عصام جبر الله ... اسي دي عملية تعملها

بتبالغ ياخ

موقفك دا قاصد بيهو شنو يعني

ثم الاهم من كدا
انتا متعايش بشكل طبيعي مع نفسك
كيف ؟؟؟ مما الموضوع دا حصل

هو بالمناسبة كدا يا (كبير)
الموضوع دا حصل من زمان ولا انتا صحيت من النوم لقيتو كدا

انا عارفه، بس قالو لي ما تقولي...

اسي يا رحاب
هو زاتو خلا لينا فرقة نقيف معاهو ولا ندافع عنو

ما ممكن
اصلو ما ممكن ياخ

غايتو يا عصام
انا شايف انو الكلام دا اصلو ما كان صاح منك

اعتقد انو دي مسألة لا يمكن تجاوزها باي حال

المره الفاتت لمن كلموهو قال افكر

Quote: انا عارفه، بس قالو لي ما تقولي...

الفيس بووك كلو عارف

Quote: الفيس بووك كلو عارف

مش كان في انقلاب؟ :)

اللهم اجعله خير



---

سلام يا امجد

تجاوزها
يتجاوزوها يقعو بيها وين زاتو يا حمور

لا خير فينا ان لم نقلها يا بدر الدين

لا خير فينا

يا بشرى

يني الفضيحة بقت بجلاجل و على وشك يا كاتب كمان

Quote: مش كان في انقلاب؟ :)

حسي دا كلام دا

هل يكفي نقد ذاتي لتجاوز هذه المسألة ؟

ولله يا حمور
نقد موضوعي زاتو ما ظنيتو كافي

ممكن تقترح خمسة و اربعين جلدة مثلاً

امجد

سلام

Quote: لا خير فينا ان لم نقلها يا بدر الدين لا خير فينا

الطف يا رب!



----
اللهم لا نسألك رد القضاء، نسألك اللطف فيه

اسي يا جماعة شوفو لينا حل
القصة دي ممكن يكون لها ما بعدها يعني

و هل في احتمال تستمر لي قدام

الفيس بوك كلو هين.
دكتور عثمان عرف ؟
لو عرف فحنتوقع سؤال على شاكله : هل لي أن اعرف اين تقيم الان ؟

لووووووووووول
تعرف
حقو تكلم د. عثمان يا حمور

Quote: اسي يا جماعة شوفو لينا حل

تعويض مالي مغري بحل ؟؟

لماذا تجاوز امجد لوم زميلة على فعلتها التي لا تقل عن عملية عصام جبر الله ؟
هل يعني ذلك انه يوافق على ذلك ؟
ام ان ليونيو اسبابه ؟
ملاحظة تنكيه عابره

يا حمور انتا بتاع مشاكل ولا شنو
عموما الجماعة قالو العيب لمن يجي من اهل العيب ما يبقاش عيب
و على ذلك قس

ياخي انتو غريبين بشكل؟؟

كل سنة وإنت طيب ياعصام

طيِّب شنو يا راويَّة في يوم 25 مايو؟؟؟
___
أنا من زمان حاسي بأنو في defect somewhere بس ما كنت متاكد، ولا زلت، ولكني أظن -غير آثم-..

عملا لي الله يا ياسر
هو اليومين ديل معوج معاي شديد
لكن الواحد بيعمل باصله






_________________
حلوة القصة الحكاها يومداك في وش الكتاب لتبرير فعلته هذه

ياخ فاقدنك شديد في الانفايرونمينت الحولنا اليومين ديل رووووووووووعة قال ليك

شرف لا ندعيه و تهمة لا ننكرها

كدى اول حاجة في زولة اسمها سهام المجمر برضها "ملطخه" زى حالى كده جيبوها هنا

اتمرمط براى كده

يا الكاشفه اختى ابقي مارقه

كان عندنا فردة تالت لكن ظروفه الحالية لا تسمح

في علاقة بحركات عيد الميلاد و ما شابه او عن البداوة

قالو واحد زى نوعنا ده كامل البداوة و الغلظة و الجلافة ساقتو ظروف الدنيا لبلاد اقل قساوة و تعلم بعض لطف الحياة , بعد عودته لاهله و في اول صباح له الولد خاتى بشكيرو في كتفه قابل ابوهو قال ليهو "صباح الخيرر يا ابوى"

