أخيرا البشير عقب الحج يعترف بملابسات ما حدث منذ سبتمبر الماضي وبوضوح غير معهود!!!

البشير قال:

لما المتظاهرين خرجوا بصورة سلمية رشيناهم بغاز الأعصاب ,

ولمان شفنا أعصابهم قوية قتلناهم لكن يا خسارة ! في واحدين جروا وما لحقناهم بس في بعض منهم لحقناهم قدام خشم باب بيتهم وكتلناهم عشان يكونوا عبرة !

علي اليمين العدد المات كتير خلاص ! لكن نحنا قلنا لوسائل الاعلام تقول الماتو سبعة أشخاص بس !

وكنا محضرين سواطير وشوية من الشماسة وناس الأمن بتاعننا عذبوهم وجلدوهم وقالوا ليهم تقولوا نحنا كنا عاوزين نسرق الهوت دوق من بعض أبناء الشعب ولما قاومونا قتلناهم !

وكمان برضو يقولوا ناس جناح عبدالواحد والعدل والمساواة برضهم كانوا بيسرقوا في الموز ولما الناس دافعوا عن موزهم ناس عبدالواحد قتلوهم بالسواطير بس !
والناس الماتو ديل كلهم اتحدى أي زول يقول ماتوا بطلقة ! نحنا زاتنا ما عندنا سلاح ! لو كان عندنا سلاح كنا قمنا بغزو لاسرائيل الكترت المحلبية دي !
وانا هسع من حجتي دي أبشرهم بقتل أكبر عدد من أبناء الشعب عشان يعم الرخاء , طبعا البيموتوا ديل بيوفروا علينا التموين ! ويمكن دا يؤدي الي اعادة الدعم !
لكن يا اخي والله قناة العربية دي معذبانا شديد ,بالاضافة لمناضلي الخارج , وانا قلت لنافع يقدم ليهم كلهم دعوة للعودة للوطن عشان يناضلوا من جوه ونشوفهم , وفي الآخر نعمل ليهم كمين نقتلهم واحد واحد زي السمبر في الخريف !
بس المشكلة زي ما قلت ليك مشكلة قناة العربية دي ما عارفين نسكتهم كيف ! انت ما صحفي ماك عارف عنوانهم ممكن نرسل ليهم الخطة ب في محلهم !

ست البنات.