السكوت لا معني له غير صحة كلام الترابي !!

السكوت لا معني له غير صحة كلام الترابي !!


03-31-2010, 06:11 AM


  » http://sudaneseonline.com/cgi-bin/sdb/2bb.cgi?seq=msg&board=468&msg=1293074005&rn=0


Post: #1
Title: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:11 AM



الأمر أكبر من السياسه : الموضوع أخلاقي في المقام الأول و الأخير !!

Post: #2
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:13 AM
Parent: #1

لماذا لا يذهب عمر البشير للمحكمه للمطالبه باثبات ما قاله الترابي ، السكوت لا معني له غير صحة كلام الترابي !!

Post: #3
Title: Re: السكوت لا معني له غير صحة كلام الترابي !!
Author: عبد المنعم ابراهيم الحاج
Date: 03-31-2010, 06:19 AM
Parent: #2

Quote: لماذا لا يذهب عمر البشير للمحكمه
للمطالبه باثبات ما قاله الترابي ،
السكوت لا معني له غير
صحة كلام الترابي !!



سلامات ياأمين

لو وصل الموضوع الي المحكمة ، سيسجل كديل إدانة دامغ
ضد البشير في التهم الموجه له من قبل الجنائية ..
لذلك أفضل أن يكون هكذا حديثا غير مثبت ..
ليخدم أغراض الفتنة النائمة ..ويصحيها

Post: #4
Title: Re: السكوت لا معني له غير صحة كلام الترابي !!
Author: عمران حسن صالح
Date: 03-31-2010, 06:22 AM
Parent: #3

روابط للمشاهدة والحفظ
أَضغط الرابط للمشاهدة والاستماع :
http://www.sudanvoice.net/v2/nnnnnnnnnnnnnnnnnnnnnnnnnnn.wmv
أضغط للتحميل والحفظ

الرابط الأصلي :
أضغط للمشاهــدة

Post: #5
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:26 AM
Parent: #4

الرئيس له عشرات المستشارين و الوزراء و جيوش من المحامين : لماذا لم يفتح الله عليهم بدعوي في المحكمه ؟!!

Post: #7
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:32 AM
Parent: #5

منعم يا حبيبنا ، سلامات
Quote: لو وصل الموضوع الي المحكمة ، سيسجل كديل إدانة دامغ
ضد البشير في التهم الموجه له من قبل الجنائية ..
لذلك أفضل أن يكون هكذا حديثا غير مثبت ..
ليخدم أغراض الفتنة النائمة ..ويصحيها
و كمان سكوتو ما عندو معني غير إنو الكلام ده اتقال !!!
القصه دي يا منعم ما ينفع فيها تمر كده أصلا !!! و أي شي غير محكمه ما عندو معني !!










-----
They have to get to the bottom of it

Post: #6
Title: Re: السكوت لا معني له غير صحة كلام الترابي !!
Author: Yassir Tayfour
Date: 03-31-2010, 06:32 AM
Parent: #2

لماذا لا يذهب عمر البشير للمحكمه للمطالبه باثبات ما قاله الترابي ، السكوت لا معني له غير صحة كلام الترابي !!
Quote: لماذا لا يذهب عمر البشير للمحكمه للمطالبه باثبات ما قاله الترابي ، السكوت لا معني له غير صحة كلام الترابي !!
ده كلام صاح يا أمين، أغنيتني مجهود فتح بوست جيد..
_____
http://www.youtube.com/watch?v=BeHJYmxj4YI

Post: #8
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:34 AM
Parent: #6

عمران يا حبيبنا
شغلك نضيف والله ، كتر خيرك علي الروابط ...

Post: #9
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:41 AM
Parent: #8

يا ياسر
Quote: ده كلام صاح يا أمين،
ما أتي به الترابي من قول لا يمكن أن يمر هكذا كاي زوبعه سياسيه ، الرجل زرع الفتنه و مشي بيتم نام هانئا ، و رئيسنا الهمام كانو ما عندو علاقه بالموضوع : صامت صمت القبور ، و لا عزاء لاخواتنا و أمهاتنا في دارفور !!! بل لا عزاء لنا !!

والله الواحد بقي يخجل إنو سوداني !!!


Post: #10
Title: Re: السكوت لا معني له غير صحة كلام الترابي !!
Author: عاطف مكاوى
Date: 03-31-2010, 06:49 AM
Parent: #9

لا يوجد حل لهم يا أمين

هذا الحديث خازوق الخوازيق في زمن العولمة

وعلي الرغم من أن الجميع يعلمون ما مارسته هذه الطغمة في دارفور وغير دارفور

ولكن أن تصل فيما بينهم لهذه الدرجة فهدا يعني أن الفترة القليلة المقبلة حبلي بالكثير في اتجاه

أن تملك الجماهير زمام المبادرة في تغيير سيأتي لا محالة .......................

