منظر شي بديع ما أحلى الغزل بدر الكون على غصن البان نزل
تيه فى تيه رفل ... نجم الليل زها والبدر احتفل موفور النفل ساح نام فى الكفل اسفل عالي بدره وأعلا المرة الكان سفل ______________________________
تسجيل عجيب ...
Post: #2 Title: Re: منظر شي بديع ... سيدنا مبارك حسن بركات Author: يحي قباني Date: 10-19-2015, 06:18 AM Parent: #1
ريده اللى نحل ... ناعس غير منام ... أكحل غير كحل زي شهد النحل ... و كالسحب الرحل ... من تـُقل المرجرج كالخايض الوحل _____________________ انا لله ... ده وصف ولا موت ؟
Post: #3 Title: Re: منظر شي بديع ... سيدنا مبارك حسن بركات Author: يحي قباني Date: 10-19-2015, 06:21 AM Parent: #2
كتفه الإنهدل ... فى وصف المعاصم حار فكري انبدل غايته نقول جدل ... و نحكم بي عدل جيد إنسان وصيده متبادلات بدل ______________________ و الله ياهو العدل ...
يا الله دي تكون منو و لا تكون شنو !!!!
Post: #4 Title: Re: منظر شي بديع ... سيدنا مبارك حسن بركات Author: ياسر السر Date: 10-19-2015, 06:38 AM Parent: #3
الشفيف الرهيف الحريف استاذنا قباني كل عام وانت والاسرة الكريمه بالف خير وعيدك مبارك ,, ومبارك حسن رحمه الله مبروك عليك كمان ,,, ياخ شيخ مبارك ده اداءه وصوتو عجيب بفقده انطفأ اخر اقمار الحقيبة على الاطلاق ,,, سبحان الله قبل كم يوم انا كنت في اجازة في وطنا الثاني السودان وكنت اجلس مع رجل يعشق مبارك حسن حتى الثمالة انه الاخ العزيز والرجل الشفيف الدكتور نصر الدين شلقامي وقدر ما اتكلمنا عن الاستاذ مبارك حسينا انو ما اديناهو حقو ابدا ابدا ,,, ولا رايك شنو انت ,,, وكدي شوف البيت ده عليك الله ،،
(من تـُقل المرجرج كالخايض الوحل ،،، ) ياخي بس الحمد لله انو قربت بوستك ده بالنهار ولو قريت البيت ده بالليل كان هسة اسوي في اطرد الاحلام يا جميل واصحا هههههههههههههه .. متعك الله بالصحة والعافية ياخي ..
تحياتي : ياسر العيلفون 0
Post: #5 Title: Re: منظر شي بديع ... سيدنا مبارك حسن بركات Author: ياسر السر Date: 10-19-2015, 06:39 AM Parent: #3
الشفيف الرهيف الحريف استاذنا قباني كل عام وانت والاسرة الكريمه بالف خير وعيدك مبارك ,, ومبارك حسن رحمه الله مبروك عليك كمان ,,, ياخ شيخ مبارك ده اداءه وصوتو عجيب بفقده انطفأ اخر اقمار الحقيبة على الاطلاق ,,, سبحان الله قبل كم يوم انا كنت في اجازة في وطنا الثاني السودان وكنت اجلس مع رجل يعشق مبارك حسن حتى الثمالة انه الاخ العزيز والرجل الشفيف الدكتور نصر الدين شلقامي وقدر ما اتكلمنا عن الاستاذ مبارك حسينا انو ما اديناهو حقو ابدا ابدا ,,, ولا رايك شنو انت ,,, وكدي شوف البيت ده عليك الله ،،
(من تـُقل المرجرج كالخايض الوحل ،،، ) ياخي بس الحمد لله انو قربت بوستك ده بالنهار ولو قريت البيت ده بالليل كان هسة اسوي في اطرد الاحلام يا جميل واصحا هههههههههههههه .. متعك الله بالصحة والعافية ياخي ..
