كان ياما ما كان .. في سـالف العصر والأون .. .. علاقة شعراء الأغنية الســـودانية ( بالطبيعة ) ومظاهرها . ارضها . وسماها . وبحرها تأثروا بما فيها فـ كانت كتاباتهم .... وصفوها فأحسنوا وصوروها فأبدعوا ليجسدوا لنا الجمال في ابهى صوره كل مشاعر أولئك المبدعين إسترخت على وسادة الطبيعة الفاتنة كأن ترى هذه المشاعر المبهجة والحزينة معاً تهتز لسـجع الحمام .. وتهفو لرؤية القمــر كل مافي الطبيعة كان جاذب لأحاسيسهم .لأنها تمثل تفاصيل حياتهم بثوها الآمهم .وشكواهم . وشجونهم كل نص شعري كان يعبر عن شـفافية الحس الوجداني .. تعالوا نتأمل .. في أمثلة صغيرة مما كتبوا ... لم يتركوا شيئاً في الطبيعة خارج منظومتهم الأبداعية الغنائية ...................... الطيــــر : _ تغنوا بحنين القمـــــري ...... غنى القمري على الغصون ،، ذكرني الدر المصون يا حمام يازاجل أنا عندي ليهو رسايل ومنهم الحلف لي طير الرهو ....... والله يا طير الرهو ... قسـماً عديل مافيهو لو وفيهم الوصى الطير عامة ....... يا طير يا ماشي لي اهلنا ... بســراع وصّل رسايلنا .. البحــر : _ بحر الدميرة العبا ونزل .... مرة يسقي الفل والنخل .. المطـــــر : _ مطر الرشاش الرشه ..فوق دار كردفان ..وارض البطانة الهشه .. الزهــور : _ الزهور صـاحية وأنت نايم ... يا زهرة الروض الظليل ..
النســــيم : _ ارجوك يا نسـيم روح ليهو .. نســيم الروض زورني في الماسية.. النجيـلة : _ على النجيلة جلسـنا .. طربنا واتانسنا الخريف : _ هجرة عصافير الخريق في موسم الشوق الحلو الكـواكب : _ وجهك بدر كامل ،، من البدور إحسان .. كوكب منير اشـرق ، من فوق لغصن البان ............... ( هذه قطرات من بحر )
ديل شعراء الزمن الجميل . الشكلوا وجدانا ،كتبوا وخلدوا لوحات بديعة في الشعر الغنائي المرتبط بجمال الطبيعة ونفضل نحن نحتفظ بألق الماضي وعبق الذكريات الحلوة والمرة ... ومن منا لا يحمل ذكرى عصية على النسيان لواحدة من هذه الأغنيات ؟ خاتمة : شــــعراء الأغنية في هذا الزمـــان ( ما عندهم علاقة بالطبيعة ) ياربي الســــبب شــنو !!
Post: #2 Title: Re: ....... تهتز لســجع الحمام .. وتهفو لرؤية الق Author: محمد قسم الله محمد Date: 09-14-2015, 09:48 PM Parent: #1
Quote: شــــعراء الأغنية في هذا الزمـــان ( ما عندهم علاقة بالطبيعة ) ياربي الســــبب شــنو لأنو ما بقتْ في طبيعة من أساسو..
الطبيعة الإلهية موجودة يا محمد قسم الله لا جفّ البحر ولا وقف المطر الورد .. والزهر ... والنجوم والقمر والطير بغني لسه في الشدر كل الجمال موجود .. بس الإحساس هو المفقود الشعراء في الزمن الفينا ده ما عندهم وقت عشان يتأملوا الطبيعة عشان يكتبوا أشعار ولو اتوجد الوقت ما بكون في إحساس جاذب . والسبب مظاهر الحياة الآنية
هجرة عصافير الخريف في موسم الشوق الحلو .. حقيقي فقدنا النصوص التصورية بأحاسيس جميلة لي ناس كانوا بكتبوا وبعبروا عن حالنا الأغنية دي جمعت بدائع من الطبيعة في سلة واحدة الخريف ..والعصافير .. وروعة الغروب
شكرا عبد المنعم وفي انتظار بقية الاغاني الموجودة في البوست لتكتمل الصورة مع كل التقدير
Quote: هجرة عصافير الخريف في موسم الشوق الحلو .. حقيقي فقدنا النصوص التصورية بأحاسيس جميلة لي ناس كانوا بكتبوا وبعبروا عن حالنا الأغنية دي جمعت بدائع من الطبيعة في سلة واحدة الخريف ..والعصافير .. وروعة الغروب
سلامات رشا وضيوفها
الاغنية فعلاً زي ما قلتي جمعت العديد من بدائع الطبيعة في سلة واحدة
كما انها صورت حالة الحزن التي تنتاب الانسان وقت الغروب فالغروب يعد شكلاً
من اشكال الوداع وما اوجع الرحيل عند الغروب.
