ههههه جامعة بحري تمنع الملابس الافريقية

الجامعة مانعة الطلاب من انهم يلبسوا الملابس الافريقية

بتضرس المستعربين

الأخ الصادق
تحية طيبة لاأعتقدأن إدارة الجامعة لديها تعميم أو منشور بذلك
وليس هناك مصلحة أو مبرر لذلك أعتقد أنه تصرف فردي دون علم الجامعة
أو أن اللبس خارج عن إطار الحرية الفردية.

استاذ الصادق واستاذ ايمن سلام واحترام
تلبو

زى محتشم؟
زوق سليم؟
اللبسات الافريقية؟
ماهى المعايير؟
يعنى هسة صورتى الفى البروفايل بتنطبق عليها ياتو معايير؟
______________
الله يطراها جوبا بى الخير

هههههههههههههههههههههههههههههههههههه

انتوا الفيضانات الاخيرة دي حولت السودان لقارة اسيا ولا اوروبا

-------------
نكتة :-
مسطول قال من فوائد الفيضانات الاخيرة في ام درمان بعد ما رجع لقى بيتهم في اول الشارع وناصية ،،
---------------------

الصادق ازيك

جامعة بحري العباسية
يعني تجي متكئ على نسبك

توقيع، دكتوووور حاتم عبد الحي!!!
دكتور= ديك تور! ضمن المشروع الحضاري!!

تعيش كتير تشوف كتير/

بالله دكتور وما عارف الزاي من الذال...
حسبنا الله ونعم الوكيل...

يعدين يا جماعة الزي الأفريقي أغلب الظن مقصود به "على الله"

ملابس افريقيه يعنى شنو؟ ومستعمر يعنى شنو؟ مما الله خلقنا بنمشى الجامعات بلبس محترم الغريب أن تحتاج الجامعه لمثل هذا الإعلان والاغرب أن يستغل ذلك سياسيا. .قال مستعمر قال. .يعنى يا يلبسوا غويشات يا تكون واحده من معارككم ضد (المستعمر)..يالها من معارك من غير معترك ولتهنا الإنقاذ بحكم السودان فبعض خصومها لا يفرقون ما بين الماء والسمن. .عجبى.

ملابس افريقيه يعنى شنو؟ ومستعمر يعنى شنو؟ مما الله خلقنا بنمشى الجامعات بلبس محترم الغريب أن تحتاج الجامعه لمثل هذا الإعلان والاغرب أن يستغل ذلك سياسيا. .قال مستعمر قال. .يعنى يا يلبسوا غويشات يا تكون واحده من معارككم ضد (المستعمر)..يالها من معارك من غير معترك ولتهنا الإنقاذ بحكم السودان فبعض خصومها لا يفرقون ما بين الماء والسمن. .عجبى.

يا دكتور محمد سلامات
هذا الإعلان صراحة غريب عندما يصدر عن جامعة من المفترض تشجع الطلاب وتغرس فيهم حرية الاختيار،
ولكن انا مستغرب من موقفك انت تجاه الذين هاجموا موقف الجامعة من حكاية الزِّي الإفريقي ،انت تعلم عن الهجوم المبرر من بعض الزملاء هنا نتيجة
لحرية الاختيار بمفهومها العام، لذلك الحديث عن هو استغلال سياسي اعتبره حديث غير موفق،،،،،

مع وافر احترامي

اللبسات الافريقية ... وليست الملابس الافريقية ...

ما تظلموا الراجل






... المهم ....

الصادق سلامات ..

اللبسة الافريقية كما أفهمها هي ذاتها اللبسة الاشتراكية ..
اهلنا بقولو عليها بدلة بعض مرات افريقية او اشتراكية ..
المهم ليس من المنطقي ان تمنع حتى ولو كانت بهذا المعنى !!

إعلان غبي ينم عن جهل بالاوتكيت والزوق والسياسة وفي دولة ثانية ممكن يدفع مدير الجامعة منصبه نتيجة لهذا الخطأ ..

كان ممكن تكون الصياغة كالتالي ( أن الزي الرسمي المعتمد للطلاب هو بنطلون سادة وقميص بكم طويل وحذاء مقفول ( جزمة). وأي لبس بخلاف هذا سيعرض الطالب للعقاب ..

جامعة بحرى دى شنو ؟؟؟
الجامعات فى السودان بقت زى السوبرماركت بزنس بس
تعليم زيرو كبير

وهم طلبة فى الجامعة يحددوا ليهم يلبسوا شنو !!!!

