Post: #1
Title: بعد سد مروي :سيودع السودان الفقر إلى الابد!!!!!!!
Author: سيف النصر محي الدين محمد أحمد
Date: 04-19-2009, 08:36 AM
و ستودع الفتيات العنوسة..
و الشباب الاغتراب..
و ستودع المستشفيات القطط..
و البيوت السايفونات..
و الهلال صلاح ادريس..
و سيودع الزحام النشالين..
و المدارس ستودع تجهم المعلمين..
و سيودع ود الباوقة الرياض..
و ستودع الباوقة الكثبان الرملية..
و نخيلها سيودع الجفاف..
النازحون في دارفور سيودعون المعسكرات..
سيودع اوكامبو الجنائية
و الجنائية ستودع قضاتها..
و ستودع لاهاي الأراضي المنخفضة..
و طارق ابوعبيدة سيودع الحمامات النائحات..
و سيودع بله موسى علي تاج الدين
و كوستاوي بريمة..
و سنودع بعضنا البعض ربما..
*
*
*
الوداع.
|
Post: #2
Title: Re: بعد سد مروي :سيودع السودان الفقر إلى الابد !
Author: خضر حسين خليل
Date: 04-19-2009, 09:01 AM
Parent: #1
البوست دة زي الاتهكر من شويتين يا ابو السيوف
كتبت مداخلة وما لميت لا في البوست
لا في المداخلة
ياخ ابعد من السدود ما تطفش السمك
علي قول ودالباوقة
|
Post: #3
Title: Re: بعد سد مروي :سيودع السودان الفقر إلى الابد !
Author: أسامه الكرور
Date: 04-19-2009, 09:14 AM
Parent: #2
يعنى بإختصار كده .. حنودع الشحده ؟؟؟؟
طمنا بالله !!!!!!
|
Post: #4
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-19-2009, 03:21 PM
Parent: #3
| Quote: البوست دة زي الاتهكر من شويتين يا ابو السيوف |
سلامات يا خضر
البوست الأول عنوانو لم يعجب البيه الكبير..فكان لزاما علينا أن نودعه.
|
Post: #5
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-19-2009, 08:49 PM
Parent: #4
| Quote: يعنى بإختصار كده .. حنودع الشحده ؟؟؟؟ |
يا اسامة الكرور(اسمك صعب و الله) : الشحدة دي ما ودعناها في 30 يونيو 1989 حسب كلام المستشار اسنان
مصطفى عثمان اسماعيل في الرياض.
انت لسه شايف ليك شحادين و للا شنو؟؟
|
Post: #6
Title: Re: بعد سد مروي :سيودع السودان الفقر إلى الابد !
Author: خضر حسين خليل
Date: 04-19-2009, 08:54 PM
Parent: #5
يا ابو السيوف
والله البيه دة حيرنا عديل
ـــــ
أما بالنسبة لصاحبنا اسامة الكرور
فـ الزول دة الا تقابلوا عديل
زول جميل لمن بهناك
عازمنك يا سيف ايتها خميس
|
Post: #7
Title: Re: بعد سد مروي :سيودع السودان الفقر إلى الابد !
Author: محمد بابكر
Date: 04-19-2009, 10:17 PM
Parent: #6
| Quote: و الهلال صلاح ادريس.. |
يا سيف ... كيفك
انا مريخابي موووت
لكن الزول ده كان ما غتس حجر الهلال ما برتاح
|
Post: #8
Title: Re: بعد سد مروي :سيودع السودان الفقر إلى الابد !
Author: ibrahim alnimma
Date: 04-19-2009, 11:09 PM
Parent: #7
اصلاً اوكامبو دة عاوز ليه رد كبير زي دة عشان يأمن ...واهو في الاخر أمن وركع
حتي اوباما نفسه ركع لما شاف الرد ....واقتنع ياعمك ...ويبدو ان السد سيحدث
تغيراً كبيراً علي احوال ودخول كل السودانين اكثر مما احدثه اكتشاف النفط
وكمان الكهرباء مش ستودع الانقطاع فحسب انما سيودع السودانين العسر في دفع
الفواتير ..وستكون ارخص كهرباء في العالم خصوصاً انو السد قد تم تشيده من اموال
النفط السودانية ، ارجو الا تسمعو كلام المغرضين انو اموال السد هي عبارة عن
استثمارات اجنبية ...والشركات التي قامت بالسد هي عبارة عن مستثمرين ستزيد اعباء
السودانين بالفواتير ودي فقط اصوات نشاذ...