Quote: الشفيف الرهيف الحريف استاذنا قباني كل عام وانت والاسرة الكريمه بالف خير وعيدك مبارك ,, ومبارك حسن رحمه الله مبروك عليك كمان ,,, ياخ شيخ مبارك ده اداءه وصوتو عجيب بفقده انطفأ اخر اقمار الحقيبة على الاطلاق ,,, سبحان الله قبل كم يوم انا كنت في اجازة في وطنا الثاني السودان وكنت اجلس مع رجل يعشق مبارك حسن حتى الثمالة انه الاخ العزيز والرجل الشفيف الدكتور نصر الدين شلقامي وقدر ما اتكلمنا عن الاستاذ مبارك حسينا انو ما اديناهو حقو ابدا ابدا ,,, ولا رايك شنو انت ,,, وكدي شوف البيت ده عليك الله ،،
(من تـُقل المرجرج كالخايض الوحل ،،، ) ياخي بس الحمد لله انو قربت بوستك ده بالنهار ولو قريت البيت ده بالليل كان هسة اسوي في اطرد الاحلام يا جميل واصحا هههههههههههههه .. متعك الله بالصحة والعافية ياخي ..
تحياتي : ياسر العيلفون
و حياتك يا ياسر ... قلت لي رقبتي لو ود العيلفون بيجاي اول زول حيدخل البوست ده ...
و قد كان ...
ياخي ده طرب فايت معدي كل الأرقام القياسية ...
رحم الله عمنا مبارك رحمة واسعة ... الرجل اطربنا عمر و مازال ... _____________________________________________ نصر الدين شلقامي ده يا زول ما قدرك ... بتعرفوا من وين هههه
Post: #7 Title: Re: منظر شي بديع ... سيدنا مبارك حسن بركات Author: NEWSUDANI Date: 10-19-2015, 03:41 PM Parent: #6
يا أبو الياء مررت للتحية وطبعا مبارك حسن بركات ده بيذكرني طوالي بملك التطريب بادي رغم أختلاف الطريقتين في الأداء
عزيزي ياأخ عندي شرايط كثيرة عايزة أحولها لCD عليك الله لو في أي جهاز سريع أو Program كلم صاحبنا طرفكم وأنا ح أكلمه تحياتي للجميع
شلقامي محب للجمال وعاشق للحياة من الطراز الأرفع جمعني ذات مرة في أمسية رائعة بمنزله بالرياض بحضور شقيقيه نور الدين وحريز مع كوكبة من أهل الفن والأدب عثمان حسين، إبراهيم أحمد عبد الكريم، محمد خير البدوي، سميرة دنيا، صديق تلودي مع طباخ الأقاشي بتاع شارع المطار ليلة من شدة سحرها كنت ألعب بالنجوم صفرجت أفقي ورأسي وسيافي
Post: #12 Title: Re: منظر شي بديع ... سيدنا مبارك حسن بركات Author: زينب محمد عبدالله Date: 10-20-2015, 03:53 AM Parent: #11
الاعزاء يحيى قبانى معاويه المدير والاخوه زوار البوست
اسعد الله اوقاتكم بى كل شئ جميل
لا اود ان اعكر صفو هذا البوست الجميل ولكن عندى وجه نظر مختلفه ميه فى الميه سوف اوجزها هنا واتكلم عنها بالتفصيل فى بوست منفصل بأذن الله واستميحكم عذرا فى ذلك
اولا معظم اغانى الحقيبه السودانيه القديمه ممعنه فى الوصف الحسى لى جسد المرأة لى درجه انو لو قلنا لى رسام ان يترجم تلك المعانى فى شكل لوحه مرسومه لى كانت مثل البرونو pictures
حب المرأة اسمى من الوصف الحسى الجسدى الصريح والفاضح فى بعض الاحيان
الحب تحسه وتعبر عنه الروح فى ارقى كلمات اللغه العربيه الجميله
وصف الجسد بتلك الطريقه الصريحه فى بعض اغانى الحقيبه يعبر عن الحرمان الجنسى اكثر من ما يعبر عن الحب
هذا وارجوا منكم قبول اعتذارى اذا ازعجتكم مداخلتى هذه
ودام الود
Post: #13 Title: Re: منظر شي بديع ... سيدنا مبارك حسن بركات Author: يحي قباني Date: 10-20-2015, 05:10 AM Parent: #12
Quote: الاعزاء يحيى قبانى معاويه المدير والاخوه زوار البوست
اسعد الله اوقاتكم بى كل شئ جميل
لا اود ان اعكر صفو هذا البوست الجميل ولكن عندى وجه نظر مختلفه ميه فى الميه سوف اوجزها هنا واتكلم عنها بالتفصيل فى بوست منفصل بأذن الله واستميحكم عذرا فى ذلك
اولا معظم اغانى الحقيبه السودانيه القديمه ممعنه فى الوصف الحسى لى جسد المرأة لى درجه انو لو قلنا لى رسام ان يترجم تلك المعانى فى شكل لوحه مرسومه لى كانت مثل البرونو pictures
حب المرأة اسمى من الوصف الحسى الجسدى الصريح والفاضح فى بعض الاحيان
الحب تحسه وتعبر عنه الروح فى ارقى كلمات اللغه العربيه الجميله
وصف الجسد بتلك الطريقه الصريحه فى بعض اغانى الحقيبه يعبر عن الحرمان الجنسى اكثر من ما يعبر عن الحب
هذا وارجوا منكم قبول اعتذارى اذا ازعجتكم مداخلتى هذه
ودام الود
و الله يا زينب يا صديقتي انا شخصياً معاك تماماً في كلامك ...
