أكتر خمسة بورداب مهتمين ولابدين لبوستات الجنس الناعم بالبورد ..

07:34 AM Oct, 08 2015
سودانيز اون لاين
طلحة عبدالله-
مكتبتى فى سودانيزاونلاين



هم عشرة لكن أنا اختصرتهم في خمسة لأنو الخمسة
التانين عندهم بعض الاهتمامات بالبوستات الأخري ( أحيانا )..
أما أبطال العنوان فبصراحة وبعد متابعة إستمرت لفترة طويلة
لاحظت أنهم لابدين بس لبوستات البنات أو النسوان (ما فرقت )
ما يكاد بوست الواحدة منهن يعلن ميلاده بأول صرخة على
صدر البورد حتي تجد الواحد منهم قد حجز مكانه في أول
السطر ولو بى نقطة (تقرأ همسة).. وبعد كدا تبدأ عملية دشدشة
التلج والتكسر على أصوله ومن أمه..
أكيد الجماعة ديل شغالين بمبدأ ( إستوصوا بالنساء خيرا ) و
(رفقا بالقوارير فانهن مثل العصافير) ..الخ الخ الخ الخ الخ.. فما
تفهموا البوست دا غلط رجاء ..
طبعا هم عارفين نفسهم كويس وما في داعي أعتقد للأعلان
عنهم .. وبالنسبة لي عارفم وقاعدين هسع في مسودة البوست
حذفتهم في اللحظات الأخيرة لحاجة في نفس الزول القاعد جمبي دا.
و
الطاقية بجنيه نص تعالا بص .

إذا لم تزكر أسمائهم فالبوست لا قيمة ولا معنى له

وأنصحك بأن تطلب من بكري أن يقوم بحذفه.

سلامات طلحة و أريتك طيب




بس هم طييبين و النبي :)

يا دينق اذا كان البوست الما عندو قيمة
بحذفوهوا المفروض البورد دا ما يكون
فيهو إلا بوست أو اتنين ..
كتا عايز أذكرهم لكن بعد كلامك دا ما بذكرم
عناد ساي كدا .



يا محمد الجزولي هم طيبين أوي والله وصدقني
أنا ما قاصد حاجة لا سمح الله .

أنا رقم كم بعد ابيكر عباس

اتا رقم 11 يا بلة ههههههه

Quote: ابيكر عباس

دا معانا في البورد هنا ؟؟

ياسر الحسين

Quote: ماانت براك ياطلحه حتى نحن البي تحت عارفنهم .

يا ياسر اتا رسل لي في الخاص وأنا برسل
ليك هههههههههه

Quote: كتا عايز أذكركم

معناها دينق واحد منهم

عدلتها يا هيثم
دينق ما في الحسبان ههههههه

الأخ طلحة
ما كنت عايز أعلّق في البوست .عشان ما يقولوا كسير تلج للجنس الخشن ..زأوي.
حاولت ما أعلق زي مرات بعمل لما يكون البوست بيعجبني لكن ما قدرت .
في رأي طريقتك ذكية و لماحة و طريفة في البوست ده و في بوست تاني قبله.
أنا بتكلم عن الأسلوب ...ظريف جدا جدا و بعدين سهل ممتنع.
تحياتي

أنا شاكر ومقدر وفخور حقيقة بكلماتك يا محمد عبدالله
تسلم يا حبيب ..
كأني عايز أكسر الرتابة الضاربا البورد بحجر (أحسبه غليد) في
البركة الساكنة.

... وفي المقابل، هناك اثنان بوستاتهما تجذب المتداخلين لدرجة أن الأعمى والمكسّر يصلا في رحلة واحدة، هما: أبوحراز وعواطف عبدالرحمن.

.
طلحة قوم لف .....
سير سير يا طلحة ......

ملاحظة محل اهتمام يا محمد الأمين ليك التقدير ..

يا أبو حسين أرفع صوتك واللا قوم لف .

سير سير يا طلحة ......

قصيدة شــعر
وقارورة عطــر ... وخروووج
اصلها ريحة الســـياسة ما حلوة
..
بعد التحية أخوي طلحة
عليكم الله يا ناس البشـــاقرة غرب يا طيبين
القبة الخدرا الجمب الظلط ما تخلوا الدواعش يهوبوا جيهتا
عشان بتذكرني عمي عليه الرحمة .

Quote: عليكم الله يا ناس البشـــاقرة غرب يا طيبين القبة الخدرا الجمب الظلط ما تخلوا الدواعش يهوبوا جيهتا عشان بتذكرني عمي عليه الرحمة .

واللاي يا رشا أعترف بانك أثرت فضولي أضعاف اعجابي
بدخولك الشاعري الوسيم للبوست .. من تكونين يا الخنساء ؟


القبة دي ليها حراسا الأشداء يا بت الرجال فما تشيلي
هم عليها ..
من جهة أخري انتي منو عليك الله ..؟ شايفك عارفة كل
حاجة في أية حاجة من جهتنا .. أكيد عمك عما لينا .

سير سير يا طلحة ......
،،،،

...







عزالدين عباس الفحل
ابوظبي
...

شكرا كتير
عمي يا طلحة كان زول رزين وجميل ..نضيف وعفيف
كنا بنجي البشاقرة لزيارته خاصة لمن يجي من السعودية
لأننا بنكون موعودين بالهديا الحلوة
ولينا ذكريات وهو بقدمنا عشان نركب من الظلط وبنقيف جمب القبة
وبعد وفاته بقينا لما نجي راكبين الحافلة بالظلط اول ما اقرب للبشاقرة بقبل وشي
عشان ما اشوف القبة وابكي ..
بس أنتو ناس الهوج ونحن ناس الشرق..!!

ازيك طلحة

شكلها كورتك فكت.

اها يا طلحة انا خاشي مخسوس عشان خيتي رشاء بابكر فتيل العطر .. وهي جابت سيرة ناس الشرق وانا اصلي شراقي علا بقيت من ناس الهوج

Quote: شكلها كورتك فكت.

شكلها!!
دي اتفرقت حتة حتة, ثم انو ما كان في كورة أصلاً

Quote: أنتو ناس الهوج ونحن ناس الشرق..!!

اهاااااااااااا لا كدا لحم ودم حرم ..
عظيم الشرف والله يا رشا وتحية أعظم لكل ركن
في بشاقرتنا التانية .. للصناعية .. والمتوسطة
ولميدان الأهلي الكائن بينا وبين المقاريت
وللرهاب الموحي الممتد حتي النابتي ..
للبنطون والبحر والذكريات المفعمة بود لا ينسي .

ويحك يا طلحة . تتكلم عن كسير التلج و بعدين..من أول لفة ترسل للتلج بالدس؟؟

عز الدين الفحل شكرا للمرور

بدر المعارف البخليها شنو ما تفك كان بلعب مع كيشا ( كيشات ).

أبوسن ليك التحية والتقدير يا حبيب

جرجير قوم لف وسوق معاك بتاع حملة التعاطف داك.

محمد عبدالله لاباس من ترمة بسيطة للوح التلج ان واتتك الفرصة.

كالعادة كل مرة جايب النصيحة بدون رتوش..
لكن المرّة دي أنا فراستك دي مابقدر عليها وبزوغ منا عديييل (أعني عدم تخوفك الواضح مما قد يُفهم من هدف بوستك)..
أري أن العنوان إيحائي أكثر من أنه دقيق..فهناك على ما اعتقد كثير من رجال البورد مهتمين ولابدين لبوستات النساء، لكنهم لايتداخلون فيها..بمعنى آخر ،أن قياس الاهتمام واللبدان بالتداخل ليس قياسا دقيقا،لكنه طبعا هو القياس المتوفر..
وهذا الاهتمام الذي تشير إليه،هو في رأيي الوضع الطبيعي الذي يجب أن يسود..فالمرأة ياعزيزي هي قطبنا الشمالي الذي تشرئب إليه إبرنا البوصلية..هي الكائن الذي صبّ فيه الرب من أسراره مالم يصب في غيره،ثم أتحفنا دون خلقه أجمعين بأن أهداه لنا..وقد نراها نحن حمقاء أو سطحية أوانصرافية،لكني اؤكد لك أن هذي الرؤي هي السطح بعينه.. ولو غصنا قليلا في الأعماق سنجد أن أكثر لفظة مرادفة لمعنى الحياة هي لفظة المرأة..
في أي ميدان مقدس آخر،كانت ستُقضى كل تلك الهرمونات والخفقات والرعشات والخلجات،إن عدم العالم النساء..ما كان سيكون معنى الترقب والتوقع والانتظار والترجي، لو لم تُخلق النساء..
أنا ح أوقّف لغاية هنا من الكلام الفوق دا..
وأقوليك ناسك الخمسة ديل حقو نديهم لقب (لسهولة الاشارة إليهم مستقبلا إذا لزم الأمر)..رأيك شنو في (رجال الاسكيمو)..
ديل طبعا حياتم كلها كسير تلج..ولو ماكسروا التلج مابقدروا يسكنوا ولايشربوا ولايأكلوا..
يعني ح يموتوا عدييل كدا..يعني هناك كسير التلج الصحي صحي..
*أنا طبعا عندي فهم،إنك ببوستك دا،قاصد الابتذال والخفة في الوقوف مع آراء النساء لمجرد إنهن نساء،بغض النظر عن صحة وجودة تلك الآراء..
تحياتي

