الديمقراطيه و العنقاء و الخل الوفي !!

الديمقراطيه و العنقاء و الخل الوفي !!


30-07-2009, 08:11 PM


  » http://sudaneseonline.com/cgi-bin/sdb/2bb.cgi?seq=msg&board=468&msg=1293076571&rn=0


Post: #1
Title: الديمقراطيه و العنقاء و الخل الوفي !!
Author: Amin Mohamed Suliman
Date: 30-07-2009, 08:11 PM

لانو أخونا الغول موجود و بكثره في سودانا الشقيق ، الما موجوده فعلا أختنا الديمقراطيه !!
نحن شعب غير ديمقراطي بكل ما تحمله الكلمه من معني ، يتم تربيتنا علي نبذ كل قيم الديمقراطيه و اولها حقك في الاختيار !
نمط التربيه العاديه في البيت السوداني عموما يقوم علي الطاعه ما علي المفاكره و علي راي الأب في
زمنا ، وراي الأم في الزمن ده :
فاولاد ناس هناي ديك صعاليك ما تمشي معاهم و الكليه الفلانيه أحسن من العلانيه و في معظم الأحيان ما يعفو ليك كان ما عرست بت عمك ! و إحتمال تكون اول مره شاوروك في أمر ذي قيمه لمن إتخرجت من الجامعه !
فاهلك هم من يختارو أصحابك و الجامعه و ياتو كليه ومرتك الحا تعرسا !!! و يتم تسويق كل هذه الأمور تحت شعار إنت ما عارف مصلحتك !!! فتنشأ حقيقه ما عارف مصلحتك و دي ما المشكله الأكبر ، المشكله الأكبر إنك بتنشأ بنظره ما فيها إحترام و لا حتي إعتراف بالاخر المختلف في نفس بيئتك و محيطك الاجتماعي :فالحايم مع اولاد ناس هناي ديك صعلوق و الجامعات التانيه تافهه و الما عرس بت عمو ما راجل !! أما الناس الخارج بيئتك و محيطك الاجتماعي فديل أصلا ما بشر .
نحن كشعب ما مربين علي الاعتراف بالاخر المختلف ، أيا كان نوع الاختلاف ! ما مربين علي التسامح مع المختلف معانا في رايو ولا علي أن يعذر بعضنا بعضاً فيما اختلفنا عليه ، و ده ‎ - في تقديري ‎ ‎-‎أكبر سبب من أسباب فشل الديمقراطيه في السودان : إنو نحن في عضمتنا ما ديمقراطيين !!

Post: #2
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 30-07-2009, 08:12 PM
Parent: #1

أكتر من تسعين في الميه من مشاكل البورد ده و اللي بيمثل سودانا الشقيق في أبهي صورو ‎- باعتبار إنو كل أعضاءو علي الأقل بيعرفو يقرو و يكتبو ‎- جل إن لم يكن كل مشاكل البورد ده نابعه أصلا من عدم الاعتراف بالاخر !
يكفي أن تكتب راي مغاير لغير ما إعتاده الناس حتي يتم تصنيفك تصنيف يحيرك و يحير أي زول بعرفك !
الغريب في الأمر إنو أكتر الناس البتنادي بالديمقراطيه هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و ‎إغتيال شخصيتك !!

Post: #3
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 30-07-2009, 08:13 PM
Parent: #2

لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!

Post: #4
Title: Re: الديمقراطيه و العنقاء و الخل الوفي !!
Author: HAIDER ALZAIN
Date: 30-07-2009, 08:19 PM
Parent: #3

واصل يا امين وسنعود حين ميسرة لكلامك هذا ...!!!

Post: #5
Title: Re: الديمقراطيه و العنقاء و الخل الوفي !!
Author: Amir Omer
Date: 30-07-2009, 08:27 PM
Parent: #3

أمين يا جميل
الله يفتح عليك ياخ .. أنت بالضبط ختيت يدك على محل الوجع!
بس عارف المشكلة وين؟
المشكلة في أنه فاقد الشيء لا يعطيه يا حبوب
عشان كدا قبل ما نربي أولادنا على قيم الديمقراطية التي نفتقدها
المفروض نبدأ بأنفسنا أولاً !

