غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،

غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،


09-16-2014, 11:26 AM


  » http://sudaneseonline.com/cgi-bin/sdb/2bb.cgi?seq=msg&board=470&msg=1410863208&rn=4


Post: #1
Title: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،
Author: علي دفع الله
Date: 09-16-2014, 11:26 AM
Parent: #0

*** حسبو المعني ليس حسبو نسوان بل هو نائب البشير رئيس جمهورية المؤتمر اللاوطني ***
عشان ما يتلخبطو عليكم الحسبوهات ،،،
-----------------------

10384665_10203437229305541_4596450680146947712_n.jpg Hosting at Sudaneseonline.com


لو ركزتوا كويس في تصريح حسبو بلكات دا بتصلوا لي نتيجة واحدة هي ان الدين دا متطور جدا وبسرعة ،، يعني خط ساخن مع الله ،، اسرائيل ترفع قرن نوصل بلك(( بلك دفاعات بلا دفاع بالنظر بلا كلام فارغ )) ، الشيعة يتجننو نوصل بلك (( بلك اهل السنة والجماعة))،، الزيت البصل الرغيف السكر يقوم فوق نوصل بلك (( بلك بتاع معيشة))، تطلعوا مظاهرات نوصل بلك(( بلك تأمين )) ، دايرين نحرر حلايب والفشقة نوصل بلك ((بلك استراتيجي)) ، وهكذا دواليك ،،،
يعني بي بساطة على حسب تصريح حسبو ادراة الدولة اقتصاديا وسياسيا وامنيا هي عبارة عن مجموعة بلكات بتتوصل مع الله ويصبح الخط ساخن وتتحلحل المشاكل
-------------------
شفتو النعمة النحن فيها ،، ايها المواطن السوداني الصابر لقد تم حل جميع مشاكلك وليس عليك سوى ان تتسرع لتوصيل بلكاتك مع الله حتى يصبح الخط ساخن وتتحلحل المشاكل ،،
في ابسط من كدة ،، علينا جااااااااااي علينا جاااااااااااااي (((( الدين افيون الشعوب)) شفتوا التخديرة دي كيف ؟؟؟

----------------
نجي لي غندور بعد الفاصل ونشوفوا عاوز يعيد الله كيف ،،

Post: #2
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،
Author: علي دفع الله
Date: 09-16-2014, 02:14 PM
Parent: #1

غندور قال عاوز حزب يعيد الله من خلالو ،،

لمن تفكر في اعادة حاجة هي بتكون already فقدتها طيب يا غندرة شكل الاعادة دا بكون كيف؟؟؟؟
حزب نعيد الله من خلالو ،، شفتوا كيف التخدير دا وال25 سنة الفاتت دي مش كان الشعار هي لله هي لله
سؤال تاني يعني حا تعيدوه خمسة سنة ولا سنة ولا تسجيل دائم ،،
----------------
لو قارننا التصريح بتاع اعادة الله من خلال الحزب بتتناقض مع التصريح التحت دا

162580.jpg Hosting at Sudaneseonline.com


لمن هم ملتزمين دينيا واخلاقيا ووطنيا لزومو شنو اعادة الله من خلال الحزب ولا دا استهلاك واستغفال للبسطاء العندهم قابلية لتجارة الدين البائرة ،،

-----------------------
غايتو كان صحي الله فوت ليكم عوارات تصريحكم دي شيء بلكات وشيء اعادة يبقى الشغلانة فيها انة ويكون يا هو دا الدين

موسم الخم الديني والتخدير وهي لله ،،،،،،،،

تبا لكم ولدينكم

Post: #3
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،
Author: علي دفع الله
Date: 09-16-2014, 08:18 PM
Parent: #2

و يستمر التخدير

Post: #4
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع الله دايركت ،،،
Author: علي دفع الله
Date: 09-20-2014, 10:31 AM
Parent: #3

sudansudansudansudan292.jpg Hosting at Sudaneseonline.com


((صراع الحق والباطل ،، وانتصار الوعد القديم ،،))

