quote: يا يوسف، آسفين مجرد مداعبة، لكن الظاهر عليها طلعت غليظة
نقطتك تهمني وأنا غير تبارك حابي اتناقش في الموضوع من النقطة البتحاول تجر ليها تبارك


الأخ أبو بكر عباس ، عذرك مقبول واعذرني اذا احتديت معاك في التخاطب ربما افتكرت الأمر جادي فاعذرني مرة أخرى
وحبابك وحباب مداعباتك في أي وقت ، ربما التينشن حق النقاش خلا الواحد ما استوعب المداعبة ..

بالنسبة للنقطة التي تهمك وكانت مثار النقاش ، ما عندي مانع انه تفتح بوست وتنقله وأجيك لأنه بصراحة حسيت أنو تغير مسار البوست حق أخونا جادات والحركة دي أنا ما بحبها

فيا ريت يعذرنا الأخ جادات إن تغير مسار بوستيه .

بالنسبة لحتة انو النقطة البحاول أجر عليها تبارك دعني اختلف معك في لفظة (تجر) دي ، بصراحة أنا ما بحب المسائلة السائدة في المنبر ترصد اصطفاف جرجرة أشياء كثيرة حاصلة ما بتنهضم

القصة وما فيها انو سألته سؤال محدد من سياق كلمه وربي الكعبة لو جاوب إمكن كان يتقفل من رده والموضوع خلاص ولو كتر مداخلتين تلاتة كان خلصنا لكن الحصل أهو قدامك

فتك بعافية ...

Post: #146
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-14-2015, 08:41 PM
Parent: #145

Quote: القصة وما فيها انو سألته سؤال محدد من سياق كلمه وربي الكعبة لو جاوب إمكن كان يتقفل من رده والموضوع خلاص ولو كتر مداخلتين تلاتة كان خلصنا لكن الحصل أهو قدامك

ما هكذا يا سعد تورد الإبل ...










... المهم ....

Post: #147
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-15-2015, 01:05 PM
Parent: #146

Quote: جانا التقدمي محمد جودة قال شيخ الامين يعاند استدامة التطوّر (أيًا كان معنى هذا التعبير العجيب) ...
قلنا ليهو كيف ... قال بيلهي الشباب عن مشاريع استدامية تطورية اتضح انها ما موجودة ظاطو ...
وجدع لينا سيرة الجمهوريين في النص في شكل وردة ...
واقتبس كلام ابوبكر عباس دخل بيهو بى حمد ومرق بيهو بى خوجلي ...

خليك مع الزمن يا تبارك، وليك التحايا.. وَ جدلياً كدا، ح أقبل بي تلخيصك حول جيئتي والذّهوب؛ ومن ( الحِتَّة دي!) ما بقول ليك ما " دايرو معاك" ..!! ههه
لكين شايف استدامة التطوّر دي عصلجت معاك بالحيل! مع أنها - بالمقارنة مع ما تحوزه من لأآلي المعارف - ولا شي.

تقول: قلنا ليهو كيف.... قال بيهلي الشباب عن مشاريع استدامية تطوّرية. وأقول: أتنكر أن حفلات هذا الشيخ، بما يحوم حولها من "تقاليع" وَ " موضات" وَ "حركات" كتييييرة، فضلاً عن نشاطاته للقيام بأعمال دبلوماسية رسمية ليست من مهامِه، وعلاوة على تزيّوئه بِ زيِّ "ابن الذوات" في الدنيا الإنقاذوية ال فرندقس دي!! من قطط النظام ال هالك بإذن الله، ومن قادة ميليشيا النظام، ومن دبلوماسيي الغرب المسيحي الهوّام على موائد المتطلّعين بالدِّين! وبال تجارة آل-بوبار!! بل وفوق ذلك! تلك ال عنادة و روح التعدِّي السافر - إن لم نقُل، روح التَّشَفِّي! لـِ قِيَم وموروثات حي ودّ البّنا الأمدرماني العريق؛ تلك التي تمظهرت في قدرة الشيخ ال باتع في تجيير " قضاء الحاكم" لصالح ما يُريّحه ويُتعِب "أهل الحي" كأنما هو الوحيد ال( غزال الحي!) لا يستجريء صلاح صليب ولا حمّاد عجرد ولا باتيستا ..! أن يقول له: رِفقاً بال حيارى ..! و ..و..و... إلخ الواوات؛ ثم يأتي ال "واو" الضّكر!! ألا وهو: سعيُ شيخ اللمين إلى تغيير قواعد اللعبة في ما يختصُّ بــ "التصوّف" السـوداني المعروف سمته، والمقبولة زهادته، وكذلك مقبولة " مجاراته" في السياسة!! ولو إلى حَدٍّ مــَا. ليس ذلك فقط! بل تطلّع ويتطلّع شيخ اللمين وحيرانه ال غيييييير! إلى تجريق العقيدة السودانية الإسلامية السمحاء
وقمــحاء، وتعريتها بطريقة تخُضُّ أجعص شيخ ..! وبعد:

ألا ترى في كل ما ورَد أعلاه مـــمّا يُلهي الشباب عن استدامة مشاريعهم التطورية وكدا ...؟ ف على كيفك ياخ! إذن؛ أما أنا فأرى في بعض ما جرى، إلهاءاً للشباب ال عامِلِ ال فَطِنِ؛ ولا أستبعد أن يضحى بين عشية وضحاها هذا الشيخ اللمين، نقطة ارتكاز شبابية موّارة بالتطلّعات الباترة وباسرة..! على الرغم من هوان خطره حالياً، وبرغم وضاعة موضوعاته التي يهتمّ. أمّا إن زدتَّ على ذلك، عطب واقعنا السياسي والثقافي والشفافي، فسيكون الغد السوداني، بلا شباب فطن أو غير فَطِن !!وإن حدث مثل ما نحكي! دون أن نتصدّى له ولو بال " كتابة في سودانيز بس!" نخشى ساعتها أن نكون من الذين قالت لهم "الأخبار" إن شيخ اللمين وحيرانه ال غييير!! قد سوّوا وفعلوا في الأرض، فقالوا منطربين: وأنا مالي ومالو .. أنا مالو ومالو .. أنا مالو وماااااالو .. ده ال شغلني دلالو؛ وحينها لابد أن نصبح على شرّ مُنقَلَب! بأن نجد أنفسنا وجهاً لوجه أمام " مسيخٍ دَجّال " أو " نيرون ٍ " حَرّاقٍ قَتّال، أو "مُختار ٍ " هَرَّاشٍ قلقال، أو " أبي بكر" بغدانيٍّ "أطّاع" للرُّقاب بتأوّلٍ فاسد!! بل حتى وعلى " إثم" السَّفَّة! والحال، أنّ من أدبياتنا الصبيانية، ما إن يشحدَك صديقك السَّفَّة، حتى تقول له: السَّفَّة بي تَفَّة!! و ال عربون " بوسة" و " الضمان" همزة.

وُ بس!


Post: #148
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-15-2015, 04:51 PM
Parent: #147

Quote: ألا ترى في كل ما ورَد أعلاه مـــمّا يُلهي الشباب عن استدامة مشاريعهم التطورية وكدا ...؟

بل لا أرى هذه المشاريع التطورية التي تزعم لها الإستدامة وتمام العافية ...

طالبناك بالإيتاء بمثال لمشروع تطوّري مطروح يعاند استدامته شيخ الامين ... فسقتنا مشوار شارع المرغنية آنف الذكر ...