تحياتي

متابع

Post: #6
Title: Re: الديمقراطيه و العنقاء و الخل الوفي !!
Author: حمور زيادة
Date: 30-07-2009, 09:21 PM
Parent: #5

*

Post: #7
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 30-07-2009, 10:09 PM
Parent: #6

Quote: واصل يا امين وسنعود حين ميسرة لكلامك هذا ...!!!

حيدر يا بتاع المشاكل !
أنا كلامي كمل داير أسمع كلامكم إنتو !

Post: #8
Title: Re: الديمقراطيه و العنقاء و الخل الوفي !!
Author: نصار
Date: 30-07-2009, 10:31 PM
Parent: #7

يا امين عندي بوست عن الغول دا
ح احاول اصل فيهو لانه ان اكلنا القول
احسنلنا من الضبعة لووول
يا صديقي مافي شعب ديموقراطي و آخر ما ديموقراطي
و لا اي خاصية انسانية ممكن تكون عليها امه كاملة
علي قلب رجل واحد.. شعوب الدنيا دي كلها لو خيرت
لاختارت الحرية المطلقة بمعني عدم الالتزام بشئ
و حينها يحاول الفرد اخذ كل شئ و فعل كل شئ
و قول كل شئ.. و كل فرد يحاول ذلك
فيفقد الجميع كل شئ حتي القول.. الشعوب تحتاج
الي قيادة
تتيح للكل كل شئ بالقانون الذي يتساوي امامه
الجميع و تطبقه مؤسسات نزيهة و فعالة
لذا سميت الديموقراطية دكتاتورية القانون
مافي بني ادم بتنازل عن تحقيق مكاسب لنفسه
لكن القانون يفرض عليه (اللعب النظيف)
و كدا تفرض المواطنية الرشيدة في الاول
ثم تترسخ في النفوس و تصبح ممارسة يومية
و قيم مجتمعية تربوية
الكلام دا شفناه في الشعوب العايشين معاها
و في نفوسنا

Post: #10
Title: Re: الديمقراطيه و العنقاء و الخل الوفي !!
Author: Badreldin Ahmed Musa
Date: 30-07-2009, 11:06 PM
Parent: #8

امين

سلام

كلامك في العضم!

نحنا ننادي بالديمقراطية وعايزين نكون نحن بس الصاح وعلى الاخر فقط ان يطيعنا!

ننادي بحقوق الانسان ونحن اول من يرفض ان الاخر انسان من اساسه!

نرفض التعذيب ونصفق لمن يضرب اذا كان في جانبنا!

و
و
و
و
--------

جاي راجع بعدين!

Post: #9
Title: Re: الديمقراطيه و العنقاء و الخل الوفي !!
Author: HAIDER ALZAIN
Date: 30-07-2009, 11:00 PM
Parent: #7

مسح كباس النوم أغلب ما كتبته آنفاً واتمني ان يصلك جديدي يا أمين محمد سليمان ...

لك المعزة ولك التقدير عل طولة البال منك في قراءة أي شئ و لكل شئ ثم تفكيك هذه المفاهيم وهي ما عهدناها في حمور زيادة فقد يفكك ي مفاهيم الاسلاميون الاقصائيون ويعرضعهم للنقد ويفكك مفاهيم العلمانيون ابضاً بإتجاه موازي ويحتفظ بروئته الخاصة المحترمة لدينا مما نعتبرها دفعاً في زاد المعرفة فله كل التجلة ...

عود لموضوعك حتي بعد تجني الكيبوردك علي !!

يا امين وبمنتهي الصراحة تمنيت في مداخلتي السابقة ان أعود لما كتبه معتز تروتسكي حول موضوعك هذا ...

يآحي أمــــر ليس مفيد وحسب لكن اجده غطى جوانب كثيرة مما تعجز لغتي عن ايصالها ....

اتمني ان يكون قولك هو من باب اعادة القراءة فيما كتبه من نظرة من هو بعيد حينها ...
فسنتستفيد من قدرتك وقدرك حمور ومعتز تروتسكي في تفكيك المفاهيم التي نعجز عنها 000.لك وله التحية وتابع الرابط أناه 00...

