Post: #1
Title: في إستراحة محارب - دارفوري مدينة هيوستن يتسامون عن جراحهم في حفل تاريخي "صور فيديو "
Author: مكي ابراهيم مكي
Date: 05-08-2010, 05:22 PM
Parent: #0
كتب على أبناء دافور الوقوف طويلاً في محطات الألم والجراح و التفكر ملياً في مصير أهلهم و أرضهم و متابعة أخبار ترابهم المحترق حتى لا يكاد يتوقع منهم أينما حلوا سوى التنديد و الوعيد بالتنكيل و هذا أضعف الإيمان و لا بأس في ذلك و لم البأس و قد مليئت مدنهم بالخطايا و المشانق و قراهم بالأشلاء و الجثث المتفحمة و كتائب القتل و النهب و الإفقار و التضليل و التطبيل تستبيح ديارهم طولاً و عرضا.
و في هكذا مأساة . . . من يصدق . . . ان يتسامي ابناء دارفور بهيستون علي جراحاتهم و لاكثر من عشر ساعات داسوا على الألم في رقصاتهم التراثية و دعوا إخوتهم السودانيين من مختلف اقاليم السودان شمالا , وشرقا , جنوبا , من قاطني هيستون الجميله فشاركوهم فرحاً بفرح ، هزءوا من غور الجراح في حفلهم السنوي و الذي يعتبرونة إستراحة محارب.
و في ليلة عابقة بالود و السماح أكد أبناء دافور على دأبهم القديم ( والذي يقال أنه أوردهم الموارد و ضيع ليهم حقهم) ألا و هو التسامح و الإيثار ، تفضيل الآخرين على لأهليهم و أنفسهم و خصهم بكل أسباب الراحة و الأمن و السلام. لذلك حورت حفلها السنوي من حفل خاص بأبناء دافور بهيوستن إلى (حفل سوداني كامل الدسم)، و قد أعطيت الفرصة لأحبابنا الصغار و الأجيال الشابة من الأمريكيين من جهة السودان التعرف على دارفور الماضي و التاريخ التليد قبل أن يصبح واقعا أليماً و محزناً.
ابقو معنا .....
_________
للمشاركه من خارج المنبر الرجاء افادتنا علي
[email protected]
|
Post: #2
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 05:30 PM
Parent: #1
اطفال دارفور وامل الغد المشرق يرحبون بضيوفهم الكرامويا ر بي ما تحرم بيت من الاطفال 
نواصل ..
|
Post: #3
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 05:38 PM
Parent: #2
الغزاله شعار اقليم دارفور تتوسط "الملصقات " وشعار رابطة ابناء دارفور بهيستون - تكساس 
ابقو قريب ...
|
Post: #4
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-08-2010, 06:02 PM
Parent: #3
الاخ /مكي مكي
لك التحية والتجلى
وانت مهتم باهلك
وبل ابن الوطن الكريم
ان دارفور تجمع كل السودان
بقبائلهم وارثهم الثقافي
فهذه ليلة فرح
فنحن نشارككم تلك الفرحة
وسوف نضغط على الجراح
ونشارك اهلنا في كل ارجاء العالم
فلكم التحية والتقدير
|
Post: #5
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 06:03 PM
Parent: #3
وكعادة ابناء دارفور السمحين بهيستون اعتزازهم بتراثهم الدارفوري العريق, جملوا صالة الحفل وجعلوها خيمه دارفوريه خالصه
مزادنه ..بسكسكـ السوميت , وقدح الضيفان , وصفروق القنيص , وعمرة السعف , وبرتال البنو,, ومشكاشة الفدايه ,,
فكانت دافور حاضره معنا في منافينا الاكثر استحاله 
مندولة بنو مغطي ببرتالو " ومرسيلا شفي برتالو سمح "
كاس الضيفان في شموخه 
وياهو .. ده السودان في عزه وشموخه ,, 
السوميت يتجلي 
ونواصل ..
|
Post: #7
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 06:31 PM
Parent: #5
استاذي الفاضل \ خالد حنظل .. رئيس رابطة ابناء دارفور بهيستون -تكساس
كان له في الفضل والدور الاكبر في جعل هذا الحدث ممكنا وواقعا نعيشه لحظة بلحظه
كلمة رئيس رابطة ابناء دارفور .. _____________ الأهل و الأحبة . . . الناس الطيبين
السلام عليكم و رحمة الله
في البداية نقدم خالص الشكر وعاطر التحايا لضيوفنا الكرام
و الشكر الجزيل و عظيم التقدير لزملائي و أصدقائي في رابطة أبناء دارفور بهيوستن الكبرى، الذين جعلوا هذا الحدث واقعاً معاشاً و بسعيهم الجاد في خلال أقل من عامين صعدوا بأ حدث الكيانات الإجتماعية عمراً لموقع ريادي و قانوني يمكننا من التصدى لقضايانا المختلفة بكل ثقة واقتدار.
و جاء هذا الحدث ليبرهن لأكثر من مرة أن رابطة أبناء دارفور بهيوستن و مثيلاتها من الروابط والتنظيمات الدارفورية في الخارج وبالرغم من أنها اللأكثر و الأروع في تنوعا العرقي و الثقافي كانت هي الأجدر بتبني قيم التسامح و المساواة الإجتماعية و قبول الآخر و نبذ الكراهية و الإنتقاص من حقوق الآخرين.
و هدفنا في هذا اليوم هو التأكيد على إستحقاق أهلنا الأمريكيين من جهات السودان كلها لكل الحب من كل القلوب الدافورية بهيوستن. كما وددنا أن نعطي الناس الفرصة للتفكير مجدداً في جمال وحدتنا المتنوعة كخيار إنساني و حضاري رفيع، نحن في رابطة ابناء دارفور. بهيوستن لدينا قناعة راسخة من تجارب تاريخية أن أي درجة من الإختلاف بيننا كسودانيين في هيوستن لن يرتقى إلى حد الإنقسام الذي سيؤدي إلى تكسرنا في النهاية وإندثارنا أو ذوباننا في المجتمعات الأخري و معلوم ان الكيانات الإجتماعية الأصغر و المفترض أنها متجانسة أيضاً قد تعصف بها الخلافات و لكن هذه الخلافات لا تستحق الإحتفاء. و الشقاق لن يكون بطولة.
و يوم يظن الناس كل الظن أن الوطن الأم على وشك الإنقسام و أن وجودنا سوياً فوق تراب السودان تحت راية واحدة أصبح في مهب الريح ما وسعنا إلاَ أن تكن هذه الليلة هي ذكرى و أمل لمودة أصيلة في قلوبنا أن تحيا و تبقى شعلة تهدينا التآخي و الوئام، و مهما تحل بوطنا الأم من محن و مشاكل إجتماعية و سياسية فإن أبناء دارفور في هيوستن لهم مساحة و امل للعيش بسلام مع الجميع.
أحبتي الحضور نحن في قبضة آلة عظيمة إسمها أمريكا، لكن يمكننا تطويعها و استخدامها لإثبات ذاتنا بالمقام الأول وذلك بالإنتشار في مفاصلها الحيوية و أركانها الشديدة و هى العلوم الإقتصاد و السياسة و الإجتماع. و يحب الأخذ بهذه الأمور على انها مسألة كرامة إنسانية لأن غيرنا يقدم لأمريكا في المجالات إياها من سنين طويلة أما نحن فبالكاد نقدم لانفسنا إسحقاقاتها جراء العمل المجهد والرحلة الطويلة والصبر الجميل.
و من أجل الإرتقاء بأوضاعنا مجتمعةً، يجب أن نؤسس لثقافة المساهمة الفردية المباشرة لصالح الرابطة أو المنظمة التي نشترك في نشاطاتها و يسبق هذا كله التأكيد على الإنتماء و على أننا لن نكون إلاّ أنفسنا و أصولنا المميزة التي إنحدرنا منها، و هي جديرة بالفخر و التباهي. و يجب علينا أن لا ندخر جهداً في سبيل تأكيد أحقية هويتنا بالبقاء و فرض إحترام تجاربنا الإنسانية من غير تصادم من أجل تقدم و رفاه البشر.
كلنا أمل أن نقيم هذا الحفل سنوياً يشارك فيه ضيوفاً لنا من السودان من مغنين و موسيقيين و شعراء و قيادات إجتماعية و تربوية من كل أنحاء السودان، و يبقى هذا شغلنا و هو العمل للحفاظ على كل ما من شأنة ان يقرب بين أفراد هذا النسيج المقدس المختلف الألسن الألوان أينما حلوا
|
Post: #9
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 06:47 PM
Parent: #7
\ الاستاذ حسن التوم
مدير المدرسه السودانيه " للتربيه الوطنيه
متحدثا عن تارخ السودان وعقده دارفور 
الاخوة والاخوات
الحضور الكريم لكم تحيه عامه
ولابنائي وبناتي في رابطة ابناء دارفور .... لكم تحية خاصه وتقدير خا ص , لانكم جمعتونا حول اعز مائده ... واكرم مائده ... مائدة الجود والكرم والتاريخ المرصع باعظم الماثر شامة ترقد وضاءة علي خد السودان مائدة دارفور ... ولاني اتحدث نيابة عن اسرة المدرسه السودانيه " والتربيه الوطنيه "
هاكم نفخات عطر بقدر خرم ابره من بحر تاريخ السودان ودارفور تتوسط عقده . وسابدا من
الخارج الي الداخل -
ابنائي وبناتي ... لكم ان تفتخرا وترفعوا رؤسكم عاليا وانتم تتقدموا وسط زملائكم في المدارس الامريكيه او زملائكم في العمل " نحن جئنا الي امريكا بحقنا " اجدادنا - اجداد موتي الجوع اليوم
هم اول من اتي" بالذره الشامي" من مملكة النوبه بالسودان الي جنوب امريكا عام 291 ق.م اي قبل (1783 ) سنه . من اكتشاف كولمبوس لامريكا في العام( 1492 ) واذا تحدث زملائكم عن قادة النضال الامريكي ضد العنصريه ونعيم الحريه " نحن بحقنا " محمد علي دوسه في القرن التاسع عشر من ابناء قبيلة الزغاوه من منطقة دارفور هو مؤسس صحيفة عالم الزنوج بامريكا مع ماركوس غارفي الجامايكي _ التحية لمحمد علي الزغاوي السوداني الامريكي .
اذا اخذ اصحابكم " البلاك " الامريكان بارود النضال ضد العنصريه " قولوا ليهم نحن" برضو بحقنا
فليكس دارفور " الجواب باين من عنوانه " هو اول شهيد لحركة الزنوجه والافريقانيه وتم اعدامه في هايتي في الموافق 2\9\1822 والاثنين حضورهم في تاريخ حديث ولم يولودوا هنا " فحقو نجعل يوم 2\9 يو م السودان تكريما لفيكس دارفور ..
تعالو ا لتاريخ اجداد اطعموا الجزيره العربيه " اللهم لا مني ولااذي " لدارفور قبل وبعد دخول العرب السودان تاريخ حافل بالامجاد واثار وكهوف جبل مره شاهده علاقة واصاله – فحضارة مملكة الكيرا منها ولد سلطنة دارفور ازدهار الفنون الشعبيه والمهارات الحرفيه انتجت مصنوعات كانت تعرض في اسواق مكه ...