---------------------------

ولكن لدى سؤال :

هل خرج هذا الحديث بقصد من الترابي......... أم

أنه خرج مثل ما خرجت أقوال (قوش) التي وصف فيها الجميع ب (العواليق)؟

Post: #12
Title: Re: السكوت لا معني له غير صحة كلام الترابي !!
Author: د.محمد حسن
Date: 03-31-2010, 06:52 AM
Parent: #10

يا امين في حالة زي دي

الطنااااااااااااااااااش


او كما قالت العرب

سكن تسلم

Post: #15
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:59 AM
Parent: #10

سلام يا عاطف
Quote: هذا الحديث خازوق الخوازيق في زمن العولمة
والله يا عاطف شكلو الخازوق راكب فينا نحن ديل الحاكمننا ناس بال mentality دي !!! قدر ما الواحد يشطح بخيالو ما كان يتخيل كلام زي ده !!!!

Quote: هل خرج هذا الحديث بقصد من الترابي......... أم

أنه خرج مثل ما خرجت أقوال (قوش) التي وصف فيها الجميع ب (العواليق)؟

أي حاجه يا عاطف بقولها الترابي حبيبنا ده ، تاخذا باسوا طريقه ممكنه ، ده بكون قصدو !!

Post: #11
Title: Re: السكوت لا معني له غير صحة كلام الترابي !!
Author: عبد المنعم ابراهيم الحاج
Date: 03-31-2010, 06:51 AM
Parent: #9

Quote: القصه دي يا منعم ما ينفع فيها تمر كده أصلا !!! و أي شي غير محكمه ما عندو معني


السكات رضا .. والترابي يظل في هذه المقولة المنقولة اليه صادقا
خاصة ليس هنالك أي بيان صدر حتى الآن ينفي ذلك .. الإغتصابات
المنظمة والمتكررة على نساء دارفور تأكد أن للمقولة مرجعية من
صناع القرار ..وتحت هذا السقف العنصري البائس تعمل قيادات
الجنجويد إنتهاكا محميا دون طرفة عين أو أدني إحساس بالجريمة.

Post: #14
Title: Re: السكوت لا معني له غير صحة كلام الترابي !!
Author: عبد المنعم ابراهيم الحاج
Date: 03-31-2010, 06:55 AM
Parent: #11

نسيت اسلم على صاحبي ياسر ..وشكلو كدا منتظر الجدول يجيب ليهو بوستو..

سلامات يا أباتفة ههههة .. والله الإلتزام بالنحو دا قبيح جدا..
أبا تفة يا

Post: #18
Title: Re: السكوت لا معني له غير صحة كلام الترابي !!
Author: Yassir Tayfour
Date: 03-31-2010, 07:18 AM
Parent: #14

يا منعم يا صديقي الأخبار والصحة
شفت بالله كيف يا صاحب الحركة المتأسلمة وقفت عارية ميطي زي ما خرجت من رحم الزيف والشعارات الخواء..

Post: #13
Title: Re: السكوت لا معني له غير صحة كلام الترابي !!
Author: Nader Abu Kadouk
Date: 03-31-2010, 06:53 AM
Parent: #9

Quote: السكوت لا معني له غير صحة كلام الترابي !!


طبعا يا نوته الكلام شكلو إتقال من قايدنا العظيم البشير

كنت اتمنى الترابي يكون قال الكلام ده إحقاقا للحق لكن للاسف هو قصد الفتنه لا غير

لاحظ للتوقيت

الترابي هو راس الحيه والبشير لا يقل سوءا

الموضوع ح يتطور والله يستر البلد من وسخ الاسلاميين

Post: #16
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:06 AM
Parent: #13

Quote: يا امين في حالة زي دي

الطنااااااااااااااااااش


او كما قالت العرب

سكن تسلم
الطناش معناتو الكلام ده اتقال يا دكتور !!!
يا دكتور هسي أنا - السجمان ده - لو في زول قولني كلام ما قلتو ، ببلعو ليه !! خليك من كلام منحط زي ده كافي إنو يفرتق النسيج الاجتماعي الأصلن مفرتق ده !!
الطناش ما حل ، اليشوفو ليهم حل تاني !!!!

