إفطار بورداب الرياض

يا اما كاميرتك دمها تقيل عشان كدا جابت العالم دي مبوزة بالرغم من جمال الصور واخذها باحترافية وفي لحظات غفلة حقيقة مما يجعلها معبرة جدا
او كمان الناس النظمو الفطور ادوكم الجوع لانه بالرغم من القاعة ومظاهر الترف فطور بورداب الخرطوم علي بساطته وتلقائيته الا ان مظاهر الفرح فيه مشاعة والصور تنطق بهجة
يا ابو الحسين ما تفرز وشه من قفاه ، وولدنا فايز مبعوثنا لكم من جدة بدل يلقي الحفاوة وقع في جواله قليب وانغمس في الواتساب رغم انه جواله نوكيا النورس من زمن حبوبتي سلافة بتدرس في الراهبات
المهم شفنا الكاردينال بعد غيبة وصلاح شتات ودي نعمة كبيرة
تمبس بالغ ليهو في فنيلة لونها زي الصدي بتاع الصهريج ما عندها ملامح زاتو
وابو دقن دا منو القاعد في طربيزة الحل والربط
بقيتوا سلفيين انتو يا ناس الرياض؟

Quote: يا اما كاميرتك دمها تقيل عشان كدا جابت العالم دي مبوزة

رمضان كريم ونسأل الله ان تظللكم السعادة والمحبة دائما
تضارب افطار جمعية وفريق ودحبوبة معكم حال دون مشاركتنا
معوضه قريبا بحول الله

غايتو أنا عرفت تمبس، وقريبي ودالصايم!
أيمن لو كان اجتهدت في الأسماء شوية،
كان اكتملت الصورة!






ودالصايم،
صورتك دي إلى البروفايل على طول! هه

وشهر مبارك للجميع!

كلمة شكراً لاتكفى والله

اولاً الشكر وكل التقدير للفاضلات بنات الرجال اللائي بذل كل الجهد وجلبن كميات مهوله من الطعام ،،

ثم الشكر لكم انتم على كرمكم الفياض

بالجد كانت لحظات سعيده أن يلتقى امثالنا عمالقه مثلكم

شكراً لجمالكم

شكراً لحضوركم الانيق

شكراً لاريحيتكم السمحه

شكرً على كل شئ والعذر لظروفنا القاهره التى حرمتنا من الاستمتاع حتى النهاية

بالجد .. الواحد عاوز يقدم صوت شكر للأخ/ أيمن دياب .. وطاقم العمل

ديل شباب قاموا بمجهود ما طبيعي... وخارق ... ترفع له القبعات ..
شكراً لأنهم استقطعوا من وقتهم وصيامهم الوقت الثمين حتى يخرج هذا اليوم بتلكم الأناقة

والشكر أيضا لأخواتنا .. وزميلاتنا اللائي بذلن الوقت في نهار رمضان داخل المطبخ
حتى يقدمن هذا الكم الهائل من الأكل الطيب الشهي الأنيق ..

سنايرنا كانوا بشوشين .. وفرحين حقيقة ببرالمتهم ... واجتهدوا في التعارف

كوكبة .. وعقد منظوم .. وإلفة .. حفظكم الله

تخريمة:

الباسطة دي صناعة محلية ولا مستوردة يا طارق ميرغني .





الشغيل

أخي العزيز / أساسي
تحياتي ، ورمضان كريم وتصوم وتفطر على خير،

Quote: وابو دقن دا منو القاعد في طربيزة الحل والربط بقيتوا سلفيين انتو يا ناس الرياض؟

ده يا عزيزي الأخ الشيخ حسب الرسول أبو كساوي
شيخ شباب أهل التدين (المودرن) ، إن جاز التعبير ،
جاء يشاركنا إفطارنا السنوي من المنطقة الشرقية ،
حيث يقيم و يعمل هناك ، وهو شيخ غير متزمت ، بل إنسان
لطيف وظريف ومتحدث لبق ، ذو حديث شيق لا يمله السامعون
أبداً ، ورجل اجتماعي بحق وأخو أخوان .. وياريت لو كل
الشيوخ كانوا مثله ، علماً وأدباً وخلقا وتواصلا مع الكبير
والصغير ، دون تكبر أو خيلاء ، بل في سماحة وظرف أنيقين.

بعدين مالك على السلفيين ؟ ألا تعلم أنهم (خشم بيوت) ؟؟!!

مودتي ،


( ليمو )

شكراً أيمن دياب
أيمن محمود
والفريق النحلة بقيادة سمعة والشفيف / تمبس / داش / والمحاور اللبق ابورامي


موضوع النقاش (تواصل الأجيال) كان غاية في الروعة ، والمتحدثون تناولوا المووضوع بشك جميل وأجمل مافيهو كل يعبر عن جيل وابدع البروف عثمان الحسن كعادته
والمستشار هاشم في سياحة رائعة ، ابوكساوي كان جميل الروح وكأني به بعترف بخطأ مسار التيارات المتشددة وبعدها عن الواقع الهين لدنيا الناس

وراق فتح النار على الكنكشة : وهي بكل صدق أُسُ بلائنا دون شك : هي بكل بساطة كإصرار لاعب كرة قدم تعدى الاربعين ويصر على مواصلة مشواره مع الفريق
مهما يكن من امره منقطها في زمانه فلن يعجب أحد بأدائه حتى لو سمحوا له باللعب تأدباً واحتراما لتاريخه الكبير!!

ود الشيخ الكاردينال كان لبقاً وثائرا في هدوئه ، وصديقي العزيز شتات هد المعبد على ساكنيه : ياتغيروا النظام دا يا كمان ادخلو في بوست عبد اللطيف بكري : ابحثوا معه عن وطن!!

ابدع الشاعر المغادر محمد مدني وأجبرنا على الصمت بإلقائه المحفز على الاستماع وكلامه الدرر : الآن فقط أدركت سبباً لنحول جسمه : هذه الكلمات السمان التي يغذيها من روحه ودمه حتى غدت ذات جرسٍ يأسر الأذن شجيا


بناتنا واخواتنا العنصر النسائي كتر خيرهم على الطعام الشهي والوجود البهي وفعلاً كما افادت المتألقة دكتورة كباشي أن بكري مطالب بتوازن القوى بالمنبر ورفقة اخرى باللجنة مع ددكتورة داليا وسامية حامد :

عمر الفاروق شرفتنا بتلبية الدعوة الخاصة ، والله يآجرنا في صلاتنا غايتو : بعدك سألنا شيوخ المنبر عن إمامتك المغرب فأفادو بضرورة اعادتها : رغم استمتاعنا بأداء السديس الصغير ،، عمر اطيب الناس والله!!


هشام شيخ الدين احسنت وصف الرياض ياحبيب لكنه الخبز المر

ود القاضي فاكهة الحضور وصديق كل الناس بمستوً واحد : حضورك من جدة مخصوصا لهذه المناسبة إعلاءٌ لقيمتها وعقبال نشاركك في افراحك كلها ...

البرالمة أثبتوا حضورهم بقوة وهم طيبون والله وقوة دفع لامتداد وتواصل وبقاء هذا المنبر رائعاً وراقيا على الدوام

كل الحضور الجميل !! ليلة خالدة بحق والله ، أحسن ختامها المبدع ياسر العيلفون : أول مرة استمع له عن قرب : صوت جميل جميل جميل وكنز من الاغنيات الروائع
نشكر له اصراره على المشاركة رغم معوقات الأداء من عدم وجود الايقاع إضافة للكورس السرحان بقيادة طارق ميرغني وآخر كان معه !!


شكري للجميع دون فرز ،،

,وين أمير ؟

سلام ياهندسة ورمضان كريم
وربنا يجمعكم دائما في الخير
صور جميلة ومعبرة بس لو كان
فيها الاسامي كانت بتكون احلي
حتي نتعرف بالاخوة الاعضاء
غايتو انا من السودانيين ماعرفت
الا عمنا طارق ميرغني تقريبا
واخونا ضيفكم الحبشي فائز
واخوانا وحبايبنا ودالصائم وتمبس
عرفتهم من تعليق الاخوة
تسلم

صباح الخير على الجميع


الحمدلله أن تم اللقاء المرتقب في هذا الشهر الفضيل ، والذي فيه تعرفنا على كوكبة رائعة من بورداب الرياض القدامي والجدد ( بدون فرز ) بالاضافة

للبوردابيات دكتور داليا وأم حسين ،
على الصعيد الشخصي افتقدت شخصين كريمين وهما الأخ عمر ود الباوقة والأخ خالد سعيد الارباب لعل المانع خير بالغتو يا ولا اتصال حتى ،، غاتيو انتو الاتنين الفيكم اتعرفت

ويطالبكم البرالمة ببرمجة يوم أسري مفتوح في اي زمان ومكان تختارانه !!!!!!!!!!!!!