كلام من ذهب هذا ما قاله نافع علي نافع رضي الله عنه وارضاه ،،
بس نحن ما عارفين الحق وين والباطل وين ،، وانتصار الوعد القديم دا شنو ووعدت بيه منو ،، يعني مثلا زيو وزي المشروع الحضاري وتزكية المجتمع
ولا دا برنامج جديد ،،،
خدر يا مخدر المافي شنو ،،
----------------------
وقال رضي الله عنه (( كلما تأمرت الجهات والدوائر على السودان كلما فتح الله عليه فتحا مبينا))
شفتو الفتح المبين دا كيف ،، يعني ولا يمهكم سيفتح الله لكم ارض السودان من فومها وعدسها وبترولها وغازها ،لأن الله لن يخذل اهل المؤتمر اللاوطني

-------------------
ويستمر التخدييييييييييييير

Post: #5
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 09:16 AM

عندي غرض في البوست الباير دا ،،،


up
ثم
up

Post: #6
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: ibrahim alnimma
Date: 11-21-2014, 09:41 AM
Parent: #5

Quote: (( كلما تأمرت الجهات والدوائر على السودان كلما فتح الله عليه فتحا مبينا))
سلام ايها الصديق الرائع ود دفع الله ........
هذا بوست بائر؟ ياخي ده اجمل بوست يهبش الايدلوجيا التبريرية المنافقة ........مثل هذا الكلام اعلاه يعلي من قيمة التـآمر ويجعل منه موسم فتح الله علي المؤتمر الوطني يعني علينا جاي منو العاوز يتامر عشان الله ما بهتم بالمؤتمر الوطني الا ساعة التامر يلا يا جماعة اتامرو ولو ما عارفين عنوانين للتامر المؤتمر الوطني لديه لستة جاهزة ......تامرو تامرو يرحمكم الله

Post: #7
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: محمد نور عودو
Date: 11-21-2014, 10:47 AM
Parent: #5

Quote: عندي غرض في البوست الباير دا ،،،


سلامات
يامواطن
البوست ما باير يامواطن أصبر بس
بيكون حسبو بلكات فك ليك بلك مع الخط الساخن
تعيش وتشوف يا مواطن

Post: #8
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: قصي محمد عبدالله
Date: 11-21-2014, 11:11 AM
Parent: #1

سلام أستاذ علي وضيوفه الكرام،
sudansudansudan.JPG Hosting at Sudaneseonline.com

يعني دخلت بعبارة قصيرة عن حسبو وطوالي لصقتها كمعلومة في الدين!
فهم غريب!

Post: #9
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: محمد حيدر المشرف
Date: 11-21-2014, 11:12 AM
Parent: #1

الزول العوير الداير يوصل بلكاتو مع الله ده نائب رئيس السودان ؟!!

Post: #10
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 01:26 PM
Parent: #9

Quote: : (( كلما تأمرت الجهات والدوائر على السودان كلما فتح الله عليه فتحا مبينا))

سلام ايها الصديق الرائع ود دفع الله ........
هذا بوست بائر؟ ياخي ده اجمل بوست يهبش الايدلوجيا التبريرية المنافقة ........مثل هذا الكلام اعلاه يعلي من قيمة التـآمر ويجعل منه موسم فتح الله علي المؤتمر الوطني يعني علينا جاي منو العاوز يتامر عشان الله ما بهتم بالمؤتمر الوطني الا ساعة التامر يلا يا جماعة اتامرو ولو ما عارفين عنوانين للتامر المؤتمر الوطني لديه لستة جاهزة ......تامرو تامرو يرحمكم الله


حبابك ود النعمة يا صديقي

انا المحيرني ما نافع وحسبو وغندور هؤلاء تجار دين لكن المحير في الامر انو في ناس مصدقنهم على هذا الكذب والنفاق والمتاجرة الرخيصة بالدين ،،

يعني نافع رضي الله عنه مصر انو السماء رضيانة عنه وعن ونظامه برغم اغتصاباتهم وقتلهم وفسادهم ،،عن اي فتح الهي يتحدث ؟؟؟؟
هو الاله دا ما بشوف عمايلهم دي وشغال فتح بالخير والبركات ،، دا اله شنو دا ؟؟؟