ارفعوا رؤسكم عاليا ان تفاخر شباب المسلمين شعوبهم واممهم في دعم الاسلام " نحن برضو بحقنا" كانت دارفور من اعرق المماللك والسلطنات الاسلاميه " تكسو الكعبه مره كل اربعه سنوات وممالك شمال افريقيا والدوله الفاطميه مره كل اربع اعوام ,, ابار علي في المدينه المنوره غير شاهد علي ذلك ..
ابنائي وبناتي من كل السودان تاريخ دارفور هو تاريخ السودان مثل ما تاريخ النوبه , وكوش, وسنار , والبجه هو تاريخ ابناء دارفور هو تاريخ دارفور وكل ابناء السودان ويحق لكم جميعا الاعتزاز فبينما كانت الامبراطوريه البرطانيه في اشد عزلتها محكومه بالدجل والشعوذه كانت مملكة دارفور في نفس الوقت تدار باحدث القوانيين " دالي " والوثائق السلطانيه لتمليك الحواكير والاعفاء من الضرائب – وكذلك ما يسمي بفصل السلطات في السياسه الحديثه فالفقيه او الفكي يعتبر من علية القوم وهو ما يمثل سلطة المحاكم الشرعيه والاحوال الشخصيه وليس اقل من الشرتاي ما يعرف حديثا بالضابط الاداري .......... هذا الرقي والحضاره الفريده ... بينما نفس الوقت الجزيره العربيه امارات تدار باخلف الاساليب والدسائس ...
اما في التربيه الوطنيه شهد التاريخ السوداني " حديثه وقديمه " ان كل القاده من قبائل دارفور سوي اباله , او مزراعين , عربا ام زرقه , لاقو الموت واستشهدوا مرفوعي الراس دون وجل او خوف في وجه الغزاه والاستعمار ..منهم السلطان ابراهيم قرض اشتشهد في معركة منواشي 1874 ابان الغزو التركي , عبدالله التعايشي – ام دبيكرات 1899 , سلطان دار مساليت – تاج الدين معركة دورتي 1910
السلطان علي دينار جبل مر 1916 , اخر قلاع النضال ضد الغزو البريطاني ,
ابنائي وبناتي ... الحرب في دارفور وكل حروب الدنيا وقودها الشباب وهم القادرين علي حمل السلاح او الذين يهاجرون لاعالة ذويهم وانتم تقع عليكم مسئوليات اكبر واضخم من اي شاب وشابه من بقية اقاليم السودان الاخري – اعالة ذويكم وادراة حركة توحيد كل اهالي دارفور تجاه المطالب الاتيه والعاجله الماء , الغذاء , والدواء , والكساء , والاستقرار وهذه هي الاشياء التي تجمع كل السودانيون باعتبار التصدي للكوارث والحروب شان قومي يهمنا جميعا مثال 2004 ولجنة عم دارفور ,, لا تنعزلوا ولا تبتعدوا عن اي تنظيم اجتماعي او ثقلفي او رياضي يضم السودانيون فالرابطه شان اقليمي يناقش مشالكل الاقليم في حالة مشكلة ارفور يصبح قومي والجاليه لكل السودانيون وهي بمثابة الام التي تحضن كل ابنائها دون تميز لدين او عرق او لون واخر الوصايا عليكم بالداراسه وان ما تقر لا فيك خير لبلدك ولا لاهلك ولا لاقليمك ... ه
|
Post: #6
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: PLAYER
Date: 05-08-2010, 06:07 PM
Parent: #3
مكي
الف مبروك لأبناء دارفور حفلهم الرائع
الدارفوري النشط مكي......قائد أوكسترا الحفل....حيوية ونشاط .............وأناقة.
|
Post: #8
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-08-2010, 06:38 PM
Parent: #6
دارفور العزة وفال
دارفور الفرحك قال
تعالوا نسيب الفتنة
ونرجع زي ما كان
انت الحنان والام
انت القبيلة الواحدة
مختلفة الالوان
|
Post: #10
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 06:59 PM
Parent: #6
Quote: مكي
الف مبروك لأبناء دارفور حفلهم الرائع |
الاخ \ الفاضل عادل بلير
مرحب بيك وجيدا جيت ولقدام
كم اسعدنا اخي حضوركم المشرف و مشاركتكم لنا في تلك الليله
الخالده من ليالي السودان ودارفور بمدينة هيستون
شكري لك ولعموم السودانيون بمدينة هيستون العريقه والمتساميه
بعلو وسموق قاطنيها من بني السودان
_____________
اخي ابن الاكرمين ذو اليد
حبابك اخوي
وشرفت الدار بمقدامكـ وابقي لقدام
تحياتي ومعزتي
مكي مكي
نواصل ......
|
Post: #11
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 09:28 PM
Parent: #10
كلمات رؤساء الروابط .. والجمعيات السودانيه بهيستون الدكتور \ بطرس رئيس المركز السوداني - هيستون 
الاستاذ\ سيف اليزل بايزيد .. رئيس الجاليه السودانيه - هيستون 
كلمة الاستاذ\ سيف اليزل بايزيد بسم الله الرحمن الرحيم السادة الحضور السلام عليكم ورحمة ألله وبركاته فى البدء دعونى أتقدم بوافر الشكر والتقدير للأخوة فى رابطة أبناء دارفور لهذه اللفتة الجميلة منهم وإهداءنا هذه الليلة البيعة والتى تجمعنا فيها كأسرة سودانية واحدة جنوبنا وشمالنا غربنا وشرقنا وهكذا نحن السودانيون قلوبنا مليئة بالمروءة وبالخير دائما أين ما حللنا وكيف ما كنا وشكرا لهذا الكرم الفائض الذى غمرونا به وهذا ليس بغريب على أهل دارفور فهذه بلاد سكنها العلم الوعي والسلطان منذ قرون كثيرة منذ سلطنة التنجر والداجو و سلطنة الفور وكرم وعطاء أهل تلك الديار لم يكن محصورا فى دارفور أو السودان بل تخطى حدود السودان شرقا لتكون كسوة الكعبة الشريفة من نصيب سلطان دارفور وعلينا أن نفخر ونباهى الأمم بذلك فى بلدى يعز غريب الدار ويحب الضيف يخص بآخر قطرة ماء عز الصيف بعشاء الأطفال وببليل البشر وبالترحاب إذا ما رق الحال تذكرت هذه اﻷبيات من الشعر للشاعر صلاح أحمد إبراهيم رحمه ألله عندما زرت دارفور فى أوائل التسعينيات من القرن الماضى هناك يلتقوك الناس ويودعونك بحميمية ﻻ تنساها أبدا ويجودون لك بآخر وأحسن ما لديهم فإنطبق عليهم قول الشاعر تماما وكما ترون فإن هذا العطاء ما زال مستمرا وممتدا وفى هذه المرة امتد غربا ليشملنا اليوم هنا فى هيوستن والثناء أيضا للأخوة ورابطة دارفور أيضا لصبهم الزيت على نيران الوشائج والصلات الموجودة بيننا ونعدكم بأننا سنزيد هذا التواصل زيتا وحطبا من عندنا وفى هذا الصدد نرجو من الأخوة والأخوات من أهل دارفور أن لا يكونوا بعيدين من تكوين لجان الجالية ونرجو أن ينضم إثنين على الأقل من شباب دارفور إلى اللجنة التنفيذة للجالية ,أخيرا أرجو أن يسمح لى الحضور بأن أفتح باب التبرعات للأخوة فى رابطة أبناء دارفور فكما أشركونا الفرحة وجب علينا أن نشاركهم فى تغطية نفقات هذه الليلة أرجو ذلك ,السلام عليكم ورحمة ألله وبركاته 
كمرت \ مايكل ... رئيس الحركه الشعبيه - هيستوننواصل ...........
|
Post: #12
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 10:34 PM
Parent: #11
|
Post: #13
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 11:00 PM
Parent: #12
الاخ .. زاهر " ادروب " ابن شرق السودان كان حاضر يشارك اخوته من ابناء دارفور حفلهم السنوي 
ضيوفنا واصدقاء الرابطه من الامريكان
من اليمين \ الدكتور زهير , عزيز عيسي عضو المنبر , طارق
الاخوين \ عمر عضو الرابطه \ وبار
ونواصل .......
|
Post: #14
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-08-2010, 11:57 PM
Parent: #13
|
Post: #15
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 06:29 AM
Parent: #14
التحيه.. للاستاذ والموسيقار .. هشام الحاوي
الذي جاء قادما من ولاية ايوا لمشاركة رابطة ابناء دارفور في حفلهم السنوي 
التحيه للاستاذ والفنان المبدع دوما .. صلاح مؤمن 
ونواصل .....
|
Post: #16
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 06:59 AM
Parent: #15
فرقة رابطة ابناء دارفور للفنون الشعبيه بهيستون
تتجلي وتبدع في تقديم كل الرقصات الشعبيه لقبائل دارفور في تناغم فريد تجاوب معها جموع الحاضرين
رقصو أ الهجوري ,, والفرنقبيا,, الكجنجنق ,, الكسوكـ ,, والنقاره ,, 
_____ ونواصل ...
|
Post: #17
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Tragie Mustafa
Date: 05-09-2010, 07:28 AM
Parent: #16
والله ما قصرتوا تب يا مكي جميعكم
التحيه لاهل هيوستن المترابطين ومتضامنين ونشيطين.
يا حبيب لم نعد نكتفي بصورك عايزين فيديوهات بعد ده.
بالله شوف لينا صور الشباب البنلاقيهم بالتلفون عشان تعرفنا بيهم
ناس عز الدين وعبد الجبار ...وكل الشلة المباركه بتكساس.
التحيه لرابطة دارفور العملاقه بتكساس.
ويا كمال الدين مصطفى فيك الخير قدرت تشاركهم بهناك.
|
Post: #18
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: حليمة محمد عبد الرحمن
Date: 05-09-2010, 08:17 AM
Parent: #17
يا سلام حفل رائع.. وتلاحم احلى..
والاحلى محافظة الناس على تراثها..
بدءا بالاغاني والرقصات وانتهاء بالتراث
الدافوري الغني (المندولا والاطباق وغيرها.
بالله لو في طريقة نزل فيديوهات للحفل كلو.
-----------
لدي طلب ان شاء الله يتحقق على يديك يا مكي..
ارجو ان تلمني في ايميل او تلفون قريبي
حيدر التجاني ابو علامة دا.. فارقتو
منذ الجامعة وانقطعت طريقة التواصل معه
حتى رأيته الان وقد طار غراب راسه..
يا حيدر مالك يابوي جافل على الكبر دا كدي?.
|
Post: #19
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-09-2010, 02:55 PM
Parent: #17
| Quote: ارفعوا رؤسكم عاليا ان تفاخر شباب المسلمين شعوبهم واممهم في دعم الاسلام " نحن برضو بحقنا" كانت دارفور من اعرق المماللك والسلطنات الاسلاميه " تكسو الكعبه مره كل اربعه سنوات وممالك شمال افريقيا والدوله الفاطميه مره كل اربع اعوام ,, ابار علي في المدينه المنوره غير شاهد علي ذلك ... |
نعم دارفور حاضرة في ارض الحرمين
السلطان على دينار
هو اول سوداني يكسي الكعبة المشرفة
واباره هو لاهل المدينة
|
Post: #20
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: بريمة محمد
Date: 05-09-2010, 05:35 PM
Parent: #19
سلام يا مكى ..
