Post: #1 Title: نزل راسك انت سوداني Author: عباس الدسيس Date: 08-05-2013, 10:45 AM
حكاية خضوري أي زول من مدني بعرفا..... خضوري شخصية رياضية بمدينة مدني سمي بهذا الاسم كل ملابسه خضراء حتي العجلة بتاعتو لونها اخضر وفي السرج الخلفي للعجلة توجد قفة لونها اخضر. اشترك في الاولمبياد في نشاط الملاكمة وللحقيقه الراجل عضلاتو تبش غير الملاكمة بتاع حمل اثقال. يوم الجولة بتاعتو اتلمو السودانيين للتشجيع الراجل وقع ليهو مع واحد من الاسيويين العيونم صغار انطط زي كورة التنس لما ليك في خضوري طااااخ طااااخ باليمين بالشمال وكما يقال في الروايات خلاهو شاف النجوم نص النهار، خضوري وقع في الواطه من الجولة الاولي بالضربه القاضية. المشجعيين السودانيين..... يا خضوري قوم ارفع راس السودان،،،،،، قال ليهم: أنا قادر ارفع راسي عشان ارفع راس السودان. غ ايتو يا عمر البشير قالو البباري الجداد..... مصيبتنا انت رئيس دولتنا. اثبت للعالم ، السوداني الجري حقو من حكاية نيجيريا ،وماك اخو بنات لو اخو بنات ما بترجع زليل منكسر بعد كرشت السعودية ليك اما اذا جينا لي المشنقة والمدفع السكلي قاطعه قلبك ومخلياك ترجف وتتزاوغ بالبلدان من قرار اوكامبو والنوم طاير من عينيك لو عايز تمشي قطر القريبة تتلبت من مطار لي مطار في رحلة تمويهيه. بي عمايلك البتعمل فيها وفضايحك الكل يوم مباريانا ما شوفنا ليك عزة ويا حليل السوداني البقولو فيهو: يا خواني البنات الجري ده ما حقي ... حقي المشنقة والمدفع اب سكلي حالف باليمين اعز بنات اهلي نرجع لي حكاوي مدني تاني وحي الدباغة وفريق فلاتة . كنا بنقرأ في خلوة سيدنا عندي صديق عزيز من فريق فلاته إسمو ((حياة)) طوالي بنكون قاعدين في البرش جمب بعض الخلوة خلقت بيناتنا صداقة وعشان الصداقة تتأطر صاحبي قدم لي دعوة زيارة في فريقهم ناكل اقاشي ونلعب دافوري (( كرة الشراب)) بعد الغذاء مشينا نلعب الدافوري تمت القسمه هو في فريق وانا في فريق حسب قوانيين الدافوري تجدع الكوره فوق وتبدأ اللعبه.... نطيت اشيل الكوره الراجل العزمني وصديقي ضربني من رجلي تحت وقعت علي راسي في الواطه غبته عن الوعي كم ثانيه شفتا فيها النجوم اضني صنن فتحته لقيت صاحبي حياة الضربني قلته ليهوا بي حنيه ده شنو يا حياة؟؟؟؟ قال لي انت شوفتتتتتا حاجه يا أباس ده مناظر الفلم لسع.... خلاس الجماعه قبلو عليك يا عمنا شيل شيلتك والله استر علينا احنا.
اصلا نحن ما قعد نرفع راسنا لا عند الحلاق وبأمر منه طبعا
في سنة 2005 عندما زار بابا الفاتكيان السودان من ضمن التكريم الضخم والفخم نصب له صليبا عملاقا في الساحة الخضراء ناس احتجت وانصار السنة قالوا كيف دولة اسلامية تمجد الصليب وكلام كتيير قالوه في آخر الليل سوى
اصلا نحن ما قعد نرفع راسنا لا عند الحلاق وبأمر منه طبعا
في سنة 2005 عندما زار بابا الفاتكيان السودان من ضمن التكريم الضخم والفخم نصب له صليبا عملاقا في الساحة الخضراء ناس احتجت وانصار السنة قالوا كيف دولة اسلامية تمجد الصليب وكلام كتيير قالوه في آخر الليل سوى
واحد مسطول قال خلوه عشان يعرف صليبنا طالع كيف ..
