Post: #1
Title: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 10:54 AM
Parent: #0
معارضون بليبيا يسقطون طائرة يقودها سوداني
راس لانوف -:وكالات: اكدت رويترز ان المسلحين المعارضين أطلعوها على حطام طائرة في منطقة راس لانوف في شرق ليبيا قال المسلحون انهم أسقطوها أمس. وكتب مراسل الوكالة محمد عباس رسالة قصيرة من الموقع قال فيها « أنا في موقع حطام طائرة في راس لانوف»،وأشار الى وجود جثتين وجهاهما ممزقان، مبيناً انه جرى اطلاعه على جواز سفر سوداني قيل له انه يخص الطيار ،لكنه أضاف أن المهنة المكتوبة في جواز السفر هي محاسب، واتهم المسلحون المعارضون، الزعيم الليبي معمر القذافي باستخدام مرتزقة أفارقة في محاربتهم.
المصدر : الصحافة 6 - مارس - 2011م
|
Post: #2
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 10:57 AM
Parent: #1
| Quote: مبيناً انه جرى اطلاعه على جواز سفر سوداني قيل له انه يخص الطيار ،لكنه أضاف أن المهنة المكتوبة في جواز السفر هي محاسب |
هو الطيار ده ماشي (يقصف) ولاَ ماشي (يغترب) !!!!!!!!!!!!!!
|
Post: #3
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 11:09 AM
Parent: #2
|
Post: #4
Title: Re: أول مرة اسمع بي طيار حربي شايل جواز سفر !!!!!!!!!
Author: عبدالكريم أحمد الامين
Date: 03-06-2011, 11:56 AM
Parent: #3
| Quote: أول مرة اسمع بي طيار حربي شايل جواز سفر !!!!!!!!! |
* ابو عبدالرحمن..
** ســـلام..
## الجواز دا أخو الصندوق الأسود ,, الطياره حرقت والجثث مشوهه ,, والجواز سليم ,, أول مره أعرف أنو فى مُحاسب طيار (بس عارف فى مُحاسبين طايرين ) ..
** تعرف موضوع الجواز السودانى دا :- ذكرنى مكنة الإمركان فى موضوع جواز المصرى محمد عطا القالوا لقوهو فى أنقاض مركز التجاره العالمى اللحفق أُمات طه وهو سليم وبكامل صفحاتو..
** لكن الجواز السودانى خطير لاتمسه النار ولايعلق به الغبار ولايبتل بالماء ..
(ودام الود بيننا)
|
Post: #11
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:14 PM
Parent: #4
| Quote: ** تعرف موضوع الجواز السودانى دا :- ذكرنى مكنة الإمركان فى موضوع جواز المصرى محمد عطا القالوا لقوهو فى أنقاض مركز التجاره العالمى اللحفق أُمات طه وهو سليم وبكامل صفحاتو.. |
دي يا ابومحمد ... اسمها الشربكة سيك سيك معلق فيك ......
|
Post: #5
Title: Re: أول مرة اسمع بي طيار حربي شايل جواز سفر !!!!!!!!!
Author: علاء الدين صالح
Date: 03-06-2011, 12:21 PM
Parent: #3
| Quote: مبيناً انه جرى اطلاعه على جواز سفر سوداني قيل له انه يخص الطيار ،لكنه أضاف أن المهنة المكتوبة في جواز السفر هي محاسب |
جنابو تحيّاتي
يعني ممكن نتوقّع في مقبل الأيام خبر زي كدة:
.. هذا وذكر بعض الثوّار أنهم قد أسقطوا طائرة بدون طيّار يقودها سوداني يحمل جواز سفر بمهنة عامل تربية مواشي (كاوبوي) 
غايتو جنس هلوسة 
|
Post: #6
Title: Re: أول مرة اسمع بي طيار حربي شايل جواز سفر !!!!!!!!!
Author: صديق عبد الجبار
Date: 03-06-2011, 01:30 PM
Parent: #5
السلام عليكم جميعاً ...
