اسئله لأعضاء حزب الأمه المعارضين !

و المعارضين دي قاصد بيها المعارضين إنتخاب الأمين العام الجديد !

اسئلتى دي سألتها في بوست أختنا لنا ، و التي ردت مشكوره علي بعض منها ( لن اوردهم أدناه ) و لم أجد لها أجابت ، يمكن لانو ده ما كان موضوع البوست ، فقررت أفتح البوست ده علها تجد إجابه

إنتو معارضين انتخاب الأمين العام الجديد لانو الانتخابات كانت غير نزيهه بحسب فهمي لوجهه نظركم ، وروني بتين
حزب الأمه كان فيهو إنتخابات ؟ ما بتكلم عن الخمسه و لا العشره سنين الفاتو ، بتكلم عن حزب الأمه منذ تأسيسه ، بالنسبه لي ‎- كمواطن بسيط ‎- غير متابع الأحداث السياسيه بدقه ، حزب الامه ده عمرو ما كان فيهو دمقراطيه ؟ الحزب ده مما اسسوهو حق آل المهدي ، حقهم عديل ، يعينو ده و يرفدو ده ، يقربو ده و يبعدو ده ، مافي زول يقول بغم ! لمن الصادق المهدي يعمل ليكم إنتخابات و يفوز فيها زول ‎- بغض النظر عن الزول ده منو و انتخابو تم كيف ‎- تجو تملو اسافير الله الواسعه دي شتيمه في الزول الفاز بالانتخاب؟
إنتو لمن دخلتو الحزب ده ، كان في إنتخاب و لا ديموقراطيه ؟ ما من يومو حزب طائفى ، الجد شنو ؟ الاتغير شنو ؟

ــــ

Quote: أختنا الفاضله لنا ، سلام الله عليك و رحمته و بركاته ياخي أنا و الله ما عايز اترازل عليك و لا على أخوانا في حزب الامه المعارضين أخونا العمده و أخونا عماد و باقي الاخوان المعارضين ، لكن و الله أنا من شده ما متحير ، الكلام ذاتو غالبنى !وروني بتين كان في ديموقراطيه في حزب الامه ؟ الحزب ده مما اسسوهو حق أل المهدي ، حقهم عديل ، يعينو ده و يرفدو ده ، يقربو ده و يبعدو ده ، مافي زول يقول بغم ! لمن الصادق المهدي يعمل ليكم إنتخابات و يفوز فيها زول ‎- بغض النظر عن الزول ده منو و انتخابو تم كيف ‎- تجو تملو اسافير الله الواسعه دي شتيمه في الزول الفاز بالانتخاب؟

إيقاف حسابي في "منتديات الأمة" لن يوصد فمي!!!
الاخ الكريم أمين محمد مع الأسف الشديد لم أنتبه لورود أسمي هنا إلا بعد بوستك هذا فقدذهبت إلي بوست لنا,بحكم تداخلي فيه ! فلك العتبي .

تأكيداً لم أتي إلي حزب الامة القومي لإداء فريضة الحج واقول لبيك , ولكن كان سعي لما هو مطروح من برامج سياسية , ولم أمتطي ظهر فرس القبيلة فقد نشأة في منطقة خصبة التربة خضراء وفيرة المياه إنطفأت فيها نار القبيلة بحكم الإستقرار والمصاهرة وأصبحت (أرض المحنة) فلا يوجد في قاموسي الولاء والتعبية الإسمية بقوة وشكيمة العقل فقد جاء إختياري عن نُضج في منتصف تسعينيات القرن المنصرم وساده فيهو جو من البطش والتنكيل بكل من يعارض والدعة والراحة لمن يوالي , فأصبحت أتلمس الإفادة مع قلة البضاعة ومن خلال القضاية المطروحة بزمانها حول مصارعة ظلم الجبهة الإسلامية للطلاب _ جامعةالخرطوم _ وحقوقهم وحقوق مجتمعهم الذي جاءوا منه فقد إمتازوا متحدثين الأنصار _ طلاب حزب الامة ببراعة وعبارة وقوة وصرامة وتحري المعدلة , وصلابة العود عن الأغراض الذاتية غمزتني بوطنية كنت أنشدها .

