Post: #1
Title: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:55 AM
و عبارة ( المكان الخطأ و الزمان الخطأ ) ملفوحه من أخونا (نزار يوسف ) في بوست أخونا ( عبد الله محمود ) :
الأدوار المشبوهة للبروفيسور تيسير محمد أحمد في إريتريا ...لأستاذ /إبراهيم أحمد
أخونا نزار جاء بها مبررا ما حدث للناس في الجبهه الشرقيه من قتل و تعذيب و حبس ، و ذلك موضوع أخر من شاء الاستزاده فالبوست موجود و كل من قَتل و عَذَّب و حَبس موجود و رب كل من قُتِل و عُذِّب و حُبِس حي لا يموت !!!!
|
Post: #2
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:59 AM
Parent: #1
بورداب الخرطوم في المكان الخطأ لانو ربنا ما كتب ليهم سفر : و بالتالي ما يقدر ينضالو : و بالتالي كلهم أمنجيه !!!
|
Post: #3
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:00 AM
Parent: #2
بورداب الخرطوم في الزمان الخطأ : يستقطعو من دمهم و مالهم و وقتهم إحتفالا بالناس ثم يشتمهم البعض في اسافير بكري !!!
|
Post: #4
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:02 AM
Parent: #3
يدخل بعض مناضلينا الخرطوم كلصوص الليل - لا صوت لا صوره - و عندما يعودو لمخابئهم الامنه ، يبدأ النضال : و النضال لا يبدأ في سودانيزاونلاين إلا بتاكيد أمنجية معظم بورداب الخرطوم . و الحديث لا يحلو في هذا البورد إلا بتاكيد انصرافية و (عدم موضوع ) بورداب الخرطوم ،
حتي عند خروجهم - باسمنا - رفضا للعنصريه و ردا لحقوق اهلنا في لبنان كان السؤال (لما لم يذهبو للقصر الجمهوري ) !!!
|
Post: #5
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:06 AM
Parent: #4
و حتي يكون هناك عدلا اقترح تبديل مؤقت للمقاعد ، تبدل إقامة كل بوردبي بالداخل بواحد من الخارج لفتره قد تطول و قد تقصر : كل بوردبي بالداخل يختار بوردبي بالخارج و يتبادلو المقاعد :
يعني أنا أرجع ابوروف و أخلي مكاني هنا في ضهاري كانسس لأيا من الأمنجيه و العاطلين و عديمي الموضوع من بورداب الخرطوم عشان يناضلو من الخارج و يكونو معانا نحن ( الشرفاء ) !!!
خوة المنبر تقتضي أن ننتشل بورداب الخرطوم من ( المستنقع العفن المليء بالامنجية واعوان الطغمه ) و العدل يقتضي أن يعطو فرصة الاقامه بالخارج عسي أن ( ينحازو للوطن و شعبه) !!!
|
Post: #6
Title: Re: بورداب الخرطوم في ( المكان الخطأ و الزمان الخطأ ) !!!
Author: Mohamed E. Seliaman
Date: 07-14-2010, 06:17 AM
Parent: #5
| Quote: يعني أنا أرجع بروف[/B |
]
من جد تستحق اللقب يا دكتور .
----------------------
التعديل لتحريف الاقتباس 
|
Post: #7
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:22 AM
Parent: #6
| Quote: التعديل لتحريف الاقتباس |
والله يا حبشي حيرتني !! افتكرت رقبتي كتبتها بعقلي الباطن !!
|
Post: #8
Title: Re: بورداب الخرطوم في ( المكان الخطأ و الزمان الخطأ ) !!!
Author: على محمد على بشير
Date: 07-14-2010, 06:25 AM
Parent: #6
يا بروف
مشتاغون اول شئ
وتانى , انا موافق على حكاية تبادل الادوار دى , وبما انو انا شغال فى مجال السفر والسياحه فما ح اقبل اقل من الكرين والمبادله مع العوض المسلمى
يعنى يومى افطر عصيدة دخن واكون رئيس وهبه وشول وابو السيد ..
غير كدا انا منسحب ..
|
Post: #9
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:29 AM
Parent: #8
محمد علي يا حبيبنا| Quote: انا موافق على حكاية تبادل الادوار دى , وبما امو انا شغال فى مجال السفر والسياحه فما ح اقبل اقل من الكرين والمبادله مع العوض المسلمى |
أول حاجه إنت ما مصنف مع (الشرفاء ) هنا ، الشي التاني مكان العوض ده حاجزو أنا لرقبتي دي !!!
|
Post: #10
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 06:39 AM
Parent: #9
إنت جادي يا دوكـ!!!
غايتو العوض كل سنة ح يكون محل واحد!
أها .. السيد وبدر الدين دا البقبل يقايطم منو
بعدين تبلديكم دا لو واحد من ناس الـ 40 تحت الصفر
ديل قال داير يبادلو .. مااا بكون دقس و(ح) اتلحس!
_
|
Post: #11
Title: Re: بورداب الخرطوم في ( المكان الخطأ و الزمان الخطأ ) !!!
Author: منال
Date: 07-14-2010, 06:46 AM
Parent: #10
انا ببدل سناء خالد
انا اليابان وسناء امدرمان
|
Post: #12
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:49 AM
Parent: #10
Quote: إنت جادي يا دوكـ!!!
غايتو العوض كل سنة ح يكون محل واحد!
أها .. السيد وبدر الدين دا البقبل يقايطم منو
بعدين تبلديكم دا لو واحد من ناس الـ 40 تحت الصفر
ديل قال داير يبادلو .. مااا بكون دقس و(ح) اتلحس[/ |
الصايم يا حبيبنا
قلنا مكان العوض ده أنا حاجزو لرقبتي دي , سيدنا ممكن نخارجو مع العوض one package ، لكن بدر الدين ده إلا ننزلو في كرتله !!!
تبلدينا نشوف ليه محل واحد من ( شرفاء ) الخليج !!!
|
Post: #13
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:54 AM
Parent: #12
Quote: انا ببدل سناء خالد
انا اليابان وسناء امدرمان |
يا منال انتي ثروه قوميه لا تستبدل ، بعدين سناء دي كان جات امدرمان شركات النضافه ما بتشتغل !!!
|
Post: #14
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 07:04 AM
Parent: #13
امينوف ...اكوب وسلوم ..
| Quote: تبلدينا نشوف ليه محل واحد من ( شرفاء ) الخليج !!! |
قلنا نستبق الاحداث قبل تبدلونا مع تبلدينا ونتيتم ولا السيدالمسلمي ونبقى انصرافيين...انا شخصياً نسقت مع قريبي علاء الدين الامنجي الكبير والرأسمالي الذي يدعم ويسلف الجنوبيين ( 15 مليون دولار) ...
| Quote: يا منال انتي ثروه قوميه لا تستبدل |
هههههههههههههه دى مبالغة ..
|
Post: #15
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 07:09 AM
Parent: #14
فايز العريس Quote: انا شخصياً نسقت مع قريبي علاء الدين الامنجي الكبير والرأسمالي الذي يدعم ويسلف الجنوبيين ( 15 مليون دولار) ...
|
والله أبو علوه مكسب كبير ،عشان كده إنت بجده بتاعتك دي ما أظنك تنافس !!!
|
Post: #16
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 07:11 AM
Parent: #15
غايتو يا خالنا الدكتور .. الحمد لله الحمور سافر!!
كرتلة شنو ياخ! .. اتنين والتالت مجانا ما كان لقيتو ليهو زبون!
|
Post: #17
Title: Re: بورداب الخرطوم في ( المكان الخطأ و الزمان الخطأ ) !!!
Author: خضر حسين خليل
Date: 07-14-2010, 07:11 AM
Parent: #13
بوست محترم لو يسمعون ياصديقي
|
Post: #18
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 07:21 AM
Parent: #17
Quote: غايتو يا خالنا الدكتور .. الحمد لله الحمور سافر!!
كرتلة شنو ياخ! .. اتنين والتالت مجانا ما كان لقيتو ليهو زبون! |
والله يا الصايم ، بدر حبيبنا موقفو صعب جدا ، ياخي إذا كان وهبه فردتو شايل حسو بالبوستات !!
|
Post: #19
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 07:25 AM
Parent: #18
يا دكتور ما تبالغ ياخ!
الكلام دا لحمور في عضمو!
أول مرة أحتاج أشرح ليكـ كلام ياخ!
|
Post: #20
Title: Re: بورداب الخرطوم في ( المكان الخطأ و الزمان الخطأ ) !!!
Author: عبد اللطيف السيدح
Date: 07-14-2010, 07:28 AM
Parent: #18
بوست حاقد
يحتاج الي اعادة معيرة
|
Post: #28
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 08:01 AM
Parent: #18
ياامينوف اديك عروض مفيدة :
تودي وهبه محل هباني فالمكان والزمان الخطأ مابشيلهم لو تبدلوا مع غيرهم..
فيصل الرشيد بدلوا مع صديق مهدي ..
حجر مع احمد موسى فالمكان والزمان ومابينهما مابشيلهم ..
صديق مهدي تاني تطلعه وتجيبه محل ابوحسين وتودي ابوحسين كريمه لانه مابنفع في العاصمة ..
اخونا اساسى تبدله مع هباني الاتبدل مع وهبه ولكن لفترة مؤقتة لغاية هباني مايعمل عمرة ويرجع ..
اما اخونا معاوية(كبسور) ولانه ماحاتلقوا ليهو زول فاقترح تودوه قرية مستورة بتاعة الرشايدة وتقولوا ليهو دي السعودية ..
حيدر الزين (الدمام) ولانه حايكون قريب من صديق مهدي(الرياض) فيمكن يغادر من غير بدل ..
اساسي مايقدر يرجع لانه هباني يكون عمل عمرة وزاغ ..
|
Post: #21
Title: Re: بورداب الخرطوم في ( المكان الخطأ و الزمان الخطأ ) !!!
Author: على محمد على بشير
Date: 07-14-2010, 07:31 AM
Parent: #17
خلاس يا امين ..
وبما انك حسدتنى فى مبادلة العوض وكنت انانى وبتحب نفسك وابيت لى الانجمامه فى اخر عمرى
خلاس انا قبلت تبدلونى بى ابو السيد وعلى شرط تبدلوا لى وهبه دا بى بوردابيه من الخارج تكون سمحه وعندها بيت وعربيه وبتقدس الحياه الزوجيه
وفى حالة انو ما اتوفرت المواصفات دى فى بوردابيه من الخارج بقبل بمبادلة وهبه بصبرى الشريف واهو الواحد يصبر عليهو ويخش بى سببه الجنه وربنا يعوض صبرنا بالحور العين ..
|
Post: #22
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 07:37 AM
Parent: #21
Quote: بقبل بمبادلة وهبه بصبرى الشريف واهو الواحد يصبر عليهو
ويخش بى سببه الجنه وربنا يعوض صبرنا بالحور العين .. |
كاااااااااااااكـ
|
Post: #23
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 07:39 AM
Parent: #21
يا اخوانا هي ، الساعه بقت وحده و نص صباحا مخلوطه ببساطه و قلة ثقافه لمن بقينا نجليها ثابثه يا الصايم !! أخير نحترم نفسنا و نمشي ننوم عسي أن يقيل الله عثراتنا !!!
