الخبر السعيد لأمة الهــــلال

الخبر السعيد لأمة الهــــلال


05-12-2008, 09:29 AM


  » http://sudaneseonline.com/cgi-bin/sdb/2bb.cgi?seq=msg&board=475&msg=1255490287&rn=0


Post: #1
Title: الخبر السعيد لأمة الهــــلال
Author: عبود عبد الرحيم
Date: 05-12-2008, 09:29 AM

أنها المباراة الأخيرة



؟

؟

؟

؟

؟



تحت اشراف ... الديبة !!

Post: #2
Title: Re: الخبر السعيد لأمة الهــــلال
Author: عبدالوهاب علي الحاج
Date: 05-12-2008, 09:39 AM
Parent: #1

Quote: تحت اشراف ... الديبة

بركة











_______________________
كل سنة وانت طيب

Post: #4
Title: Re: الخبر السعيد لأمة الهــــلال
Author: ABUHUSSEIN
Date: 05-12-2008, 09:43 AM
Parent: #2



تغيير المدرب دي ما جربتوها كثير

جربو تغيير الرئيس

إمكن تجيب مريسة تامزينة

Post: #5
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 09:53 AM
Parent: #2

وهبه
كل سنة وانت طيب
وان شاء الله آخر الأحزان الكروية !!


من حق جماهير المريخ عامة ومريخاب البورد خاصة
ان نقول لهم مبروك الفوز بكاس السودان وجمع البطولتين
ورغم ان المستوي الفني للمباراة كان الأسوأ في مباريات القمة الاخيرة
لكن المريخ حقق المطلوب وأحرز البطولة باستحقاق
مبروك للأنيق هارون دياب
مبروك للمناكف طلحة عبدالله
مبروك للأصيل العمدة
مبروك للجميع



قلت هنا من قبل أن الديبة ليس مدربا في قامة الهلال
ولكنه يستحق التقدير لقبوله بالمهمة الصعبة في وقت صعب
ونقول له الآن شكرا ... فقد لبيت نداْ الهلال
رغم أن نهائي كأس السودان كان ختام سييء لتجربتك
فشلت في نقل اللاعبين الي مربع الاداء المسؤول
وفشلت في اختيار عناصر تحسم ضربات الجزاء
واذا كان سوء الطالع سبب فشل يوسف محمد (المتخصص) في التسديد
فلا نجد سببا واحدا يجعل الضربة الثانية لغير الكابتن هيثم مصطفي
وهي الضربة التي كان ممكن ان تمنح الثقة لبقية زملائه
ولا ندري سببا واحدا يجعل الديبة يقدم داريو كان لتنفيذ ضربة اخري حاسمة
بعد التوفيق الذي لازم الحارس المبدع الدعيع في ضربتي العجب وطمبل



علي العموم استحق المريخ الفوز بالكاس بجهد وتوفيق حارسه اكرم
ولذلك نقول للمريخ مبروك
ونسعي لمعالجة الخلل في الهلال عبر موسم جديد بقياده فنية جديدة

Post: #3
Title: Re: الخبر السعيد لأمة الهــــلال
Author: Yassir Bainwi
Date: 05-12-2008, 09:42 AM
Parent: #1

مع انو ما قصر خلال شهر واحد تعادلين وفوز علي الوصيفاب

لكن المدرب الاجنبي مطلوب




كل الود

Post: #6
Title: Re: الخبر السعيد لأمة الهــــلال
Author: haider osman
Date: 05-12-2008, 10:20 AM
Parent: #1

يعنى الديبة الضحية...

Post: #7
Title: Re: الخبر السعيد لأمة الهــــلال
Author: طارق الكوتش
Date: 05-12-2008, 10:30 AM
Parent: #1

سلامات عبود عبد الرحيم



سؤال ماذا قدم المدربين الاجانب السابقين المتعاقبين على الهلال حتى الآن ؟
سؤال تانى ماذا قدم اللاعبين الاجانب السابقين و الحالين للهلال حتى الآن ؟



مدرب اجنبى ( او لاعب اجنبى ) يجب ان يكون ذو سمعه طيبه و بطولات سابقه قبل الانتقال للهلال


ولكن مدرب اجنبى ( او لاعب اجنبى ) فقط لانه اجنبى لن يفيد الهلال بشئ > ضجة و اعلام وبعداك ضياع اموال و بطولات خارجيه