تحياتي يا امين "

[URL]قراءة نقدية في دفاتر تروتسكي ...?
seq=msg&board=269&msg=1239987884قراءة نقدية في دفاتر تروتسكي ...]

يبدو أننني احتاج لتعديل الكثير .. هههههههههههههه

قراءة نقدية في دفاتر تروتسكي ...

ولكم تقديري





عدلت الكثير من الاخطاء الاملائية 0000 تحياتي

Post: #11
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 30-07-2009, 11:19 PM
Parent: #9

Quote: عشان كدا قبل ما نربي أولادنا على قيم الديمقراطية التي نفتقدها
المفروض نبدأ بأنفسنا أولاً !


أمير عمر ، سلام
يا أمير أنا قنعت من خيرا فينا و بالذات بعد ما إشتركت في البورد ده ، وقع لي نحن محتاجين مئات السنين الضوئيه عشان نتعلم القيم الحقيقيه للديمقراطيه و مئات أخري لتطبيقها ، شغله الدكتاتوريه و عدم تقبل الرأي الاخر ده شغلها ربونا عليها تربيه و جرت في دمنا ، ما تربينا علي قول رأينا و تحمل تبعاتو فما أظن نقدر نطبق شيتا ما بنعرفو ، لكن ممكن نوصفو !! نوصفو لأولادنا و بناتنا يمكن يقدرو يطبقو !

Post: #12
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 31-07-2009, 00:26 AM
Parent: #11

Quote: يا صديقي مافي شعب ديموقراطي و آخر ما ديموقراطي
و لا اي خاصية انسانية ممكن تكون عليها امه كاملة
علي قلب رجل واحد..

الضبع ألاسفيري أبو مازن
كلامك سليم ، لكن ده ما الأنا قصدتو بانو نحن شعب ما ديمقراطي .
أنا يا نصار بتكلم عن ال Culture حقتنا لمن قلت إننا نحن شعب ما ديمقراطي . و السبب الأساسي في تقديري نتيجه للتربيه .
يا نصار نحن بنتربي علي إنو في زول تاني بيتخذ ليك كل قرارإتك بدء من هدومك الحا تلبسه انتهاء بمرتك الحا تعرسه ، ما عندك حق إختيار اي شي ، ما عندك حق الغلط عشان تتعلم الصاح !
مافي زول بيشاورك في اي شي ، لا في شأن بخص الأسره و لا في شأن بخصك إنت ذاتك ! لمن تكون دي ال Culture حقتنا كده النتيجه بكون الشعب كلو كده ، عشان كده قلت ليك إننا شعب ما ديمقراطي .
Quote: الشعوب تحتاج
الي قيادة
تتيح للكل كل شئ بالقانون الذي يتساوي امامه
الجميع و تطبقه مؤسسات نزيهة و فعالة
لذا سميت الديموقراطية دكتاتورية القانون
مافي بني ادم بتنازل عن تحقيق مكاسب لنفسه
لكن القانون يفرض عليه (اللعب النظيف)
و كدا تفرض المواطنية الرشيدة في الاول
ثم تترسخ في النفوس و تصبح ممارسة يومية
و قيم مجتمعية تربوية
الكلام دا شفناه في الشعوب العايشين معاها
و في نفوسنا


يا نصار نحن الاتنين عايشين في الغرب ، شوف كميه ال tolerance و تقبلهم للاخر ، بدء من الأطفال في المدرسه : إذا في طفل من ذوي الاحتياجات الخاصه مثلا ، بقيه الأطفال ما بينظرو ليه نظره مختلفه لانو أهلهم في البيت و المدرسه نفسها إتكلمو معاهم في الموضوع ده ، نحن الحاجات دي بالنسبه لينا ترف فكري و كدي أبقي راجل و يكون عندك اي حاجه مختلفه في شكلك : إضنينك كبار ولا بتعرج ولا عندك اي مصيبه عشان المدرسه و الحله كلها تعايرك بيها !
و المسأله دي بتمتد لحدي ما تكبر ، كدي الله يقدرك تمشي السودان و شكلك مختلف ! مربي شعرك ولا حالق شنبك ، خلق الله دي كلها تعاين ليك زي العامل عمله ! يلا لمن تخش سودانيزاونلاين و تكتب رايك و لانو مختلف من رأيي مثلا ما بتقبل المسأله دي و قد تصل لحد إني أشوفك متعدي علي ، وانت كل القلتو رايك ، الكلام ده بيحصل هنا كل يوم و كل دقيقه .
نحن في حوجه لمراجعه طريقه تربيتنا لأطفالنا لو كنا فعلا جادين في مساله الديمقراطيه دي !

