حيا الله دار جعل من العالياب العمراب السعداب السناهير و المسلماب النافعاب تموا الباقي ديل البعرفن .......... الشويحات دى علشان عمو الزبير الختمى ما يزعل هههههه مبروك للعريس ان شاء الله يسعد ويتهناء ابشرررررو بالخير يا سلااام حاجة تفرح رجل عندوعزيمة قوية قسم بالله ومني لى هدية كرسي متحرك باحدث المواصفات انا ملتزمة فيه يا ابو بكر وصية في زمتك تسال منها يوم القيامة توصلنى بى معلومات بيهم كيف ممكن اوصل لي هديتى
تحية ليكم يا مكوك
Post: #6 Title: Re: ضرب سوط صاح اهداء لي ود الباهي وود شم Author: Abu Baker Ahmed Abdel Rahman Date: 11-02-2015, 06:02 PM Parent: #5
مشكورة يا وضاحة انا ماعندى معلومة٠ امسكى فى اسامة وود الباهى٠ الا ليك على اسال واكوس٠ انشاء اللهalga خبر٠ كدى نرجى اسامة لانو عنوان الفديو فيهو مدخل٠
Quote: حيا الله دار جعل من العالياب العمراب السعداب السناهير و المسلماب النافعاب تموا الباقي ديل البعرفن .......... الشويحات دى علشان عمو الزبير الختمى ما يزعل هههههه مبروك للعريس ان شاء الله يسعد ويتهناء ابشرررررو بالخير يا سلااام حاجة تفرح رجل عندوعزيمة قوية قسم بالله ومني لى هدية كرسي متحرك باحدث المواصفات انا ملتزمة فيه يا ابو بكر وصية في زمتك تسال منها يوم القيامة توصلنى بى معلومات بيهم كيف ممكن اوصل لي هديتى
Post: #11 Title: Re: ضرب سوط صاح اهداء لي ود الباهي وود شم Author: عبد الله شم Date: 11-02-2015, 08:44 PM Parent: #9
يا سلام يا اسامه ياخي عينة الجلد دا ياهو القطع غربتنا وجابنا السودان تر شوف سماحة الناس ديل رغم ان العريس معاق لم يمنع هؤلاء الكرام من منحه واجب العرس وواجب ناسنا ان ما ضهرك بقى احمر واجبك ناقص تب التحية للناس الكريمين وبشويين القريات واصلاً ناس ضرب نحن ناس الشرق لمن يقول ليك احمودي ولا راشد ولا ودحنين بغني في القريات اقنع من يجي يعمل ليك حفلة
Quote: تحياتي ياود الباهي واخبارك ؟؟؟؟ شوف رغم انه العريس معوق لكن شوف ضربه للصبيان ديل كيفنه ؟؟ وكيفن بقيفوا للصوت جلوس ... ؟؟
والله الحمدلله في نعمة ياحبوب لا ينقصنا الا حفل زي دي الواحد يطلع الرطوبه الفي ضهرو دي بالله الواحد من كترت ماراكبو نحس وأنت بالخارج الناس شغالا أعراس وحفلات وتجي السودان خافس تلاقي الدنيا كلها وفايات تعديها فواتح وترجع .
ودشم انشاءالله أي حفله تكتلا براك ماتنفعك .
Post: #15 Title: Re: ضرب سوط صاح اهداء لي ود الباهي وود شم Author: عبد الله شم Date: 11-03-2015, 07:12 AM Parent: #12
نسيت ان اشكر وضاحة على هذه البادرة في ميزان حسناتك ان شالء الله
Post: #13 Title: Re: ضرب سوط صاح اهداء لي ود الباهي وود شم Author: الطيب عباس Date: 11-03-2015, 05:24 AM Parent: #1
لك خالص التحايا .. صاحب البوست وضيوفه .. الفيديو ما بفتح معاي بس فهمت الرصة .. شاهدت بام عيني الغنية لم تكون مسخنة والايقاع سيرة في البلد بشوف في ناس لو ما جلدوها بتحصل ليم حالة نفسية .. بتلقاو جلدو كلو برجف الا ينكسر سوط سوطين وفي واحد قريبنا ما جلدو وحلفو علي ما يجلدو اها قام شال السوط نتح نفسو براو حتين جلدتو وقفت من القشعريره ههههههههههههههه وانا بهدي المقطع دا لي اخونا ود المهدي .. عشان تعرف الرجاله الجد جد
Post: #14 Title: Re: ضرب سوط صاح اهداء لي ود الباهي وود شم Author: اباذر عبد العال Date: 11-03-2015, 06:18 AM Parent: #13
يا سلااااااااااااااااام ياااخ...رغم الاعاقه لكن ضرب بمهاره واحترافيه عاليه جدا.. طرب حد الطرب ابشروا الله عزيتو العريس
البطان ده حق صبيان يا ود الباهي هههههههه طاشرات انت تقعد تتفرج بس او تلجد
Quote: لك خالص التحايا .. صاحب البوست وضيوفه .. الفيديو ما بفتح معاي بس فهمت الرصة .. شاهدت بام عيني الغنية لم تكون مسخنة والايقاع سيرة في البلد بشوف في ناس لو ما جلدوها بتحصل ليم حالة نفسية .. بتلقاو جلدو كلو برجف الا ينكسر سوط سوطين وفي واحد قريبنا ما جلدو وحلفو علي ما يجلدو اها قام شال السوط نتح نفسو براو حتين جلدتو وقفت من القشعريره ههههههههههههههه وانا بهدي المقطع دا لي اخونا ود المهدي .. عشان تعرف الرجاله الجد جد
مشكور يالطيب حاول بالله لانه يوتيوب ممتع جدا ... مشكور على المرور ...