يا نبيل في الفيس
قصدك الجنس الناعم القاصدو أنا في البوست
واللا الجنس الناعم في البورد ككل ؟؟
بالنسبة للمهتمين ولابدين ل بوستاتن المقصودات هنا
فأعفي لي ما بقدر أبوح ما بقدر أصرح .. خخخخخخخ
لو قاصد الجنس الناعم في البورد ككل
فعندك على سبيل المثال لا الحصر الأستاذة
دينا خالد .

طلحة و رشا الاتنين قومو لفو ...
عملتوها لينا البشاقرة و شنو ما عارف ...

الله لا كسبكـ يا ساماتا
أسه تنظير كان يكون مشغول بالنهائي و أضنينا دي ترتاح شوية

سلام للجميع ,

يا اخ طلحة المنبر ليس مجلة حواء !

وليس فيه موضوع رجال ونساء !

ونحن لا نكتب هراء حتى يكون دافع القارئ لأننا نساء !!

وهل تعني بان من يدخل بوستات النساء جدير بالتقريض والاستهزاء !


ولذلك لا تقرا للنساء هنا لأنك تراها منقصة ؟؟

أثني اقتراح الأخ دينق بسحب البوست .

ست البنات.

ويحك يا طلحة . تتكلم عن كسير التلج و بعدين..من أول لفة ترسل للتلج بالدس؟؟Quote

>>>><<<<<<<<
كدى يا طلحة اقرا كلام محمد عبد الله ده ثاني... بس ما تضحك..
يعني معقولة انت ما بتعرف الصحفية المشهورة الاستاذة رشا بابكر..
وبعدين ما دام انت من ناس الجزيرة .. فلازمن صديقتي من فداسي
عندها قرابة معاكم.... وانا زرت فداسي اكثر من ثلاثة مرات...

والله يديك الصحة والعافية
اميرة مصطى السيد

( عملتوها لينا البشاقرة و شنو ما عارف ...
هههههه ابوحســـين أنت من ياتو فريق المتلبدين والا التانين ؟
بعدين أنا قلت قصيدة شعر .. وقارورة عطر ( إثبات وجود )
مرة مرة لمن ريحة السياسة تعكر المكان
نجي نرش لينا حبة عطر تعطر الجو
تهدّي الروح للبدخل والبتلبد .

عليش الأريب
أبدعت في رجال الاسكيمو ديل .. عايزلك رد براك .. لامن أجيك .

أبوحسين ما جاوبت على سؤال حملة التعاطف .

خالد عبدالله محمود شكرا يا خوي ع المرور

الأستاذة أميرة مصطفي والله لينا الشرف وفعلا
حكاية ما عرفت الأستاذة رشا دي كتيرة لكن معليش ..
ليك وليها التحية والتقدير والاحترام .

يا غريبة اسمك مشطوب ما مكتوب .

يا جماعة

طلحة دا واحد ( ساحبنا )

على قول عميد الأدب طه حسين

عنده قدرة يفتل حبال من حرير ويجر بيها الناس لزاوية يعرفها براه

فلا تزعلوا منه

ولا تفرحوا بيه

أتفكفكوا براحة وكفوا فكوكم

شدة وتزول

ولا مو هيك ( يا ساحب )

بمناسبة جلد السوريات في شارع النيل

نسيت
اللخت بتاعت حواء وشنو دي .. ما تقابضي فينا .

يا رشا ما عليك من أبو حسين دا اعذريهو
الايامات دي متوتر شوية عشان كدا بنضم برة رأسو .

يا أبو الدرادر تحياتي وتقديري يا حبوب
متابع باستمتاع خواطرك وقصصك البديعة
واصل عزك الله

رَجل يقول: هل تعلم أيها الرجل أن المرأة حكاية،
وكلامها بداية،
وحنينها نهاية،
وشعورها هداية،
ودُعائها كفاية، فعاملها بعناية.
..
يعني كان جينا للحق الدخول بالباب ولا التلبد
عالمنا عالم جميل شفاف لا فيهو بونيه ولا شلوت
...
طلحة اخوي ..... وصلت للنابتي .. وكان باقيلك فركة كعب وتصل لي عندنا ..!
..
الجميلة أميرة بت الســـيد ..تسلمي يا غالية
أنا حبيت الصحافة في زمن النزاهة والكتابة كتابة
ودخلت عالمها زايرة خفيفة (ما صحفية) ...بس اكتب لي قصيدة والا خاطرة وآخد بعضي
وأكبر عمل الله اكرمني بيهو في التمانينات .. كتبت لفترة قصيرة في صفحة الثقافة والأدب في جريدة الشرق الأوسط في عمود اسبوعي صغير .

Quote: هههههه ابوحســـين أنت من ياتو فريق المتلبدين والا التانين ؟ بعدين أنا قلت قصيدة شعر .. وقارورة عطر ( إثبات وجود ) مرة مرة لمن ريحة السياسة تعكر المكان نجي نرش لينا حبة عطر تعطر الجو تهدّي الروح للبدخل والبتلبد .

انا من الفريق الطوااااااالي بلعب ضد طلحة ... :) :) :)
بعدين العطر ترشي في بوست طلحة المقطع دا ....
غايتو كان ما مداخلتك دي طلحة دا بوستيهو الا كان يطبعو و يتبخر بيهو ... :):)
*****************

Quote: أبوحسين ما جاوبت على سؤال حملة التعاطف .

و لا تعاطف و لا تطلحة ...
قايلني هامل زيك ....
قوم لف .....

يا رشا أقرب مكان بعرفو بعد النابتي أم ضوا بان

Quote: لا تعاطف و لا تطلحة

ابو أم الظرافة ذاتو ياخ

كتب المدعو طلحة الآتي :
(نسيت
اللخت بتاعت حواء وشنو دي .. ما تقابضي فينا .)

انت انسان ما عندك ادب والظاهر جيت المنبر دا بالخطأ قايل المسالة رمي كلمات زي وشك وتمشي في حال سبيلك !

لا يا فالح المسالة فيها تحمل مسئولية ولو الواحد يعني عادي نفسو بني ادم مع البشر يقعد في الواطا دي ويتخيير الكلام والآ يقفل خشمو وينطم !

ووقت انت ما عندك قدرة على الكتابة والعرفة كان تقعد محلاتك .

وانا ماني اختا لاخطل زييك .

واحترم نفسك .

ست البنات.

Quote: انت انسان ما عندك ادب و رمي كلمات زي وشك وتمشي في حال سبيلك ! لو الواحد يعني عادي نفسو بني ادم مع البشر يقعد في الواطا دي ويتخيير الكلام والآ يقفل خشمو وينطم ! ووقت انت ما عندك قدرة على الكتابة والعرفة كان تقعد محلاتك . وانا ماني اختا لاخطل زييك . واحترم نفسك . .

اللخت .. لماذا لا تسهلين بعيدا عني .

انت انسان قليل الادب حقيقي وحقير واسلوبك ألعن من وشك .

وبرضو تاني بقول ليك احترم نفسك .


ست البنات.

Quote: انت انسان قليل الادب حقيقي وحقير واسلوبك ألعن من وشك . وبرضو تاني بقول ليك احترم نفسك . .

هههههههههه
يعني أقول ليك قليلة أدب وحقيرة ووشك ما عارف شنو
دا في نظرك الأسلوب الكويس ؟؟
أنا ما بطعن في تربية الأهل لأني ما بعرفم ..
إسي ما فات فوات طالما شايفاني بالصفات دي شنو البجيبك
لي ؟
المرة الجاية ما تضمني كلامي يكون بارد كدا .