Post: #13
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 31-07-2009, 02:49 AM
Parent: #12

حيدر يا سعادتك
مشيت قريت بوست معتز و لقيتو فعلا دسم و يستحق القرايه بمزاج حا أرجع ليهو تاني كان الله هون !
ياخي كتر خيرك و بالله تاني ما تكتب لحدي ما تنوم في الكيبورد ، معطه مداخلتك معط !

Post: #14
Title: Re: الديمقراطيه و العنقاء و الخل الوفي !!
Author: السيد المسلمي
Date: 31-07-2009, 07:44 AM
Parent: #12

الخال أمين ..

Quote: نحن في حوجه لمراجعه طريقه تربيتنا لأطفالنا لو كنا فعلا جادين في مساله الديمقراطيه دي


ودي أصعب حاجة يا أمين ،
ممكن أتفق معاك في أي حاجة لكن في التربية دي ما ديمقراطي أصلو .





ـــ
كعادتك يا أمين، بوست ممتع والله .

Post: #15
Title: Re: الديمقراطيه و العنقاء و الخل الوفي !!
Author: Amir Omer
Date: 31-07-2009, 10:23 PM
Parent: #14

الحبيب أمين

أولاً: يا أمين كلامك جميل ونحن متفقين تماماً في أصل المشكلة وفي إنها محتاجة سنوات ضوئية عشان تنحل بس لو ما بدينا الآن ستطول المدة!
ثانياً: أسمح لي ألحقك قبل ما تؤمن بنقطة (أنا قنعت من خيرا فينا و بالذات بعد ما إشتركت في البورد ده)! أول قبل ما تقنع من خيراً فينا .. خلينا نشوف الآتي:
1. هل دور التغيير المطلوب إحداثهُ هو دور مؤسسي ولا دور فردي أم دور مشترك بين الإثنين؟
2. وما هي الخطوات العملية التي تمت من أجل تغيير بوصلة السلوك الديكتاتوري الإتربينا عليه إلى سلوك ديمقراطي منشود؟

أنا مؤمن بأن الأمر مشترك بين المؤسسات الحزبية والأفراد ولكن دور المؤسسات الحزبية المؤمنة بالديمقراطية وتعمل لأجلها هو – في نظري – الدور الأكبر (ودا نفس كلامك لنصار عن دور المدارس في الغرب)! طيب تعال نشوف نحن كشعب مولع بالسياسة وتعلَّم لدرجة التثقيف الذاتي ، وأصبح يناقش في المنابر والصحف والإعلام ، وكمان معانا مؤسساتنا الحزبية في السودان هل قمنا بدورنا في زيادة الوعي الديمقراطي ولا قصرّنا في واجباتنا؟ بالتأكيد ح تلقانا كلنا مقصرين تقصير شديد ، وأول تقصير عملناهو – بقصد أو بدون قصد – هو إختزالنا للديمقراطية في أبعادها السياسية والإقتصادية وتجاهُلنا التام للأبعاد "الإجتماعية" التي نتحدث عنها هنا!

الشيء التاني المُلاحظ في الحتة دي هو التناقضات الحاصلة في ممارسات السياسيين السودانيين أنفسهم والأدت إلى إهتزاز الثقة في الديمقراطية (كقيمة) وأدت بنا إلى فقدان الأمل الحاصل عليك دا .. ودا كله ناتج عن الفجوة الواضحة بين الفكر والممارسة!