شايف بنات البقارة ..
بريمة
|
Post: #21
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 06:56 PM
Parent: #20
Quote: سلام يا مكى ..
شايف بنات البقارة ..
بريمة |
بريمه .. سلامات
السودان كلو كان موجود في ذاكـ اليوم
وفوتكـ بعافيه
|
Post: #22
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: بريمة محمد
Date: 05-09-2010, 07:12 PM
Parent: #21
مكى
الجماعة حتو حت ..
المرة الجاية لازم تعزمونا ناس واشنطن .. وفرقتنا بتاعت المردوم البقارى جاهزه موية ونور ..
بريمة
|
Post: #23
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 07:28 PM
Parent: #22
Quote: يا سلام حفل رائع.. وتلاحم احلى..
والاحلى محافظة الناس على تراثها..
بدءا بالاغاني والرقصات وانتهاء بالتراث
الدافوري الغني (المندولا والاطباق وغيرها.
بالله لو في طريقة نزل فيديوهات للحفل كلو.
-----------
لدي طلب انشاء يتحقق على يديك يا مكي..
ارجو ان تلمني في ايميل او تلفون قريبي
حيدر التجاني ابو علامة دا.. فارقتو
منذ الجامعة وانقطعت طريقة التواصل معه
حتى رأيته الان وقد طار غراب راسه..
يا حيدر مالك يابوي جافل على الكبر دا كدي?.
|
الاستاذه الفاضله .. حليمه عبدالرحمن
لك شكري علي جميل الاطلاله وما سطرتيه من جميل كلمات
وحفلنا كان يوما ومدرسه للاجيال القادمه
حلقوا معنا حول تاريخ السودان ودارفور ذات الحضاره
العريقه والخالده خلود التاريخ ..
وكل المساعي جاريه لتحضير الفيديوهات وانزالها
وقريبكم ,, الاستاذ ابو علامه ,, بخير وتلفونو
تجديه علي الماسنجر
وابقي بعافيه ...
|
Post: #24
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Luay Elhashimi
Date: 05-09-2010, 07:36 PM
Parent: #23
كانت امسيه جميله جيده التنظيم...شكرا لذلك الجهد الجبار يا ابناء وطني عيال دارفور.
|
Post: #26
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 08:10 PM
Parent: #24
| Quote: كانت امسيه جميله جيده التنظيم...شكرا لذلك الجهد الجبار يا ابناء وطني عيال دارفور |
با شمهندس لوئ الهاشمي ..
شكرا لحضوركم الانيق ومشاركتكم لنا في تلك الامسيه السودانيه الدارفوريه
كان لحضوركم وقع الصدي في نفوسنا.......
شكرا شكرا شكرا ودامت ليالي السودانيون بهيستون العريقه
صوره تجمع من الشمال,, الباشمهندس لوئ الهاشمي عضو المنبر وصديقه مهندس اميقو ......
سلام كتير....
|
Post: #96
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: بريمة محمد
Date: 06-08-2010, 03:32 AM
Parent: #22
|
Post: #93
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-29-2010, 10:44 PM
Parent: #19
خالد حنظل
رئيس رابط دارفور بتكساس
في صورة تذكارية في كتم
|
Post: #25
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 07:42 PM
Parent: #17
Quote: والله ما قصرتوا تب يا مكي جميعكم
التحيه لاهل هيوستن المترابطين ومتضامنين ونشيطين.
يا حبيب لم نعد نكتفي بصورك عايزين فيديوهات بعد ده.
بالله شوف لينا صور الشباب البنلاقيهم بالتلفون عشان تعرفنا بيهم
ناس عز الدين وعبد الجبار ...وكل الشلة المباركه بتكساس.
التحيه لرابطة دارفور العملاقه بتكساس.
ويا كمال الدين مصطفى فيك الخير قدرت تشاركهم بهناك. |
الجسوره تراجي بنت مصطفي
حبابكـ وحباب الجيه ....
وشكرا علي كلمات الاطراء الصادقه ........
شيم التضمان والترابط والتلاحم هي ميزه من ميزات سودانيي هيستون
بمختلف مشاربهم ,, واعراقهم ,, ودياناتهم ,, يتسامون كعادتهم وتجدهم سويا
في الافراح والاكره لا يفرقهم انات الحياة وشيمتهم التسامح دوما
والشباب كلهم يسلموا عليك وافتقدوكي ليلتها ..
الاستاذ عبدالجبار كان حاضرا تكبد مشاق السفر هو واسرته قادما الينا من " دلاس "
والتحيه من قبل للاستاذ كمال الدين مصطفي الذي قطع الاميال والمسافات قادما الينا
من ولاية انديانا هو اسرته الكريمه وكانت لمشاركته وقعا خاص في نفوس ابناء دارفور
دارفور بهيستون ,,,,,,,
ابقي قريب ..........
|
Post: #27
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Mohamed Suleiman
Date: 05-09-2010, 08:23 PM
Parent: #25
الأخ العزيز مكي أبراهيم مكي
لك التحية و الإحترام
و التحية لكل الدارفوريين و الدارفوريات بهيوستن ..
|
Post: #32
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 10:20 PM
Parent: #27
Quote:
الأخ العزيز مكي أبراهيم مكي
لك التحية و الإحترام
و التحية لكل الدارفوريين و الدارفوريات بهيوستن .. |
الاخ الجسور \ محمد سليمان ..
لك التحيه والتقدير ..
افتقدناكم في ذاك اليوم العظيم
وتحاياتكـ سوف تصل الي افراد واعضاء كوكبة ابناء دارفور بهيستون ..
وابقي بعافيه ......
|
Post: #28
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 08:31 PM
Parent: #25
خيمة دارفور تستضيف الشاعران الدارفوريان
الشبل اسامه كمال الدين مصطفي ووالده كمال
اللذان قدما من ولاية انديانا لمشاركة رابطة ابناء دافور بهيستون احتفالهم السنوي
القي الطفل النابغه اسامه بن كمال قصائد ثوريه تمجيدا لدارفور الماضي والحاضر ,,وثوارها الاماجد .. الهب بها جموع الحاضرين .........h 
شاعرنا النابغه ...اسامه كمال الدين مصطفي يلقي احدي قصائده يعنوان دارفور يا بلد الجدود
دارفــــــــــور يا بلــــــــــــد الجـــــــــدود
دارفور يا بلد الأشــــــــاوس والأســــــــود
دارفـــور يا بلد التاريخ والماضـــــــي التـليد
دارفـــــور يا دار القـــــــــرآن والمسيــــــد
يـــا دار إرث وحضــــــارة وتقـــالـــــــــيــد
بك عــــاد للوطـــــــن العـــــز والتمجـــــيد
بجحافل جيشك أتى الاستقلاك فكان لنا نشيد
بطيب أرضك وكرم أهلك حـــط بكي العديد
كنت منارة للعلم والحضارة لمن أراد المزيد
كنت ملاذا لكل من إستجـــــار بكي من بعيد
أنت واحة خير والـــرزق فيــــــكي مديــــد
نجدت الأمـــة في الأزمــــات وكنت الوحيد
وما زلت تقدمين ويقـــدم أبـــنــائك المفيــــد
ولكن الظلم تفشى ولأجــلك نصمد ولن نحيد
تكبر الأخ وقطع الرحم وتوعد وكاك التهديد
تشرد النفر وغدر وقــــتل القريب قبل البعيد
هب الجمع لأجلك وأتى كل قاصي وداني بجديد
ولكن إختلف القــــــوم وضاع الأمر بالتعقيد
والجرح ينزف منكي ونحن نــكـــــرر ونعيد
إلى متى سننتظر المعجزات و تنصنع التقليد
أما آن لنا يا أخوة الحكمة والرأي الســـــديــد
أليست دارفـــور لنا أرض ووطن مجيـــــــد
|
Post: #29
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: عبدالكريم الامين احمد
Date: 05-09-2010, 08:46 PM
Parent: #28
تحياتي يا مكي والتحايا لكل الاخوة والاخوات بهيوستن
وسلام خاص وشوق كثيف للاخ الصديق والدفعة المهندس صلاح الذي اتاح لنا بوستك هذه رويته بعد سنين طويلة خلاااص..
وكل الاشواق والتحايا يا ابو صلاح
|
Post: #30
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 08:52 PM
Parent: #28
دارفور غنيه بشعرها وشعرائها .....
ويكفيها فخرا انجاب محمد مفتاح الفيتور " عاشق افريقيا "
ابن مدينة دارندوكا بلد السلطان بحر الدين سلطان دار مساليت ,, و حرس البوابه الغربيه ,,
تطرقنا في بحور الشعراء والشعراء بدارفور باستضافة الكاتب والشاعر كمال الدين مصطفي
وغوصنا في اعماق الشعر الدارفوري ,, وتحدثنا عن مجالس البرامكه ,, والهدايين ,, والشوبايين
والمقوقنا ,," وفاطنه فور " بنت مدينة الفاشر مؤلفة قصيدة ( صول شريف لو راي كمل جيبو لي شلايتوا من دار قمر)
تلك القصيده التي لحنها الموسيقار السواني اسماعيل عبد المعين واصحبت فيما بعد مارش للعسكريه السودانيه
وقيل ايضا البحريه الامريكيه ......
من داخل خيمة دارفور ..._ صوره لي مع الاستاذ الشاعر والكاتب الصحفي _كمال الدين مصطفي
احدي قصائد كمال الدين الذي قام بالقائها في تلك الليله الدارفوريه دارفور المنكوبة
كمال الدين مصطفى
فورت وين ـ ولاية إنديانا
الولايات المتحدة الامريكية
أرواح تزهق ودماء تسفك وتســــــــــــال
وأنتم في شقاق ونفــــاق وجــــــــــدال
أعفا عنكم الدهر وضاق بكم المجال
أم إستكنتــــــم ورضـيتـــــــم بالحـــال
آلام وأحزان تغني عن الســــــــؤال
وأشباح فقدت فقدت كل حتــــى الآمال
أشعلتم نارا ووعدتم بالاحتمــــــــال
واليوم وقفـتم منها موقـــف العيــــــال
عقدتم العزم وجزمتم بالأعمـــــــال
فكبوتم وما زلـتم تستعصون المـــــنال
فإن كان هذا هو المسار فهو الزوال
ولا يغنى عنا التاريخ وأمجاد الأبطال
الذين جمعوا الكلمة والحكمة والصبر على القتال
فأورثوكم عزة وكرامة فأضعتموها بإهمـــال
ضاع النفس والزرع والضرع والمال
وتدثرنا ثوب الفرقة والمهانة والإذلال
كان لنا الشأن والحدث قبل المقال
وهانحن اليوم نسبى وندنس ونغتــــال
فالرجاء وحده ومن المولى المتعال
وهيهات أن تصحى ضمائر إشترتها الأموال
ونواصل..........
|
Post: #31
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-09-2010, 10:12 PM
Parent: #30
Quote: تحياتي يا مكي والتحايا لكل الاخوة والاخوات بهيوستن
وسلام خاص وشوق كثيف للاخ الصديق والدفعة المهندس صلاح الذي اتاح لنا بوستك هذه رويته بعد سنين طويلة خلاااص..