------------
وصية قبل النوم :
العوض بره الفلم ده !!!
|
Post: #26
Title: Re: بورداب الخرطوم في ( المكان الخطأ و الزمان الخطأ ) !!!
Author: طارق ميرغني
Date: 07-14-2010, 07:52 AM
Parent: #23
اخي امين
هل يشمل التبادل من الخارج للاخرج
بمعني انا ممكن ابدل الموصلي في امريكا وهو يجي الرياض ؟؟؟؟
كما قال المثل :
كااااااااااك
|
Post: #27
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 07:58 AM
Parent: #26
غايتو اقتراح طارق مرغني دا لو كويس أنا حاجز صبري الشريف!
ماف زول يجي يخرخر معاي فيهو!
أجيبو ليكم الرياض دي، وأشغلوا ليكم في الهيئة!
|
Post: #29
Title: Re: بورداب الخرطوم في ( المكان الخطأ و الزمان الخطأ ) !!!
Author: على محمد على بشير
Date: 07-14-2010, 08:12 AM
Parent: #27
صبرى الشريف محجوز يا ود الصائم
وتوجد خرخره شديده
انشاء اقعد اكل معاهو تبش فى قندهار
بالنسبه ليك
انا بقترح ذو اليد ومعاهو الكاميرا وكم قصيده
عرض يسيل ليهو اللعاب يا عمك ,, موش
اذا اقتراح ذو اليد دا ما عجبك قول , خلينا نتصرف فيهو ونسفره ابو ظبى كااااااااك
|
Post: #37
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 11:00 AM
Parent: #29
| Quote: اذا اقتراح ذو اليد دا ما عجبك قول , خلينا نتصرف فيهو ونسفره ابو ظبى كااااااااك |
يا عمكـ
ذو اليد دا أنا عندي ليهو مقايطة مية مية عديل!
في زول في البورض دا قاعد في حتة كـدا النوع البكون فيها الشمس
ستة شهور والضلام ستة شهور، اسمها شنو ما متذكرا (سيدر ربتس .. رابت شير)
.. المهم الزول دا لو لمينا فيهو قايطو .. قايطو ياخ خلينا نشوف غيرو!
|
Post: #24
Title: Re: بورداب الخرطوم في ( المكان الخطأ و الزمان الخطأ ) !!!
Author: HAIDER ALZAIN
Date: 07-14-2010, 07:47 AM
Parent: #21
الدكتور خال حمور زيادة .. صباحي انا خير ومساك نور
ضيعت لي ساعتين اقرأ البوست الجبت رابطه دا كان هسع الواحد استغلاها مع هشام هباني نشوف اخر اخبار الطيور المهاجرة ..
بس عموماً للصدق وكدة ما قريت غير الصفحة الاولي والرابعة وشذرات* من التالتة
وصلت غايتو لبعض النقاط ( وتتقري برضو في مجمل احداث اخري بالبورد دا دارت الاسبوع الماضي )
1/ اهل السودان الجديد والحركة الشعبية هم اصدق الناس لهجةً وحديثاً ..
2/ الشرف ينحصر في في رؤاهم ووفق مؤازرتك لها والا ينظر ويُفاد ..
3/ الكل في السودان يشعرون بالدونية العرقيــة إلا المتحدث فهو متماهي مع مكوناته العرقية ..
4/ أي زول يعيش بدول العالم الاول ويحمل جواز سفرها هو سوداني اصيل بعكس من يعيش في دولة نامية فهذا غير سوداني وعميل لانه ارتضي العيش بدولة فقيرة لذا لا يحق له ادعاء السودانية ..
5/ اي سوداني بالداخل هو عميل للنظام وزراع له لانه ارتضي ببساطة ان يعيش ببلد المجرمين ..
6/ اهل الحركة الشعبية شركاء في الحكم وسلطة الانقاذ ومتفقين ومتوافقين معها بالمواقف وبينهم تنسيق
وتنازلات لكنهم رغم ذلك هم المعارضة الحقيقة والداعيين للوحدة والعاملين علي اسقاط السلطة التي هم جزء منها ومن يقول بغير ذلك كافر يجب سحلهم بجنبات هذا المنبر ..
7/ أي حزب آخر سوداني لو نسق اي موقف او اتفق مع الحكومة فهو عميل وخائن ..
8/ أي زول لافي في منبر بكري دا ما يقول تففف علي الانقاذ وتباً لهم ويشتمهم من الصرة للركبة وانهم dogs فهو متواطئ مع السفلة ..
9/ بورداب الخرطوم مجرد كرور ساي وامنجية مندسين ولابد من فضحهم هؤلاء العطالي ..
ثم فتشت لي زول ابادله في بورداب الخرطوم اصلن ما لقيت من يستحق الناس حجزت العوض وعلاء يوسف الباقي تاني منو
ما إلا الرجرجة امثال السيد المسلمي وفيصل الرشيد وكبسور ومن لف لفهم من المتواضعين ..
ـــــــــ
* شذرات دي ( إنتاج خاص ) عشان اثبت ليك اني مؤهل لمخاطبة الدكاترة والمفكرين
|
Post: #73
Title: Re: بورداب الخرطوم في ( المكان الخطأ و الزمان الخطأ ) !!!
Author: السيد المسلمي
Date: 07-14-2010, 02:34 PM
Parent: #21
الخال أمين ورهطه ..
وهذه تشمل ( ود القاضي .. علي محمد علي .. ود الصائم )علكم طيبين ..
| Quote: خلاس انا قبلت تبدلونى بى ابو السيد وعلى شرط تبدلوا لى وهبه دا بى بوردابيه من الخارج تكون سمحه وعندها بيت وعربيه وبتقدس الحياه الزوجيه |
شوفو جنس دا !!!
عايز يبدل عمنا وزعيمنا المناضل الكبير وهبة ..بــ بوردابية عندها عربية !!؟
ياخي قول كلام غير دا !!
حرررررم وهبة دا بي شركة المرسيدس زاااااتا ماممكن نبدلو ..
قال عربية وبتقدس الحياة كمان ؟؟
بالله !!!
وتاني حاجة .. نحن ود القاضي دا ما بنقبل بيهو تحت أي ظرف ( نوووووهائ) ..
يعني ممكن نرخي البيعة كلها عشانو !!
ولو عايزين النجيضة .. جيبو لينا الحبشي .. أهو ضرر أخف من ضرر
|
Post: #30
Title: Re: بورداب الخرطوم في ( المكان الخطأ و الزمان الخطأ ) !!!
Author: ناذر محمد الخليفة
Date: 07-14-2010, 08:14 AM
Parent: #17
!!!!
Quote: انا ببدل سناء خالد
انا اليابان وسناء امدرمان |
والله يا منال الظاهر عليك فكرة قش الشوارع وطوابير العربات راقت ليك ..!
|
Post: #25
Title: Re: بورداب الخرطوم في ( المكان الخطأ و الزمان الخطأ ) !!!
Author: احمد التجانى احمد
Date: 07-14-2010, 07:48 AM
Parent: #12
| Quote: يستقطعو من دمهم و مالهم و وقتهم إحتفالا بالناس ثم يشتمهم البعض في اسافير بكري !!! |
والله يانوتة يوم بعد يوم بتثبت لينا انك مدرسة قيم ومبادى
بالله مالك كنت مضيع وقتك فى اطراف المين رود تنشد ود الحناكيش
ومعك اخرون - اعطوكم وش او منعوكم (الضمير للحناكيش)
الكلام دة يانوتة والله ماكسير تلج لكن اسهاماتك لاتخطئها عين
فى رد الحقوق لاهلها وتقويم المعوج لكن بس خايفين عليك الراس
مايكبر ولا كمان تطلع فى راسنا المسكين دة
|
Post: #31
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 08:41 AM
Parent: #25
..
.
لا 40 درجة تحت الصفر لا الصفرزاتووووو
انا ماشى المغرب .. محل جبريلا .. خلى يجى ياكل الشية الشرفاان
ولو فى اسبانيا فى شخصين بغير ليها وبسوق معاى دالصديق ودالقاضى ..
------------
نسبة العنوسة يا ود القاضى تتخيل اعلى نسبة
غايتو كاس العالم جاب المحن ..
|
Post: #33
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 09:15 AM
Parent: #31
Quote: نسبة العنوسة يا ود القاضى تتخيل اعلى نسبة
غايتو كاس العالم جاب المحن .. |
وضح ، ابن ، افصح ؟!! وين النسبة العالية دي ياصديقي ؟!!!
|
Post: #34
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 10:18 AM
Parent: #33
..
.
| Quote: وضح ، ابن ، افصح ؟!! وين النسبة العالية دي ياصديقي ؟!!! |
فى اسبانيا يا عمك .. ركز بالله الظاهر كورتك شالوها ناس كاس العالم
-------------
ومال انا سايقكـ معاى لشنو ؟؟
ما قلتوووو نوبه
|
Post: #32
Title: Re: بورداب الخرطوم في ( المكان الخطأ و الزمان الخطأ ) !!!
Author: جعفر محي الدين
Date: 07-14-2010, 08:44 AM
Parent: #25
الحمد لله ما في زول حتى الآن حجز معتصم (نيستا) بتاع الذهب
وأنا بحكم أني جيولوجي فأكون أصلح من يستحق مبادلة معتصم
أند فور إفر ...
حيدر ما قصرت معانا ما عندنا وقت نقرأ الرابط
شكرا على التلخيص
|
Post: #36
Title: Re: بورداب الخرطوم في ( المكان الخطأ و الزمان الخطأ ) !!!
Author: Omar Bob
Date: 07-14-2010, 10:54 AM
Parent: #32
سلامات ياد. امين
الموضوع في حقيقته موضوع شائك وهو خلط ما هو اجتماعي وما هو سياسي وفي اي موضع تفرز بين رايك السياسي من الحدث اجتماعي. واخونا صبري الشريف اخطأفي تقديريه ولم يتبين ذلك الخيط. كثيرين هنا معارضين للنظام ذهبو للخرطوم واحتفي بهم البورداب وجاءوا في هذا المكان وشكرو بورداب الخرطوم واثنو علي كرمهم وتداخلو وتواصلوا معهم اجتماعيامع احتفاظ كل شخص بارائه السياسيه. حادثة اخونا صبري تكاد تكون حادثه منعزله تماماوصبري ابان في بوست خضر انه كان يقصد صاحب البوست وليس بورداب الخرطوم. خطأ صبري الكبير انه اختار المكان الخطأ تماماليعبر عن رايه في صاحب البوست ليفتح عليه نيران جهنهم من بورداب الخرطوم ومن غيرهم وهم محققين في ذلك
________________________________________________
يا تبلدينا ما في ليك طريقه للمغرب انا حاجزك وما ببدلك بزول
واذا قصه المغرب دي عندك فيها مارب اخري فمكفولتنا اميره ( فردة سيد صادق) الروميت بتاعتها مغربيه
كلما تزهج من حر الدوحه وتقول يا ريتني كنت مشيت المغرب نخليك تضرب ليك حنك حنكين مع المغربيه وتعتبر نفسك في المغرب
شعارنا من اجل التبادل مع تبلدينا
تابلدينــــــــــا من اديينــــــــــا
|
Post: #40
Title: Re: بورداب الخرطوم في ( المكان الخطأ و الزمان الخطأ ) !!!