الاب عاين ليهو شذرآ و قال ليهو "صباح الخير؟ يا ود بطل ال..... دى"

تقول لى عيد ميلاد؟ الغلظة تسري في الدم و قيل الجينات زاتا

في الابتدائي و في "مدينة" مدنى كان من يحضر معه ساندوتش للمدرسه يقابل بتعابير مثل "احى انا يا بتاعين السندوتشات"

و العجب ان كان بيض مسلوق او جبنه رومية

شراء البيبسي او طبخ الحمام يعنى ان شخص بالبيت مريض
الكاستر او المكرونة انو عندكم ضيوف

البداوه في ابسط تجلياتها

و نكاية في كتار ننقل كلام المشاتر محمد حسبو و الذي عبر عنى لحد كبير و دون شك لجامع الجلافة بيننا و ازعم انى ابرع منه في دسها و اخفاءهااو انه اصلا لا يأبه لاخفاءهاو ارجح الاحتمال الاخير
بعدين نجى لى ناس الاستهداف و اغتيال الشخصية الرفيق الموتور امجد و المشبوه حمور

Quote: نقلا عن سودان فوراول في ثناء العادات الدخيلة؛ كيف انتاب الحب شعبنا؟ محمد حسبو تابعتُ بالأمس جانباً من برنامج قناة النيل الأزرق (بعد فك التشفير) و هالني ما رأيته من مظاهر الاحتفال بعيد الأم، شاهدتُ أشياء غريبة، أحد المُخرجين بالقناة يحمل لافتة كُتب عليها بقلم جاف أزرق: أحبّك يا أمِّي! و طوال فترة بث البرنامج تردّدت كلمات الحب و الحب الشديد الذي يدمي القلب من رجال و نساء تعبيراً عن مشاعرهم تجاه أمّهاتهم، و كان الجميع يتحدّثون عن هدايا تُقدّم للأمّهات و الأمّهات في الجوار و من الأقارب و غيرهن، يتحدّثون بطريقة تُظهر تقديم هذه الهدايا كأنّه أحد التقاليد المرعيّة و كأنّه من المسلّمات.. و قبل أيّام التقيت (بالمسنجر) صديقي إكس بعد طول إنقطاع و سألته أن ينضم إلينا في موقع الفيسبوك للتسوّق الاجتماعي، و قد استجاب الرجل -مشكوراً- بعد يومين، و لكنّه ما أن رأى أصدقاء من زمن مضى و أيّام لن تعود حتى بدأ في التعبير عن مشاعر غريبة على سطح الموقع (أو على الملأ بلغة ما قبل الانترنت) قائلاً إنّه يعيش و يتنفّس على أمل لقيانا و قال كلاماً عن تباريح الألم بحق أصدقائه القدامى، و قد ألجمتني المفاجأة نظراً لأن إكس هذا كان شبه مجرّد من الأحاسيس حتى آخر عهدي به.. أصبح التصريح بالحب أمراً متفشيّاً بيننا، بل وصل أحياناً مرحلة الحب بالجملة أو على الهويّة، فقد قرأتُ في أوقات سابقات من بعض زملائي في منبر سودانيزأونلاين العمومي قولهم إنّهم يحبوننا جميعاً، و لا أذكر أنّ التصريح بالحب كان شائعاً عندنا حيثُ نشأت في وسط الخرطوم، و لا تنس أنّ هذا الوسط يُعتبر أكثر حضريّة فقس على ذلك، بل إنّ لغتنا المُتداولة حرصت على إبقاء لفظة الحب إمّا خارجها أو حَصَرتها تُستخدم في أضيق نطاق و مغمورة بين طيّات الكلام، حتى في عرض الزواج تجد الأمر يُصوَّر على أنّ فلاناً داير فلانة، أو فلانة سألوها و قالت دايراه، نعم، فالحب في المسلسلات، و لو أن رجلاً قال لزوجته إنّه يحبّها، فإنّه يحرص على إهالة التراب على الموقف و مغادرته على عجل كمن يطأ حصاة ملتهبة تحت شمس مايو. أما الاحتفال بذكرى إعدام القدّيس فالنتاين، أو ما صار يُعرف بعيد الحب العالمي، فهذه تكاد تكون بدعة، و لا أبالغ لو قلت إنّنا لم نكن نألف هذه الممارسات و لو في مكان مثل جامعة الخرطوم حتى انصرم القرن الماضي، و تذكّر مرّة أخرى ما جامعة الخرطوم في قومها، حيث شهدنا انتقال هذه الطقوس من الصفويّة المغلقة إلى العلن و إن على