وكل الاشواق والتحايا يا ابو صلاح |
الاخ الفاضل مهندس \ عبد الكريم كيكي
شكرا علي جميل التحايا .. واطلالتكـ المشرقه
وتقبل تحايا المهندس .. صلاح تبن فهو بعافيه وركيزه من ركائز
رابطة دارفور بهيستون ..
لك التجلي ....
|
Post: #33
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: الصادق ضرار
Date: 05-10-2010, 01:12 AM
Parent: #31
حبابكم عيال
الى الامام متوشحين بتراثكم و قيمكم
|
Post: #34
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: elsharief
Date: 05-10-2010, 01:56 AM
Parent: #33
الأخ مكي
التهنئة لكم بنجاح هذا العمل الرائع, وسلامنا الى ود الهند الأخ والصديق أحمد تلس
|
Post: #37
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 03:12 AM
Parent: #34
Quote: الأخ مكي
التهنئة لكم بنجاح هذا العمل الرائع, وسلامنا الى ود الهند الأخ والصديق أحمد تلس |
الاخ \ الشريف ....
سلامات وعوافي وعساك طيب ....
شكرا علي طلتك وتشجيعك .....
وصديقك احمد تلس في احسن احواله .....
وجميل تحاياكم وصلت للاخ احمد تلس ...........
خالص الوداد ____
|
Post: #35
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 02:22 AM
Parent: #31
|
Post: #36
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 03:00 AM
Parent: #35
Quote: حبابكم عيال
الى الامام متوشحين بتراثكم و قيمكم |
الاخ \ الصادق ضرار
لك اجزل التحايا والاحترامات
عيال دارفور بهيستون دائما نجدهم متمسكون بقيمهم وعادتهم وتقاليدهم السمحه...
تلك الموروثات والثقافات المتباينه تيجان فخر نضعه علي رؤوسنا اينما حللنا........
ونفاخر بها الاممم ......
ابقي في الداخل ..........
|
Post: #38
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Mannan
Date: 05-10-2010, 03:19 AM
Parent: #35
الشاب الرائع مكى مكى
عبرك احيى شباب دارفور على هذا الحفل الراقى الذى يجسد جمال دارفور الجريحة التى نكل بها الجنجويد وظلاميو الجبهة الإسلامية... ستبقى دارفور اقوى منهم وستعود الى جمالها وبهائها وسلامها ... نحييكم جميعا ونرجو ان يقيم ابناء دارفور فى شرق امريكا حفلا مماثلا يعكس وجه دارفور الحقيقى ... واشنطن تحتاج الى مظاهرة دارفورية غنائية ضخمة بمشاركة أطياف السودان الاخرى...
ساتصل بك مع شكرى..
نورالدين منان
|
Post: #39
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Sudany Agouz
Date: 05-10-2010, 04:06 AM
Parent: #38
الأخ الكريم مكى ..
أولاً ألف ألف مبروك لنجاح الحفل الباهر .. والذى رفع رؤسنا عالياً .. ولاسيما وأنا عشت أجمل سنين عمرى
متنقلاً بين قرى ومدن دارفور العزيزة علىّ .. بل أننى تعلمتُ الكثير من طيب معشر أهلها .. ولا يمكن بحال من
أن أنسى تلك الفترة الزاخرة بالمحبة الأخوية .. وأننى أود أن أذكر والدى رحمه الله .. والذى خدم كثيراً كناظر لبعض
المدارس الأولية والخاضعة للتربية والتعليم .. وكم من أجيال خرجها أرجانوس جبران .. رحمه الله رحمة واسعة ..
ثانياً : يعز علىّ من الاخوة الأعزاء المقيمين فى مدينة هيوستن .. والذين تربطنى بهم صداقة قوية .. لا أحد منهم قام بالاتصال
بى بخصوص هذا الحفل .. وهم يعلمون جيداً.. أننى لا يمكن بحال من الأحوال التقصير فى الحضور ولاسيما إن كنت أعلم
أن هذا الحفل كان لأبناء دارفور ..
ولكن .. زى ما بنقول معليش .. يمكن نسوا .. وهم فى خضم مشاغل هذه الحياة .. مرة أخرى أجمل التهانى لأبناء دارفور الأعزاء ..
عمومياً ما مشكلة .. وما هى الا كلمة عتاب بسيطة للاخوة الأحباب ..
وشكراً جزيلاً ..
أخوكم وعمكم
ارنست
|
Post: #40
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 05:04 AM
Parent: #39
Quote: الأخ الكريم مكى ..
أولاً ألف ألف مبروك لنجاح الحفل الباهر .. والذى رفع رؤسنا عالياً .. ولاسيما وأنا عشت أجمل سنين عمرى
متنقلاً بين قرى ومدن دارفور العزيزة علىّ .. بل أننى تعلمتُ الكثير من طيب معشر أهلها .. ولا يمكن بحال من
أن أنسى تلك الفترة الزاخرة بالمحبة الأخوية .. وأننى أود أن أذكر والدى رحمه الله .. والذى خدم كثيراً كناظر لبعض
المدارس الأولية والخاضعة للتربية والتعليم .. وكم من أجيال خرجها أرجانوس جبران .. رحمه الله رحمة واسعة ..
ثانياً : يعز علىّ من الاخوة الأعزاء المقيمين فى مدينة هيوستن .. والذين تربطنى بهم صداقة قوية .. لا أحد منهم قام بالاتصال
بى بخصوص هذا الحفل .. وهم يعلمون جيداً.. أننى لا يمكن بحال من الأحوال التقصير فى الحضور ولاسيما إن كنت أعلم
أن هذا الحفل كان لأبناء دارفور ..
ولكن .. زى ما بنقول معليش .. يمكن نسوا .. وهم فى خضم مشاغل هذه الحياة .. مرة أخرى أجمل التهانى لأبناء دارفور الأعزاء ..
عمومياً ما مشكلة .. وما هى الا كلمة عتاب بسيطة للاخوة الأحباب ..
وشكراً جزيلاً ..
أخوكم وعمكم
|
الحبيب إبن الحبيب إبن دافور: آرنست جبران لك العتبى حتى ترضى. سلام و شوق كتير يا أستاذي. نحن نقر و نعترف إنه قصرنا في حقك، لكننا لم نتجاهلك عمداً إنها المشغولية و تراكم الواجبات و التدابير الخاصة بالحفل كانت معقدة و مكلفة من ناحية الزمن و المجهود، ,واخونا مسئول الإعلام كان تحت ضغط هائل من أجل الإمساك بكل تفاصيل الحفل فتم ما إردناه و الحمد لله!!!! لكن إن يغيب عن الحفل آرنست، والله خسارة نتأسف له، لكن لا بأس علينا ولا بأس عليك موعدنا Darfurian Memorial Day في سبتمبر 2010 و السنة القادمة أنت أول المدعوين لــ Darfurian Annual Party
وسلاما سلاما سلاما لمربي الاجيال الدارفوريه والدكم " جبران " في سفر الخلود
لك عامر الود ______
|
Post: #41
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ادم الهلباوى
Date: 05-10-2010, 05:13 AM
Parent: #40
رائع : فرنقبية ولوجى وكسوك آخر السطا
نحن زمان شن قلنا ( الضل ولا بندفن )
تحياتى لأبناء دارفور بهوستن وفى كل مكان
..
|
Post: #42
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Sudany Agouz
Date: 05-10-2010, 05:19 AM
Parent: #41
الأخ الحبيب مكى ..
يا سلام يا أخى ..
أشكركم أخى .. بل وأننى أكبر فيكم إعتذاركم المتواضع ..
والجايات أكتر من الرايحات .. إن شاء الله ..
والرب يبارك حياتكم ويكللها بكل نجاح ..
عمكم
أرنست
|
Post: #44
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 07:15 AM
Parent: #41
Quote: رائع : فرنقبية ولوجى وكسوك آخر السطا
نحن زمان شن قلنا ( الضل ولا بندفن )
تحياتى لأبناء دارفور بهوستن وفى كل مكان
|
حكيمنا الزعيم ادم الهلباوي ...
جيدا جبيت ومر حبابك عشره ....
يا,, ولدمي مثلا الدارفوري بقول ( نٍمر كَان ماتت كُلو جلدايتو أرقطْ )
فتلك هي الصامده .. امنا دارفور ظلت شامخه علي طوال التاريخ وماوهنت ولا استكانت وسوف تظل سامقه غير عابهه
بغدر وجور الطغاه من الحاكمين وسوف تسير سفينة دارفور وتعبر حواجز الظلمات وكيد الكائدين الي بر الامان
وكل من يحاول تغير مسار التاريخ فهو يحاول طمس نفسه ,, والكبير كبير !!!!!!
و يا ود ابوي بلدنا جبل ما بهز ساسو "ام عجاجيه"
وابقي في الداخل
التقيل جاي وراء.....
|
Post: #43
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 05:42 AM
Parent: #38
معالي حضرة السفير و الزعيم الكوشي .. نور الد ين منان
نصير الحق الدافوري و رفيق النضال من أجل العدل و السلام العادل لكل ربوع هامشنا السوداني ، لك تحية أخوية و أشواق تسد الأفق
تلك هي دارفور كما الابنوسه في صمودها سامقه شامخه ولن تنكسر عودها مهما تكالبت عليها المظالم وجور بني القربي ,, حتما سوف تنتهي سنون المعاناة ونزيف الدماء وحياة التشرد ,, وتعود دارفور الي سيرتها الاولي ,, سيره عريقه سطرها واباء اجداد عظماء بعظمة تلك الارض ..........
و حقيقة ثقتنا أكيدة في دارفوري الشرق و الشمال الأمريكي بأنهم سيغردون بسرب دارفور عالياً في كل المحافل الإجتماعية و السياسية و غيرها.
لك عميق امتناني وعظيم احتراماتي ,,
|
Post: #45
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: othman mohmmadien
Date: 05-10-2010, 08:30 AM
Parent: #43
يا ناس أمريكا...
ويا أهلنا من دارفور سلام ومحبة ووئام - وود
سلام .. قمة البهجة ... ربنا يديم الفرحة ... في بلد الحرية والجمال ...
مكن تساعدونا بالحصول على عنوان الأخ/ طارق عبدو محمد سليمان ... يقال أنه في
إلينوي , Illinois
يرجى إعطائه تلفون : الأخ أمير حميده
00967733883048
أو عثمان عبد الرحمن:
00967777153863 - 00967700659602
|
Post: #46
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-10-2010, 06:37 PM
Quote: يا ناس أمريكا...
ويا أهلنا من دارفور سلام ومحبة ووئام - وود
سلام .. قمة البهجة ... ربنا يديم الفرحة ... في بلد الحرية والجمال ...