Post: #8 Title: Re: نزل راسك انت سوداني Author: سيف اليزل سعد عمر Date: 08-05-2013, 06:13 PM Parent: #7
ود الدسيس
بقينا نتلبد من حيطة لحيطة عشان ما يقولوا داك سودانى
غايتو نحنا فى اوروبا ما بفرزونا بسهولة وبقولوا عليك صومالى، الكلام انتو ناس السعودية،،
تعرف يا عبس ناس الانقاذ ديل فعلن بلعبوا دافوري .. وعجاجو قايم للسماء ما تعرف الهجوم من الدفاع من الاجنحه ... كبسيبه شديده وكلهم ساكين كورة الشراب ... والغريبه مافي أي اهداف تدخل ... كورتم .. فاكه للطيش .... عشان كدا .. ما نشتغل بيهم بالمره .. وسوف نرفع راسنا فووق ... وعمرنا ما حنطاطي .. بسبب دافوري زايل وان شاء الله .. عهد الرابطات والدرجه الاول والممتاز قريباً ... وبرضو سنرفع راسنا .... والكوره مدوره .....
وضاحة وضاحة السرور والهناء أكتر من الشعب المصري الكان ما برضى في الرئيس حسني أهو حسني راح ونحنا في جنس الطمله دي قدر ما نقرف تجينا خاشه من جحر تأني تطلع دبائب تقع فينا لدغ أها شن قولك لمتين نصبر علي جنس اللدغ دا ولا نضرب الثكليب إجونا ناس الفزعه ناطين شي ناتو شي الكوماندوز وش أسطول عاشر أستطول تلاطاشر وصواريخ طويل وقصيره ومتوسطه وعابره في الوقت داك ترترب نرفع راسنا لقعر السماء دحين دا كلام
Quote: في سنة 2005 عندما زار بابا الفاتكيان السودان من ضمن التكريم الضخم والفخم نصب له صليبا عملاقا في الساحة الخضراء
الاخ درديري: هل المعلومة اعلاه صحيحة؟ اعتقد ان البابا الوحيد الزار السودان هو يوحنا بولس الثاني سنة 1993م و الشخص الذي تقصده ربما هو رينهارد بونكي و هو قس الماني وعلى ما اعتقد انجيلي و ليس كاثوليكي.
شكرا عباس الدسيس على هذا الخيط الجميل!
Post: #14 Title: Re: نزل راسك انت سوداني Author: عثمان جاد الله بخيت Date: 08-05-2013, 10:19 PM Parent: #13
ود الدسيس تحياتي وكل عام وانت والاسرة الكريمة بألف خير
ما يهمك يا دسيس ..ز ما يهمك يا سوداني ... غمه وح تزول قريبا باذن الله ... وان شاء الله نرفع راسنا فوووووووووووق بس المره دي مفروض مفروض نكون استفدنا من الدرس القاسي العاشو الوطن وشعبه لمدة 24 سنه.