يا ناس الفيس اسي يعني أنا اعمل ليكم شنو ؟؟
ما قادر والله اقتبس مداخلاتكم وتعليقاتكم دي فوق
عشان أرد عليها ..
يا خوانا أنا بوستي دا عايزو والزعيم الايامات
دي دمو فايز فاااااااااااشنو رجاء هدوا اللعب.. خخخخخخ

وهذا الاهتمام الذي تشير إليه،هو في رأيي الوضع الطبيعي الذي يجب أن يسود..فالمرأة ياعزيزي هي قطبنا الشمالي الذي تشرئب إليه إبرنا البوصلية..هي الكائن الذي صبّ فيه الرب من أسراره مالم يصب في غيره،ثم أتحفنا دون خلقه أجمعين بأن أهداه لنا..وقد نراها نحن حمقاء أو سطحية أوانصرافية،لكني اؤكد لك أن هذي الرؤي هي السطح بعينه.. ولو غصنا قليلا في الأعماق سنجد أن أكثر لفظة مرادفة لمعنى الحياة هي لفظة المرأة..
في أي ميدان مقدس آخر،كانت ستُقضى كل تلك الهرمونات والخفقات والرعشات والخلجات،إن عدم العالم النساء..ما كان سيكون معنى الترقب والتوقع والانتظار والترجي، لو لم تُخلق النساء..
Quote)
>>>>>>>><<<<<<<<<<<<<<<<

عزيزي عليش الريدة

سطرت حروف من ذهب... وانت اكيد من الناس السمحين بالجد في المنبر العام.. ولو كان عزيزنا طلحة عبد الله قرأ
كلامك ده قبال ما يفتح بوست جديد ما كان فتح هذا البوست من اصله...
ياخي انت راجل فاهم
والله يديك الصحة والعافية

يا الأميرة البوست ما عندو أية علاقة قريبة أو بعيدة
بأي سوء يراد بالجنس الناعم .. بالعكس أنا شايف انو
المنبر دا يجب أن يتساوى فيهو الجميع مرأة رجل
طفل شيخ طالما في منصة حوار وأخذ ورد وتداول
ونقاشات .. أية نظرة للمرأة تختلف عن النظرة للرجل
في المنبر دا يعني انتقاص من حقها واستسهال لحضورا
في هكذا مجتمعات .. واللا شنو ؟

ود ابو ســن يا أصيل ..
عارفاك بتجيبك ريحة التراب والمطر ..( دي سيدة العطور)
وحاشاك ما الجنا البتلبد .

الأريب عليش الريدة

Quote: إنك ببوستك دا،قاصد الابتذال والخفة في الوقوف مع آراء النساء لمجرد إنهن نساء،بغض النظر عن صحة وجودة تلك الآراء..

قبيل لما قلتا ليك برجع ليك كان عشان أشيل وأدي معاك في
المقتبس الفوق دا .. وكنت متمني لو أميرة السيد أشارت للكلام
دا في ردها الأخير لأنو فعلا هو المقصود بنسبة عالية جدا ..
الرد أو الدخول في بوستات النساء لمجرد هذه
الصفة أسلوب بالطبع ما حبابو في منبر عام يفترض أن
يتعامل فيه الجميع بطريقة بعيدة عن الجندر .. الذين يتداخلون
من هذا المنطلق برأيي متهافتين زي ما قلت .. دا منبر حوار
ونقاش وليس غرفة دردشة وبالتالي يفترض أن تتلاحق فيه الكتوف
وتتساوي المفاهيم .


بابكر زولاني وصل وين ما شايف البوست ؟؟

دا منبر حوار
ونقاش وليس غرفة دردشة وبالتالي يفترض أن تتلاحق فيه الكتوف
وتتساوي المفاهيم .Quote)

>>>><<<<<<

يعني يا طلحة انت واقف مع رأي المساواة بين الجنسين.....
وطبعا في قانون اجازته الأمم المتحدة بخصوص المساواة بين الجنسين
وقالوا لجميع الدول الأعضاء في الأمم المتحدة ان توقع هذا القانون وتعمل
به.. لكن الدول العربية التي وقعت عليها قالت ما عندها مانع توقع ولكن
عندها تحفظات ولازم تسجل هذه التحفظات.. وقالوا ليهم تحفظاتكم شنو؟
قالوا نحن ما عندنا حاجة اسمها المساواة بين الجنسين .... " والرجال قوامون على النساء
بما انفقوا" .. وردوا عليهم وطيب اذا المرأة كمان بقت تنفق على الأسرة وهي تعمل تكون
متساوية مع الرجل" قالوا طبعا لا... فهناك امور اخرى كثيرة نتحفظ فيها...
أها انت رأيك شنو في المساواة بين الجنسين...والكتوف تتلاحق...!!!
والله يديك الصحة والعافية

لا لا يا أميرة المساواة بين الرجل والمرأة دا
نفق تاني خالص عندو فلسفتو ومنطقو وحاجاتو
أنا بتكلم عن النقاش في المنبر دا تحديدا .

طلحة والله كنت بقرأ وآخر استمتاع لحد ما حصل الحصل!
فلتبدأ أنت بالمباركة!

تحية وتقدير يا صلاح
حصل خير يا حبوب .

عزيزي الفاضل طلحة عبد الله
يعني بكلامك ده انت اظنك بغران مننا عشان بنكتب مواضيع وبنلقى استجابة
من تعليقات اعضاء المنبر العام وغير الأعضاء...
وبعدين تاني حاجة الناس البيعلقوا على بوستات الجنس الناعم زي ما انت بتقول
ما بيعرفو البنات البكتبن ديل ولا شافوهن قبال كده ولكن الاهتمام بموضوع البوست
واذا كانوا مهتمين فعلا بيهن وليس بمواضيعهن فان هناك مكان آخر للإهتمام وهو
المكالمات التلفونية او البريد الإلكتروني ...
لكن اذا انت قاصد بالبوست انك عاوز تدخل بعض روح الفكاهة مع البوستات الجامدة
وما فيها فكاهة ( زي البوست الكتبته عن الشعب الهندي الذي يعبد 500 رب والشعوب
الاسلامية التي تعبد ربا واحدا ومع ذلك تجد الدماء منهمرة كالمطر بينهم) .. فأنت قد وفقت
ونحجت في هذا الشأن...
وكمان يا طلحة اذا ابتعدت عن حكاية الغمز وتأويل الكلام يكون افضل كثير عشان انت براك شفت
النتائج...
وانا بصراحة بديك النصيحة دي عشان انت بتحب عطبرة وشربت من الاتبراوي وناس اتبرة ما ممكن
ابدا يأذوا ليهم اي زول باي كلمة او باي فعل..
ودمت بالف خير وصحة وعافية

Quote: يا طلحة اذا ابتعدت عن حكاية الغمز وتأويل الكلام

الكلام دا هنا في البوست دا يا بت الشيخ ؟
كدا عليك الله ذكريني بى مقتبس ان شاء الله تلميح ساي .

اللهم لا (ساماتا)

بدل (تسمت ) تعال أديك كورس في فن
إزالة النمش والكلف بأسهل وأسرع الطريق.
ما في داعي أقول ليك قوم لف طبعا .. سوق
معاك بتاع التعاطف داك.

ههههههههههههه جيت تتفولح .. إلخ إلخ

شكرا أختي أميرة على كلامك الطيب..وربنا يوفقكم ويحفظكم في بلاد الغربة..
أخي طلحة بصراحة طريقة كلامك مع أختنا ست البنات ماكانت مقبولة،والحمدلله إنت تراجعت عن ذلك..أنا من البداية لما قلت ليك بوستك ح يتفهم غلط،كنت قاصد الفهم الأشارت ليهو أختنا ست البنات، لأنك إنت قاصد الرجال اللابدين لكن ديل ماح يجوك لأنهم لو فعلوا ح يثبتوا على انفسهم صحة كلامك، معركتك المتصورة كانت من البداية واضحة إنها ح تكون مع النساء لو مافهمن بطريقة سليمة هدف البوست..ودا الحصل على ما اعتقد مع أختنا ست البنات ورغم أن اسلوبها كان حاد شوية لكنها من ناحية فهم للمسألة لم تكن مخطئة..فأنا بعتذر ليها،مانيابة عنك طبعا،لكن لأني تداخلت معكم..
حكاية المساواة في النقاش دي أنا برضو ضدها،فالمرأة ياعزيزي ليها خصوصيتها التي يجب أن تراعى،و لو عوملت بحفاوة فقط لأنها إمراة، دا في نظري وضع سليم وصحي..لكن يأتي الابتذال عندما لاتأتي تلك الحفاوة عفويا،وتصير وضع مستدام يُخطط له،وخاصة لوكان التخطيط بنية تحقيق مكاسب(وهذا شئ لا اعتقد أنه موجود بالمنبر)..
البوست فكاهي ومشاغباتي ووناس،لو فُهم بطريقة المكاواة(وهذا فهمي له) لاولئك الرجال الكبكابات اللابدين،والذين مازالوا لابدين..
تحياتي ليك ولضيوفك

الأريب عليش سي سي للأخ خالد طلعت ..
اللخت دخلت سلاخي بالكلام دا :

Quote: اخ طلحة المنبر ليس مجلة حواء ! وليس فيه موضوع رجال ونساء ! ونحن لا نكتب هراء حتى يكون دافع القارئ لأننا نساء !! وهل تعني بان من يدخل بوستات النساء جدير بالتقريض والاستهزاء ! ولذلك لا تقرا للنساء هنا لأنك تراها منقصة ؟؟ أثني اقتراح الأخ دينق بسحب البوست .