مكن تساعدونا بالحصول على عنوان الأخ/ طارق عبدو محمد سليمان ... يقال أنه في
إلينوي , Illinois
يرجى إعطائه تلفون : الأخ أمير حميده
00967733883048
أو عثمان عبد الرحمن:
00967777153863 - 00967700659602 |
الاخ الفاضل \othman mohmmadien
هي كانت لحظات من التسامي فوق الجراحات وانين اهلنا الغلابه المقهورين
رقصنا فيها علي انغام ,, ورقصات نقارة الزغاوه,, وبردية الداجو ,, وكسوك الفور
وكاتم البني هلبه ,, وهجوري التنجر ,, كجنجنق المساليت ,, ونقارة التاما ,, وكل قبائلنا وتمازجنا المتنوع
غالبا فيها الاحزان ودوسنا بارجلنا علي لاحزان وتسامينا فوق الانات ,, وعودنا بدارفور الي سابق عهدها
فيما يخص سؤالك عن الاخ طارق عبدو سوف نقوم بالبحث والسؤال عنه عبر اخوة لنا في ولايه Illinois
ونفيدكم اشاء الله .....
خالص الود
|
Post: #47
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 02:46 AM
Parent: #46
*****الوفاء لاهل العطاء *****
*****تكريم اعضاء الرابطه*****
********قام اعضاء المكتب التنفيذي الجديد بتكريم اعضاء المكتب السابق *********
*********عرفانا لهم لما بذلوه من جهدا للارتقاء بالرابطه وخدمة المجتمع الدارفور********
اعضاء المكتب التنفيذي الجديد....
يصطفون من - الشمال- لتكريم رفقائهم اعضاء المكتب السابق
من الشمال- اخلاص \ الاخ خالد حنظل.. رئيس الرابطه\ الصادق جمعه.. امين الشئون الاجتماعيه \ احمد تلس ..رئيس اللجنه الاستشاريه
الاستاذ\ ادم بابكر .. عضو مؤسس للرابطه ... 
مهندس\ صلاح تبن .. امين الشئون الاجتماعيه السابق ... 
الاستاذ\ اسماعيل نائب رئيس الرابطه السابق ....... 
مهندس \ ابراهيم زكريا .. عضو مكتب تنفيذي سابق ....... 
الاستاذ\ سليمان عوض الله .. امين الاعلام السابق ....... ........ نواصل ..........
|
Post: #48
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 03:45 AM
Parent: #47
***** تكريم اعضاء اللجنة الاستشاريه السابقه لرابطة ابناء دارفور بهيستون*****
****الاستاذ\ الرشيد الضو .. عضو المكتب الاستشاري السابق***
****الاستاذ\ احمد ضوالبيت ..عضو المكتب الاستشاري السابق *** 
***الاستاذ\ محمد احمد الجعلي ..عضو المكتب الاستشاري السابق *** 
*** الاستاذ\ موسي ..عضو المكتب الاستشاري السابق*** 
***الاستاذ\ حامد ادريس .. رئيس اللجنه الاستشاريه لرابطة ابناء دارفور السابق ***
|
Post: #50
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 04:22 AM
Parent: #48
**** يمتد تكريم رابطة ابناء دارفور ليشمل رجال اكارم واصحاب فضل ****
++++++ ساهمو في دفع مسيرة الارتقاء بالمجتمع السوداني بمدينة هيستون+++++
******* كرمتهم رابطة ابناء دارفور تقديرا,, ووفاءا ,, وعرفا لهم علي بذلوه من عطاء منقطع النذير ***** 
** كمرت .. اجاك .. يتسلم الشهادة التقديريه لجالية ابناء جنوب السودان .. بهسيتون ** 
**الدكتور .. بطرس جوك .. رئيس المركز السوداني ** 
**الدكتور .. جمال الماحي .. الرئيس الاسبق للجاليه السودانيه .. بهيستون**..... نواصل......
|
Post: #51
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 05:19 AM
Parent: #50
****كرمت الرابطة كل ****
**الاستاذين الموسقيين الموسيقار هشام الحاوي والفنان صلاح مؤمن **
** اصدقاء الرابطه وابناء دارفور بالتني !! علي مشاركتهم لنا في حفلنا السنوي **
******* وتكابدهم مشاق التسفار من ولايات امريكا البعيده للوقوف معنا********
======== * وكرمت الرابطة كل من الاستاذ والشاعر والكاتب الصحفي كمال الدين مصطفي عن دفاعه* ========
+++++++المستميت عن قضايا دارفور عبر قلمه الشجاع ++++++++
**********والشبل من ذلك الاسد .. الشاعر اسامه كمال الدين***********
"""""الموسيقار الخلوق ... هشام الحاوي """"" 
******المبدع والرائع كالعاده ,,الفنان .. صلاح مؤمن ******
****** الكاتب الصحفي كمال الدين مصطفي *****
******** فارس الكلمه الواعد .. اسامه كمال الدين مصطفي ***********......... نواصل.............
|
Post: #49
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: الغالى شقيفات
Date: 05-11-2010, 04:02 AM
Parent: #47
الاخ مكى تحية عطرة
اولا التهنئة عبرك الى كافة اعضاء الرابطة بنجاح البرنامج وتحريك نشاط الرابطة التى قفزت الى مقدمة الروابط بعزائم منسوبيها
شكرا لك اخى مكى وانت تنقل ثراث دارفور وتشاركون اخوانكم من ابناء السودان فى برامجكم كنقلة ممتازة
ويومكم كان يوم دارفور الكبير والتسامى فوق الجراحات نبع الان من القواعد
نقلت ثراث دارفور والاهازيج وكما ذكرت الاخت تراجى الفيديو مطلوب ليسمع الناس من حولكم اشعار الحكامات والهدايين والسناجكة والطمباريين وفنانى الفرنقبية وما قمتم به عمل جيد جلبتم الثراث بحق وحقيقة من المدقاقة والمكشاشة بضم الميم وما قبله ايضا بضم الميم والمندولة والحجبات (الورق) البرتال والطبق والبرش والكاس والتكلاى وغيرها
لكم التحية ونقول يا ناس نيويورك امسكو الخشب
|
Post: #52
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 05:46 AM
Parent: #49
Quote: الاخ مكى تحية عطرة
اولا التهنئة عبرك الى كافة اعضاء الرابطة بنجاح البرنامج وتحريك نشاط الرابطة التى قفزت الى مقدمة الروابط بعزائم منسوبيها
شكرا لك اخى مكى وانت تنقل ثراث دارفور وتشاركون اخوانكم من ابناء السودان فى برامجكم كنقلة ممتازة
ويومكم كان يوم دارفور الكبير والتسامى فوق الجراحات نبع الان من القواعد
نقلت ثراث دارفور والاهازيج وكما ذكرت الاخت تراجى الفيديو مطلوب ليسمع الناس من حولكم اشعار الحكامات والهدايين والسناجكة والطمباريين وفنانى الفرنقبية وما قمتم به عمل جيد جلبتم الثراث بحق وحقيقة من المدقاقة والمكشاشة بضم الميم وما قبله ايضا بضم الميم والمندولة والحجبات (الورق) البرتال والطبق والبرش والكاس والتكلاى وغيرها
لكم التحية ونقول يا ناس نيويورك امسكو الخشب |
الغالي ,, ياغالي يا وليد دارفور ....
حقنا ما لينا غيره نتمسح بيهو و نفاخر و نحن حيلنا هيلنا وضراعنا أخونا وما يلزمنا عدو من بينا . قدرنا نلم ناسنا على الحد الأدني من المشتركات بينا على أمل أنّ يوماً ما و قربياً بإذن الله سوف نصطف على صعيد واحد بل على قلب رجل واحد ، و مالو التاريخ ما يكرر نفسه و يحسن لصّناعُه بفرصة و لو أخيرة لنهدي الناس تفسير مبسط و واقعي لمعني الخلافة في الأرض و العيش بسلام مع النفس و العالم.
وشد حيلك موعدنا لليوم الكبير شهر 9 الجاي ...
عشان تجو تحضروا ذكري يوم دارفور العالمي معنا بجاي ......
تقيل بعافي ود ابوي .....
|
Post: #53
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: othman mohmmadien
Date: 05-11-2010, 06:50 AM
Parent: #52
Quote: هي كانت لحظات من التسامي فوق الجراحات وانين اهلنا الغلابه المقهورين
رقصنا فيها علي انغام ,, ورقصات نقارة الزغاوه,, وبردية الداجو ,, وكسوك الفور
وكاتم البني هلبه ,, وهجوري التنجر ,, كجنجنق المساليت ,, ونقارة التاما ,, وكل قبائلنا وتمازجنا المتنوع
غالبا فيها الاحزان ودوسنا بارجلنا علي لاحزان وتسامينا فوق الانات ,, وعودنا بدارفور الي سابق عهدها
فيما يخص سؤالك عن الاخ طارق عبدو سوف نقوم بالبحث والسؤال عنه عبر اخوة لنا في ولايه Illinois
ونفيدكم اشاء الله .....
خالص الود |
شكرا لك أخي الحبيب مكي ...على هذا الاهتمام ... ولتقريب الأمر للسؤال عن الأخ طارق ... فهو من أبناء الشرق "بورتسودان" ..لأنني علمت أن إلينوي ولاية كبيرة جدا ...
الانين يا مكي ممتد ومتفرع بين كل القارات فلن تطئ قدمك بلد أو مكان إلا وتجد أهلك من كل السودان ...وآهات الشوق الجارفة لماض جميل ...يهمسون بحياء ... يصخبون بسكون ... آهات آليمة في القلب ... يتداعى لها سائر الجسد بالسهر والحمى ... في الخاطر عشق ... وفي الضلوع أمنيات ... وعذاب وشجون بين الجوانح ..... نستلطف قدرنا والعذاب ليرحم شوقنا القلب ... الذي ينادي بالعشق لمكان فسيح يدعى السودان ... ولمكان محدود سكناه وسكن في قلوبنا أجمعين يمتد ما بين نمولي وحلفا ... فهل يا ترى سيظل راسخاً قويا متماسكاً .... لا أظن ... التحية لكم أهلي من دارفور >>>>>> والى الأمام
|
Post: #54
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 08:59 AM
Parent: #53
Quote: شكرا لك أخي الحبيب مكي ...على هذا الاهتمام ... ولتقريب الأمر للسؤال عن الأخ طارق ... فهو من أبناء الشرق "بورتسودان" ..لأنني علمت أن إلينوي ولاية كبيرة جدا ...
الانين يا مكي ممتد ومتفرع بين كل القارات فلن تطئ قدمك بلد أو مكان إلا وتجد أهلك من كل السودان ...وآهات الشوق الجارفة لماض جميل ...يهمسون بحياء ... يصخبون بسكون ... آهات آليمة في القلب ... يتداعى لها سائر الجسد بالسهر والحمى ... في الخاطر عشق ... وفي الضلوع أمنيات ... وعذاب وشجون بين الجوانح ..... نستلطف قدرنا والعذاب ليرحم شوقنا القلب ... الذي ينادي بالعشق لمكان فسيح يدعى السودان ... ولمكان محدود سكناه وسكن في قلوبنا أجمعين يمتد ما بين نمولي وحلفا ... فهل يا ترى سيظل راسخاً قويا متماسكاً .... لا أظن ... التحية لكم أهلي من دارفور >>>>>> والى الأمام |
عزيزي عثمان ... يكفيني ماسطرته من جميل عبارات صادقه...