غايتوا صحى الفراق بعلم القرد المشاط

جامعة بحري دي إلا تكون محل سلوى بوتيك الكان في شارع المعونة.

زول قديم، معليش/

Quote: جامعة بحرى دى شنو ؟؟؟

هي وريثة جامعة جوبا يا وضاحة

Quote: إعلان غبي ينم عن جهل بالاوتكيت والزوق والسياسة وفي دولة ثانية ممكن يدفع مدير الجامعة منصبه نتيجة لهذا الخطأ .. كان ممكن تكون الصياغة كالتالي ( أن الزي الرسمي المعتمد للطلاب هو بنطلون سادة وقميص بكم طويل وحذاء مقفول ( جزمة). وأي لبس بخلاف هذا سيعرض الطالب للعقاب ..

نعم... هي كذلك يا درديري... ولكن مين يقول البغلة في الإبريق




الشغيل

الأخ تلبو
شكرا على إيراد المصدر وكان الأولى
إيراده أولا بدل التخمينات والتحليلات
اتفق مع الشباب أن صياغة التعميم لم
تكن موفقه.

ده نفس فهم السلطة الحاكم و الرئيس البشير عندما وقف في القضارف وقال بعد كده تاني مافي دغمسة، أن السودان صار دولة عربية إسلامية

لاحظو في هذا المنشور، الدكتور الجامعي المسئول، حدد نوع الزي "الوطني" وفي نفس الوقت منع اللبسات الفريقية، يعني جميع اللبسات الافريقية للجنسين ممنوعة.

أنتو قايلين السودان ده خرب بالساهل ولا بالهين ! أنه خرب بمثل هذه الأفكار الأقصائية.

Quote: اللبسة الافريقية كما أفهمها هي ذاتها اللبسة الاشتراكية .. اهلنا بقولو عليها بدلة بعض مرات افريقية او اشتراكية .. المهم ليس من المنطقي ان تمنع حتى ولو كانت بهذا المعنى !!

عزيزي حيدر المشرف.

سلامات ومشتاقين.

اللبسة التي تتحدث عنها بتسمى بالسفاري سوت، وأنا لم أسمع بأنه يطلق عليها باللبسة الأفريقية.

وأنا أخمن بأن هنالك عدد كبير من موظفي هذ الجامعة يرتدون هذه البدلة(الأشتراكية)

والمسئول الجامعي ده لم يحدد لبسة افريقية واحدة، ولكنه شمل جميع اللبسات الأفريقية، يعني للجنسين كمتن.

تحياااااتى واشواقي يا سيد البوست

المهم

ابن اختى يدرس فى نفس الجامعة اتصلت عليه مستفسرا ومتعجبا

افادنى بان الزي الافريقي المقصود هو جلابية ( على الله )

نفس لبس اهلنا بمالى والنيجر واكيد القرار باعتبار انو الجامعة كلها بتجي بى (على الله )

أظن أن اللبسة الأفريقية المقصودة في هذا الإعلان هي مثل هذه التي تظهر بها ربيكا قرنق هنا



الفيرشن الرجالي منها زي لبسة البروفيسور اقري اوين ماجوك هنا




و استبعد أن تكون اللبسة المقصودة هي الجلابية ال على الله فهي غير منتشرة لا في جامعة بحري و لا في غيرها من الجامعات

هنالك عدد من الطلاب من جنوب السودان الحبيب مازالو يدرسون بجامعة بحري و ارجح أنهم هم المعنيون بهذا القرار

واضح أن عميد طلاب جامعة بحري محدود جداً في مقدراته الذهنية و هذه المحدودية واضحة جداً في موضوع الإعلان و صياغته و الأخطاء الإملائية فيه

و لكن يبدو أن الله قد منّ عليه وعوضه عن قلة عقله ببسطة في الجسم



http://Re: خبر عاااجل: عمداء ومشرف الطلاب يضربون الطلاب بجامعة جوباRe: خبر عاااجل: عمداء ومشرف الطلاب يضربون الطلاب بجامعة جوباhttp://Re: خبر عاااجل: عمداء ومشرف الطلاب يضربون الطلاب بجام...ن الطلاب بجامعة جوبا

البوست كانت فيهو صورة للعميد و هو يحمل سيخة او عصاية و لكن سيرفر بكري طفش الصور

الزي الوطني بتاعنا قرشي وليس افريقي








... المهم ....

