Post: #1
Title: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 07:25 AM
Parent: #0
هو ليبي امريكي إن شئنا الدقة.
يعني فرفرة ناس امريكا دي ممكن تجيب نتيجة 
|
Post: #2
Title: Re: أمريكي رئيسا لوزراء ليبيا في الفترة الانتقالية!
Author: Tragie Mustafa
Date: 11-13-2011, 07:26 AM
Parent: #1
وقريبا السودان قول آمين!
|
Post: #3
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 07:27 AM
Parent: #1
عبد الرحيم الكيب:
تخرج رئيس الحكومة الليبية الانتقالية المؤقتة المنتخب د. عبدالرحيم الكيب في جامعة طرابلس وتحصل “بمرتبة الشرف”على شهادة البكالوريوس في مجال الهندسة الكهربائية عام 1973، كما تحصل على شهادة الماجستير من جامعة كاليفورنيا عام 1976 ومن ثم شهادة الدكتوراه من جامعة ولاية نورث كارولينا عام 1984.
وانضم الدكتور الكيب لجامعة ألاباما كأستاذ مساعد في الهندسة الكهربائية في عام 1985 ، ثم صار أستاذا في عام 1996، وقد عمل أستاذا في جامعة ولاية كارولينا، وجامعة ألاباما، وفي الجامعة الأميركية في مدينة الشارقة، ومؤخرا عمل في معهد البترول في الإمارات العربية المتحدة.
أشرف الكيب على العديد من أطروحات الماجستير وأطروحات الدكتوراه.
ويعد الكيب باحثاً في مجال هندسة الطاقة الكهربائية ومؤلفاً للعديد من الأوراق البحثية. وقد رعت بحوثه من قبل مؤسسة العلوم الوطنية (NSF) ومعهد بحوث الطاقة الكهربائية (EPRI)، وزارة الطاقة الأمريكية (الولايات المتحدة وزارة الطاقة)، شركة الخدمات الجنوبية (SC)، وشركة الطاقة ألاباما (أبكو). قد نشرت الصحف للكيب العديد من التقارير والبحوث.
مناصب
وشغل العديد من المناصب من بينها منصب عضو في مجلس إدارة العربية للعلوم والتكنولوجيا 2001-2007، وهو عضو في العلوم والتكنولوجيا لوحة، والبنك الإسلامي للتنمية، عضو بارز في IEEE، محرر مشارك لجمعية IEEE 1992-2000، وعضوا في المجلس الاستشاري بالمعهد الكوري للمهندسين الكهربائية (KIEE) وجمعية هندسة كهربائية، واستشاري بمجلس إدارة المجلة الدولية للابتكارات في نظم الطاقة والطاقة (IJESP). وخدم الكيب كرئيس لقسم الهندسة الكهربائية في معهد البترول.
الجوائز
وتحصل الكيب على العديد من الجوائز العلمية في مجال تخصصه من بينها جائزة “الريادة والتميز في أبحاث هندسة الطاقة، والمساهمات المتميزة في خدمة السلطة، والتعليم والطاقة، كما حصل على شهادة تقدير من رئيس الدائرة العامة IEEE الصادرة عن السلطة والمجتمع.
جائزة الامتياز في الخدمة ، الجامعة الأميركية في الشارقة عام 2001، وجائزة في كلية الهندسة، جامعة ولاية ألاباما ، 1997 –
أسّس عام 2005 في ليبيا شركة خاصة اسمها «الشركة الدولية للطاقة والتكنولوجيا».[2]
|
Post: #4
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 07:34 AM
Parent: #3
| Quote: كما تحصل ايضا على درجة ماجستير-في الهندسة- من جامعة كارولاينا الشمالية، |
النذير حجازي الكلام دخل حوشك.
|
Post: #5
Title: Re: أمريكي رئيسا لوزراء ليبيا في الفترة الانتقالية!
Author: هشام المجمر
Date: 11-13-2011, 07:48 AM
Parent: #4
وانت يا سيف بعد شغل الناتو ده كنت دايرو يكون سودانى
كل سنة وانت طيب ياخ
|
Post: #6
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 09:34 AM
Parent: #5
| Quote: وقريبا السودان قول آمين! |
طيب قولي قولنا آمين يا تراجي..
من ترشحي من سودانيي امريكا لهذا المنصب؟
|
Post: #7
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 09:38 AM
Parent: #6
مستر الكيب.
|
Post: #8
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-13-2011, 10:05 AM
Parent: #7
| Quote: وانت يا سيف بعد شغل الناتو ده كنت دايرو يكون سودانى |
سلامات يا هشام و كل عام و أنتم بخير
غايتو لو كلام عمك البشير بتاع أنو السلاح اللي حسم معركة طرابلس كان
سلاح سوداني كلام صحيح، يبقى ايه المانع أنو يكون سوداني/ليبي؟
|
Post: #9
Title: Re: أمريكي رئيسا لوزراء ليبيا في الفترة الانتقالية!
