مرحــب سلفاكير على ضوء هذه الرؤى ( تكامل تبادل مصالــح )

مرحــب سلفاكير على ضوء هذه الرؤى ( تكامل تبادل مصالــح )


07-10-2011, 09:34 PM


  » http://sudaneseonline.com/cgi-bin/sdb/2bb.cgi?seq=msg&board=461&msg=1324506405&rn=0


Post: #1
Title: مرحــب سلفاكير على ضوء هذه الرؤى ( تكامل تبادل مصالــح )
Author: بدر الدين اسحاق احمد
Date: 07-10-2011, 09:34 PM

نحو حدود آمنــه ومرنــة مع دولة السودان الجنوبــى


مقال ..

((حدود آمنــة و مرنــة تضمن حركة تجاريـة ورعويــة وإجتماعية )) السيد رئيس الجمهورية الرأى العام 7/2/2011م


حين أطلق السيد رئيس الجمهورية هذا النداء هـل كان يبحث عن رؤيــة إستراتيجية للحدود بين دولتى السودان والسودان الجنوب تلبى مصالح الدولتيــن وشعوبهما ..
حين اطلق السيد رئيس الجمهورية هذا النداء الى من كان يستهدف هذا الخطاب الى فريق التفاوض السودانى ام الى المفكرين والباحثين للبحث عن صيغ تحقيق هذا النداء فى اشكاله المختلفة ام كان هذا النداء موجــه الى قادة وقيادات السودان ام الى مؤسسات المؤتمر الوطنى الحزب الحاكم ام كان يرنو ببصره نحو القادة الافارقة خلف الحدود.
معطيات ..
 البيئة الجغرافية لها دور اساسى فى ( الاستقرار / عدم الاستقرار ) السياسي والامنى على طول الحدود الجنوبية للسودان والحدود ا الشمالية لدولة السودان الجنوبــى .
 الموارد الاقتصادية فى الحدود المشتركة متنوعــة ومهولــة وذاخرة لكنها لم تشكل مصدر قوة للدولتين
 .طول الحدود التى تمتد لاكثر من 2000كيلو متر تمثل معطى جيوبوليتكى لا يمكن العمل بمعزل عنه.
 يستمد موضوع الحدود اهمية كبرى من افرازه لواقع سياسي جديد على مستوى الحراك السكانى بنشاطه الاقتصادى والاجتماعى والثقافــى
 .بروز قضايا المصير المشترك للمكونات الاجتماعية على طول الحدود بين الدولتيــن
إهتداءاً بنداء السيد رئيس الجمهورية فلننظر الى المكونات التالية:
• تداخل الحراك السكانى والنشاط الاقتصادى والتجارى المتداخل عبر تلك الحدود سيظل يشكل اكبر ( دعامة / مهدد(.
• لتحقيق المصالح المشتركة (للدولتين ) فى ظل التوظيف الامثل لهذا المكون الجيوبوليتكى .
• تظل الحدود المفتوحــة خيارات مفتوحــة لتحقيق وتلبية مصالح الافراد تقنن فى اطار قانونى تظل هى بارقـة امــل لبناء تحقيق مفهوم الحدود الامنة والمرنــة
• ويظل السؤال هل يمكن البحث عن آليــة لتحقيق التواصل بين الكيانات الاجتماعية لسكان المناطق الحدوديةبما لايتعارض مع سيادة كل دولــة ) إتفاقية الحريات الاربع مع مصر نموذجاً ) بصورة تتناسب مع السكان فى تلك المناطق
• .هل يمكن ان تصبح الحدود منطقة منزوعة السلاح لمسافات تقدر ما بين ( 30 -50 ) كيلو أسوة بمصر واسرائيل . فى منطقة سيناء .
• فلنبحــث عن مستقبل الاجيال القادمة فقد جرت كثير من المياه فوق الجســر .

مشكلة حدودنــا السياسية انها تم التوافق عليها توافق سياسي مع إغفال معطيات رئيســة تتمثل فى الاتى :

 ان اصل هذه الحدود تشكل وفقاً لتشكيل المستعمر البريطانى الذى رسم تلك الحدود وفقاً لمصالحه الاستعمارية.
 الاسس التى تبنئ عليها الحدود السياسية للدول :
الحدود التي تقوم على الظواهر الطبيعية كفواصل بين الدول
 .الحدود التي تقوم على الفصل بين الجماعات البشريــة المختلفة ( إثنياً، ثقافيا دينياً).
 الحدود ذات البعد الهندســى .