شكراً يا شباب
حأجيكم واحد واحد

لكن في البداية
كدي خلونا نشوف الوهمة بتاعة الازياء دي شنو؟

طبعاً حكومة الإنقاذ بتدعي إنها عرب العرب ذاتو
وما دايرة أنجي أو زول أفريقي في السودان
كلنا من يعرب ويعرب جاء من الله
الباقين ديل ما محس من أساسه
وعشان كدا قصة التصفية العرقية والضبح على الهوية
والإغتصاب والقصف الجوي مدورة على قفا من يشيل
وعشان لمن الناس تتكلم عن خطورة الثقافة العربية الإسلامية
على بلد زي السودان حقه الناس تنتبه

وكلمة "ق" لمن يقولها ناس الإنقاذ
ما جاي من كلمة الوطن كبه
لكنها معناها القوم والقوم هنا مقصود بيهم
المسلمبن العرب الرجال
يعني المسلم الفوراوي مسلماً ما مشمول في الموضوع دا
والمرة ما عندها وجود أساً في ذهن القوم من أساس
عشان كدا الزي القومي هو ما يلبسه اولئك
واللغة القومية هي ما ينطقونه هم
والمشاريع القومية هي ملكهم لذلك ينهوبنها متى ما شاءوا
والجيش القومي جيشهم

وما عدا ذلك فهم حشرات يجب سحقها
لكيلا تدنس القومي ناصع البياض

ويتسآلون عن الحرب وعن طولها

ونبشرهم لن تنتهي هذه الحرب
حتى نن هذه الأرض للجميع
وترجع الأديان إلى آلهتها راضية مرضية

الاخ الصادق اسماعيل

سلام

في الاونة الأخيرة هنالك ظاهرة تغير وتبدل في المظهر والزي السوداني خاصة عند الذكور شبابا او شيبا
وكنت من فترة او سنين ألاحظ بعض اللبسات الغريبة التي يظهر بها الفنانون الشباب في برنامج أغاني وأغاني كل رمضان..
ولكن زاد عجبي عندما زارني أحد أقربائي قبل ثلاث سنوات وأهداني جلابية ذات ألوان ونقوش زخرفية غريبة..
جلابية لم اعتاد على لبسها ونحن صغار بالابتدائية..
وتسلمتها منها وملامح وجهي تصرخ بالاندهاش وأنا أقلبها بين يدي ليسقط من بينها شال وطاقية بنفس اللون..
وبادرني قائلا: ياخي دي موضة الجلاليب السائدة في السودان اليوم..
قلت له وانا غير مصدق لكلماته: ياخوي ماذا جرى للناس هناك؟
الجلابية عندي هي لون سادة يكون أبيضا أو سمنيا أو رماديا خفيفا والشال السوداني معروف ومعه العمة البيضاء..
لكن هذه الجلابية ممكن تناسب الاطفال الصغار..
وكنت استغرب لبسها عند فناني السر قدور..
وقلت له الراحل اسماعيل حسن وصف السوداني في البلد الحبوب بأبو جلابية وتوب وسروال ومركوب وجبة صديري وسيف وسكين..
وانا مع التغيير التدريجي للأحسن.. لكن بفهمي السوداني الكلاسيكي لهذه الأمور فقد سببت لي صدمة جلابوية..
ومشكور على الهدية
وهي تركن في دولابي جديدة حتى اليوم في انتظار سعيد الحظ ليلبسها ههههههههه

غايتو انا مع اداراة الجامعة في البنود المذكورة في التعميم أعلاه من 1 الى 4
أما النقطة الخامسة التي تقول بالافريقية فنحن غالبية ثقافتنا دخيلة
وطالما المجتمع تقبل نمط معين للمظهر والزي فلا بد للجامعة أن تتقبل ولو بتنازلات تدريجية
لكن الرفض الحاد للزي الافريقي مستغرب كأننا في الشام أو آسيا... ولسنا جزء من القارة


مودتي

الموضوع ما عندو علاقة بعرب وافارقة ومستعربين ووو
الجامعة منعت اللبس الافريقي لسبب واحد لانو لبس مزركش متعدد الالوان
لبسة على الله اغلب السودانيين بالسودان يملكوها ولكن لا تلبس في اي مكان
من واقع فهمي لقرار الجامعة ان المنع ناتج من تعدد الوانها وبالمناسبة اعتقد ان الجلابية السودانية ايضاً ممنوعة
كنا في الابتدائي نذهب للمدرسة بالجلابية وقتها صدر قرار في طابور الصباح بمنع لبس الجلابية السودانية والتقيد باللبس المحدد ردا وقميص غير متعدد الالوان
الموضوع اتمنى ان لا يستغل سياسياً كما يحدث في هذا البوست