استحياء في تلك الفترة لا قبلها، و كان الاحتفال بهذا العيد يدل بالنسبة للسياسيين و الكادحين و هم يشكِّلون غلبة في طلّابها حتى ذلك الوقت، كان يدل حينها على الترف و الانصرافيّة، و كانت مظاهر الاحتفال تتم في مواقع بعينها و تقتصر على فئات من الطلّاب و الطالبات من البرجوازيّة و البرجوازيّة الصغيرة و ما يُعرف بالمتحنكشين. عيد الحب اليوم هو ثالث العيدين لدى أبناء و بنات المسلمين أو يكاد. حتّى في أوساط الرجال تجاه بعضهم بعضا -و هذا كان يُعد عيباً خاصاً و له دلالات أُخرى- فقد انداحت المشاعر و الآن تجد كثيراً من الإخوة الرجال يصرّحون بحبّهم لأصدقاء لهم و بتملّك هذا الحب لقلوبهم، يحدث هذا في العلن دون أن يرى فيه الناس شيئاً من الفهم القديم الذي يتراوح بين المثليّة و الخيابة، و مثلما في حالة صديقي أعلاه و آخرين، فالمحيّر في الأمر أنّ هذا يصدر عن رجال كانوا مثلاً في غلظة الطبع و كان يُتوقّّع منهم الكثير، من شاكلة أن تحدِّثهم أنفسهم بالكفاح المسلّح أو سفك الدماء، فهل و الحال كهذه تصح المقولة الدارجة "الجيش تمّوه موية" و تتضاءل فرص الحرب وسط تنامي المشاعر الرقيقة و الحب و السلام هذا؟ لا أشك لحظة في أنّ هذه التغيّرات إنّما هي عادات دخيلة على هذا الشعب الأبي الذي كان يتحلّى بالجلافة في التعبير رغم عاطفيّته الشديدة، كمن يهرب أو يتبرّأ منها، و لربّما غزتنا هذه الشفافيّة (؟) و الثقافات المستوردة بواسطة الفضائيّات و أيضا الاغتراب و العيش في مجتمعات مختلطة و ما إلى ذلك، قبل أيّام كان المغترب العائد للزواج (و هو سوداني الجنسيّة) يؤكِّد في لقاء "تلفزيوني" إنّه اكتشف إنّه "يحب حبيبته" السابقة ما يزال، و إنّه لا يستطيع العيش بدونها، مثل هذا التصريح كان في السابق و ضمن عاداتنا الأصيلة يُعتبر نوعاً من المسخرة، و لا يجوز الحديث هكذا في الهواء الطلق و أمام كبار السن. و يبقى السؤال: لقد اعتدنا على استخدام عبارة "العادات الدخيلة" لوصف ما هو مستهجن، فهل سنظل نستعمل الأكليشيه نفسه بمعنى سلبي و لذم كل ما نتعلّمه من الآخرين؟ أم صار بوسعنا أن نتحدّث عن العادات الدخيلة بحسب ماهيّتها و أثرها الإجمالي؟ أتراه قد بدأ عهدٌ جديد نتخلّص فيه من فوبيا ما هو أجنبي و غريب بعد أن أشاعت الأفكار الدخيلة بيننا لغة الحب و هي أيضاً في طريقها لتجلب لنا العدالة و للمستضعفين الأمان؟ يبدو أنّ تيار التصريح بالمحبّة الدخيل علينا هذا يكتسحنا و لا يصمد أمامه أحد، بل على العكس يسعى الأفراد لإظهار الإنسجام و التوائم مع هذه الثقافة الجديدة كونها أصبحت ثقافة المجموعة، استسلم أكثر شباب هذا الشعب الأبي الآن للتعامل مع عيد الحب و أعياد ميلاد الأصدقاء، و رأيتُ بعضهم يحاول بالأمس أن يظهر أمام عاصفة الاحتفال بيوم الأم الوطني تلك و كأنّ شراء هديّة لوالدته في عيد الأم هو سلوك متأصِّل لديه، مع أنّ ظنّي الآثم يقول إنّ هذا لم يحدث قط، هذا لو قلنا إنّه كان يعرف عيد الأم قبلاً، شخصيّاً خُيِّل إليّ وسط مسلسل انبثاق المعاقل !؟ هذا أنّ صديقي ود النـchـل ربّما حمَل وردة حمراء زابلة إلى والدته بحي الفردوس المفقود ليلة الأمس، و لم أعد حتّى استبعد أن يطل علينا –نحن أعضاء منبر الحوار الديمقراطي- ذات يوم، صديقنا حسن موسى، ليخبرنا إنّه: يحبّنا جميعاً..