دا رأيها أوكي ما في مشكلة
بالمقابل رأيي كان انو كلاما دا ومطالبتا بحذف البوست
مجرد مقابضة فقلت ليها

Quote: اللخت بتاعت حواء وشنو دي .. ما تقابضي فينا

الكلام دا طوالي قادا للشتيمة الوقحة دي

Quote: انت انسان ما عندك ادب قايل المسالة رمي كلمات زي وشك وتمشي في حال سبيلك ! لو الواحد يعني عادي نفسو بني ادم مع البشر يقعد في الواطا دي ويتخيير الكلام والآ يقفل خشمو وينطم ! ووقت انت ما عندك قدرة على الكتابة والعرفة كان تقعد محلاتك . وانا ماني اختا لاخطل زييك . واحترم نفسك . ست البنات.

ردي ليها كان

Quote: اللخت .. لماذا لا تسهلين بعيدا عني .

فكررت الشتيمة والسب والطعن في التربية

Quote: انت انسان قليل الادب حقيقي وحقير واسلوبك ألعن من وشك . وبرضو تاني بقول ليك احترم نفسك .

لو شايفين انو كلاما وطعنها الصريح في تربيتي
عادي وما بستحق دا كلام مع الاحترام برجع ليكم
لكن أنا ما ملاك عشان أقبل كلام زي دا ومن دون
أي ذنب .
مع ملاحظة انو اللخت لا بتعرفني ولا بعرفا ولا حصل
اتداخلت معاها في أي مكان هنا .. وأول مرة أشوف إسما
دا ذاتو .
عموما اعتذاري ليها مرهون باعتذارا أولا لأنها هي البدت
وأتمني دي تكون آخر حاجة بيني وبينها ..
مع التقدير ليكم يا شباب .

و الله يا طلحة (قوم لف) شلت حالكم ساي إنت و رشا .....
كدي ارجعو لينا لي موضوع البشاقرة ........
قال لابدين .... حرامية هم .....؟؟؟؟؟

كبسور دا ما تشتغل بيهو اليومين ديل ما طبيعي .....

تاني لم تجي تفتح ليك بوست أقرا آية الكرسي و يس و المعوذتين و علق فيهو صرة كمون أسود ......

يا ابوحسين كبسور هيّن قول ما اشتغل بيه, أها اللخ الإتلخّاه دا كيف الدبارة معاه :)

بعدين تعال هنا, انت يا خوي قاعد تحذف بوستاتك براك بعد مداخلاتي ولاّ دا المعلّم
لو انت طيب ما تفهّمني ياخ, خليتني اتحسّس والله :)

يا أبو حسين آيات الله ما باباها طبعا
لكن صدقني مثاليات البورد ومشاعر الناس
اليدهم ما في النار ديل ما بتحرك فيني ذرة احساس
أي كائن بجىء يشتمني من دون سبب وبالذات في
حكاية التربية والكلام الكبار كبار دا طوالي بشيلا
بي وسخا وبقلبا ليهو في رأسو .

أبو حسين معليش أعفي لي ياخ نسيت أقول ليك
قوم لف .. فااشنو أعمل اللازم الله يرضي عليك .

يا جرجير اتا بتحرش فيني يعني ؟؟
هههههههه قادر الله وحكمتو بالغة .

شوف شغلتك في اللففان .

أحرّش شنو الله يهديك هو انت محتاج
شمتااااان ساي الشماتة الواحدة دي و متكيف ألف

هههههههههه
لييي شمتان يعني ؟

جاوب وقوم لف .

ما كوز ومندس عاد
ومندس دي اقسى علي من كوز - متذكّر ههههههههههه
أها شيل مندس وخت همز ولمز محلّها

ههههههههههههههههههههه
بالغتا .. هي فعلا حركة غياظة وتجيب
الضغط حار حار لكن فيها براءة ونية صافية
راجع معالجتي للموضوع .. احساسك
بالكلام مهم في الحتة دي .


اللف بقي ما بحوق فيك والله

أمّال الشماتة جاية من وين انت قايل
البراءة و النية الصافية قيّدت يدّك في المعالجة
فاهمك انا ما بتكون اتفشيت
مليان عايز تطق اسّي :)

الأخوات الجميلات رشا, ست البنات, أميرة و بسمات
الأخوان الأعزاء
و سيد البوست
السلام عليكم

أسمحوا لي أحلل ليكم شخصية طلحة بعد إذنه :)

- طلحة ناحي منحي ناس جوّاطين و متخذين اللئامة و اللسان المُر عنوانهم , تركوا البورد غير مأسوف على نقتهم
و عندو طاقة سالبة يزفرها زفراً في بوستاتة النقدية و بي هَرَج غير مُنقطع النظير
آي فنان ما عاجبو هو بالضرورة المفروض ما يعجب الآخرين
و يقع فيه تقريع و تجريح
- آي زول يخالفو الرأي ياخدها معاهُ حساسية و يتلذذ بالسكسك من بوست لي بوست (إستايل مزعج جداً) أصحاب الإستايل ده لسه موجودين عقبال ما يتبعوا
الناس العاملين فيها شفوت و لسانهم مُرْ و حردوا الكتابة هنا
- نظرته للمرأة فيها شيء من الدونية , لذا كان فاتح بوست كان بينقد فيه سيدتين بطريقة مقززة ( وهو مُتكيف من نفسه جداً جداً) و جوهو ناس بيشبهوهُ في الإستايل صفقوا معاهُ
يعني لو كان نقدُه موضوعي و مُحترم كان قلنا معليش و شاركنا معاهُ... و لكن!!!
غايتو حمدت الله إنه ما طلق لي كيبوردي يوم شُفت البوست داك

و عليك الله يا طلحة نو هارد فيلينقس باللاهي
مُش المؤمن مرآة أخيه , ما طيب... قُلنا نرفع ليك المرآة

ولو إتحسست من كلامي ده عليك الله ما تلعب معاي سكسك فأنا لا أحبها و لا أجيدها
اللهم قد بلغتكم فأشهدوا لو اترصد لي لا سمح الله

غايتو حأشيل ختم التجاهُل داك إذا حدث ما أخشى

و أخيراً ...
زي طلحة ده لا يُعتد برأية لانه يُغالِي في آي شيء
عشان كده يا أخوانا الأعزاء تداخلوا ما جادت به قريحتكم في بوستاتنا ولا حرج
نحن أخواتكم و ده بورد عام ...
فشنو طلحة و من لف لفه ما يتداخلوا معانا أصلو ما بيلزمونا ناس مُعقدين و بيحسبوها بي منو الدخل في بوست " بنات" فكر بائس جداً
دون النظر لفحوى البوستات

تحياتي لكم جميعاً و تقديري

Quote: يا ابوحسين كبسور هيّن قول ما اشتغل بيه, أها اللخ الإتلخّاه دا كيف الدبارة معاه :)

الزول حريف ما بتجيهو عوجة ....

Quote: بعدين تعال هنا, انت يا خوي قاعد تحذف بوستاتك براك بعد مداخلاتي ولاّ دا المعلّم لو انت طيب ما تفهّمني ياخ, خليتني اتحسّس والله :)

يا كبسور أنا مداخلات ما قاعد أحذفها أجي أمسح لي بوست ....!!!!!!!!
الناس إتعقدت الموضوع شكلو خطير شديد .....
********************************************************

Quote: يا أبو حسين آيات الله ما باباها طبعا لكن صدقني مثاليات البورد ومشاعر الناس اليدهم ما في النار ديل ما بتحرك فيني ذرة احساس أي كائن بجىء يشتمني من دون سبب وبالذات في حكاية التربية والكلام الكبار كبار دا طوالي بشيلا بي وسخا وبقلبا ليهو في رأسو .

