Post: #1
Title: النظرة الايجابية لبونية ودالبرير الخطافية ....
Author: omer osman
Date: 10-03-2011, 10:04 AM
زي ما كلكم عارفين انو اولمبياد لندن 2012م على الابواب
اهو كسبنا ملاكم خطييييير لايشق له غبار وعااااادي ممكن يجيب
للسودان كم ميدالية ذهبية ....... 
|
Post: #2
Title: Re: النظرة الايجابية لبونية ودالبرير الخطافية ....
Author: omer osman
Date: 10-03-2011, 10:06 AM
Parent: #1
لاتنظروا الى نصف الكوب الفارغ (هزيمة الهلال)
انظروا الى النصف المليان (اكتشاف ملاكم خطير)
|
Post: #3
Title: Re: النظرة الايجابية لبونية ودالبرير الخطافية ....
Author: omer osman
Date: 10-03-2011, 10:24 AM
Parent: #2
|
Post: #4
Title: Re: النظرة الايجابية لبونية ودالبرير الخطافية ....
Author: Hisham Ibrahim
Date: 10-03-2011, 02:00 PM
Parent: #3
للأسف يا عمو عمر
الحكم ما كان متوقع عمل جهوي مفاجيء من أحمق إعتلى عرش نادي الهلال بالمال فقط ولا غيره مع وجود جماعه نفعيين بينهم ..
لو كان الحكم يدري أو يتوقع هذا من رئيس النادي لتصدى له بالإبتعاد عنه .. أو رفع الضرر بتغطية وجهه ..
يعني زي لمن تمشي تعزي ليكـ واحد وإنت بتشيل معاهو الفاتحه تقوم تغدرو ...
ياخ دا بكون قايل رئيس النادي عاوز يسلم عليهو وييحهو في بلدو التاني السودان ويتمنى ليهو إقامه طيبه بين أخوانو الرياضيين والحكام ..
والحكم إنضرب بونيه في إستاد الهلال يعني ما في بلد محايد والا إستاد تاني ... ياخي دا ضيفكـ إنت بدل تحميهو تتهجم عليهو ..
غايتو أباركـ كل ما ينزله علينا الإتحاد الأفريقي من عقوبات بل واثني عليها وادعمها .. وأتمنى من كل قلبي ان تكون كالفعل أكثر مما هو متوقع ...
تاني نلقى الإحترام وين والتقدير يجينا كيف ... دا إتحاد الطاهر
ودي رياضة المشروع الحضاري ...
أكيد أكيد حا يكون سبا ليهو الدين تربيع طالما رشاهو ورماهو ...
على فكره : حسب القانون سب العقيده فيهو 3 شهور سجن للسابي ..!! يعني الحرس مفروض يسوق صاحبنا
( البرير) دا السجن .. ( والله دا يستاهل السجن الحربي مدى الحياه ) ... والا رايك شنو ..؟ ما إنت سيد العارفين ..
مبروكـ لنا هذا السبق الرياضي المجيد ... ومعاً لدعم عقوبات الإتحاد الأفريقي والفيفا
ذاتها ضد فريق الهلال والإتحاد السوداني الذي قصر في توفير الحماية اللازمة للحكام والمراقب
الذي اتاه نصيب مما تركـ البرير ...
|
Post: #5
Title: Re: النظرة الايجابية لبونية ودالبرير الخطافية ....
Author: Abdlaziz Eisa
Date: 10-03-2011, 02:10 PM
Parent: #4
يا جنابو سلامات
يعني نرسل صبغة شعر وكريمات لازالة التجاعيد... وانت تساعدنا في أوراقه الثبوتية بتقديم العمر حتي لو حداشر سبتمبر 2001م ونشوف اذا كان ممكن يشترك في الوزن الثقيل بالمرة..
Quote:
تاني نلقى الإحترام وين والتقدير يجينا كيف ... دا إتحاد الطاهر
ودي رياضة المشروع الحضاري ...
|
هزيمــة وفضيحـــة بجلاجل!!
|
Post: #6
Title: Re: النظرة الايجابية لبونية ودالبرير الخطافية ....
Author: خضر الطيب
Date: 10-03-2011, 02:15 PM
Parent: #4
جنابو عمر لك التحيه والتقدير
حقيقه حزنتا جدا للتصرف دا من رجل يفترض انو مسئول من فريق بقامة الهلال
والتصرف دا على الاطلاق مامقبول ياعمر
مفروض رئيس الهلال يكون عارف الكلام دا ويتعامل برقى بعيد عن انفعالاتو الشخصيه
لانو مفروض انو قائد , لكن للاسف اصبح من يتولى موقع القياده في ظل هذا النظام هم من الفاسدين
والعصبجيه وهذه هى النتيجه , عقوبات من الاتحاد الدولى لكرة القدم لفريق الهلال والتى ستوضع
في سجل الفريق وقيادته الى يوم الدين
كت اوت :
بالمناسبه انا علاقتى بكرة القدم ذي علاقة ود الباوقه بالمنطق
|
Post: #7
Title: Re: النظرة الايجابية لبونية ودالبرير الخطافية ....
Author: وليد عبد اللطيف
Date: 10-03-2011, 02:18 PM
Parent: #6
ناس افراحها زائدة وناس يتألموا
|
|