Author: بدر الدين اسحاق احمد
Date: 07-14-2010, 11:05 AM
Parent: #32
هــلا دكترة انصاص الليالــى ..
| Quote: أها .. السيد وبدر الدين دا البقبل يقايطم منو |
انا قبلان بيــه ديــل ..
تيمان المنبر ..... تيمان برقو الما بتفرقو .
( كيكــى وخليــل )
ود الصائــم ( اشرح النكتة بالماسنجر للدكتور )
|
Post: #35
Title: Re: بورداب الخرطوم في ( المكان الخطأ و الزمان الخطأ ) !!!
Author: العوض المسلمي
Date: 07-14-2010, 10:32 AM
Parent: #3
كيفك امين نوتة والف سلام ..
نتابع عن قرب ..
|
Post: #38
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 11:01 AM
Parent: #35
أوو الحاج شكلو داير يقايط!
|
Post: #39
Title: Re: بورداب الخرطوم في ( المكان الخطأ و الزمان الخطأ ) !!!
Author: HAIDER ALZAIN
Date: 07-14-2010, 11:04 AM
Parent: #38
| Quote: أوو الحاج شكلو داير يقايط! |
أكيد تقصد يقايض
حيدر إي سليمان
|
Post: #41
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد عبد الماجد الصايم
Date: 07-14-2010, 11:11 AM
Parent: #39
Quote: أكيد تقصد يقايض
حيدر إي سليمان |
أعجمي فالعب به!!
|
Post: #42
Title: Re: بورداب الخرطوم في ( المكان الخطأ و الزمان الخطأ ) !!!
Author: منال
Date: 07-14-2010, 11:12 AM
Parent: #39
ما ممكن نبدل مع بورداب الداخل ؟ عشان يبقى زيتنا فى دقيقنا ....
|
Post: #43
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد الأمين موسى
Date: 07-14-2010, 11:16 AM
Parent: #39
أها يا أمين ناس غريبة وود الباوقة القاعدين بره ديل تعمل فيهم شنووووو؟
أنا تذكرتي جاهزة ومستعد أبادل بدينا خالد!
|
Post: #44
Title: Re: بورداب الخرطوم في ( المكان الخطأ و الزمان الخطأ ) !!!
Author: MOHAMMED ELSHEIKH
Date: 07-14-2010, 11:32 AM
Parent: #39
| Quote: اما اخونا معاوية(كبسور) ولانه ماحاتلقوا ليهو زول فاقترح تودوه قرية مستورة بتاعة الرشايدة وتقولوا ليهو دي السعودية .. |
انا قبلان بيهو بس يخلي لي الختم بتاعو في المكتب خاسة وانو عندي قضية ارض ساكيها اقدراكون قريب منها.
بعدين يجي راجع محلو قبل الأنتخابات الجاية ما يدخلنا في موضوع مواسير وعجلات
|
Post: #45
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 12:15 PM
Parent: #44
| Quote: بورداب الخرطوم في الزمان الخطأ : يستقطعو من دمهم و مالهم و وقتهم إحتفالا بالناس ثم يشتمهم البعض في اسافير بكري !!! |
أنا لو كنت في السودان كنت سألت نفسي كم مرة قبل ما أدفع إشتراك عشان أحتفل بالناس
لـــــــــــيه ...؟ وكم مرة هو...؟ ولمتين؟ وصفتي شنو البتخليني أخسر قروشي للاحتفال بناس جاية تقضي إجازاتها؟ وهم منو الناس ديل ذاتهم وطبيعة علاقتي بيهم شنو؟ acquaintances ولا friends ؟ وهل من الممكن والمعقول أكون مبسوطة وفرحانة ومحتفلة ومستعدة لملاقاة ومقابلة أي عضو متواجد في سودانيز أونلاين كدا بس لمجرد إنه عضو في سودانيز أونلاين؟
_____________________________
إذا كان إحنا البنتفرج في الصور بس بتاعة الاحتفالات فترنا ... وملينا ..وكرهنا.. روحنا
|
Post: #46
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 12:29 PM
Parent: #45
..
.
Quote: أنا لو كنت في السودان كنت سألت نفسي كم مرة قبل ما أدفع إشتراك عشان أحتفل بالناس
لـــــــــــيه ...؟ وكم مرة هو...؟ ولمتين؟ وصفتي شنو البتخليني أخسر قروشي للاحتفال بناس جاية تقضي إجازاتها؟
وهم منو الناس ديل ذاتهم وطبيعة علاقتي بيهم شنو؟ acquaintances ولا friends ؟ وهل من الممكن والمعقول أكون مبسوطة وفرحانة ومحتفلة ومستعدة لملاقاة ومقابلة أي عضو
متواجد في سودانيز أونلاين كدا بس لمجرد إنه عضو في سودانيز أونلاين؟ |
نعمل شنو ؟؟
ما ناس الله طيبين وعلى نياتهم
دقوسات وعوره .. يتخمخموا ويتلملموا .. ويفرحوا
اكتر من الناس الجايين من بره ..!!؟
بالله دا ما مجتمع متفرد ومتميز واهبل ..
والاغرب ضياع الزمن واستقطاعو من ضروريات الاسرةوالحياة
حتى حق الشيرنغ بقصر واخرتها يطلعوا بتاعين فارغة .. وحفلات وهجيج
شكرا راوية ..
| Quote: إذا كان إحنا البنتفرج في الصور بس بتاعة الاحتفالات فترنا ... وملينا ..وكرهنا.. روحنا |
اميرة الشيخ
تعال جيبى دلوكتك.. حميها فى سخانة الخرطوم دى انسى السخان ..
-------------
يا ربي العوض المسلمى ووين ؟؟
اقتنع ولا لسه ؟؟
بالله كلموا يا وهبة .. لانو لو ما اقتنع
بكون اكيد غواصة مدعومه .. او كما قيل ..
|
Post: #47
Title: Re: بورداب الخرطوم في ( المكان الخطأ و الزمان الخطأ ) !!!
Author: Hussein Mallasi
Date: 07-14-2010, 12:48 PM
Parent: #46
كلو منك يا العوض.
|
Post: #48
Title: Re: بورداب الخرطوم في ( المكان الخطأ و الزمان الخطأ ) !!!
Author: ombadda
Date: 07-14-2010, 12:52 PM
Parent: #46
Quote: أنا لو كنت في السودان كنت سألت نفسي كم مرة قبل ما أدفع إشتراك عشان أحتفل بالناس
لـــــــــــيه ...؟ وكم مرة هو...؟ ولمتين؟ وصفتي شنو البتخليني أخسر قروشي للاحتفال بناس جاية تقضي إجازاتها؟ وهم منو الناس
ديل ذاتهم وطبيعة علاقتي بيهم شنو؟ acquaintances ولا friends ؟ وهل من الممكن والمعقول أكون مبسوطة وفرحانة ومحتفلة
ومستعدة لملاقاة ومقابلة أي عضو متواجد في سودانيز أونلاين كدا بس لمجرد إنه عضو في سودانيز أونلاين؟ |
أسئلة تحتاج لإجابة؟
|
Post: #50
Title: Re: بورداب الخرطوم في ( المكان الخطأ و الزمان الخطأ ) !!!
Author: طارق جبريل
Date: 07-14-2010, 01:06 PM
Parent: #48
Quote: انا ماشى المغرب .. محل جبريلا .. خلى يجى ياكل الشية الشرفاان
|
يا عمك انا ما مناضل عشان تتبادل معاي
امين ياخي والله بوستاتك دي براها تديك الدكترة
شكلي كدة حا اقول لي حيمور يتنازل لي من حتة الخال دي
ما تسمعوا كلام راوية دي لانها حاقدة ما قاعدة تمشي السودان
|
Post: #61
Title: Re: بورداب الخرطوم في ( المكان الخطأ و الزمان الخطأ ) !!!
Author: مرتضى احمد عبد القادر
Date: 07-14-2010, 01:24 PM
Parent: #48
سيد البوست دا مفروض يبدلو بيهو عِـده قال كانسس قال أرجع أبروف وأنا حأرسل بدلك جردلين طلس ونص دسته كبابي إستيل نواكشط السكن الشعبي
|
Post: #107
Title: Re: بورداب الخرطوم في ( المكان الخطأ و الزمان الخطأ ) !!!
Author: العوض المسلمي
Date: 07-14-2010, 10:02 PM
Parent: #48
امين بالله طالما مافي زول حجز بكري ابوبكر فانا بتشاور مع وهبة اخانا الذي بالشعبية ومع تبلدينا اخانا الذي بكنار
وكمان بتشاور مع الدكتور الفي الشرقية .. وقبلهم كلهم بشاور ذات الحروف الاربعة فان وافقوا فلا مانع عندي بالذهاب الي بلاد عمنا اوباما ...
____________________
اما الذين يشكون من لمات بورداب الخرطوم فاقول كما قال ملاسي منه العوض وعليه العوض كان ده كلامهم
|
Post: #49
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد البشرى الخضر
Date: 07-14-2010, 12:56 PM
Parent: #46
تبلدينا ياخي كلامك دا جاد فيه عن قناعة توصلت ليها ولاّ تحت تأثير الغضب من حركة صبري الشريف؟Quote: ما ناس الله طيبين وعلى نياتهم
دقوسات وعوره .. يتخمخموا ويتلملموا .. ويفرحوا
اكتر من الناس الجايين من بره ..!!؟
بالله دا ما مجتمع متفرد ومتميز واهبل ..
والاغرب ضياع الزمن واستقطاعو من ضروريات الاسرةوالحياة
حتى حق الشيرنغ بقصر واخرتها يطلعوا بتاعين فارغة .. وحفلات وهجيج |
|
Post: #51
Title: Re: بورداب الخرطوم في ( المكان الخطأ و الزمان الخطأ ) !!!
Author: منال
Date: 07-14-2010, 01:09 PM
Parent: #49
| Quote: تبلدينا ياخي كلامك دا جاد فيه عن قناعة توصلت ليها ولاّ تحت تأثير الغضب من حركة صبري الشريف؟ |
طبعا لا يا ودالبشرى
تبلدينا رد على حسب كلام راويه
|
Post: #52
Title: Re: بورداب الخرطوم في ( المكان الخطأ و الزمان الخطأ ) !!!
Author: السيد المسلمي
Date: 07-14-2010, 01:10 PM
Parent: #49
Quote: وهل من الممكن والمعقول أكون مبسوطة وفرحانة ومحتفلة ومستعدة لملاقاة ومقابلة أي عضو متواجد في سودانيز أونلاين كدا بس لمجرد إنه عضو في سودانيز أونلاين؟
|
دي حسب علاقة الزول بالناس البلاقيهم ..
يعني ماممكن تكون مبسوط مع زول إنت بتشمو وبشوفوا عشرة عشرة ( في البورد ) !!