أمجد الجميعابي وعلي محمد الفكي وريتو الناس وشكم وزغتم ؟؟؟؟

صديق الموج اعتذر لأمجد بالتلفون يا خسارة يا عمو ما قابلناك.

عبد الله ود البوش بعد ان ابتلت العروق وذهب الظمأ تلفت يمنة ويسرى ولم أرك ؟؟؟

فايز القاضي منور الرياض والمرة الجاية جيب الجلاكسي عشان تسكت الخشامة.

كنت أظن أن ود الباوقة الأقرب جغرافيا لسكني لكن ظهر من البوراداب من هو أقرب منه ، البرلوم حسن مهدي ، وعبد اللطيف شريف.


برالمة الباوقة حسن مختار الخليفة ومحمد بابكر ، مشكلين غياب تام.

طارق ميرغني ما شاء الله عليك يا رجل يا فنان .

أخونا اسماعيل عباس وأيمن ومعتصم ما قصرتو ويم شكركم ما يجي إن شاء الله .

درديري كباشي فردة عباس الدسيس ، كنت راسم ليك شكل وشخصية أخرى تشرفنا بمعرفتكم.

عبد العزيز الشغيل بالغت يا أخي؟؟؟؟!!!!

ود الصايم سواها كلها شيشة ،،،

وأقول لدكتورة داليا جينا مجهزين شعورنا ورفعنا الضغط والسكري فإذا بك تنسين عدة الشغل ولكن خيرها في غيرها إن شاء الله . وتشرفنا بمعرفتكم والاستاذة سامية.

وأخيرا الشكر كل الشكر لستات البيوت الأبدعن في اخراج هذا الكم من الطيبات وشكر خاص لأم العيال على ملاح الروب والعصيدة .

تحياتي للجميع ورمضان كريم

وأخير التحية لكل

أولاً نزجي الشكر لأخينا الريس بكري أبوبكر ..
والذي جعل لنا مساحة كمنبر سودانيز أون لاين للتواصل والتلاقي عبره رغم إختلافنا العمري والفكري والسياسي والثقافي والرياضي ..
بدأت فكرة تكوين بورداب ينتمون لهذا الموقع منذ العام 2002م وكان للرياض دور كبير في هذا الشأن ..
بدأ العدد قليلاً ثم تزايد بمرور الوقت حتى صار بشكله الحالي ..
التحية لكل المؤسسين والذي وضعوا اللبنة الأولى لهذا التجمع وجميع اللجان السابقة ..
التحية والشكر للجنة بورداب الرياض الحالية على إسهاماتها الكبيرة طوال الفترة الماضية والتحية لهم على إخراج اليوم بهذا الشكل الرائع ..
والتحية للأخوات البوردابيات وزوجات البورداب وأسرهم على الوجبات اللذيذة وسهرهن ووقفتهم لإنجاح فعاليات البورداب ..
والتحية للبورداب جميعاً قدامى المحاربين والجدد على تعاضدهم ووقفتهم حتى تكتمل كل هذه اللحظات الجميلة ..
إفتقدنا إخوة أعزاء حرمتهم ظروفهم المختلفه عن الحضور وإكمال عقد البورداب ..





شكراً أيمن محمود على الصور الجميلة ..

Quote: لكن ظهر من البوراداب من هو أقرب منه ، البرلوم حسن مهدي ،

التحيه لبورداب الرياض ..وخاصة قدامي اللاعبين فقد قاموا بمجهود مقدر
وايضا التحيه للحضور الجميل ..وشكرا لجاري العزيز حسين ديقول
مودتي للجميع

بالامس رايت حقيقة ان السودان بخير رغم الانات والجراح وفيض الالم .

رايت الود شاخصا يختال الخطى ..

يتجسد فى بشاشة الاستقبال وروح الالفة ..

يغمرنى احساسها ...

يالله من هؤلاء القوم صفوة العز بالكرم تجلى فى دعوتهم ...

كان الخبز معطونا بالعطاء مغموسا بايدى لهفة للخير واكتسابه ..

تلفت اسفا على غياب اسرتى وبنياتى ..

تخيلتهن بين الحضور الثر وكيف بهن تجملت صلاتهم بقرينات العفة والجمال لهن قلائد و وشاح ...

سعيدٌ انا بكم جميعا وفى عينى وفؤادى لمعزتكم وساع وساحات انتم فيها متحكرون ...




شكرا لكم لقبولنا بينكم ولنا الفخر بلانتماء لكم ..

لا استطيع ان اذكر اسماء مخافة النسيان ,فكلكم لى صديق وكلنا فى قشيب الرقعة نسيج.....

هسع يقولوا شنو ..دا إفطار عام والا عقد انصار سنة ؟؟!



المهم تقبلوا مني الكلام الجميل والمشجع والامنيات التي تقال في مثل هذه الحالات ..

Quote: وين أمير ؟

يسأل منك الخير يا أبوحتوت ...ياأصيل وأصلي
أنا ذاتي بفتش فيني...

Quote: هسع يقولوا شنو ..دا إفطار عام والا عقد انصار سنة ؟؟!

أساسي وحيدر الزين ..
تحياتي ورمضان كريم ..

الإفطار تخلله ندوة كبرى عن ( إنقطاع تواصل الأجيال ) إستمرت لفترة رغم طولها إلا أنها كانت دسمة ومميزة ..
لذلك تجد العديد من الذين ظهروا في الصور مركزين مع المتحدثين وهذا ما وددت التنبيه له ..
أضف لذلك كانت هنالك فقرة لتكريم الأخ الشاعر محمد مدني نسبةً لعودته لأرض الوطن الحبيب ..
إختتمها الأخ الفنان ياسر العليفون بفاصل غنائي جميل بمصاحبة طارق ميرغني وعبداللطيف بكري ..
يمكنكما الرجوع لمداخلة عبداللطيف الفوق ستجدون فيها تقرير عن الإفطار ..

يديكم العافية ..

يا شفيف..يتبارك علينا وعليك ..

كدي خلينا نحن انت براك اطلع من نفسك من جوة كدة وعاين للصور المنشورة دي بحياد تام..
وشوف الاحساس الحاتديك ليهو..لولا صورة فايز الحبشي كنت افتكرتها في جامع عبد الحي يوسف بس وجود فايز بالتاكيد استبعد هذا الاحتمال..



بورداب الرياض دايماً ما ينثرون الفرح والبهجة ولا نراهم بهذه الجدية..
يآخي وقت اساسي علق على الحتة دي ايمن محمود اراد ان يستدل بأيقونة الفرح والضحكة للبورد الدائمة واللي هي صورة ود الصايم جابو مادي بوزو بعوجة خشم كمان :)

هسع انت صورتك الفوق دي لو لقيتها في غير هذا البوست يا معتصم لافتكرت في مدرج من مدرجات الجامعة تنتظر نهاية محاضرة عقيمة عن فقه الاقتصاد الاسلامي ..



ـــــــــــــــــــــــــــ
دا نقد بناء طبعاً مع الاحترام المعلوم والاشواق الحقيقية يا معتصم والله

تحياتي شباب ورمضان كريم
لمة حلوة والله ربنا يديمها ونتمناها بصورة دورية
لكن دحين يا ناس الرياض اذا الزول ظروفه منعته يدخل البورد كم يوم يجي يلقاكم عملتوا الفطور وانتهى ولا شنو يعنى
ويا معتصم دفع الله لجنتكم دي كان كدا ما نافعة
اقل شيء كنتوا تتصلوا تلفونياً على الناس أو اضعف الايمان رسلوا مسجات ياخ
عموماً عساه ينفعكم
وعسى كل ايامكم مجتمعين وملمومين حتى لو بدوننا
لكن طارق نقد ما عفيت ليهو والا ما نتقابل فيس تو فيس

اولا : التحية للاخ ايمن دياب وكل الاخوه الذين شاركو في تنظيم هذا اليوم الجميل فردا فردا وبدون فرز وربنا يجعل ما بذلوه من جهد في ميزان حسناتهم جميعاً ..
ثانيا : اعتذر عن التاخير في الحضور ولكن هي ظروف قاهرة حالت دون الحضور باكرا وان تاتي متاخر خير من ان لا تاتي لذا اطلب منكم العذر والسماح على التاخير وعلى المشاركة المتواضعه التي كانت دون المستوى نسبة للعطش والصيام وزحمة طريق الوصول وكلها مجتمعه ادت لتواضع المشاركة في هذا اليوم الجميل .. والعذر كل العذر لمن فاتني ان التقيهم من الاخوه البورداب الجدد والبورداب القدامي الذين كنا في شوق للقياهم جميعا ..
ولك الشكر اخي الاستاذ عبد اللطيف بكري على هذا الحديث الطيب واتمنى ان تكون مشاركاتي القادمة على قدر المستوى ..
والتحية لكل الحضور من الاخوه البورداب وضيوفهم الكرام وخاصة اخواتنا الفضليات الذين شرفونا بحضورهم الانيق فقد كانو نجوم زينو الصالة بطلتهم البهية ..
وكل عام وانتم بالف خير وان شاء الله دائما تامين ولامين اخوتي بورداب الرياض الجميلين ..
وسارجع واكتب عن الاخوه الذين تشرفت بمعرفتهم يوم امس وخاصة اخونا الجميل فايز ود القاضي عضو بورداب الرياض بالانتساب فرع جده هههههههههههههه ..