إذن يا صديقي قبل ما نقع في فخ (قنعت من خيراً فينا) .. خلينا نعمل حاجة ونجرب حتى لو نفشل ، وبعد كدا ممكن نقنع من خيراً فينا .. وأهو على الأقل ح نكون قدرنا نحدد العراقيل والعوائق الممكن تواجهنا في المرات البعديها ولمن ينتهي دورنا في الحياة نكون قطعنا شوط أولادنا وأحفادنا يتموه زي ما حصل مع مارتن لوثر كينق ومالكوم إكس وأخرين بذروا أفكارهم وعملوا لأجلها حتى قضوا نحبهم ولم يروا ثمارها! غايتو الكلام بتاعك دا لو كان قالته لنا مهدي أو خالد عويس أو ود العمدة ما كنت ح أقدر افتح خشمي بكلمة .. (وش مبتسم)!


يا أمين ما تخلي البوست دا يقع تاني

تحياتي للجميع

_____
حيدر الزين يا سامي المقام
شنو طنشت المسنجر بتاعي ليك؟ (وش باسم) 

Post: #16
Title: Re: الديمقراطيه و العنقاء و الخل الوفي !!
Author: HAIDER ALZAIN
Date: 31-07-2009, 10:53 PM
Parent: #15

Quote: حيدر الزين يا سامي المقام
شنو طنشت المسنجر بتاعي ليك؟ (وش باسم) 


يا ابوعمــر .. لك كل تحية وتقديـــر

كدي راجع صندوق الصادر عندك باماسنجر فما وصلني منك شئ للآن ..

قد يكون خطا في كتابة اسم المرسل ..

تحياتي يا جميل ....

Post: #17
Title: Re: الديمقراطيه و العنقاء و الخل الوفي !!
Author: Amir Omer
Date: 31-07-2009, 11:24 PM
Parent: #16



حيدر يا حبوب
كدا ما صاح؟
رسل انت طيب لو ما صاح

____
معليش يا أمين طلعنا ليك برة الشبكة كلو مني انا :(

Post: #18
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 01-08-2009, 03:41 AM
Parent: #17

Quote: نحنا ننادي بالديمقراطية وعايزين نكون نحن بس الصاح وعلى الاخر فقط ان يطيعنا!

ننادي بحقوق الانسان ونحن اول من يرفض ان الاخر انسان من اساسه!

نرفض التعذيب ونصفق لمن يضرب اذا كان في جانبنا!


يا بدر عدم المبدئيه في التعامل بتخلي الدعوه للديمقراطيه و ممارستها علي الواقع حاجتين مختلفتين تماما ، خليك من الواقع ، هنا في سايبر الله أكبر ده عليك الله عاين لمعظم الناس الفالقانا بالديمقراطيه و شوف سلوكهم لو إختلفت معاهم في رأي : السبب الوحيد الما بخليهم يقلعو ضفورك ولا يدخلو ليك قزازه إنهم ما لامين فيك و إنو ما عندهم جهاز أمن و إمكانيات لوجستيه للتنفيذ ! كل الشعارات بتاعت الديمقراطيه و حقوق الإنسان بتسقط لو إختلفت معاهم !
و ده كلام ما بتصلح إلا بتربيه حقيقيه من أول و جديد !

Post: #19
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 01-08-2009, 04:55 AM
Parent: #18

Quote: ممكن أتفق معاك في أي حاجة لكن في التربية دي ما ديمقراطي أصلو .

و ده يا أبو السيد بيقودنا لانو طلما نحنا ثقافتنا ذاتها ما ديمقراطيه و لا عندنا إستعداد لتربيه أولادنا عليها ، يبقي ما من حقنا نتزمر من الكيزان او أي حاكم ظالم تاني !
الدايره الخبيثه اللافي فيها سودانا الشقيق دي ما حا تنتهي ! كل ما يجي حكم ديمقراطي و قبل ما ياخد فرصتو ، قبل ما الناس تحاسب مرشح الدايره علي أداءو و ينتخبو تاني و لا ينتخبو غيرو ، البيان الأول بكون إتذاع و لا عزاء للديمقراطيه !! الناس العملت الثوره دي ذاتها ، هم أول ناس بيايدو الانقلاب !! و ده بيوريك إنو نحن كشعب ما عارفين الديمقراطيه كقيمه أساسيه و لا حاسبنها كمخرج وحيد لمشاكلنا المزمنه !
الحل يا أبو السيد بيبدا من تحت ، من البيت . الساسه عمرهم ما حا يعلمونا قيمه الديمقراطيه لانو زي ما قال أخونا أمير عمر فاقد الشيء لا يعطيه !





‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎---------------------------------
حصل شنو في كراتين بيناوي ؟ شايفكم فتحتو للموضوع ده !

Post: #20
Title: Re: الديمقراطيه و العنقاء و الخل الوفي !!
Author: Amir Omer
Date: 01-08-2009, 08:57 PM
Parent: #19

(*)

Post: #21
Title: Re: الديمقراطيه و العنقاء و الخل الوفي !!
Author: الجيلى أحمد
Date: 01-08-2009, 11:58 PM
Parent: #19

Quote: الدايره الخبيثه اللافي فيها سودانا الشقيق دي ما حا تنتهي ! كل ما يجي حكم ديمقراطي و قبل ما ياخد فرصتو ، قبل ما الناس تحاسب مرشح الدايره علي أداءو و ينتخبو تاني و لا ينتخبو غيرو ، البيان الأول بكون إتذاع و لا عزاء للديمقراطيه !! الناس العملت الثوره دي ذاتها ، هم أول ناس بيايدو الانقلاب !! و ده بيوريك إنو نحن كشعب ما عارفين الديمقراطيه كقيمه أساسيه و لا حاسبنها كمخرج وحيد لمشاكلنا المزمنه !


تحياتى ياأمين,

الآن ياصديقى اصبحت الحوجة أكثر الحاحآ لخطاب مباشر وواضح كهذا,
لم يعد هناك ياأمين عزاء وليست من مراسم قادمة لديمقراطية غير موجودة
فى سلوكنا,
لم يعد هنالك مايستحق كى لانواجه أنفسنا,
ضاعت الديمقراطيات تباعآ لأن الصفوة وعامة الشعب يصران على تصوير السلوك غير الديمقراطى كسلوك طبيعى ويمكن تمريره بكل سهولة,!!
ليس هنالك من خطأ فى تركيبتنا كشعب ولكن الخطأ فى السلوك الذى يشيعه المنادين بالديمقراطية,
المعضلة لاتكمن فى النخبة فقط, بل فى قطاع ضخم من الشعب يتسربل بالوعى ولايستطيع النفاذ عبره للحكمة الجازمة بأن الديمقراطية سلوك قبل ان تكون نظام حكم..

قلت من قبل ياأمين بأن الأصوات التى نسمعها صاخبة ومترعة بالحنين للديمقراطية لايقود أكثرها سوى خطاب عاطفى سيتلاشى مع اول نقاش جاد وحازم..

نحن ياصديقى فى حوجة لأن يتحدث الجميع
ويكتب الجميع

ذلك الضمير الذى يحرك الناس لاذال يتقد
وسيكون سفينتنا التى ستعبر بنا صحراء البشرية نحو الله.

Post: #22
Title: Re: الديمقراطيه و العنقاء و الخل الوفي !!
Author: lana mahdi
Date: 02-08-2009, 01:08 PM
Parent: #21

Quote: غايتو الكلام بتاعك دا لو كان قالته لنا مهدي أو خالد عويس أو ود العمدة ما كنت ح أقدر افتح خشمي بكلمة .. (وش مبتسم)!

عاد يا أمير ما قادرة أتخيلك في حالة صامي فيها خشمك ياخي إنتا منضمة وبي منطق و حجة كمان و دي شهادتي عليك من رؤية وجه لوجه لايف مش كلام بوردات(وش مبتسم) و كم شرفتمونا يا حبيب..
الحبيب أمين بوستيك دة مهم غاية الأهمية و أعتقد لازم نمر على كذا محور:
1-مفهوم الديمقراطية
2- أنواع الديمقراطيات
3-الفرق الشاااااسع بين التشدق بالديمقراطية و ممارستها
4-المسئولون عن ضياع الديمقراطية على مستوى البلد
5-التربية الديمقراطية للفرد السوداني على مستوى المناهج المدرسية و الأسرة..
عائدة..
تحياتي..
لنا

Post: #23
Title: Re: الديمقراطيه و العنقاء و الخل الوفي !!
Author: Amir Omer
Date: 02-08-2009, 06:59 PM
Parent: #22