Quote: ولا أستبعد أن يضحى بين عشية وضحاها هذا الشيخ اللمين، نقطة ارتكاز شبابية موّارة بالتطلّعات الباترة وباسرة..! على الرغم من هوان خطره حالياً، وبرغم وضاعة موضوعاته التي يهتمّ. أمّا إن زدتَّ على ذلك، عطب واقعنا السياسي والثقافي والشفافي، فسيكون الغد السوداني، بلا شباب فطن أو غير فَطِن !!وإن حدث مثل ما نحكي! دون أن نتصدّى له ولو بال " كتابة في سودانيز بس!" نخشى ساعتها أن نكون من الذين قالت لهم "الأخبار" إن شيخ اللمين وحيرانه ال غييير!! قد سوّوا وفعلوا في الأرض، فقالوا منطربين: وأنا مالي ومالو .. أنا مالو ومالو .. أنا مالو وماااااالو .. ده ال شغلني دلالو؛ وحينها لابد أن نصبح على شرّ مُنقَلَب! بأن نجد أنفسنا وجهاً لوجه أمام " مسيخٍ دَجّال " أو " نيرون ٍ " حَرّاقٍ قَتّال، أو "مُختار ٍ " هَرَّاشٍ قلقال، أو " أبي بكر" بغدانيٍّ "أطّاع" للرُّقاب بتأوّلٍ فاسد!!


طيب ... دي النقطة التانية الكنت جاييك عليها ... بس ما كنت عايز ارد على تحليل فطير لمآلات المستقبل ... بدون ما صاحب التحليل الفطير يكتبو ظاطو

عشان كدا قلنا ليك دعّم لينا مقارباتك لشخصية شيخ الامين بشخصيات تاريخية زي الحشاش وابوبكر البغدادي (وشايفك كررت عداءك غير المبرر للثائر "نيرون" غالبًا بسبب محمود درويش) بالإضافة لشخصيات المسيح الدجال وعمر المختار وما معروف عندك منو من الشخصيات التاريخية والأسطورية تاني

يعني ما معقول يعني ... يعني نبني نقدنا لى شيخ الامين على "حدس" و "نبوءة" محمد ابوجودة ولّ شنو؟

انت شكلك ما كنت مستعد لدفاع جاد عن شيخ الامين ... بنرجاك ... امشي استعد وتعال ...







... المهم ....

Post: #149
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-16-2015, 02:23 PM
Parent: #148

Quote: بل لا أرى هذه المشاريع التطورية التي تزعم لها الإستدامة وتمام العافية ...


لا لا لأ ا يا حِدِإ

إن لم ترَ فالآخرون يرون ويسمعون ويُشاهدون فــَ يغتاظون!
وأنا لم أزعم تمام العافية لتلك المشاريع، وبالطبع، مشروعك انتا ده ( حتى لو كان دفاعاً عن شيخ اللمين بتاعك ده) هو مشروع ذو استدامة، ولكن
لا تضمن له العافية.

-----

Quote: انت شكلك ما كنت مستعد لــــــــــــــــدفاع جاد عن شيخ الامين (من ابن شيخ الدين!).... ... بنرجاك ... امشي استعد وتعال ...


سَمِح.

Post: #150
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-16-2015, 05:17 PM
Parent: #149

Quote: مشروعك انتا ده ( حتى لو كان دفاعاً عن شيخ اللمين بتاعك ده) هو مشروع ذو استدامة، ولكن لا تضمن له العافية.

انا ما عندي مشروع هولي ... انا جزء من مشروع عالمي للسلام الأخضر ... وهو ليس مشروع ذو استدامة ... بل من تحدياته السلام المستدام والتنمية المستدامة ... يعني استدامة السلام والتنمية والكفاية والبيئة الصالحة لحياة الإنسان والحيوان ... هدف المشروع وليس صفته ... والتسامح الديني (الذي يمثله شيخ الامين وغيره) من شروط استدامة السلام الإجتماعي ... الإستدامة تصنع باستيفاء الشروط الموضوعية في الواقع ... ولا تتنزل من السماء على أفواه المثقفاتية ... غيري الشايف مشروعات ديل ... قاعدين يطرحوا مشروعاتهم هنا وقاعدين نتحاور معاهم ... بتاعين الإستنارة على بتاعين الهامش على بتاعين أسلمة غير المسلمين على بتاعين العلمانية على بتاعين داعش ... لغاية الشيوعيين الكيسهم فاضي خالس ... قاعدين نتناقش معاهم ويتناقشوا معانا ... وننتقد مشروعاتهم وينتقدوا مشروعنا ... اليقول لينا انتو جمعية بيئة ... والنقول ليهم انتو فاشية ... مافي "مشروع استدامة تطوّر" بعاندو شيخ الامين ... لو في قولو لينا ...

يا محمد ابوجودة ... اطرح لينا تحليلك الإستنجت بيهو مقارنة شيخ الامين بشخصيات عصابة القناع الأسود الطرحتهم هنا ...

ما تتلولو ...





... المهم ....

Post: #151
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-16-2015, 07:42 PM
Parent: #150

والله يا تبارك أخونا،
لا عرفناك مع اللمين! ولّا مع " التّانين" ..!
غايتو! المُهِم، قتا كيف:
Quote: يا محمد ابوجودة ... اطرح لينا تحليلك الإستنجت بيهو مقارنة شيخ الامين بشخصيات عصابة القناع الأسود الطرحتهم هنا ...


أوكي:

سأكتب بعضاً ممّا يفيد في الاتجاه، ذلك أنني - والله - متعوووك، وبالي مشغوول، والواجب ردوووم!! وكمّااا غايظاني " طرطشة" الزمن ده، ماكان تجرّعت.
شوف يا صاحب، أرى أن انبلاجة هذا المتشيّخ، تشبه إلى حدّ كبير انبلاجات مَن سبقوه! وأعني أؤلئك الذين قفزوا من حضيض ( الكسب) إلى علالى (المكتَسَب المجّاني، بل وجاني)،
وبأكثر الطرق مجّانية؛ بمعنى، أن يكون المنبلج تحدّثه نفسه بأنه (ابن جلا) ولا يكون من القادرين! ولا الصّابرين على السير في طريق الكدّ الثمين؛ وقُصاراه أنه (واصل) واصل.
ينبلج شبه هذا الزعيم الزعمنجي! كما تزعمج غيره من الهالكين! ثم قبضوا على أعِنّة الفوضى، وساقوا الذراري والبراري وخرّبوا البلدان، كــ الحسن الصباح زعيم الحشّاشين،
و بقيّة رهطه من الأشباه التاريخيين. وبالمقارنة، بين الأمس القاتم والحاضر الأقتم، ترى أن الانبلاجات المتشابهة، قد ظللتها ذات الظروف المحيطة ك: شيوع روح المغامرة ل كسب المحالات!
وفي ظلّ فقرٍ للإمكانات الشخصانية لل مُنبلِج ( أم فَكّووو) من مُعتَلَقات فهم العصر، وهضم ما مضى من تراث إيجابي، ولا حتى (أدنى) معرفة بالــشَّرِّ الذي رسخ جرّاء تلك الانبلاجات؛ بل ودون
أدنى تورُّع عن التّزَيئ بأزياء "نجوم العصر" فضلاً عن التّحلّي بالطموح الثعلبي! ذاك الذي لا يقوم إلّا على الفهلوة، والهلوَلة، والجلوَلوة إلخ,,, بلا أدنى حِس عقلاني، ولا شعور اجتماعي معقول!
ومن الممكن أن تطلق على هؤلاء: أنهم الساعون إلى تغيير قواعد اللّعب، ليس كفاءة، وإنما تدلّساً مع نجوم العصر من محظوظين وقابلين - لضعتهم وسفاههم!- تغيير أي قواعد!! متى ما كانت غير
مواتية لما يريدوا أن يُضَرَّون.


..............
وعُذراً على القِلّة.

Post: #152
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-16-2015, 10:43 PM
Parent: #151

Quote: وأعني أؤلئك الذين قفزوا من حضيض ( الكسب) إلى علالى (المكتَسَب المجّاني، بل وجاني)، وبأكثر الطرق مجّانية؛ بمعنى، أن يكون المنبلج تحدّثه نفسه بأنه (ابن جلا) ولا يكون من القادرين!

في هذه لا يشبه شيخ الامين ذلك الحسن الصباح ... فبينما بدأ الصباح فقير ماديًا وروحيًا ... لم يبدأ شيخ الامين فقير ماديًا على الأقل ... وبينما انشقّ الصباح عن الطريقة الإسماعيلية ونادى بالعنف بسبب الإضطهاد الذي يقع عليه ... لا يتعرض شيخ الامين لأي اضطهاد ولم ينادي بالعنف ولم ينشق عن الطريقة المكاشفية ...