تحياتي : ياسر العيلفون

ابوعبيدة البصاص ده جاكم بأمر تحرك موقع ومختوم من شيخ العوض رئيس بورداب الخرطوم
والا جاكم قادي سلك ساكت

الاخ العزيز ايمن محمود

ياخي لا لقينا فرصه نشوفك ولا نتعرف عليك

وانا قايلك مصور محترف وانت تراكا ياكا ذاتك هههههههههههه

لكن فعلا محترف والاحتراف فاتك بتين وبتين

الاخ سليمان القرشي

Quote: غايتو انا من السودانيين ماعرفت الا عمنا طارق ميرغني تقريبا

يا اخي لنا عظيم الشرف

لكن شنو قصة تقريبا اللخبتنا بيها دي

يعني نقدر نقول اتعرفت علي الا ربع ولا شنو

اخي حسين ديجول

الف شكر و لنا عظيم الشرف للتعرف عليكم

الاخ عبد العزيز محمد عمر

Quote: الباسطة دي صناعة محلية ولا مستوردة يا طارق ميرغني .

لا محليه وبايدي سودانيه ميه الميه سناعة المدام فوزيه بت هاشم السعيد بوردابيه بالمشاهده

اخي العزيز عبد اللطيف بكري

فردة الكورس السرحان

انت كان بي صوتك السمح دا كان تقشر بينا لكن لاوزت شان كل فنان

الساده الكرام حاملي الكاميرات

لاحظت اختفاء اي صوره اثناء الافطار
الرجاء التكرم بانزالها

كل الصور التي انزلها الاخ ايمن يبدو انها اثناء الندوه

لذا ظهر عليها بعض الجديه علي وجوه كل الناس كما ذكر الاخوه ضويف البوست

شكرا اصلع اريزونا ان جعلت هذا ممكننا

شكرا للحضور الانيق للبرورداب القدامى و الجدد
شكرا للجنة البورداب لهذا التنظيم الرائع و الافطار الشهي
شكرا للنصف الحلو الذين اثبوا انهم اخوات رجال وصاحبات جود وكرم
شكرا ايمن محمود تصوير راقي و احترافي ومن زوايا مدهشة و بدقه عاليه
غايتو اديت الجماعه عشرة / صفر
شكرا يوسف السماني لهذا البرنامج الرائع وان طال النقاش والموضوع يحتاج الى ندوة خاصة
وشكرا لكل المشاركين و شكر خاص للشيخ المودرن ابو كساوي
و الشكر للفنان الشفيف ياسر السر (العيلفون) لهذا الحضور البهي رغم الظروف القاسية
و الشكر موصول للكورس المبدع طارق مرغني و عبد اللطيف بكري

هناك شكر خاص و تحية وتقدير
شكر خاص للاخت العزيزة سامية حامد التي وقفت على كل كبيرة وصغيرة ولم تفطر حتى اطمئنت على فطور كل الحضور من الجانب النسائي

ومليون شكرا لحبيبنا الهميم ايمن دياب و يوم شكرك ما يجي
ولا تستطيع الكلمات ان توفيك حقك (كنت زي ام العروس نحله)
دمت زخرا للبورداب
تحياتي

اخوانى واخواتى الحسنيات بورداب الرياض

اولا اهنئ نفسى بهذا الجمع المتميز الذي فى دلالته هذا هو السودانى الاصل تجده بشوشا خادما

للأخرين وهؤلاء بناتنا الزوجات والشابات تحركن بين الموائد نحلات يصبن عسلهم على الجميع

كم كنت سعيدا اكثر من ما مضى لهذا الافطار للمشاركه الكبيره من الفضليات بنات العفاف

وبناتهن واولادهن الصغار .

ثانيا اشكر الهميم الاخ عبد اللطيف بكرى الذى ابلغنى بيوم الافطار لتغيبى عن البورد واشكر

المخلص معتصم دفع الله الذى طلب منه ذلك واشكر الاخ ايمن الذى كان شعله من الحركه والاخ

ديجول الذى تشرفت بمعرفته كثيرا وفرحت لوجوده وجهده فى التنظيم وهو الجديد على البورد .

فى بداية وصولى الى الاستراحه تقابلت مع الاخ شتات فى الخارج وعند المدخل ترددنا فى

الدخول لان هناك اوجه كثيره مقابل المدخل لم نعرفها ، اتصل الاخ شتات على معتصم رغم

إننى حاولت أن أأكد له إننا ليس بغلطين وهذا هو وصف عبد اللطيف وبحسن نيته اتصل

قال لمعتصم وين الاستراحه ؟ اكد له معتصم الاستراحة قال له ديل ناس تان ما يهم ناسنا

وانا اتصلت على عبد اللطيف ايضا ودا كلوا حرص أن لا نتعرض لإحراج لكثرة الافطارات

بعد التأكد دخلنا واذا بمعارفنا موجودن والحمد لله والذين لم نعرفهم هم الشعله الجديده فى البورد

طبعا كنت مبسوطا لان الجدد وصلوا وحزنت لتغيب كثير من القدامى يتقدمهم اخونا العزيز

ابو جهينه فقطع الاذان فرحت التعارف الاولى ودخل الجميع الى المائده والتى ايضا كانت

تعارف أخر وتبادل للطيبات ، فى هذه الفتره ظهرن بناتنا الصغار فى توزيع المأكولات غير

مبالين أن يفطرن ومن خلفهن امهاتهم البوردابيات يسكبن ما لذه وطاب من اعمال يدهن

التى ندعو الله فى هذه الايام الفضيله أن يحرسهن من الحسد لجمال ولذه ما طبخن ولم

يقفن عند هذا الحد بل اصبحن يوزعن العصائر والقهوه والشاى والحلاويات بكل انواعها .

بحق نقول لهن بارك الله فيما صنعتم وقدمتم وما قمتم به من جهد وفى موازين حسناتكم

انشاء الله .

روجوعنا للقاعه كان فيه تعارف ثالث وكنت انا شخصيا اتحدث مع الاخ عبد اللطيف بكرى

عن الكوكبه المتميزه من البورداب الجدد التى تجتهد فى تقديم كلما يجمل اللقاء .

بدأ برنامج تعارف لحظى حتى قرب صلاة العشاء والتراويح اذكاه الخال العزيز حمزاوى

بقصة بداية البورداب فى 2002 م وذكر اسماء الاوائل فكان ذلك بمثابة تعريف جميل للجيل

الجديد من البورداب .

ايضا كانت فرحة الكثيرين بمشاركة الاخوان من جده والخرطوم والذى كان من ضمنهم

اخونا العزيز احمد حنيين ( المقاتل ) .

انتقل الجمع بعد الصلاة وتعديل القاعه لتسع الجميع للبرنامج الذى كان بداية عن تواصل

الاجيال وبحق كان عنوانا جميلا لان القاعه بها اجيال مختلفه وكان الاخ الشيخ ابو كساوى

هو الفاكهه ببشاشته ولباغته ثم توالى الطرح ورغم التطويل فى الحديث لم يمل الجميع

فى هذا الاثناء بدأ تناقص البورداب لارتباطات عمليه واسريه رغم ذلك وللعدد الكبير لم يحس

الجميع بغياب احد وانا بالذات كنت اتمنى لو جلس الاخ الشاعر هاشم ليعطر سماؤنا بكلماته

لكن هناك الاخ مدنى الذى ابدع ممثلا للشعراء وكان الختام مسكا عندما دندن الاخ الفنان

ياسر العلفون باغانى من جيلنا ادخلت فينا البهجه والحنيين لايام خلت ووجدنا انفسنا وبعفويه

نقوم ونبشر ونترنم ونصفق .

توادعنا على أن يجمع الله شملنا فى مقبل الايام فى فرحه اخرى .

تحياتى للكل بدون فرز

اخوكم / سيد سييدنا

عبداللطيف بكري.. وصلاح شتات


محمد الشيخ.. وأحمد حنين (المكاتل) العائد من الخرطوم..