Post: #17
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:15 AM
Parent: #16

Quote: السكات رضا .. والترابي يظل في هذه المقولة المنقولة اليه صادقا
خاصة ليس هنالك أي بيان صدر حتى الآن ينفي ذلك .. الإغتصابات
المنظمة والمتكررة على نساء دارفور تأكد أن للمقولة مرجعية من
صناع القرار ..وتحت هذا السقف العنصري البائس تعمل قيادات
الجنجويد إنتهاكا محميا دون طرفة عين أو أدني إحساس بالجريمة.
يا منعم
الترابي كان صادق ولا كاذب و الزول الوصل ليهو الكلام ده كان صادق كان كاذب : أصلا ما القضيه هسي !!
القضيه الزول الحاكمنا و ما قادر يدافع عن رقبتو ده : ياخي إنت رئيس دوله دكتاتوريه بيعذبو و يكتلو فيها الناس بسبب و بدونو ، يجي رئيس حزب معارض - و كان رئيسك و عرابك و مفكرك الذي لا ياتيه الباطل من بين يديه - يقولك كلام زي ده - في بلد الكلام ده ما بعيد عليها - و تسكت ؟!!!! عندها معني واحد بالنسبه لي : إنو الكلام ده اتقال !!!

Post: #19
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:28 AM
Parent: #17

أب كدوك يا حبيبنا
Quote: طبعا يا نوته الكلام شكلو إتقال من قايدنا العظيم البشير

كنت اتمنى الترابي يكون قال الكلام ده إحقاقا للحق لكن للاسف هو قصد الفتنه لا غير

لاحظ للتوقيت

الترابي هو راس الحيه والبشير لا يقل سوءا

الموضوع ح يتطور والله يستر البلد من وسخ الاسلاميين
قايدنا العظيم ده ما ادانا خيارات بسكوتو ده : إتصال بصديق ساي ما خله لينا !!
أما الترابي حبيبنا : قبل يوم مما عمر فضل المولي يجيب الفيديو بتاع الترابي هنا ، كتبت :
Quote: حسن عبدالله الترابي

أسوأ شخصيه سياسيه و شر من انجبت حواء السودان .

العملو الترابي في البلد دي ما يقدر يعملو جيش إحتلال !

الترابي رجل طالب سلطه فقط : ممكن يقول و يعمل أي حاجه عشان يصل للسلطه ، ممكن يغير اقوالو و افكارو ، يغير جلدو ذاتو عشان يجينا تاني ، و لحسن حظو مافي بلد أحسن من السودان يعمل فيها كده : نحن شعب خلق لينسى حتي وجه قاتليه !!

Re: نوتات !!
و الفتن دي لمن تجي بتنفش الناس كلها ، ربنا سبحانه و تعالي قال ((اتقوا فتنة لا تصيبن اللذين ظلموا منكم خاصة )) !
نسال الله السلامه للبلد و ناسها ...

Post: #20
Title: Re: السكوت لا معني له غير صحة كلام الترابي !!
Author: أيمن الطيب
Date: 03-31-2010, 07:28 AM
Parent: #9

سلام يا امين,,
Quote: يا ياسر
ما أتي به الترابي من قول لا يمكن أن يمر هكذا كاي زوبعه سياسيه ، الرجل زرع الفتنه و مشي بيتم نام هانئا ، و رئيسنا الهمام كانو ما عندو علاقه بالموضوع : صامت صمت القبور ، و لا عزاء لاخواتنا و أمهاتنا في دارفور !!! بل لا عزاء لنا !!

والله الواحد بقي يخجل إنو سوداني !!!
يا نوته هو شيخ حسن دا من ما الله خلقنا قاعد يسوى فى شنو غير يزرع الفتن والشقاقات!!
فى كل ماضيه وحاضره ومستقبله,, لن يترك عادته التى أدمنها طيلة عمره,, وهذا السلاح أى سلاح الفتن والأسافين هو أحد الأسلحة العتمدة لدى النظام القائم الآن ذو المدرسة الواحدة ألا وهى مدرسة هذا الشيخ ,,
يا أمين الترابى لم يأتى بجديد فهذه هى أفكارهم كلهم وإن أنكروها!!إنها أفكارهم التى تربوا عليها وتجري فى دمائمهم,,وشعورهم بأنهم جنس آرى والبقية دونهم ,, إسحق فضل الله الليلة طلع بأحد الفايلات القديمة قائلا بأن الترابى تشادى كأنما هذا الأمر يهمنا أو يفيدنا فى شئ!! (خلى العالم دى تدور فى بعض )فهذا سيخرج كل
العفن والقيح المتراكم داخلهم فالسلطة فى نظرهم تستحق أن تسحق من أجلها أمك نفسها والحقد يملأ جنباتهم أجمعين,,