بعض الحلول :
- تأهيل المدرب السودانى
- الاهتمام بالمراحل السنيه و الدورات المدرسيه و الاشبال و الروابط ( النقر و طارق احمد آدم و تنقا و عاكف عطا وعيييييييك )
- اختيار المدرب او الاعب الاجنبى يجب ان تكون من خلال اهل الاختصاص ( المدربين - او اللاعبين السابقين - المتعلمين المواكبين فقط )


ولنا عوده كامل التقدير و الاحترام
ـــــ

هلالابى و الحمد لله

Post: #8
Title: Re: الخبر السعيد لأمة الهــــلال
Author: مدثر محمد احمد
Date: 05-12-2008, 11:02 AM
Parent: #1

عبود عبد الرحيم
فى البداية كل سنة وانت طيب
والعيد الجاى زى ما عاوز
وانشالله ماسك الشباك وتبكى
لكن بالجد اول مرة القى لى هلالابى فاهم انت طبعا فى غير الكورة فاهم لكن فى الكورة كل الهلالاب بخدعو روحهم بانو عندهم فريق كرة قدم والله الامبارح ديل ماينفعو فى روابط الناشئبن

والكاس كاسنا ونحن اهلو وبنستاهلو
ولينام الوصيفاب بمرارة العيد ويشربو الشربوت عشان ينسو الموسم ده

Post: #12
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 12:44 PM
Parent: #8

الاخ الزميل المحترم
مدثر
سلامات
Quote: فى البداية كل سنة وانت طيب
والعيد الجاى زى ما عاوز

وانت والاسرة الكريمة طيبين وربنا يحقق اماني الجميع

Quote: وانشالله ماسك الشباك وتبكى

ولماذا البكاء؟؟؟ يا اخي الهـــلال علمنا الاستفادة من أخطاءنا وليس البكاء عليها

Quote: لكن بالجد اول مرة القى لى هلالابى فاهم انت طبعا فى غير الكورة فاهم لكن فى الكورة كل الهلالاب بخدعو روحهم بانو عندهم فريق كرة قدم والله الامبارح ديل ماينفعو فى روابط الناشئبن

كل الأهلة فاهمين ... وكل واحد يعبر عن أحساسه (فرحا وحزنا) بطريقته ... يبقي الهلال فوق ونرفض تماما تجريح نجومنا بالاساءة ولكن نقول راينا في اطار المحبة والاحترام

Quote: والكاس كاسنا ونحن اهلو وبنستاهلو

نعم هو لكم ... ولذلك نهنئكم ونقول الأيام دول بيننا

Quote: ولينام الوصيفاب بمرارة العيد ويشربو الشربوت عشان ينسو الموسم ده

العيد للفرح ... والخسارة للتدبر في تجاوز آثارها ... وفي كل الأحوال لا مجال بيننا للشربوت !!!

ــــــــــــ
برامجكم في العيد كيف ؟؟؟

Post: #9
Title: Re: الخبر السعيد لأمة الهــــلال
Author: محمد عبد الماجد الصايم
Date: 05-12-2008, 12:02 PM
Parent: #1

عبود يا عمكـ


طالما صلاح إدريس دا قاعد في النادي
كل الحلول بتكون عبارة عن مسكنات!









باللاي واحد يسلط فوقو مكيافيلي عشان يجهجه هاردسكاتو!

Post: #10
Title: Re: الخبر السعيد لأمة الهــــلال
Author: حسين محي الدين
Date: 05-12-2008, 12:30 PM
Parent: #9

Quote: جربو تغيير الرئيس


اها ده مريخابي

Quote: طالما صلاح إدريس دا قاعد في النادي
كل الحلول بتكون عبارة عن مسكنات!

بس ده شاهد من أهلها

Post: #11
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 12:35 PM
Parent: #9

تقبل الله من الجميع صلاة الجمعة
ونعودونبدأ بأخونا
ود الصايم
Quote: طالما صلاح إدريس دا قاعد في النادي
كل الحلول بتكون عبارة عن مسكنات!


يا عمكــ
طالما صلاح ادريس جاء عبر انتخابات ... فالأفضل أن يغادر بذات الباب (عبر الانتخابات)
وحتي تنعقد جمعية عمومية هلاليه فأنه يظل رئيسا لمجلس الادارة يخطي ويصيب ,,,
ولكن ليس من أحد يطعن في حبه للهلال الكيان ..