الحبيب اسماعيل وراق ولحظات الإفطار..

والحمد الله الذي هيأ لنا ملاقاة ومقابلة الحبيب إمام وراق..

زميلة البورد الدكتورة داليا الكباشي تطمئن على موقف التحلية وصينية البسبوسة.


والريس اسماعيل عباس.. في حالة توزيع وإشراف على الإفطار..


القائد يوسف السماني.. والكومرد طارق عبداللطيف نقد..
صوماً مقبولاً وإفطاراً هنيئاً..

البوردابي المخضرم وضيفنا العزيز هشام شيخ الدين جبريل.. والمؤرخ درديري كباشي..
سعدنا برؤيتكما.. ونأمل أن تشرفونا في كل لقاءاتنا القادمة..


البرلوم المتألق حسين ديجول.. تم اعتمادك وترقيتك إلى رتبة أعلى.. حضور مشرف.. انسجام غير محدود
ملاح روب مضجم.. عصيدة مكربة.. عصير موزون وساقط شديد.. قمت بالواجب وأكثر..
وياريت (تكون عرفت الفينا)..


ضيفنا الكريم من بورداب جدة الشيخ/ النعمان خوجلي.. حضورك زادنا تشريفاً..

العلامة الشيخ عمر الفاروق.. يؤم المصلين في صلاة المغرب..
قميصك شديد والله يا عمر..


البوردابي هشام عباس.. والأخ سمير صديق بورداب الرياض


عمر ابن معتصم دفع الله..


مولانا حسب الرسول ابوكساوي.. تحدث حديثاً طيبة عن سودانيز أون لاين بصورة عامة..
وتأثيره على الحياة السياسية والاقتصادية والاجتماعية في السودان..
ودوره الفاعل في تشكيل الوعي السوداني..

عبدالحليم التلب (ليمو).. مع ضيف البورداب النعمان خوجلي


البروفيسور عثمان الحسن محمد نور.. رئيس الملتقي الثقافي الاجتماعي الرياضي السوداني بالرياض..
رحب بالحضور وأثرى النقاش في ندوة (تواصل الأجيال)..
شكراً يا بروف..


الناقد الفني الاجتماعي الأستاذ عمر الفاروق.. وخلفه الكاردينال محمد الشيخ

الريس اسماعيل عباس ولحظات ما قبل الإفطار


الدسيس عباس.. مع أحد البورداب الجدد


الدرديري عباس والأخ البوردابي عبدالمنعم


المخضرمان المعلمان هشام شيخ الدين وطارق ميرغني


ود القاضي وطارق نقد


الدسيس عبااااااس


شيشة ود الصايم الشهيرة..


العم حمزاوي واسماعيل وراق.. وسرد تاريخي لتكوين كيان بورداب الرياض..

ماشـــــــاء الله تبــــارك الله حضــــــور نوعــــي ومتمــــيز جدا؟؟؟
بــس نحن مركـــــبــنـــا قـــرز في القــيزان ماوصل بحـــركم ؟؟؟
لو ربنا نزل المطر السنه الجايه والخور سال بنزلو وبنفطر معاكم...
ورمضان كريم.
مودتي
شـــــــــــــــــــــــــطة

الشكر اجزله لكل من جعل هذا الامر واقعا،
بدءا من بكري ابو بكر مرورا بالاخوان ايمن دياب، معتصم، الريس اسماعيل، طارق ميرغني، وابو حسين ، سامية ، وبقية العقد الفريد،
كانت لما والا احلى، فطرنا شهيا وتعارفنا عميقا وبود حقيقي،
وجاءت بعد ذلك الندوة المرتجلة التي كانت قاصمة،
ولان ايقاع الحياة اصبح سريعا جدا، والجيل الان امامه الفضاء واسعا،
ينطط برشاقة، ويقرا الدايروا، ويفط على كيفو بلا فرضيات...
فلا يمكن والحال كذلك ان تاتي بست متحدثين عاديين، زي زيك، هذا اذا استثنينا البروف عثمان،
وكل واحد فيهم يتمطى فينا علي كيفو، واحدهم بتاع بنك تكلم قرابة الساعة، لا ادري ما هي مؤهلاته ليشدنا كل تلك الشدة،
ياخ والله لو البنك حقو، ما عندو حق يحاضر فينا ساعة، ليه ؟ ذنبنا شنو؟
يا جماعة مفروض المنصة تقرا الساحة صاح ، كان الملل واضحا على وجوه الحضور؛ وقد عكسته الكاميرات كابلغ ما يكون،
وبعدين ابو كساوي برضك ما قصر مطانا صاح واستعرض،
وتكمن عاديتهم في عدم قراءة لوحة الحضور عميقا، فلا يمكن الاستمرار وقد تحولت القصة لسداسيات، ستة متحدثين مقابل ستة مستمعين، الأُول ادوا المستمعين ستة صفر،
اود ان اشيد بالاخ اسماعيل وراق لقراءته الصحيحة للساحة، واختصار الكلام ، وقول المفيد في اقل زمن،
بعد بدء المحاضرة بنصف ساعة غادر معظم الناس المكان من اساسو،
وظلت المنصة تسمع صداها...
اقول هذا وقد استمعت واسرتي باللمة على ندوتها، اقول هذا حتى نتدارك مستقبلا الوقوع في مطبات هكذا...
مرة اخرى الشكر لكل الشباب الذين استطاعوا جمع كل هذا العدد في مكان وزمان واحد....
الشكر للاسر جميعا بما قدمت من طيب طعام وشراب وكثير،
وكلنا استعداد للمة الجاية، حتى ذلك اللقاء القريب لكم من المنى احلاهو...

التحية لبورداب الرياض الذي يشكلون ومضة في عتمة الواقع.
التحية للبورداب الجدد الذين شكلوا اضافة حقيقة لبورداب الرياض
والتحية للضيوف الكرام وممثلي منظمات المجتمع المدني .
التحية للبوردابيات ونساء البورداب جميعا التي صنعن المستحيل
من اجل الباس اليوم حلة رمضان .
التحية لبورداب اعزاء فقدناهم في هذا اللقاء واخص بالذكر
وزير الري ادريس خليفة علم الهدي ووزير المالية خالد الارباب
والريس ابوجهينة الاخ العزيز ودالباوقة وفاكهة المجالس صديق الموج , ودكتور محمد الحسن
والاخ خالد المحرب والاخت العزيزة عفاف ابو حريرة . والبوردابية الرائعة حليمة عبدالرحمن , والاخ العزيز مصدق
وصديق البورداب مصطفي شحرفان والصديق محمد الحسن عبدالمطلب . والاخ عمران حسن صالح

واجزل الشكر واعطر التحايا للاخوة الاعزاء الذين قدموا عصارة تجاربهم وعلمهم في ندوة انقطاع تواصل الاجيال التي ساتحدث عنها يالتفصيل لاحقا
وهم .
1 - البروفيسر عثمان الحسن -
2 - المستشار هاشم عوض
3 - المستشار حسب الرسول ابو كساوي
4 - الاستاذ اسماعيل وراق
5 - والاستاذ محمد الشيخ
6 - والاستاذ صلاح شتات

واخيرا التحية لكل من ساهم في نجاح هذا اليوم حضورا او اعداداً

اخونا ايمن دياب

كثير الشكر لهذا التوثيق الجميل واللقطات الحلوه

نتمنى المزيد مما فى ذاكرة الكمرا

تحياتى

سيد سيدنا

اخونا ايمن دياب

كثير الشكر لهذا التوثيق الجميل واللقطات الحلوه

نتمنى المزيد مما فى ذاكرة الكمرا

تحياتى

سيد سيدنا

البرلوم اللابس السديري ابن عطبرة عبد العزيز الشغيل

بالله يا أستاذ عبد اللطيف تشييل وتسأل في الشيوخ هل صلاتي جائزة وهل المغرب صحيح حيث صليت خلف عمر الفاروق وهل وهل ؟؟
ياخ كان تسألني انا يا أستاذ ..
بعد شوفت صورتك دي النبشرك صلاتك ما جائزة يا حبوب وقوم إتنفض عييد المغرب ده ساااي ..
ماااكل واقف براك والهم عصف؟؟؟
الزول البيقيف في الصف وححححدو الله ورقبتو قيييل صلاته غير جائزة فياخ كان تجر معاك صلاح شتات ده يجي يجاورك .. ولو إنو شتات بي دينو الحبة ده وأخلاقو الضييقة دي كان عااادي ناولك بونية لمممن الله غفر ليك :):):)
لالا يا أخوي عييب صلاتك ما الإمام ..الإمام حلاااة الدنيا عليهو ونعم الخشوع ..ونعم الترتيل ..بالله كان تحكي ليهم عن صوتي وعن النغمات الصوتية والسلالم الكنت برتل بيها عشان ناس الموصلي وحمزة ديل يفهمو حاجة :):):)
عبد اللطيف يا أستاذ ..قوم قوم عييد الصلاة دي يا هداك الله ..

