Post: #1
Title: لاعبين اتنين مظلومين شديد في الهلال والمريخ
Author: omer osman
Date: 09-27-2010, 09:53 AM
في المريخ : عبدالحميد السعودي ........
وفي الهلال : سيف مساوي .......
|
Post: #2
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 09:55 AM
Parent: #1
انا شخصياً شايف مساوي ده جوكر في الهلال بل منقذ في كثير من الاحيان .....
ومع ذلك هلالاب كتار عندهم فيهو رأي سلبي ...
ومساوي يجقلب والشكر لهيثم مصطفي .........
وده لايعني انو هيثم لا يستحق الشكر ..... لكن قليل من الانصاف لبقية اللاعبين اصحاب العطاء والنتائج لايضر .....
|
Post: #3
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 09:58 AM
Parent: #2
اما في المريخ ....... عبدالحميد كسلان ...... عبدالحميد ميت ..... عبدالحميد ما بسك الكورة ......
لو في بلد فيها تكنلوجيا متابعة اداء اللعيبة كان تدي عبدالحميد ده عشرة من عشرة ......
بس احسبوا الزول ده لعب كم دقيقة في المريخ مش كم مبارة وجاب كم قون .....
استلم كم كورة صاح وكم كورة غلط ......
طلع كم باص صاح وكم باص غلط ......
لو ما جاء الأول لوموني بعد داك ...........
|
Post: #4
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 10:00 AM
Parent: #3
|
Post: #5
Title: Re: لاعبين اتنين مظلومين شديد في الهلال والمريخ
Author: عبد اللطيف عبد الحفيظ حمد
Date: 09-27-2010, 10:03 AM
Parent: #4
بتفق معاك في سيف مساوي
ومنو القال سيف مساوي مهضوم الحقوق!!
يا أخي كل جماهير الهلال بتحب سيف مساوي (جوكر الهلال)، ولاعب المهام الصعبة!!!!!
بس أنا برى أنه وجوده في الدفاع خسارة للفريق لأن الفريق يحتاجه أكثر في الوسط بمشاكساته الكثيرة وأداءه الفعال في الوسط!!!
|
Post: #6
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 10:05 AM
Parent: #5
|
Post: #7
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 10:07 AM
Parent: #5
Quote: ومنو القال سيف مساوي مهضوم الحقوق!!
يا أخي كل جماهير الهلال بتحب سيف مساوي (جوكر الهلال)، ولاعب المهام الصعبة!!!!!
بس أنا برى أنه وجوده في الدفاع خسارة للفريق لأن الفريق يحتاجه أكثر في الوسط بمشاكساته الكثيرة وأداءه الفعال في الوسط!!! |
ما كلهم ياعبداللطيف ........
في المنبر ده في هلالاب عندهم رأي في سيف مساوي .......
زي مريخاب كتار عندهم رأي في عبدالحميد السعودي ..........
|
Post: #8
Title: Re: لاعبين اتنين مظلومين شديد في الهلال والمريخ
Author: طارق جبريل
Date: 09-27-2010, 10:16 AM
Parent: #7
عبد الحميد السعودي لاعب من طينة جيدة لو خلوهوا يلعب
جنابو كيفنك
|
Post: #9
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 10:30 AM
Parent: #8
| Quote: عبد الحميد السعودي لاعب من طينة جيدة لو خلوهوا يلعب |
يخلوهو كيف ويعرفوهم بتاعين نظريات كيف ......
شنو الجية ما قربت .......
|
Post: #10
Title: Re: لاعبين اتنين مظلومين شديد في الهلال والمريخ
Author: طارق جبريل
Date: 09-27-2010, 10:32 AM
Parent: #9
Quote: شنو الجية ما قربت .......
|
جهز العزومات انت ونسيبك
حجزنا
|
Post: #11
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 10:33 AM
Parent: #10
| Quote: جهز العزومات انت ونسيبك |
خروفك وخروف ياسر طيفور يسمعوا في كلامي وكلامك ده ......
|
Post: #12
Title: Re: لاعبين اتنين مظلومين شديد في الهلال والمريخ
Author: طارق جبريل
Date: 09-27-2010, 10:38 AM
Parent: #11
Quote: خروفك وخروف ياسر طيفور يسمعوا في كلامي وكلامك ده ......