Quote: تحياتى ياأمين,

الآن ياصديقى اصبحت الحوجة أكثر الحاحآ لخطاب مباشر وواضح كهذا,
لم يعد هناك ياأمين عزاء وليست من مراسم قادمة لديمقراطية غير موجودة
فى سلوكنا,
لم يعد هنالك مايستحق كى لانواجه أنفسنا,
ضاعت الديمقراطيات تباعآ لأن الصفوة وعامة الشعب يصران على تصوير السلوك غير الديمقراطى كسلوك طبيعى ويمكن تمريره بكل سهولة,!!
ليس هنالك من خطأ فى تركيبتنا كشعب ولكن الخطأ فى السلوك الذى يشيعه المنادين بالديمقراطية,
المعضلة لاتكمن فى النخبة فقط, بل فى قطاع ضخم من الشعب يتسربل بالوعى ولايستطيع النفاذ عبره للحكمة الجازمة بأن الديمقراطية سلوك قبل ان تكون نظام حكم..

قلت من قبل ياأمين بأن الأصوات التى نسمعها صاخبة ومترعة بالحنين للديمقراطية لايقود أكثرها سوى خطاب عاطفى سيتلاشى مع اول نقاش جاد وحازم..

نحن ياصديقى فى حوجة لأن يتحدث الجميع
ويكتب الجميع

ذلك الضمير الذى يحرك الناس لاذال يتقد
وسيكون سفينتنا التى ستعبر بنا صحراء البشرية نحو الله.


دا كلام جميل يا الجيلي
وكدا أمين مفروض يطمئن أنه في ناس كتيرة شايلة نفس الفهم

Post: #27
Title: Re: الديمقراطيه و العنقاء و الخل الوفي !!
Author: الجيلى أحمد
Date: 15-08-2009, 10:38 PM
Parent: #23

تحياتى ياأمير,

امين طرح المشكل ولب قضية السلوك الديمقراطى.

هنالك الوعى بضرورة التعبير, وهذا الوعى لايمكن ابدآ ان يتسق مع فكرة الديمقراطية دون خلق مساحة تكفل امكانية طرح كل الآراء.


ننتظر لنا وامين والبقية ليواصلو فى الطرح..

كن بخير

Post: #24
Title: Re: الديمقراطيه و العنقاء و الخل الوفي !!
Author: Amir Omer
Date: 02-08-2009, 07:18 PM
Parent: #22

الملكة لنا .. سلامات ومعزَّة
Quote: عاد يا أمير ما قادرة أتخيلك في حالة صامي فيها خشمك

ما براك يا لنا .. أنا ذاتي ما بقدر أتخيلني

Quote: 1-مفهوم الديمقراطية
2- أنواع الديمقراطيات
3-الفرق الشاااااسع بين التشدق بالديمقراطية و ممارستها
4-المسئولون عن ضياع الديمقراطية على مستوى البلد
5-التربية الديمقراطية للفرد السوداني على مستوى المناهج المدرسية و الأسرة..


والله يا لنا (1 و 4) ديل سبقتيني عليهم
يا ريت كمان تضيفي على نقاطك دي نقطة مهمة وهي ...
"أهميَّة الديمقراطية" .. ودي مهمة عشان نفهم التغيير دا حوجة أم رفاهية!!

أستعدلتي النقاش يا لنا .. يديك العافية

____

تحياتي لك ولمولانا ورواية ...
والوليد العسل (الله يحفظه)


Post: #25
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 02-08-2009, 09:15 PM
Parent: #24

Quote: ضاعت الديمقراطيات تباعآ لأن الصفوة وعامة الشعب يصران على تصوير السلوك غير الديمقراطى كسلوك طبيعى ويمكن تمريره بكل سهولة,!!
ليس هنالك من خطأ فى تركيبتنا كشعب ولكن الخطأ فى السلوك الذى يشيعه المنادين بالديمقراطية,
المعضلة لاتكمن فى النخبة فقط, بل فى قطاع ضخم من الشعب يتسربل بالوعى ولايستطيع النفاذ عبره للحكمة الجازمة بأن الديمقراطية سلوك قبل ان تكون نظام حكم..