Quote: البرلوم اللابس السديري ابن عطبرة عبد العزيز الشغيل

عبدالعزيز شرفنا كتير جدا يا ديقول..
والمعذرة فقد كان عدد الضيوف والبورداب الجدد الحاضرين لأول مرة كبيراً جداً..
ومع مشغوليتي لم أركز مع الأسماء..
ولا بد أن أنتهز الفرصة وأشكر الأخ صلاح محمد عيسى
الذي أصر على الحضور رغم مرضه بالالتهاب ووصوله من السودان قبل ساعات..
ومساهمته المقدرة في ميزانية الحفل..
كما لا أنسى الأخ محمد شيخ الدين.. والذي اعتذر عن إكمال البرنامج بسبب سفره إلى جدة
والكثير الكثير من الأعضاء الجدد الذين شرفونا لأول مرة..
وسيكونون عماد نشاطاتنا القادمة بإذن الله..
والاخوان أمجد الجميعابي وعلي محمد الفكي اللذين اعتذرا أيضاً وانصرفنا بسبب ارتباط مسبق..
لهم جميعاً التحية والتجلة والحب والاحترام..

طارق ميرغني.. حمزاوي.. اسماعيل عباس.. النعمان خوجلي (جدة).. أبوحسين


الباشمهندس محمد ابراهيم علي.. والكاردينال محمد الشيخ


البروف عثمان الحسن.. وصديق البورداب الدائم الحضور....


البوردابي اللطيف.. عبداللطيف شريف علي.. إقامة طيبة بين اخوانك بورداب الرياض


يوسف السماني.. اسماعيل عباس


أبوحسين.. والبرشلوني صبري طه


الحبيب عمر فضل المولي.. والحبيب اسماعيل وراق.. ونقاش حول هموم المرحلة


البوردابي جمال عبدالناصر محمد.. وضيف البورداب القادم من الخرطوم أبوعبيدة البصاص


فايز ود القاضي (بورداب جدة).. مع أبو حسين

الشاعر البوردابي ادريس محمد ابراهيم


الدكتور البوردابي شوقي ياسين


عبداللطيف بكري.. وسيد محمد سيدنا


أيمن دياب.. وأبوحسين

اسماعيل عباس.. طارق عبداللطيف نقد


البوردابي صلاح هاشم السعيد


فايز ود القاضي.. والشاعر محمد مدني الذي أتحفنا بقصيدة معتقة عمرها 30 عاماً..

Quote: فايز ود القاضي.. والشاعر محمد جميل..

الصحيح الحبشي و جده (حقيقة ما هظار) الشاعر الجميل / محمد مدني......

الأخ أيمن محمود

أي بوست عن بورداب الرياض لابد و أن يدخله الحاقدون أمثال المدعو أساسي و العربي المعروف بالطريفي...
و عندما يحدث ذلك عليك أن تتقمص شخصية أبو حسين و ترش طوالي لأن غرضهم معروف للجميع..
و المذكوران لا رصيد لهم في المنبر و معروفين بشتارتهم و دخولهم الأشتر دائماً بحثاً عن الشهرة في بوستات المشاهير...

نصيحة تانية:-
خاف ربك في الصور التي إلتقطتها خلسة لاحظنا أنك تقوم بإلتقاط الصور من مسافة بعيدة و هذا دليل على نواياك الغير بريئة ...

الاخ العزيز / ايمن دياب والاخوة الاعزاء بورداب الرياض لكم تحيتى وحبى وتقديرى لحسن استقبالكم وكرم ضيافتكم

كان شرف لى حضور يومكم العامر بالمحبة والاخوة فقد كان يوما مميزا بحق

التحية للاخ العزيز/ اسماعيل عباس لتواصله معى تلفونيا طيلة الايام التى سبقت الافطار .

التحية للاخ العزيز/ عبد الحليم التلب واسرته لزيارتهم لى فى الفندق ومرافقتهم للقاعة

والتحية مرة اخرى لجميع بورداب الرياض ولكم حبى وتقديرى


النعمان يوسف خوجلى

للعموم والمعلوميه

اولا نشكر اللجنه المنظمه والتى هى دائما ليل الفرح المطل علينا

وايضا لعلم الاخوه الجدد إن هذه لجنه ثابته من يوم عرفنا الرياض

ايضا فرحت جدا للمنضميين مجددا لمساعدتهم فى التنظيم وكدا طوالى

حيكونوا فى لجان التنظيم مستقبلا

والشكر للاعزاء

معتصم دفع الله / علاء تمبس / محمد الشيخ / اسماعيل عباس / يوسف السمانى

الذين يكونون دوما فى بداية الركب فى كل احتفاليه

والشكر موصول للاخوان

طارق عبد اللطيف / وابو حسين / وحسين ديجول المرشح القوى لنيل شارة عضوية اللجنه الدائمه

الشكر ايضا لكل البوردابيات ونساء البورداب وابنائهم الذين اقتحموا اللجنه المنظمه بادائهم الرائع

والشكر للحضور الجميل من الجميع

تحياتى

سيد سيدنا

السلام عليكم ورمضان كريم وتصومو وتفطرو على خير ..
التحية لكل الأخوان البورداب الذين جعلوا هذه الليلة استثنائية عن غيرها من اللمات السابقة .. واخص بالشكر الجزيل كل الأخوان بورداب الرياض الجدد وضيوفنا من جدة ومن داخل الرياض الذين جعلوا الافطار ناجحا بكل المقاييس واعادوا لنا ذكرى ايام جميلة واعادوا الروح لبورداب الرياض الجسم الاسري الاجتماعي البعيد عن التجمع السياسي وهذه هي الميزة التي قمنا واجتمعنا من اجلها في المقام الأول .. وبدون شك نحتاج ان نلتقي مرات ومرات حتى نقاوم قساوة هذا المكان بغربته الموحشـة ..
سعدت جدا بأن التقيت العديد من الاخوان واعذروني ان لا اقع في مطب الاسماء حتى لا انسى او اسهو من ذكر البعض فكلكم كنتم مكان التقدير الكبير باسركم وما لقيناه منكم من محبة وتعاضد ..
ولا يفوتني ان اشكر حضورنا الكرام من المتخصصين الذين كانوا في المنصة واكرمونا بعصارة علمهم واكادمياتهم وخبرتهم في المجال فكانوا متميزين فيما طرحوا وتمنينا ان لا تنتهي الفقرة المخصصة لهم بحديثهم الطيب .. الودي الجميل .. وهو الحال دائما ان مثل هذه الارتجالات لا تنتهي والفرص دائما ما تخذل البعض في التداخل وفي ابدا الراي والحوار ..
ومعذرة ان اخص بحديثي بعض الأخوان وان كانوا قد تداخلوا من ناحية الطرفة في توجيه سهامهم للبعض ..
الاخوان اساسي وحيدر وعبد المنعم الطيب:

Quote: وابو دقن دا منو القاعد في طربيزة الحل والربط بقيتوا سلفيين انتو يا ناس الرياض؟

...

Quote: وكل واحد فيهم يتمطى فينا علي كيفو، واحدهم بتاع بنك تكلم قرابة الساعة، لا ادري ما هي مؤهلاته ليشدنا كل تلك الشدة، ياخ والله لو البنك حقو، ما عندو حق يحاضر فينا ساعة، ليه ؟ ذنبنا شنو؟ يا جماعة مفروض المنصة تقرا الساحة صاح ، كان الملل واضحا على وجوه الحضور؛ وقد عكسته الكاميرات كابلغ ما يكون، وبعدين ابو كساوي برضك ما قصر مطانا صاح واستعرض،

...

Quote: هسع يقولوا شنو ..دا إفطار عام والا عقد انصار سنة ؟؟!