Quote: باللاي واحد يسلط فوقو مكيافيلي عشان يجهجه هاردسكاتو!


ميكافيلي الواحد هو صندوق الاقتراع يا عمكـ
وحتي ذلك الوقت .. ربنا يحفظ ليهو هاردسكاتو لتعمل من أجل الهلال عشقنا الكبير

Post: #22
Title: Re: الخبر السعيد لأمة الهــــلال
Author: ABUHUSSEIN
Date: 05-12-2008, 06:09 PM
Parent: #9

ود الصايم

Quote: باللاي واحد يسلط فوقو مكيافيلي عشان يجهجه هاردسكاتو!


دي بالغت فيها

إنت الزول دا مكجنو لي الدرجة دي ؟؟؟؟

Post: #13
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 01:06 PM
Parent: #1

الاخ الكريم
طارق الكوتش
سلام يا هلالابي

Quote: سؤال ماذا قدم المدربين الاجانب السابقين المتعاقبين على الهلال حتى الآن ؟

يا كوتش ... اذا فشل المدرب الأجنبي صاحب التجارب والمؤهلات ... فأبحث عن الاداريين !!
كان الهلال قاب قوسين أو أدني من بطولة الاندية ...
فحدث ولا حرج (المعز وريتشارد... مع الارباب,, نموذجا)

Quote: سؤال تانى ماذا قدم اللاعبين الاجانب السابقين و الحالين للهلال حتى الآن ؟

اللاعب الاجنبي قدم الكثير وعدم احراز البطولات تسبب في احباط البعض

Quote: مدرب اجنبى ( او لاعب اجنبى ) يجب ان يكون ذو سمعه طيبه و بطولات سابقه قبل الانتقال للهلال
ولكن مدرب اجنبى ( او لاعب اجنبى ) فقط لانه اجنبى لن يفيد الهلال بشئ > ضجة و اعلام وبعداك ضياع اموال و بطولات خارجيه

أؤيد تماما

Quote: بعض الحلول :
- تأهيل المدرب السودانى
- الاهتمام بالمراحل السنيه و الدورات المدرسيه و الاشبال و الروابط ( النقر و طارق احمد آدم و تنقا و عاكف عطا وعيييييييك )

يارب شداد يقرأ الكلام دا وهو في قمة تجلياته !!!!!

Quote: - اختيار المدرب او الاعب الاجنبى يجب ان تكون من خلال اهل الاختصاص ( المدربين - او اللاعبين السابقين - المتعلمين المواكبين فقط )

معليش يا كوتش ... الغيرة هنا سيدة الموقف وليست المصالح العليا (للاسف) !!!

Quote: ولنا عوده كامل التقدير و الاحترام
ـــــ

هلالابى و الحمد لله

هكذا هم الاهلة لفظا وفهما وتقديرا واعتزازا بالانتماء
هلالاب ... والحمد لله

Post: #14
Title: Re: الخبر السعيد لأمة الهــــلال
Author: جعفر محي الدين
Date: 05-12-2008, 01:15 PM
Parent: #13

كل سنة والهلالاب والمريخاب بخير

كل سنة والدعيع بخير ... منح الهلال التقدم مرتين وفشل المدرب في اقتناص الفرصة واختيار اللاعب الذي يؤكد ذلك التقدم ...

لتكن الخسارة وقفة للتأمل ومعالجة المشاكل بروية وليس بتسرع

Post: #15
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 01:16 PM
Parent: #1

الاخ ياسر
نعم ... الديبة قدم ما يستوجب الشكر والتقدير
والمدرب الأجنبي صاحب التاريخ والمؤهلات مطلووووب
كما يحدث في كل الدوريات العالمية والاندية الكبيرة


الأخ حيدر
ليس ضحية .... ولكنها سنة الحياة (الرياضية خاصة)

Post: #16
Title: Re: الخبر السعيد لأمة الهــــلال
Author: Abdlaziz Eisa
Date: 05-12-2008, 02:41 PM
Parent: #15


الأخ عبود


سلام

علتكم في رئيسكم!!

لو جبتوا مورينو وصلاح ادريس موجود نبشركم بالتوالي المتوالي في الكاسين..