يبقي علاقتك مع ناس البورد داخله هي البتحدد نوع ملاقتك ليهم !
عشان كدا بنلقي ناس كتيرين بتحاشوا اللمات ..
وأفتكر دي حاجة بتخصم ..
الملخص ...
هذا المنبر جمعنا مع أخوان وأخوات تشرفنا حقيقة بمعرفتهم .. وتمنينا لو أننا ألتقينا بهم/ن قبلاً ..
كما أتمني أن نلتقي بأخوان /ت أخرين في مقبل الأيام والشهور والسنين ..
ـــ
تبلدينا ياعمك .. أرفع كراعك من الأبنص شوية .
|
Post: #55
Title: Re: بورداب الخرطوم في ( المكان الخطأ و الزمان الخطأ ) !!!
Author: بدر الدين اسحاق احمد
Date: 07-14-2010, 01:17 PM
Parent: #52
اووووووووووووعك زيــد الابنــص شويـة يا عمــك
| Quote: تبلدينا ياعمك .. أرفع كراعك من الأبنص شوية . |
|
Post: #58
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد البشرى الخضر
Date: 07-14-2010, 01:17 PM
Parent: #52
| Quote: طبعا لا يا ودالبشرى |
انا برضو قلت كدا يا منال
ولاّ كيف يا تبلدينا؟
أبو السيد Quote: الملخص ...
هذا المنبر جمعنا مع أخوان وأخوات تشرفنا حقيقة بمعرفتهم .. وتمنينا لو أننا ألتقينا بهم/ن قبلاً ..
كما أتمني أن نلتقي بأخوان /ت أخرين في مقبل الأيام والشهور والسنين .. |
اليومين ديل كلامك كلّو حكم.
د.أمين اقترح تصدر شهادة دكتوراة لأبو السيد يستاهلها والله
|
Post: #70
Title: Re: بورداب الخرطوم في ( المكان الخطأ و الزمان الخطأ ) !!!
Author: السيد المسلمي
Date: 07-14-2010, 02:17 PM
Parent: #58
| Quote: د.أمين اقترح تصدر شهادة دكتوراة لأبو السيد يستاهلها والله |
ود البشري ياعمك .. يستاهلك الخير ياحبيب .
وعبركم أطالب الخال أمين بسرعة الإجراء .
|
Post: #53
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 01:12 PM
Parent: #49
راوية ..وتبلدينا ...سلام ..
الحل بسيط ...
انت ياراوية ماتجي السودان ولو جيتي ماتخبري زول ..امشي اهلك بالدس وارجعي بالدس ...
اما تبليدينا ممكن تقفل جوالك وتعمل نايم ...
وفي موضوع البدل ممكن تتبدلوا سوا شبهينا واتلاقينا..
فايز من الاراضي المقدسة
|
Post: #54
Title: Re: بورداب الخرطوم في ( المكان الخطأ و الزمان الخطأ ) !!!
Author: طارق جبريل
Date: 07-14-2010, 01:15 PM
Parent: #53
يا جماعة تبلدينا دة شوفي لي عصابة تجلده
وانا متكفل بكل المصاريف
|
Post: #60
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 01:22 PM
Parent: #54
Quote: يا جماعة تبلدينا دة شوفي لي عصابة تجلده
وانا متكفل بكل المصاريف |
رسل ليهو المصاريف ياطارق بدق روحو ...
ياطارق الزول ده قاصد يحرمك من الشيه بس ..
|
Post: #56
Title: Re: بورداب الخرطوم في ( المكان الخطأ و الزمان الخطأ ) !!!
Author: Hussein Mallasi
Date: 07-14-2010, 01:17 PM
Parent: #53
Quote: بالله مالك كنت مضيع وقتك فى اطراف المين رود تنشد ود
الحناكيش ومعك اخرون - اعطوكم وش او منعوكم (الضمير للحناكيش) |
|
Post: #65
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 01:36 PM
Parent: #53
..
.
ود القاضى
انا عملت موبايلى عشان اقفلو ..!!؟ نهائي .. ..ودا حق شخصى
الاسلم تقول لى ما تشتغل بالموضوع الشغله ..
بس برضو من حقى اقول راى .. واشوف ناس الخارج ديل شايفننا بياتو منظار ونوع التظرة زاتها ..
انا السودان لمن رجعت ليهو ما عشان افوتو لو حاكمة نظام مستبد ولا ديكتاتور .. اكون عاطل او حتى ولو اشتغل كناس شوارع
انا شايف المناسب استبدال امبدة وراوية ..
لانو مشروع الكنس فشل ويرى وجهة نظر راوية منطقية
| Quote: أسئلة تحتاج لإجابة؟ |
ود البشرى ..
انت شايف شنو ؟؟
حسي مره عليك كم بوردابي من الخارج _ والداخل _ يرمى الكلام على هواه ..
وطلعنا ناس فارغه ..؟؟ تحسب ولااحسب ليك ..
ومنذ ان تحدث صبري عن مقولته .. وحتى الان ..
العلاقات الشخصية تبقى شخصية .. لكن الاستفزاز والسخرية لو برضوها بعض بورداب الخرطوم
انا ما برضاها لنفسي عشان ابقى اضحوكة فى نظر البعض ..
انا شايف مافى زول ما احتفلنا بيهو .. خلااص العدد اكتمل ..!!
والموضوع يبقى عااادى وفى اطار العلاقة الشخصية وبس ..
والناس المن الداخل البتبنواالكلام دا يرقوا فى علبهم ..
ويشوفوا مصالحهم .. ومصالح ارزاقهم ووليداتهم ..
ابو السيد
انا الابنص دا حاظل ضاغط عليه لمن نجد صيغة للتعايش
بين اذكياء الخارج واغبياء الداخل ....
ومسالة الفهم فى التواصلالجتماعى والعلاقات بين البشر ..
انت النقطة دا الظاهر فاهمنها غلط وكانى بقول قاطعو بورداب الخارج واصدقائكم ..
لا .. ما كدا
الموضوع عن الاحتفاليات .. وتداعياتها ونظرة الاخرين لها ..
ارجو انك تبلغ العوض قول ليهو .. خليك متابع ..
-----------------
تبلدينا من ارض الافكار المحررة - او كما قال صديقى فايز
من الاراضى المقدسة ..
|
Post: #66
Title: Re: بورداب الخرطوم في ( المكان الخطأ و الزمان الخطأ ) !!!
Author: العوض المسلمي
Date: 07-14-2010, 01:42 PM
Parent: #65
Quote: الموضوع عن الاحتفاليات .. وتداعياتها ونظرة الاخرين لها ..
ارجو انك تبلغ العوض قول ليهو .. خليك متابع .. |
موش متابع بس يا تبلدينا انا متابع وكمان بدرس في ثم ماذا بعد ؟
كل التحيات يا غالي ...
|
Post: #57
Title: Re: بورداب الخرطوم في ( المكان الخطأ و الزمان الخطأ ) !!!
Author: على محمد على بشير
Date: 07-14-2010, 01:17 PM
Parent: #49
يا ابو حتوت
غايتو تبلدينا دا اكلنا فى خاطرنا
ورغم انو اللمه كانت جميله ورائعه
الا انو كل ما القى لى مداخله لى تبلدينا دا بقعد اتضاير على جمبه كدا ..
الله يسامحك يا صبرى الشريف ياخ
خليت نهاية اجازتنا خل ..
|
Post: #59
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 01:17 PM
Parent: #49
| Quote: ما تسمعوا كلام راوية دي لانها حاقدة ما قاعدة تمشي السودان |
ناوية
وحا أستمتع بالاحتفال جداً تحديداً الشير الدافعو ملاسي
|
Post: #62
Title: Re: بورداب الخرطوم في ( المكان الخطأ و الزمان الخطأ ) !!!
Author: طارق جبريل
Date: 07-14-2010, 01:29 PM
Parent: #59
Quote: ناوية
وحا أستمتع بالاحتفال جداً تحديداً الشير الدافعو ملاسي |
خلاص كدة انا بلاقيك وتدفعي لي حقي الدفعتو ليك في قهوة القاهرة
|
Post: #63
Title: Re: بورداب الخرطوم في ( المكان الخطأ و الزمان الخطأ ) !!!
Author: Salahaldeen Nadir
Date: 07-14-2010, 01:29 PM
Parent: #59
| Quote: إذا كان إحنا البنتفرج في الصور بس بتاعة الاحتفالات فترنا ... وملينا ..وكرهنا.. روحنا |
LIKE
!
|
Post: #64
Title: Re: بورداب الخرطوم في ( المكان الخطأ و الزمان الخطأ ) !!!
Author: منال
Date: 07-14-2010, 01:35 PM
Parent: #63
Quote: ناوية
وحا أستمتع بالاحتفال جداً تحديداً الشير الدافعو ملاسي |
لكن ياراويه بعد كلامك الفوق ده الجماعه ديل حيحتفلو بيك ؟؟
|
Post: #67
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 01:51 PM
Parent: #64
..
.
بالله يا بورداب الخرطوم
الرجاء قراءة ..
حديث صبرى الشريف - امريكا
حديث سناء - اليابان - بلسان - امبده بالسودان
حديث راوية - امريكا
حديث سعدالدين بلسان راوية
وليرجع المختصون للارشيف ..
-----------
بهدوء ورواقة وبجيكم .. راجع ..
واختلاف الراى لا يفسد للود قضية
والعلاقات الشخصية لا تعنى لابد ان ترتبط باحتفاليات ..
احترامى للجميع؛
|
Post: #68
Title: Re: بورداب الخرطوم في ( المكان الخطأ و الزمان الخطأ ) !!!
Author: محمد البشرى الخضر
Date: 07-14-2010, 02:13 PM
Parent: #67
تبلدينا...Quote: ود البشرى ..
انت شايف شنو ؟؟ |
شايق انك ياتبلدينا ابدا ما كنت فير في جمعك للناس دي كلها و اخذ البريئ بجريرة المسيئ
ما في كيان اسمو بورداب الخارج ناطقو الرسمي صبري الشريف عشان كلامو يؤاخذ بيه كل بورداب الخارج
انا شخصيا - ومتاكد كثيرين مثلي- سعدنا جدا و تشرفنا باهتمام بورداب الخرطوم باستقبالنا و مقابلتنا
وتنظيمهم لبرامج من ضمن فوائدها ناس كتيرين اتقابلوا لأول مرة من ناس الخارج ديل زاتهم وعلاقاتهم وتواصلهم زاد من شي كان تخيلي لواقعي
ومقدر و شاكر لبورداب الخرطوم الاهتمام
يبقى معقول تجمعني مع و تحاسبني على حديث صبري او غيرو
بعدين يا تبلدينا انتو اي شي عملتو كان عن قناعة كاملة منكم وما مستنين تقييم من زول
يبقى زي تعليقات صبري ولا غيرو ابدا ما مفروض تخليك تندم على شي او تتركو
ياخي تباري كلام صبري كان عليه الإسلام زاتو تخليه
|
Post: #69
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 02:14 PM
Parent: #67
| Quote: .والعلاقات الشخصية لا تعنى لابد ان ترتبط باحتفاليات .. |
و لا بترتبط بميدالية تكريم يتنحت فيها إسمك بماء الذهب وتتقدم ليك في مسرح قدام جمهور ويصفقوا ليك
ولا بترتبط بكتابة إسمك في يافطة قدر الهجمة إحتفاء بك
شخصيا لو لقيت إسمي مكتوب كدا بتجيني رجفة وخمة نفس
|
Post: #71
Title: Re: بورداب الخرطوم في ( المكان الخطأ و الزمان الخطأ ) !!!