|
Post: #9
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-23-2009, 10:27 AM
Parent: #8
محمد بابكر...سلام
Quote: انا مريخابي موووت
لكن الزول ده كان ما غتس حجر الهلال ما برتاح |
حقو ناس الهلال كل ما يشوفوه يهتفوا : الرد الرد...السد السد.
|
Post: #10
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-23-2009, 08:38 PM
Parent: #9
Quote: .ويبدو ان السد سيحدث
تغيراً كبيراً علي احوال ودخول كل السودانين اكثر مما احدثه اكتشاف النفط
وكمان الكهرباء مش ستودع الانقطاع فحسب انما سيودع السودانين العسر في دفع
الفواتير |
بالله يا عنكبة لسه في سودانيين متفائلين قدر ده؟
دي حاجة تحير..ناس ليهم كم و خمسين سنة عايشين على وعود ثم وعود تتبعها وعود لم يتحقق
منها ولا وعد واحد و لسه مجهزين نفسهم لتقبل وعود جديدة ....احيي صمودهم ياخي.
|
Post: #11
Title: Re: بعد سد مروي :سيودع السودان الفقر إلى الابد !
Author: عبد العظيم احمد
Date: 04-23-2009, 11:56 PM
Parent: #10
لو كانوا يعلمون ان هذا السد
قد يثير غضبكم وانتم فى غربتكم
لما بنوه
لو كانوا يعلمون
ان امنياتكم
ترمى
نحو
ظلام دامس للسودان
لكانوا حققوا لكم امنياتكم
ونام الجميع
فى ظلامهم الدامس
فقط كيفما انتم تنعمون
فى شقق الغربة الفخمة التى لاتعرف
انقطاع الكهربة
والتكيف الما بقيف
والسيارات الفارهة الاتوماتيك المكندشة
والمولات المكندشة
والدلفرى
الرياض.. الطائف.. المنطقة الشرقية..usa
الخليج.. ولندن .. ولاهاى
... تبا لهم لقد ازعجوكم بهذا السد وانتم فى غربتكم
واثاروا حفيظة كى بورداتكم
ويتأسفون
ويتأسفون
...
بيوت الجالوص افضل من اسمنت السد
والفانوس احسن من كهربة السد
نطلب من الجنائية بأصدار قرار
بأزالة السد
واثار السد
فراحتكم اهم من السد
ودمتم ذخرا للوطن الحبيب
|
Post: #12
Title: Re: بعد سد مروي :سيودع السودان الفقر إلى الابد !
Author: عبد العظيم احمد
Date: 04-24-2009, 00:19 AM
Parent: #11
وانت تعيش فى المملكة
ورينى واحد بحشر نخرتو فى سد
ولاكبرى
ولا بقول بغم
... السد ولا نظام الكفيل
ياطويل العمر
...
ماتقدر تفتح شباك شقتك.. كان داير تشم هواء
ولا تقدر تلتفت وانت فى سيارتك
والا اتهمت بمعاكسة الحرمة فى السيارة المقابلة
فى بلد لا تستطيع المرأة ان تجلس مع زوجها فى مقدمة السيارة
ياطويل العمر
.. السد .. ينهد ويبقى نظام الكفيل الى الابد
|
Post: #13
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-24-2009, 09:44 AM
Parent: #12
يا عبد العظيم يؤسفني اقول ليك انك اوف بوينت عديل كده..
اولا منو القال ليك انو الغربة هي شقق فاخرة و عربات مكندشة؟؟
ده تصور اسطوري للغربة ما بيجي الا من عقلية مؤسسة على الاساطير و مستعدة على الدوام
لتقبل المزيد منها....زي اسطورة توديع الفقر الى الابد دي!!
يا خي انا هنا ما بطالب بغير الواقعية و التواضع..
و القليل فقط من الواقعية يا عبد العظيم يرحمكم الله.