الرئيس الهمام ما عندو حل غير يلبد لأن هذا الشيخ (ديك عدة كبير) ولا مجال للتعاطى معه الآن فهو بخبثه عرف أن الوقت مناسب
للعب بأعصاب أولاده الضالين وتخويفهم وأسوأ الفروض إذا قرروا أن يقاضوه أو يحاكموه أو أن يعتقلوه فهذه هى إحدى أمنياته فى هذه الفترة,,

لقد بدأت لعبة قلب الطاولات التى يجيدها الكيزان ولكن هذه المرة فيما بينهم,,وليس من جديد فى الأمر وهذه هى أخلاقهم وليست أخلاقنا,,
لن نخجل من كوننا سودانيين أبدا ولن يحطموا نفوسنا قبل أن يحطموا بعضهم البعض,,

غايتو المحصلة إنو اللعبة حريفة رغم قذارتها وقبحها والجماعة إتضايرت من لسانو الفلقة,بعدين الشيخ يجيد توصيف الأشياء بتقليد الأصوات ووالإنفعالات وحركات الوجه واليدين بما يوحى تماما من هو القائل( وصااااااااااااااااااف), الهمام الذى يقول على الملأ وعلى رؤوس الأشهاد أنه لا يريد أحياء أو أسرى ليس مستغرب منه أن يكون قد قال ما قيل أنه قال ..

تعرف الناس هسه مفروض تشوف الوصل القوالة دى منو لأنو قطع شك بكونو قطعو لسانو وخلو ريحتو طير طير ودخلوه جحر الضب ,,أو بالميت كدا دخلو الضب نفسو فى أمرا ضيق,,

ياخ هو كيدهم فى نحرهم دى كيفنها؟؟؟
والتاريخ لا يرحم واليوم المشهود ما بعيد


تحياتى,,

Post: #21
Title: Re: السكوت لا معني له غير صحة كلام الترابي !!
Author: Emad Abdulla
Date: 03-31-2010, 07:33 AM
Parent: #20

Quote: والله الواحد بقي يخجل إنو سوداني !!!

Post: #22
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:44 AM
Parent: #21

أيمن و عمده ، الساعه بقت واحده و نص صباحا في غربتنا أم تلج دي ، اللاب توب بقي يمشي هناااك و يجي براو !
بجيكم بكره إن شاء الكريم ...


Post: #23
Title: Re: السكوت لا معني له غير صحة كلام الترابي !!
Author: ود الخليفه
Date: 03-31-2010, 08:23 AM
Parent: #22

السيد امين

تحياتي

اظن ان المؤتمر الشعبي وعلي قيادته الترابي انتهازيون لابعد الحدود

وفي سبيل نفض ايديهم من الوسخ القديم تراهم يبدلون ثيابهم واقوالهم حتي يتزيوا بلبوس الديمقراطيه

حتي يجدو موضع قدم في المعارضه بعد ان فقدوه مع الحكومه

وهدا البؤس يتجلي في طرق غسل ماضيهم

اظن ان حديث الترابي هذا غض النظر عن صحته من العدم قد ضمن له صوت صدق عند المعارضه

ومتي اصبح للترابي حديث يصدق فالرجل فاقد للمصداقيه لكن الغرض واضح جدا بالنسبه للمحايد

الترابي يبحث عن مصداقيه

والمعارضه تبحث عن دليل ادانه

وافق شن طبقه


من يطالب البشير ان يذهب للمحكمه كحال من يجادلك في امر دين ثم فجاه يقل لك (قل لا اله الا الله)

طبعا لا يوجد اختلاف في لا اله الا الله

لكن كان قلتها فقد اثبت انك قبلها كنت علي غير ذلك

واذا رفضت قولها كانت عليك منقصه ولحسبت كافرا

Post: #24
Title: Re: السكوت لا معني له غير صحة كلام الترابي !!
Author: حليمة محمد عبد الرحمن
Date: 03-31-2010, 09:11 AM
Parent: #23

Quote: ما أتي به الترابي من قول لا يمكن أن يمر هكذا كاي زوبعه سياسيه ، الرجل زرع الفتنه و مشي بيتم نام هانئا ، و رئيسنا الهمام كانو ما عندو علاقه بالموضوع : صامت صمت القبور ، و لا عزاء لاخواتنا و أمهاتنا في دارفور !!! بل لا عزاء لنا !!

والله الواحد بقي يخجل إنو سوداني !!!


شكرا امين.