مشكلتنا الاساسية في السودان عندنا مشكلة في الاعلام والاعلان لغة وموضوعا متزامنة مع الصراع العرقي الذي بدأ ..واستشرى .
والقائمون على الأمر يتعاملون مع الوضع بعفوية .. يظهر الاعلان بصورة مشوهة بعد ما يشعل النار ينبري له المدافعون بالتفسير ,,( يا جماعة أنتو فهمتوا غلط .. ويا جماعة الراجل دا قاصد كيت وكيت ) .. لماذا لا يدرس الاعلان قبل نشره بكل ابعاده اللغوية والسياسية والنفسية وكل شئ . ولماذا لاتكون لغته واضحة وموجهة وغير قابلة لعدة تأويلات ..
متى نعلم أن الاعلان هذا له تأثيرات كبيرة تقوص في أعماق المتلقي وفي لا وعيه وتحدث ترسبات وتراكمات واحتقانات .. حتى لو لم تظهر في اللحظة والتو لكنها ستنفجر يوما .
ياخ تلميذ الابتدائي عندما يكتب موضوع انشائي يراجعه ويعطي والدته واخوته يراجعوه معه قبل ما يجمع الكراس للاستاذ .
لكن يصل المستوى الى أن مدير الجامعة ينظر بشباك مكتبه ويشاهد ثلاثة أو اربعة طلاب لابسين زي ما عجبه .. ينادي السكرتيرة وهو في حالة غضب ويمليها أعلان .. ينشر بعد ساعة .. بدون ما يعطي نفسه فرصة لمراجعته أو منا قشته مع مجلس الاساتذة . حتما ستكون هي هذه النتيجة ..
بعدين طريقتنا السودانية التي كنا نمشي بها حياتنا .. من نوع باركوها وحصل خير يا جماعة .. ودي حاجة عفوية .والراجل ما كان قصده حاجة. ما عادت تجدي في هذا الزمن الموتور ...
وهذا لن يعالج الا بإعلان تصحيحي مختصر يبدأ بإعتذار ( عفوا أيها الطلاب ألحاقا بالاعلان السابق فان الزي المعتمد هو كذا وكذا . دون ربطه بقومية معينة )
ماهي جامعة الرباط فارضة على طلابها بنين وبنات زي موحد مثل طلاب الثانوي ولا سمعنا أحد اعترض على ذلك .

ولماذا تفرض ملابس معينة على طلاب يفترض إكتمال نضوجهم!!

أتفهم فرض الزي الموحد لمن هم في المدارس , لكن بعد الواحد يدخل

الجامعة التدخل في خياراتهم الشخصية يؤدي إلى مضار أكثر من المنافع.

مفهوم "الملابس الافريقية" قد يكون التبس على من اصدر القرار .. يعني خانو التعبير

Quote: الموضوع ما عندو علاقة بعرب وافارقة ومستعربين ووو الجامعة منعت اللبس الافريقي لسبب واحد لانو لبس مزركش متعدد الالوان لبسة على الله اغلب السودانيين بالسودان يملكوها ولكن لا تلبس في اي مكان من واقع فهمي لقرار الجامعة ان المنع ناتج من تعدد الوانها وبالمناسبة اعتقد ان الجلابية السودانية ايضاً ممنوعة كنا في الابتدائي نذهب للمدرسة بالجلابية وقتها صدر قرار في طابور الصباح بمنع لبس الجلابية السودانية والتقيد باللبس المحدد ردا وقميص غير متعدد الالوان الموضوع اتمنى ان لا يستغل سياسياً كما يحدث في هذا البوست

عبد الله شم.

تبريراتك مخجلة جدا.

Quote: عبد الله شم. تبريراتك مخجلة جدا.

يا دينق
اتفق مع الاكثرية ممن يرفضون الوصاية على طالب جامعي ناضج
ولكن ارفض تماماً استغلال جزئية اللبس الافريقي فقط دون سواها لمجرد كلمة افريقي
فالجلابية كذلك ممنوعة والسديري وعراقي واللبسة السواكنية برضو ممنوعه والباكستانية ممنوعة
بس الوقوف على كلمة افريقي والمتاجرة بيها دي المشكلة هنا
يعني الناس تسيب كل الفوق دا وتمسك في الموضوع بتاع الاستعراب ووو
تبقى مصيبة فعلاً