تحياتي
عبدالعزيز


Post: #19
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 04:15 PM
Parent: #16

الاخ الكريم عبد العزيز
سلام

Quote: علتكم في رئيسكم!!

لو جبتوا مورينو وصلاح ادريس موجود نبشركم بالتوالي المتوالي في الكاسين..


مع تقديري لرايك
ولكن أرجو المعذرة
تدخل الاخوة المريخاب في اختيار رئيس الهلال ليس مرغوبا به !!!
حيث اننا لم يحدث ان تناولنا كيفية اختيار المريخاب لمجلس ادارتهم

ومرحبا بكل الهزائم من المريخ في ظل مجلس ادارة ينتخبه جمهور الهلال
وهذه الجماهير هي وحدها التي بيدها تغيير مجلس ادارة النادي عبر الانتخاب

مرة اخري شكرا لك

Post: #17
Title: Re: الخبر السعيد لأمة الهــــلال
Author: طارق الكوتش
Date: 05-12-2008, 02:42 PM
Parent: #1

عبود عبد الرحيم

ريكاردوا :
كانت لديه عيوب منها الانفراد الكامل بتدريب الهلال ( لا يريد معاون معه )
+ الاعتماد على لاعبين بعينهم مما افقد التنافس بين اللاعبين ككل
+ الاعتماد على خطة لعب واحده وبقت محفوظه للخصوم ( لايوجد تنويع ) >
ساهم فى ضياع الكأس الافريقيه فى العام قبل السابق .
ده لايمنع ان نشيد بانضباطه و اتقان خطته فى السنوات الاولى مما حقق نجاحات محليه و بعضا من النجاحات الدوليه
وله منا مليون شكر وبالتوفيق له مع الاسماعيلى
ا دارة صلاح ادريس :
- طريقه فيها كتير من الاصرار فى مواضيع يمكن ان تحل بنوع من السياسه
- السيد صلاح ادريس و له منى كل الشكر تنقصه بعض الخبرات الرياضيه الادراريه فى كثير من الامور >
( مشكلة قودوين + مشكلة شداد + مامون البرير + كليتشى + طه على البشير + .... الخ ).
و برضو نشيد بحبه الكبير لجمهورية الهلال الديمقراطيه واخلاصه الكبير و تضحياته التى لا تعد،
وبرضو منتظرين منو الكتير > جمع شمل الهلال المتفرق هنا و هناك وبعداك اى شئ سااااااااهل .


مودتى الاكيده
وراجعين

ــــــــ
فالنجعل شعار المرحله القادمه ( مريخاب + هلالاب ) >
نعم للمناكفات لا ومليون لا للتجريح

Post: #20
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 04:22 PM
Parent: #17

الاخ الكريم
طارق الكوتش
سلام وتحية
اتفق معك في معظم تفاصيل الرؤية التي قدمتها هنا
ونسعي للتداول حول الامر ...
ولكن دعني اقول ان ريكاردو غادر بسلبياته وايجابياته
وحيث اننا امام مسيرة برازيلية جديدة فلننتظر الاستفادة من خبرات سانتوس

اما الاخ صلاح ادريس في تقديري الشخصي
ان كل الصراعات التي خاضها كانت مفروضة عليه من الآخرين (خاصة شداد)
وفي تقديري ايضا انه ما خاض هذه الصراعات الا من اجل الهـلال وتصديه للمسؤولية

Post: #18
Title: Re: الخبر السعيد لأمة الهــــلال
Author: الكباشى البكرى
Date: 05-12-2008, 03:23 PM
Parent: #1

الاخ عبود

سلام

كل سنه وانتم طيبين

انتو ما محتاجين مدرب بس

انتو محتاجين مدرب ولاعبين ومجلس اداره.

Post: #21
Title: Re: الخبر السعيد لأمة الهــــلال
Author: عبود عبد الرحيم
Date: 05-12-2008, 04:25 PM
Parent: #18

الاخ الكريم
الكباشي
سلام
Quote: الاخ عبود

سلام

كل سنه وانتم طيبين

انتو ما محتاجين مدرب بس

انتو محتاجين مدرب ولاعبين ومجلس اداره.

لن أكرر لك ما قلته للاخ الكريم عبدالعزيز
ولكني
اتوقف فقط عند التهنئة
وكل سنة وانت وكل اهل القبيلة الحمراء بخير