وبالتالي وجه المقارنة الذي أتيت به مبني على معلومات مغلوطة ... إما عن شيخ الامين أو عن الحسن الصباح ...

باقي كلامك إنشا ساي ما فيهو حجة الزول يناقشها ...







.... المهم ....

Post: #153
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-18-2015, 06:41 AM
Parent: #152

Quote: باقي كلامك إنشا ساي ما فيهو حجة الزول يناقشها ...




إنشا إنشا


إنشاياً مكرّب ولا خبراً مَضَرَّب!


.................
بخيت وسعيد عليك شيخك اللمين ال مكاشفي ال عجوزي ال..............!!

Post: #154
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-18-2015, 06:52 AM
Parent: #153

قال الأستاذ محمد جودة : شيخ اللمين بيلهي الشباب عن مشاريع التنمية المستدامة

دي زي حكاية بتكشح مالك وهم في المركب
الشباب المع شيخ اللمين نسبتهم كم من شباب السودان
دا اذا كان اصلا في مشاريع تنمية مستدامة شغالة والناس ديل ملهيين عنها
دا اذا كان اصلا تتلمذ شباب لشيخ اللمين يعني ضمنيا الهاؤهم عن مشاريع التنمية المستدامة

Post: #155
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-18-2015, 07:29 AM
Parent: #154

Quote: الشباب المع شيخ اللمين نسبتهم كم من شباب السودان

مهما كانت النسبة، فالأشياء تبدأ صغيرة ثم تكبر

دا اذا كان اصلا في مشاريع تنمية مستدامة شغالة والناس ديل ملهيين عنها

طبيعة الحياة، وأنّو الزول (الشاب) حي يُرزَق، تقتضي أن هناك مشاريع حياة، بــ وعي أو بدونه! و بغضّ النظر عن وجودٍ مُتحَقَّق أو وجود حُكمي.

دا اذا كان اصلا تتلمذ شباب لشيخ اللمين يعني ضمنيا الهاؤهم عن مشاريع التنمية المستدامة

ها هُم، قد أسلموه قيادهم، وآخرين من دونهم! أو فوقهم، إليهم ينظرون بعين الاعتبار!! لا سيما و الشيخ، سَيَّرو ده! قد حاز الدبلماتيكية و المالوية وال وال وال، أفتستبعد
يا عزيزي أحمد الشيخ، أن يصحو السودانيون يوماً فيجدوا أن التلاميذ صاروا عُصبة متدعِشّة؟



Post: #156
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-18-2015, 07:37 AM
Parent: #155

سلام يا أحمد الشيخ، نقطة أبو جودة بتاعة إلهاء التصوف للتنمية أنا معاها.

بعدين أتّا هنا مستنكر عليهو الكلام دا وبهناك بعد خمس دقائق في بوست تبارك بتاع الحوار قلت:
"بعد تنتهو من الحتة دي بالله اتحاوروا لينا في ما يهم المواطن السوداني من آليات حكم ومحاسبة وتنمية"
يعني آليات التنمية البتفتش عنها دي لز ما فيها الإنسان؟ فيها شنو؟

Post: #157
Title: Re: شيخ الامين في عيد ميلاده ولا ملك الروم ... (
Author: أيمن الطيب
Date: 11-18-2015, 07:57 AM
Parent: #156

السلام عليكم,,,


لو كنت مكان شيخ الأمين,,,


لطلبت من الأخ كمال عبدو التوقف فورا عن مواصلة التداخل والدفاع عنه وعن الطريقة في هذا البوست,,,,





إذا كان سيتابع بنفس الأسلوب,,

Post: #161
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-18-2015, 09:21 AM
Parent: #156

المستنير ابو بكر عباس تحياتي
كيف تكون مستنير وتتبنى راي الوهابية في الصوفية انهم ناس عطالى كسالى لا ينتجون؟
الصوفية هم المزارعون وهم التجار وهم الصناع وهم المهنيون
لم يترك احد منهم مهنته ليتفرغ للتصوف
وما تراه من جلوس بعضهم في الزوايا او التكايا انما هي في ايام معدودات من السنة في الحوليات او ما شابه
اعتبرها اجازة سنوية ياخ

ثم وانت في طريق نشر استنارتك ارجو ان تقرأ عن جهود الصوفية في نشر الاسلام وفي محاربة المحتلين اذا تعرضت بلادهم لغزو وفي جهود الترجمة والفكر والفلسفة
ومعظم علماء الاسلام الذين ساهموا في حضارته ابان ازدهار الحضارة الاسلامية ينسبون بطريق او آخر للتصوف
الصوفية هم حملة ألوية الاستنارة يا مستنرينا
تقديري وتحياتي

Post: #158
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-18-2015, 08:23 AM
Parent: #155

شكرا استاذنا محمد ابو جودة على الردود الهادئة وسعة الصدر ، وانا من المستمتعين الدائمين بمداخلاتك الثرة ذات الذخيرة اللغوية التي استفيد منها كثيرا واتمتع بها بغض النظر عن الاتفاق او الاختلاف مع محتواها

مهما كانت النسبة فالأشياء تبدأ صغيرة ثم تكبر
====
صحيح ولكن حتى اذا نجح شيخ اللمين في استقطاب غالبية شباب السودان فتأثير ذلك على مشاريع التنمية المستدامة (الما عارفين هي شنو لسه) يجاب عليها في النقطة الثالثة ان تتلمذ الشباب لشيخ اللمين بماذ يعطل هذه المشاريع
هؤلاء الشباب اللذين نجح اللمين في استقطابهم لو لم يتواجدوا معه لتواجدوا ربما في جلسات الكتشينة او القعدات او الفيس او في اللساتك او عند ستات الشاي
ثم انهم لم نسمع بأحد منهم ترك عمله ومشروعه ووظيفته ليتفرغ لمتابعة شيخ اللمين
فيهم الدكتور والمهندس والموظف والتاجر وكل يواصل في عمله ويأتون لشيخهم في اوقات فراغهم ولم يتركوا مشاريعهم التنموية الخاصة بهم ليجلسوا مع شيخهم
وربما جلساتهم مع شيخ اللمين يعظهم فيها عن قيمة العمل والتنمية فتكون جلساتهم معضدة لمشاريع التنمية لا معطلة لها
ومن المستحيل ان يتحول الصوفي لداعشي ، لأن التصوف يزرع في الإنسان قيم المحبة والتسامح والسلام ، بل ربما من احد اساليب معالجة "التدوعش" هو نشر قيم التصوف الذي في رأي يمثل قيمة الوسطية في الإسلام
تقديري

Post: #159
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-18-2015, 09:10 AM
Parent: #158

Quote: سلام يا أحمد الشيخ، نقطة أبو جودة بتاعة إلهاء التصوف للتنمية أنا معاها.

انت يا مستنير ما مرت عليك مدحة يا ليلى ليلك جن؟

الخليفة عبدالله التعايشي لامن تقمّص رايك دا ... تسبب في أبشع مجاعة مرت على السودان في 1888 (1306هـ) ...

إنت متخيّل انو الناس دي كانت بتزرع وتاكل وتشرب بى إرشادات الشيوخ ... لا في مشاريع تنمية ... لا في ري مصري ... لا في مشروع جزيرة ... لا في وزارة زراعة ..

شيوخ الصوفية ديل التنمية ظاطا ...










... المهم ....

Post: #160
Title: Re: شيخ الامين في عيد ميلاده ولا ملك الروم ... (
Author: أبوبكر عباس
Date: 11-18-2015, 09:14 AM
Parent: #159

Quote: شيوخ الصوفية ديل التنمية ظاطا

لكل زمان مقال

Post: #162
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-18-2015, 09:30 AM
Parent: #160

Quote: لكل زمان مقال

ياما أولاد علّموا آباءهم واجدادهم كيفية استخدام الجلاكسي ... هذا لم يقدح في الآباء ... ولم يمنع الابناء اتخاذهم قدوة ...

