محمد احمد اسماعيل...يا خي انت زول غناااااي و فنان جدا.

الساعة الثامنة صباحا اليوم و على القناة السودانية التي فتحتها بالصدفة
و لسان حالي يقول ربك يستر من المصايب..كانت هناك اعادة لبرنامج اسمو
عناقيد..الفقرة الكانت شغالة كانت لشاعر شاب ما عندو موضوع عشان كده
كان ماسك في موضوع بنات الاقاليم الساكنات في الداخليات و عامل ليهن
قصيدة طويلة و عريضة بتتناول الموضوع بالطريقة اياها..
المهم قبل ما اضغط على الريموت و اغير القناة..جاء هذا الشاب الأسمر
يعزف على جيتار(نورمال) بتمكن و يغني أغنية غاية في الجمال و بصوت
-برضه- غاية في الجمال...عندك مانع افضل ضايع ..جوة عيونك افضل
اقرا روايع...
الأغنية كما كان مكتوبا اسفل الشاشة للشاعر ابراهيم جابر.

يا اخوانا... يعني ما في زول غيري سمع الشاب ده!!

شاهدت حلقة معادة من البرنامج عرفت منها
- الفنان محمد أحمد اسماعيل جاء للخرطوم من نيالا لدراسة المعمار.
-يلحن اغانيه بنفسه و لا مانع لديه من التعاون مع ملحنين أخرين.
- يبدو أنه معروف في اوساط الطلاب الجامعيين بالخرطوم.
-لسه ما عندنا ليهو تسجيل