كما ان الشاعر حاول كبت حزنه وحبس دموعه لكنه رجع وخلاها تنبهل وتسيل
اسحق الحلنقي لعله آخر ما فضل من الكوكبة النادرة وبدون شك ابدع في عصافير الخريف زي ما عودنا علي الإبداع في الكتير من أغنياته والمتابع لأغاني وردي يلقى الكتير منها مرتبط بما في الطبيعة في أغنية الريلة لشاعرها إسماعيل حسن ابدع في صياغة التشبيه بمعطيات الطبيعة في لوحة جمالية رائعة يا عجو المحس التقيل فدع ( العراجين ) انتى ما بدوكى لى زولا مسيكين الا واحدا نخلو مقرون فى ( البساتين ) (سواقيهو) تصحى الكانوا نايمين حليلك يام جبين يا ( بدر دورين )
هكذا كانوا يكتبون بحس الفنان المرهف والذي قد يبكي إذا غنت قمرية ! شكرا هيثم ...
Post: #8 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-15-2015, 03:26 PM Parent: #7
Post: #9 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-15-2015, 04:18 PM Parent: #8
يا ســـــــــــــــلام يا عبدالمنعم اديت البوسـت طعم ولون كدى كملّت الصورة أغنيات تبكي شجن وتبكي عيونا
والشــــوق ما تنسى يا طائر لكل من يسـألك عنا ما تنسى زول في الحلة إلا .......سلم عليهو وتبوس ايديهو ده كلو من الغربة ..! رد الله غربتنا جميعا إمتناني وتقديري أخي عبدالمنعم
Post: #11 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-15-2015, 09:38 PM Parent: #10
الاستاذة رشا والله سعيدين بعودتك وطلتك الشاعرية تسلمى يااصيلة
Post: #12 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-15-2015, 09:42 PM Parent: #10
مشكورين عبد المنعم وقباني لسكب كتير من الإبداع لهذه الكوكبة والتي كان لتأثير البيئة مع رهافة الحس أبلغ الأثر ليصيغوا لنا هذا التناغم الفريد وما زالت القائمة طويلة فهم لم يتركوا شيئاً في الطبيعة إلا وتغنوا به . .... كم من الليالي الجميلة والتي تجمع بين الأحبة والأصدقاء في مناسبات كثيرة وتسجل في ذاكرة الأيام .ولكنها عند الشعراء لا تكون مجرد ذكرى فـ الكثير منهم خلدوا تلكم الليالي الجميلة في أغنيات ورسموا أجمل اللوحات لتلك الليالي العامرة بصحبة الأحبة
محمد بشير عتيق لم تكن هناك مساحة في ذاكراته تقبل النسيان لليلة أبدع في تصويرها واجتمعت فيها كل مظاهر الطبيعة . ما بنسي ليلة كنا تايهين في سمر بين (الزهور) انا وانت (والنيل والقمر)
ما بنسي ليلة كنا في (شاطي النهر) نتعاطي خمر الحب بكاسات الزهر و(البدر) مزق ظلمته و سفر ازدهر في (النيل) سطع بي نوره واتقطع بهر
شفت (النجــوم) تنظرنا بي نظرة شذر لما (القمــر) في افقه بغيابه اعتذر
انا بي غرامك ياحبيب دمعي انفجر وانا بي غناك ايقظت سكان (الشجر) قبال اراك انا كنت في حيرة و ضجر اليوم حظيت بلقاك يا (ظبي) الحجر
التحية لمن يلونون هذا البوست ود سيد أحمد . وود قباني
Post: #16 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-16-2015, 12:35 PM Parent: #15
Post: #17 Title: Re: ....... تهتز لســجع الحمام .. وتهفو لرؤية الق Author: عبد المنعم سيد احمد Date: 09-16-2015, 03:03 PM Parent: #16
سلام يا رشا وشكرا على هذا البوست الرقيق والراقي سؤالك في محله أين شعراء هذا الزمن من الطبيعة .. وملاحظه أنه الشعراء هذا الزمن والشباب منهم مشغولين بالبن والقهوة معظم شعر الشباب الحديث له علاقة ما بالقهوة وكله من نوع : قليتك بن سحنتك في فندك قلبي شربتك بكري وووو الخ العاصمة مرصوصة بكراسي البلاستيك الملونة التي تخص ستات الشاي والشباب أغلب جلوسهم معهن .. والشعر والغنا كله بن وقهوة
البكتبوا للجيل الحالي هم من نفس الشاكلة ومن فصيلة المتلقين لغناهم برضو . شراب القهوة بالنسبة للناس الصغار كان غير موجود وغير مألوف هسي بقت موضة عند الشباب من الجنسين لا وكمان بغنو ليها .. كل الغنا المبتذل البتردد حاليا هو دليل علي تدني الذوق العام لهذا الجيل