ولك عميق امتناني وجزيل تشكراتي ...
كل الود لكـ ......
|
Post: #55
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-11-2010, 04:55 PM
Parent: #54
.....ونواصل.....
|
Post: #56
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-11-2010, 09:33 PM
Parent: #55
اثلجتوا قلوبنا وثبتوا افاقنا فرحاً وطرباً
وبل ليلة من ليالي الفركنبية
اي كرقص هجوري
وانتم تتوحدن من اجل السودان
وبل كرم شعب دارفور التى جمعتكم بالاصول
فلكم عبق التحايا والكلمات
تحياتي
ذواليد
|
Post: #57
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Tragie Mustafa
Date: 05-12-2010, 03:21 AM
Parent: #56
وليبقى عاليا تقدير لجهود الاخوة رابطة ابناء دارفور
بمدينة هيوستن ولاية تكساس.
|
Post: #58
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-12-2010, 05:11 AM
Parent: #57
...استراحه مع الفنان القادم من ولاية كلورادو ...
.....الفنان خالد البنا ابت نفسه الا ويشارك رابطة......
...........ابناء دارفور بهيستون في حفلهم السنوي ..........
الحضور الكريم,, وخالاتنا,, وعماتنا,,واخواتنا في اخر انسجام مع الفنان خالد البنا
الامين المالي السابق للرابطه ,, العريس عبدالعزيز خميس وعروسته تسنيم اسماعيل
عرسان هيستون 2009 يردون الجميل لكل الذين شاركوهم في حفل زفافهم من اربعة اشهر مضت ,,
الاخ ادم بابكر ,, والامورتان رنا وريما بنات الاستاذ عبد الجبار صديق رئيس منظمة غرب السودان للرعايه والاغاثه
جاءنا قادما من دلاس ليشارك اخوته من دارفور بمناسبة حفلهم السنوي ,,
الزميل الفاضل .. هواري نمر.. صديق الرابطه و (عضو المنبر العام) والاخت .. نسيبه ياسين ,, .....ونواصل .....
|
Post: #59
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-12-2010, 06:09 AM
Parent: #57
Quote: وليبقى عاليا تقدير لجهود الاخوة رابطة ابناء دارفور
بمدينة هيوستن ولاية تكساس. |
ام حازم وسند ..
مرحب بيك في دارنا العامر بوجودكم
وتقبلي تحايا وسلامات كل الشباب واعضاء رابطة ابناء دارفور بمدينة هيستون العريقه ,,
لك شكري يا اختاه .....
|
Post: #60
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-12-2010, 06:27 PM
Parent: #56
Quote: وبل ليلة من ليالي الفركنبية
اي كرقص هجوري
وانتم تتوحدن من اجل السودان
وبل كرم شعب دارفور التى جمعتكم بالاصول
فلكم عبق التحايا والكلمات
تحياتي
ذواليد |
ذو اليد.. يا حبيب ..
وهذا هو داب اهل دارفور وجموع اهل السودانيون
في حلهم وترحالهم ..
وكانت لحظات عيدنا فيها ماضي وصحائف من تاريخ ....
تلك الامه الشامخه وسيرة بطولات عظمائها من الابطال والشهداء .....
الذين سطروا اسمائهم باحرف من نور علي جبين السودان .....
شكرا علي الاطلاله وعسي عن يطيب لك المقام في خيمتنا الدارفوريه
|
Post: #61
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-12-2010, 07:49 PM
Parent: #60
كنت لا اعلم تاريخ اجدادنا
ولكن علمت اخيراً
من ابناء دارفور بتكساس
وان اجدادنا عبروا المحيط
من اجل الانسانية
وهكذا التاريخ يحفظ حقوقهم
ولكم التحية ايها المؤرخ وابن السلاطين (مكي ابراهيم مكي)
|
Post: #62
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-13-2010, 01:31 PM
Parent: #61
شعوب دارفور المناضلة هم اول من عبرو المحيط لمناصرة الافريقين في امريكا
|
Post: #63
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: الصادق الزين
Date: 05-13-2010, 03:28 PM
Parent: #62
الاخ مكى ..
التحيه والانحنائه ارسلها عبركم
لاخواننا فى رابطةابناء دارفور بهيوستن.
جد انه عمل رائع ومقدر تستحقوا عليه
الثناء والتمجيد, يومكم لم يكن فقط
حفل وانما كان نقل لايقاع حياة دارفور
السابقه والموقله فى التاريخ قدما
فهو عمل متحفى, ثقافى, سياسى بكل ما
تحمله هذه الكلمات من معانى .
عظمة ونجاح يومكم يدلل على ان خلف هذا
العمل فكر و رؤيه و انسجام .
سررت جدا للخطاب الضافى الذى القاه
الاخ خالد رئيس الرابطه.
فلكم مناالتحيه مجددا.
الصادق
|
Post: #64
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-13-2010, 08:23 PM
Parent: #61
| Quote: شعوب دارفور المناضلة هم اول من عبرو المحيط لمناصرة الافريقين في امريكا |
ايها الرائع المعطون بعشق دارفور .. ابا .... ذواليد
يا قريبي .... جميل حقااااااااااا ما نقراه عن سيرة العظما ء الذين غيروا مسار التاريخ وحياة البشريه
فاجدانا .... وجداتنا السودانيون من جهات دارفور امثال االمنضال .. دوسه ,, وفليكس دارفور ,, والقديسه بخيته .. هولاء يمثلونا جميعا نجاهاتهم,, ونضالتهم,, وبصماتهم كانت واضحه في مسيرة التحرر والديمقراطيه .. والعداله والفكر والحضاره الانسانيه ,, سيرتهم وصل وغطي بحجمه الارض
وامتد الي العالم ونالوا اوسمة العرفان وضحوا واستشهدوا من اجل تلك المبادئ الساميه وماتوا لاجلها .... ولا احد هناك ينكر فضلهم ..
فدارفور فضلها ليست للسودان فقط بل امتدت عطائها لكل العالم والانسانيه جمعاء ....
والامه الحيه تنهض من كبوتها ... وتتجاوز الامها ..
وسوف تكون هذه الالام باعثا لها علي النضال الجاد والجد والكفاح حتي النضر .......
جزيل شكري لك ...
|
Post: #65
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-13-2010, 11:52 PM
Parent: #64
Quote: ايها الرائع المعطون بعشق دارفور .. ابا .... ذواليد
يا قريبي .... جميل حقااااااااااا ما نقراه عن سيرة العظما ء الذين غيروا مسار التاريخ وحياة البشريه
فاجدانا .... وجداتنا السودانيون من جهات دارفور امثال االمنضال .. دوسه ,, وفليكس دارفور ,, والقديسه بخيته .. هولاء يمثلونا جميعا نجاهاتهم,, ونضالتهم,, وبصماتهم كانت واضحه في مسيرة التحرر والديمقراطيه .. والعداله والفكر والحضاره الانسانيه ,, سيرتهم وصل وغطي بحجمه الارض
وامتد الي العالم ونالوا اوسمة العرفان وضحوا واستشهدوا من اجل تلك المبادئ الساميه وماتوا لاجلها .... ولا احد هناك ينكر فضلهم ..
فدارفور فضلها ليست للسودان فقط بل امتدت عطائها لكل العالم والانسانيه جمعاء ....
والامه الحيه تنهض من كبوتها ... وتتجاوز الامها ..
وسوف تكون هذه الالام باعثا لها علي النضال الجاد والجد والكفاح حتي النضر ........ |
thank my dear
|
Post: #66
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-14-2010, 05:08 AM
Parent: #65
Quote: لاخ مكى ..
التحيه والانحنائه ارسلها عبركم
لاخواننا فى رابطةابناء دارفور بهيوستن.
جد انه عمل رائع ومقدر تستحقوا عليه
الثناء والتمجيد, يومكم لم يكن فقط
حفل وانما كان نقل لايقاع حياة دارفور
السابقه والموقله فى التاريخ قدما
فهو عمل متحفى, ثقافى, سياسى بكل ما
تحمله هذه الكلمات من معانى .
عظمة ونجاح يومكم يدلل على ان خلف هذا
العمل فكر و رؤيه و انسجام .
سررت جدا للخطاب الضافى الذى القاه
الاخ خالد رئيس الرابطه.
فلكم مناالتحيه مجددا.
الصادق |
ا لاخ الفاضل الصادق الزين ...... و ا لإخوة القراء .. و أُصحاب المداخلات من أعضاء المنبر السوداني الأول...........