الكلام على "الفكرة" في عضمها يا ابوبكر ...

إذا كانت الفكرة قابلة للتطوير وغير دوغمائية جامدة ... لماذا لا نطوّرها أو على الأقل ندعم من يفعل ذلك ...








... المهم ...

Post: #163
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-18-2015, 01:16 PM
Parent: #162

Quote: المستنير ابو بكر عباس تحياتي
كيف تكون مستنير وتتبنى راي الوهابية في الصوفية انهم ناس عطالى كسالى لا ينتجون؟
الصوفية هم المزارعون وهم التجار وهم الصناع وهم المهنيون
لم يترك احد منهم مهنته ليتفرغ للتصوف
وما تراه من جلوس بعضهم في الزوايا او التكايا انما هي في ايام معدودات من السنة في الحوليات او ما شابه
اعتبرها اجازة سنوية ياخ

ثم وانت في طريق نشر استنارتك ارجو ان تقرأ عن جهود الصوفية في نشر الاسلام وفي محاربة المحتلين اذا تعرضت بلادهم لغزو وفي جهود الترجمة والفكر والفلسفة
ومعظم علماء الاسلام الذين ساهموا في حضارته ابان ازدهار الحضارة الاسلامية ينسبون بطريق او آخر للتصوف
الصوفية هم حملة ألوية الاستنارة يا مستنرينا
تقديري وتحياتي

أحمد ودالشيخ
شكراً .

Post: #164
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-18-2015, 10:01 PM
Parent: #163

مساء الخير عليكم جميعاً

وشكراً عزيزي أبابكر عباس، والشكر والتحايا موصولين لعزيزنا أحمد الشيخ.

والله يا عزيزي أحمد، ليس الزمان زمان تصوّف! ناهيك أن يكون زمان " قِراطة" التصوّف! وبمعنىً أقرب، " كــُرَّاد" التصوّف.
فالعقل الجمعي السوداني، هذه الدهور، مايزال مُشبّعاً بحكاوي متصوّفة المرحوم الكاتب، محمد ود ضيف الله، في مؤلّفه
الموسوم ( طبقات ود ضيف الله)، وبرغم التحقيق الأكاديمي لكتاب الطبقات، لواحد من اللامعين الأكاديميين السودانيين
كـــ الدكتور/ يوسف فضل، إلّا أنّ المفارقات،التي حشت الكتاب واقاصيصه، لم تدع لــ" حُبِّ التصوّف" تقديراً جمعياً، (
يقولو عليه!!)، حيث أصبح أديم التصوّف مجرّحاً مخزخزاً متبزا باللاعقلانية ( وُ ليْ حَــدّو كمان!!).

فإن كان للزمن سياقه، فالتصوف السنّاري وما بعده، من المُمكِن بلعه - ولو - بشوية موية! ثم اتخاذ الكتاب ( الطبقات)
وثيقة تُشير دون أن تلمس! تُحكى وتُروى وتُجَيَّر لدعم الأنساب الدينية، فتحفظ للقباب والضرائح وال فرائح وال كرامات
بعضاً من ( إشارة) ..! لكنها في أكثر الأحوال، إشارة فوضوية.


فتيان شيخ الأمين، وما أدراك ما أجواء شياخة وتصوّفية شيخ اللمين! أناسٌ من طينة هذا الزمان، وليسوا من بقايا
الشيخ فرح ود تكتوك، ولا الشيخ الهميم، ولا أظنهم دارسي القاضي دشين! بل هُم نسل (ما بعد الكولونيالية)
وَ " زهرات الحداثة الآوروأمريكية" ولا أستبعد أن بعضهم ربما يحمل الAmerican Green Card، ومولع بالتسوّق
في مولات دُبي! وحريص على قضاء (كم) شهر في الحجاز.

فأينهم من الراحل الدكتور الشاعر المثقف، د. محمد عبدالحي؟
يُهاتون بالعودة إلى سنار، وهموا قد دخلوا النفق البترودولاري، واصطّكّتْ أسنانهم بتحسيب ال مليارات!! سواء
عند شيخهم الشاب، أو عند كِبار الموظِّفين ل انبلاجة الشيخ!! حتى يقرّب لهم البعيد، وربما رجوه أن يحلل لهم
القريب!

وتقول، عزيزي أحمد الشيخ، إنهم يتجمّعون في حَلَقة الشيخ، عند الملمّات وفي أويقات فراغهم من أعمالهم..!
والثابت هنا، أنهم يتجمّعون ب " موضة" ترطيبية باذخة..! وربما كان ثمنها " الشي الفلاني" ..! لا يقدر عليه
مواطن منكوب مغلوب وعليه الهمّ وال فَلَس مصبوبان.

عزيزاي،

عَلِّلاني ..! فإنّ بيض الأماني فَنِيَتْ xxx وَ الظلامُ ليس بـــــــِ فانٍ ..!
..............................
وافر التقدير والاحترامات

Post: #165
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-19-2015, 02:49 AM
Parent: #164

والله يا محمد ابوجودة انت بتبرطم ساي ...

لماذا يعيبهم جيلهم أو بترودولارهم أو قرين كاردهم؟

إليسوا أبناء هذا العصر العولمي؟

اللهم لا تمحننا لا تبلينا ...







... المهم ...

Post: #166
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-19-2015, 08:06 AM
Parent: #164

تحياتي الأستاذ ابو جودة
ما فهمت انت معترض على التصوف عموما (في عضمه) ولا على النموذج الجديد البحاول شيخ اللمين يقدمه بالموضة الجديدة (الباذخة)
عشان نعرف نناقش في شنو
ليس الزمان زمان تصوف
====
بالعكس اخي ابو جودة ، ربما الوقت الحالي اشد ما تكون الحاجة لقيم التصوف المتضمنة التسامح وقبول الآخر والاعتدال لمقابلة السائد الآن من تطرف وارهاب واقصاء للآخر
نقدم قيم التصوف كعلاج ناجع لمرض التطرف والإرهاب

انتقاد البذخية في لمات شيخ اللمين ربما يتفق معك فيها الكثيرون ومنهم شيوخ من الصوفية للعلم ولكن ربما ليس من نفس منطلقاتك
فهو هنا يقدم نموذجا مغايرا لما رسخ في الذهنية الجماعية عن التصوف المبشر بالزهد والقناعة والتقشف
لكن عموما ما لم تكن الأموال التي اقيمت بها هذه اللمات الباذخة مسروقة او منهوبة او مجلوبة بطريق غير قانوني فهم أحرار في التمتع بما آتاهم الله ما داموا يخرجون منها الأنصبة القانونية والشرعية

Post: #167
Title: Re: شيخ الامين في عيد ميلاده ولا ملك الروم ... (
Author: سيف اليزل الماحي
Date: 11-19-2015, 08:35 AM
Parent: #166

.



يا تبارك ياخ، أبو جودة ده "متغايظ" من شيخ اللمين، فدعوه يعبر!
وبيني وبينك الراجل معاط! بالمفتشر كده وبدون أيتها إستنارة!



عيد الميلاد الما لقاهو جدي!
.

Post: #171
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-19-2015, 08:18 PM
Parent: #167

Quote: يا تبارك ياخ، أبو جودة ده "متغايظ" من شيخ اللمين، فدعوه يعبر!



هلا أبي السيوف، ولك التحايا ..


الحكاية كمان جابتلها "سيوووف" ..؟

(دعوه يعبِّر)، دي، زي دعه يعمل، دعه يمُر ..!