|
يمين ما قصرت يا جنابو
تليشة:
بس حكاية انه ابقى كاتب الختيتها لي في حفرة الدخان ديك ما لافقة معاي
|
Post: #13
Title: Re: لاعبين اتنين مظلومين شديد في الهلال والمريخ
Author: طارق الكوتش
Date: 09-27-2010, 11:02 AM
Parent: #12
معترض شديد على وجود سيف مساوى فى عمق الدفاع
فعمق الدفاع تحتاج للاعبين بمواصفات معينه
منها سرعة الانقضاض
وقوة المراقبة
وكسب الكورات المشتركة
وسرعة التصرف
وده ما متوفره فى سيف مساوى نوهائى
ممكن يلعب فى الوسط لكن فقط فى بعض المباريات ومنها
عندما يريد مدرب الهلال يبنى خطته على التقفيل و الدفاع الكامل
او عندما يغيب علاء يوسف او عمر بخيت
|
Post: #15
Title: Re: لاعبين اتنين مظلومين شديد في الهلال والمريخ
Author: طارق الكوتش
Date: 09-27-2010, 11:04 AM
Parent: #13
جنابو وطارق جبريل سلامات
والشوق بحور ما ليها حد
|
Post: #18
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 11:49 AM
Parent: #13
Quote: معترض شديد على وجود سيف مساوى فى عمق الدفاع
فعمق الدفاع تحتاج للاعبين بمواصفات معينه
منها سرعة الانقضاض
وقوة المراقبة
وكسب الكورات المشتركة
وسرعة التصرف
وده ما متوفره فى سيف مساوى نوهائى |
ياكوتش اعتراضك مفهوم في اطار اذا حضر الماء بطل التيمم .......
يعني اذا وجد صاحب الخانة الاصيل في عمق الدفاع فلا داعي لاشراك مساوي ...
مساوي لديه ميزات كثيرة وبرغم طابعه الدفاعي في منتصف الميدان يمكن ان يحرز اهداف وسجله موجود يشفع له .....
وبمعني اخر مساوي لاعب مفيد جداً لاي مدرب ......
|
Post: #14
Title: Re: لاعبين اتنين مظلومين شديد في الهلال والمريخ
Author: وليد عبد اللطيف
Date: 09-27-2010, 11:04 AM
Parent: #12
جنابو عمر ... سلامات
(1) سيف مساوي
Quote: انا شخصياً شايف مساوي ده جوكر في الهلال بل منقذ في كثير من الاحيان .....
|
كلام سليم وفعلا هو لاعب جوكر
ولكن اذا موجدود لاعب ومتخصص في هذه الخانة التي يلعب بها مساوي اذن مافي داعي ليهو
لان مهما يكن لم يكن الاداء مثل مايقدمه اللاعب المدافع المتخصص
لان كثيرا مايحن للتقدم
وكثيرا لم يكون توقيته سليم ويفقد الدفاع ايقاعة بسبب حركته الخطأ عند الدفاع
واحيانا يتقدم مساعد الهجوم من غير منطق رغم انه يحرز اهداف جميلة عند حركتة
ولكن مثل هذه الحركات احيانا ماتكلف الفريق الكثير
واحيانا يجهجه ليك المعز وهو اصلا مجهجه
حسب فهمي افضل ان يلعب هذا اللاعب في الارتكاز
وسوف يكون له مردود طيب ..
اخشى علية ان يكون مصيره مثل مصير ( احمد السيد ) حمادة لاعب المريخ
وقابلته في السودان وقلت له اين تلعب الان قال في جزيرة الفيل
والله حرام يشطب مثل هذا اللاعب
قوي .. حريف .. جوكر
|
Post: #16
Title: Re: لاعبين اتنين مظلومين شديد في الهلال والمريخ
Author: طارق جبريل
Date: 09-27-2010, 11:22 AM
Parent: #14
Quote: جنابو وطارق جبريل سلامات
والشوق بحور ما ليها حد
|
الكوتش يا حبيبنا
شوف لينا فيزا ياخي نمر عليكم
ود كسلا ما قصر قال بيعملها
|
Post: #17
Title: Re: لاعبين اتنين مظلومين شديد في الهلال والمريخ
Author: وليد عبد اللطيف
Date: 09-27-2010, 11:33 AM
Parent: #16
عمر جنابو
Quote: معترض شديد على وجود سيف مساوى فى عمق الدفاع
فعمق الدفاع تحتاج للاعبين بمواصفات معينه
منها سرعة الانقضاض
وقوة المراقبة
وكسب الكورات المشتركة
وسرعة التصرف
وده ما متوفره فى سيف مساوى نوهائى
ممكن يلعب فى الوسط لكن فقط فى بعض المباريات ومنها
عندما يريد مدرب الهلال يبنى خطته على التقفيل و الدفاع الكامل
او عندما يغيب علاء يوسف او عمر بخيت |
بالله ضيف تعليق طارق الكوتش دا الى كلامي
لان تحليله اعمق وامكن تحليلي مختصر شديد
|
Post: #19
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 11:51 AM
Parent: #14
Quote: اخشى علية ان يكون مصيره مثل مصير ( احمد السيد ) حمادة لاعب المريخ
وقابلته في السودان وقلت له اين تلعب الان قال في جزيرة الفيل
والله حرام يشطب مثل هذا اللاعب
قوي .. حريف .. جوكر |
وبنفس قولك كنت اقول اخشي على احمد الباشا من مصير احمد السيد .......