السّلام عليكم جمعياً و شكراً كتير على تضحيتكم بالوقت و الجهد لمتابعة هذا البوست. لست عضواً بالمنبر و لكن أعطيت لي الفرصة للمرة الثالثة للتواصل معك و أنا ممنون لهذه الفرص من زملاء لكم في المنبر. و أسعدني طريقة متابعة الأستاذ الصادق الزين للبوست و التي تبدو مميزة بناءاً على تعليقه. و أقول له: أخجلت تواضعنا يا زين ... كنا نتوقع أنه الموضوع يعجب الناس اللي تقرأ السطور و ما بينها، لكن أن يحوز كل هذا الثناء و التشجيع فهذا مردود إضافي نحمد الله عليه و نشكرك على تعليقك القيم و الذي يصب في في صالح دفع أبناء دارفور و السودان قاطبة للقيام بالبيان العملي للكثير من الحقائق المغيبة أو المنسية تحت وطأة الكوارث الضاربة بأركان البلاد و من هذه الحقائق (نحن سودانيون و أننا لن نكون إلاّ أنفسنا و أصولنا المميزة التي إنحدرنا منها، و هي جديرة بالفخر و التباهي. و يجب علينا أن لا ندخر جهداً في سبيل تأكيد أحقية هويتنا بالبقاء و فرض إحترام تجاربنا الإنسانية من غير تصادم من أجل تقدم و رفاه البشر. وأن تبني قيم قيم التسامح و المساواة الإجتماعية و قبول الآخر( تاريخه و ثقافته) و نبذ الكراهية وعدم الإنتقاص من حقوق الآخرين ضرورة إخلاقية مسطرة أسفار الشعوب المحترمة) . هذا ما تم توضحيه بالحرف في خطاب أبناء دارفور بهيوستن/ تكساس الذي قدمه رئيس الرابطة. وجاء التركيز في الخطاب على هذه المعاني تحديداً للعزف على وتر خامل أو فاقد للمرونة يربط بين السودانيين المقيمين بالأراضي الأمريكية بسبب الإنعكاس السلبي لصدي الأزمة السودانية في الجنوب و دارفور على وجه الخصوص. و الحمد لله تم العزف على ذلك الوتر إنطلاقاً من الإرث السوداني المشترك و هو التاريخ و الجغرافية و الموسيقى.و ليلتها تجاهلنا عمداً فوارق العرق و اللون و الدين و الجهة و تجالدنا على مرارة الواقع في بلدنا السودان. فحصلنا على الكثير من الفرح و التمني.وبعد تلك السويعات من التفاعل الإجتماعي إكتسبت الوشائج الرابطة بين السودانيين في تكساس زهواً غير معهود في السنيين الأخيرة و إنفتاحاً عززّ رغبة الجميع في التعايش بود و سلام
اخوكم ... خالد حنظل
رئيس رابطة ابناء دارفور بهيستون
|
Post: #67
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-14-2010, 03:11 PM
Parent: #66
الموسيقى الدارفورية
في المارشال البحرية الامريكية
تم ترجمته بالانجليزية
|
Post: #68
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: Akram Omara
Date: 05-14-2010, 04:23 PM
Parent: #67
الاخ مكي تحيه طيبه
سعدت بمتابعه فعاليات يومك المحضور من خلال المنبر.الجميل في االامر اخي مكي ان اليوم شهد تنوع في المطروح فخرج متكاملا من محاضره وشعر وغناء ورقص تراث فولكلوري وتكريم وحضور يمثل جميع ابناء الوطن.شكرا لاشراكنا افراحكم
|
Post: #69
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: هشام هباني
Date: 05-14-2010, 04:37 PM
Parent: #68
العزيز الباسل ابننا اواخونا الاصغر مكي
تحياتي ومشتاقون
التحية لاهلنا من ابناء الوطن في دارفورنا الجريحة وهم في هذا المكان بهذه الروح الاخوية الطيبة يسمون بها فوق صغائر
السياسة وتقاطعاتها التي للاسف اوهنت كثيرا من العلائق الاجتماعية بين الاهل وهو ما لم يكن معتادا في الحياة السودانية
الا ان حل بالوطن الشرالاكبر متمثلا في طغمة الخرطوم المهووسة الحاكمة بالباطل ومعها جاءت وتناسلت الشرور في بلادنا اشكالا والوانا وبها افسدت الاخلاق والقيم الاجتماعية وشوهت كل جميل... ولذلك هذه الرسالة في الخارج من هذا التجمع الاخوى بين الاهل مهما اختلفوا لهى خير رد على داعمي فرقتنا وتشطيرنا اي هذه الفئة المجرمة التي استباحت الوطن بمطلق الاستباحات,
شكرا ثانية الابن والاخ الاصغر مكي على جهودك الحثيثة في لم شمل الاهل بهذه الروح الوطنية النبيلة
|
Post: #70
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-14-2010, 11:03 PM
Parent: #69
دارفور العزة وفال
دارفور الفرحك قال
|
Post: #71
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-15-2010, 05:37 AM
Parent: #69
Quote: العزيز الباسل ابننا اواخونا الاصغر مكي
تحياتي ومشتاقون
التحية لاهلنا من ابناء الوطن في دارفورنا الجريحة وهم في هذا المكان بهذه الروح الاخوية الطيبة يسمون بها فوق صغائر
السياسة وتقاطعاتها التي للاسف اوهنت كثيرا من العلائق الاجتماعية بين الاهل وهو ما لم يكن معتادا في الحياة السودانية
الا ان حل بالوطن الشرالاكبر متمثلا في طغمة الخرطوم المهووسة الحاكمة بالباطل ومعها جاءت وتناسلت الشرور في بلادنا اشكالا والوانا وبها افسدت الاخلاق والقيم الاجتماعية وشوهت كل جميل... ولذلك هذه الرسالة في الخارج من هذا التجمع الاخوى بين الاهل مهما اختلفوا لهى خير رد على داعمي فرقتنا وتشطيرنا اي هذه الفئة المجرمة التي استباحت الوطن بمطلق الاستباحات,
شكرا ثانية الابن والاخ الاصغر مكي على جهودك الحثيثة في لم شمل الاهل بهذه الروح الوطنية النبيلة |
الناظر ... ود هباني ........
الإنسان المقسم نفسه في أحزان بلده، و كبرياؤه ما يديهو الدرب للتنازل أو الإستكانة. ليك تحية صامدة بطول صمودك من أجل رد مظلمة السودان الكبري ألا و هي توطين العدل و الحرية و السلام المنكوب في طول البلاد و عرضها . بعرفك يا العمدة ما تفوت عليك التعليق على حدث يخص المصعوقين ليل نهار بمضارب وكلاء الرب ( المضروبين) هذا إن كان للرب وكيل.
ما هان علينا عذاب أمهاتنا و شيخونا و أطفالنا في المخيمات، لكن هي الفطرة التي جُبلنا عليها كسودانيين ألاّ نحتفي بالخصومة، بالذات لماّ تكون غير مبررة، فهنالك أشخاص من بيننا ليسوا من دافورأجبرونا على تكريمهم بحسن تصرفهم مع المجتمع السوداني في هيوستن فلماذا ننتظر حتى تقوم القيامة لنشكرهم ؟ شكرناهم ... ليصل شكرنا إلي الله ، و من ظن أن هناك من لا يستحق التكريم فليكن تكريمنا له من باب رد السيئة بالحسنة و الخلق الحسن.
و أنتهز الفرصة لأشكرك أنت و أعتذر إليك لأننا لم نتمكن من دعوتك و الله كنت في البال ( و عمك هشام ده كيف ...؟ و لا الدائرة تبقى تتوسع و تصعب علينا المفارزة ؟ هشام ما يجي بدون تكريم !! هكذا كان يقول لي رئيس الرابطة . يا هشام أخونا الأستاذ خالد حنظل بعرف قصتك مع السفارة في ليبيا من زمان خلاص قال سمعها من ناس بيحكوها ليبرهنوا جور مواخير الجبهجية في الخارج)
كامل تضامنا معك الناظر ود هباني حتى سقوط عصبة النخاسين و عودة الحقوق كاملة للوطن و المواطن
خالص الود .......
|
Post: #72
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-15-2010, 07:40 AM
Parent: #68
Quote: الاخ مكي تحيه طيبه
سعدت بمتابعه فعاليات يومك المحضور من خلال المنبر.الجميل في االامر اخي مكي ان اليوم شهد تنوع في المطروح فخرج متكاملا من محاضره وشعر وغناء ورقص تراث فولكلوري وتكريم وحضور يمثل جميع ابناء الوطن.شكرا لاشراكنا افراحكم |
الحبيب بن الاكرمين ... اكرم عمر.....
ما يعجني !!!!! في مدينتي العريقه هيستون وكما يحلو لاهله منادته بالـ H-Town !!!! هو روح التناغم والتالف والوئام بين بني السودان بمختلف مشاربهم هم كذلك تجدهم حريصين في رتق حبال التواصل .. ونثر بذور المحبه في ما بينهم ... تسبقهم حميميتهم وحنيتهم المعهوده
لرفع درجات .. افراح بعضهم البعض في الافراح .. وتخفيف الاحزان عن كاهل بعضهم في ساعات الاحزان .. وهم في غربتهم البعيده هذه !!!! ليلتنا كانت !!! وكما سردتها بايجاز في مداخلاتك الرصينه ..... ليله محضوره ... وان جاز لي ان اسميها ليله ا لاجيال القادمه والصاعده من بني,, السودامريكان ,, فكانت سانحه خلقناها لهم !!! من حصصا ودروسا وعبر تعرفوا فيها علي تراث وطنهم وعادتهم وتقاليدهم ومورثاتهم الحضاريه ذات التاريخ الخالد ..وفرصه لكي يتعلمو ا منها زرع قيم التسامح والاعتزاز بسوداناويتهم اين ما حلو !!!!!! وهم في هذه القاره المتعددة التنوع والثقافات ____ ومثلنا الدارفوري ... بقولا " أُم سَلمبويّتى ولا كدكاى زول "
يازول شكرا علي جميل متابعتك وحسن التعليق
|
Post: #73
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-15-2010, 04:40 PM
Parent: #72
دارفور تاريخ اصيل وبوادي سياحية جميلة
جبل مرة قبلة اهل السودان
تلك الساحرة الطبيعية والبوتقة الوحيدة في السودان يمتاز بمناخ البحر الابيض المتوسط
السفر الى شرق الجبل عبر مدينة (ملم) وهو مسقط رأس زميل البورد مكي مكي
وعن طريق نيالا حيث الجبال وسحر الطبيعة الى غرب الجبل
|
Post: #74
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-16-2010, 05:12 PM
Parent: #73
.
|
Post: #75
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: عبدالرحمن إبراهيم محمد
Date: 05-17-2010, 05:22 AM
Parent: #74
أخــى الأســتـاذ مـكـى:
تـحـيـة وتـقـديـر لـتـوثـيـقـك الـمـبـدع.
مـع رجـاء الـمـعـذرة، لـى أربعـة مـلاحـظـات فـى ضـرورة تـوخـى الـدقـة التاريـخـيـة.
يـقـول الأســـتاذ حـســن الـتـوم
Quote: " نحن بحقنا " محمد علي دوسه في القرن التاسع عشر
من ابناء قبيلة الزغاوه من منطقة دارفور
هو مؤسس صحيفة عالم الزنوج بامريكا مع ماركوس غارفي الجامايكي _
التحية لمحمد علي الزغاوي السوداني الامريكي .
|
لاشـــك فـى عـظـمـة دارفـور وتـاريـخـهـا الـمـضـىء.
خـاصـة فـى نـشــر الإســلام، كـما أبان واوضـح الـسـيـر توماس آرنـولـد فـى مـوسـوعـتـه
الدعـوة ألـى الإســـلام: بـحـث فـى نـشــر الـعـقـيـدة الإســلامـيـة.
وخـلاف ذلـك كـثـيـر.
فــدارفـور ليسـت فـى حـاجـة إلـى تـحـويـر الـتاريـخ عـمـدا أوعـن غـيـر قـصـد.
فـكان مـن الـواجـب عـلى الأسـتاذ وهـو الـمـربـى أن لا يـقـول كـلامـا يـغـالـط الـحـقـائـق.
لأن ذلـك يـورث الإحـباط والـقـنـوط فـى نـفـوس الاجـيال الـقادمـة حـيـنـما يـكتـشـفـون
أن مـاقـيـل لـهـم يـجـافـى الـحـقـائـق.
فـتـنـمـو فـى نـفـوسـهـم نـزعـة عـدم الـتـصـديـق
والـشــك حـتى فـى الـثـابـت الـمـوكـد.
وقـد دللت عـلـى ذلك عـلـوم التاريـخ الإجـتـماعـى والـتاريـخ الـنـفـسـى والإتـصـال الـفـهـمـى.
خـاصـة عـلـى إنـعـدام الـتـصـديـق لـفـقـدان الـمصـداقـيـة لـدى الأجـيال اللاحـقة.
1- فـمحـمـد عـلـى دوسـه نـضـج فـكـره وبـرز إسـمه فى أوائـل ومـنـتـصـف الـقـرن العشــريـن ولـيـس الـتاسـع عـشـر!
2- ولـم يـؤسـس مـجـلـة عـالـم الـزنـوج!
وإنـمـا أسـس مـجـلـتـيـن كان لـهـما عـظـيـم الأثـر فـى
تـاريـخ حـركات التـحـرر الـوطـنـى وعـدم الإنـحـياز.
3- ومـحـمـد عـلـى دوسـة لـم يـك يـومـا أمـريـكـيـا ولـم يـدعـيـهـا أو حـتى يـطـلـبـهـا!
4- ولـيـس هـناك دلـيـل واحـد يـؤكـد أنـه مـن قـبـيـلـة الـزغاوة!