.....................
ههه

Post: #170
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-19-2015, 08:12 PM
Parent: #166

عزيزي وأستاذي/ الأخ أحمد الشيخ،
لك التحايا الطيبة،
تقول:
Quote: ما فهمت انت معترض على التصوف عموما (في عضمه)
ولا على النموذج الجديد البحاول شيخ اللمين يقدمه بالموضة الجديدة (الباذخة) عشان نعرف نناقش في شنو


أكيد بنتناقش عن "ظاهرة شيخ اللمين" كـــ متصوف يدّعي التصوف القديم، ولكنه يمارس Style يتناقض مع ما عــُرِف عن التصوف السـوداني القديم.
ووجوه التناقض اللميني، تتمثّل في الكثير من الطرائق الحياتية، لا تشبه ولا توقِّر طرائق فضلاء الناس من جيرته وأهل حيِّه! وهي تناقضات تجد
ترحاباً من " نجوم العصر" ممثّلين في " قطط الحكومة" السُّمان! و " قادة ميليشياتها السريعة والبريعة" كما تتمظهر التناقضات في تقارب مُثير
للرِّيبة! مع كِبار النّافذين في الملايين، والوظائف، والعلاقات الدبوماسية. كل تلك التناقضات، تصُبّ في غير " المجرى العام" للحياة وتطلعاتها العادية
في السودان، هذه الأيام؛ وبالتالي، فإنني متوجِّس! أرى في شيخ اللمين، وطرائقه الجديدة ، تياراً طائفيا جديداً، لن يزيد حال البلد إلّا وبالاً على وبالٍ.

لا أراني " مُعتَرِض" على التصوف عموماً ( في عضمه)، ما دام التصوف يجري - في إطاره الخصوصي - على منواله المعروف من المتصوفين! ويلزم حدوده في رياضة النفس وعلى
هدي العقيدة الإسلامية، ولكن! إن تطاول بعض المتصوِّفة، وسعوا أن يصوِّفوا الناس من طَرَف! ثم تقدّموا صفوف العمل العام استناداً على ما " طلع بإيديهم" من حشود
الحيران وشظايا من السُّلطة الزمانية، فبالطبع، أنا معترض! بل وقادح في مثل هذه الطلعات العامة، غير الموضَّبة إلّا بال لّفِّ وَ الدّوَران.


...................................
مع التحايا

Post: #172
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-19-2015, 08:48 PM
Parent: #170

تحياتي الاستاذ ابو جودة
اتفق مع مداخلتك الاخيرة تماما
ما دمت تعترض على النموذج الجديد للتصوف الذي يحاول شيخ اللمين تقديمه وليس في ذات التصوف
وان كان البعض يلتمس له عذرا في انه يحاول جذب فئة معينة من المجتمع قد لا تجذبها البروش والدغما
لكن قد يرد عليهم بان التصوف يسعى للارتقاء بالناس الى قيمه لا ان ينزل بقيمه لأهواء الناس
والأعمال بالنيات والله أعلم بنيته
كما ظهر مؤخرا الحج السياحي والمساجد ذات النجوم الخمس والصوم ذو النوم
حتى تحولت العبادات لعادات اجتماعية تكمل شهوة التفاخر والتكاثر بدلا من ان تؤدي دورها الطبيعي في كبح او على الأقل تهذيب الشهوات
اتفق معك قلبا وقالبا

Post: #168
Title: Re: شيخ الامين في عيد ميلاده ولا ملك الروم ... (
Author: احمد الشيخ
Date: 11-19-2015, 09:42 AM
Parent: #163

تحياتي استاذنا عبدالله عبدالله
لي الشرف بمداخلتك

Post: #169
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-19-2015, 01:13 PM
Parent: #168

Quote: يا تبارك ياخ، أبو جودة ده "متغايظ" من شيخ اللمين، فدعوه يعبر!
وبيني وبينك الراجل معاط! بالمفتشر كده وبدون أيتها إستنارة!



عيد الميلاد الما لقاهو جدي!

هي نان يا ودالماحي ... كان شفتو القبة بتاعة مراسم جنازة "روزا بارك" ... بعد كانت ممنوعة تقعد في الكرسي في البصات ... بتعملوا شنو؟



القبة من برة ياها دي ... يشهد الله ...











... المهم ....

Post: #173
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-20-2015, 07:55 PM
Parent: #1

Quote: كما ظهر مؤخرا الحج السياحي والمساجد ذات النجوم الخمس والصوم ذو النوم؛
حتى تحولت العبادات لعادات اجتماعية. تكمل شهوة التفاخر والتكاثر بدلا من ان تؤدي
دورها الطبيعي في كبح، او على الأقل تهذيب الشهوات

اتفق معك قلبا وقالبا


وأنا والله، سعيد باتفاقنا، ولك وافر التقدير، عزيزي أحمد الشيخ؛ وقد استوقفنتي عبارتك التي تبدأ من: " كما ظهر مؤخرا الحج السياحي إلخ,,,,"
والتي تطرح "موضوع ساعة" خطييييير! ألا وهو هذا التفشخر الساري! بين القطاعات الرسمية في بلادنا، وللأسى، ينهمكون فيه بي كرعينهم
وإيديهم! ثم لا يلحظون أنه ضـــدُّ لما رفعوا من شعارات لدولة لها رسالة حضارية، وبعث إسلامي يستهدف الإحياء العقلي لسنن الدِّين القويم. وما
إن يأتي إليهم تناصحاً، إلّا أوغلوا في المغالطات!!

الناظر لحال التدين في بلادنا هذه السنوات، يفجعه ال" حِسّ" التجاري في معظم "أهل" التديّن! كأنما يخادعون الناس! ولكن الحقيقة الأوضح،
أنهم يخادعون أنفسهم، بل وأحياناً، كأنما يخادعون الله تعالى، واللهُ خادعهم.

مع انتشار الفساد السياسي والأخلاقي والمالي والاقتصادي وال وال وال، إلّا أنّ فساد " أهل التديّن " يظل هو الأظهر! مطفِّحاً على كل الشاشات.
فعندك: الأوقاف وأراضيها في المدينة ال " كرش فيل" !! و عندك " هيئة الحج والعُمرة" وعندك " ديوان الزكاة" و عندك إيه ولّا إيه!!؟

يتسنّم قمم وقيادة تلك الأجهزة الحكومية، أناسٌ مُتَسّيِّسون! يصبّحون المواطن ويمسّونه بأنهم كذا وكذا ..! وأن العمل الإسلامي كذا وكذا إلخ,,,
ثم يُسهبون في وصف "ذواتهم" ال فارغة، بأنهم من " طينة" القوي الأمين!!

السؤال:
هل هؤلاء الناس جادّون؟ بل: من أين جاء هؤلاء الناس ....!



.............................
والتحايا للجميع

Post: #174
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-21-2015, 08:21 AM
Parent: #173

السؤال:
هل هؤلاء الناس جادّون؟ بل: من أين جاء هؤلاء الناس ....!



...................
والتحايا للجميع


من وين يجي "احتفال متصوف" بعيد ميلاده بهذه الصورة ال فشخرية البهارجية ذات البِنية الرسمية!! فلربما - إن أحيانا الله تعالى- في مقبل العام القادم
سوف يكون مثل هذا الاحتفال الميلادي لواحد من " نجوم هذا العصر" من فوق سارية القصر الجمهوري ...!!؟ وب حضور أكثف وأشدّ رسمية وأكثر
بهارجاً وضجيجاً بلا أدنى " مصلحة " تعود للمواطن السـوداني ال منكوووووب.





................

Post: #175
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-21-2015, 08:30 AM
Parent: #174

Quote: والله يا محمد ابوجودة انت بتبرطم ساي ...

لماذا يعيبهم جيلهم أو بترودولارهم أو قرين كاردهم؟

إليسوا أبناء هذا العصر العولمي؟

اللهم لا تمحننا لا تبلينا ...


عزيزي تبارك،
أرجوووك! اخلع عنك "الانجذابة الصوفية" حينما تتناول كلامنا، حتى لا تبلع ــه بي صوفو ..!




..............
غايتو جِنِس مِحَنْ.

Post: #176
Title: Re: شيخ الامين في عيد ميلاده ولا ملك الروم ... (
Author: محمد الجميل
Date: 11-21-2015, 05:53 PM
Parent: #175

السلام عليكم جميعاً...

انشاء ماشاءالله كتيره .. ربنا يذيد و يبارك ...

بعض الإنشاء تتحدث عن منهج التصوف و بعضها عن منهج و طريقه ارشاد ابونا الشيخ الامين بحسد واضح و محاوله لتقليل مكانته (عقد نفسيه ربنا يشفي) و البعض الاخر ما عارف هو أساسا بكتب في شنو...