الجهجهة في الخانات ما كويسة .......
واحمد الباشا تفوق في الجهجهة عليهم كلهم حيث لعب حارس مرمي في مباراة افريقية بعد طرد اكرم .......
|
Post: #20
Title: Re: لاعبين اتنين مظلومين شديد في الهلال والمريخ
Author: وليد عبد اللطيف
Date: 09-27-2010, 12:02 PM
Parent: #19
Quote: وبنفس قولك كنت اقول اخشي على احمد الباشا من مصير احمد السيد .......
الجهجهة في الخانات ما كويسة .......
واحمد الباشا تفوق في الجهجهة عليهم كلهم حيث لعب حارس مرمي في مباراة افريقية بعد طرد اكرم ....... |
فعلا عمر جنابو
ونفس كلامك عن الباشا سبق وتحدثت عنه هنا
ياخي لكن تمنيت هذا اللاعب ان يكون لاعب الى فرق هلال مريخ
(ايمن محمود ) هلال كادوقلي ياخي الود دا صراحة مدفون في هذا الفريق
تخيل كانوا هنا في جده ثلاثة ( سعيد السعودي ) ولعب للمريخ
(ماجد) يلعب الان في قطر ويحمل الجنسية القطرية
اما ايمن ذهب ولعب في الحصحيصا ومنها الى كادقلي
وسوف اعمل كل جهدي لكي ينتقل الى احد اندية هلال مريخ
وانا شايف انه يشبة كرة المريخ اكثر من الهلال
وغير ذلك الان الهلال مليان
|
Post: #21
Title: Re: لاعبين اتنين مظلومين شديد في الهلال والمريخ
Author: خالد العطا
Date: 09-27-2010, 12:14 PM
Parent: #20
سعادتك
سلام يا صفوة
وليد سلام
عبدالحميد السعودي للاسف انا بعتبره لاعب كسول جدا ومزاجي جدا كمان
كلنا وقفنا معاه ضدالمدربين وقلنا مظلوم مظلوم
الان منذ توقف كلتشي ووفاة ايداهور واصابة طمبل لا يجود مهاجم غيره
تقدر تقول لي كم هدف احرز عبدالحميد هذا الموسم
رغم ان الجميع مقتنع بامكانياته شخصيا انا صفوة اتمنى ان ينتقل للهلال
وان ينتقل (مهند الطاهر ) للمريخ وذلك لن يحدث لاننا لم نصل لعهد الاحترافية في كرة القدم
|
Post: #22
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 12:24 PM
Parent: #21
Quote: الان منذ توقف كلتشي ووفاة ايداهور واصابة طمبل لا يجود مهاجم غيره
تقدر تقول لي كم هدف احرز عبدالحميد هذا الموسم |
ويجيب قون كيف اذا سيادتو كروجر بلعب حمد الشجرة مهاجم والسعودي قاعد ........
اصعب حاجة في الدنيا تهز ثقة اى شخص في نفسو أو تشكك في قدراته ......
ويصبح في محاولة دائمة لاثبات وجوده ويلعب او يتحرك تحت ضغط نفسي رهيب .......
من المفارقات انو عبدالحميد هو كابتن المريخ في غياب العجب ولايزال يحاول اقناع المريخاب بوجوده .......
وده كلو خلل ناتج من البدايات الخاطئة في التعامل مع موهبة عبدالحميد وما هو حدود المطلوب منه ........
في العسكرية عندنا مقولة بتقول (النشاط بغطي على الغلط) وده النافع باقي المهاجمين في المريخ .......