Author: فايزودالقاضي
Date: 07-14-2010, 02:24 PM
Parent: #69
Quote: و لا بترتبط بميدالية تكريم يتنحت فيها إسمك بماء الذهب وتتقدم ليك في مسرح قدام جمهور ويصفقوا ليك
ولا بترتبط بكتابة إسمك في يافطة قدر الهجمة إحتفاء بك
شخصيا لو لقيت إسمي مكتوب كدا بتجيني رجفة وخمة نفس |
انت ماتقولي دايرالك يافطة من الصباح ..
|
Post: #72
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 02:30 PM
Parent: #69
| Quote: لكن ياراويه بعد كلامك الفوق ده الجماعه ديل حيحتفلو بيك ؟؟ |
لالا بيحتفلوا يا منال
كلامي ما شتيمة ولا جبت سيرتهم بالباطل ولا بالنميمة والكذب
وكلامي ماذم فيهم ولا نقص من قيمتهم ولا قدرهم عشان يعابوني بيهو ويرفضو ملاقاتي والاحتفال بي
لكن طريقة الاحتفال بتختلف وفهمها ذاتو بيختلف من زول لي زول
أميرة الشيخ إحتفلت بي بعزومة كسرة بي موية في بيت أبو ساندرا
لمت ناس في منتهى الروعة والجمال وكان أسعد يوم في حياتي
|
Post: #74
Title: Re: بورداب الخرطوم في ( المكان الخطأ و الزمان الخطأ ) !!!
Author: منال
Date: 07-14-2010, 02:43 PM
Parent: #72
Quote: لالا بيحتفلوا يا منال
كلامي ما شتيمة ولا جبت سيرتهم بالباطل ولا بالنميمة والكذب
وكلامي ماذم فيهم ولا نقص من قيمتهم ولا قدرهم عشان يعابوني بيهو ويرفضو ملاقاتي والاحتفال بي
لكن طريقة الاحتفال بتختلف وفهمها ذاتو بيختلف من زول لي زول
أميرة الشيخ إحتفلت بي بعزومة كسرة بي موية في بيت أبو ساندرا
لمت ناس في منتهى الروعة والجمال وكان أسعد يوم في حياتي |
ما كان القصد ياراويه وانا عارفاك ماقاصده الذم
اها الكسرة بالمويه دى كان فيها بصل وطماطم وزيت سمسم
|
Post: #75
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 02:46 PM
Parent: #72
Quote: الحل بسيط ...
انت ياراوية ماتجي السودان ولو جيتي ماتخبري زول ..امشي اهلك بالدس وارجعي بالدس ...
اما تبليدينا ممكن تقفل جوالك وتعمل نايم ...
وفي موضوع البدل ممكن تتبدلوا سوا شبهينا واتلاقينا..
فايز من الاراضي المقدس. |
| Quote: انت ماتقولي دايرالك يافطة من الصباح .. |
يا أخ فايز
ماعرفت أرد عليك
بجد ماعرفت
عموماً كدا شبه تبلدينا ماشتيمة وبالمناسبة من الناس البحترمهم جداً وسعيت لان يكون بينا صداقة لاني شايفة إنه من أكثر الناس إتساقاً مع نفسه
أما يافطة دي ...فشكراً ليك كتير وشكراً للفهم
|
Post: #76
Title: Re: بورداب الخرطوم في ( المكان الخطأ و الزمان الخطأ ) !!!
Author: khaleel
Date: 07-14-2010, 02:46 PM
Parent: #72
شوفو يا بورداب الخرطوم عشان ما نرهقكم
ولا تحملونا جميلة ندفع معاكم الشيرنق
واكلو اخوان واتحاسبو تجار
موعدنا ديسمبر
|
Post: #77
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 03:26 PM
Parent: #76
سلام للجميع
قد يكون كلام عبدالصمد و صبري هو القشه التي قصمت ظهر صبري لفتح الموضوع لكن القصه دي ما من الليله أو امبارح : من يوم ما جيت البورد ده و بورداب الخرطوم (و هنا أعني الناس الفي واجهة العمل الاجتماعي و اللي أصلا ما عندها غرض بالسياسه ) مصنفين كيزان و أمنجيه لانهم ما بخشو بوستات المناضلين يسبو الحكومه .
و مليون مره قريت تهكم و سخريه ( مرات صريحه و مرات مغلفه ) لتجمعات بورداب الخرطوم و تصويرهم كناس ما عندهم موضوع و الغريبه إنو معظم - إن لم تكن كل - تجمعات بورداب الخرطوم كانت إما إحتفالا ببورداب من الخارج أو في مناسبة أحد بورداب الداخل .
بعض الناس في هذا المكان يحملون بورداب الخرطوم فوق طاقتهم سياسيا و إجتماعيا و ماديا كمان .
البوست ده عشان نقول للناس البتصنف علي هواها إنو بورداب الخرطوم هم (الشرفاء ) حقا لا مجازا !!
|
Post: #78
Title: Re: بورداب الخرطوم في ( المكان الخطأ و الزمان الخطأ ) !!!
Author: Sana Khalid
Date: 07-14-2010, 03:33 PM
Parent: #76
فاتني البوست دا يا دوك.. لاقاني الرابط حايم..
| Quote: بعدين سناء دي كان جات امدرمان شركات النضافه ما بتشتغل !!! |
|
Post: #79
Title: Re: بورداب الخرطوم في ( المكان الخطأ و الزمان الخطأ ) !!!
Author: طلحة عبدالله
Date: 07-14-2010, 03:53 PM
Parent: #78
سلامات يا فخامة الدكتور
انا شايف أنو الكلام دا اخد أكبر من حجمو وتم تدويلو ودا ضد الهدف النبيل اللي قامت
من أجلو لمات بورداب الخرطوم إحتفاءا بزملائهم القادمين من الخارج .
لمات الناس وحميميتم حقو ما تحدد إستمرارا من عدمو هترشات ورشقات بعض المتشالقين
لانو كدا معناها أنو أساسا القامت عليهو هش ومعتمد على البوبار والفشخرة وشوفوني
انا عملت وأشكروني أنا سويت .
يقيني انو المقصود من اللمات دي التواصل والتلاقي لأجل تأكيد الود والمشاعر الجميلة على أرض
الواقع بعد ان تم التأسيس لها إسفيريا ودي مبادرة عبقرية يستحق عليها بورداب الخرطوم أسمي
أيات التقدير والثناء .
إذا في واحد او اتنين غلطوا في حق اللمات دي فدا ما مبرر لمحاكمة الجميع وإصدار
حكم إعدام أو التمهيد لإعدام هذا التواصل الحميم بين الزملاء .
وبعدين ياخ حكاية دا امنجي ودا عميل المتداولة هنا دي حكاية مطرشقة وكلام فارغ ساي
وحقوا الناس ما تعيرا حتى أذن من طين .
|
Post: #80
Title: Re: بورداب الخرطوم في ( المكان الخطأ و الزمان الخطأ ) !!!
Author: احمد الأمين على إدريس
Date: 07-14-2010, 04:19 PM
Parent: #78
د/ أمين
ياخ اقوليك : د ساى كدا مابتنفع فأحسن :
سعادة الدكتور امين
سلام وتكيف (تاء وكاف مكسورتين)
بعدين زى حالتى انا دى تكون كيف فى الزمان والمكان الخطأ برضو
جاييى البلد استقر ماكملت 9 شهور لسا....
خاشى المنبر كرت ماتميت كم واربعين مشاركة..
وكان ومازال وحيظل من اهم اسباب حرصى ان اكون هنا هو تجمع بورداب الخرطوم
وقلتو صراحة لبكرى وانا داخل حيث ذكرت اننى خرجت من السودان مخلفاً ورائى
اهلى وصحابى وعلاقاتى وكل حياتى ومعاهم باسويرد قديم فى سودانيز اونلاين
وهسا جيت بعد 15 سنة وبصراحة ناوى ارجع كل ماتركت خلفى ,,فوجدت اهلى أو من بقى منهم
وبكرى مشكور تكرم باعادة باسويردى أهافضلت علاقاتى حيث مازلت ألملم ما تبعثر منها
وافتش للجديد المتين الذى لن يتبعثر مجدداً وبنظرة فاحصة زى حقتك دى يادكتور امين
نجد انو غايتى تدرك بسهولة فى اقرب تجمع لبورداب الخرطوم
فهل ياترى مازالوا فى المكان والزمان الخطأ ؟؟
عن البدل غايتو انا ارشح ود القاضى الفوق دا يتبدل بى 500 نسمة من ناس حلة ورا ..
ومناسبة لالقاء السلام والتحية لودالقاضى زاتو بما انو واحد الناس البعتز بيهم جداً
وقد جمعتنى بهم الاسافير ولمة بورداب بس ما بورداب هنا ولا بورداب الداخل وإن كنا من
مدينة واحدة هى كسلا الجميلة .
دكتور أمين
نشكر تطرقك للنضال الحقيقى من اجل القيم والاهداف التى تستحق ..
نشكر موضوعيتك فى التناول واسلوبك الهاش الباش فى قضايا ان كتب فيهاكثيرين من غيرك
لن نجد اكتر من غبار ونضمى ومشاكل قد تتطور لملاسنات ومهاترات وما هو اجرم .
يا دكتور ياخ نشكر ونحسد حمور زاتو ان له خال زيك
|
Post: #82
Title: Re: بورداب الخرطوم في ( المكان الخطأ و الزمان الخطأ ) !!!
Author: السيد المسلمي
Date: 07-14-2010, 04:40 PM
Parent: #80
| Quote: يدخل بعض مناضلينا الخرطوم كلصوص الليل - لا صوت لا صوره - و عندما يعودو لمخابئهم الامنه ، يبدأ النضال : و النضال لا يبدأ في سودانيزاونلاين إلا بتاكيد أمنجية معظم بورداب الخرطوم . و الحديث لا يحلو في هذا البورد إلا بتاكيد انصرافية و (عدم موضوع ) بورداب الخرطوم |
دا كلام عميق جداً .. شكرن ياخال .
|
Post: #83
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:23 PM
Parent: #82
أخوانا و حبايبنا :
خضر البلشفي
السيدح
طارق ميرغني
الطريفي
سيدنا
ناذر
أحمد التجاني
صالح اليتيم
جعفر محي الدين
عمر بوب
بدر الدين موسي
العوض الممكون
محمد الأمين
محمد الشيخ
ملاسي
د. امبده
طارق جبريل أب صلعه
لابورتا
البشري
صلاح الدين نادر
خلي العيش حرام
أحمد الأمين
الأخطبوط طلحه
و الأخوات : راويه و د. سناء
شكرا لمروركم و والله عايز أرد عليكم فردا فردا لكن كترتو علي و الخواجه (باليني ) من صباح الرحمن .