تحياتى يا شباب
من ابسط الحقوق ان يختار الانسان ما يلبس ولكنه غنى عن القول ان الحرية كثيرا ما تقيد بالضوابط وهذا ما شاهدناه على مستوى دول كفرنسا والتى تمنع الزى ذو المدلول الدينى.. واقول ان الغريب فى هذا الامر هو الحوجه فى الاساس لمثل هذا الاعلان والاغرب ان يحدثنا صاحب البوست عن المستعمر ..اى مستعمر هذا الذى تعنى ..انها القدره على صناعة الاعداء والبراعه فى تشتيت الجهود..شخصياً لم اعد مستعداً لقراءة اى من البوستات التى تقسم هذا الشعب على اساس جهوى بل وصرت اصاب بالغثيان حينما تصادفنى تعابير غرابى او جلابى فهى كثيراً ما نمت عن جهل مطبق بطبيعة الصراع فى السودان فالواعين من اهل دارفور يعرفون ان(كِبِر) مثلاً هو اكثر ضرراً عليهم من اى مسئول امنى فى الخرطوم فالصراع اذن ضد سلطة تستهدف كامل الشعب ومن العقل ان تتوحد الجهود لاجل الاطاحه بهذه السلطه اما ان نعزف على وتر العرقية والجهويه فهذا يضعنا على احسن الفروض فى خانة الجهلاء ان لم اقل المتواطئين ..اضعنا الكثير على اهلينا بفعل هذه المعارك الجانبيه والبائسه و الصغيره وما اعلان الزى بجامعة الزعيم الازهرى الا احداها وقلبى على وطنى..

Quote: El Mardi Abdullah · متابعة · Abu Dhabi, United Arab Emirates شوف دكتور حاتم عميد شئون الطلاب بجامعة بحرى كاتب الذوق كيف (الزوق) ولف لفه اغلب المتداخلين حاجة غريبة الله يرحم اللغة العربية. رد · أعجبني · متابعة المنشور · أمس في الساعة ‏10:26 صباحاً‏

Quote: يا دينق اتفق مع الاكثرية ممن يرفضون الوصاية على طالب جامعي ناضج ولكن ارفض تماماً استغلال جزئية اللبس الافريقي فقط دون سواها لمجرد كلمة افريقي فالجلابية كذلك ممنوعة والسديري وعراقي واللبسة السواكنية برضو ممنوعه والباكستانية ممنوعة بس الوقوف على كلمة افريقي والمتاجرة بيها دي المشكلة هنا يعني الناس تسيب كل الفوق دا وتمسك في الموضوع بتاع الاستعراب ووو تبقى مصيبة فعلاً

عبد الله شم.

ممكن تشرح لي ما هو المقصود في ذلك المنشور ب "الزي الوطني" ؟

Quote: عبد الله شم. ممكن تشرح لي ما هو المقصود في ذلك المنشور ب "الزي الوطني" ؟

الزي الوطني هنا يٌقصد به الجلابية السودانية المعروفة كان قلبا ولا عدلا
نفس الجلابية القال وردي عليها وطني يا حبوب جلابية وتوب وعمة وسديري وسيف سكين
ودي طبعا ممنوعة قبل الزي الافريقي ترتيباص وفي نفس بند الزي الافريقي البند (5)
بس الناس مسكت في الزي الافريقي وتركت الباقي
وهاك يا قرشي وهاك يا بتاع وهاك يا مستعرب
مصيبة لو طلع العميد دا بجاوي ولا نوباوي ولا من اثنية اخرى غير الاثنية العربية

Quote: الزي الوطني هنا يٌقصد به الجلابية السودانية المعروفة كان قلبا ولا عدلا نفس الجلابية القال وردي عليها وطني يا حبوب جلابية وتوب وعمة وسديري وسيف سكين ودي طبعا ممنوعة قبل الزي الافريقي ترتيباص وفي نفس بند الزي الافريقي البند (5) بس الناس مسكت في الزي الافريقي وتركت الباقي وهاك يا قرشي وهاك يا بتاع وهاك يا مستعرب مصيبة لو طلع العميد دا بجاوي ولا نوباوي ولا من اثنية اخرى غير الاثنية العربية

عبد الله شم
سلام

البند خمسة واضح وضوح الشمس
إنه ممنوع الأزياء غير البنطلون والقميص والزى الوطني السوداني

يعنى البنطلون والقميص مسموح بيه
والجلابية مسمحموح بيها
والممنوع "الزي الأفريقي والتريننق سوت"


الموضوع ما بالسهولة الإنتا بتتكلم عنها

القصة وما فيها هي مسح أي آثار لجامعة جوبا من الجامعة
لأنه جامعة بحري دي كانت جامعة جوبا.