وأنا بقول (الموهبة بتغطي على الكسل) وده المقياس الذي يجب ان يقاس به اداء عبدالحميد ........
|
Post: #23
Title: Re: لاعبين اتنين مظلومين شديد في الهلال والمريخ
Author: مرتضى احمد عبد القادر
Date: 09-27-2010, 01:27 PM
Parent: #22
جنابو سلام
السعودي لاعب مهرجانات و وقت الحوبه وضد الفرق الكبيره ما بتلقاهو
مساوي دا لاعب فنان يا كوتش حرام عليك اي نعم كمدافع اخطاو قاتله بس في النص معلم بيتحرك الميدان كلو واللاعب الوحيد في لعيبة نص الهلال البيعرف يتحرك بدون كورة وفي اي حته في الميدان بتلقاهو والسنه كلها فاتح تقول بتاع دكان بيقطع الكوره صاح وبجيب اقوان
|
Post: #24
Title: Re: لاعبين اتنين مظلومين شديد في الهلال والمريخ
Author: omer osman
Date: 09-27-2010, 02:04 PM
Parent: #23
| Quote: السعودي لاعب مهرجانات و وقت الحوبه وضد الفرق الكبيره ما بتلقاهو |
عااادي يامرتضي اللاعب ممكن ما يتوفق في مباراة او اتنين .........
لكن عدد الاهداف الاحرزه عبدالحميد قياساً بعدد الدقائق واكرر الدقائق ليس المباريات كبير جداً .......
معدل التهديف لديه عالي ........... ولاتنسي انو هداف سيكافا للشباب قبل كده يعني حتى في اللعب الافريقي القوي ممكن يجيب اقوان ..........
|
Post: #25
Title: Re: لاعبين اتنين مظلومين شديد في الهلال والمريخ
Author: صلاح أبودية
Date: 09-27-2010, 03:01 PM
Parent: #24
| Quote: لاعبين اتنين مظلومين شديد في الهلال والمريخ |
فعل إعلام المريخ فعلته بالنعيم فى الهلال
كما فعل إعلام الهلال فعلته بوارغو فى المريخ
فهنيئاً للعملاقين !!
|
Post: #27
Title: Re: لاعبين اتنين مظلومين شديد في الهلال والمريخ
Author: cantona_1
Date: 09-27-2010, 03:08 PM
Parent: #25
يا عمر عثمان وصلاح أبو دية .. في إنجلترا في Scouts مقتنعين بموهبة اللاعب السوداني لكن بقولوا ما عندهم إخباريات أو معلومات عن اللاعبين الكويسين. واحد قال لي بالحرف الواحد: كيف يحترف لاعبون من نيجيريا وساحل العاج وغانا وتوجو بإنجلترا ولا يوجد بينهم لاعب واحد من السودان؟ أنا أعرف السودان به مواهب ممتازة وتحتاج لشوية صقل وتدريب و Removal of bad habits بس نحن ما عارفين عنهم حاجة... Can you help? . قلت له أهلبك كان الله أراد. لو ممكن تساعدونا يا جماعة الخير عشان ننفع الوليدات ديل وبالمرة ننفع السودان الحبيب.
كبـَّـاشي الصــَّافي
|
Post: #26
Title: Re: لاعبين اتنين مظلومين شديد في الهلال والمريخ
Author: محمد البشرى الخضر
Date: 09-27-2010, 03:04 PM
Parent: #24
سلام جنابو ...
سيف فعلا لاعب مدربين ولاعب جوكر لكنو ما ممكن تقول عليه مظلوم بنفس طريقة السعودي
سيف كل المدربين بجيبوه اساسي ما زي السعودي الإتجاهلو مازدا لفترة طويلة و كاربوني كمان
الجمهور مدرك لأهمية مساوي في التشكيلة رغم الكواريك و الهيجة في باصاتو الخاطئة ودا عيب مساوي بالاضافة لحبو للعب الطويل للمهاجمين
لكن ما مظلوم ابدا
_____________________
مرتضى ... | Quote: والسنه كلها فاتح تقول بتاع دكان |
لا حولا
نجّمتو وجبت آخرو .. قول ما شاء الله
|
Post: #28
Title: Re: لاعبين اتنين مظلومين شديد في الهلال والمريخ
Author: cantona_1
Date: 09-27-2010, 03:15 PM
Parent: #26
اللاعبون الذين يستخدمون أرجلهم الشمال يعني (عُسُر أو شُوُل) ديل مطلوبين بشدِّة هنا. وذلك لندرتهم في إنجلترا عموماً خاصة وسط اللاعبين الإنجليز. ولهم ميزة هي: أنّ اللاعب الإنجليزي في العموم لا يقدر على مجاراة اللاعب الأشول.. ما شايفين دروقبا العاجي عامل فيهم عمايل كيف؟ موهبة وزادت عليها أنه أشول. في مباريات كأس أوروبا في التسعينيات قابلت أنجلترا مشكلة باك شمال وونق شمال. واستعانوا بلاعبين عاديين في خانة الباك الشمال. كانت لهم مباراة ضد سلوفينيا وكان فريق سلوفينيا به 6 لاعبين شُوُل. مذيع البي بي سي BBC علّق قائلاً: معقول يا جماعة بلد فيها 60 مليون ولا نجد بها 2 شُوُل. وبلد بها 3 ملايين وبها 6 لاعبين شُوُل في الميدان. دي مصيبة. ساعدونا يا شباب الله يديكم العافية.