لا تزال قصة الموية المعدنية او موية الصحة مثار دهشة واندهاش ناس كتار من بينهم انا
...

وكفارة يا عصام

Quote: شرف لا ندعيه و تهمة لا ننكرها كدى اول حاجة في زولة اسمها سهام المجمر برضها "ملطخه" زى حالى كده جيبوها هنا اتمرمط براى كده

والله يا عصام ما عجبتنى حركتك دى
ياااخ ما تاكل نارك براك
انا لى 19 سنة (لوووووووول يكة) مستحملة ناس هشام وهمام
يجونى بالدفوف و يا مايو حبيب يا مايو حبيب
لمن تجى نعمات بت عيشة تفض الاشتباك و تقول لى
قولى ليهم مالو نميرى الوجعكم ده زاتو من الصباح واقف صفا انتباه
عشانى عيد ميلادى !!!!!!

عصام شايفة ريهان قالت فيها كفارة كمان
لاحولالالالالالالالالالالالالالالالا

ياخ كل سنة و نحن طيبين رغم انف المرجفين من شاكلة امجد

عصام كفارة ياخ !


ــــ
أمجد يعني شايفك عملت نايم
ما هكذا تورد الضباع ياخ !

سهام وعصام
وفردتهم المنعتو ظروفو
كل سنة وانتو طيبين
سنوات اجمل قادمات لكم جميعاً

شكراً امجد على اشاعة الخبر

سهام والله انتبهت لمايويتك يادوب
المهم الجاتكم في مايو سامحتكم شديد !



ولا نامت اعين الجبناء

نفشي الخبر !؟












____
الله يحرجكـ يا اخينا

يا عصام عليك الله ما تقعد تتزاوغ
يعني انتا الموضوع بتاعك دا واقع تحتا مادتين في القانون الجنائي (الجريمة و التستر لاخفاء جريمة)
التأمر لارتكالها ما عارف الا يجو ناس القانونه يفتونا
ولله انا لامن حاني عليك اسي

جيتنا و فيك ملامحنا
بعد يا مايو ما يأسنا


اشك ان اسم شهادة الميلاد هو عصام.






سهام المجمر .. غايتو لو قلت ليك ده يوم منو برضو بتقلبي تسنين .. اكعب ليك من مايو.
اعتقد اخيرا عرفت ليه متناقرات.