اواصل غداً

أخونا عماد
شكرا عن مرورك ، و نخليك تتم كلامك كلو بعدين نرد ليك عليه !

ــــــ

Quote: إنتو معارضين انتخاب الأمين العام الجديد لانو الانتخابات كانت غير نزيهه بحسب فهمي لوجهه نظركم ، وروني بتين حزب الأمه كان فيهو إنتخابات ؟ ما بتكلم عن الخمسه و لا العشره سنين الفاتو ، بتكلم عن حزب الأمه منذ تأسيسه ، بالنسبه لي ‎- كمواطن بسيط ‎- غير متابع الأحداث السياسيه بدقه ، حزب الامه ده عمرو ما كان فيهو دمقراطيه ؟ الحزب ده مما اسسوهو حق آل المهدي ، حقهم عديل ، يعينو ده و يرفدو ده ، يقربو ده و يبعدو ده ، مافي زول يقول بغم ! لمن الصادق المهدي يعمل ليكم إنتخابات و يفوز فيها زول ‎- بغض النظر عن الزول ده منو و انتخابو تم كيف ‎- تجو تملو اسافير الله الواسعه دي شتيمه في الزول الفاز بالانتخاب؟ إنتو لمن دخلتو الحزب ده ، كان في إنتخاب و لا ديموقراطيه ؟ ما من يومو حزب طائفى ، الجد شنو ؟ الاتغير شنو ؟

لاأريد أن أنجرف في فيض الذاكرة فمياه كثيرة تدفقت تحت الجسر. أدلف إلي أسئلتك بغارها وعسي أن يتدثرني ويزملني بيان اللغة كي لا يرتعش الإيضاح , قبل أن اكون معارض إلي الامين العام الجديد فقد كنت معارض لثورة الإنقاذ وبحكم الإنتماء للتنظيم حزب الامة القومي فأيها تقارب معها آي الانقاذ لا يلزمني بشيء فإنني لا أبحث عن مصالح ولا أريد أن أعيد وأكرر إليك أعترافاته وإفتخاره الامين العام الجديد بقليده مناصب في ظل أنظمة شمولية وديكاتورية , فوظيفة الأمن في ظلها سيئة السمعة , وبطشت بيد من حديد كثير من ابناء الوطن و لم تخدم الوطن بقدر ماهي تخدم النظام ولا وظيفة محافظ تعطي لكل من هب ودب ؟! وبالطبع لا أريد أن أرفع مكبر الصوت للخروقات التي تمت في المؤتمر السابع فقد سمع بها القاصي والداني ,
إذن يا أخي أمين نحن ننتمي إلي ذلك الشعب الذي لا يجد حرجاً في أن يكمل حلقات المسلسل عند الجيران وبكل أعضاء الاسره أثناء حدوث تلف( فيوز) فلا نبحث عن المشكلة أين هي؟! هل البطاقة أنتهت أم الأسلاك تلفت أم غيرها ونضع أولوايتنا المسلسل ؟! فكل التاريخ الذي درسناه حكي وحكايات وتمجيد وأخر نقطة في كتاب التاريخ الحكومي المدرسي هو أستقلال السودان كان 1956م , فلم تكتب الفترة الحديثة بطريقة منتطمة وبنظريات نقدية مختلفة من أجل المعرفة والحقيقة ولم تدرس إبداً, والواقع فأنا جيل السبعينيات ميلاداً لم أعايش تلك الفترة منذ تكوين الحزب وإطلعت علي الشحيح من الكتابات التي توفرت لي أن تكوين حزب الامة القومي هو تحالف طائفة الانصار مع نفراً من المثقفين , ولربما أتفق معك لم تحدث فيه النهضة الداخلية المطلوبةوالمرجوة إن كنت تري ذلك من خلال الفترة الزمنية الطويلة ومن خلال أنه اكثر الأحزاب من أخذ ثقة صوت الجماهير إلي ثلاثة حكومات ديمقراطية وقد يكون هنالك تبرير لفشل الحكومة الأولي وهو عدم وجود كوادر مدربة علي تسير دفة الحكم لذا تم اللجو والتؤاطو مع العسكر خوفاً من إنفلاتات الامنية في البلاد , أما في الثانية والاخيرة فلا مبرر سوا وسام الفشل بجدارة , وهذا الفشل وبكل حقيقة لم يكن في البرامج , ولكن في الإدارة فإلي تلك اللحظة لم أجد برامج مطروحة أحسن منه علي الإطلاق , وعليه الديمقراطية التي توجد بداخله فهي نسبية وهذا راي شخصي .
وعند إنفجار الازمات المتوالية داخل حزب الامة منذ تفكيك التجمع الوطني ولقاء جنيف ونداء الوطن
وعودة قيادات الحزب وإنفصال حزب تيار الإصلاح والتحديد, والافراد الموالون والتراضي الوطني والوظائف العسكرية الامنية التي إنهالت وخصوصيتها والتصريحات الهزيلة في أحداث جسام غزوة الموز _ ومذكرت الإعتقال وكمية المباردرات التي طرحت وأخرهامبادرت أهل السودان وتوسنامي المؤتمر السابع , نجدني ذهبت بها أبعد من ما تتصور وهذا من خلال نظرية عالم الفلسفة/النفس (هنري برغسون) في كتابه "معطيات الوعي المباشرة" الذي إعتمده فيه علي منهج العودة للمعطيات المباشرة وهو منهج يريد أن يُظهر لا أن يثبت , ولا يقبل بوجود عناصر قابلة للفصل عن بعضها البعض بل هي حلقات متصله , فقد أرجعت كل الذي حدث إلي "المهدية" وكتاب سيد صادق ويسألونك عن المهدية , ولك الإرشيف .
أما عن الجده فهو أن الكثير من أعضاء الحزب تريد الإصلاح ومعها القواعد ومن الممكن أن تحدث عملية الإصلاح إذا لم تهن العزيمة ولن تخر الهمة , وما يحدث من حراك في تنظيم حزب الامة الان فهو في نظري حراك صحي ويصب في مصلحة الوطن أولاً وأخيراً قبل الحزب ويا ريت كل الاحزاب يحدث فيها ما يحدث الان وتشتعل ثورة التغير لتشمل كل شيء حتي المجتمع والعقلية السودانية .