Post: #25
Title: Re: السكوت لا معني له غير صحة كلام الترابي !!
Author: عزاز شامي
Date: 03-31-2010, 09:35 AM
Parent: #1

في الحقيقة سكوتهم احترام لذكائنا
والعيب من أهل العيب ما عيب ...

لن يصعدوا الأمر لعلمهم و يقينهم بأن ما جاء على لسان الترابي ليس بكذب
و ما الجديد أو المستغرب من لو صدر هذا الحديث من عمر البشير؟
وهل لغته العنصرية بجديدة عليه أو على نظامه و نوابه و ممثليه؟
ما دام رضى و أجج نار الحرب في دارفور، فهو يعلم يقينا توابعه على المدنين
و ظل يغالط في عددهم ألوف أم ملايين، و تفتكر رخصتو للروح الانسان الدارفوري
مردها شنو لو ما العنصرية و النظرة الدونية لهم؟

يموتوا .. يغتصبوا ... الأمر سيان

رد الفعل الحقيقي مطالبين بيهو نحن كشعب ...
احنا اللي نحاسبه على كل الجرائم و الإحن التي جرها علينا

Post: #26
Title: Re: السكوت لا معني له غير صحة كلام الترابي !!
Author: معاذ حسن
Date: 03-31-2010, 09:48 AM
Parent: #25

Quote: الساعه بقت واحده و نص صباحا في غربتنا أم تلج دي ، اللاب توب بقي يمشي هناااك و يجي براو !
بجيكم بكره إن شاء الكريم


غدا موعد مع النضال!!
الحال من بعضو يا امين دا نقد ذاتي ما تزعل
اخوك برضو مناضل اركان حرف
اول حاجة الصباح بقول يا ولد خش على سودانيز اون لاين ناضل شوية والمعايش ملحوقة.

.................
اتوقع ان يستمر صمت الحملان من المؤتمرجية والشجرابيون.

Post: #27
Title: Re: السكوت لا معني له غير صحة كلام الترابي !!
Author: ود محجوب
Date: 03-31-2010, 10:36 AM
Parent: #26


التجاهل التجاهل التجاهل
التجاهل التجاهل التجاهل
التجاهل التجاهل التجاهل







ــــــــــــــــــــ

أعلم انك ما أتيت لحوار



ــــــــــــــــــــــــــــــ

Quote: لماذا لا يذهب عمر البشير للمحكمه للمطالبه باثبات ما قاله الترابي ، السكوت لا معني له غير صحة كلام الترابي !!



كان غيرك أشطر !!!!!!!!!!!



ال محكمة ال
!

Post: #28
Title: Re: السكوت لا معني له غير صحة كلام الترابي !!
Author: كمال سالم
Date: 03-31-2010, 11:25 AM
Parent: #27

Quote: القضيه الزول الحاكمنا و ما قادر يدافع عن رقبتو ده : ياخي إنت رئيس دوله دكتاتوريه بيعذبو و يكتلو فيها الناس بسبب و بدونو ، يجي رئيس حزب معارض - و كان رئيسك و عرابك و مفكرك الذي لا ياتيه الباطل من بين يديه - يقولك كلام زي ده - في بلد الكلام ده ما بعيد عليها - و تسكت ؟!!!! عندها معني واحد بالنسبه لي : إنو الكلام ده اتقال !!!



برافو يا أمين ,,



الرئيس حالتو بقت تحنن ,, ويبدو أن العصابه قررت
أن ترميه فى قارعة الطريق ,,
أنا متوقع أن على عثمان وجـماعتو ( حيتغدوا ) به
قبل أن ( يتعشى ) بهم .

Post: #29
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 04:30 PM
Parent: #28