في بوست زي دا تطنش و زي الما حصل شي ......
تكمل بوستك بي نفس المزاج البديت بيهو لأنو كان ماشي زي العسل ....
و بعد ما تصل بالبوست لي نهايتو تجي تقزقز ............

طلحة قوم لف ...

Quote: فاهمك انا ما بتكون اتفشيت مليان عايز تطق اسّي :)

أنا حليم ... نسيت خلاص
وانعل أبو أية حاجة ذاتو ..
لف ياخ لف .

Quote: يا كبسور أنا مداخلات ما قاعد أحذفها أجي أمسح لي بوست ....!!!!!!!!

يعني شنو .. في لوبي شغال ضدك
واللا البورد مسكون ؟؟؟؟؟؟؟
ما تحاول ما تحاول يا بتاع التعاطف .

Quote: زي طلحة ده لا يُعتد برأية

هههههههههههههههههههههههههههههههههههه
تنظير...
اسمع كلامي وانا اخوك, اسحب البوست القصة دي بقت ما في صالحك

لا يعتد برأيك هههههههههههه ياخي دي مبالغة اخير قبيل :)

ههههههههههههه
تكتبي ليك ساعتين يا فردوس جمعة لامن مداخلتك بقت نص البوست
والله اسي أنا كنت على وشك اغلاقو ..

أكتر حاجة صدقتي فيها حتة اللئامة واللسان المر وما شابه
ومال إيه يا اللخت ؟؟ شكلك متابعاني الشوكة والسكين
يا ندامتي كان تقولي ..
كويس انك ما شتمتي حللت بس
لكن توري الناس ديل مثل حي وتشتمي زي اللخت
الفوق دي عشان أرد ليك ..خخخخخخخخخخخخخ
قلتا لي متعقد وبساكك ..
اعترف بالحتة دي والله .. أخر زول سكيتو
أخونا آدم صيام الله يديهو العافية ..
بتعرفيهو ؟؟؟؟؟؟؟ خخخخخخخخخ

طلحة في عراقي منو كدا ما عارف هههههههههههههههه

اظنك نسيت الشعار يا طلحة ياخ!







..

يا طلحة شكلو كده دركسون البوست ده غلبك
عليه
كل الاخوة الاعزاء ال مروا من هنا
قومو لفو بى طلحتكم ده و خلو لى اخواتى
ستهم
اميرة
رشا
بسمات
كمان دينا و وضاحة لو طلّن يبقى يومى عسل بالعسللى
و قبل ما اخش فى موضوع الكبكبة عندى ليكم سعال صغيرونى كدى
صحى عندكم مثل سرى و بتقولوهو تحت تحت انو
الرجال كلهم جزم بس نحنا ما بنقدر نمشى حفايا
اوعاكم تقومو علىّ بالشباشب
اها كان الكوضوع د عدّ بى سلام طوالى ح نخش فى موضوع الكبكبة

Quote: طه طلحة · يعمل لدى مؤسسة دبي للإعلام جلادونا اتا سواقتك أوتومتيك والبوست دا عايز عتالة بتاعين قير عادي .. بوست كلو عقد .. شىء مطلوقة ساي وشىء مدفونة لامن عفنت وشىء عايزا ليها دفرة .. عقد وعرة عايزة زول يكون سواق لواري وعارف التضاريس كويس .. عشان لم تعتر لينا واحدة من العقد المدفونة دي تقدر تعرف تحلها . أعجبني · رد · 3 دقيقة طه طلحة · يعمل لدى مؤسسة دبي للإعلام يا جرجير كوتي انتهت فحاول ما تكتر المديدة .. اللخت فردوس جمعة عقدتا قديما وصاراها من زمن كتا بساكك في البورد .. أرهبونا الناس دي بقي الواحد ما يعرف منو بكتب باسم منو ..؟ لكن الثابت انو العقدة واحدة ومعروفة طبعا .. خخخخخخخخخ أعجبني · رد · 9 دقيقة

هاك يا تنظير
لاكن بيني وبينك اتردمت ردم حتي اللففان ما ظنيتك تقدرو
يا جلادونا الضلالي
كوضوع بتاع كوضوعك

انت وكت مداخلاتك محددة التبذير ليك شنو ...؟؟؟؟

مشكلتك يا طلحة بتخّلى الظلط و تسوق فى الدقادق
اها لمو فبك نتفوك نتفة الاتحاد لى الهلال
و خلوك تكورك وا نارى البقيت سوّاق
ومشكلتك التانية لم تغشى الطلمبة بتكب يا بنزين يا جاز
لا .. المفروض تملا التنك بى عطر اختنا رشا دى
____ الصلالى الخالدى
وينك يا حبة
شكلو كده الكبكبة ماب تندسى
كان تسترنى ياخ !!
عاين جاى كان انتا كان ابو حسين
قومو لفو دى ما قريتوها
اها قومو لفو تانى

هلاَّ هلاَّ ياطلحة ,, لقيت تراجى مشت السودان وبقيت
تقدل ساااااكت ,, بلداً مافيهو تراجى يقدِل فيهو طلحة
دينا خالد غايتو بتسد الفرقة نامِن تجيها اختا ,, عاين
تلج اميرة السيد دى يمين يبَرِّد المديدة

هههههههههه
يا أخوانا كدا أدوني فرقة شوية في كلام فردوس جامع التحليلي الفوق دا.. وزي
ما زعمت أنها (مرآة أخيه وما عارف شنو) نحاول نعكس ليها انعكاسا المشوه دا ..
طبعا كلاما كما واضح فيهو تشفي وغل ما انزل الله به من سلطان وأعتقد جازما
انو السبب يعود لرواسب قديمة كما أشارت لها ضمنا ( منذ أيام المساككة ) ..
الغل الكامن جواها ما لقت طريقة تستفرغوا إلا بكمية معتبرة من التلفيق والتلتيق
والتحوير وكثير من التخابث .. التخابث يتضح في تلفحها بعباية المترافعة
المنافحة عن الجندر ومحاولة تأليبها بنات البورد على البوست باعتباره ضدهن ودا
كلام لا أساس له من الصحة كما أوضحت في كم مداخلة وكم رد فوق .
كلما أرجع أقرأ كلاما الفوق دا في محاولة لوضعه في قالب مداخلة عادية أتأكد أكتر
من الدوافع الخبيثة لصاحبتنا وسعيها الحثيث لانتصار شخصي في معركة من غير معترك
أصلا، فالواقع انو أختنا دي فهمها لمضمون البوست غلط، وواضح أنها مغبونة ليها فترة
طويلة ربما منذ أيام ( ما وصفته بالمساككة ) عندما طالبت أحد الأخوة بالاعتذار عن لغوه
في حقي كما أشارت هي بوضوح في متن البوست ضمن نقاطها التحليلية المزعومة ..خخخ
ودليل آخر على أنها ركبت عمياء دون حتى أن تطلع على الردود والمداخلات،
مطالبتها للشباب بالتداخل في البوستات وتجاهل ما فهمته من البوست باعتباره تحريض
ضد بوستات النساء ,, هههههههه
كلام اللخت دي في عمومو تلفيق وأوانطة ما يشير بوضوح إلى أنها عدمت الحيلة
للتشفي فيني نتيجة رواسب أو عقدة أحسبها قديمة ( منذ أيام المساككة)، ولذلك لجأت لتلفيق
وتلتيق الاتهامات التي لا مكان لها في أرض الواقع.. فلم يحدث أبدا أن ساككت أحد أختلف
معي في الرأي، ( اتحدي أي عضو هنا يقول أنا ساككتو لأنو اختلف معي في الرأي )..
كما أنني لم أتكلم كلام مقزز في حرم الرشيد وسهير عبد الرحمن واللتين أشارت
لهن أختنا فردوس ب( السيدتين ) مستكثرة عليهن صفتهن الاعتبارية كشخصيتين عامتين
إذ أن حرم الرشيد دكتورة وكاتبة صحافية وسهير أيضا صحافية تم تقديمها على أنها
معروفة، ولكن نفس فردوس أبت أن تمنحهن حقهن الأدبي ( غايتو أنا بحسن الظن وبقول
دي غيرة نسوان )، المهم أنني لم أتحدث حديث مقزز عنهن بل لم أشر حتى لمظهرن وكان
نقدي منصبا على أفكارهن وخطل ما ذهبن اليه في حديثهن عن واقع المجتمع السوداني
وتفاخرهن بتجاربهن الشخصية التي لا علاقة لها بمضمون الحلقة، والبوست مازال موجودا ليس
فيه حتى مجرد تلميح يفهم من أنه طريقة مقززة كما كذبت فردوس في محاولتها للتشفي أعلاه..
ولم تكتف فقط بالتلفيق والتحوير والبهتان الصراح في محاولتها لاستفراغ غلها الكامن
جواها ( منذ أيام المساككة) بل جمعت حتى اللذين اتفقوا معي في الطرح ( جوا وراءه
واحدين بشبهوه في الاستايل صفقوا معاهو) ههههههههههه يعني صاحب البوست والمتداخلين
كلهم غلط وهي صاح ياللثقة ..
غايتو فردوس كما رأيتها من خلال مداخلتا التحفة الفوق دي لا تعدو كونها تختة كبيرة جديدة
للمستجدين ليتعلموا فيها التنشين والتصويب عندما يشتاق أحدهم للآكشن، الله يكون في عونا .
أحمد لفردوس أنها لم تجنح للهتر والتنابذ الشخصي وأعيب عليها تلفيقها وتلتيقها وتحويرها
وتخابثتها .. ولا أحمل لها أية ضغينة والله ع ما أقول شهيد .