أخي عماد ، سلام الله عليكم و رحمه الله
شكرا أخي علي ردك الضافي ، و أسلوبك الجميل في السرد و الكتابه
يا عماد طبعا ما غرضي من البوست ده أقول لزول إنت ليه بقيت عضو في حزب الأمه أو حزب تاني ، دي خيارات شخصيه و كل زول مسؤل عن خياراتو !
حزب الأمه ده ما حزب إنت بتقرا برنامجو السياسي و تنضم ليهو ! ده حزب بتاع أسر ‎_ و ما تاخدها بالمعني الكعب ‎- خدها بمعني إنو الانتماء للحزب ده إنتماء أسري يعني لازم تكون ولد أو بت أنصار عشان تنضم للحزب ده ، يعني ما أظن إنو في زول صحى الصباح و قال أنا عجبني الطرح و البرنامج السياسي لحزب الأمه و قررت أنضم ليهو .
و لانو التكوين بتاع الحزب ده أسري ‎- ما داير أقول طائفي ‎- بتنتفي فيهو الدمقراطية تماما ، لانو الأسره دي في الحزب أهم من دي و أسره المهدي أهم منهم كلهم
و زي ما قلت ليك في الأول مما ربنا خلق الدنيا دي حزب الأمه ده بتاع أل المهدي عشان كده بستغرب لمن زول مثقف ينشد الديمقراطيه و ينضم بطوعو و اختيارو لحزب الأمه ، و بستغرب أكتر لمن الاخوان المعارضين داخل الحزب ‎- سوى في مساله إنتخاب الأمين العام أو مساله تعيين بشرى الصادق في الأمن أو غيرها من المسائل ، يطالبو بمحاسبه و مساله المخطي و بستغرب أكتر لمن الاخوان المعارضين في حزب الأمه بالبورد يهاجمو بضراوه الاخوان الموالين ، في حين إنهم كانو بيقولو في نفس كلامهم و نفس منطقهم قبل شهرين بس !

Quote: أما عن الجده فهو أن الكثير من أعضاء الحزب تريد الإصلاح ومعها القواعد ومن الممكن أن تحدث عملية الإصلاح إذا لم تهن العزيمة ولن تخر الهمة , وما يحدث من حراك في تنظيم حزب الامة الان فهو في نظري حراك صحي ويصب في مصلحة الوطن أولاً وأخيراً قبل الحزب ويا ريت كل الاحزاب يحدث فيها ما يحدث الان وتشتعل ثورة التغير لتشمل كل شيء حتي المجتمع والعقلية السودانية .