وإنـمـا كانت تـسـمـيـتـه بـدوسـة مـجـرد إفتراض مـنـى أنا شـخـصـيـا.
أرجــو مـراجـعـة:
عـملاق سـودانى عـبقرى ساهم فى تـغـيير تاريخ العالم وأه...لمؤرخـون،،، فجـهلناه
ولـك كـل الـشـكـر والـعــرفـان.
عــدل لإدخــال الــرابـط لــمــوضــوع دوســـه فـى الـبـوســت
|
Post: #76
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-17-2010, 04:21 PM
Parent: #75
نقارة الزغاوة قبل اسبوعين ،رقصناه في شندي باسم السودان
|
Post: #77
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-17-2010, 04:27 PM
Parent: #76
بهذا الكرم والطيبة بهذا الجود
التقينا باحفاد المك نمر
ورقصنا معهم النقارة
انظروا الى الصورة قد تكون ابلغ من الكتابة
لهذا المشهد التاريخي
التقينا مع اهل الشمال
من اجل المعرفة بتراث اهل دارفور
|
Post: #78
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-19-2010, 09:48 PM
Parent: #77
برفقتكم تصحبكم السلامة
وتحت الاشجار الظليلة
نبتكر اجمل الالعاب
مثل الدالة والهجوري والماندوز
|
Post: #79
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-20-2010, 04:03 PM
Parent: #78
العصيدة بملاح الكجيج لامثيل لها من الطعم
والعصيدة بملاح المرس وملاح الكول
احلى الاكلات الشعبية
وهي بوابة السودان لاهل المدن الكبيرة
دارفور مصنع لاجود انواع العصائد في السودان
|
Post: #80
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: طلال عفيفي
Date: 05-21-2010, 00:06 AM
Parent: #79
مبروك عليكم الأوقات السمحة، التي أتمنى أن تجد طريقها إلينا في السودان.
السودانيون فات عليهم الكثير من الفرح والإنسجام والحياة العادية، عل الله
يبدلهم بسوء أيامهم خيراً.
أحياناً أشعر، ويا لأسفي، أن حياة سودانيي المنافي هي الحياة التي كان من
الممكن أن نعيشها في الخرطوم وزالنجي والنيل الأزرق وأويل وحسكنيته لولا
بطش الباطشين وسم الحاكمين الزعاف الذي يسري في أوصال حياة البلاد.
قولوا قولكم يا صديقي، وافرحوا وهيصوا، ربما يكون قادم الأيام لنا،
وغن لم يحدث، فكفاكم أنكم عشتم حياتكم بخير.
كل المودة
|
Post: #81
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: PLAYER
Date: 05-21-2010, 04:08 AM
Parent: #80
  لوحة راقصة جميلة رسمها أبناء وبنات دارفور في ليلتهم الكبري
أبداع+روعة+أصالة=دارفور
|
Post: #84
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-21-2010, 06:29 PM
Parent: #81
Quote: لوحة راقصة جميلة رسمها أبناء وبنات دارفور في ليلتهم الكبري
أبداع+روعة+أصالة=دارفور
|
يا صديقي .. عادل بلير ... السلامات والتحايا
لوحتنا ,, وليلتنا ,, جملها وزادت من روعة بهائها تشريفكم وحضوركم الجميل ومشاركتكم الاكثر من رائع
ونحن متشوقون الي لقياكم في يوم " سوندارفوري" اخر في مقبل الايام القادمات
خوالص مودتي ...
|
Post: #82
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-21-2010, 01:22 PM
Parent: #80
Quote: مبروك عليكم الأوقات السمحة، التي أتمنى أن تجد طريقها إلينا في السودان.
السودانيون فات عليهم الكثير من الفرح والإنسجام والحياة العادية، عل الله
يبدلهم بسوء أيامهم خيراً.
أحياناً أشعر، ويا لأسفي، أن حياة سودانيي المنافي هي الحياة التي كان من
الممكن أن نعيشها في الخرطوم وزالنجي والنيل الأزرق وأويل وحسكنيته لولا
بطش الباطشين وسم الحاكمين الزعاف الذي يسري في أوصال حياة البلاد.
قولوا قولكم يا صديقي، وافرحوا وهيصوا، ربما يكون قادم الأيام لنا،
وغن لم يحدث، فكفاكم أنكم عشتم حياتكم بخير.
|
ومبروك على الجميع
وياريت لو كنا حضور
|
Post: #83
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-21-2010, 06:07 PM
Parent: #82
Quote:
نقارة الزغاوة قبل اسبوعين ،رقصناه في شندي باسم السودان |
ابا ذو اليد .. عافي طيبين
ولك عبق الاحترام والتقدير علي هطولكـ الدائم
في خيمتنا الدارفوريه "المدقوقه" ببلاد العم سام ...
بس نقارتكم دي !!!! لو " شديتوها" لينا بجاي ما قصرت تب ! وهو الكان ناقص "
خالص التحايا
|
Post: #85
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-21-2010, 06:44 PM
Parent: #80
Quote: مبروك عليكم الأوقات السمحة، التي أتمنى أن تجد طريقها إلينا في السودان.
السودانيون فات عليهم الكثير من الفرح والإنسجام والحياة العادية، عل الله
يبدلهم بسوء أيامهم خيراً.
أحياناً أشعر، ويا لأسفي، أن حياة سودانيي المنافي هي الحياة التي كان من
الممكن أن نعيشها في الخرطوم وزالنجي والنيل الأزرق وأويل وحسكنيته لولا
بطش الباطشين وسم الحاكمين الزعاف الذي يسري في أوصال حياة البلاد.
قولوا قولكم يا صديقي، وافرحوا وهيصوا، ربما يكون قادم الأيام لنا،
وغن لم يحدث، فكفاكم أنكم عشتم حياتكم بخير.
كل المودة |
الرفيق طلال يا عفيفي .....
طلتك بالدنيا و مبروك علينا كلنا كسودانيين لأنه الحفل كان سوداني كامل العدة و العدد تصور كلنا غنينا لمصطفي سيد أحمد كما لم يغني أحد غيره و بقية العقد من عمالقة الغناء الذين حفظوا للسودانيين كياناً وحيداً مشتركاً وشكلو ا وجداننا باله ... الموسيقى . لن يكابر أحد بأنه لم يددن سراً أو جهراً لأي من أعمدة الطرب السوداني.
و نأسف كثيراً لغياب البهجة من حياة أهلنا في السودان فكثيرون منهم قرروا تأجيل الفرحة إلي غير ميعاد أملاً منهم في تغير الواقع في أمدٍ قريب، لكن طال عليهم الأمدعشرون عاماً فتناسى الجمع موعدهم مع الفرحة فقلنا نذكرهم من منافينا الاكثر استحاله ...
عميق تقديري ...
|
Post: #86
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-22-2010, 05:28 AM
Parent: #85
كل التحايا نزجوها للاستاذ .. عبد الرحيم خميس ..
الامين الاعلامي للرابطه ,, وقلبها النابض ,,
وكما عهدناه .. رجلا يعمل في صمت .. نحي جهوده الجباره وبصماته الواضحه في انجاح الاحتفاليه ..
|
Post: #87
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-22-2010, 09:46 PM
Parent: #86
عافي طيبين ابقو لي داخول
النقارة للكل
وسف نفعل المستحيل من اجل الرقص بالنقارة في بلاد العم سام
|
Post: #88
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-23-2010, 10:12 PM
Parent: #87
بنت دارفور
كلمات/ذواليد سليمان مصطفى
2/5/2004م
بنت دارفور حبك نور
جمال الدنيا واحساس معهود
يا سحر الطبيعه وحسنها
انت للحب وفاء مشهود
ضوه قمرك وطالعه شمسك
يا احلى بنيه واحلى ورود
بت بلدى فتونه خجوله
ادعو لربى ليك اعود
همسك فاح احلى عطور
يا احلى كلام رقيق منشود
فرع رمانه حاك البانه
رقه وعفه ماليها حدود
تسلمى انت يا لينا تعيش
يا المالينا حب ووعود
بخور الصندل وتوب الفركه
رقصه هجورى وسط العود
انت سماحه الريده الصادقه
ومعنى الدنيا ليك مردود
يا احلى مشاعر الغنوه الراقصه
امواج ودلال يا احلى وجود
زهره رويانه فى خديك
انت امال الخطوه القادمه
يا احلى عيون عسيله وسود
حبى اليك مافيه صدود
يا اغلى انسان فى شرف العزه
احبك دائماً بلامحدود
......................................................................
وهذه الكلمات للمرأة الدارفورية التى رفعت رأس الميارم في بلاد العم سام
اهداء خاص لكل نساء بلادي
|
Post: #89
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-24-2010, 12:40 PM
Parent: #88
وتمدد مرافي الشوق الى عالم الابداع
حيثما كنا نكون الاحلى في التراث
والاجمل في الغناء الشعبي
وهذا دعوتي من اجل رسم التسامح والالفة بين كل الشعب السوداني
فلنجتمع بكل الوان الطيف السياسي والقبلي من اجل وحدة السودان
|
Post: #90
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: عبدالعزيز الفاضلابى
Date: 05-24-2010, 10:04 PM
Parent: #89
نسأل الله ان يوقف نزيف الدم فى ربوع السودان من اقصاه الى ادناه
ونسأل الله ان يؤلف بين قلوب السودانيين جميعا ونحضكم على التواصل
فى كل زمان ومكان ونذكركم بإعلاء قيم التسامح والدفع بالتى هى احسن
وعاش السودان واحدا متحدا وخذل الله من اراد به شرا.
|
Post: #91
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: مكي ابراهيم مكي
Date: 05-26-2010, 06:11 AM
Parent: #88
.
|
Post: #92
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-26-2010, 07:36 PM
Parent: #91
ولي دارفور كلمة
|
Post: #94
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 05-31-2010, 09:11 PM
Parent: #1
جبل مرة
ذات الاشجان النادرة
والمناخ مناخ البحر الابيض المتوسط
لاتنسو موعدكم الى جبل مرة
|
Post: #95
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 06-02-2010, 08:42 PM
Parent: #94
العبور الى شرق الجبل
ملم المحطة الاولى
كما قال الشاعر
ساعتنا اريل في الملم
|
Post: #97
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 06-14-2010, 02:44 PM
Parent: #95
ومن ملم نتجه شرقا الى جبل مرة
حيث القمة ومنه الى اوه فوقوا
اي ام الجبال وهي اعلى قمة في جبل مرة
|
Post: #98
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 06-15-2010, 04:35 PM
Parent: #97
قمة الابداع الدارفوري في كل مكان من انحاء الدنيا
|
Post: #99
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 06-28-2010, 11:58 PM
Parent: #1
صوت شكر لاهلنا في الريف والقرى
وهم يعانون ويلات الحرب والعذاب القاتل
فالنسطر التاريخ لاجيالنا القادمون
|
Post: #100
Title: Re: في إستراحة محارب - دارفوري مدينة هيوستن يتسامون عن جراحهم في حفل تاريخي "صور ف
Author: ذواليد سليمان مصطفى
Date: 09-29-2010, 10:43 PM
Parent: #99
دارفور حاضرة في كل مكان في العالم
|
|