Author: هشام المجمر
Date: 11-13-2011, 10:11 AM
Parent: #8
Quote: غايتو لو كلام عمك البشير بتاع أنو السلاح اللي حسم معركة طرابلس كان
سلاح سوداني كلام صحيح، يبقى ايه المانع أنو يكون سوداني/ليبي؟ |
يا سيف ات ماك نصيح
عمك البشير ما يقدر يدخل سكينة لليبيا دون موافقة الناتو
ده لو الناتو اداهو امر التوريد
|
Post: #10
Title: Re: أمريكي رئيسا لوزراء ليبيا في الفترة الانتقالية!
Author: محمد عمر الفكي
Date: 11-13-2011, 01:10 PM
Parent: #9
يا دكتور سيف
كل سنة وانت طيب وان جاءت متاخرة
ما براهو امسك عندك
اياد علاوي العراق سابقاً
جلال طالباني
سلام فياض- فلسطين
عصام شرف
محمد عبدالله محمد (دا رئيس وزراء الصومال)
ديل برضهم امريكان بالاضافة الى الكيب
امريكان دايركت يحكمون ربع العالم العربي واكثر من نصف سكانه
والله يا دكتور سيف دا بس من المعلومات الفي راسي يعني لو قبلت على قوقل تطلع مصائب
|
Post: #11
Title: Re: أمريكي رئيسا لوزراء ليبيا في الفترة الانتقالية!
Author: النذير حجازي
Date: 11-13-2011, 01:44 PM
Parent: #10
Quote: Quote: كما تحصل ايضا على درجة ماجستير-في الهندسة- من جامعة كارولاينا الشمالية،
النذير حجازي الكلام دخل حوشك |
والله يا د. سيف كتلتني بالضحك، ياخي الرئيس الليبي
دا ح يكون قدوتي تخرج من نفس جامعتي ومهندس برضو
وحاصل على الجنسية الأمريكية، وعقبالنا يا د. سيف
لكن بيني وبينك يا د. سيف معظم المهندسين فاشلين
في السياسة ومن النادر إنك تلقى مهندس قيادي سياسي، يعني
عندنا في السودان الوحيد المهندس القيادي هو الأستاذ
محمود محمد طه
تحياتي
وبالمناسبة البوست بتاعك دا ح أنقلو في منبر فوور أوول
في بوست الأستاذة نجاة بتاع البصيرة أم حمد
|
Post: #12
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-14-2011, 08:15 AM
Parent: #11
Quote: عمك البشير ما يقدر يدخل سكينة لليبيا دون موافقة الناتو
ده لو الناتو اداهو امر التوريد |
هو باقيلك يا هشام بيكون اداهم شنو غير سكاكين؟
|
Post: #13
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-14-2011, 08:35 AM
Parent: #12
Quote: اياد علاوي العراق سابقاً
جلال طالباني
سلام فياض- فلسطين
عصام شرف
محمد عبدالله محمد (دا رئيس وزراء الصومال)
ديل برضهم امريكان بالاضافة الى الكيب |
سلامات يا ود الفكي
القائمة فعلا طويلة.
هل تفتكر اصدقائنا الذين بامريكا عندهم أمل واحد فيهم يدخل اللستة؟
|
Post: #14
Title: Re: أمريكي رئيسا لوزراء ليبيا في الفترة الانتقالية!
Author: سيف النصر محي الدين
Date: 11-14-2011, 01:01 PM
Quote: معظم المهندسين فاشلين
في السياسة ومن النادر إنك تلقى مهندس قيادي سياسي، يعني
عندنا في السودان الوحيد المهندس القيادي هو الأستاذ
محمود محمد طه |
سلامات يا نذير
رئاسة السودان اتولوها الفاشلين تقول لي مهندس ما يقدر عليها!
بعدين المسألة في المنطقة التي نعيش فيها لا تحتاج إلى أي مواصفات
خاصة و إلا فانظر حولك و تأمل في الرؤوساء و الملوك و الأمراء
و قل لي ما هي مؤهلاتهم؟
و بالمناسبة ما يسمعوك شلة المهندسين في البورد و انت عارفهم براك
اكتر ناس بتاعين غاغة ..ههههههه.
|
Post: #15
Title: Re: أمريكي رئيسا لوزراء ليبيا في الفترة الانتقالية!
Author: Deng
Date: 11-14-2011, 01:21 PM
Parent: #14
يا سيف وضيوفه الكرام.
لو الكلام ده صاح يبقى الليبين عرفوا من أين تؤكل الكتف.
نحن نعيش في عالم اليوم الذي تحكمه المصالح.
وكما ترون، معظم الدول التي لديها علاقات جيدة بأمريكا تجدهم
في حالة أقتصادية وتنموية جيدة ودول الخليج أكبر دليل على ذلك.
دول الخليج العربي عبارة عن مستعمرات أمريكية وأوربية.
|
Post: #16
Title: Re: أمريكي رئيسا لوزراء ليبيا في الفترة الانتقالية!
Author: صلاح الدين نزلاوى
Date: 11-14-2011, 02:54 PM
Parent: #15
| Quote: دول الخليج العربي عبارة عن مستعمرات أمريكية وأوربية. |
معليش دى كتيرة شوية
حتى لو كان امريكى اصيل مالو ما اوباما حكم امريكا هو سودانى (على الارجح) او كينى يعنى افريقى اصيل - تبادل منافع -
اخوانا الفى امريكا ما تحلموا الراجين منصب الرئاسة كتااااااار بس اقيفوا فى الصف .
|
|