وأزيدك من الشعر بيت

القرار دا خاص بجامعة بحري
يعني الجامعات التانية ما بتمنع الملابس دي.

الاعزاء المتداخلون

مودتى

لائحة تنظيم السلوك الطلابى موجودة فى كل الجامعات. الزى القومى يقصد به كل لبس مقبول فى تلك الجغرافيا او المجموعة. درست الخرطوم بين عامى 93 و98 . نفس لبستى الفى الصورة بمش بيها الجامعة. مافى شخص اعترضنى. عملت بجامعة جوبا وكان الطلاب وغيرهم يلبسون مايحلو لهم.
اذن نقطة الصادق ذكية
وياشم الجلابية غير ممنوعة. لكن ياشم لو اتفقته معاك مامكن يجى طالب لابس جلابية رهافة ومعاها لباس ابكباسين
ابكر

أيمن الحاج
سلام

آسف لأني لم استطع تحميل صورة المنشور
لكن أهو عرفت هسع إنه في منشور

دهب تيلبو

شكراً لتحميل المنشور الغريب

Quote: الزي الوطني هنا يٌقصد به الجلابية السودانية المعروفة كان قلبا ولا عدلا نفس الجلابية القال وردي عليها وطني يا حبوب جلابية وتوب وعمة وسديري وسيف سكين ودي طبعا ممنوعة قبل الزي الافريقي ترتيباص وفي نفس بند الزي الافريقي البند (5) بس الناس مسكت في الزي الافريقي وتركت الباقي وهاك يا قرشي وهاك يا بتاع وهاك يا مستعرب مصيبة لو طلع العميد دا بجاوي ولا نوباوي ولا من اثنية اخرى غير الاثنية العربية

عبد الله شم.

كلامك الفوق ده ياهو ذاتو الجاب السياسة في الموضوع ده.

متى تم تحديد أن الجلابية والتوب السوداني هم "الزي القومي" للسودان، وماذا عن بقية الأزياء للقبائل وللجماعات السودانية التي لا ترتديها ولا توجد في ثقافاتها؟؟
يا عبد الله شم، دي ياها الأسباب التي ضيعت السودان، وبسببها انفصل الجنوب، وقد تنفصل مناطق وأقاليم أخرى إذا أستمر نفس النهج القديم.
واضح جدا أن الذين يتحكمون في مصير الناس في السودان لم يتعلمو أي شيء من تجربة انفصال الجنوب.

أبو بكر أحمد

كيفك

زي ما قلت ما في اعتراض على لائحة تقنين الزي في أي جامعة أو منشأة في العالم

أنا لابتكلم عن السبب في لبسة افريقية عيوبها شنو وسبب منعها شنو؟

ولمن تجي تقول لي الزي الوطني اللي هو يلتو زى والبقاهو وطني شنو؟
وهل هو بيعكس السودان، يعني شيء متفق عليه ولا مفروض على الناس

اذن نقطة الصادق ذكية

Quote: زي ما قلت ما في اعتراض على لائحة تقنين الزي في أي جامعة أو منشأة في العالم

Quote: لائحة تنظيم السلوك الطلابى موجودة فى كل الجامعات.

Quote: أنا لابتكلم عن السبب في لبسة افريقية عيوبها شنو وسبب منعها شنو؟

Quote: . درست الخرطوم بين عامى 93 و98 . نفس لبستى الفى الصورة بمش بيها الجامعة. مافى شخص اعترضنى. عملت بجامعة جوبا وكان الطلاب وغيرهم يلبسون مايحلو لهم.

Quote: ولمن تجي تقول لي الزي الوطني اللي هو يلتو زى والبقاهو وطني شنو؟

Quote: لائحة تنظيم السلوك الطلابى موجودة فى كل الجامعات. الزى القومى يقصد به كل لبس مقبول فى تلك الجغرافيا او المجموعة