.. يا اخونا عبد المنعم .. عادة اي تجمع لنا في بورداب الرياض وفي كل افطاراتنا القديمة والتي ستلي هذه الفعالية ان امد الله في اجالنا ان تكون مصحوبـة بندوة تتماشى مع روح الشهر الكريم وكم اتينا في مرات سابقة بمتحدثين تحدثوا عن امور الدين والدنيا وكم اتينا بمتحدثين كانت لهم اسهامات في مجال السياسة وما يتماشى مع فقه المرحلة .. وعادة نختم برامجنا بسمر خفيف كما حدث مع الأخ ياسر العيلفون الزميل البورددابي .. ومن هنا اجزل الشكر للأخوة الذين جملوا هذه الليلة بسماحة مداخلاتهم وعصارة جهدهم فكل واحد فيهم متخصص في مجاله .. ويحشد له الناس من أجل ان يستمع له .. ابتدا من الأخ ابو كساوي المتحدث الجميل .. الشيخ العلامـة الذي يجعلك تتفكر في كيفية ان تتعامل مع الأخر بطيبة وحسن واخلاق وحقيقة لو وجدنا امثال ابوكساوي في مجتمعاتنا لاختلف الحال واقول لي اساسي وحيدر الزين الا تحكموا بمظهر وترموا بي انطباعاتكم عن اشخاص لم تعرفوا شيئا عنهم ولم تجالسوهم .. كما انوه يا صديقينا عبد المنعم ونشكر من خلالك القانوني الضليع الاستاذ هاشم عوض .. وهو من الذين يشدو لهم الرحال ونشكر ان خصانا بتلك الليلة خصما من وقته الثمين وحقا كان لحديثه الجميل الفائدة العظيمة التي تحتاج ان تتكرر مرات ومرات .. اما البروف الحسـن فهو من قادة العمل الشبابي ورمز وقائد من قادة العمل في الرياض وفي كل مكان .. وختاما لهم الشكر الجزيل ان اختصونا وشرفونا حضورا ونتمنى ان يكونوا معنا دوما وفي كل لماتنا واجتماعاتنا
ومجددا كل الشكر للذين شرفونا حضورا ..
وشكرا للزملاء حاملي الكاميرات ابتدا بأيمن محمود الذي جمل بعدسته الاحترافية وزواياه تلك الليلة .. وانوه بان يتم رفد البوست بصور اخواننا من الجيل الجديد من بورداب الرياض .. فالكل في انتظار ان يراهم كما رايناهم أول مرة .. حتى يتم الربط بينهم وبين ما يكتبون وان تعذرت اللقيا فإن العدســة ربما تنقل بعض من فكرة ..

اتقدم بشكري لقدامي البورداب علي الترحيب وحفاوة الاستقبال وسعدنا
بلقاء ومعرفة عدد كبير من بورداب الرياض

شكرا مجددا ايمن دياب وان شاء الله معكم في كل الفعاليات

دايما سمحين يا شباب ..
بس النصيحة بورداب الخرطوم خرطوكم وشالوا الكأس

ممكن تنافسوا مع بورداب المغرب بس

لانملك الا ان نشكر بورداب الرياض على هذه الليلة الرائعة التي جعلت لكل شئ نكهة مختلفة .ز

كما نشكر لهذا المنبر الرائع الذي جعل هذا ممكنا فاصبح دوحة وريفة تظل سوادني الشتات من لهيب الغربة اللافح والهجرة القاسية ..

صدق اسمعين حسن لمن قال

ديل اهلي البقيف في الدايرة وسط الدائرة واقول للدنيا ديل اهلي ..

اجمل ما هذا اللقاء هو اكتشاف الناس .... بعد ان صرنا في زمن تسبق في الصداقة التعارف .. فتجعلك في متاهة اي الشخصين هو صديقك ذاك الاسفيري ام ذلك الحقيقي ..
بعض الشخصيات هكانت كما هي ..

وعلى رأسهم العزيز فايز ود القاضي .. فهو ذات الرجل الظريف الساخر اللاسع دخل في الناس كأنه يسكن معهم

والانسان الذي تفاجأت بشخصيته الحقيقية هو علاء الدين تمبس .. وهو وزجته الرائعة شقيقتنا الدكتورة داليا كباشي ... فهما ثنائي في منتهى الاريحية والبشاشة

وكذلك الاخ ابو حسين وحرمه المصون الاستاذة سامية حامد فهم كانوا بمواصفات اهل العريس شايلين هم ضيافة الناس كأن الامر يعنيهم وحدهم ..

ونشكر اخونا ايمن المصور الموهوب الذي شرف الدفعة بانتاجه ..

كما نشكر الاسر التي اعدت تلك الوجبات السودانية الرائعة وبصفة خاصة الموهوبة حرم الاستاذ طارق ميرغني على صينية الباسطة والتي ما ادخلت منها قطعة في فمي ا كأني ادخلت شريط فيديو لعادت بي الذاكرة الى حلونيات كسلا البان جديد وحلواني خيرات والذكريات الجميلة .. الله يعطيها العافية ..


كان يوم من ايام رمضان السودانية البحته التي لن تتخطاها الذاكرة بسهولة ..

وا حسرتاه يا تمبس صاحبي
فوت علي لمة ظريفة كنت منتظرها بفارق الصبر
لكن معليش الجايات أكثر من الرايحات

تمبس رمضان كريم والقابلة كما تتمني..

Quote: عادة اي تجمع لنا في بورداب الرياض وفي كل افطاراتنا القديمة والتي ستلي هذه الفعالية ان امد الله في اجالنا ان تكون مصحوبـة بندوة تتماشى مع روح الشهر الكريم وكم اتينا في مرات سابقة بمتحدثين تحدثوا عن امور الدين والدنيا وكم اتينا بمتحدثين كانت لهم اسهامات في مجال السياسة وما يتماشى مع فقه المرحلة .. وعادة نختم برامجنا بسمر خفيف كما حدث مع الأخ ياسر العيلفون الزميل البورددابي .. ومن هنا اجزل الشكر للأخوة الذين جملوا هذه الليلة بسماحة مداخلاتهم وعصارة جهدهم فكل واحد فيهم متخصص في مجاله .. ويحشد له الناس من أجل ان يستمع له ..

كلام زي الورد والله .. وشئ طيب وجميل .. نتمني ان يتواصل ..
شكراً لكل بورداب الرياض الرائعين الحلوين..:)



ــــــــــــــــــــ..




نحن هينين يا علاء الدين .. الزول دا تلقاهو شغال دياللو داخلى كدة مع نفسه حول دي ورطة شنو يا اخوانااا.. انا الجابني شنو يا ناس.؟ كان مالي ومال المعط .. غايتو بيكون توصل لقرار التوووبة كان تاني اجيكم طالما دا برنامجهم..

افطاركم جميل يآخي بجمال صقرياته وعرضاته وسمره ولذته وبرامجه..

بعدين انا تعليقي كان اساساً عشان الصورة دي :




يا تمبس لا بعرف محاضرة لا محاضرين لا ابوكساوي لا ابو سداري.. ولا عارف هم زاتو شنو
حقيقة والله هذا المنظر يعيد للذاكرة عقود الزواج

ويوسف السماني اداني احساس انه بيسأل " الجماعة عقدو وانتهوا وين الخرطوش ؟ مالكم ما ضربتو طلقة ؟! " ...


بعدين يا حبيب من ناحية مشاغلة فهي مشاغلة.. هههههههههههههههههههه
يعني دايرنا نجي نقول ليك ابوحسين حلااااتو مع الرجيم رجع عشرة سنة لوراء..

سلامات يا حسين

Quote: الضحك والقرقراب يا حيدر الزين كان وقت الافطار وقبل ما تحضر الكمرات حيث كان أول الحضور هشام شيخ الدين والأمين زول الجنيد ،

زارتكم الملائكة وفطر عندكم الابرار يا حسين مع زيارة حبيبنا وقريبنا هشام شيخ الدين .. والامين الامين..

ياخي ياريت لو نصبتو كاميراتكم زي ذو اليد من البداية كان الزول ما شالف هذه الوشوش التي تكاد تنطق مللاً..:)




يا للشنا يآخي ..

ـــــــــــــــــــ
لابد وان اشير ان جميع تعليقاتي حتى الان دون وضع صور ايمن دياب داخل اطار عملية الافطار ..:)
اها مطرود من البوست والا لسع يا تمبس

يوم ظريف إلا رُبع!!


النجيضة .. يوم ظريف عديل
يكفي الحضور الجميل من البورداب الجُدد والناس (اللابدة)!!

يديكم العافية يا بورداب الرياض
ولجنة بورضاب الرياض .. وشكر خاص لأيمن دياب وسمعة!

بعدين يا أيمن بالغت ياخ!
ما تقول دا أنا

Quote: واقول لي اساسي وحيدر الزين الا تحكموا بمظهر وترموا بي انطباعاتكم عن اشخاص لم تعرفوا شيئا عنهم ولم تجالسوهم ..