بعدين الظاهر عليك سنوات الاقامة في اوروبا خلتك متحامل على السعودية خالص.
منو القال ليك يا طويل العمر المرة ما بتقعد مع زوجها في المقعد الامامي في العربية؟؟
و حكاية "بغم" دي في السعودية موجودة و بكثرة..كلف نفسك شوية و طالع الصحف السعودية..
شوف الناس قاعدين يقولوا بغم كيفن..ما تسلم نفسك للاعلام المغرض و الكيزان!!
الكبري في السعودية شي عادي يا عبد العظيم..لما يتعمل ما في زول بيجي يفتتحه
ولا يقعدوا ناس زي ناس عبد العظيم يتكلموا عنو لسنوات..
تتكلم عن الحرية..يقولوا ليك عملنا ليك كبري!
تطالب بالديمقراطية..ينطو ليك في حلقك و يقولوا ليك يا زول ديمقراطية شنو؟
انت ما شايف الكباري دي؟؟
الرد..الرد يا عبد العظيم و انشا الله تكونوا ودعتو الفقر الى الابد يا خوي!
|
Post: #14
Title: Re: بعد سد مروي :سيودع السودان الفقر إلى الابد !
Author: عبد العظيم احمد
Date: 04-24-2009, 10:07 AM
Parent: #13
سيف سلام
الرد الرد
البوست جميل ودمو خفيف
واسلوب ساخر سبيل
ودى وجهة نظر
يديك لعافية
|
Post: #15
Title: Re: بعد سد مروي :سيودع السودان الفقر إلى الابد !
Author: Hisham Ibrahim
Date: 04-25-2009, 06:32 AM
Parent: #14
| Quote: بعد سد مروي :سيودع السودان الفقر إلى الابد ! |
نفس الكلام دا بيي ضـــــبانتو !!
تلوا تلاوه لمن البترول طــلع !
أها رايك شـــنو في النتيجه ؟
الحكومه غالبه الشعب 89 / صفر!
NBA بس
هشام
|
Post: #16
Title: Re: بعد سد مروي :سيودع السودان الفقر إلى الابد !
Author: Nader Abu Kadouk
Date: 04-25-2009, 06:50 AM
Parent: #15
سيف
اوعى تبخس إنجازات الإنقاذ
ديل عملوا كباري و سد
اها السد مفروض يحل مشكلة الكهربه للابد
اها السد قام لحس الكهربه القديمه
جماعة امير المؤمنين قالت في طلب عالي على الكهربه
هل يعقل ان يكذب امير المؤمنين
غايتو انا مصدق الزول الإسطوره ده
الرد الرد كباري و سد
|
Post: #17
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 04-25-2009, 09:16 AM
Parent: #16
Quote: أها رايك شـــنو في النتيجه ؟
الحكومه غالبه الشعب 89 / صفر! |
الشعب ده ما مغلوب على طول الخط يا هشام..جاته فجة في اكتوبر 64 و فجة تانية في ابريل 85 لكن
غير كده مغلوب طوالي....بس حتما سينتصر.
|
Post: #18
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 05-02-2009, 06:47 AM
Parent: #17
Quote: اوعى تبخس إنجازات الإنقاذ
ديل عملوا كباري و سد |
ما بنبخس و الله يا نادر..و انا من جهتي بقترح انو شعار المرحلة يكون سد لكل مائة مواطن و كبري
لكل عشرة.
_______________________________________________________________________________
على أن ينظر في امر المواطنين الذين لا يقيمون على ضفاف النيل لايجاد بدائل مناسبة لهم.
|
Post: #19
Title: Re: بعد سد مروي :سيودع السودان الفقر إلى الابد !
Author: هند محمد
Date: 05-02-2009, 07:03 AM
Parent: #18
Quote: و الهلال صلاح ادريس..
|
دى لوحدها لو اتحققت مادايرين شئ تانى
ربنا يحقق الامانى أخ سيف
|
Post: #20
Title: Re: بعد سد مروي :سيودع السودان الفقر إلى الابد !
Author: سيف النصر محي الدين محمد أحمد
Date: 05-09-2009, 07:02 AM
Parent: #19
| Quote: ربنا يحقق الامانى أخ سيف |
آمين يا هند.
|
|