أبو يمن يا حبيبنا
Quote: يا نوته هو شيخ حسن دا من ما الله خلقنا قاعد يسوى فى شنو غير يزرع الفتن والشقاقات!!
فى كل ماضيه وحاضره ومستقبله,, لن يترك عادته التى أدمنها طيلة عمره,, وهذا السلاح أى سلاح الفتن والأسافين هو أحد الأسلحة العتمدة لدى النظام القائم الآن ذو المدرسة الواحدة ألا وهى مدرسة هذا الشيخ ,,يا أمين الترابى لم يأتى بجديد فهذه هى أفكارهم كلهم وإن أنكروها!!إنها أفكارهم التى تربوا عليها وتجري فى دمائمهم,,وشعورهم بأنهم جنس آرى والبقية دونهم ,, إسحق فضل الله الليلة طلع بأحد الفايلات القديمة قائلا بأن الترابى تشادى كأنما هذا الأمر يهمنا أو يفيدنا فى شئ!! (خلى العالم دى تدور فى بعض )فهذا سيخرج كل
العفن والقيح المتراكم داخلهم فالسلطة فى نظرهم تستحق أن تسحق من أجلها أمك نفسها والحقد يملأ جنباتهم أجمعين,,
الترابي حبيبنا ده يبدو إنو الزول الوحيد اللي السودانين - باستثناء قله قليله - مجمعين علي إنو أسوأ سياسي سوداني في العشره الف سنه الأخيره ، لكن القضيه ألان ما في الترابي : الراجل قال العندو ، القضيه في رئيسنا الهمام المكبر اللفه كانو المتهم بالكلام ده عمك حسن برندي الخياط بجزر القمر !!!
Quote: لقد بدأت لعبة قلب الطاولات التى يجيدها الكيزان ولكن هذه المرة فيما بينهم,,وليس من جديد فى الأمر وهذه هى أخلاقهم وليست أخلاقنا,,
لن نخجل من كوننا سودانيين أبدا ولن يحطموا نفوسنا قبل أن يحطموا بعضهم البعض,,
الكيزان يا أيمن ما جو من القمر ، جو من جوه البلد دي : في كل عايله و في كل حله موجودين و العنصريه ما جابوها الكيزان في البلد دي : العنصريه راسخه و راكزه و برضعونا ليها مع اللبن الحليب .
و لو في أمل إنو يوم نصبح شعب محترم ، مفروض نواجه مشاكلنا دي و نشوف لينا دباره ليها .
ما عمايلهم بس يا أيمن ، عدم قدرتنا و قلة حيلتنا هي سبب خجل الواحد من إنو سوداني !!!

Post: #30
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 04:34 PM
Parent: #29

يا عمده
Quote: والله الواحد بقي يخجل إنو سوداني !!!
الزول ما كان قايل بجي يوم زي ده ، لكن الله في !!!!

Post: #31
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 04:51 PM
Parent: #30

ود الخليفه يا حبيبنا
Quote: اظن ان المؤتمر الشعبي وعلي قيادته الترابي انتهازيون لابعد الحدود

وفي سبيل نفض ايديهم من الوسخ القديم تراهم يبدلون ثيابهم واقوالهم حتي يتزيوا بلبوس الديمقراطيه

حتي يجدو موضع قدم في المعارضه بعد ان فقدوه مع الحكومه

وهدا البؤس يتجلي في طرق غسل ماضيهم
القضيه دي يا ود الخليفه فيها تلاته أنفار : الترابي و الزول الوصل ليه الكلام و قائدنا الهمام ، القاسم المشترك بينهم انهم كلهم كيزان !!!! عشان كده (انتهازيون) دي تعتبر شكر في حقهم !! لاحظ التلاته حكام أو كانو حكام و متنفذين و دي الكارثه لو نظرت ليها من ناحيه تانيه : ديل الناس الحاكمننا و دي نفسياتهم و نحن لا حول لنا و لا قوه !!!
Quote: من يطالب البشير ان يذهب للمحكمه كحال من يجادلك في امر دين ثم فجاه يقل لك (قل لا اله الا الله)

طبعا لا يوجد اختلاف في لا اله الا الله

لكن كان قلتها فقد اثبت انك قبلها كنت علي غير ذلك

واذا رفضت قولها كانت عليك منقصه ولحسبت كافرا
والله زي قال عاطف مكاوي القصه دي خازوق من خوازيق العولمه !!
رئيسنا الهمام إختار الصمت ، و عليه أن يفهم إنو الصمت لا معني له غير الادانه !!!

Post: #32
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 04:53 PM
Parent: #31

Quote: شكرا امين.
بل شكرا لمرورك يا حليمه ...

Post: #33
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 05:50 PM
Parent: #32

سلام يا عزاز
Quote: لن يصعدوا الأمر لعلمهم و يقينهم بأن ما جاء على لسان الترابي ليس بكذب
و ما الجديد أو المستغرب من لو صدر هذا الحديث من عمر البشير؟
وهل لغته العنصرية بجديدة عليه أو على نظامه و نوابه و ممثليه؟
الجديد اللغه المستعمله و علانية الكلام و صدورو من شخص ذو وزن سياسي زي الترابي .
من ما الله خلقني لم أسمع أحط و أقذر مما قاله الترابي : لا مبني و لا معني !!
لم أسمع ندوه و لا ركن نقاش في الجامعه اتقال فيهأ كلام زي ده والله تعالي ولا في جلسه خاصه ما سمعت كلام قريب في السوء للكلام ده ! الناس ديل they took it to another level , شخصياً ما كنت قايل بجي يوم أسمع كلام زي ده منسوب لبني أدم خليه من إنو البني أدم ده يكون مسئول عن البلاد و العباد !!!
Quote: رد الفعل الحقيقي مطالبين بيهو نحن كشعب ...
احنا اللي نحاسبه على كل الجرائم و الإحن التي جرها علينا
ده كلام سليم ...