أها الكلام ده يا عماد أصلا ما ممكن يحصل ، العايز دمقراطيه و مؤسسيه حقيقيه اليمشى مكان تاني ، لكن في حزب الأمه ده الكلام ده ما بيبقى لانو زي ما قلت ليك قبيل التركيبه الأساسيه للحزب ما بتسمح للكلام ده .
و ممكن تشيل أي جمله فيها (حزب الأمة) و تخت مكانها (الاتحادي الدمقراطي ) و تصل لنفس النتيجه .
البيقبل ينضم لحزب تورث فيهو المناصب ، لا يحق له الحديث عن الدمقراطيه أصلا ....

الخال و البوستات الضاغطة.

Quote: الخال و البوستات الضاغطة.

و الله يا حمور ما في أي ضغط ، في إستغراب بكميات هايله و أرجو من أخونا عماد و أخوانا في حزب الأمه يبددو الاستغراب ده !

الأخ أمين
شكرا على هذه الأسئلة، ولحظت البوست الآن بعد تنبيهك إيانا في بوست الأخ العمدة.
أنا مثل الأخ عماد، خلفية أسرتي ليست أنصارية، وأخترت حزب الأمة في حدود 1991 عن قناعات شخصية.
سأعود إليك بالتفصيل، لكن دعنا في المبتدأ نشير إلى أن القوى السياسية السودانية - عن بكرة أبيها - تفتقر بتفاوت إلى المؤسسية والديمقراطية، و"مؤسساتنا" الاجتماعية والتعليمية تفتقر إلى الديمقراطية، وأظن أن المسير شاق وطويل نحو ترسيخ الديمقراطية بداخل مؤسساتنا السياسية والاجتماعية.
وهب أن حزب الأمة لم يكن ديمقراطيا في يوم من الأيام، هل يعني ذلك - ونحن في القرن 21 - أن ندعه هكذا؟
كيف سيتم الإصلاح في السودان - الإصلاح بمعناه الواسع - إن لم نسع بداية لإصلاح مؤسساتنا السياسية الكبيرة ذات الوزن الجماهيري والتاريخي؟
إنظر إلى المسألة من زاوية ثانية: كيف ترى الأمر - أمر السودان - إن نجحت مساعينا في إصلاح الأحزاب الكبرى بنسبة 40%؟ ماذا إذا قفزت هذه النسبة إلى 50% ثم 60%؟
وهذه النسب لمجرد تقريب الفكرة.

أخونا خالد ، سلام عليكم
ياخي شكرا جزيلا على الاستجابه للدعوه و زي ما قلت لاخونا عماد الغرض من البوست ما ممكن يكون التدخل في أمركم الشخصي ، و كيف و ليه اخترتو حزب الأمه عشان تخدمو شعبكم .
تاريخ إنضمامكم لحزب الأمه - في تقديري ‎- بيمثل أكبر دليل علي صدق نواياكم ، لانو الداير يمارس الانتهازيه السياسيه ما بينضم لحزب معارض في وقت كانت الانقاذ أقبح ما تكون ، اعتقالات و تعذيب و قتل و الشواهد أكتر من أن تعد ، عشان كده يا خالد ما بوافق الناس البتعتقد إنو كل المثقفين في الأحزاب الطائفيه انتهازيين ! المدخل ده مهم بالنسبه لي عشان ما يكون في سوء فهم إن تواصل نقاشنا ده لقدام .
كلامك عن إنعدام المؤسسية والديمقراطية في أحزابنا السياسيه صحيح و لكن انعدامها في الأحزاب الطائفيه لا يقارن بباقي الأحزاب ، يعني مثلا نقد هو السكرتير العام للحزب الشيوعي ليهو أكتر من تلاتين سنه ، لكن ما ممكن يجي ولدو بعدو في نفس المنصب ، لكن في الأمه و الاتحادي جاينكم أولاد الناس ديل ،مؤهلين و لا ما مؤهلين جايين جايين !! و ده ما ضرب للرمل لكن قراءه واقعيه للتاريخ و للواقع القدامنا ده .
شنو يا خالد البخليك قاعد في حزب أعلي سقف ليك فيهو هو نايب أو مساعد لرييس الحزب ، و أنا فاهم تماما إنك ما جيت لمنصب لكن فقط وجود حد أعلي و سقف محدد لمسيره أي إنسان كان في حزب و لا شركه و لا أي موسسه كفيل بانو يخليهو يلفظ هذه المؤسسه.
إنت بتنظر للموضوع من جهه إنو يجب إصلاح أحزابنا الكبيره ، و الصاح ‎- في تقديري ‎- إنو يجب خنق أحزابنا الكبيرة دي حتي تموت لانهم هم أس البلاء و المشاكل الحاصله لينا دي ، ما تدو الناس ديل أكسجين يعيشو بيهو زياده ! عليك الله شوف المثل بتاع أخونا عماد الطالب ، إنضم لحزب الأمه عشان فيهو ناس زيكم كده و ما أخد ليه كم سنه عشان يقع ليه إنو ده ما حزب بتاع ديمقراطيه و لا مؤسسيه ، ده حزب بتاع أسر و ح يظل حزب بتاع أسر حتي يقضي الله أمرا كان مفعولا !
يا خالد أحزابنا الطائفيه دي يجب أن تحارب لتموت لا ن تعالج لتبقي !!!