و تغالطنا هنا ده و في المنبر ده ...
و قالوا لا ... النساء كانن محتشمات و ناس عبيد عبد الرحمن و أبو صلاح و ود البنا و اترابهم كان خيالهم خصب ... و لولا المغطى لما انتج خيالهم ...
قلنا ليهم الفكرة ما في الخيال الخصب ... الفكرة في الوصف الحسي التقريري ده ... و تقبل المجتمع وقتها لسماع مثل هذه الاوصاف ...
طيب انتي رأيك انو الوصف فاضح ...
هل الجماعة كان خيالهم خصب ... و لا كانت النساء غير محتشمات ( بمفهوم اللفلفة ) حقت اليومين ديل ؟
لو عاينا لصور زواج الحبوبات او الرسومات زي ما كانوا بقولوا ... حتلقي الحمالات و السترابلس زي الما حاصل شي ؟
طيب البشوف و بقدر يكتب جنس الكتبه عمنا عبيد في منظر شي بديع يعمل شنو ؟
Post: #14 Title: Re: منظر شي بديع ... سيدنا مبارك حسن بركات Author: اخلاص عبدالرحمن المشرف Date: 10-20-2015, 08:21 AM Parent: #13
مصداقآ لقولك
Post: #15 Title: Re: منظر شي بديع ... سيدنا مبارك حسن بركات Author: ياسر السر Date: 10-20-2015, 08:55 AM Parent: #14
معليش يا جماعة مداخلة صغيرونه كده بس حول معرفتي بدكتور شلقامي : صراحة الرجل من عشاق الفن والجمال ويتناول الفن بصورة راقية وجميلة وانا ايضا مثلك اخي معاوية الزبير فقد جمعتني به وبعدد كبير من الكوكبة التي ذكرتها جلسات وجلسات لا تنسى فهو صديق قديم منذ فترة ما قبل الاغتراب حوالي اكثر من 15 عام ومازل حبل التواصل مشرع بيننا واتمنى ان يدوم هذا التواصل لانه رجل لا تمل الجلوس معه اما عن حبنا لكوستي فهذا حديث يطول ساتطرق له لاحقا حتى لا افتل البوست الجميل ده وهو اشبه بي ( حبيت عشانك كسلا ..... ) واسف للاطالة ...
تحياتي : ياسر العيلفون 0
Post: #16 Title: Re: منظر شي بديع ... سيدنا مبارك حسن بركات Author: معاوية الزبير Date: 10-20-2015, 09:56 AM Parent: #15
Quote: لا اود ان اعكر صفو هذا البوست الجميل ولكن عندى وجه نظر مختلفه ميه فى الميه سوف اوجزها هنا واتكلم عنها بالتفصيل فى بوست منفصل بأذن الله
أهلا زينب، ننتظر البوست المنفصل لنعرف وجهة نظرك المختلفة ميه في الميه (وأظن النسبة أقل بكثير)
لكن مبدئيا أقول: لمّا الناس بشكّروا كلمات غُنا الحقيبة إنما يقصدون الإشادة بملَكة الشِعر التي تتجلى في القدرة على الوصف ثم يُعجبون بالمعرفة الموسوعية لدى شعراء الحقيبة والتي يستقون منها المفردات المستخدمة في قصائدهم
ثانيا جمال جسد المرأة هو أحد تجليات قدرة الخالق ودقة صنعته والتي تتجلى أيضا في الكائنات الأخرى من نبات وبحار وجبال .. الخ ومن هنا ربطه مباشرة في قصيدتنا هذه بأغصان شجر البان وبالبدر الخ وبما أن شعراءنا هؤلاء ما بيغباهم جسد المرأة -أي امرأة- فلا يحتاجون لرؤية جسد المرأة المعنية بالقصيدة عشان يوصفوهو هم في الحقيقة إنما يشكُرون الله جهرا على هذه النعمة نيابة عنا الشعراء من رُسُل الله لتبيان قدرته للناس
أما ربط جمال المرأة تحديدا دون جمالات الكائنات الأخرى بالجنس فهذا من أهدافه استمرار الحياة