عصام و سهام،،
يعنى شنو ؟؟؟
عيد ميلاد عيد ميلاد،،
ما (فوكها) حاجة والله،،،،

كل سنة و أنتم طيبون،،،،،














لكن 25 مابو؟؟؟؟؟

انا امبارح موش كنت حاجزة طوبة في الموضوع ده؟؟؟؟

خوتك خوة كرتون يا امقد

مالو ما هو: حبيب زي أمي و أبوي زي أختي و أخوي
عصام و سهام كل سنة و انتو طيبين طيبين....

بردو حركة لتيفة من الناس ..
نوماتر واات .

عِسام .. ديد يو ميك أ ( ويش ) ؟
و تفيت الكاندلز ؟
أوووه .. سوييت يو .



.....
صنننننننننننه ..
بعدها يُسمع صوت : لفخخخخخخخ .
و تعود الصننننننننننننننننن .

- الله يحرجك يا بركة إلهي و إنت جاهي -

وسمعنا انو كان بيرد بنفس فاتحة وبلا خجلة

Quote: سهام المجمر .. غايتو لو قلت ليك ده يوم منو برضو بتقلبي تسنين .. اكعب ليك من مايو. اعتقد اخيرا عرفت ليه متناقرات.

ها ها ها ها
تصدق أكعب ليها من مايو

لكن الحدث نفسه متناغم مع مايو


ولا نامت اعين الجبناء

يعلم الله ما عرفت أودي وشي وين يا عزاز ..
قدر ما إتضايرت .. و طرطشت الموضوع ..
و هو ولا عليهو ، منشكح و لذيذ لذيذ كده و .. محن .

هسه أقول لناس أهلو شنو يا عزاز ياخي ؟
« كتاب الوش » ده أتاريهو فعلاً بيجي في الوش .
يا خالقنا ما تعولقنا يا الله .

معليش يا عمدة ... هدي نفسك
تقوم تمرض في السخانة دي نقبل بيك وين؟
والناس مشغولة بعيد الميلاد المجيد زول
يدو فاضية مافي يتكلك معاي ....


انا من رأي ما تاكلم اهلو ... الموضوع ده حار و الواطة سخنة بلا شي

يا جماعة كل حدث يتم تقييمه مع الاخذ في الاعتبار الظرف الزماني له

في تلك الايام الناس دي كانت بتفاخر بهذا التاريخ

قيل:
التور كان وقع تكتر سكاكينو
و
الصقر كان وقع كتر البتابت عيب
و

الاسد كان عجز ... الخ

واضح ده كلها بقت علينا


مزعلنى في كل سيل التهريف و الارجاف و الخيانة ده الا كلام الزول ده

Quote: الله يحرجكـ يا اخينا

و انحنا نضاير و نستر و نتغابي

يا بااااارد ..... انادى ليك صاحبنا بتاع صاحبنا الفي السودان و لا تجى تعتذر هنا الان عن كلامك ده و تنزل اغنية كمان

قدامك ساعتين ... و قد اعذر من انذر

و سوق معاك اب شنب ده, الزول ده و الله قلبي اباهو تب من اول يوم, عارف خوتو حدها قصير

حليل اللخوان البركزو معاك يوم المحن الزى دى


و التمساح اريتو لو اكلنى زاتو

والله يا مايو يا خينا إنت تستحق شهادة تسنين وإعتذار..
___
والله خليك شمولي وواصل (إسكيتك*)

* ياخدر ما تجيب الصورة وتريحنا، عشان نشوف لينا شغلة تانيَّة..

امجد انت مرض دى واحد

اتنين حمور زيادة وراوية
صدقو فهمتكم امانة ما عوقتونى تب
لكن سألتكم بالذى خلقكم انكم تمشو تدو طله
للبوست ده هل الكذب يعد من الاساليب السياسية القذرة

