قائمة العظماء العشرة‏ للاعبي كرة القدم الافارقة ...

بحسب اختيار مجلة انسايد فوتبول البريطانية :

1- جورج ويا – ليبريا.
2- روجيه ميلا – الكاميرون.
3- صامويل ايتو – الكاميرون.
4- عبيدي بيليه – غانا
5- جاى جاى أوكوشا – نيجريا.
6- حسام حسن – مصر
7- رابح مادجر – الجزائر
8- توماس نوكونو – الكاميرون
9- محمود الخطيب – مصر
10- مايكل ايسين - غانا


المصدر :

سوداني واحد بالغلط مافي

واضح انو المجلة انحازت للاعبين الافارقة الذين لعبوا في

الدوريات الاوربية وحسام والخطيب ديل بكونوا جابوهم خوفاً

من فصاحة ولسان المصريين او ربما شطارة مصري شغال في

المجلة .....

كنت اتوقع ان تشمل هذه القائمة اللاعب الاسطورة حامد بريمة

سلامات يا جنابو

ومعليش دخلنا توش كدا من غير سلام لكن جد خلو هذه القائمة من بريمة غاظني.


تحياتي يا حبوب

خليها المجلة يا عمر كدي ورينا إنت منو اللاعب السوداني الممكن يكون في القائمة!!

للأسف لاعبينا كلهم محليين رغم نفخ الإعلام الرياضي فيهم

القائمة إعتمدت علي الأربعة عقود الأخيرة مع ظهور أفريقيا بصورة قوية في كأس العالم وبداية الإحتراف الأفريقي في أوربا

سلامات عمر
Top 10 African players in Europe 2010-11
http://www.goal.com/en/news/1717/editorial/20...rs-in-europe-2010-11
لووول

شكرا حيدر ..........

اتذكرت حكاية احتراف علاء الدين يوسف في فرنسا والا وين كده ما عارف

Quote: خليها المجلة يا عمر كدي ورينا إنت منو اللاعب السوداني الممكن يكون في القائمة!! للأسف لاعبينا كلهم محليين رغم نفخ الإعلام الرياضي فيهم القائمة إعتمدت علي الأربعة عقود الأخيرة مع ظهور أفريقيا بصورة قوية في كأس العالم وبداية الإحتراف الأفريقي في أوربا

سلام يا اسامة ......

خد عندك مثال بسيط .. حامد بريمة ، طارق احمد ادم

Quote: سلامات يا جنابو ومعليش دخلنا توش كدا من غير سلام لكن جد خلو هذه القائمة من بريمة غاظني. تحياتي يا حبوب

هلا بالخير ........

اذنك معاك والبوست ملك الجميع ........

ترشيح بريمة منطقي ومعقول جداً ..........

بالمناسبة بكرة ماشي استديو النيل ........ الباقي اكيد عرفتو

شكلك ما صليت الجمعة

طارق احمد آدم مفروض يتصدر ومعاهو عاطف القوز

( الغريبة عندي لي هسسع عاطف القوز لييه ما جاء في تصنيف؟؟؟)

جكسا
الدحيش
كمال عبدالوهاب
بشارة ابواضان
سكسك
حامد بريمة
شيخ ادريس كباشي
عبد الكافي (كافينول بتاع بري)
سعد زكريا

الفاضل سانتو
----------------
ديل ما بنبدلهم باي لاعب مش في افريقيا بل في العالم ده كلوووووو

وانا عندي 3 مصنفهم العب 3 في العالم(برااااااي كده)
محمد المتوكل بتاع الهلال وكلية الهندسة
وانور ام دوم بتاع اقتصاد

نسيت اضيف الاسطوري لاعب الملكية جوبا (جمال بكاسا)
وحارس الملكية الشهير جمعة شاكوس...ديل يا جنابو يا النبي نووووووح
وجمعة شاكوس ده احسن حارس في العالم بيعرف ينط اربعة لساتك فوووق ويطلع كورة مجدوعة التمنيات كورنر
والراس حربة الاسطوري في دوري مغمور لمدينة مغمورة كده اسمو (كزرزر)

Quote: جكسا الدحيش كمال عبدالوهاب بشارة ابواضان سكسك حامد بريمة شيخ ادريس كباشي عبد الكافي (كافينول بتاع بري) سعد زكريا الفاضل سانتو

الله عليك ياكيكي ...... اسماء لمن تقرها لمن تحس بالرهبة ....