حبيبنا مجاهد محمد الهادي سلام وتحية كل عام وانت بخير البلد حالها بقي لا يسر عدو لا صديق حكومة السجم بتاعتنا عشان تكون قاعده لا يهمها مواطن بالسودان ولا يهمها مواطن خارج السودان ليس لهم قراءاة لواقع السياسية الدولية . فيما يخص ايران والسعودية: إيران تهدد أمن دول الخليج العربي تحرض للطائفية وتنشر الجواسيس وتستهدف المملكة،بداية من أحداث مكة بالحرائق والتسميم للحجاج، وغارة ثلاث طائرات استهدفت منشآت الجبيل والتي أسقطتها الطائرات السعودية، محاولت قتل السفير السعودي في أمريكا عادل الجبير،واخيرا القبض على خلية الجواسيس. هنالك عقدة فارس مع العرب، والسنة مع الشيعة والتي هي شعار لغطاء عودة الإمبراطورية الفارسية التي عجز التاريخ عن انتزاعها من الذهنية الإيرانية على مدى مئات السنين وعشرات أو مئات الأجيال.. طيب احنا مالنا ومال المعمعه دي وبكل غباء من رئيس دولة واجهزته الامنية يتم تاجير طائرة سعودية وبكل سفالة الطائرة تطلب عبور الاجواء السعودية ليه عشان تمشي ايران..... بالله شوف تحياتي وتقديري
Quote: نتأسي بقول محمود محمد طه شعبا عملاق يحكمه اقزام ونظل نرفع رأسنا ,, نشوفو فات ولا قاعد ! وتحية لك عباس
الوجيه عبدالحفيظ ابوسن كل عام وانت بخير دي المصيبه الكبري الناس حصل ليها ايه ما تعرف رغم الظلم والجور والقتل منتظرين طامة تجي تشيلهم او امريكا تحن علينا وتنزل المارينز ونافع وعصبته ابرطعو واللمبي شغال معانا بالنظر والشعب كلو كما كنت ... تحياتي تقديري
أخشى أن تكون المعادلة الصحيحة هي: شعبٌ قزم يحكمه أقزام كيف لا ، ما دام الشعب عايز الزول دا يمشي براهو (على كيفو) والبيستحق الرفع هو عبارتك اللماحة هذه
شعب كسلان ، و .... كمان
حبينا أحمد ابكر سلام وتحية وتري الناس سكاري وما هم بسكاري..... البلد زي الفيها يوم القيامة اي زول اقول انفد بجلدي وهم في غيهم يعمهون..... نخلي عندنا بصيص امل (( لكل ظالم نهاية...)) امكن الفرج اجينا من حيث لا ندري. تحياتي وتقديري
الاخ/عباس الدسيس كل سنة وانت طيب. قابلت في مناسبة ما فتاة يابانية، طالبة علاقات دولية. وبادرتني بالسؤال عن بلدي فقلت لها السودان.قالت لي نحن في الجامعة لدينا موضوع بحث عن السودان كنموذج لـ "الدولة الكارثية". لم اسألها عن مواصفات تلك الدولة ولكن تصورت انها : الدولة التي تفتقر إلى مقومات الإستقرار بفعل الصراعات المسلحة المستمرة، وما تفرزه من مآسي مرهقة ومؤرقة للضمير الإنساني، حيث تهب المنظمات التطوعية والإنسانية من الدول التي هي " تحت حذاء البشير" لتضميد جراح النازحين. وهي الدولة التي يستشري فيها العنف المجتمعي والفساد والعنصرية والمحاباة والنعرات القبلية.وهي الدولة المعطوبة في مؤسساتها الخدمية حد الشلل وفوق هذا وذاك لا يتمتع رئيسها بأدني قدر من الحس الإنساني ولا الإحساس بالمسؤولية تجاه رعايا الدولة وهيبتها.! اصبحت كل ما التقيت هذه الفتاة ينتابني إحساس بالذنب كما لو كنت مشاركا في الفتنة الكبرى ومصارع آل البيت!) محبتي
Post: #19 Title: Re: نزل راسك انت سوداني Author: عباس الدسيس Date: 08-06-2013, 09:39 AM Parent: #18
Quote: في الصميم يا عبس
اصلا نحن ما قعد نرفع راسنا لا عند الحلاق وبأمر منه طبعا
في سنة 2005 عندما زار بابا الفاتكيان السودان من ضمن التكريم الضخم والفخم نصب له صليبا عملاقا في الساحة الخضراء ناس احتجت وانصار السنة قالوا كيف دولة اسلامية تمجد الصليب وكلام كتيير قالوه في آخر الليل سوى
واحد مسطول قال خلوه عشان يعرف صليبنا طالع كيف ..