كالعادة كهرباء عالية بدون فولتات , بعدين احكم بشنو وانطبع بي شنو |؟؟
قوم لف بالله
لو قصدك علي الزول ابودقن ؟
يازول الزول دا سلفي كان رضيت ولا ابيت وانا ذاتي الايام دي سلفي لو ما عاجبك برضو

بورداب الرياض كل سنة وانتو بالف خير وربنا يحقق امانيكم ويرد غربتكم

شكرا قدامى بورداب الرياض شكرا كثيرا أن جعلتم ما جرى يوم الجمعة ممكنا
فهناك التقيت بكم
وأول مرة في حياتي أري أقمارا كثيرة في سماء واحدة وفي ليلة واحدة
رغم المشغولية وتضارب العزومات فقد حاولت ان أرضي كل الأطراف في الظهور هنا وهناك
ورغم قسوة مدينتنا الحبيبة الرياض وتلفحها بثوب الغبار الكثيف والحر اللافح
فقد امتطيت الكباري الطويلة لأصل أخوتي هنا وهناك
وفي تلك القاعة الانيقة وصلت بعد الافطار ( وغايتو الفيكم اتعرفت زي كلام ديغوول ) خاتين لي ود الصايم وشيشتو وش قدام الباب
وكمان أبو حسين
تشرفت بمعانقة كل الاخوة الاعزاء :تمبس /ود الصائم/ أبو حسين /طارق نقد /ايمووون دياب /حسن محمد سيد احمد/ الخال حمزاوي /عباس الشريف الدسيييييييس جدا /فايز/معتصم
ودفعتي ورفيقي المارشال ( حسن ) شارل ديغوووول وبقية الكوكبة
كما سعد بالاخت الدكتور داليا الكباشي
وسعدت بكل الاخوة الذين لم أستطيع ذكر اسمهم ( خرف وكدة )
وما قلت ليكم ود الصايم طلع ماسورة ساكت
لابس ليه طاقية منجدة في راسو
ولي الشيشة ما جاي طولها نص متر
( في البورد الفات خاتي لينا لي الموية ونحن داقسين )
وأحلي شي في الموضوع كلو مقابلة المارشال ديغول قائد فيلق البرالمة
رجل يحمل الطيبة والحسن
وأظنه كان يحمل كثيرا من العصيدة وملاح الروب ( أيده الله بنصره )
شكرا كثيرا جميلا شكر والله

Quote: بعدين يا أيمن بالغت ياخ! ما تقول دا أنا

ههههه - أبو حسين عرفني من جيت خاشي طوالي (انا لحدي هسا شاكي انو يكون عرفني براهو)
المهم تشرفنا بالتعارف مع البعض من بورداب الرياض الرايعين والجميلين جدا وبكل امانة! وفي الجايات نتعارف أكثر معكم ان شاء الله

حقيقة الواحد سعيد ان التقى بأخوة اعزاء من الزمن الجميل و كان افطار شهي و نشكر السيدات اللائي تعبن من اجل راحة الجميع نسأل الله ان يجعل ذلك في ميزان الحسنات

و شكرا خاص للاخوة المنظمين و على رأسهم الزعيم اسماعيل عباس هذا الرجل الهاش الباش و كذلك شكرا خاص للاخ يوسف السماني على اختياره موضوع الندوة وسعدت ايما سعادة بالرؤية المتقدمه للاخوة المتحديثين وخاصه الشيخ ابوكساوي و اقول بصراحة كان فاكهة الافطار بدون منازع من حيث خفة الدم و روح الدعابة التى كانت حاضرة في حديثه و التى اعجبت الجنس الاخر حيث ظهر الرجل مناصر ونصير للمراة في قضايها ، عجيني حديث الاخ شتات و تحليله المنطقي للموضوع المطروح حيث تناول الموضوع بروح ثورية عاليه حقيقة لم احضر المداخلات لاني كنت على موعد لاداء واجب العزاء في استراحة مجارة لوالدة الحبيب العالم و عندما عدت مره اخرى وجدت الفنان ياسر العليفون يتغنى بأعذب الاغاني و للامانه و التاريخ لاول مرة احضر الاخ ياسر العليفون و قد دهشت من اداءة الرائع و صوته الشجي و ملكة التطريب العالية عنده وطبعا هذا ليس غريب على ناس العليفون فهم اصحاب ارث فني ممتد من جيل العمالقة و مروار بصديقي الجميل و زميل الدراسة بالهند عماد توفيق و مروار بجيل ياسر فلك التحية اخي ياسر وكذلك الكورس الفنان طارق ميرغني و عبد اللطيف بكري .
التحية للاخ ايمن فالرجل كان يتحرك هنا و هناك وكان شعلة من النشاط و تحية للبوردابي الجديد الذي اوهمني عندما نادني بأسمي و كال لي السباب من يا عربي الجينه و بعض عبارات المزحة الجميله وانا لم اعرفه حينها الا ان رجع بي لعام 1990 الاخ عبد العزيز الباك كما يحلو لاصحابه في جامعة الخرطوم ان ينادوة فكم كنت سعيد بلقاءة بعد حين من الزمن.
وكم كانت سعادتي اجمل بلقاء الاخ المكاتل احمد حنين العائد من الوطن حيث كانت لنا مع الرجل صولات وجولات من المناكفات انا وصديفي وراق و خصوصا ما يخص حزب الامه و الانصار.
التحية للجيع و لكل من اسهم وساهم في نجاح اليوم الجميل

Quote: البوردابي هشام عباس.. والأخ سمير صديق بورداب الرياض

شكرا ايمن لمجهودكم الجبار الذى تكلل بيوم جميل جمال حضوركم
وسعيد جدا بمقابلة شخصيات لم تجمعنا بهم سوى صفحات المنبر فكان اللقاء وكانوا كما رسمناهم في مخيلتنا
اناس رائعون بكل معنى الكلمة ولا اريد ذكر اسماء حتى لا انسى اسما لكن يكفى الود الذى احاط بالمكان
دلالة على نقاء النفوس وطيب القلوب واصالة المعدن ..
وشكرا للوبردابيات اللائي اخرجن اليوم بهذه الكيفية الجميلة متحملين كل التعب

تخريمة :
الاخ سمير اصبح عضوا بالمنبر يا ايمن دياب وليس مجرد صديق

ان تلتقي الالسن بثقافاتها واجيالها المختلفة
هذا يعني سودانيز اون لاين ،
فشكراً لكل البورداب في مختلف انحاء العالم
الذين يحرصون علي التواصل بفاعاليات البورداب
المختلفة .
شكرا بورداب الرياض

Quote: ههههه - أبو حسين عرفني من جيت خاشي طوالي

ياخ أبو حسين دا أمنجي .. لازم يعرف الناس كوولها!!

الاخوة بورداب الرياض

لكم التحية العطرة
لقد كنت حريصا على الحضور وتاكيدي ذلك للاخ معتصم الذي اتصل بي
لكن اتت الرياح بما لاتشتهي السفن
لكم التحية وانتم تعيدون بورداب الرياض الى الق القديم
اسال الله ان يديم نعمه ظاهرة وباطنة عليكم ودائما تامين ولامين

المنصة الرئيسية لندوة (تواصل الأجيال)
من اليمين: محمد الشيخ، صلاح شتات، اسماعيل وراق، البروف عثمان الحسن، المستشار هاشم عوض عبدالمجيد،
مولانا حسب الرسول أبوكساوي، والأستاذ يوسف السماني (مدير الندوة)..

سلام للجميع
تعاهدنا في لجنة بورداب الريا ض منذ ان تم اختيارنا في اللجنة التنفيذية ان نحترم اختلافانتا الفكرية والثقافية والاثنية
ونعمق اواصر التواصل الاجتماعي بييننا وتمسكنا بهذا النهج حفاظا علي كل قيمة جميلة تقرب المسافة وتسد فجوة التباعد
وبذلك التماسك الانساني الجميل قدمنا جليل الاعمال التي عجزت عنها معظم التنظيمات . وارشيف المنبر يشهد علي ذلك
وفي كل نشاطاتنا نتوافق حولها قبل الشروع فيها لذا تأتي متناغمة وناجحة تحدد المهام فيها بدقة متناهية حتي كتابة البوست توكل
لشخص لتلخيص كل البرنامج والاخرون يثرونه بالحوار . ولكن الافطار الاخير كان مختلف بحضور الاخوة الجدد الذين يحضرونا
فعالياتنا لاول مرة ربما يجهلوا شكل التنسيق الذي يتم لكتابة بوست اي نشاط , ولكن حينما وجدنا بوست الاخ ايمن مشكورا علي مجهوداته
التوثيقية اكتفينا به حتي لا نكرر , ونحاول ان نثري البوست بمداخلات تدعم الصور والموضوعات التي طرحت .
في كل افطاراتنا السابقة كنا نناقش قضية وطنية تهمنا جميعا ونتفق حولها رغم اختلاف مرئياتنا الفكرية وهذه المرة كان اختيارنا لموضوع
يشكل عقبة في طريق تطور وطننا للحاق بركب العالم المتقدم . وبنا ء وطن فتته ايدي بنيه. ولذا اخترنا موضوع الندوة (انقطاع تواصل الاجيال ) او المجايلة
كما يسمية البعض واخترنا لها المتحدثين بعناية تامة . وللبعض منهم اسهامات بحثية تستفيد منها دول اخري . ولم يستفيد منها وطننا . هم سفراء
العلم في المهاجر واعلام لوطنهم في كثير من المحافل الدولية .
سنحاول طرح كل ماقيل في الندوة . ومداخلات الحضور .