زى وطنى يالصادق تعنى الازياء الوطنية. صيغة الجمع كانت مهمة عشان تبعد سؤالك دا. نعلم ذلك فى وعينا ونمارسه سلوكا. ضربت ليك امثلة من جغرافيا مختلفة وذكرت ان طلاب المجموعات المختلفة كانو يلبسو مايحلو لهم دون اعتراض.
اضفت ان ملاحظتك ذكية. بمعنى الاتفاق ان ج بحرى وليدة ج جوبا. بمعنى القضاء على ملامح ماتبقى من ج جوبا المستصحبة فى ج بحرى؟
هذه نقطة. ممارسات عديدة اخرى ترسخ لنفس السلوك لا داعى لفرع نقاط اضافية للبوست. مثلا النظام الاكاديمى لجوبا هو المتبع فى بحرى وهو نظام الساعات المعتمدة لا يوجد منطق للقضاء عليه.
مافى زول يالصادق فرض على ذول الا يجى الجامعة بزى مجموعة او جغرافيا معينة
زى وطنى يعنى زى سودانى يسود عند تلك المجموعة او الجغرافيا اذن هى ازياء وليس زى
لكن يالصادق لو بقى زى واحد (مفرد) تبقى دى الكارثة لانو زى ماقلته هو ياتو زى؟
ودى اشكالية بيان العميد
ممكن زول يجيب لائحة السلوك الطلابى التى استند عليها العميد
تلبو بركته لينا لو تكرمت

مودتى
ابكر

Quote: عبد الله شم. كلامك الفوق ده ياهو ذاتو الجاب السياسة في الموضوع ده. متى تم تحديد أن الجلابية والتوب السوداني هم "الزي القومي" للسودان، وماذا عن بقية الأزياء للقبائل وللجماعات السودانية التي لا ترتديها ولا توجد في ثقافاتها؟؟ يا عبد الله شم، دي ياها الأسباب التي ضيعت السودان، وبسببها انفصل الجنوب، وقد تنفصل مناطق وأقاليم أخرى إذا أستمر نفس النهج القديم. واضح جدا أن الذين يتحكمون في مصير الناس في السودان لم يتعلمو أي شيء من تجربة انفصال الجنوب.

دينق
كلامك الفوق دا هروب من كلامي
انا قلت ليه الناس مركزة على منع الزي الافريقي وما مركزة على منع الزي القومي او اي زي اخر
ليه تُستغل كلمة الافريقي هنا في غير معناها مع انو المنع شمل عدة ازياء بما فيها الجلابية السودانية
وهذا ينفي الترصد والتعريب والاستعراب والحاجات البتتكتب فوق دا
يا دينق عند عبد الله الزي القومي الجلابية والتوب وعندك انت ما تراه مناسب
مافي قانون حدد زي قومي وزي ما قومي
لو عايز تفتح الموضوع دا افتحو في بوست منفصل او حتى بخطاب لي بالاسم ووعد ساتي لك فيه
دون اي اساءة لك او تقليل من رايك او تجريح

يا عبد الله

Quote: الجامعة منعت اللبس الافريقي لسبب واحد لانو لبس مزركش متعدد الالوان

دا من رأسك ولا من كراس الحكومة؟؟؟؟
ثم لماذا هذه التبريرات الفطيرة في مثل هكذا منتدي؟؟؟؟؟
وما عيب الزركشة والألوان ؟؟؟؟
الألوان فاتحين ليها كلية إسمها كلية الفنون الجميلة
(وهي بالمناسبة تتبع التعليم العالي)
في بلدنا السودان الهو في أفريقيا
ويمنعوننا نحن الأفارقة من لبسنا ؟؟؟؟
دي بجاحة شنو
ودي وقاحة وسفالة شنو دي !!!!!!!

المهم

بكدا عرفنا الإستلاب واصل لحد وين
في دواخل مواهيم العروبة في السودان
(الأفارقة الخجلانين من أفريقيتهم)
وبكدا عرفنا لأي حد يكره عبيد المنزل هؤلاء أنفسهم

أنها أفريقيا أفريقيتنا
نحب جميل الملابس متنوعة الألوان
ونحب الموسيقي والرقص
والعاجباه تلك الخيام السود المسماة ملابس
فليحج إلي الصحراء
ويكسر ركبة
وينتظر حتي يقول له السادة هناك
(أخرج لحرب الدواعش أيها العبد الهدي ورضي)

Quote: الجلابية عندي هي لون سادة يكون أبيضا أو سمنيا أو رماديا خفيفا والشال السوداني معروف ومعه العمة البيضاء.. لكن هذه الجلابية ممكن تناسب الاطفال الصغار.. وكنت استغرب لبسها عند فناني السر قدور.. وقلت له الراحل اسماعيل حسن وصف السوداني في البلد الحبوب بأبو جلابية وتوب وسروال ومركوب وجبة صديري وسيف وسكين.. وانا مع التغيير التدريجي للأحسن.. لكن بفهمي السوداني الكلاسيكي لهذه الأمور فقد سببت لي صدمة جلابوية.. ومشكور على الهدية

ليه بنهرب من مصيرنا نقضي ايامنا في عزاب
ليه تقول لي ما افارقة نحن اسياد الاعراب

ههههههههههههههه فنقلة زي الفنقلة

Proud to be African

Quote: عزاب

!!!!!!!!!!!!