هههههههههه
قضيت ليلة عصيبة راجي الكونة تفتح

دا شنو يا طلحة

تصدق قريت بداية البوست وتوقعتو يمشي

لكن دقداق عجيب

ممكن نقول شيل يا بكري؟

خصوصا مع ود البشرى البتوعد دا

يا حمد جرجير الفوق دا هو سبب اهدار الكوتة
بالتقرص والتحرش البعمل فيهو دا .. وفوق دا
تجيك زي فردوس دي تردمك بأكاذيب وتلفيقات
من نارا بس عشان تتشفي فيك وتتسدا غلها عليك
منذ أيام المساككة .
قالت بعاين للمرأة بنظرة دونية عشان البوست دا بس ..
مع انو البوست دا ما فيهو حتي تلميح لدونية المرأة ..
ثم ياخ عندي بوستات لمبدعات هنا يؤكد على أنو
البتقول فيهو دا هراء وخواء .. أفتخر بأني من أوائل الذين
أطلقوا على نانسي عجاج لقب الأميرة وعندي ليها بوست
هنا مداخلاتو بالعشرات وكليكاتو بالالآف.. وعندي منها
رسالة شكر وتقدير .. وقبل بوست (السيدتين) لميت في
المذيع خالد ساتي سلختو وفي بوست (السيدتين ) دا
ذاتو ما قصرت مع عادل سيد أحمد مقدم البرنامج ..
وناس الكورة والفنانين وصحافة المدرجات ديل كلهن
نساء وعندي نحوهم نظرة دونية برضو ؟؟؟؟ غايتو الزول
لما يكون شايل عليك تقيل ممكن يلبس فيك أية مصيبة زمان..
مسكينة والله ولا كانت في بالي أصلو لو ما مداخلة التلتق
والتلفق القعدت تكتب فيها ساعتين دي .


جرجير قوم لف ياخ .. كملت علينا الكوتة بشغبك وتحرشك
دا .

أخونا طلحة تحية طيبة
أصبحنا و أصبح الملك لله.أنا كنت مفتكر إنه بيجي الصباح و بتسكت عن الكلام الغير ‏مباح.‏
يا أخي أخد الموضوع إنه إختلاف رأي و إنه الناس ما زي بعضها و البوستات دي كلها ‏مشاكل زي ما إنت شايف. يعني ما ناقصين. ‏
إذا كان شايف إنك اتفهمت غلط؟ معليش اعتذر. و ممكن تواصل أو تحذف البوست أو ‏تتخطى موضوع المناكفات دي . لكن لو حاولت ترد و تشرح و... و... أولاً حتلقى ‏البوست بقى كله عرايض هجوم و دفاع و تانياً حتزيد النار حطب.‏
وتحياتي لجميع المتداخلين

هلا يا محمد عبدالله الحسين
جمعة مباركة يا عزيزي ..
كلامك سمح لكن لو قصدت بيهو مداخلتي الفوق
دي فالأمر لا يعدو كونه رد في إطار الأخذ والرد ما أكتر
وزي ما شايف ما فيها أية سب أو شتايم شخصية تماما
مثل مداخلة اللخت التحليلية برضو في إطار الرأي الآخر
ما فيها حاجة .. وأعتقد أنها برضو في اطار موضوع البوست
باعتبار أنها فهمت انو تحريض على عدم الدخول في بوستات
النساء وأنا ما عملت أكتر من أن وضحت ليها سوء الفهم بعد
ما فندت دعاويها الكاذبة طبعا .
عموما حصل خير وأتمني أن يستمر البوست ويكون لما
كتب له وإن كان الفكرة كما هو واضح وصلت تماما .

+

طبعا يا جرجرة اتا عارف مقدراتي في الإستنتاج والتنبؤ
بالتداعيات والمآلات فيما يتعلق بحدث ما في مكان وزمان
ما الخ الخ الخ ...
أها عايز أنبهك انو شماتك دي بتوديك مكان بعيد ما بالضرورة
يكون التوج ..
تيك يا عزيزي ثم قم فلف ..
ما تنسي تأخد معاك المدعو في يدك وانت لافي .

مقدراتك في الإستنتاج و التنبؤ!!
أها ودا قبل "الزي طلحة لا يعتد برأيه" ولاّ بعدها
كااااااااااااااااكــ أنا

+

هههههههه
شايفك محتفي بالعبارة المأثورة يا ماسورة ..

اللخو معاك في يدك وسريع على الواجب اليومي.

Quote: انت انسان قليل الادب حقيقي وحقير واسلوبك ألعن من وشك . وبرضو تاني بقول ليك احترم نفسك .

ده كلام عيب.......
اخونا طلحة اقدر لك إحترافيتك وترفعك عن الكيل بنفس المكيال الشين
إنت نفر فى واجد زين ياخ.....

يا أخي طلحة العفو و العافية...
و لا شيء شخصي و علقت على كتاباتك فقط.

صادقة إني بعتذر على الضيق السببتو ليك...
و نلتقي في بوستات أجمل إن شاء الله!

و تحياتي و تقديري لك أخي الكريم.

يا أخي طلحة العفو و العافية...
و لا شيء شخصي و علقت على كتاباتك فقط.

صادقة إني بعتذر على الضيق السببتو ليك...
و نلتقي في بوستات أجمل إن شاء الله!
QUOTE
>>>>>>
>>>>>
><<<<

عزيزتي الفاضلة الاستاذة فردوس
والله انت ملكة وانت زولة سمحة شديد...
وانتي معزومة معانا فنجان جبنة في حوش ود الفاضلاب
ودمت بالف خير وصحة وعافية

مشكور يا حسن مكاوي وإنتا نفرات حقاني وايد يا سديق ..

يا فردوس يا خية .. كنت متأكد انك ح تجىء تأخدي كلامي
الفوق دا بمفهوم هجوم شخصي ورد ثقيل على مداخلتك
مع انو ما كدا والله .. أصلا مافي ضيق من مداخلتك التحليلية
من حيث الفكرة والمبدأ لكن استغربت لكمية المغالطات الفيها
بعد إستشهادك بنقاط ما موجودة ولا صلة لها بأرض الواقع ..
عموما والله ع ما أقول شهيد لا أحمل في نفس لك أية ضغينة
من أي نوع وكنت بالفعل أتمني تواصلي تداخلك في البوست
عشان أؤكد ليك إنو أنا أخدت الموضوع ببساطة .. المهم العفو
والعافية وأنا كمان بعتذر ليك بشدة إذا اتضايقتي من ردي
أو حسيتي فيهو بالغلظة.


بت الشيخ مشكورة يا صافية الدواخل ما قصرت والله .

أكتر خمسة حاجات مهمة في البوست دا ... أربعة ...

الردم والتبرير والتنظير ...

جرجير وين راح أكلو التمساح هههههه
عذرا ليك يا حبيب رحمة الله على الدش الميت في اليد ..

قسم الفضيل تحياتي ومشكور ع المرور يا حبيب .

قاعد يا قريبك أمش وين افوت المولد دا
بعدبن ياتو دش البموت هههههه يا كيشة انا لقيت فيك ملكة تكفي سنة لا قدّام
أمش عامل كلامك الذي لا يؤخذ به دا

هوي كدا الباقي لي كم من الكوتة .. عندك فكرة ؟؟

يعز علي أشوف اسمك وما أصرف ليك الراتب
ما تنسى تأخدوا في يدك وانتا بتأدي في الواجب.