Post: #34
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:00 PM
Parent: #33

معاذ يا حبيبنا
Quote: غدا موعد مع النضال!!
الحال من بعضو يا امين دا نقد ذاتي ما تزعل
اخوك برضو مناضل اركان حرف
اول حاجة الصباح بقول يا ولد خش على سودانيز اون لاين ناضل شوية والمعايش ملحوقة.
يشهد الله ما اشتغلت بالسياسه يوم و ما كنت قايل بجي يوم أتكلم في سياسه في منبر عام ، و حقيقة الموضوع ده بالنسبه لي ما عندو علاقه بالسياسه ، عندو علاقه بالاخلاق و بالقيم المفروض تفرقنا من الحيوانات !!!
لمن يجي كلام بلانحطاط ده عن اخواتنا و أمهاتنا و بناتنا ، ببقي السكوت مشاركه فعليه في الفعل....

Post: #35
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:09 PM
Parent: #34

ود محجوب يا حبيبنا
Quote: التجاهل التجاهل التجاهل
التجاهل التجاهل التجاهل
التجاهل التجاهل التجاهل
البشير عامل بنصيحة مصطفي محمود ، و هي نصيحه عظيمه عموما ، لكن مافي الموضوع ده !!
التجاهل يعني الادانه !!!

Quote: كان غيرك أشطر !!!!!!!!!!!



ال محكمة ال!
والله يا دكتور متحير ما في البشير براه ، متحير في جيوش المستشارين و الوزراء و بطانة السوء الحولينو ديل ، ما فاهمين إنو الصمت يعني الادانه ؟!!

Post: #36
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 06:13 PM
Parent: #35

سلام يا كمال
Quote: الرئيس حالتو بقت تحنن ,, ويبدو أن العصابه قررت
أن ترميه فى قارعة الطريق ,,
أنا متوقع أن على عثمان وجـماعتو ( حيتغدوا ) به
قبل أن ( يتعشى ) بهم .
يسمع منك ربنا ، ده يتغدي بي ده و ده يتعشي بده لحدي ما ما يفضل منهم زول !

Post: #37
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:00 PM
Parent: #36

يا اخوانا حقيقة عايزين لينا زول من مؤيدي الحكومه يدينا تبرير منطقي لصمت الرئيس علي ما نسب إليه !!!

Post: #38
Title: Re: السكوت لا معني له غير صحة كلام الترابي !!
Author: Zakaria Joseph
Date: 03-31-2010, 07:12 PM
Parent: #37

انتو يا دوب زعلانين من كلام قبيح?
و ماذا عن خطف اطفال الجنوب فى كل العهود و توزيعهم على الاصدقاء كغنائم حرب فى عهد الانقاذ و للترابى راى موثق فى ذلك? الا يملك البشير نفسه اثنان من تلك الغنائم?
هل تعلمون ماذا كان يفعله الدفاع الشعبى بقاصرات فى الجنوب?
المجاهدون استمتعوا بما ملكت اياديهم فى بلاد الكفار فى الجنوب و المسالة لم تكن سهلة حين بقت دارفور بسبب الدين!!! اها, لا بد من الاتيان بشئ عنصرى يحط من مقام نساء دارفور و اهل دارفور حتى تكون العملية سهلة.
السودان دى متين كان فخر لكل من يسكنه?

Post: #39
Title: Re: السكوت لا معني له غير صحة كلام الترابي !!
Author: أمين محمد سليمان
Date: 03-31-2010, 07:37 PM
Parent: #38

زكريا يا حبيبنا
Quote: انتو يا دوب زعلانين من كلام قبيح?
و ماذا عن خطف اطفال الجنوب فى كل العهود و توزيعهم على الاصدقاء كغنائم حرب فى عهد الانقاذ و للترابى راى موثق فى ذلك? الا يملك البشير نفسه اثنان من تلك الغنائم?
هل تعلمون ماذا كان يفعله الدفاع الشعبى بقاصرات فى الجنوب?
المجاهدون استمتعوا بما ملكت اياديهم فى بلاد الكفار فى الجنوب و المسالة لم تكن سهلة حين بقت دارفور بسبب الدين!!! اها, لا بد من الاتيان بشئ عنصرى يحط من مقام نساء دارفور و اهل دارفور حتى تكون العملية سهلة.
السودان دى متين كان فخر لكل من يسكنه?
كلامك حااااار و كلو صاح !!!
نحن غضينا الطرف عن الحصل في الجنوب عشان كده حصل تاني في الغرب و ما معروف بكره يحصل وين تاني !!!!!