ابو الدر يا صديق اخبارك والاسرة الكريمة الناس ديل ما عندهم رحمة ولا بخلو رحمة الله تنزل علي الناس والمثل البقول (( جو اساعدوهو في دفن ابوهو دسه المحافير)) ينطبق علي الناس ديل بلد سجموها ورمدوها بعد كده اقولو ليك ما عايزين منظمات دولية لانو بتاعت تجسس والمنظمات تساسك فيهم عشان ادوها تصريح للعمل بالاغاثة والحكومة ترفض .... من الله خلقك سمعته بي كلام زي ده. بعدين إتجسسو علي شنو لو سألنا روحنا السودان ملان مفاعلات نوويه ...??? ناس مساكين الحروب الما عندهم فيها لا ناقة ولا جمل شردتهم في الخلاء بدون مأوي أو أكل. لاحظ في دارفور من الجنينه لي زالنجي خلاء صقيع غير الفرقان الصغيرة والقري المبنيه بالقش ما تلقي حاجة اقولو ليك تجسس وعمر البشير شخصيا شوف جورج كلوني عمل معاهو شنو:
جورج كلوني يتبرّع بأمواله للتجسّس على عمر البشير المتهم بإرتكاب جرائم حرب بعيداً عن عمله كممثل، قرر النجم جورج كلوني التبرع بالعائد المالي الذي حققه من مشاركته في إحدى الحملات الإعلانية الخاصة بأحد أنواع القهوة من أجل المساعدة في تمويل برنامج "القمر الصناعي" الذي ابتكر لمراقبة رئيس السودان، عمر البشير، المتهم بارتكاب جرائم حرب في لاهاي. وصرح كلوني في بيان تعليقاً على مبادرته، قائلاً: " سأتبرع بكل المال الذي حصلت عليه من تلك الحملة الإعلانية من أجل توفير أقمار صناعية توضع على حدود شمال وجنوب السودان لمراقبة عمر البشير". وأضاف كلوني في البيان الذي نشرته صحيفة "الغارديان" البريطانية:" نعم سأتجسس عليه، سأراقبه بالكاميرات، مرحباً بك سيد عمر في حياتي، سأعطيك اهتماماً كبيراً مشابهاً بالذي أحظى به حول العالم". وكان النجم جورج كلوني من الناشطين الذي حاولوا إنهاء حكم عمر البشير في السودان، وابتكر مشروع المراقبة بالأقمار الصناعية لتعقب تحركات الجيش السوداني، ولتحذير المدنيين قبل الهجمات. يذكر أنه تم إلقاء القبض على جورج كلوني في مارس 2012، بعدما شارك في مظاهرة احتجاجية أمام سفارة السودان في واشنطن للتنديد بحكم البشير وبالممارسات الوحشية التي يتعرض لها الشعب السوداني من قتل واغتصاب. شاهد المحتوى الأصلي علي الفجر الفني - جورج كلوني يتبرّع بأمواله للتجسّس على عمر البشير المتهم بإرتكاب جرائم حرب
المسألة ما عايزه ليها زول ماشي بي رجليهو وسط الناس بوزع في الاكل عشان اتجسس !!!!!! وهذه هي قصتنا مع ناس الصليب.... تحياتي وتقديري
Post: #20 Title: Re: نزل راسك انت سوداني Author: عباس الدسيس Date: 08-06-2013, 09:54 AM Parent: #19
Quote: ود الدسيس
بقينا نتلبد من حيطة لحيطة عشان ما يقولوا داك سودانى
غايتو نحنا فى اوروبا ما بفرزونا بسهولة وبقولوا عليك صومالى، الكلام انتو ناس السعودية،،
رمضان قرب ينتهى
نقول ليك كل سنة وانت طيب
سيف اليزل سعد يا حبيبنا اخبارك... وكل عام وانت بخير احنا هنا روحنا طالعة تعرف بعد حكومة السجم مرمدانا لمت لينا مجرمين دول الجوار وادتهم جوازات عادي تلقي الجرايد طالعه ليك بي جريمة قدر الضربة عاملها سوداني ولما تبحث تلقي جنسية اخري تصدق ظهر في المدينة مرأة فكيه مش فكي بطيير ايوه طيران عديل الجماعة ساكينها اقبضوها وتطير ليهم من من عماره لي عماره الزولة عريانه ميطي بعد قبضوها اولا قالو من جنسية افريقيه وتحت تحت قبضوها معاها من ضمن الجوازات جواز سوداني تابع خبر القبض هنا: http://www.fajr.sa/local/175719-%D8%A7%D9%84%...%88%D8%B1%D8%A9.html
Post: #21 Title: Re: نزل راسك انت سوداني Author: عباس الدسيس Date: 08-06-2013, 10:12 AM Parent: #20
Quote: وصل الحال بشعب السوداني الى تمني الموت واصبح الأحياء منهم يحسدون في الأموات؛ ما كلاماً قيل لي بل مشاهدة والله على ما أقول شهيد أخي الدسيس.