قلت من قبل ياأمين بأن الأصوات التى نسمعها صاخبة ومترعة بالحنين للديمقراطية لايقود أكثرها سوى خطاب عاطفى سيتلاشى مع اول نقاش جاد وحازم..

كلام ميه ميه يا جيلي شفناه بعيونا في الواقع الحقيقي و الاسفيري .
ولانو الديمقراطية سلوك قبل ان تكون نظام حكم زي ما تفضلت ، السلوك ده ما بتغير إلا بالتربيه ، صعب إن لم يكن مستحيل إنو سلوكنا يتغير ‎- كشعب أو كأفراد ‎- بعد السنين دي ما لم يكن هناك تربيه علي أسس و قيم ديمقراطيه حقيقيه ، لكن لمن يكون الفي إيدو القلم هو ذاتو ما جا بطريقه ديمقراطية ، ببقي ما من صالحو سياده مفاهيم زي دي ، لانها لو إنتشرت و وعي بيها الناس و علمو أن لا مخرج لمشاكلهم إلا بسياده هذه القيم و المفاهيم و أصبحت جزء من سلوكنا كشعب ، بتشكل أكبر خطر عليه و تهدد وجودو كنظام , و تاني ما ببقي في بيان أول بتذاع و لا في إذاعه بحتلاها زول !

Post: #26
Title: Re: الديمقراطيه و العنقاء و الخل الوفي !!
Author: Amin Mohamed Suliman
Date: 03-08-2009, 08:08 PM
Parent: #25

Quote: الحبيب أمين بوستيك دة مهم غاية الأهمية و أعتقد لازم نمر على كذا محور:
1-مفهوم الديمقراطية
2- أنواع الديمقراطيات
3-الفرق الشاااااسع بين التشدق بالديمقراطية و ممارستها
4-المسئولون عن ضياع الديمقراطية على مستوى البلد
5-التربية الديمقراطية للفرد السوداني على مستوى المناهج المدرسية و الأسرة..
عائدة..

سلام عليكم يا أم الوليد
البوست بقي غايه في الاهميه لانك و الاخوان الباقين اديتوهو طله ! و زي ما قال اخونا أمير : أستعدلتي النقاش .
كتر خيرك و مستنينك تفكفكي لينا المحاور دي !

Post: #28
Title: Re: الديمقراطيه و العنقاء و الخل الوفي !!
Author: أمين محمد سليمان
Date: 16-08-2009, 08:23 PM
Parent: #26

شكرا يا الجيلي علي المرور .
ما عارف ليه كل ما أجي أكتب في البوست ده حاجه تشغلني !

Post: #29
Title: Re: الديمقراطيه و العنقاء و الخل الوفي !!
Author: AnwarKing
Date: 18-08-2009, 06:17 AM
Parent: #28

Quote: ما عارف ليه كل ما أجي أكتب في البوست ده حاجه تشغلني !

لأن الجمهور يحب الأكشن يا خال...

ثمة متابعين لما تكتب هنا...فلا تحرمهم تذوق حلاوة ما تكتب!

خالص مودتي
أنور

Post: #30
Title: Re: الديمقراطيه و العنقاء و الخل الوفي !!
Author: أمين محمد سليمان
Date: 19-08-2009, 01:31 AM
Parent: #29

Quote: لأن الجمهور يحب الأكشن يا خال

طيب ما ندوره هنا يا أنور ، ما تقول براي زهجان !!
و قبل ما ندوره ، داير لي زول يوريني : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!

Post: #31
Title: Re: الديمقراطيه و العنقاء و الخل الوفي !!
Author: AnwarKing
Date: 19-08-2009, 06:31 PM
Parent: #30

Quote: هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!


أسأل ناس الإمام خريّج أكسفورد داك...

تنظيراتو الديموقراطية كما يقول هو، مليئة بالثقوب زي الجبنة السويسرية...ويهزمها واقع المكتب السياسي
لحزبه ال "الأسري" الديموقراطي على الوزن السوداني!

أجمل مقولة قالها بشاشة في السابق:

حتى بالمفهوم الجلابي للديموقراطية: الناخب شيخ، والمنتخب حوار...
تكية سيدي!

المهم...