الخلفاء الراشدين الاربعاء كل منهم كان له منهجه و سيره . منهم من كان غني جداً (عثمان ابن عفان رضي الله عنه) ومنهم من كان فقير جداً (علي بن ابي طالب كرم الله وجه)،

اتركه الإنشاء و الحسد و العقد النفسيه .. و أرجو ان نشوف المقصد و المنهج اللذي يدعو له ابونا الشيخ الامين ...


Watch "شيخ الامين فرائض الصلاة الجزء الاول" on YouTube - https://youtu.be/-Gos9yei0CMhttps://youtu.be/-Gos9yei0CM

Watch "الشيخ الأمين - فرائض الصلاة "الجزء الثاني"" on YouTube - https://youtu.be/EcwlRurZkrwhttps://youtu.be/EcwlRurZkrw

Watch "شيخ الامين فرائض الصلاة الجزء الثالت" on YouTube - https://youtu.be/hZbeqaxIDKIhttps://youtu.be/hZbeqaxIDKI

Post: #177
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-22-2015, 09:05 AM
Parent: #176

مرحبا بالشيخ الحواروَ ياله من مدخل!!
Quote: السلام عليكم جميعاً...انشاء ماشاءالله كتيره .. ربنا يذيد و يبارك ... بعض الإنشاء تتحدث عن منهج التصوف و بعضها عن منهج و طريقه ارشاد ابونا الشيخ الامين بحسد واضح و محاوله لتقليل مكانته (عقد نفسيه ربنا يشفي) و البعض الاخر ما عارف هو أساسا بكتب في شنو... الخلفاء الراشدين الاربعاء كل منهم كان له منهجه و سيره . منهم من كان غني جداً (عثمان ابن عفان رضي الله عنه) ومنهم من كان فقير جداً (علي بن ابي طالب كرم الله وجه)، اتركه الإنشاء و الحسد و العقد النفسيه .. و أرجو ان نشوف المقصد و المنهج اللذي يدعو له ابونا الشيخ الامين ...Watch "شيخ الامين فرائض الصلاة الجزء الاول" on YouTube - https://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMWatchhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMhttps://youtu.be/-Gos9yei0CMWatch "الشيخ الأمين - فرائض الصلاة "الجزء الثاني"" on YouTube - https://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwWatchhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwhttps://youtu.be/EcwlRurZkrwWatch "شيخ الامين فرائض الصلاة الجزء الثالت" on YouTube - https://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTEhttps://youtu.be/hZbeqaxIDKIhttps://youtu.be/hZbeqaxIDKI[/QUOTE]

والحال يقتضي أن نردّ عليك ب:

مَنْ يــَــهُــنْ .. يسهُلُ ال هواااااان عليه xxx ما لِــجُرحٍ بـــــِـــمَيــــِّتٍ إيلامُ ..!

أو:

يا أرضُ احفظي ماعليك! وُ يا بدر نورك كَــمــِّلوووهشيشك بي شيش! يا دا البلاوسلام

Post: #178
Title: Re: شيخ الامين في عيد ميلاده ولا ملك الروم ... (
Author: منتصر عبد الباسط
Date: 11-22-2015, 10:58 AM
Parent: #177

Quote: هل كان في عهد الرسول عليه أفضل الصلاة والسلام نوبة وذكر ؟هل في عهد صحابته حصل هذا الشيء ؟

نعم أقر النبي صلى الله عليه وسلم رقص الحبشة في مسجده ويكفى هذا لأن إذا قيل قال النبي أو أقر النبي صلى الله عليه وسلم
فلا حاجة لقول الصحابي أو اقراره رضي الله عنهم
وهل كان في زمن النبي صلى الله عليه وسلم تكفير لمن يقول لا إله إلا الله ووصفه بالمشرك لأنه تبرك بأثر أو توسل بنبي أو صالح؟!
أو كان مذهب الخوارج كلاب النار يجد كل الاحترام والتقدير أكثر
من احترام من هم أقرب للدين وتعاليمه؟
Quote: هل احتفل الرسول صلى الله عليه وسلم بعيد وميلاده ؟

أما الاحتفال الانسان بعيد ميلاده أمر لم يفعله أحد من شيوخ الصوفية الذين لم يلتزم شيخ الأمين خصوصاً والصوفية يمزجون الدين بالمكان
وعادات المكان واعرافه وطبائعه مالم تكن مخالفة للدين وما لم تكن عبادات مخصوصة
وللعرف اعتبار في الشرع
والاحتفال بعيد الميلاد ليس من أعرافنا ولا من أعراف الصوفية وهي تظل سلوك فردي يخصه

Post: #179
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-22-2015, 02:39 PM
Parent: #177

Quote: سوف يكون مثل هذا الاحتفال الميلادي لواحد من " نجوم هذا العصر


الأخ محمد أبو جوده , تحياتى


يا حبيب , كل المؤشرات تَدُل وتؤكد على أن شيح الأمين القادرى طريقةً الأشعرى نهجاً وسلوكاً


هو أحد نجوم هذا العصر والمتلألئه فى سماء السودان .


أوضح دليل على هذه النجوميه هذا البوست , المُطَلِع عليه حتى الآن أكثر من 12400 قارئ


وأكثر من 177 مشارك .


بالتأكيد إن لم يكن نجماً لكان القراء والمشارين وإن وٌجِدوا لن يتعدوا أصابع اليد .


Post: #180
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-22-2015, 08:49 PM
Parent: #179

أهلاً بالحبيب الأخ عبدالله عبدالله،


و ( ودّ عبدالله ال عليك بــ تحكـــّى "من الحكي والحكاء بإعجاب وتوقير" .. آل عدناني ال شريف ود مكة)


يا عزيزي تقول: ثم أقول:


Quote: يا حبيب , كل المؤشرات تَدُل وتؤكد على أن شيح الأمين القادرى طريقةً الأشعرى نهجاً وسلوكاً


القادريّ طريقةً، أتعني بها أنه من أتباع الشيخ عبدالقادر الجيلاني؟ وهل تقصد بــ"الأشعري" نهجاً و سلوكاً، أتعني أنه


من دارسي " أبو الحسن الأشعري" ..؟ إن كان ذلك كذلك، دحين آ عبدالله، ما عصرتَ على الرُّجلَيْن التاريخيّين ديل؟ وبالحَيْل كمان!! وفقما أعتقد.



هو أحد نجوم هذا العصر والمتلألئه فى سماء السودان .


إن كان نجمها، فباعتقادي، هي نجومية إبليسية..! أو سماء السودان، أصبحت رمادية بما يجري فوق أرضها من "فطريات" سامّة، و "كعاكِعٍ لامّة"


والناس بطونها طامّة..! إلّا القليلون، كأنّما لا يشعرون بالغثيان ..!



أوضح دليل على هذه النجوميه هذا البوست , المُطَلِع عليه حتى الآن أكثر من 12400 قارئ وأكثر من 177 مشارك .


صدقتَ، إن كنتَ تعني أنها نجومية في إطار " منبر حوار" كبير، كمنبرنا ده؛ ولكنها نجومية شُنار! وخمطٍ وشيءٍ من أثلٍ قليل+ حبّة شمار حار .. وُ كلّو وَدار.



بالتأكيد إن لم يكن نجماً لكان القراء والمشاركين وإن وٌجِدوا لن يتعدوا أصابع اليد .


ولكنّ أكثرهم مُستغربووووون! أن تطفو على سطح التصوف السـوداني ( المـهقول) بعضاً من " بثور" زي دي!! أصلو ما معقول .. كلام زي دا ...!







..................


وااا أسفاي، إن كنتُ ظلمتُك.. لم أحدِّث بها نفسي يوما.. لكين ه نعمل إيه؟ العمل عمل ربّنا ( كما تقول المصاريا) ..


مع وافر التحايا لكم..


Post: #181
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-23-2015, 03:05 AM
Parent: #180

Quote:


وااا أسفاي، إن كنتُ ظلمتُك.. لم أحدِّث بها نفسي يوما.. لكين ه نعمل إيه؟ العمل عمل ربّنا ( كما تقول المصاريا) ..