Quote: يا سلااااااااااااااااام ياااخ...رغم الاعاقه لكن ضرب بمهاره واحترافيه عاليه جدا.. طرب حد الطرب ابشروا الله عزيتو العريس
البطان ده حق صبيان يا ود الباهي هههههههه طاشرات انت تقعد تتفرج بس او تلجد
ايوة اباذر العريس رغم الاعاقة زولا لعاب وبعرف اضرب سوط تمام ... بعدين ياخوي السوط ده ماعند\و عمر والله واحدين كابسو الستين وادخلوا الحفلة ارجفو الا اثبتهم السوط ده زاتو ...
Quote: أخير ليكـ من الكرب التقيل ده .. جلدكـ بعد الراحات مااا ظنيتو بيتحمل ..
راحات شنو يا ود القوز يأخ والله الراحات في السوط دا والسوط زاتو جني وجن الزول البيجلد ومابيكرب
والله ياجمال حكمة الله سوطي أصلا مافارقني حتي هذة اللحظة . قبل كم شهر في واحد يمني كدة لسانو طويل قعد يقل في ادبو واصلا ماسألتو قدام الناس وأنا عارف خط سيرو الصباح ويوم الويكند قطرتو ليك من الخلف لمن وصلنا منقطقة صناعية وقطعت طريقو وكربتو ليك كويس بالسوط لمن أبو يمن بقا يكورك زي المجنون يابوليس يابوليس ورجعت كملت نومي صحيت علي تلفون من بشري المبارك زميل المنبر بيضحك قال لي ابو يمن ماخلا سوداني ما اشتكاني ليهو قال ليهم الزول دا مجنون سكاني الصباح ضربني بي سوط البقر
Post: #23 Title: Re: ضرب سوط صاح اهداء لي ود الباهي وود شم Author: عبد الله شم Date: 11-08-2015, 08:54 AM Parent: #22
اهداء لول ابا دكتور صديق الغالي الفليطة
(الفليطة قطعة اللحم التي لا توكل وتُرمى للقطط والكلاب))
Post: #24 Title: Re: ضرب سوط صاح اهداء لي ود الباهي وود شم Author: عزالدين عباس الفحل Date: 11-08-2015, 10:08 AM Parent: #23
بوست يشعل الحماسة ، شعرة جلدي كلبت ، ،،،،
...
عزالدين عباس الفحل ابوظبي ...
Post: #25 Title: Re: ضرب سوط صاح اهداء لي ود الباهي وود شم Author: عبد الله شم Date: 11-08-2015, 10:50 AM Parent: #24
الفحل دي هدية مني ليك يا المك
المك نمر فخر السودان وعزته وفخر دار جعل
هل ياشندى إنتى بفوتو فوقك ساي و هل كاتماهو لسع بين ضلوعك راي الباشا القبيل قايلك مقاهى وشاي ضريتى عضامو هبوده وحروف دوباي
أبشروا الفيديو جميل ومحفز الصقرية .. وغير ما يحمله من تراث معتق فهو يعبر عن التعاون والتواضع عند أهلي الجعليين فما أجمل هذه الجلسة الحماسية المصطفة التي يتساوى فيها شباب أصحاء مع عريس صاحب إعاقة .. يجعلونه عليهم صاحب سوط وصولجان ..
.. على مستوى الجلد طبعا جعليين الزمن ده تموهو موية إلا أهلي المسيكتاب معاي فيديو جديد منهم .. لو نزل هنا حاينزل معاهو شوايقة المنبر في الانقاية* .. العايز يشوفو يشرح الكلمة الأخيرة *.
Post: #31 Title: Re: ضرب سوط صاح اهداء لي ود الباهي وود شم Author: عبد الله شم Date: 11-08-2015, 01:46 PM Parent: #30
Quote: المسيكتاب ديل جعليين ؟
وعز الجعليين يا وضاحة لا يعيبهم شئ الا ان بعضهم مازال يحتفظ بالولاء للمهدية التي قتلت ابناء عمومتهم في المتمة الم تقري الشاعر حمدان وهو يخاطب ناظر عموم الجعليين الوالد ابراهيم حاج محمد فرح (( من البسلي للسبلوقة )) البسلي تقع على نهر عطبرة وهي منطقة الاخ عضو المنبر بدرالدين بابكر والسبلوقة هي منطقة الاخ عمر صديق حجرالعسل
تحياتي لاخواني الجعليين وأخص عبد الله شم وعادل الباهي والفحل وصاحب الجرتق .. وأهدي هذه النبذة المختصرة للدكتورة وضاحة، والفيديو الذي وعدت سأنزله إذا أجابت عن السؤال السابق (الانقاية).