المكتب السياسي لحزب الامة :

Quote: السيد الامام الصادق المهدى 2السيده حفية مامؤن شريف حرم الامام 3الامير عبدالرحمن الصادق المهدى 4الباشمهندس صديق الصادق المهدى 5 الدكتوره رندا الصادق المهدى 6 الدكتوره مريم الصادق المهدى 7 الاستاذه زينب الصادق المهدى 8 الاستاذه رباح الصادق المهدى 9 سعادتو محمد احمد الصادق المهدى 10 الشيخ محجوب زوج السيده انعام عبدالرحمن المهدى السيده انعام عبدالرحمن المهدى 11 الاستاذ امام الحلو زوج رندا الصادق 12 الدكتور عبدالرحمن الغالى زوج رباح الصادق 13 الاستاذ الواثق البرير زوج زينب الصادق

ياجماعه عليكم الله تعالو شوف اعضاء المكتب السياسى لحزب ...قومى الاسرى فيهو منو

Quote: Quote: السيد الامام الصادق المهدى 2السيده حفية مامؤن شريف حرم الامام 3الامير عبدالرحمن الصادق المهدى 4الباشمهندس صديق الصادق المهدى 5 الدكتوره رندا الصادق المهدى 6 الدكتوره مريم الصادق المهدى 7 الاستاذه زينب الصادق المهدى 8 الاستاذه رباح الصادق المهدى 9 سعادتو محمد احمد الصادق المهدى 10 الشيخ محجوب زوج السيده انعام عبدالرحمن المهدى السيده انعام عبدالرحمن المهدى 11 الاستاذ امام الحلو زوج رندا الصادق 12 الدكتور عبدالرحمن الغالى زوج رباح الصادق 13 الاستاذ الواثق البرير زوج زينب الصادق

الاخ حيمورة انت كمان بقيت تستشهد بي كتابات محمد عادل ؟؟؟؟
منو العوض وعليه العوض
برضو سيظل حزب الامة خيار كثير من السواد الاعظم من بني وطني شاء من شاء وابي من ابي

الاخ / مهدي الصادق

Quote: الاخ حيمورة انت كمان بقيت تستشهد بي كتابات محمد عادل ؟؟؟؟ منو العوض وعليه العوض

محمد عادل بحكم قربه من الحزب اورد هذه اللستة التي تشمل المكتب السياسي لحزب الامة ...
اذا كان محمد عادل كاذبا فيما اورده فيمكنك ان تصحح وان تأتينا بعضوية المكتب الحقيقية ..
خاصة وانك لم تتداخل في بوست محمد عادل ولم تعترض على هذه الاسماء ..

نتمنى ان نسمع رأيك في هذه العضوية ... وان تأتينا بالخبر اليقين كان محمد عادل كاذبا ...