كبـَّـاشي الصــَّافي
|
Post: #29
Title: Re: لاعبين اتنين مظلومين شديد في الهلال والمريخ
Author: خالد العطا
Date: 09-27-2010, 05:36 PM
Parent: #28
كانتونا
سلام
| Quote: أرجلهم الشمال يعني (عُسُر أو شُوُل) ديل مطلوبين بشدِّة هنا. وذلك لندرتهم في إنجلترا عموماً |
ارشح ليكم موسى الزومة بس انت اديه اعلام شوية عندكم في انجلترا
|
Post: #30
Title: Re: لاعبين اتنين مظلومين شديد في الهلال والمريخ
Author: cantona_1
Date: 09-27-2010, 05:42 PM
Parent: #29
| Quote: ارشح ليكم موسى الزومة بس انت اديه اعلام شوية عندكم في انجلترا |
الأخ خالد العطا .. سلامات .. الجماعة هنا طلبوا مني معلومات عن اللاعبين الذين سأرشحهم .. في المرحلة دي عاوز الأسماء وبعدين بقوم بجمع المعلومات .. لأنني بصراحة كدا ما شفت كورة سودانية في العشرين سنة الأخيرة دي. عشان كدا بسمع بلاعبين لكن ما شفتهم. مرات بقرأ عنهم في الصحف لكن طشاش طشاش. تحياتي.
كبـَّـاشي الصــَّافي
|
Post: #31
Title: Re: لاعبين اتنين مظلومين شديد في الهلال والمريخ
Author: ارصد محمد جلال
Date: 09-27-2010, 06:41 PM
Parent: #30
سيف مساوي
وسعيدالسعودي
ونصر الدين الشغيل
ماعندهم التكتح ...
|
Post: #32
Title: Re: لاعبين اتنين مظلومين شديد في الهلال والمريخ
Author: معتصم الجمري
Date: 09-28-2010, 02:04 AM
Parent: #11
الاخ / عمر .. لك التحية وكل عام وانت بخير والاسرة الكريمة .. والمولود مبروك ويتربى في عزك
الخرفان دي كانت في اضراب ولا شنو في اجازتنا .. ههههههه .. اخونا طارق يستاهل الضبيحة . اكيد
نرجع لموضوعك .. مافي لاعب اسمو جوكر .. بالله عليك شفت ليك لاعب جوكر أو لاعب كسلان في نجوم العالم ديل كلهم .. الجوكر ممكن يكون في الهجوم او الوسط او الدفاع كل لاعب حسب خانتو ... والكسلان ده مفروض يكون ما ليهو وجود في الميدان .. ياخي نحنا ناقصنا كتير خلاص في موضوع الكورة دي عشان كده احسن نشوف لينا موضوع تاني ... بالله عليك هسع لو اي لاعب سوداني اتفرج في كاس العالم الاخير ده وشاف اي لاعب في خانتو بعمل شنو وعمل زيو كان انصلح الحال شوية .. لكن نقول شنو .. الفهم قسم .. وياريت نعمل لينا بوست لموضوع كورتنا دي .. كورتنا شينة .. عسى ولعل تنفع بدل المهازل دي .. زمان الناس كملو عممهم .. هسع الناس بقت تكمل عمرها في الكورة دي .. عشان كده شوفو ليها حل
هههههه .. مجرد رأي
نلتقي
|
Post: #33
Title: Re: لاعبين اتنين مظلومين شديد في الهلال والمريخ
Author: omer osman
Date: 09-28-2010, 06:42 AM
Parent: #32
Quote: الاخ / عمر .. لك التحية وكل عام وانت بخير والاسرة الكريمة .. والمولود مبروك ويتربى في عزك
الخرفان دي كانت في اضراب ولا شنو في اجازتنا .. ههههههه .. اخونا طارق يستاهل الضبيحة . اكيد