المسيكتاب هي ثاني منطقة شمال شندي وتبعد عنها حوالي 6 كلم سكانها الأوائل من أصول الجعليين ومن فروعهم هناك السعداب والنافعاب والعمراب . يقول التاريخ أن ﺍﻟﻤﺴﻴﻜﺘﺎﺏ ﺷﺎﺭﻛﺖ ﻣﻊ ﺍﻟﻤﻚ ﻧﻤﺮ ﻓﻲ ﺣﺮﻳﻖ ﺍﻟﺒﺎﺷﺎ ﺍﻟﻤﻐﺮﻭﺭﺇﺳﻤﺎﻋﻴﻞ, ﻛﻤﺎ ﺷﺎﺭﻛﻮﺍ ﻣﻊ ﺍﻟﻤﻬﺪﻳﻪ ﻓﻲ ﺍﻟﺠﻬﺎﺩ ﺿﺪ ﺍﻹﻧﺠﻠﻴﺰ ﻭﻣﻦ ﺃﺷﻬﺮﺷﻬﺪﺍﺋﻨﺎ ﺍﻟﺒﻄﻞ ﺃﺣﻤﺪ ﺣﻤﺪﻭﻥ ﺍﻟﺬﻱ ﺍﺳﺘﺸﻬﺪ ﻓﻲ ﻋﻄﺒﺮﻩ ﻋﻠﻰ ﻳﺪ ﺍﻹﻧﺠﻠﻴﺰ ﻭﻗﻴﻞ ﻋﻦ ﻓﺮﺍﺳﺘﻪ ﺃﻥ ﺍﻻﻧﺠﻠﻴﺰﻯ ﺍﻟﺬﻱ ﺃﻃﻠﻖ ﻋﻠﻴﺔ ﺍﻟﻨﺎﺭ, ﺯﺣﻒ ﻧﺤﻮﻩ ﻭﺃﻣﺴﻚ ﺑﻪ ﺣﺘﻰ ﻗﺘﻠﻪ ﺛﻢ ﻣﺎﺕ ﺑﻌﺪﻫﺎ, ﻛﻤﺎ ﺩﻣﺮﻭﺍ ﺍﻟﺤﺎﻣﻴﻪ ﻓﻲ ﻋﻬﺪ ﻏﺮﺩﻭﻥ ﺑﻘﻴﺎﺩﺓ ﺻﺎﻟﺢ ﺍﻟﻤﻜﻔﻰ.
سياسيا غالبية أهل المسيكتاب متصوفة وفي السابق كانت دائرتهم مقفولة للختمية ولهم فيها العديد من الشيوخ ولقد شهدت في طفولتي زيارات متعددة لمحمد عثمان الميرغني إليها ومازال والدي خليفة للحسن الكبير. مؤخرا اتجه كثير من شبابها إلى الحركة الاسلامية في بواكيرها فتقدم د.عوض عمر السماني قائمة أصدق وأزهد شهداء الانقاذ، كما تقدمت الدكتورة سعاد عبد الرازق (وزيرة التعليم الحالية) والمهندس محمد الحسن الحضري وزير السدود كأبرز قيادات المنطقة في الحكومة. يكتب في هذا المنبر من المسيكتاب شمال الأدديب محسن خالد ومن الأعضاء شخصي الضعيف، ومن المسيكتاب جنوب يكتب الأخ عمر صديق، الجدير بالذكر أن أهل المسيكتاب جنوب (وتسمى بحجر العسل) هم أشقاء المسيكتاب شمال وأبناء عمومتهم و يقال أنهم استقروا بالسبلوقة بعد مذبحة المهدية.
Post: #33 Title: Re: ضرب سوط صاح اهداء لي ود الباهي وود شم Author: اباذر عبد العال Date: 11-09-2015, 06:37 AM Parent: #32
Quote: (( من البسلي للسبلوقة )) البسلي تقع على نهر عطبرة وهي منطقة الاخ عضو المنبر بدرالدين بابكر
عبد الله شم والله جبت كلام....انا اقول بدر الدين ده نبرتو دي ما غريبه على ..اتاري بسالى تباري..لهم التحية جميعا اهل البسلي ..كع
المسيكتاب جعليين ونص
Post: #34 Title: Re: ضرب سوط صاح اهداء لي ود الباهي وود شم Author: عزالدين عباس الفحل Date: 11-09-2015, 10:45 AM Parent: #33
،،،، دوبيت و ( تراث دار جعل ) ود كباس ،،،، ،،،،
*** تسلم دار جعل ،
،،،،
...
عزالدين عباس الفحل ابوظبي ...
Post: #35 Title: Re: ضرب سوط صاح اهداء لي ود الباهي وود شم Author: عزالدين عباس الفحل Date: 11-09-2015, 10:48 AM Parent: #33
،،،، محمد عبد الماجد ود الكابس فخر وغزل 1 ،،،، ،،،،