أخيرا، اشتهاء الجنس (ما اسميتيه بالحرمان الجنسي) هو مكوّن أساسي من مكونات عاطفة الحب، فلا غبار عليه ضمن هذه المعادلة.. الجنس في شكل من الأشكال وفي وقت من الأوقات هو تعبير حسي عن الحب المعنوي
Quote: أهلا زينب، ننتظر البوست المنفصل لنعرف وجهة نظرك المختلفة ميه في الميه (وأظن النسبة أقل بكثير)
لكن مبدئيا أقول: لمّا الناس بشكّروا كلمات غُنا الحقيبة إنما يقصدون الإشادة بملَكة الشِعر التي تتجلى في القدرة على الوصف ثم يُعجبون بالمعرفة الموسوعية لدى شعراء الحقيبة والتي يستقون منها المفردات المستخدمة في قصائدهم
ثانيا جمال جسد المرأة هو أحد تجليات قدرة الخالق ودقة صنعته والتي تتجلى أيضا في الكائنات الأخرى من نبات وبحار وجبال .. الخ ومن هنا ربطه مباشرة في قصيدتنا هذه بأغصان شجر البان وبالبدر الخ وبما أن شعراءنا هؤلاء ما بيغباهم جسد المرأة -أي امرأة- فلا يحتاجون لرؤية جسد المرأة المعنية بالقصيدة عشان يوصفوهو هم في الحقيقة إنما يشكُرون الله جهرا على هذه النعمة نيابة عنا الشعراء من رُسُل الله لتبيان قدرته للناس
أما ربط جمال المرأة تحديدا دون جمالات الكائنات الأخرى بالجنس فهذا من أهدافه استمرار الحياة
أخيرا، اشتهاء الجنس (ما اسميتيه بالحرمان الجنسي) هو مكوّن أساسي من مكونات عاطفة الحب، فلا غبار عليه ضمن هذه المعادلة.. الجنس في شكل من الأشكال وفي وقت من الأوقات هو تعبير حسي عن الحب المعنوي
نفسي قام لغاية كملت كلامك الجميل ده يا مِعا ...
كلامك ده أيام الجامعة كان بختصره صديقي الجميل ود كوستي سامي حجازي محمد صالح بكلمتين ...
يقول ليك ده ( نداء الطبيعة ) ...
بعدين عبر التاريخ الوصف الحسي ده موجود و في أمهات الشعر العربي ...
و بالتحديد كلما اسمع منظر شي بديع لما عمك عبيد قال
و كالسحب الرحل ... من تـُقل المرجرج كالخايض الوحل
زي ما قال الأعشى قبال 1500 سنة كده ...
غَرّاءُ فَرْعَاءُ مَصْقُولٌ عَوَارِضُها،, تَمشِي الهُوَينا كما يَمشِي الوَجي الوَحِلُ كأن مشيتها من بيت جارتها *** مر السحابة لا ريث ولا عجلُ
Quote: وانا ايضا مثلك اخي معاوية الزبير فقد جمعتني به وبعدد كبير من الكوكبة التي ذكرتها جلسات وجلسات لا تنسى فهو صديق قديم منذ فترة ما قبل الاغتراب حوالي اكثر من 15 عام ومازل حبل التواصل مشرع بيننا واتمنى ان يدوم هذا التواصل لانه رجل لا تمل الجلوس معه
تسلم يا ياسر وإن شاء الله تمتد الأيام ونتقابل عنده ومن هناك نمشي العيلفون عندنا فيها حبايب كتار، مثل محمد عثمان قيامة وحامد إدريس الحبر الخ
Post: #20 Title: Re: منظر شي بديع ... سيدنا مبارك حسن بركات Author: Hamid Elsawi Date: 10-27-2015, 04:31 AM Parent: #19
الأخ قباني و ضوفه الكرام تحية طبية استمتعت حقيقة بالبوست و الاستماع للاغاني الجميلة و كلما نضغط واحدة تظهر واحدة أجمل و كنت أرغب في التعليق قبل مدة لكن ضيق الزمن كان أهم العوامل كتبت الأخت زينب مداخلة ختمتها بالآتي
Quote: هذا وارجوا منكم قبول اعتذارى اذا ازعجتكم مداخلتى هذه