دعوني أؤكد في البدء أنني لا أتداخل هنا لكي أؤكد أو أنفي أي واقعة ليست لدي فكرة عنها ...
ولكنني فقط أردت التداخل من منطلق "مهني" أولاً وبحكم علاقتي بزملائنا في الطيران الحربي السوداني بشقيه المقاتل والناقل والإسترتيجي ...
أولاً : أقول للأستاذ عمر أن إستغرابه ليس في محله ، لأن الطيار الحربي هو في النهاية مواطن ، وهم دائماً مثلهم مثل أي طيار في العالم ، واحد من أهم الوثائق التي تكون في شنطة الطيران ، والتي يجب أن تكون سارية الصلاحية دائما، هو جواز السفر ، بالإضافة إلى رخصة الطيران ، وشهادة اللياقة الطبية ، ومدونة سجلات ساعات الطيران (Personal Log Book). ولكي أوضح أهمية جواز السفر أقول أن الطيار بعد أن يقلع إلى السماء ، تكون هنالك كل الإحتمالات التي قد تمنعه من الهبوط في إحدى مطارات دولته ، مثل الأحوال الجوية أو السياسية أو الكوارث الطبيعية ...إلخ ، وقد يضطر وذلك يحدث كثيرأً ، أن يهبط في مطار تابع لبلد أجنبية.
ثانياً: ليبيا القذافي لها تاريخ حافل بتشغيل السودانيين في سلاح الجو الليبي ، وخاصة في الطائرات العمودية (الهيليكوبتر) وخاصة الروسية ME17 وأخواتها ، وأغلبيتهم من مرافيد الجيش السوداني، وأنا شخصياً لدي أصدقاء ومعارف وأقارب ، تنطبق عليهم هذه المواصفات.
ثالثاً: قصة أن يكون مكتوب في الجواز محاسب ، هذه غريبة شوية ، ولكنها ليست مستحيلة أو مستبعدة ، لأنني أعرف بعض الشباب الذين سافروا واغتربوا في السعودية وأمارات الخليج بجوازات سفر الوظيفة فيها : محاسب ، موظف ، عامل ، أو حتى راعي (عامل تربية حيوانات) ،،،، ثم وفروا بعض الفلوس وسافروا إلى دول الإتحاد السوفيتي سابقاً أو شرق أوروبا مثل أوكرانيا وبلغاريا ورومانيا ودرسوا الطيران هناك ، وفي وقت من الأوقات كان القذافي يفتح المجال على مصراعيه لمثل هؤلاء الشباب ، وذلك لأن الليبيون لم يكونوا أبدأ يتشجعون للإلتحاق بالقوات الجوية الليبية ، ولكنني أكرر كانت السلطات الليبية وما زالت تستوعب الأجانب فقط في طائرات الهليكوبتر (العمودية) ، وليس المقاتلات فهذا خط أحمر.
هذا ما أردت توضيحه ... وللجميع التحية والإحترام
|
Post: #7
Title: Re: أول مرة اسمع بي طيار حربي شايل جواز سفر !!!!!!!!!
Author: حمد فتح الرحمن
Date: 03-06-2011, 02:19 PM
Parent: #6
تحياتي يا عمر
سمعت في الجزيرة من واحد ليبي متصلين عليه ناس الجزيرة انهم طيارين سوريين
ما عارف قلبوهم سودانيين متين
|
Post: #8
Title: Re: أول مرة اسمع بي طيار حربي شايل جواز سفر !!!!!!!!!
Author: Mohammed Awad
Date: 03-06-2011, 02:26 PM
Parent: #7
| Quote: هو الطيار ده ماشي (يقصف) ولاَ ماشي (يغترب) |
غايتو ياعمك فنيلتك الفى البروفايل
دى ذكرتنى مسلسل دنجل وعم دهب...
انت كنت شغال فى السجون ولا شنو؟
|
Post: #9
Title: Re: أول مرة اسمع بي طيار حربي شايل جواز سفر !!!!!!!!!