Quote: شكرا يا ود العمده علي ردك و علي المعلومات القيمه دي ، و ده واحد من أهم الأسباب البتخلي الزول يكون حريص علي وجدو هنا ... في إنتظارك للرد علي بقيه أسئلتي إذ لم يكن لديك مانعا ! و برضو ما اديتني الامان !!!!

اها يا حبيب جيب باقي اسئلتك وليك الامان وح انقل ردي الاول هنا ايضا

دي كان الدفعة الاولي :

Quote: إنتو معارضين انتخاب الأمين العام الجديد لانو الانتخابات كانت غير نزيهه بحسب فهمي لوجهه نظركم ، وروني بتين حزب الأمه كان فيهو إنتخابات ؟ ما بتكلم عن الخمسه و لا العشره سنين الفاتو ، بتكلم عن حزب الأمه منذ تأسيسه ، بالنسبه لي ‎- كمواطن بسيط ‎- غير متابع الأحداث السياسيه بدقه ، حزب الامه ده عمرو ما كان فيهو دمقراطيه ؟ الحزب ده مما اسسوهو حق آل المهدي ، حقهم عديل ، يعينو ده و يرفدو ده ، يقربو ده و يبعدو ده ، مافي زول يقول بغم ! لمن الصادق المهدي يعمل ليكم إنتخابات و يفوز فيها زول ‎- بغض النظر عن الزول ده منو و انتخابو تم كيف ‎- تجو تملو اسافير الله الواسعه دي شتيمه في الزول الفاز بالانتخاب؟ إنتو لمن دخلتو الحزب ده ، كان في إنتخاب و لا ديموقراطيه ؟ ما من يومو حزب طائفى ، الجد شنو ؟ الاتغير شنو ؟

ودا كان الرد عليها

الاخ امين
اسف لتاخير الرد

حزب الامة صحيح ان راعيه الاول في فترة ما قبل الاستقلال كان الامام عبد الرحمن المهدي ولكن مؤسسية كانوا مجموعة من السودانين منهم علي سبيل المثال المرحوم ابراهيم احمد والمرحوم محمد صالح الشنقيطي واخرين كل الذين قدمهم حزب الامة للحكم منذ التاسيس لم يكن من بينهم فرد من ال المهدي وكان الامام الصادق المهدي اول رئيس وزراء يقدمه حزب الامة من ال بيت المهدي ...

اذا كان حزب الامة هو حزب ال البيت فال بيت الامام محمد المهدي ليسوا هم فقط اسرة الصادق المهدي وهنالك السيد احمد المهدي وولي الدين الهادي المهدي والصادق الهادي واخرين كثر لا وجود لهم الان بحزب الامة القومي اذا مسالة الاسرية في حزب الامة نسبية وليست مطلقة ..

اذا كان حزب الامة يعمل فقط باشارة ال المهدي لما كان ما هو حاصل الان من احتجاجات على الخروقات الدستورية بل كان الصمت هو الواقع الان وكان الامر مر وكان شيئا لم يكن ...

بالنسبة للانتخابات كل المناصب الدستورية في الحزب تتم عبر الانتخاب وليس بالتعيين فالدكتور ادم موسى مادبو كان نائبا للرئيس بالانتخاب وكان قبله المرحوم الراحل الدكتور عمر نور الدائم ورئيس المكتب السياسي مولانا حامد محمد حامد شغل منصبه بالانتخاب وكذلك المحامي علي قيلوب رئيس الهيئة المركزية السابقة ...
اذا مسالة الانتخابات ليست جديدة على حزب الامة ولكن الجديد الغريب هو الاختراق الذي حدث فلاول مرة ينتهك دستور حزب الامة ويريد البعض ان نسكت عليها ...

الحديث عن القنوات الداخلية صحيح انها كانت موجودة قبل المؤتمر العام السابع ولكن بعد المؤتمر المؤسسة الوحيدة الشرعية المعترف بها هي مؤسسة الرئاسة فلذلك لا توجد لدينا قنوات داخلية الان حتى المنتديات الموجودة والشبكات هي اجتهادات افراد وملكية خاصة ..

رتب باقي الاسئلة واخوك على استعداد

الاخوان ود العمده و خالد ، سلام عليكم
مافي استعجال في البوست ده ، بس بعد ما الفلم بتاع عادل و ثروت يخلص ، تعالو بجاي !!