وح اعتبر دى هدية عيد ميلادى
وياراوية انتى بالذات افعصى اللينكات وشوفى بنفسك ما ح اقول ليك شنو؟؟
حكاية الجمبة و اهداء ليكم بمناسبة هذا عيدى وعصام
عندنا جارتنا بتحب الحيوانات شدييييييد يعنى الكديسة حقتا و الا اختها
بتحبها لدرجة انها خاصمت اسرتنا لما الكلب بتاعها عضانى وانا صغيرونة اكتر من هسه و مشو ادونى
حقن السعر قالت فى ما معناهو دى اشانة سمعة لركس (ال هو الكلب)
المهم يوم عندها كديسة مرقت الشارع و زى ما عارفة شارع الظلط قدام بيتنا
اها الكديسة لاقتها عربية ضربتها وانا لله و انا اليه راجعون
طلعت جارتنا على صوت الفرامل (شمار كده) لقت كديستها فى وداعة الله
وطبعا السواق مشى طوالى باعتبار انها فقط كديسة
رجعت الجارة البيت وهى لازالت تدعى على القاتل
دعا تقشعر له الابدان
المهم داخلة و مارقة فى بيتها انشالله ما يصل بيتو
انشالله بالييتم اولاده ذى ما يتم اولاده
انشالله بالتحتو حت
يا لوسى ..يانانسى .. لولى (عيال الكديسة الماتت)
تعالن لى تعالن تتتتتتتتتتتتت
تعالن نكلمكن فى راجل ود........ لقى امكن ضربها قتلها
اها انا قلت اكلمكن براى عشان ما تسمعوه من بره تقولو
دسيتو منكن!!!!

اها يا راوية افعصى الراوابط الفى الصفحة التانية

فى جمبة تانية:
وصاحبك انا ما عافية ليهو طيبتو الزايده عن الحد دى

Quote: شرف لا ندعيه و تهمة لا ننكرها

بمناسبة اعلاه دي يا عصام

رشاد صاحبي مولود يوم 19 يوليو 71

امجد سلام

ياخ ما تخلوا الحقارة البتعملوا فيها دي

وسياسة الكيل بمكيالين ياخ


يعني هسه عصام دا براهو الفي المنبر دا العمل العمله دي

ما سامي صلاح برضو عمل نفس العملة

وللا عشان سامي صاحبكم دايرين تغتغتوا ليهو

Quote: فى جمبة تانية: وصاحبك انا ما عافية ليهو طيبتو الزايده عن الحد دى

صاحبي نبيل يا سهام
ومهذب ومالي مركزه ومحترم روحو

اما اللنكات لسة ماعفصتها
صراحة مليت ومافي جديد وياهو الموال زاتو
وياها أعراض الشيزوفرينا زاتها
ودخلنا الفلم دا قبل كدا وكنا أبطالو أنا ورجاء أختي
وبالمناسبة أنا زاتي كشفت راسي ودعيت
البهتتني بيهو تلقاهو في نظرها
لكن ما إكتفيت بكدا
وهسة صراحة هي معوقاني في صاحبي التاني
المابرضى فيهو
ولانه برضو محترم ومهذب ومالي مركزه
غايظني

سلام يا ناس ....

تصدّقوا بتي <روان> من نفس دفعتكم دي (من حيث تاريخ اليوم والشهر)، وعيد ميلادها ده عامل لي أرضي .... كيف الزول يحتفل بيهو؟

غايتو يا عصام وسهام عوضنا على الله .. ونقول ليكم كل سنة وإنتو طيبين

Quote: اما اللنكات لسة ماعفصتها

عاد جنس بخل:) :)
يازولة و لا تعفصيها زاتو
بالجد كده
استمتعى بوجودك فى الدوحة و عليك الله لاقى لى كيكى
وتعالى افتح ليهو بوست : لاقيت ليكم كيكى

______________________
و انت طيب يا محمد
و كل سنة وروان بالف خير
تحتفل بيهو كيف قلت لى؟
تصحى من النوم وتتذكر لحظة ميلادها
والناس بتقول ليك مبروك جاتك بت
لوفى زول قال ليك النميرى ح تقول ليهو
النميرى ده منو؟؟؟؟

قيل:
التور كان وقع تكتر سكاكينو
و
الصقر كان وقع كتر البتابت عيب
و

ماهو باين...

تعال يااسام جبرتا عندي ليك موضوع سمح خلاس ...

عل موضوعك مع الزول ده تاكل نارك براك ..