ليس إستوساخا لكن ضيق الزمن و كترة المشاركات بتحتم انو انتقي مداخلات أراها (مختلفه نوعيا ) للرد عليها .
|
Post: #84
Title: Re: بورداب الخرطوم في ( المكان الخطأ و الزمان الخطأ ) !!!
Author: احمد التجانى احمد
Date: 07-14-2010, 05:23 PM
Parent: #82
Quote: شوفو يا بورداب الخرطوم عشان ما نرهقكم
ولا تحملونا جميلة ندفع معاكم الشيرنق
واكلو اخوان واتحاسبو تجار
|
ابو القوق ياخ ماتختزل غضبة الناس ديل فى الشيرنق
الناس ديل اقتطعوا من وقتهم ومالهم احتفاء بالزملاء
شخصيا لم اتشرف الالتقاء بهم وان كان ذلك يسعدنى
كثيرا ولكننى لم استطع مثلا الاعلان عن موعد قدومى او
ارسال مسنجرات لاحد ما ليضمنى لقائمة الضيوف ليس
انكماشا او ترفعا من هذه القيم الاجتماعية الجميلة
ولكن لا اود ان اثقل على الزملاء وفى نفس الوقت كنت
دائما اتمنى ان التقى احدهم صدفة واقالده واتعرف بيه
الاجازة الفاتت شفت عماد عبد الله ولحد ما تاكدت 90% منه
وبقيت ماشى عليه بدا فى حسابات بينه وبين صاحب بقالة
ماعارف كان بيبيع ولا بيشترى فاثرت عدم اقحام نفسى فى
تلك اللحظات نهايته اتمنى الا يكون لهذه الاراء النشاز
شأن يؤثر على القيم المتفردة لناس الخرطوم
|
Post: #86
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:31 PM
Parent: #84
Quote: ابو القوق ياخ ماتختزل غضبة الناس ديل فى الشيرنق
الناس ديل اقتطعوا من وقتهم ومالهم احتفاء بالزملاء
|
مداخلة خليل دي يا باش وحده من المداخلات الكنت داير أرد عليها ، فشكرا لردك الضافي يا ابوحميد .
الناس دي أصلا ما اشتكت من مسالة الشير و تكلفة المناسبات دي ، الناس دي اشتكت من عدم ال appreciation الحاصل و الدمغ بعدم الموضوع و قلة الشغله !!
|
Post: #88
Title: Re: بورداب الخرطوم في ( المكان الخطأ و الزمان الخطأ ) !!!
Author: Amira Elsheikh
Date: 07-14-2010, 05:49 PM
Parent: #86
Quote: والله ليكم حق اذا كنا _ نحن بورداب الخرطوم _ عاملين ليكم شنة ورنه
ونستقطع من ومالناوقتنا زمنا وضرورياتنا عشان نضيعها مع امثال صبرى الشريف
ونسمع اراء وتلميحات زى كلامكـ دا ..
|
ياامين ويااحمد التجانى خلى دا ماجاب الكلام دا من عندو..دا مثال وفى امثلة كتيرة مابقدر اباريها,,,,
|
Post: #85
Title: Re: بورداب الخرطوم في ( المكان الخطأ و الزمان الخطأ ) !!!
Author: Amira Elsheikh
Date: 07-14-2010, 05:28 PM
Parent: #82
Quote: أميرة الشيخ إحتفلت بي بعزومة كسرة بي موية في بيت أبو ساندرا
لمت ناس في منتهى الروعة والجمال وكان أسعد يوم في حياتي |
يارواية غايتو بكرة بلقى بوست حايم ولا مداخلة
احتفال شنو?ياهاكسرتكم البى موية دى ...بسسسس...
غايتو ياامين انا نو كومنت خالص فى بوستيك..عندى كلام كتيير بس بقيت اخاف الفليق...
يعنى اسي بورداب الخارج مقطوعين الطارى ديل اى زول يفتح ليهو بوست شان ينفى التهمة عنو ولا كيف?
|
Post: #87
Title: Re: بورداب الخرطوم في ( المكان الخطأ و الزمان الخطأ ) !!!
Author: Rawia
Date: 07-14-2010, 05:44 PM
Parent: #85
Quote: يارواية غايتو بكرة بلقى بوست حايم ولا مداخلة
احتفال شنو?ياهاكسرتكم البى موية دى ...بسسسس... |
وأنا مني الصورة
يازولة أهمممممم شي الثقة بالنفس ويكون عندك حيثية
|
Post: #89
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:49 PM
Parent: #85
بوب يا حبيبنا ، سلام Quote: سلامات ياد. امين
الموضوع في حقيقته موضوع شائك وهو خلط ما هو اجتماعي وما هو سياسي وفي اي موضع تفرز بين رايك السياسي من الحدث اجتماعي. واخونا صبري الشريف اخطأفي تقديريه ولم يتبين ذلك الخيط. كثيرين هنا معارضين للنظام ذهبو للخرطوم واحتفي بهم البورداب وجاءوا في هذا المكان وشكرو بورداب الخرطوم واثنو علي كرمهم وتداخلو وتواصلوا معهم اجتماعيامع احتفاظ كل شخص بارائه السياسيه. حادثة اخونا صبري تكاد تكون حادثه منعزله تماماوصبري ابان في بوست خضر انه كان يقصد صاحب البوست وليس بورداب الخرطوم. خطأ صبري الكبير انه اختار المكان الخطأ تماماليعبر عن رايه في صاحب البوست ليفتح عليه نيران جهنهم من بورداب الخرطوم ومن غيرهم وهم محققين في ذلك |
الموضوع ما صبري أساسا ، الموضوع قد يكون قبل إشتراك صبري في البورد أصلا و فيهو شقين :
- الشق الأول إنو بورداب الخرطوم بحكم وجودهم الجغرافي ما عندهم مساحة الحريه - ده لو أصلا عندهم مساحه من الاساس - العندنا نحن خارج السودان الشقيق ، المساله دي استخدموها مناضلي الخارج في تصفية حساباتهم المنبريه مع أي من بورداب الداخل .
الاتهامات بدت بموالاة النظام و انتهت بالوصم بالامنجيه عديل كده و ده كلو لانهم ما بشتمو الحكومه ، لاحظ مش ما بنتقدو : لا ، ما بشتمو !! لانو إنت في هذا المكان عشان تكون من (الشرفاء ) لازم تسب الحكومه سبعه مرات في اليوم إحداهن سبة دين !!!
- الشق التاني هو مناسبات البوردب : لمن طلعت قصة قندهار دي ، اتفتح بوست عديل كده في كيف إنو بورداب الخرطوم بيميعو في قضايا النضال و بيحجمو من دور المنبر النضالي بانصرافيتهم و عدم موضوعهم و الأمثله أكتر من أن تعد يا بوب .
|
Post: #90
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 05:57 PM
Parent: #89
| Quote: ياامين ويااحمد التجانى خلى دا ماجاب الكلام دا من عندو..دا مثال وفى امثلة كتيرة مابقدر اباريها,,,, |
الكلام ده يا اميره ردا علي من شتمهم و وصفهم بالامنجيه ، يعني انتي عايزاني أعزمك من وقتي و بقروشي و اصورك بتاكلي في التبش و تضاحكي معانا ، و أول ما الطياره تقطع الأطلنطي تجي تقولي لي الأمنجيه و ما عارف شنو ؟
------------
حميده أصلا ما خاتي عليك !!!
|
Post: #91
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:02 PM
Parent: #90
الطريفي
السودان الجديد بتاع ناس نزار ده سودان عميق و عديل و ما عندو عوجه طالما إنت بعيد من ( المكان الخطأ و الزمان الخطأ ) !!!!
|
Post: #93
Title: Re: بورداب الخرطوم في ( المكان الخطأ و الزمان الخطأ ) !!!
Author: Khalid Saeed
Date: 07-14-2010, 06:07 PM
Parent: #90
الأخ العزيز أمين محمد سليمان ..
التحيات الطيبات لك يازول يانيل .. ولكل بورداب الخرطوم الأصفياء الأنقياء ..
لكم وددت أن ألتقيهم في إجازاتي وأنا الذي أتي السودان كل عام ولكن حظي عاثر .. آخرها العيد الماضي ...
ثم الشكر لهم وهم يبذلون الجهد والوقت والمال .. من أجل أن يخبرونا بأن الخير مازال باقي في السوداني رقم المحن ..
أما بخصوص من تحمله رياح الهوى .. ليرمي أخواناً له بما يخيل إليه من ظنه أنه حق .. فأقول له أتق الله في نفسك وفي أخوانك ..
ولاتحمل الأمور أكثر مما تحتمل .. كيان البورداب .. له خصوصيته وعلائقه الأخوية الصادقة ..
أما السياسة .. فله دروبها ..
فلا تكونوا كحاطب الليل .. الذي يجمع الحية مع الحطب ..
أكرر تحياتي لك مرة أخرى ..
ولكل بورداب الخرطوم .. وأتمنى أن يجود الزمن بلقياهم ..
تحياتي،
أخوك/ خالد الأرباب
أمين مال بورداب الرياض
|
Post: #95
Title: Re: بورداب الخرطوم في ( المكان الخطأ و الزمان الخطأ ) !!!
Author: Amira Elsheikh
Date: 07-14-2010, 06:19 PM
Parent: #90
Quote: الكلام ده يا اميره ردا علي من شتمهم و وصفهم بالامنجيه ، يعني انتي عايزاني أعزمك من وقتي و بقروشي و اصورك بتاكلي في التبش و تضاحكي معانا ، و أول ما الطياره تقطع الأطلنطي تجي تقولي لي الأمنجيه و ما عارف شنو ؟
|
غايتو ياامين منطقك دا معووووج عديل ....... خليك فير وماتحاول تنتصر لفكرتك وبوستيك على حساب
اشياء قد تكون صحيحة ..
طيب شان ادافع عن روحى من حقى اجمع واطرح واضرب والباقى زى ما يجى يجى ..؟
يعنى الكلام الفوق دا صح مية مية وانت متفق معاهو ؟؟
والله ياامين الشفت بتاعى خلص لكن شكلك عايز تخلينى ابقى بتاعة ارشيف وكوتات ...
بكرة لو بقى عندى مزاج بجيب ليك الدراب ..او رخيت انا الموضوع دا وطلعت منو
لانو لى كم يوم باذن فى مالطة حاسة بروحى..
كنت ماخدة الموضوع هظار واسى شكلو بقى جادى
احمد التجانى ياهندسة ... اوعى يكون منطقك زى خالو امين ياسمين ....
|
Post: #92
Title: Re: بورداب الخرطوم في ( المكان الخطأ و الزمان الخطأ ) !!!
Author: احمد التجانى احمد
Date: 07-14-2010, 06:06 PM
Parent: #89
Quote: Quote: والله ليكم حق اذا كنا _ نحن بورداب الخرطوم _ عاملين ليكم شنة ورنه
ونستقطع من ومالناوقتنا زمنا وضرورياتنا عشان نضيعها مع امثال صبرى الشريف
ونسمع اراء وتلميحات زى كلامكـ دا ..