مع وافر التحايا لكم..


وليس هنالك أسف , الأخ الحبيب محمد أبو جوده.


بل أنا السعيد بهذا التحاور المحترم مع شخصكم الكريم .


وليس هنالك ظلم وكل ما فى الأمر إختلاف وجهتى نظر حول شخص كريم


أراه نجماً يتلألأ فى سماء صافيه لكن رُبَ ليلةٍ ممطرةٍ حجبت الرؤيا بسحبهاعنكم .


Post: #182
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-23-2015, 04:03 PM
Parent: #181

أهلاً بالأخ الحبيب عبدالله

وقد سَرّ بالي أن ضمّختَ مرورك بهذا الإلف والوقار الشجين، فشكراً لك، حيث كتبتَ:

Quote: أراه نجماً يتلألأ فى سماء صافيه لكن رُبَ ليلةٍ ممطرةٍ حجبت الرؤيا بسحبهاعنكم .
وأقول: ربمالكين آ عبدالله، هي مطرة نصااااح
إنما إيه!
سيلٌ منحدِر من المطرات والسُّحُب القاتمات ..

ولك وفير التحايا

Post: #184
Title: Re: شيخ الامين في عيد ميلاده ولا ملك الروم ... (
Author: السر عبدالله
Date: 11-23-2015, 04:46 PM
Parent: #182

مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب
جلسوا في صالة أسمح من صالون وردي، الفي الغنا، البي الحرير و الورد مفروش...

شوية ونسمع صوت نوبة
حيّ حيّ
يسبق الصوت ريحة صندل*
يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام والسبابة ويهزها هزة خفيفة مع إيقاع الطبل والطار،
طار عقل الحضور وبانت لديهم سعادة إختفت عن أم درمان من زمن الفوزات

في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها
كلمينا: علاقتك بي أبونا الشيخ بدت كيف؟
قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك...
من اللقاء دا، أيقنت انو شيخ اللمين دا نبي
أصلو النبي دا شنو؟ زول بزرع السعادة في الناس
QTOTE
______________________________________________________
_______________________________________________________
_______________________________________________________

اذا كان هذا هو النموذج الجديد للتصوف... فإن التصوف أصابه خراب كبير... والشيوخ
القابلناهم قبل كده ابدا ما كانوا يتصرفون بمثل هذه البدع....وبعض الناس بيقولوا ان الشيخ
الأمين شيخ فقط للشباب ...وهذه مغالطة أخرى...
لكن اذا شيخ الأمين ده حافظ القرآن وبيستدل بآيات من القرآن الكريم على صحة نموذجه الصوفي
فما بنقدر نعترض على نموذجه الجديد.. وربما كان على حق.. والله هو العالم ببواطن الأمور..

Post: #185
Title: Re: شيخ الامين في عيد ميلاده ولا ملك الروم ... (
Author: Amin Eltaib
Date: 11-24-2015, 01:31 AM
Parent: #184

لا أعلق على الموضوع من زاوية الدين .. فلا نهاية لنقاش ألدين .. ولن تزالوا مختلفين .

لكن من ناحية أخلاقية

ف الأمين وحيرانه مزعجين ..وبحرفية الكلمة .. مزعجييين .. تسببوا في ضيق شديد لأهل الحي والعابرين .


إن كانوا يحتمون بالدين فلن تسترهم الأخلاق .


أصبح اتباعه بالألوف .. ومازال يصر بالانحشار في ذلك الحي الصغير والطريق الضيق الكان شاقي الترام.

طالما أكرمه الله بالمال والسلطة والجاه .. فليكرم الناس بفضاء واسع لا يضايق فيه أحد ولا يزعج فيه شخص

وبعد داك يدق نوبته للصباح .. ويوزع بركاته على من يشاء ..

بس يرحم الناس من فرض نفسه وأتباعه عليهم .. محتميا بالسلطة


وكما قلت إن لم يكن من أجل ألدين ( المشيلنه وش القباحة الزمن ده ) .. فمن أجل الأخلاق

Post: #186
Title: Re: شيخ الامين في عيد ميلاده ولا ملك الروم ... (
Author: محمد أبوجودة
Date: 11-25-2015, 11:39 AM
Parent: #185



Quote: اذا كان هذا هو النموذج الجديد للتصوف...
فإن التصوف أصابه خراب كبير... والشيوخ القابلناهم قبل كده
ابدا ما كانوا يتصرفون بمثل هذه البدع... .وبعض الناس بيقولوا ان الشيخ
الأمين شيخ فقط للشباب ...وهذه مغالطة أخرى...


كلام صحيح مية 100% ... شكراً الأخ السر عبدالله، ولك التحايا

........................
ولك التحايا، أخي أمين التلب، في قولك:
(( لكن من ناحية أخلاقية ف الأمين وحيرانه مزعجين ..وبحرفية الكلمة .. مزعجييين ..
تسببوا في ضيق شديد لأهل الحي والعابرين ...
إن كانوا يحتمون بالدين فلن تسترهم الأخلاق. ))

ولكم التحايا

Post: #188
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-25-2015, 12:58 PM
Parent: #186

اتفق مع الاخ أمين الطيب لو كان معيارو واحد لكل المؤسسات الدينية ...

Quote: فليكرم الناس بفضاء واسع لا يضايق فيه أحد ولا يزعج فيه شخص

وبعد داك يدق نوبته للصباح .. ويوزع بركاته على من يشاء ..

بس يرحم الناس من فرض نفسه وأتباعه عليهم .. محتميا بالسلطة


والله لو كل المساجد بطلت الإزعاج بتاع الأذان والصلاة بالمكرفون يكونوا ما قصّروا ... خصوصًا صلاة الصبح وصلاة الجمعة ...

إزعاج لى ازعاج ... اخير نوبة شيخ الامين ...








... المهم ....

Post: #187
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-25-2015, 12:54 PM
Parent: #1



قال الأخ : أمين التلب
( إن كانوا يحتمون بالدين فلن تسترهم الأخلاق .)



ونقول :
من لا أخلاق له فلا دين له ، قال صلى الله عليه وسلم: "إنما بعثت لأتمم مكارم الأخلاق"،
كما قال صلى الله عليه وسلم: "ألا أخبركم بأحبكم إلي وأقربكم مني مجلساً يوم القيامة؟
فأعادها ثلاثاً أو مرتين. قالوا: نعم يا رسول الله. قال: "أحسنكم خلقاً".
وقال رسول الله صلى الله عليه وسلم: "إن من خيركم أحسنكم خلقاً"
هذا دليل على عظمة الأخلاق في الإسلام، فالمسلم بأخلاقه يمكن أن يكون داعية للإسلام دون أن يتكلم بكلمة،
فالناس أسرع تأثراً بالأفعال منهم بالأقوال. والله أعلم.

مع تحياتي

Post: #189
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-25-2015, 01:05 PM
Parent: #1


قال الأخ تبارك :

( والله لو كل المساجد بطلت الإزعاج بتاع الأذان والصلاة بالمكرفون يكونوا ما قصّروا ... خصوصًا صلاة الصبح وصلاة الجمعة ...

إزعاج لى ازعاج ... اخير نوبة شيخ الامين ... )



نفهم من كلامك ده إنك بتقيس الآذان والصلاة بذكر الصوفية ؟؟؟؟؟

Post: #190
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-25-2015, 01:27 PM
Parent: #189

Quote: نفهم من كلامك ده إنك بتقيس الآذان والصلاة بذكر الصوفية ؟؟؟؟؟

أي نعم ... وأجراس الكنائس ... ونقّارة الكجور ... لعل فهمك يسع كل ذلك ...

(والله انا كنت شاكّي انو الفهم عندك شغال أصلاً ... لاكين احبطتني!!)

بالله يا اخواننا عثمان الحسن بابكر دا لامن يصل حتة "لقد صبأ ابن زليخة" ... ألكزوني ...









... المهم ....