Quote: عاد جنس بخل:) :) يازولة و لا تعفصيها زاتو بالجد كده استمتعى بوجودك فى الدوحة و عليك الله لاقى لى كيكى وتعالى افتح ليهو بوست : لاقيت ليكم كيكى

لاقيتو
لاقيتو يا سهام
كيكي حكاية
لكن مابقدر أقول ازيد من كدا
على الاقل في الوقت الحالي
بس عندو نظرة كدا تحسسك إنك قدام توفيق الدقن
أما البوست عنه ففعلا مابقدر أتحمل تبعاته

غايتو
هو نوع الناس البتحسي إنه علاقتك بيهم ممكن تكون إتيرنالي

اىىى نعم تورتة زفاف لكن اصلو ماكتيرة عليهم فى يوم زى دا

أميرة حبي أنا
ميرسي على كل شي
بجد ميرسي

يابت مرسي فى عينيك..



التورتة دى لى عمو عصام وخالتو سهام...

قرقرقرقر

إنت عارفة أنا مابتكلم عن التورتة
يازولة فرحت فرحة لما لقيت في حاجات مشتركة بينا وممكن نقول الكلمة زاتها في نفس اللحظة

بالله عصام طلع مولود في (25 مايو) وعاهو سهام كمان ؟؟؟
والله فضيحتكم بي جلاجل !!
الواحد لما اسمو ما يكون عاجبو بيضبح خروف ويغيرو..هسع انتوا الاتنين تغيروا تاريخ ميلادكم كيف؟؟
ياخوانا من هسع كلمونا في حد مولود في (30 يونيو) عشان نعمل حسابنا!!

عصام وسهام..كل سنة وانتوا طيبين..لكن دي ما عملة تعملوها

عيد ميلاد سعيد..
و كل 25\5.......
انتو طيبين...و عقبال الشمعة المية بعد ال25
شكرا يا امجد...

اميرة الشيخ تورتتك فى ريحة ما عاجبانى :) :) :)

يا راوية ياخ الحاجة المشتركة شنو؟؟؟ احى ىىىىىىا انا
شمار و قتلنى

Quote: بالله عصام طلع مولود في (25 مايو) وعاهو سهام كمان ؟؟؟ والله فضيحتكم بي جلاجل !! الواحد لما اسمو ما يكون عاجبو بيضبح خروف ويغيرو..هسع انتوا الاتنين تغيروا تاريخ ميلادكم كيف؟؟ ياخوانا من هسع كلمونا في حد مولود في (30 يونيو) عشان نعمل حسابنا!! عصام وسهام..كل سنة وانتوا طيبين..لكن دي ما عملة تعملوها

خالد عويس ياخ انا زمنى ده كلو بقول عليك ولد كويس والله :) :)

يعنى مافى زول يكون امين مع جماهير مايو و يقول كلام زى ده

Quote: عيد ميلاد سعيد.. و كل 25\5....... انتو طيبين...و عقبال الشمعة المية بعد ال25 شكرا يا امجد...

شكرا اخى نمر على حسن تعاملكم مع الموقف و انسانيتكم
وبعدكم عن جماهير الشامتين
وكل سنه وانت بالف خير

الشكر موصول لعصام جيرالله فى زوغته الابدية

بعد ده يا امجد ارفع صيوانك
_____________________________
* جيرالله كانت غلطة مطبعية قلت اصلحها لكن لقيتها ظاااابطة

كبير كدا ومولود في يوم 25/مايو

يعني انت ودكتورة نجاة اولاد يوم واحد

سهام ركزى على الطعم الطعم الريحة خليها

Quote: يازولة فرحت فرحة لما لقيت في حاجات مشتركة بينا وممكن نقول الكلمة زاتها في نفس اللحظة

الليلة وووب ياراوية...

ياخ الدوحة دى مافيها غابة...الواحد يتمرد وين...

شوف عينى ماشين فى طريق تكوين العصابة..

ودجبر الله
ياخي حاول انتقي اصحابك..

ياتمرقني من نفقتك..