ويظل يتردد سؤالاً هاماً يمكن من خلال الاجابة عليه معرفة خارطة الطريق لتحقي الرؤية الاستراتيجية التى بحث عنها السيد رئيس الجمهورية ..
ما هى الاسس التى بنيت عليها الحدود السياسية بين دولتى السودان والسودان الجنوبى ومن الذي شكل فى رسم وتخطيط تلك الحدود؟

Post: #2
Title: Re: مرحــب سلفاكير على ضوء هذه الرؤى ( تكامل تبادل مصالــح )
Author: محمد المسلمي
Date: 07-10-2011, 09:54 PM
Parent: #1

ياشيخ بدر الدين السلام عليكم الناس ديل زي الحسكنيت تطلعوا من الجلابية تلقي في العمة ومابقدروايعيشوا من غيرنا وربنا يكون في عوننا

Post: #3
Title: Re: مرحــب سلفاكير على ضوء هذه الرؤى ( تكامل تبادل مصالــح )
Author: بدر الدين اسحاق احمد
Date: 08-10-2011, 09:47 PM
Parent: #2

Quote: الناس ديل زي الحسكنيت تطلعوا من الجلابية تلقي في العمة ومابقدروايعيشوا من غيرنا


نحن برضو يا حاج محمد يصعب علينا التخلى عنهم ...
فدونك رحلة الخريف والصيف عند اهلنا االبقارة


تكامل مصالح
تبادل مصالخ
رعاية مصالح
لا خيار لنا سوى ذاك ...






ترمة ( فتح كرين سيارات فى الرنك كويس معاك )

Post: #4
Title: Re: مرحــب سلفاكير على ضوء هذه الرؤى ( تكامل تبادل مصالــح )
Author: شول اشوانق دينق
Date: 08-10-2011, 10:24 PM
Parent: #3

Quote: ياشيخ بدر الدين السلام عليكم الناس ديل زي الحسكنيت تطلعوا من الجلابية تلقي في العمة ومابقدروايعيشوا من غيرنا وربنا يكون في عوننا


ود المسلمي يا محمد شايفك حايم بتعليقك الفوق ده وفرحان بيه فرح شديد!
يا محمد الحكاية ما كده صدقني ولو بتفهم سياسة زي بدر الدين ده الكلام ده ما كنت قلت كده.

حسكنيت شنو ولالوب منو يا محمد!؟ الله!


Quote: نحن برضو يا حاج محمد يصعب علينا التخلى عنهم ...
فدونك رحلة الخريف والصيف عند اهلنا االبقارة


تكامل مصالح
تبادل مصالخ
رعاية مصالح
لا خيار لنا سوى ذاك ...


يا شيخ بدر الدين الكلام الفوق ده لو قلتو بدون الوجه الضاحك التبع المداخلة كان شكلو بيكون جادي شوية ولكن ....

غايتو لكم ما ترونه مناسباً وللآخر أشياءه ورؤاه.


تحياتنا الشديدة واشواقنا الحارة لكلاكما.


سلام

________________
Quote: ترمة ( فتح كرين سيارات فى الرنك كويس معاك )

ما ظنيت يا بدر الدين محمد ده يفكر فكرة ذي الكرين مع الحسكنيت الفي الرنك والحلال المجاورة ... أصلم ناس الرنك ديل شافوا العربات وين كمان؟!.

Post: #5
Title: Re: مرحــب سلفاكير على ضوء هذه الرؤى ( تكامل تبادل مصالــح )
Author: بدر الدين اسحاق احمد
Date: 09-10-2011, 09:44 PM
Parent: #4

Quote: تحياتنا الشديدة واشواقنا الحارة لكلاكما


اووووووو اخونا الخبير من الشقيقة دولة جنوب السودان
الاشواق لا تجد وعاء يسعها ...
مكانك شاغر وسيظل شاغراً حتى يلتئم شملنا فى هذه الدنيــا


_________

انت عارف انو البزنس ما عندو عدو ولا صديق مكان ما بينمو ويتضاعف بتلقاهو ساكن
فما تشيل هم ود المسلمى دا طوالى جاهز لعمل (كرين الرنك للعربات وارد كوريا )
يا شول الله يقدرنى الكلام الفوق دا انا اعمل فيهو دراسة علمية اكاديمية عما قريب
لاقول عبرها ان لا خيار لنا ولكم الا بأن نكون معاً ..
قبل اهل السياسة ام رفضو
الحراك الشعبى اكبر واقوى من اى حراك ..





________

إنتو بس كترو اللالوب

Post: #6
Title: Re: مرحــب سلفاكير على ضوء هذه الرؤى ( تكامل تبادل مصالــح )
Author: بدر الدين اسحاق احمد
Date: 10-10-2011, 02:02 PM
Parent: #5

فما هى المصالح لدولة السودان الجنوبى فى دولة السودان :

* منفذ بحــرى للصادر والوارد
* رعاية الدولة الوليدة
* تكامل اقتصادى
* استبباب الامن الداخلى ومنع التفلتات الامنية
* العمل لازالة احتقان تاريخى للعلاقات بين الشمال والجنوب


فما هى مصالح السودان فى دولة الجنوب :

* التكامل الاقتصادى ( خاصة فى بترول الجنوب )
* عدم تصدير ودعم الحركات المسلحة الشمالية
* فض الشراكة مع الحركة الشعبية قطاع الشمال
* تمسك دولة الجنوب بمصالحها كدولة قومية دون العمل على تنفيذ مصالح الدول الاقليمية والدولية .
* حدود امنة
* الا يكون الجنوب قاعدة عسكرية للدول الكبرى


والخ ..