Author: Nagat Sid Ahmed Elshiekh
Date: 03-06-2011, 03:47 PM
Parent: #8
سلام ياجنابو عمر
أولآ: اشكرك للترحيب بى فى البوست الخاص بدخولى للمنتدى، طلعت عندى مشكلةفى الرد
وبمناسبة البوست بتاعك ح أعلق على الكلام التحت دا:
،لكنه أضاف أن المهنة المكتوبة في جواز السفر هي محاسب، واتهم المسلحون المعارضون، الزعيم الليبي معمر القذافي باستخدام مرتزقة أفارقة في محاربتهم)
شوف يا عمر لو ما سودانى ح يكون سودانى بعد تصريحات وزير الخارجية بمشاركة سودانين مرتزقة فى القصف فى ليبيا وذى ما قال عادل أمام هى الحكومة قالت بعد دا ماينفعش تنفى وجود سودانين.غايتو نعمل شنو الدول الاخرى ارسلت
طيارات لاجلاء رعاياها ونحن نرمى فيهم فى التهلكة بتصريحات الوزير،المصيبة الكبرى انو الشعب الليبى مافارز سودانى مرتزقة ولا لاجئ المهم وقعوا ضبيح. تسلم
|
Post: #10
Title: Re: أول مرة اسمع بي طيار حربي شايل جواز سفر !!!!!!!!!
Author: عبد الناصر الخطيب
Date: 03-06-2011, 04:27 PM
Parent: #9
عمر عثمان
مساء الخير ,,,
كلام حمد فتح الرحمن ده ده السمعتو في الجزيرة
| Quote: سمعت في الجزيرة من واحد ليبي متصلين عليه ناس الجزيرة انهم طيارين سوريين |
وسمعنا أنهم أسري لدي الثوار , طيار سوداني ومعه جواز سفروا دي ما سمعناها !!!!! وورد في الخبر
أنو القذافي أساسا عندو كتيبة سورية !!!
السوداني الوحيد الشفتو في الجزيرة الليلة الزول الفي الحدود التونسية وبحكي عن المعاناه
الشافه لحدي ما وصل تونس وما عندنا غير الدعوات لربنا يحفظ السودانيين في ليبيا
--------------
تحياتي
|
Post: #19
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:50 PM
Parent: #10
Quote: وورد في الخبر
أنو القذافي أساسا عندو كتيبة سورية !!! |
بالتالي يكون من الاقرب ان يكون الطيار سوري ........
شكرا عبدالناصر ......
|
Post: #18
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:41 PM
Parent: #9
| Quote: بعد تصريحات وزير الخارجية بمشاركة سودانين مرتزقة |
هلا يانجاة حبابك ..........
التصريح ده كان بمثابة كارثة نسأل الله ان يخفف اثارها .......
|
Post: #17
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:38 PM
Parent: #8
Quote: غايتو ياعمك فنيلتك الفى البروفايل
دى ذكرتنى مسلسل دنجل وعم دهب...
انت كنت شغال فى السجون ولا شنو؟ |
ياطبنجة ده حالتو انا عامل فيها قاشر ولا المفتش سرور بتاع مجلة ميكي ...
|
Post: #16
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:36 PM
Parent: #7
Quote: تحياتي يا عمر
سمعت في الجزيرة من واحد ليبي متصلين عليه ناس الجزيرة انهم طيارين سوريين
ما عارف قلبوهم سودانيين متين |
هلا ياحمد
يكون في زول لفح أول الكلام وتمه الباقي من عندو !!!
|
Post: #13
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:22 PM
Parent: #6
Quote: ولكنني فقط أردت التداخل من منطلق "مهني" أولاً وبحكم علاقتي بزملائنا في الطيران الحربي السوداني بشقيه المقاتل والناقل والإسترتيجي ...