طلحة
لوكان كتبت أسماء الخمسة بوردراب كان البوست ده أخد منحني تاني خالص .
:) :)

هسع مافات شي ممكن نقلبو ليك غلاط مازيمبي وساماتا ونفكك من ودالبشري ومن لفة لفو :) .

هلا يا طائف كيفنك وكيف أيامك
أظن الفكرة مشت والرسالة وصلت
والغرض من البوست تم بدون ذكر أسماء .. ههههه
جرجير الخبيث وما لف لفه ودا عارف نفسو كملوا
المديدة وكملوا معاها كوتي وقعدوا يقرقروا .. لكن
كراع البقر جيابا ... أو بجىء الخريف... الخ الخ الخ .

Quote: كراع البقر جيابا

ما أظن يا تنظير ...
ما في بقرة بتقدر تجيب ليها كيتة زي دي قريب :)

لا يؤخذ برأيك ! خخخخخخخخخخخخ
مبالغة

ها زول الكيتة بعملا براي .. دي دايرة ليها انتظار كمان
عليك أمان الله أصنعا وأعلقا ليك ديباجة زي بتاعت
قطيع البط وسرب البقر ..
أسمع اتا صاحبنا بتاع القايمة دا مالو .. ؟
خايف أخسر فيهو مداخلة والبتاع يروح في حق الله كالعادة .

Quote: أسمع اتا صاحبنا بتاع القايمة دا مالو .. ؟ خايف أخسر فيهو مداخلة والبتاع يروح في حق الله كالعادة .

بقيت تحسبها يا فقر ...؟؟؟؟؟
قوم لف .....

ملخص المباراة
* البوست أوشك على الغرق،لكن النوايا الحسنة أثبتت أنها أفضل سفن للانقاذ.
* طلحة اتفهم للعضوات الفاضلات بطريقة أفضل من السابق.
* محمد البشرى لقى (أبنص) مجاني.
* رجال الاسكيمو مستمتعين جدا، لكن هذا لايعني أنهم لا يفكرون جيدا في الاستفادة من الدرس.
* نجوم المباراة : كل الاخوات اللائي مرن من هنا، وخاصة الأخت فردوس.




ـــــــــــــــــــــــــــــــــــــــــــــــــــــــــــــــــــــ
ياطلحة ود البشرى ختاك دايما في موقف المدافع،أنا كنت أتوقعك تسألو مباشرة عن رأيو شنو في فكرة البوست،وهل هو برضو بشعر إنو في أعضاء (كبكابات) وللّا ماعندو شعور زي دا؟ دي فرصة هجومية كان يمكن تسجل منها أهداف ملعوبة..
تحياتي للجميع

أبو حسين الكوتة كالماء ان لم تحافظ عليها مت
من العطش .. ياخوي نكمل كوتتنا ونقعد نحتاس ؟
لف الله يرضيك لف شوية.



الأريب
أمبارح فقط كملت السهرة مع زولاني .. أعتقد انو
واحد فينا ماخد الحساسية الشديدة من التاني ههههه
الحساسية سلاح ذو حدين يا عليش لكنها على أي حال
أفضل من البرود والتبله ( من البلاهة) .. أها عشان ما تزعل
اعتبرني حساس شوية ..
بالنسبة لجرجير الملقب بود البشرى فدا اذا اتا عارفو زي ما أنا
عارفو ما بتدي فرصة يدخل البوست من أساسو ناهيك من تشيل
وتدي ومعاهو .. اذا كان ياخ ملاوزة ساي كمل لينا الكوتة
فما بالك لما أدخل معاهو في الجرجرة القلت عليها دي؟

بالمناسبة عندك فكرة تطبع القصص دي ؟؟ اتمني .

'طلحة صباح الخير
التلج لسه ما ساح؟؟

صباح التلوج يا محمد عبدالله
تلجنا دا نشادرو كتيرة عشان كدا كلما يسوح
كلما انتشرت الريحة .. خخخخ

طلح ...ـة

Quote: طلح ...ـة

؟؟؟؟؟؟

انت يا اخينا البوست دا لي هسه ما دفنتو ؛)

لا وكمان عندك نفس تستفهم وتستعبر

واااااااااااا حيدروف
كيفنك آالغالي ؟؟
البوست خليتو يروح في حال سبيلو زماااااااان
بعد أن حقق غرضو كما أعتقد لكن جيت لقيتو يفرفر ..
الإستفهام في تقطيع إسمي دا .. والله
ما فاهم التكتح ..
أعتقد انو مجرد قطع الاسم لنصين ووصله بنقاط
ما بحتاج تحمل عناء رفع أثقال البوست ..
لابد أن وراء الأكمة أشياء لا نعلمها ربما ..
في انتظار رفع الستر والحجاب.

لا حولتن

هو انت لسة ما قلت الأربعة الباقين



من بداية البوست عرفنا واحد


وين البقية؟؟؟؟؟؟؟؟؟؟؟؟؟؟

قطعة الاسم على ما اظن وان ليس كل الظن اثم

ارتباط الشق الأول من الاسم بالجنس اللطيف والله اعلم

ومن قال الله اعلم فقد اجاب

هههههههه هياااااااا هيثم أوع أكون ذكرت اسم في
غمرة اندفاعي ..؟؟
اذا كان كلامك دا هو المقصود يبقي ما في داعي
لقطع الاسم .. لأنو ما في فرق بين الجمع والمفرد
في الحالة دي .. كلو يؤدي لى نفس المعني ..
لكن أتمني ما يكون كدا ياخ لأنو كدا فيها تريقة وسخرية.
الاسم دا شايلنو الآلاف الما عندهم ذنب ..
أعتقد انو الأخت أعقل من التلميح القاصدو دا .

على الرغم من انك لا يؤبه لك وكدا لكن اعترفلك يا تنظير بميزة حسنة وهي تقديمك لحسن الظن دائما

يا طلحة ايها الرجل المراقب الجليل .

لك التحية والتقدير والاندهاشات المفرطة ههههه .

يعني يا طلحة الفهم داير تطير مننا البلوم موش ؟
اهو كلمتك ومع خالص التحذير لو بوستاتي مافيها زوار من الجنس
الخشن اصابع الاتهام كلها حاتكون موجهة ليك وحا ابلغ فيك لايقافك
سنة وبقطع بوستات ومن ضمنهم هذا البوست المحرض لمقاطعتنا
هههههههه . وبت نفيسة ماوراء القصد .
ايتها الكنداكات العابرات عبر هذا البوست الهدام لاتيأسنا وان كيدنا لعظيم .
ولا تنسنا البنكسر هنا يتجبر في الجخانيين الاخري . اي ضل حيطة الفسبكةوطاقة
الاسكاي وعريشة الوتسبة والله ما خلق حنكآ ضيعو هههههه .

طلحة لك التحية ولضيوفك اللذيذين .

يا طلحة سلامات يا حبيب,,


بوست إتفتل منو فيهو براهو ولأسباب منطقية وغير ذلك وفعلا مداخلتك الأولى والكبسيبات
الحصلت بعدها توضح بجلاء أنو الشغلة مرات إن فلتت منك أخير تبقى صاد


غايتو لو قلت ليك ما ضحكت ببقى كضاب
فوضى خلاقة وغير خلاقة يا عمك لكن هذا
ولا أخفى إعجابى بمقدرتك على المراوغة
وصد الضربات القوية لكن الخوف دايما
بكون من اللابدين قريب من خت ستة ديل



تصدها وقبل ما تقوم من وقعتك تتلفت تلقاها عيييييييييييييك

إنا لله,,,

طلحة صباح الخير
و الله بوستك ده بس حاج موت.
و تاني
شايفك اتحيّرت يا طلح.......ة

طلحة صباح الخير
و الله بوستك ده بس حاج موت.
و تاني
شايفك اتحيّرت يا طلح.......ة

سلام ياطلحة ..
بعيد من الموضوع، أو احتمال قريب منو..
أي رجل يحوي جسده على مقدار ضئيل من هرمون الأنوثة..
وأي امرأة يحوي جسدها على مقدار ضئيل من هرمون الذكورة..
نظريتي أنا الخاصة ،إنو أخطر رجال مروا على كوكب الأرض، كانوا يحملون في أجسادهم معدلات أنثوية أعلى من غيرهم..
بشرط أن تكون تلك المعدلات تحت الوضع الطبيعي الذي لايؤثر على الأدوار الذكورية..
لا أريد أن أواصل في هذه النظرية ،حتى لا أدخل في شبهات وحدة الوجود، وجدل الحلاج وابن عربي، وماشاكلهما..