مرقة من موضوع البوست

Quote: وقلت له الراحل اسماعيل حسن وصف السوداني في البلد الحبوب بأبو جلابية وتوب وسروال ومركوب وجبة صديري وسيف وسكين

دا ما إسماعيل حسن القال كدا دا سيد أحمد الحردلو

Quote: دا من رأسك ولا من كراس الحكومة؟؟؟؟ ثم لماذا هذه التبريرات الفطيرة في مثل هكذا منتدي؟؟؟؟؟ وما عيب الزركشة والألوان ؟؟؟؟ الألوان فاتحين ليها كلية إسمها كلية الفنون الجميلة (وهي بالمناسبة تتبع التعليم العالي) في بلدنا السودان الهو في أفريقيا ويمنعوننا نحن الأفارقة من لبسنا ؟؟؟؟ دي بجاحة شنو ودي وقاحة وسفالة شنو دي !!!!!!! المهم بكدا عرفنا الإستلاب واصل لحد وين في دواخل مواهيم العروبة في السودان (الأفارقة الخجلانين من أفريقيتهم) وبكدا عرفنا لأي حد يكره عبيد المنزل هؤلاء أنفسهم أنها أفريقيا أفريقيتنا نحب جميل الملابس متنوعة الألوان ونحب الموسيقي والرقص والعاجباه تلك الخيام السود المسماة ملابس فليحج إلي الصحراء ويكسر ركبة وينتظر حتي يقول له السادة هناك (أخرج لحرب الدواعش أيها العبد الهدي ورضي)

ناصر تحياتي
انا لم ابرر للقرار بل كتبت في ذات المداخلة (على حسب فهمي للقرار)
انا ضد القرار وضد الوصاية على طلاب جامعيين يفترض انهم ناضجين لا يحتاجون لوصاية من احد
ولكنني ضد تجزئة قرار المنع وضد استغلال كلمة الزي الافريقي دون سواه مع ان المنع شمل الجلابية وغيرها
القرار قرار معاب لانه يصادر حرية الطالب وليس لانه منع زي افريقي وسمح بغيره
لان الحقيقة ان القرار منع الزي الافريقي والجلابية وغيرها
فلماذا التركيز على جزئية الزي الافريقي فقط ؟

ارض الخير افريقيا مكاني
زمن النور والعزة مكاني
فيها جدودي جباهم عالية
مواكب ما بتتراجع تاني
اقيف قدامها واقول للدنيا انا سوداني
انا بلدي بلد بلد الخير والطيبة
ارض وخزاين فيها جناين
نجوم وعيون بالخير بتعاين

Quote: دون سواه مع ان المنع شمل الجلابية وغيرها

عبد الله شم

تحياتي

القرار لم يشمل الجلابية

الجلابية مسموح بيها في الجامعة

والقرار أسماها الزي الوطني

ودا بالذات سبب فتح البوست دا

أرجع وأقرأ القرار تاني

الفقرة خمسة بتقول بوضوح:

لايسمح لأي طالب بالدخول للحرم الجامعي إذا كان يرتدي:
1. ............
2. ...........
3. ...........
4. ..........

5. الأزياء الأخرى غير البنطلون والقميص أو الزي السوداني الوطني
المعروف "لا يسمح بإرتداء اللبسات الإفريقية أو الرياضية
training suits داخل الحرم الجامعي".


يا عبد الله شم

الفقرة الخامسة أوضحت أن المسموح به هو البنطلون والقميص والزي الوطني السوداني المعروف

فالمسألة واضحة وهي معتمدة على إنه الأزياء الإفريقية دي أزياء ما سودانية

والجلابية والمسماة في السودان "الزي القومي" مسموح بيها.

وأنا اتصلت بطلاب في الجامعة وقالوا لي المقصود هو القمصان الإفريقية الملونة

الما عندها "لياقة"





وعشان ما يكون في أي لبس أو سوء فهم للقرار
أوضح القرار بين قوسين إنه ممنوع اللبسات الإفريقية تحديداً

يعني لو أنا سوداني أنتمي لإحدى قبائل الفلاتة
وجيت لابس جلابية نيجيرية برضه ممنوع


الأزياء المقصودة بالمنع:
زي دي:




أو دي:


بالإضافة لدي:

I love being African