تحياتي يا ود النعمة

Post: #11
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 01:34 PM
Parent: #10

محمد نور عودو يا صديقي تحياتي

Quote: بيكون حسبو بلكات فك ليك بلك مع الخط الساخن


ههههههههههههههههههههههههههه
بلكاتو كلها طافية ،، بلكاتو ديل يشوف ليه مهوسين يوصلا ليهم ،،

مودتي يا حبوب

Post: #12
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 01:46 PM
Parent: #11

كتب شيخ قصي

Quote: يعني دخلت بعبارة قصيرة عن حسبو وطوالي لصقتها كمعلومة في الدين!
فهم غريب


تصدق يا شيخ قصي انا ما لصقتها ولا حاجة السيد حسبو هو ما ذكرها صراحة انه يجب توصيل بلكات مع الله مباشرة ،،
يعني يا قصي زول قال عاوزنا نوصل بلكات مع الله دا علم جغرافيا ولا احياء ولا فيزياء دا ما كلام دين عدييييييييييييييييل
بعد داك انت كشخص مهتم بأمور الدين شوف ليها فرقة و لصقها في اي حتة في الدين ،،،
ولا رأيك شنو ؟؟؟
عرفت الفهم اصلا ما غريب على تجار الدين ،،

Post: #13
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 01:53 PM
Parent: #12

Quote:
الزول العوير الداير يوصل بلكاتو مع الله ده نائب رئيس السودان ؟!!


تتصور بكل أسف نائب رئيس ،،، وهو الرئيس ذات نفسو برضو من نفس المدرسة بتاعة البلكات والعوارات دي ذاتها ،،

تحياتي دكتور المشرف

Post: #14
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 02:17 PM
Parent: #13

نجي للسبب الخلاني ارفع البوست ،،

في الفترة الاخيرة ظهرت عدة احداث من اهمها ذلكم الشيخ الشهير بسعد سكايب والته المبذولة على الهواء مباشرة ،،
عندما تحدثنا عنه بنفس حار تصدى لنا بعض دعاة الحريات وقالوا دا خاجة شخصية وبتناولكم ليها بتندرج في الخصوصيات وهذا ضد المبداء العام للمناداة بالحرية ،،
طيب لو رضينا بطرح هؤلاء الاخوة دا بعني انو السيد حسبو بلكات وغندور الذي يريد ان يعيد الله من خلال حزبه او نافع الذي يؤمن بأن الله معهم ،،
مش هذا الطرح ديني بحت يعني كل يعرضونه من بضاعتهم السياسية يدور في فلك الدين ،،
ولمن نلقى شخصية مهمة ومن اهم ركائز المشروع الحضاري وعضو هيئة علماء السودان وامين صندوق الشريعه وهو يمارس الزني عبر الاسكايب وفي نفس الوقت
معظم قادة المشروع الحضاري يتحدثون عن انهم مع الله وانهم هم الحق وغيرهم الباطل ، لذا وجب كشف زيفهم وكذبهم وتضليلهم ونفاقهم وتجارتهم بالدين ،،
عشان كدة بلا بلكات بلا اعادة الله من خلال الحزب دا بضاعة اصبحت بائرة وكاسدة وتــافهة ويجب التصدي وتناول اي شيء يتعلق بهؤلاء المفضوحين من غير اي تأنيب ضمير

-------------------

Post: #15
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-21-2014, 03:07 PM
Parent: #14