Quote: هههههههه هياااااااا هيثم أوع أكون ذكرت اسم في غمرة اندفاعي ..؟؟

كمان ناسي

والله حقو الواحد يمشي ينادي ليك

عشان يخليك تلف كدا وللا كدا

لمن أبو حسين وود البشرى يتكيفو










انت ما قلتو دغري لكن لسانك

رماك في غمرة اندفاعاتك

استاذ طلحة سلامات
اعتقد في سوء فهم حاصل بينك وبين الاستاذ ست البنات لانو صراحة يشهد الله الاتنين ما شفت ليكم كلام ما ياهو هنا علما بانوماعندي معرفة بيكم الاتنين
ربنا يصلح الحال ان شاء الله





في تقديري المتواضع البوست لايمس الاخوات بسوء شخصيا اخدتو زيو وزي اي بوست تشغيلة ( تقراء مكاواة بمصطلحات جيل من الامس )
دمتم

Quote: في تقديري المتواضع البوست لايمس الاخوات بسؤ شخصيا اخدتو زيو وزي اي بوست تشغيلة ( تقراء مكاواة بمصطلحات جيل من الامس )

وهو كذلك يا ياسر ,, طلحة ده زول حبوب ومابتلوَّم فى زول
** بس ياخ كتابة اسمك بياء النداء جهجهتنى .

وهو كذلك يا ياسر ,,
** بس ياخ كتابة اسمك بياء النداء جهجهتنى .(Quote)
>>>
>>>

لكن يا ود الفاضلاب ما اسمه ياسر .. اسمه يوسف...
وشوف من عدم الشغلة وعندنا يومين اجازة .. بنتصيد حتى الاخطاء المطبعية
ودمت بالف خير

والله حيرتونا ..
بعد دفناهو نبشتوهوا تاني ..
جرجير تقديم حسن الظن فطرتي .. بس ما تضمن دائما .

يا مني عمسيب والله الفهم دا أصلو ما بخطر ببالي
البوست في عمومو للمزح من جهة، وسوق طواقي
من جهة أخري .. ليك التحية والتقدير والإحترام الشديد.

يا أيمنوف والله لغاية اسي ضارباني حيرة ممزوجة باحتياس
ما هين بخصوص الشاتو ضفاري هنا ديل .. ياخ والله البوست
دا لو فلفلتو ما تطلع منو حتى تلميح بقصد الإساءة أو النيل
من بنات حواء الهنا ديل .. الله غالب يا حبيب.

محمد عبدالله الحسين .. البوست على طريقة The Walking Dead

الأريب عليش الريدة .. كلامك دائما دسم ومشحون معلومة
عاد أرد ليك شن أقولك ؟

يا هيثم قصدك بتاعت دينق ؟؟ ياخ دي صلحناها قبل ما تبرد .

يوسف طه مشكور يا حبيب .. سوء الفهم حصل وبحصل عادي
لكن المشكلة الكبيرة في ردة الفعل .. المفروض ردة الفعل
يكون فيها مساحة للاحترام طالما أنو الموضوع ما بستاهل..


فاضلابي العزيز تحياتي يا غالي ومشكور ياخ .

بت الشيخ ليك تحية عطبراوية

المريود طلحة .. سلالالالالام وسعااااااادة معاك للنهاية .

Quote: يا مني عمسيب والله الفهم دا أصلو ما بخطر ببالي البوست في عمومو للمزح من جهة، وسوق طواقي من جهة أخري .. ليك التحية والتقدير والإحترام الشديد.

اسمعني يا مريود وانا لو ماهو بهذه المواصفات الرائعة السمحة دي والله ما كنت عتبت عليهو
وعمري ما بحب البوستات الملتهبة ولا بمشي عليها . يا طلحة انا فاهمااااااك وكلامي ذاتو مزاح
ورفع كلفة بنكهة الخوة واللذاذة ويا زول هظر زي ماداير انا مواااافقة والبوست دا اكان اجي افك
لي فيهو طوبة واجري ما بسيبو يموت بوست باللذاذة دي ان شاء الله لا يموت ولا يتحذف . وتسلموا
جميعآ يا احلي ناس ..


هاك الطوبة دي قول واحد هههههههه .

ولي عودة .

مني عمسيب
مشكورة كتير والله يابت الرجال
ما هينة أبدا .. أسال الله يديما محبة
وبالمرة يحفظك ويخليك ويزيدك سماحة ولطافة.

ت الشيخ ليك تحية عطبراوية( QUOTE)
<<
<<
>>
ما دام التحية عطبراوية.. خلاص نحن قبلانين البوست حتى ولو زعلتنا ما بنزعل منك
.. وبالمناسبة نظرة عزيزتنا بت نفيسة للبوست هي نفس نظرتنا...( يعني انت عاوز تطير مننا البلوم ولا شنو؟( وجه ضاحك)
يا خي نحنا شاربين من الاتبراوي..
والبوست ما مات .. لسع حي وبينبض حيوية
ودمت بالف خير وصحة وعافية..

طلحة لقى العضم في الفشفاش .. :) :) :)

دوروك تاني ...؟؟؟؟

يااااااا حليلك يا طلحة ....

عايز اقول ليك قوم لف .... لكن لقيتك ما محتاج لي قول ...
لأنك لافي طبيعي ...

Quote: لكن يا ود الفاضلاب ما اسمه ياسر .. اسمه يوسف...

هلا بالغالية ,, بت الشيخ عبدالرحيم
مو مِنَّنا من العلينا ,, القهوة البشربا كل يوم (Vani Moka Coffee) النهار ده
ما ظبطت معاى عشان كدى لافِّى زى مابقول صاحبى ابوحسين

Quote: وشوف من عدم الشغلة وعندنا يومين اجازة .. بنتصيد حتى الاخطاء المطبعية

طيب أجاد بِتى تمشى تصنقرى فى راكوبة الجبنة بى هناك وهِبى الجمر
حاشاك عدم الشغلة ,, انما هى الدنيا ساعة وساعة ,, فى قصة حلوة حكيتها
عن واحد من ناسنا يمكن توحى ليك ببعض الكلام عن اتبرا

ابوحسين أختا صاحبى طلحة ده والا سنصرف ليك واحد قوم لِف.

Quote: ابوحسين أختا صاحبى طلحة ده والا سنصرف ليك واحد قوم لِف.

قوم لف انت ....
زول معلق في مروحة سقف ... تقول صاحبك ..!!!!!
في بوست زي دا تتغابى فيه العرفا ... تجي تقول صاحبك ؟؟؟؟
لقيتك انتحاري يا فاضلابي ياخ ... :) :) :)

غايتو يابوحسين تبارى نظريات ودالبشرى ده الا يْلَحِّقَكْ الحوار الوطنى
ويجو الجماعة يفرشوا ليك مناحة هنا ,, بالمناسبة بوستك بتاع الرش
داك عجبنى شديد بس السياسة دى تانى الا مع ناس لنتون وترمب

اتعلم من صاحبو شيل المديدة يا فاضلابي ..
أبو حسين لو ما لقي ليهو زول حرشو بحرش
نفسو على نفسو .. الزول دا خلاص وصل الحد ..
الزول دا بقي ما فارز .. الحقوا الزول دا ..

يا بت الشيخ اتي من دون الناس عارف الفي
قلبك فاااااشنو أرقدي قفا ولا تشيلي هم والله .

Quote: غايتو يابوحسين تبارى نظريات ودالبشرى ده الا يْلَحِّقَكْ الحوار الوطنى ويجو الجماعة يفرشوا ليك مناحة هنا ,, بالمناسبة بوستك بتاع الرش داك عجبنى شديد بس السياسة دى تانى الا مع ناس لنتون وترمب

كبسور منو البباريهو يا فاضلابي ياخ ....؟؟؟؟
ما تسيئ لي سمعتي بالصورة دي ...
ياخي اجمل شي في سودانيز دي الرش متعة لا تضيها الا لفة طلحة
اسي شوف المتعة المالية البوست دا .... :) :) :)
*******************************

Quote: اتعلم من صاحبو شيل المديدة يا فاضلابي .. أبو حسين لو ما لقي ليهو زول حرشو بحرش نفسو على نفسو .. الزول دا خلاص وصل الحد .. الزول دا بقي ما فارز .. الحقوا الزول دا ..

صاحبي منو يا زول ...؟؟؟
صاحبك انت و طالبك شماتات كتيرة ..
غايتو البوست دا رد ليهو شوية من الديون العليك ..
و ما تنسى بالله قوم لف ...

يا ديجانقو اتا
الزول دا ناكرو مالك ؟
غايتو واحد فيكم صاحب التاني .. أنا ما بعرف .