العار العار ان نظل خانعين للأبد. فإن كان هذا ابتلاء رباني فقد فاق إبتلاء اليهود العظيم في تيههم الكبير.
زمراوي يا حبيبنا سلام وتحية وكل عام وانت بخير الحال فعلا وصل مرحلة قف والناس اموات ماشة بي رجليها لا اكل لا علاج لابد من الناس تعمل حاجة علي الصعيد العام في إزالة هذا النظام اما عن الكوارث هنالك جهات غير حكوميه شعبيه تم تكوينها نناشد الجميع خارج السودان بالدعم والتعامل مع الجهات الشعبية ليس الحكوميه عشان ما إلحقو قروشهم أمات طه وتروح شمار في مرقة . تحياتي وتقديري
Post: #22 Title: Re: نزل راسك انت سوداني Author: جمال خضر Date: 08-06-2013, 11:00 AM Parent: #19
Quote: الناس ديل ما عندهم رحمة ولا بخلو رحمة الله تنزل علي الناس والمثل البقول (( جو اساعدوهو في دفن ابوهو دسه المحافير)) ينطبق علي الناس ديل بلد سجموها ورمدوها بعد كده اقولو ليك ما عايزين منظمات دولية لانو بتاعت تجسس والمنظمات تساسك فيهم عشان ادوها تصريح للعمل بالاغاثة والحكومة ترفض .... من الله خلقك سمعته بي كلام زي ده.
الأخ عباس الدسيس
لك التحية
ما فتئ مرض الكلظار يشكل ضيفا ثقيلا وغير مرغوب فيه يحصد
أرواح أهل القضارف المقيمين على ضفاف الأنهار وطبعا تكلفة
علاجه باهظة جدا ولا يتحملها المواطن المسكين فأتت منظمة
أطباء بلا حدود الطوعية فافتتحت عدة مستشفيات لمعالجة المرض
من الألف الى الياء بل وعملت على الوقاية منه بتوفير كم هائل
من الناموسيات المشبعة وكانت توزع على الأُسر بعدد أفرادها
ونظرا لشدة الفقر فى تلك المناطق فقد كانت بعض الأُسر تبيع
تلك الناموسيات من أجل شراء ما يسد رمق أطفالها فبذلت المنظمة
ما فى وسعها لتوعية الناس وتشجيعهم على إستخدامها بل كانت تُعطى
إعانات للبعض ورغم ذلك كان البعض ينظر لتلك المنظمات بعين الريبة
وأذكر أنى ذهبت الى منزل الصديق فتح الرحمن مبارك قٌبيل المغرب
فى رمضان لا أذكر التاريخ تحديدا ربما فى سنة 2000 أو قبلها ووجدت
البروش مفروشة فى الشارع كالعادة فدلفت الى داخل المنزل فوجدت الترابيز
والكراسى مُعدة لإستقبال ضيوف آخرين فاستفسرته عن الأمر فذكر أنه عازم
الخواجات العاملين فى منظمة أطباء بلا حدود فطلب منى أن أشاركهم الإفطار
ففضلت أن أفطر على البروش فى الشارع على أن أنضم إليهم بعد الإفطار فبينما
نحن جلوس فى إنتظار الأذان أتت سيارات أطباء بلا حدود فتوقفت وترجل عنها
الموظفين والموظفات حوالى 7 أفراد فتعوذ أحد الجالسين وتحوقل ورأيت الشرر
يتطاير من عينيه ,أيه الحاصل يا راجل ؟ فذكر أنهم مبشرين يُنصرون الأهالى .