شخصيا لم تزعجني المداخلة بل فتحت منافذ للتفكير في داخلي و في انتظار البوست المفصل لنقاش هذه القضية الهامة فكرت كثيرا في مداخلة الأخت زينب و تذكرت ندوة كانت في نادي ثقافي رياضي بامدرمان كان ضيفها استاذنا الشاعر المرحوم محمد بشير عتيق و قت وجهنا له نفس السؤال فقدم لنا نمازج لكثير من القصائد الوطنية التي كتبها و كتبها شعراء جيله و قال انها لم تجد حظها من الانتشار و الحفظ. و أنا بالرغم من اتفاقي مع الأخت زينب لكن لا يجب أن نحاسب الشعرء بل يجب أن نحاسب المجتمع لانه قبل ان يصور الشاعر المرأة بهذه الصورة بالكلمات فقد وضعها المجتمع في السباتة تحرك جسمها يمين و يسار فالنظرة ليست نظرة الشعراء بل نظرة المجتمع الذي يجب ان نمعن في تحليلة و التفكير به و الشعراء هم من صوروا لنا تلك المشاهد و اليكم مناسبة الاغنية التي تؤكد ما أرمي اليه
Quote: "منظر شئ بديع" يقول الشاعر عبيد عبدالرحمن في عام 1928 كنت اقطن في مدينة ود مدنى و كانت هناك امرأة لها صلة معرفة مع اخينا الشاعر المرحوم محمد على عبد الله (الأمى) و هي كانت تحب الشعر و كانت لها بنت من اجمل البنات في ذلك الوقت و كانت تتباهى بها مباهاة شديدة.
فطلبت من الأمى على أن يخبر اصدقاءه من الشعراء ليحضروا في مناسبة فرح في حيهم ليروا ابنتها وهى ترقص و ليتباروا فيها بقصائدهم ، فالبنت كانت في غاية الروعة و كانت راقصة حقا فلم اكمل معهم الحفلة و لكننى كنت مصمما أن اعمل لها قصيدة فكانت هذه القصيدة و التي اجمع عليها الشعراء و على رأسهم الأمي من أنها من اجمل القصائد التي قدمت في تلك البنت:
منظر شئ بديـــــع ما احلى الــــــغزل بدر الكون علــــــى غصن البان نــــزل تيه في التيه رفـــــل نجم اللـــــــيل زهى و بالبدر احـــــــتفل موفور النفــــــــــــل ساح نام في الكــــفل
منظر شي بديع ما أحلى الغزل بدر الكون على غصن البان نزل
تيه فى تيه رفل، تيه فى تيه رفل نجم الليل زها والبدر احتفل موفور النفل ساح نام فى الكفل اسفل مرة وأعلا المرة الكان سفل
اتهادى ورتل، اتهادى ورتل خسف القمره بدرُه وللمبروع نتل معدوم المثل كم أحيا وقتل، كم أحيا وقتل عام من حنيه ساح شـَي فى شـَي حتل
كتفه الإنهدل، كتفه الإنهدل فى وصف المعاصم حار فكري انبدل غايته نقول جدل نحكم بعدل جيد إنسان وصيده متبادلين بدل
ريدها إللى نحل، ريدها إللى نحل ناعس غير منام، أكحل غير كحل زي شهد النحل وكالسحب الرحل، كالسحب الرحل من تـُقل المرجرج كالخايض الوحل
عمرى الإنسجل، عمرى الإنسجل وجدي إللي فى هواك مقرون الأجل لى قلباً وجل يا ناعس المقل، يا ناعس المقل يا ماحي الزجل يا بيت القصيد ويا روح الزجل يا بيت القصيد
منقول
Post: #21 Title: Re: منظر شي بديع ... سيدنا مبارك حسن بركات Author: Sudany Agouz Date: 10-27-2015, 05:47 AM Parent: #20
الأخ الحبيب يحى قبانى ..
ذكرتنا بالذى مضى .. وبناس السودان السمحين ..
Quote: اما شلقامي ... فغير كوستي ... و جميع ما يلزم العرسان في دكان عبد الله شلقامي ...
فجمعتني معه بعض ليالي الانس ... في الرياض و العمارات ... و كلينا يحب الجمال ... فل استوب ...