Post: #40
Title: Re: السكوت لا معني له غير صحة كلام الترابي !!
Author: أمين محمد سليمان
Date: 04-01-2010, 01:09 AM
Parent: #39

إنسحاب ياسر عرمان اليوم و إجتماع الأحزاب غدا سيطغي علي إهتمام الناس بهذه القضيه !!

Post: #41
Title: Re: السكوت لا معني له غير صحة كلام الترابي !!
Author: عبد الناصر الخطيب
Date: 04-01-2010, 08:10 AM
Parent: #40





أمين سليمان
إجلال وتحية ,,
------------------------------
Quote: عندو علاقه بالاخلاق و بالقيم المفروض تفرقنا من الحيوانات !!!


وتخلى الناس تطمئن على أهلهم الفي السودان
تحت حكم رجل بالاخلاق دي , الكلام مؤسف لابعد حد لو أتقال فعلا
والرجل حتى لو كان بلاخلاق دي برضوا لامي الغباء مع سؤ الخلق
لانو معني كده انو ما بعرف شنو البتقال من عدموا في المقام العام
والمقام كان لجنة تحقيق بتؤدي في قسم ياخي ولو كضب أظهر ليهم شوية وقار وتعاطف مع الضحايا
حتى لو ما قاصد لازم شوية تقدير للموقف ...


ما حاخجل أني سوداني حتى لو أقدارنا خلت بلدنا ورقابنا في يد ساقطين


ليك التحية

Post: #42
Title: Re: السكوت لا معني له غير صحة كلام الترابي !!
Author: أمين محمد سليمان
Date: 04-01-2010, 05:03 PM
Parent: #41

ناصر يا حبيبنا سلام
Quote: وتخلى الناس تطمئن على أهلهم الفي السودان
تحت حكم رجل بالاخلاق دي , الكلام مؤسف لابعد حد لو أتقال فعلا
والرجل حتى لو كان بلاخلاق دي برضوا لامي الغباء مع سؤ الخلق
لانو معني كده انو ما بعرف شنو البتقال من عدموا في المقام العام
والمقام كان لجنة تحقيق بتؤدي في قسم ياخي ولو كضب أظهر ليهم شوية وقار وتعاطف مع الضحايا
حتى لو ما قاصد لازم شوية تقدير للموقف ...
كلامك سليم ميه في الميه والله !!
مافي زول فينا من القاعدين ننظر هنا كان حاضر كلام البشير و بالتالي مافي زول ممكن يجزم ، لكن شغالين بالشواهد ! الصمت المطبق ده يا ناصر ما عندو غير معني واحد !!!
Quote: ما حاخجل أني سوداني حتى لو أقدارنا خلت بلدنا ورقابنا في يد ساقطين
خجلاااااان أنا والله ...
خجلان لعجزنا و خيبتنا و قلة حيلتنا يا ناصر .....

Post: #43
Title: Re: السكوت لا معني له غير صحة كلام الترابي !!
Author: Osman Musa
Date: 04-01-2010, 05:23 PM
Parent: #42

كلام الترابى ؟
..
والله يا أخ أمين حيرتنى عديل .
عليك الله تانى بعد خديعة الانقلاب تانى فى حزب او أى زول مفروض يقعد يسمع
كلام للترابى . الترابى سقط من الليلة ديك يا سيد أمين .

Post: #44
Title: Re: السكوت لا معني له غير صحة كلام الترابي !!
Author: أمين محمد سليمان
Date: 04-01-2010, 06:40 PM
Parent: #43

عثمان يا حبيبنا سلام
Quote: كلام الترابى ؟
..
والله يا أخ أمين حيرتنى عديل .
عليك الله تانى بعد خديعة الانقلاب تانى فى حزب او أى زول مفروض يقعد يسمع
كلام للترابى . الترابى سقط من الليلة ديك يا سيد أمين .
الترابي ساقط من يومو و كونو كاذب أو صادق في كلامو ده تحديدا ، دي ما الاشكاليه .
الاشكاليه في لماذا لا يرفع عليه رئيسنا الهمام دعوي قضائيه ؟ ياخي ده كلام تكاد السموات يتفطرن منه و هو رئيس الدوله و راسها فلماذا الصمت ؟
الترابي يا عثمان ما داخل في الموضوع ده صادقا أم كاذبا ! نحن في صمت البشير و معناهو ...