نرجع لموضوعك .. مافي لاعب اسمو جوكر .. بالله عليك شفت ليك لاعب جوكر أو لاعب كسلان في نجوم العالم ديل كلهم .. الجوكر ممكن يكون في الهجوم او الوسط او الدفاع كل لاعب حسب خانتو ... والكسلان ده مفروض يكون ما ليهو وجود في الميدان .. ياخي نحنا ناقصنا كتير خلاص في موضوع الكورة دي عشان كده احسن نشوف لينا موضوع تاني ... بالله عليك هسع لو اي لاعب سوداني اتفرج في كاس العالم الاخير ده وشاف اي لاعب في خانتو بعمل شنو وعمل زيو كان انصلح الحال شوية .. لكن نقول شنو .. الفهم قسم .. وياريت نعمل لينا بوست لموضوع كورتنا دي .. كورتنا شينة .. عسى ولعل تنفع بدل المهازل دي .. زمان الناس كملو عممهم .. هسع الناس بقت تكمل عمرها في الكورة دي .. عشان كده شوفو ليها حل
هههههه .. مجرد رأي |
معتصم الجمري ...... ياخ الشوق بحور
طبعاً يامعتصم رأيك ده ما مجرد رأي ......
ده كلام زول خبير ولاعب يشار له بالبنان ... حتى وان لم تلعب في الهلال او المريخ .......
المقارنة بين كورتنا وكورة كأس العالم ظالمة للاعبي السودان .......
شنو عندنا البشبه العند الدول المتقدمة عشان كورتنا تشبه كورتكم ........
على العموم المشوار لسه طويل قدام السودان في كافة المجالات .......
|
Post: #34
Title: Re: لاعبين اتنين مظلومين شديد في الهلال والمريخ
Author: معتصم الجمري
Date: 09-29-2010, 09:56 PM
Parent: #33
الاخ الحبيب عمر
لك التحية .. وشكرا للاطراء
ياخي انا بعرف انك رجل ذو عقل راجح وراجل فاهم واداري محنك .....
اولا : في كاس العالم الاخير كانت غانا قريبة جدا من التاهل لدوري الاربعة الكبار لولا سوء الطالع وظهرت بمستوي ممتاز وايضا ساحل العاج .. غانا وساحل العاج والسودان .. دول اقتصادياتها زي بعض ولا شنو ؟؟
ثانيا : انا اعرف في ساحل العاج اكاديمية لكرة القدم وتخرج منها دروغبا وغيره من اللاعبين المحترفين في الاندية الاوربية .. والاكاديمية دي على صلة مباشرة بالوسطاء الاوربيين ( مكاتب كشف اللاعبين )
ثالثا : في وزارة الرياضة الغانية هناك إدارة خاصة برعاية المواهب وايضا على صلة بالوسطاء الاوربيين .. والوسطاء ديل الفي ايديهم تسجيلات وتنقلات النجوم للاندية الكبيرة
هل تعلم يا جنابو ان رونالدو الظاهرة ولد في منطقة بينيتو ريبيريو في ولاية ريو دي جانيرو في البرازيل وهي منطقة فقيرة جدا ولم يذهب للمدرسة لفقر اسرته .. اها رايك شنو ؟؟؟
وفي افريقيا التعبانة دي لاعبين على سبيل المثال : دروغبا واسيان ويحي توريه وكيتا وغيرهم .. لكن التخطيط السليم وعدم الخلافات بين الاداريين وحاجات انت عارفها .. وصلتهم للعالمية ونفعوا بلادهم ... نقول شنو ؟؟
بالله عليك يا عمر .. شفت واحد من وزارة الشباب والرياضة السودانية او من إدارة الهلال او المريخ او اي نادي سوداني بعرف طريق الوسطاء ديل ولا عندو اي فكرة عنهم ؟؟؟؟؟؟؟
ان شاء تبقى رئيس الاتحاد السوداني عشان نشوف السودان في نهائيات كاس العالم.. قول آمين ... منتظرنك ...
عيبك انك الماني مريخابي .. ههههههه
نلتقي
|
|