Post: #191
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-25-2015, 01:48 PM
Parent: #1

قال المدعو : كومار أب شلخه (والله انا كنت شاكّي انو الفهم عندك شغال أصلاً ... لاكين احبطتني!!)


ونقول له : حقيقة كنت عايز آخد وأعطي معاك في الحوار لكن مستواك في الحوارقد ظهر من خلال ردك أعلاه ،
ويؤسفني أن يكون هناك بشر بهذا المستوىالمتدني من الأخلاق ...
لا يعجزني الرد عليك لكني لا أريد أن أتعامل معك بأخلاقك أنت وإلا فإن اللغة العربية حبلى ومليئة بالكلام
والعبارات البذيئة والكلام النابئ .لكني ح أتعامل معك بأخلاقي أنا عشان كده بقول ليك : الله يسامحك ياخي

Post: #192
Title: Re: شيخ الامين في عيد ميلاده ولا ملك الروم ... (
Author: ABDALLAH ABDALLAH
Date: 11-25-2015, 02:15 PM
Parent: #191

Quote: قال المدعو : كومار أب شلخه

أخى عثمان الحسن
سماحة الدين الإسلامى تنهى التنابذ بالألقاب
( ولا تنابذوا بالألقاب بئس الإسم الفسوق بعد الإيمان )

Post: #193
Title: Re: شيخ الامين في عيد ميلاده ولا ملك الروم ... (
Author: Amin Eltaib
Date: 11-25-2015, 09:51 PM
Parent: #192

أُطمئن أخي تبارك أن مقياسي للإزعاج واحد .. ويشمل :-

١/الآذآن الذي أصباح مبارة في علو الصو ت - رغم تقارب المساجد وعلو المآذن وحداثة مكبرات الصوت - ومط كلمات الآذان حتى تكاد أنفاس المؤذن أن تتقطع ونبرة الإغاظة في ايقاظك شئت أم أبيت والتناوب بين المؤذنين حتى يستمتع كل واحد منهم بفرصته بالكامل في إستعراض قدراته الصوتية رغم أننا جميعاً قد أدركنا وبقوة انه قد حان موعد الصلاة.
٢/ الصلاة بمكبر الصوت الخارجي
٣/ الخطبة الصياحية وبالمكبر الخارجي التي تحرم حتى بقية المساجد من الاستماع لخطبة إمامهم
٤/ قرآءة القرآن بنفس الطريقة والدروس والمواعظ والتراويح والتهجد ( سمعتوا ليكم في الدنيا تهجد لله بهذا الصخب والهياج- في وقت نيام الكثيرين- كما يحدث في السودان ؟؟؟؟؟

الإزعاج كالإرهاب لا دين له

Post: #194
Title: Re: شيخ الامين في عيد ميلاده ولا ملك الروم ... (
Author: الصادق اسماعيل
Date: 11-26-2015, 00:09 AM
Parent: #193

والعجب العجاب
نقل الصلوات لتفرج على من يصلون

يا خي معقولة بس اقعد واجيب فشار
واتفرج على زول بيصلي

Post: #196
Title: Re: شيخ الامين في عيد ميلاده ولا ملك الروم ... (
Author: Amin Eltaib
Date: 11-26-2015, 05:09 PM
Parent: #194

Quote: والعجب العجاب
نقل الصلوات لتفرج على من يصلون


على الأقل في الحالة دي عندك خيار تغيير القناة
لكن البسوه في المساجد ده - هيجة وفرض الصوت العالي ( زي نقاشاتنا )

على أني لا أقصد بإزعاج الأمين وجماعته الصوت فقط وإنما ،،، إغلاق الطرق ،، تكدس العربات والناس ،، الإحتكاكات مع
سكان الحي والتي وصلت للضرب والركل وأقسام الشرطة .
وأرجو أن لا تنسب تلك الحوادث ل ناس محرشنهم جهات معينة .. لأنه بغض النظر عن الصراعات الدينية القائمة
فإن هناك ضرر حقيقي يقع على الناس



بعدين قصة التدين الصاخب دي شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #195
Title: Re: شيخ الامين في عيد ميلاده ولا ملك الروم ... (
Author: Othman Al-Hasan Babikir
Date: 11-26-2015, 07:22 AM
Parent: #1



قال الأخ / عبد الله عبد الله

( سماحة الدين الإسلامى تنهى التنابذ بالألقاب )
( ولا تنابذوا بالألقاب بئس الإسم الفسوق بعد الإيمان )




ونرد :
انت يا كافي البلاء مداخلتو الكلها سب ولعن وشتم وإزدراء وتحقير دي ما شفتها
بس عينك ما وقعت إلا في الإسم الكتبتو أنا ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولعلمك هذا الإسم ليس من عندي إنما نقلته من البروفايل الخاص به فهو كاتب
أن إسمه الحقيقي " كومار أب شلخه " فلم أتجنى عليه ولم أسبه ولم أشتمه ....

Post: #197
Title: Re: شيخ الامين في عيد ميلاده ولا ملك الروم ... (
Author: تبارك شيخ الدين جبريل
Date: 11-26-2015, 08:06 PM
Parent: #195

Quote: ونرد :
انت يا كافي البلاء مداخلتو الكلها سب ولعن وشتم وإزدراء وتحقير دي ما شفتها
بس عينك ما وقعت إلا في الإسم الكتبتو أنا ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حاشاك السب واللعن والشتم والتحقير ... بس انا من حقي أشك ... ما بقدر اقطع بما يسيئك ويزدريك ... بعدين انا لامن اكون محبط يعني الفهم عندك شغال ... يعني انا الخسران ..

انتو زمان كان في "المدح بما يشبه الذم" ... حصل عليهو شنو؟

ما تزعل ساكت يا عثمان ... حبينا نحرف اتجاه الحوار لأنو مشى حتة ما جميلة ...

إنت لامن تحاول تأكد قياسي للآذان بالذكر الصوفي ... عايز تصل لى شنو؟

الازعاج لا دين له زي ما قال اخونا امين الطيب ... وليس في الآذان ما يعفيه من كونه إزعاج ...

لاكين كل الطقوس الدينية المزعجة ... تقوم على مقبولية المجتمع لها ... وهذه انتفت في واقعنا المعاصر والحمدلله ...

أي زول يزعجك سواء قبلت أم لم تقبل ... وشيخ الامين لم يشذ على هذا الواقع ... إن لم يكن ألطف المتعاملين معه ...

(بالمناسبة حكاية المضاربة مع الجيران تقع خارج سياق حجة الإزعاج يا أمين الطيب ... وقد تابعنا أحداثها لحظة بلحظة)

فلك العتبى يا شيخ عثمان بابكر ...








... المهم ...

Post: #198
Title: Re: شيخ الامين في عيد ميلاده ولا ملك الروم ... (
Author: Muhib
Date: 11-26-2015, 08:18 PM
Parent: #195

الاخ Othman Al-Hasan Babikir
الاخ عبد الله عبد الله ..رجل صانع سلام في هذا المنبر وحسن الاخلاق ونشهد له بحسن الكلم
ولا اظنه يريد شئ سوي نصحك وليس لومك ..

اما مع تبارك .. ( وجه ضاحك) شيل الصبر ..

Post: #199
Title: Re: شيخ الامين في عيد ميلاده ولا ملك الروم ... (
Author: Amin Eltaib
Date: 11-27-2015, 02:13 PM
Parent: #198

Quote: إن لم يكن ألطف المتعاملين معه ...

(بالمناسبة حكاية المضاربة مع الجيران تقع خارج سياق حجة الإزعاج يا أمين الطيب ... وقد تابعنا أحداثها لحظة بلحظة)


بالتأكيد الأمين ليس ألطف المتعاملين .. والأحداث تشهد

زمان الحولية والذكر كان في أطراف المناطق السكنية ... مع وجود قبول عام .

كل المشاكل والمشاحنات والتحفز والعنف والعنف المضاد .. ده كله ما إزعاج لناس الحي ؟؟؟؟ ناهيك عن المشاركين في الأحداث



غايته يا تبارك .. عين الرضا عن كل عيب كليلة