أولاً : أقول للأستاذ عمر أن إستغرابه ليس في محله ، لأن الطيار الحربي هو في النهاية مواطن ، وهم دائماً مثلهم مثل أي طيار في العالم ، واحد من أهم الوثائق التي تكون في شنطة الطيران ، والتي يجب أن تكون سارية الصلاحية دائما، هو جواز السفر ، بالإضافة إلى رخصة الطيران ، وشهادة اللياقة الطبية ، ومدونة سجلات ساعات الطيران (Personal Log Book). ولكي أوضح أهمية جواز السفر أقول أن الطيار بعد أن يقلع إلى السماء ، تكون هنالك كل الإحتمالات التي قد تمنعه من الهبوط في إحدى مطارات دولته ، مثل الأحوال الجوية أو السياسية أو الكوارث الطبيعية ...إلخ ، وقد يضطر وذلك يحدث كثيرأً ، أن يهبط في مطار تابع لبلد أجنبية. |
ولا ينبئك مثل خبير..
شكرا صديق ........
|
Post: #12
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:16 PM
Parent: #5
Quote: يعني ممكن نتوقّع في مقبل الأيام خبر زي كدة:
.. هذا وذكر بعض الثوّار أنهم قد أسقطوا طائرة بدون طيّار يقودها سوداني يحمل جواز سفر بمهنة عامل تربية مواشي (كاوبوي) |
ههههههههههههههههههههههههههههه ....
اصلو ما تستبعد ياعلاء .........
|
Post: #14
Title: Re: أول مرة اسمع بي طيار حربي شايل جواز سفر !!!!!!!!!
Author: احمد محمد بشير
Date: 03-06-2011, 05:23 PM
Parent: #12
انا شاهدت جثة لاحد الطيارين على التلفزيون
لا اعتقد انها جثة لسوداني -بشرتهم بيضاء-
|
Post: #15
Title: Re: أول مرة اسمع بي طيار حربي شايل جواز سفر !!!!!!!!!
Author: أحمد ابن عوف
Date: 03-06-2011, 05:33 PM
Parent: #14
سلام يا جنابو
قالوا سوريين، لكن بعد الجليطة بتاعت وزارة خارجيتنا، القذافي زاتو اكان قبضوهو ح يقولوا سوداني ههههههه
|
Post: #21
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:54 PM
Parent: #15
| Quote: قالوا سوريين، لكن بعد الجليطة بتاعت وزارة خارجيتنا، القذافي زاتو اكان قبضوهو ح يقولوا سوداني ههههههه |
هههههههههههههههههه
وامبارح شايف الانتربول زاتو قال مدير الأمن الليبي مولود في السودان
|
Post: #20
Title: Re: أول مرة اسمع بي طيار حربي شايل جواز سفر !!!!!!!!!
Author: omer osman
Date: 03-06-2011, 05:52 PM
Parent: #14
Quote: انا شاهدت جثة لاحد الطيارين على التلفزيون
لا اعتقد انها جثة لسوداني -بشرتهم بيضاء- |
لاتنفي كونه سوداني وفي ذات الوقت تقرب اكثر احتمال ان يكون سوري ......
|
Post: #22
Title: Re: أول مرة اسمع بي طيار حربي شايل جواز سفر !!!!!!!!!
Author: الصادق اسماعيل
Date: 03-06-2011, 10:21 PM
Parent: #20
Quote: انا شاهدت جثة لاحد الطيارين على التلفزيون
لا اعتقد انها جثة لسوداني -بشرتهم بيضاء- |
يا جماعة راعوا مشاعر زملاء البورد أشرف الحلبي ورأفت ميلاد
جنابو
كيف حالك
|
Post: #23
Title: Re: أول مرة اسمع بي طيار حربي شايل جواز سفر !!!!!!!!!
Author: نوفل عبد الرحيم حسن
Date: 03-07-2011, 08:18 AM
Parent: #22
حسب ما رأيت وشاهدت .. فأن الطيارين ليبي وسوري
شفتهم بعيني البياكلها الدود دي
سلامات جنابو
|
|