Quote: محمد المتوكل بتاع الهلال وكلية الهندسة

كييييييييف ياااااخ لعاب وشاطر ومهذب ... ماشاء الله

اخير عهدي بيهو بقي مهندس كبير بدولة الامارات - ابوظبي

سلامات يا جنابو
وأعتقد أن القائمة أعلاه ينقصها اسم الغاني أسامواه جيان الذي رشحه صامويل إيتو
العام الفائت لجائزة أفضل لاعب أفريقي في الدوريات الأوربية ..
أسامواه جيان الذي إنتقل للعين الإماراتي في سبتمبر الماضي قادما من سندرلاند
الإنلجيزي قاد غانا للوصول إلى ربع نهائي كأس العالم 2010 بجنوب أفريقيا ورغم
عن أنه أهدر ركلة جزاء حاسمة في الثوان الأخيرة من مباراة المنتخب الغاني أمام الأرجواي كان يمكن
لو سجلها أن يصعد بالنجوم السوداء إلى نصف نهائي المونديال كأول منتخب أفريقي يحقق هذا الإنجاز
لكن هذا لا يمنع أن جيان لفت أنظار العالم بمقدراته الفنية والبدنية الرائعة التى وظفها لصالح
منتخب بلاده في التظاهرة العالمية الفائتة، قبل أن ينتقل للدوري الإنجليزي ويتابع تألقه هناك.
بالمناسبة أسامواه جيان سيقود منتخب غانا أمام منتخبكم الوطني غدا السبت بالخرطوم..

Quote: الغاني أسامواه جيان

مية مية ياطلحة لعاب لمن غلط وصاحب مجهود وافر ومقاتل

وفي السنوات الاخيرة قدم لغانا ما لم يقدمه مايكل ايسين بس مشكلتو

حاجة واحدة ما محظوظ ....... ان شاء الله يوم السبت برضو يكون كده

Quote: شكلك ما صليت الجمعة طارق احمد آدم مفروض يتصدر ومعاهو عاطف القوز ( الغريبة عندي لي هسسع عاطف القوز لييه ما جاء في تصنيف؟؟؟)

لسه بدري على الجمعة ياحيدر .....

تعرف طارق احمد ادم قصة براهو بتذكر كورة الهلال ضد فريق افريقي

كان عندهم مهاجم خطيييير جداً اسمو موسي نضاو او حاجة زي كده

المهم في كورة طارق زنق ليك الزول ده في حتة راية الكورنر صاحبك موسي

قال السوداني الفأرة ده ادقها ليهو في رجلينو تطلع كورنر طبعا بكون عمل الحركة دي

في ناس كتااااااار بس هو ما عارف انو معاهو معلم كبيييييير ... لحظة ضربو للكورة طارق

فتح رجلينو خلي الكورة مرت بينهم وقبل سريع استلمه ومشي بيها وصاحبك موسي بقي واقف

زي حمار الشيخ في العقبة تاااني بتجي ياموسي

Quote: وانا عندي 3 مصنفهم العب 3 في العالم(برااااااي كده) محمد المتوكل بتاع الهلال وكلية الهندسة وانور ام دوم بتاع اقتصاد

الثالث يا كيكي هو محمد آدم غانم -كلية الطب و أهلي مدني

يا حليل دوري الكليات يا كيكي !!!! .
=
سلام يا جنابو : كان عندك بوست قديم عن لاعبين ماهرين لم تتاح لهم الفرصة للعب في هلال-مريخ , يا ريت تنزل لينا رابطه هنا

انا عندي تاني العب زول في تاريخ كرة القدمفي الدنيا هو الأسطورة "الطاهر حسيب"
الأول طبعا مارادونا.

تحياتناوجمعتكم فل ياجنابو ومرورك الكريم


ود الشيخ

وين المبدع أسامه التعاون؟

بوست جميل اعاد الينا الاذهان واعاد الينا صوابنا انقول من هم افضل عشره لاعبين كلرة قدم سودانيين
وزارة الشباب والرياضه الاتحادية والخرطوميه ممكن يعملوا حاجه ذي جائزة نوبل لمشاهير الكرة السودانيه
ولكن اين العيب انا شخصيا هلالابي ولكن لاعب المريخ السابق باكمبا هو افضل ما انتجته الملاعب السودانيه
ولكن انتقاله للهلال ادي الي نهاية مشواره الرياضي

where is Didier Drogba?]

حينما كان غيرنا (يُسوِق ) لبلده
كُنَا ما زلنا نحاول أن نتقاسم خيرات البلد
فاهتمت أجهزة التسويق العالمي للأشياء ( مخابرات ، تلفزيون ، فضاء ، إذاعات ) بما نقدمه للعالم
واهتم غيرنا بتقديم أشيائهم الأخرى مما أتى بالعظمة لأشيائهم دون أشيائنــا .
الغريبة ما زلنا نفدم أنفسنا بذات السوء
ونتيجة ذلك : يكبر الصفر أكثر وسيمر القرن دون ذكرى حسنة تأتي من دولتنا الرشيدة !!

يا جنابو كيفنك.

كدى خليك من المشــــــــــــــاهير ديل.


لقيت ليك زميل و دفعة مججك معانا هنا



( عبد العظيم نقد)