نكتة بمناسبة الأرشفة ...

قالوا الراجل جا داخل البيت لقى المرا بتلم في هدومها, بي خلعة سألها مالك؟ قالت ليه مش طلقتني بي مسج من تلفونك. قال ليها تلفوني اتسرق من الصباح كدي نضرب فيهو, لمن ضرب التلفون رد عليه الحرامي فقام سالو: يازول سرقت التلفون ما سألناك طلقت المرة بالتلفون مالك؟
الحرامي قال ليه: يا خي كرهتني بالرسايل جيب عيش جيب طحنية جيب سلطة ما تنسى قروش الصندوق فا قلت آخد فيك الأجر أطلّقها ليك


_______________

منقول من الواتساب

هههههههههههههههههههههه،


دا حرامي ذكي، ويسعي لخدمة الإنسانية جمعا...

قالو المرا مكرها راجلا بالمسيجات

رسلت ليهو رسالة "انت وينك يا علي .... مالك بتتآخر كده ... في شنو ياخ ... بتمشي وين بعد الشغل؟"
رد ليها "شفتي دكان المجهوراتي بتاع عمارة الدهب الفي السوق العربي
اليومداك مرينا بيهو و قمتي شفتي ليكي طقم غوايش عجبتك و قمت انا قلت ليكي ما عندي ليها قروش هسه"
ردت "ايوه ايوه ايوه،،، متذكراها يا حبيبي ،،،،،" و ما نست تضع دي و ختمت بالايقونة دي
ابوعلوة رد "اها ... انا حاليا واقف في طبلية التمباك .. مقطع الشارع طوالي ... بشتري لي في صاعوووط"

سلام




التعديل نسيت أنوه انها من الفيسبوك

Quote: جيب عيش جيب طحنية جيب سلطة ما تنسى قروش الصندوق فا قلت آخد فيك الأجر أطلّقها ليك

هههههههههههههههههههههههههه
يا ودالبشرى
ده حرامي فاعل خير...................

هسع ابوحسين يجي يقول ليك .. قديم بشكل
-
ابوحتوت إزيك ياخ

أنا غايتو ما ضحكت .. رجع لي قروشي لو سمحت بالله

قاليك واحد ودى مرته بيت اهلها تقعد معاهم كم يوم, لما جا يسوقها أبوها قال ليه خليها معانا كم يوم تاني مشتاقين ليها
الراجل غلبتو القعدة تاني يوم مشى عليهم, قعد في الحوش وهي داخلة ومارقة تقلّب و الكبرتة و الحال أخونا أعصابه باظت
جا نسيبه سلّم عليه وقعد قال ليم خير يابني؟ قال ليه أبدا بس كان عندي مشوار قريب بي جاي قلت أغشاكم اشرب معاك كباية جعبة
خخخخخخخخخخ

دي كباية ولاَ عيني كعبة

خت الكورة واطة هههههها

واحد خاتي اللابتوب على الارض جات أمه وقايلاه ميزان وطلعت عليهو و قالت ليهو يا ولدي كم طلع وزني ؟

قاليها اربع مليون يانبع الحنان...


تعديل بس ههها.

Quote: قاليك واحد ودى مرته بيت اهلها تقعد معاهم كم يوم, لما جا يسوقها أبوها قال ليه خليها معانا كم يوم تاني مشتاقين ليها الراجل غلبتو القعدة تاني يوم مشى عليهم, قعد في الحوش وهي داخلة ومارقة تقلّب و الكبرتة و الحال أخونا أعصابه باظت جا نسيبه سلّم عليه وقعد قال ليم خير يابني؟ قال ليه أبدا بس كان عندي مشوار قريب بي جاي قلت أغشاكم اشرب معاك كباية جعبة خخخخخخخخخخ

دى قويه يا ود البشرى ..!
سلام

ود البشري حبيبنا ..
الليلة الدوام المسائي الله يعوض الكفيل ..
واصل يا زول .. حاجات جميلة .. نخفف الضغط والسكري شويه ..
لكن موهوب .. ما تقول لينا ننتظرك لحد الارشيف الجاي ..
بقيت رجل الثواني ..

تخريمة : مع حفظ حقوقك .. سوف أترجم هذه النكات الى الدنقلاوية لآضافة بعض التوابل
إستعداداً لمساء الخميس يوم الجمعية .. تاني مع التحية

واصل ..

ياجماعة باقي كم ساعة في الارشفة .. باقي لينا في الدوام لسع ساعتين ..

مع التحية ودالخضر .. ولك محبتي ..

مسطول قالو ليهو اعمل سهم عشان نعرف القبلة ونصلي ..... ختاها على المروحة وشغلها نمرة خمسة

مسطول عرف رقم موبايل شيطان …. كل خمس دقايق يرسل له مسج ” بسم الله الرحمن الرحيم”