تعرف يا أخى أنا أعرف الأخ الحبيب عبد الله شلقامى .. و د. نصر الدين .. وحريز .. منذ أوائل الثمانينات .. بس من الخرطوم .. وام درمان .. (حريز) .. على ما أذكر .. اشترى عبد الله شلقامى " المطبعة الكويتية " .. وكان ابنه عمر يساعده فيها .. وكمان .. كان عنده مصنع للكرتون .. معليش الواحد عجز .. وبقيت أنسى الأسماء والتواريخ ..
يا ترى .. يا أخى يحيى .. ايه أخبار أخوانا عبد الله ونصر الدين وحريز .. على ما أذكر أيضاً الأخ نصر الدين كانت له وكالة سياحة .. وكان أيضاً هو القنصل الفخرى .. فى دولة من دول أوربا الشرقية .. لا أذكرها بالضبط .. وطبعاً .. الأخ حريز له محل تحارى فى أمدرمان .. فى الشارع العمومى ..
بالله عليك يا أخى يحى .. إن كنت تعرف أرقام تليفوناتهم .. ارجو ارسالها لى .. لاننى فقدتها .. وهذا هو الإيميل الخاص بى .. [email protected] وإن كنت تتكلم معهم ... أرجو ارسال سلامى الحار لهم ..
Quote: الأخ قباني و ضوفه الكرام تحية طبية استمتعت حقيقة بالبوست و الاستماع للاغاني الجميلة و كلما نضغط واحدة تظهر واحدة أجمل و كنت أرغب في التعليق قبل مدة لكن ضيق الزمن كان أهم العوامل كتبت الأخت زينب مداخلة ختمتها بالآتي
يا صاوي يا جميل ...
طولنا منك و من سماع صوتك ياخي ... طمنا ان شاء الله كلكم تمام ...
فعلاً أيام لا تنسى ... و زمن كان عجيب ... كل الجمال شفناهو فيهو ...
للأسف ليس لي علاقة لصيقة بآل شلقامي ... فقط جمعتني بعض ليالي الأنس مع أصدقاء مشتركين مع نصر الدين شلقامي ...
إضافة الا ان حريز صديق لزوج اختنا ...
لكن ياسر السر و ود الزبير هم خير من يوصلوك لدرة ( شباب ) كوستي نصر الدين شلقامي ... :)
Post: #25 Title: Re: منظر شي بديع ... سيدنا مبارك حسن بركات Author: Hamid Elsawi Date: 11-04-2015, 06:27 AM Parent: #24
فوق للناس الجميلة التي تحب الطرب
Post: #26 Title: Re: منظر شي بديع ... سيدنا مبارك حسن بركات Author: عبدالمنعم العوض Date: 11-04-2015, 06:50 AM Parent: #25
باشمهندس يحيى لك التحية وللراحل مبارك حسن بركات والشاعر الفذ عبيد عبدالرحمن المغفرة والرحمة تطريب عالي ولحن جميل جدا اعتقد انه من الحان كرومة رحمه الله اتسآءل دائما هل بالامكان الاستفادة من الايطار العام لاغنية الحقيبة وتطويرها بالانطلاق من اللحن والكلمات الى توزيع موسيقي حديث واداء باصوات الشباب المعاصرين استرشادا بالتجارب السابقة لعمالقة الفن من الجيل السلبق كما فعل الاساتذة الاجلاء عليهم الرحمة عثمان وعبدالعزيز والجابري ووردي اوكما فعل ودالامين وكابلي والطيب عبدالله وغيرهم ربنا يديهم العافية هل هنالك تجارب ونماذج يا هندسة لهذ الجيل يمكن ان تتحفنا بها ؟؟ لك الشكر والتحية يا فنان
باشمهندس يحيى لك التحية وللراحل مبارك حسن بركات والشاعر الفذ عبيد عبدالرحمن المغفرة والرحمة تطريب عالي ولحن جميل جدا اعتقد انه من الحان كرومة رحمه الله اتسآءل دائما هل بالامكان الاستفادة من الايطار العام لاغنية الحقيبة وتطويرها بالانطلاق من اللحن والكلمات الى توزيع موسيقي حديث واداء باصوات الشباب المعاصرين استرشادا بالتجارب السابقة لعمالقة الفن من الجيل السلبق كما فعل الاساتذة الاجلاء عليهم الرحمة عثمان وعبدالعزيز والجابري ووردي اوكما فعل ودالامين وكابلي والطيب عبدالله وغيرهم ربنا يديهم العافية هل هنالك تجارب ونماذج يا هندسة لهذ الجيل يمكن ان تتحفنا بها ؟؟ لك الشكر والتحية يا فنان