شكرا صديقي منعم سليمان على هذه الكبسولات الفيس بوكية

Quote: اللهم أفصل دينك عن دولتنا

كبسولات فيسبوكية – عبد المنعم سليمان
العصابة الإسلامية الحاكمة في بلادنا تثبت لنا - يومياً - قدرتها على إجتراح أساليب فساد لا يمكن ان تخطر على بال كبير الأبالسه نفسه .. ولا شك بانني لم أكن موجوداً على ظهر هذه الحياة الفانية وقت نزول الآيات من السماء .. كما لم أعش مناسبات نزولها ، ولكن لو ان ابني وعمره الآن (3) سنوات قد سألني ذات يوم عن سبب نزول آية : (أَرَءَيْتَ الَّذِي يُكَذِّبُ بِالدِّينِ .. فَذَلِكَ الَّذِي يَدُعُّ الْيَتِيمَ .. وَلاَ يَحُضُّ عَلَى طَعَامِ الْمِسْكِينِ) ، لما ترددت في إجابته : بانها نزلت في نظام الإنقاذ وعن أهل الإنقاذ وفي زمن الأنجاس ..
فمن بالله عليكم يعمر بيته بالمال المسروق من بيوت الله سواهم ؟ .. فعلوا كل الكبائر والموبقات ومع ذلك يقفون دون حياء قائلين بانهم يريدون ان يعيدوا للدين مجده .. اللهم ان كان هذا هو مجد الدين فأدفنه بأقرب صحراء وأهل عليه من ترابك كما تفعل بعض مخلوقاتك مع ما يخرج من بطونها ..
آخر كذب وسرقات العصابة الحاكمة بإسم الله ما جاءت به صحف الأمس التي نشرت ان ﻣﺴﺆﻭلاً إنقاذياً سرق ما يسمى بـ (ﺯﺍﺩ ﺍﻟﺼﺎﺋﻢ) ! .. يا للهول ..
تخيلت منظر الشيطان الرجيم وهو يخرج أنيابه السوداء ويقع على قفاه مقهقهاً من هذه الدناءة والوضاعة والحقارة ..
وتخيلت شهريار وهو يزجر شهرزاد ويؤنبها على إضاعة وقته في سماع قصص الشياطين والعفاريت ، فتعتذر شهرزاد قائلة له : عفواً سيدي الملك .. سأحكي لك حكايات واقعية ولكني أخاف على قلب مولاي ؟ فيرد شهريار : لا يوجد ما يخيفني في هذا الكون يا شهرزاد .. تعلمين ذلك .. فقد إستمعت لكل قصص الجن والعفاريت ولن تخيفني قصص الأنس .. فتبدأ شهرزاد الحكاية : كان يا ما كان في قديم الزمان بلد إسمه السودان .. لم تكمل شهرزاد الحكاية فقد خرّ الملك شهريار صريعاً قبل ان تكمل حكايتها ..
وتخيلت أبوذر الغفاري يهب واقفاً وهو يقلع كفنه ثم ينفض ما علق من أديم الأرض على جسمه ويمتطي حصانه منطلقاً رافعاً لافته كبيرة ، مكتوب عليها : ( الدين لله والوطن للجميع) .
وتخيلت مذيعة (الشروق) تسأل الشاعر القديم (أبي العيناء الأعمى) عن عمر البشير ؟ فيقول مبتسماً : ( لو كان عمر البشير في بني إسرائيل حين نزلت آية البقرة ما ذبحوا غيره) .
واللهم أفصل دينك عن دولتنا لمصلحة الدين والدولة .. آمين يا رب العالمين .. وجمعة مباركة.

Post: #16
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: فرح الطاهر ابو روضة
Date: 11-23-2014, 10:50 AM
Parent: #15

صدسقي على دفع الله
يبقى ظلم الحكم ياهو الظلم
لو من جوامع او كنيس
ويبرى السماء
ويبرى محمد سيدي
ويبرى المسيح
والله يوسدك الباردة يا حميد

Post: #17
Title: Re: غندور وحسبو** ،، واحد عاوز حزب يعيد الله من خلالو والتاني عاوز يوصل بلكات مع
Author: علي دفع الله
Date: 11-23-2014, 05:39 PM
Parent: #16

فعلا رحم الله القديس حميد القائل (( الجاتنا جاتنا من الارض ما جاتنا من تالا السماء ))
عشان كدة قلنا ابعدوا الدين عن السياسة بسلمو الاتنين

مودتي صديقي ابو روضة