ياامين ويااحمد التجانى خلى دا ماجاب الكلام دا من عندو..دا مثال وفى امثلة كتيرة مابقدر اباريها,,,, |
اميرة الشيك
قلت لى كوتات المصارى دى بتعرفى تنكتيها كويس مازولة صرفات وصناديق بتكونى
|
Post: #94
Title: Re: بورداب الخرطوم في ( المكان الخطأ و الزمان الخطأ ) !!!
Author: Amira Elsheikh
Date: 07-14-2010, 06:09 PM
Parent: #89
Quote: الموضوع ما صبري أساسا ، الموضوع قد يكون قبل إشتراك صبري في البورد أصلا و فيهو شقين :
- الشق الأول إنو بورداب الخرطوم بحكم وجودهم الجغرافي ما عندهم مساحة الحريه - ده لو أصلا عندهم مساحه من الاساس - العندنا نحن خارج السودان الشقيق ، المساله دي استخدموها مناضلي الخارج في تصفية حساباتهم المنبريه مع أي من بورداب الداخل .
الاتهامات بدت بموالاة النظام و انتهت بالوصم بالامنجيه عديل كده و ده كلو لانهم ما بشتمو الحكومه ، لاحظ مش ما بنتقدو : لا ، ما بشتمو !! لانو إنت في هذا المكان عشان تكون من (الشرفاء ) لازم تسب الحكومه سبعه مرات في اليوم إحداهن سبة دين !!!
- الشق التاني هو مناسبات البوردب : لمن طلعت قصة قندهار دي ، اتفتح بوست عديل كده في كيف إنو بورداب الخرطوم بيميعو في قضايا النضال و بيحجمو من دور المنبر النضالي بانصرافيتهم و عدم موضوعهم و الأمثله أكتر من أن تعد يا بوب . |
امين ..سلاااام ..
فى الشق الاول من كلامك ..كيف الموضوع ما صبرى الشريف ؟
الموضوع صبرى الشريف وهو الاثار الغبار والعجاجة دى وقا ل كلامو مباشر
والناس ردت ليهو بشكل اكثر مباشرة وانا واحدة من الناس فى اكثر من مداخلة فى بوست خضر حسين طالبتو بالاعتذار
نجى للشق التانى من كلامك وهو ولمة قندها ر.صح ؟ ..الزول القال الكلام دا برضو
معروف زى ما الناس واجهت صبرى وخلتو يتراجع ويقدم اعتذار(بغض النظر
عن قبول الاعتذار او عدم قبوله) تواجه نفس الشخص وبنفس الادوات وتقول ليهو انت غلطان ..
يعنى الموضوع صبرى الشريف وزول تانى وقول زول تالت .. اها ديل كم زول ؟ مقارنة
بعدد بورداب الخارج ؟
بدل الكلام الكثير ومحاولة انصاف بورداب الخرطوم على حساب ناس تانية ماعندها اى ذنب
وناس تانية حتى ماجايبة خبر للحاصل اصلا .. يبقى احسن يتقال يافلان وياعلان انتو سبب البلاوى دى
وسبب زعل بورداب الداخل ..
والا تبقى المسالة الخير شنو كدا والشر شنو كدا
تحياتى
____________
|
Post: #96
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:32 PM
Parent: #94
Quote: غايتو ياامين منطقك دا معووووج عديل ....... خليك فير وماتحاول تنتصر لفكرتك وبوستيك على حساب
اشياء قد تكون صحيحة ..
طيب شان ادافع عن روحى من حقى اجمع واطرح واضرب والباقى زى ما يجى يجى ..؟
يعنى الكلام الفوق دا صح مية مية وانت متفق معاهو ؟؟ |
اميره ، أنا والله كلامك ده ما فهمتو كلو كلو !
كلامي ببساطه إنو الكلام الفيهو ذكر كلمة (مالنا ) ده كان موجه لمن لزول رحبو بيه و جاء شتمهم يبقي من حقهم يقولو ليه كده ، ما عارفك إنت فهمتي شنو !
|
Post: #97
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 06:43 PM
Parent: #96
Quote: فى الشق الاول من كلامك ..كيف الموضوع ما صبرى الشريف ؟
الموضوع صبرى الشريف وهو الاثار الغبار والعجاجة دى وقا ل كلامو مباشر
والناس ردت ليهو بشكل اكثر مباشرة وانا واحدة من الناس فى اكثر من مداخلة فى بوست خضر حسين طالبتو بالاعتذار
نجى للشق التانى من كلامك وهو ولمة قندها ر.صح ؟ ..الزول القال الكلام دا برضو
معروف زى ما الناس واجهت صبرى وخلتو يتراجع ويقدم اعتذار(بغض النظر
عن قبول الاعتذار او عدم قبوله) تواجه نفس الشخص وبنفس الادوات وتقول ليهو انت غلطان ..
يعنى الموضوع صبرى الشريف وزول تانى وقول زول تالت .. اها ديل كم زول ؟ مقارنة
بعدد بورداب الخارج ؟
بدل الكلام الكثير ومحاولة انصاف بورداب الخرطوم على حساب ناس تانية ماعندها اى ذنب
وناس تانية حتى ماجايبة خبر للحاصل اصلا .. يبقى احسن يتقال يافلان وياعلان انتو سبب البلاوى دى
وسبب زعل بورداب الداخل ..
والا تبقى المسالة الخير شنو كدا والشر شنو كدا
|
اميره يا عزيزه
قلنا إنو صبري كان القشه التي قصمت ظهر البتاع ، لكن هو ما البتاع ذاتو : و حا أسالك سؤال واحد بسيط يوريك إنو كلامي ده كلو صاح :
منو من بورداب الخرطوم ما اتقال ليه - في أول خلاف عادي - إنو أمنجي ؟!!
إحتمال مافي زول يكون قال كلام صبري ده لانو صبري جمع الناس كلها في جمله واحده (قصدو شنو و فهمو كان شنو ده موضوع تاني ) : بورداب الخرطوم - فرادا - بيتشتمو بانهم أمنجيه في أقرب ملف و كان دايره أجيب ليك لسته باسمائهم بجيبها ليك : ده الكلام الأنا بتكلم عنو و ده سبب البوست ده.
سؤالي قايم يا اميره : منو من بورداب الخرطوم ( ما اتقال ليه - في أول خلاف عادي - إنو أمنجي ؟!! ) و هل التصنيف ده جا من زول أو زولين عشان تقولي نسكهم عشان يعتذرو ؟!
بعدين يا اميره (بدل الكلام الكثير ومحاولة انصاف بورداب الخرطوم على حساب ناس تانية ماعندها اى ذنب ) بالله حددي لي الناس التانيه الأنا بحاول أنصف بورداب الخرطوم علي حسابهم عشان ما يبقي كلام ساي .
؟!
|
Post: #98
Title: Re: بورداب الخرطوم في ( المكان الخطأ و الزمان الخطأ ) !!!
Author: عبدالوهاب علي الحاج
Date: 07-14-2010, 06:59 PM
Parent: #94
الخال د.أمين
تحياتي ومشتاقين ياصديق .. وشكرا للبوست
_____
كتبت كلام كتير ومسحتو تاني افكاري ما مرتبة بصراحة كدا وخفت كلامي يجرح زول .. ففضلت اسلم عليك انت وضيوفك وكان استجمعت افكاري وقدرت ارتبها بجيك راجع وكان ما جيتك العفو والعافية ...
|
Post: #99
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 07:32 PM
Parent: #98
..
.
شايفكم بتحوروا فى الموضوع عشان تقولو الشرينغ
وما ادراك ما الشيرنغ .. ؟؟
اوكى ادونى صنه وبجيكم لو الموضوع عايزين تحرفوهو
وتعملوهو ( مالنا) .. الامر الذى لم نفكر فيه يوما بهذا التفكير القبيح
والكلام ليك يا المنطط عينيك
----------------
بجيكم
حتما
|
Post: #100
Title: Re: بورداب الخرطوم في ( المكان الخطأ و الزمان الخطأ ) !!!
Author: khaleel
Date: 07-14-2010, 08:38 PM
Parent: #99
Quote: ابو القوق ياخ ماتختزل غضبة الناس ديل فى الشيرنق
الناس ديل اقتطعوا من وقتهم ومالهم احتفاء بالزملاء
|
هلا حمادة ود التجاني
يا خوي لا اختزلت ولا حاجة ولا عارف صبري قال شنو
فقط بشاغل في اصحابنا ناس الخرتوم ديل
اخر مرة في قندهار في ديسمبر قبل سنتين قام بورداب الخرتوم
باستضافة اكتر من اربعين بوردابي من خارج السودان
وكانت التعليمات واضحة بان لا يدفع بوردابي من الخارج
ناس كريمين واصيلين
فقط المشاركة للمداعبة
عشان ما يجي زول يتعلم فيني الكلام
|
Post: #101
Title: Re: بورداب الخرطوم في ( المكان الخطأ و الزمان الخطأ ) !!!
Author: khaleel
Date: 07-14-2010, 08:54 PM
Parent: #100
Quote: مداخلة خليل دي يا باش وحده من المداخلات الكنت داير أرد عليها ، فشكرا لردك الضافي يا ابوحميد .
|
لا يا نوتة ما ترد عليها يبدو انك اخرجت مداخلتي من اطارها الدعابة
ايه رايك في من يقول ان
امين اراد ان يتكسب اسفيريا من هذا البوست ويظهر بمظهر الحكيم
وحامي حمي حقوق بورداب الخرتوم
يا امين يا ولدنا في سودانيز لا توخذ الامور بالنوايا الطيبة
|
Post: #106
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 09:39 PM
Parent: #101
..
.
Quote:
يقيني انو المقصود من اللمات دي التواصل والتلاقي لأجل تأكيد الود والمشاعر الجميلة على أرض
الواقع بعد ان تم التأسيس لها إسفيريا ودي مبادرة عبقرية يستحق عليها بورداب الخرطوم أسمي
أيات التقدير والثناء .
إذا في واحد او اتنين غلطوا في حق اللمات دي فدا ما مبرر لمحاكمة الجميع وإصدار
حكم إعدام أو التمهيد لإعدام هذا التواصل الحميم بين الزملاء .
وبعدين ياخ حكاية دا امنجي ودا عميل المتداولة هنا دي حكاية مطرشقة وكلام فارغ ساي
وحقوا الناس ما تعيرا حتى أذن من طين . |
شكرا يا طلحة .. بس حقيقة مسالة الاساءات ورمى التهم جزافا من امنجية .. ومؤتمرجية .. وعملاء
وانظمة مستبدة .. وناس بتاعين حفلات وغناء وهجيج كترت وكثيرا ما تجاهلناها اكراما للكثيرين
عاملين بمقولة عشان عين تكرم الف عين ..
لكن المشكلة تجاوزت السكوت عنها .. وبدأت هذه الاصوات تعلو وتتزايد مع كل احتفالية
وكيف استقبل زول ما بعروفه ؟؟ وليه ؟؟ وكيف ..