شوف جنس الكلام ده؟ رديت عليه والدم يغلى فى عروقى وذكرت له أن ما يقوم به
هؤلاء المفترض أن يُمنحوا عليه الأوسمة والأنواط .
Post: #23 Title: Re: نزل راسك انت سوداني Author: عباس الدسيس Date: 08-06-2013, 11:22 AM Parent: #22
Quote: تعرف يا عبس ناس الانقاذ ديل فعلن بلعبوا دافوري .. وعجاجو قايم للسماء ما تعرف الهجوم من الدفاع من الاجنحه ... كبسيبه شديده وكلهم ساكين كورة الشراب ... والغريبه مافي أي اهداف تدخل ... كورتم .. فاكه للطيش .... عشان كدا .. ما نشتغل بيهم بالمره .. وسوف نرفع راسنا فووق ... وعمرنا ما حنطاطي .. بسبب دافوري زايل وان شاء الله .. عهد الرابطات والدرجه الاول والممتاز قريباً ... وبرضو سنرفع راسنا .... والكوره مدوره .....
تحياتي ,,
مجيدو يا قنقليز اخبارك يا حبيبنا كل عام وانت بخير من خشمك لي باب السماء العكه دي تنتهي في اقرب وقت ... يا مجدو الدافوري تحس عندو قوانيين احسن من تفجخ الناس ديل المهم الامل موجود معاك بعودة الممتاز وطموحاتنا نلعب في كاس العالم عشان الوطن العزيز تحياتي وتقديري
Post: #24 Title: Re: نزل راسك انت سوداني Author: عباس الدسيس Date: 08-06-2013, 11:34 AM Parent: #23
Quote: الدسيس سلامات مشكلة السودانين متنافرين وكت الحارة ما بقيفوا مع بعض لو الناس نست السياسة واتذكروا وطن اسموا السودان نكون أقوى من اى بلد
أتمنى اشوف السودانين مرة متفقين مع بعض وبسندوا بعض حتى لو فكرت تعمل عمل خير يا الدسيس الواحد ما بسلم من الشتائم والاساءة
شوفت وصلنا لى وين بلد مجروح ونازف وناس فى الفارغة والاساءة الله يكون فى العون
دكتورة وضاحة الزولة الطيبه سلام وتحية وكل عام وانتي بخير عندي كلام كثير عايز اقولو ليك بس اخوك في الله ما بقدر استرسل والخواف ربي عيالو.... مادام الزول بحب العمل العام لازم اسمع ليهو كم كلمة مشاترة وما دام الزول بحب عمل الخير شغلو اصلو ما بقع واطه ما تتلفتي لصغائر الامور وانتي شايفه شكل الصراعات في الاسافير بين الجنس اللطيف البعمل في مجال العمل العام وهذا لا يقتصر فقط عليهن بل ايضا عند اخوانا الشباب. خليك زي ما انتي وضاح الطيبة البريئة ومشاركاتها بسيطه ومعبرة بشكل واسع. تحياتي وتقديري
Quote: وضاحة وضاحة السرور والهناء أكتر من الشعب المصري الكان ما برضى في الرئيس حسني أهو حسني راح ونحنا في جنس الطمله دي قدر ما نقرف تجينا خاشه من جحر تأني تطلع دبائب تقع فينا لدغ أها شن قولك لمتين نصبر علي جنس اللدغ دا ولا نضرب الثكليب إجونا ناس الفزعه ناطين شي ناتو شي الكوماندوز وش أسطول عاشر أستطول تلاطاشر وصواريخ طويل وقصيره ومتوسطه وعابره في الوقت داك ترترب نرفع راسنا لقعر السماء دحين دا كلام
حبيبنا عادل سلام وتحية وكل عام وانت بخير لو جيت للحقيقة وصلنا مرحلة عايزين أي حاجة تفكنا تحياتي وتقديري