بل حتى اصوات من الداخل علت فى هذاالامر كما تلاحظ هنا من تعليقات ..
------------
والله ان كان شخص او شخصين لما غضبنا _ واخرون _ هذه الغضبة المضرية
احترامى؛
|
Post: #102
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 09:09 PM
Parent: #100
وهبه يا حبيبنا ، والله جيتك دايرنها و عجبتني جدا قصة ما داير تجرح زول : لانو ده ما الغرض من البوست ولا الفكره من إثارة الموضوع .
----------
صالح ياخي ، المنططه عيونها دي خليها لي !!!
----------
خلي يا حبيبنا ، شفت إنت بتهزر : الناس ( المنططه عيونها ) عملت للموضوع توم و الشمار !!*
----------
حاجه مهمه جدا : أنا ماخد راحتي علي الأخر لانو أنا ما من بورداب الخرطوم و لا بتكلم بالنيابه عنهم .
----------
*والله يا ستهم بهزر : عارفك الأيامات دي سمك فاير !!!
|
Post: #104
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 09:24 PM
Parent: #102
يا خلي أنا قلت كلامي ده based علي فهم انك جادي لانو ما كان في أي شي في مداخلتك بيوحي انك بتهزر ، و ده الخلاني استغرب و أقول لاحمد إنو كنت عايز أرد عليك . Quote: ايه رايك في من يقول ان
امين اراد ان يتكسب اسفيريا من هذا البوست ويظهر بمظهر الحكيم
وحامي حمي حقوق بورداب الخرتوم |
يا خلي يا حبيبنا ، مافي زول بقدر يحجر علي الناس رايها و فهمها كان صاح كان غلط و في المكان ده الناس بتتهم في شرفها و أخلاقها بلا بينه و لا دليل فما بقت علي (التكسب إسفيريا ) !!
|
Post: #108
Title: Re: بورداب الخرطوم في ( المكان الخطأ و الزمان الخطأ ) !!!
Author: khaleel
Date: 07-14-2010, 10:06 PM
Parent: #104
| Quote: يا خلي يا حبيبنا ، مافي زول بقدر يحجر علي الناس رايها و فهمها كان صاح كان غلط و في المكان ده الناس بتتهم في شرفها و أخلاقها بلا بينه و لا دليل فما بقت علي (التكسب إسفيريا ) !! |
معليش يا امين يا نوتة يا ولدنا
ياخي انت ما ود نخيل تاني فهمتني غلط
قصدت ان اقول ستجد في هذا المنبر بان امين اراد ان يتكسب
افتكر فهمتني يا عشا البايتات
عارف يا امين عشان كدة انا ما بحب اخش بوستات الناس
بحب العب راس مع ابو الكيك
|
Post: #117
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 11:54 PM
Parent: #98
..
.
| Quote: كتبت كلام كتير ومسحتو تاني افكاري ما مرتبة بصراحة كدا وخفت كلامي يجرح زول |
عشان كلام عمنا وهبة دا ..
قررنا الاتى نصه .. لمن يهمهم الامر
ودالبشرى ..وجبريلا ..ود القاضى ..ود الصائم ..اميرة ...خليل .... وآخرون
ياخى ما تتحسسوا ..!!
انا صالح عبدالرحمن تبلدينا لا امثل سوى شخصى واعبر عن ارائى ..
لا اتحدث باى صفه عن بورداب الخرطوم وما اقوله يعبر عن نفسي
لا عن احد ..
اعتذر تماما ان احسستم بانى هجومى وما تصديت له من تصرف بعض
القلة من بورداب الخارج قد مسكم بعض من الشرر او احسستم بانكم من ضمن
المعنيين بالامر والذى يرون ان الاحتفاليات بالبورداب هى امر لا يستحق وضياع زمن
وبرنامج ينظمه عدد من العملاء والامنجية ..
لكم جميعا اعتذر بلا فرز ولكل بورداب الداخل والخارج مظلومين او ظالمين
حتى للاخ صبرى الشريف وان انار لى دربا صحيحا
او قادنى لاخر مظلما .. وكل من شايعه مخطئا كان او مصيبا ..
أعتذر من حوارى ونقاشي الحاد او ما خيل للكثيرين وان كان هذا طبع جبلت عليه
فلا يعرف محاورى هل هذه جدية ام غضب ام راى هادئ ..
لكل من عرفته واقعا .. وجالسته حقيقة الود والتقدير وسيبقى
الود باق بدوام النبض فى العروق ..
--------------
واستودعكم الله وحتى نلتقى فى رحاب اخر
وواقع اجمل ..
|
Post: #103
Title: Re: بورداب الخرطوم في ( المكان الخطأ و الزمان الخطأ ) !!!
Author: دينا خالد
Date: 07-14-2010, 09:18 PM
Parent: #94
| Quote: يعني أنا أرجع ابوروف و أخلي مكاني هنا في ضهاري كانسس |
ابو مين ؟؟ لا لا لا لا ياخ ! النفوس كان اتطايبت كانسس بتشيل مية !
انا جاية معقول انت تمشى ؟
ـــــــــــــــــ
امين ! لقيتنى كيف عليك الله فى الخرطوم؟؟
(المكان الصحيح والزمان الصحيح) !
تستاهل يا تبلدينا
|
Post: #105
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 09:30 PM
Parent: #103
| Quote: انا جاية معقول انت تمشى ؟ |
ولله يا ستهم حسب جدول الطلبات انتي ماشه الشارقه !! حبيبنا محمد الأمين موسى طلب تبديلك زماااان !!
بعدين ابوروف دي بخت فيها راسي بس ، اليوم كلو بكون في الكرين !!!
|
Post: #109
Title: Re: بورداب الخرطوم في ( المكان الخطأ و الزمان الخطأ ) !!!
Author: احمد التجانى احمد
Date: 07-14-2010, 10:10 PM
Parent: #105
| Quote: عشان ما يجي زول يتعلم فيني الكلام |
ابوالقوق حاشاك والله من يتعلموا فيك النضال
ياخ انت مدرسة قايمة بذاتها زيك وزى النوتة واحد
بس النوتة مدرسته اعمق شوية لانه دخل فيها اللغات
واللاهوت ودراسات المورمن والياميش
|
Post: #110
Title: Re: بورداب الخرطوم في ( المكان الخطأ و الزمان الخطأ ) !!!
Author: العوض المسلمي
Date: 07-14-2010, 10:10 PM
Parent: #105
عارف يا امين نوتة وضيوفك الكرام انه اكثر شئ بضايقنا نحن بورداب الخرطوم شنو ؟؟؟
بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان ..
يعني ممكن تاني نخجل نقابل الزول الذي لم نتوفق في الاحتفاء به ...
|
Post: #111
Title: Re: بورداب الخرطوم في ( المكان الخطأ و الزمان الخطأ ) !!!
Author: khaleel
Date: 07-14-2010, 10:15 PM
Parent: #110
Quote: بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان ..
يعني ممكن تاني نخجل نقابل الزول الذي لم نتوفق في الاحتفاء به ... |
صحيح مائة المائة
في شهر يناير السابق
اجتهد شيخ العرب العوض المسلمي واخونا وهبة في الالتقاء بي
وانتظراني لاكثر من ساعة بمحطة الشهدا ومنت قادما من الحتانة واكرماني اخر الكرم
ولاول مرة اتعرف علي عوضية سمك
وفي اليوم الثاني اصر نيستا علي استضافتي ايضا عند عوضية سمك
يعني كيف ناكل وننكر
وكما قال شاعرنا
ان انت اكرمت الكريم ملكته
وان انت اكرمت اللئيم تمردا
|
Post: #113
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 10:25 PM
Parent: #110
يا خلي والله فهمتك صاح و ما ختيت في بالي إنو ده كلامك !!! عارفك ضربت مثل بانو ممكن الناس تفهم أي حاجه بطريقتها حتي لو ما صاح ، و ردي عليك إنو خلي كل زول يفهم الدايرو لانو ما بنقدر نحجر علي الناس فهمم كان صاح كان غلط !!
ياخي إنت راجل عميق : الحساسيه الزياده علي اللزوم دي شنو ؟
---------------
يا باش : لمن خلي حبيبنا ده كان بحضر في اللغات واللاهوت ودراسات المورمن والياميش : نحن كنا لافين ساي !!!
|
Post: #112
Title: Re: بورداب الخرطوم في ( المكان الخطأ و الزمان الخطأ ) !!!
Author: Tabaldina
Date: 07-14-2010, 10:18 PM
Parent: #103
..
.
فعلا استاهل لاننى قررت اطلع من صورة الرجل الخفى
واعيش مع الناس فى ارض الواقع ..
-------------
لو طبقت نظريتك العاملها بيها دى
كان ما جاتنى عوجه ..تب ..
وكنت حاكون الرجل الصحيح فى الزمن الصحيح
ولكن يبدو لى جلياً ليس هو بالمكان الصحيح ..
|
Post: #114
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 10:29 PM
Parent: #112
العوض الممكون و ماكن سلام يا زعيم Quote: عارف يا امين نوتة وضيوفك الكرام انه اكثر شئ بضايقنا نحن بورداب الخرطوم شنو ؟؟؟
بنتضايق جدا اذا جاء اخ او اخت من برة وما وجدنا طريقة نحتفل به . بسبب ظروفنا او ظروف المكان ..
يعني ممكن تاني نخجل نقابل الزول الذي لم نتوفق في الاحتفاء به ... |
و عشان أنا عارف الكلام ده و شفتو بعيوني كان هذا البوست .
|
Post: #115
Title: Re: بورداب الخرطوم في ( المكان الخطأ و الزمان الخطأ ) !!!
Author: دينا خالد
Date: 07-14-2010, 10:55 PM
Parent: #114
يا امين ! لسه مافى زول ظهر واتبرع
يبدل لينا وليد المبارك دا ؟؟
شايفاه ما ظهر هنا يكون مشى المكان الصحيح ؟؟
لووووووب ..
غايتو لو ما ظهر زول لبدل وليد
ف ح نبدل بيه العدة !! موافق ياعمك ؟؟
ـــــــــــــــ
عشان نشجع البديل اكتب بين قوسين
يوجد مقعد فى البرلمان .. لووووووووووووبيا ..
|
Post: #116
Title: Re: بورداب الخرطوم في ( المكان الخطأ و الزمان الخطأ ) !!!
Author: أمين محمد سليمان
Date: 07-14-2010, 11:23 PM
Parent: #115
Quote: يا امين ! لسه مافى زول ظهر واتبرع
يبدل لينا وليد المبارك دا ؟؟
شايفاه ما ظهر هنا يكون مشى المكان الصحيح ؟؟
لووووووب ..
غايتو لو ما ظهر زول لبدل وليد
ف ح نبدل بيه العدة !! موافق ياعمك ؟؟
|
الشفت بار يا ستهم !!!
بالله مافي زول بالغلط قال داير مكانو !!!
المان ده بعد ما جاب ماهيتو هنا ده : الناس بقت تفر منه كما تفر من المجزوم !!!
|
|