شكرا يا أيمن محمود ..
وبعدين أتعلم من ناس أيمن دياب ديل فى رفع بوستات الافطارات
مش تجى تلصق لينا الصور وتمشى ساكت :)

Quote: شكرا يا أيمن محمود .. وبعدين أتعلم من ناس أيمن دياب ديل فى رفع بوستات الافطارات مش تجى تلصق لينا الصور وتمشى ساكت

معليش يا مزمل.. أخونا الباشمهندس لسه جديد.. وما بعرف أسماء الناس..
برلومنا ونقدر ظروفو..

لك الشكر الجزيل الاخ الصادق خليفه على حديثك الذي اعتبره قلادة وتاج فوق راسي وهذا من حسن استماعكم الجيد واذنكم الموسيقية الشفافة على الرغم من ان المشاركة جات ضعيفه نسبة لصيام الشهر الكريم ونسبة للارهاق الحاصل ولكن اتمنى ان نلتقي مرة احرى في ظروف احسن حتى نسمعك غناءاهلي ناس العيلفون الجميل الذي له مكانه خاصة في نفسي .. فلك الشكر والاحترام .. اما بخصوص الاخ عماد توفيق فهو اخي ابن خالي لزم وهو رجل مرهف ايضا واكيد لك معه ذكريات في بلاد طاغور وغاندي ..

والتحية لكل الاخوة البورداب الذين لم اتشرف بلقاءهم نسبة لحضوري المتاخر ولهم العتبى حتى يرضو واكيد جان حيين بنتلاقى باذن الله ..

تحياتي : ياسر العيلفون

الاخ الكريم ياسر

لك التحية مجدداً ولنا عظيم الشرف ان كنا حضور و الاستماع اليكم في ذلك اليوم و زادني شرف علاقة القربة التي تربطك بالاخ الجميل عمده وهو بحق رجل مرهف وذوق جداً بس يبدو لي الامارات دي قتلت فيه الموهبة التى كان يتمتع بها .ههههه

تحياتي وبأذن الله لنا لقاء اخر

رمضان كريم .. والجميع طيبين
التزامات .. حبستنا عن المشاركة ...
ونشوفكم فى مناسبات قادمات ان شاء الله

Quote: تحياتي : ياسر العيلفون

كيف نوفيك يا ود يا مبدع.. جملت ليلتنا بأغنيات جميلة ومختارة بعناية وتدل على ذوق رفيع..
وما لاقاني فنان بغني في الحفلة وبرضو بدفع قروش ومساهمة..!! إلا ياسر العيلفون..

Quote: ودفعتي ورفيقي المارشال ( حسن ) شارل ديغوووول وبقية الكوكبة وأحلي شي في الموضوع كلو مقابلة المارشال ديغول قائد فيلق البرالمة رجل يحمل الطيبة والحسن وأظنه كان يحمل كثيرا من العصيدة وملاح الروب ( أيده الله بنصره ) شكرا كثيرا جميلا شكر والله

تسلم يا جمال سعدت بالتعرف إليك

ويا خسارة فاتتك العصيدة والبليلة وان شاء الله القادم أحلى

التحية مجددا لكل الحضور الأنيق

نشكر الله ان اتاح لنا وهيأ لنا اللقاء مع مجموعة بورداب الرياض ..
والشكر اجزله للاخ بكري ..
منتهى الاريحية اناس رائعون وجميلون ..
يقابلك الجميع بمودة وبشاشة فيعطيك انطباع بأنك تعرفه من زمن وليس اول لقاء ..
شكراً بورداب الرياض فقد تركتم في النفس اجمل الاثر ..
وشكر خاص للمجموعة التي قامت على امر الافطار ..
كنت اتمنى ان تطول فترة تواجدي في هذا الجمع الانيق ولكن مشيئة الله وارتباطات مسبقة حالت دون ذلك ..

متأكد من اهتمامكم وتفاعلكم
ولكن من باب فإن الذكرى تنفع المؤمنين
اذكركم بالمساهمة في شراء ثلاجة الطاقة الشمسية
لمركز صحي الصامدين في امري القديمة
وهم في اشد الحاجة لهذه الثلاجة لحفظ مصل سم العقارب التي تهدد حياة اطفالهم
في انتظار مساهماتكم
0502346430


مع خالص الود والتقدير

سلام صاحب المفترع والحضور الكريم
امسية كانت روعة الشكر لمنظمي الافطار والجلسة الثقافية والفنية
امنياتنا أن تتكرر تلك القاءات كسر للروتين وللتواصل الاجتماعي بين البورداب
تحياتي وتقديري

كتب طارق ميرغني

Quote: لا محليه وبايدي سودانيه ميه الميه سناعة المدام فوزيه بت هاشم السعيد بوردابيه بالمشاهده

تسلم الأيادي ....




الشغيل

والله وحشتوني بورداب الرياض

ونتقابل في ساعة خير انشاء الله

المهندس / صلاح غريبة - خبير وطني

قمم وعلامات واميرات

شكرا للصور واشراكنا في العصيدة ..

ود الصايم ياعزف شيشة منفرد
والفاروق عارفنك امام من يومك ..

اللهم احفظهم .. اللهم امين

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

كتر خيرك اخي عبد العزيز والجايي احلي

Quote: وفي حوشنا الكبير سودانيز اون لاين ياريت اخونا بكري أبوبكر يضمن

نضم صوتنا اليك اخي ورسالة مستعجله الي باشمهندس بكري

لو تكرمت علينا بنمح العضويه للاخ محمد خضر بشير

راجل فنان ومجامل وحاضر كل لمات بورداب الرياض

وعضو بالانتساب لا يفقد سوي العضويه

وانت يا محمد لا تفتر من ملاحقة بكري حتي تنال العضويه

واليوم قبل باكر ارسل له ايميل

ايمن دياب الحبيب ياخ الواحد لو لا ضيق ذات اليد لكان عطاءه اكتر من ذلك ولكن ان شاء الله في الجايات مشاركتنا تكون اكبر واكتر .. لانو الواحد صاحب دار ياخي والبمشي علي الناس بيمشي عليه ولا انت رايك شنو ..
ولك الشكر اولا واخيرا على حديثك الطيب ومدحك الذي اعتبره تاج فوق راسي واتمنى ان اكون دائما عند حسن ظنكم بي ..
ولك الشكر الجزيل وعلى ما بذلته من مجهود لإخراج هذا اليوم الجميل ..


تحياتي : ياسر العيلفون

Quote: بالله يا أستاذ عبد اللطيف تشييل وتسأل في الشيوخ هل صلاتي جائزة وهل المغرب صحيح حيث صليت خلف عمر الفاروق وهل وهل ؟؟ ياخ كان تسألني انا يا أستاذ .. بعد شوفت صورتك دي النبشرك صلاتك ما جائزة يا حبوب وقوم إتنفض عييد المغرب ده ساااي .. ماااكل واقف براك والهم عصف؟؟؟ الزول البيقيف في الصف وححححدو الله ورقبتو قيييل صلاته غير جائزة فياخ كان تجر معاك صلاح شتات ده يجي يجاورك .. ولو إنو شتات بي دينو الحبة ده وأخلاقو الضييقة دي كان عااادي ناولك بونية لمممن الله غفر ليك :):):) لالا يا أخوي عييب صلاتك ما الإمام ..الإمام حلاااة الدنيا عليهو ونعم الخشوع ..ونعم الترتيل ..بالله كان تحكي ليهم عن صوتي وعن النغمات الصوتية والسلالم الكنت برتل بيها عشان ناس الموصلي وحمزة ديل يفهمو حاجة :):):) عبد اللطيف يا أستاذ ..قوم قوم عييد الصلاة دي يا هداك الله ..

بالله شوف الزول القطيم دا ،،
أسألك متين وانت فاكي بنمرة اربعة ؟؟

بعدين الصورة دي في بداية الصلاة / وجاء أيمن دياب صلى جنبي
وبعدين انت مع النظريات السلفية القديمة في الصلاة تقوم تجر ليك زول يقيف
معاك في الصف وراء ، الحكاية دي طلع تحديث بيانات وخلوها : والله صحي!!

أولاً ما يجوز تخرب للناس الصف
ثانياً : مايجوز زول جاء اول ووقف في الصف الاول تشيل البركة بتاعتو وتنزلو الدرجة التانية،،
ثالثا : في حالة الصلاة في صف منفرد مع الجماعة عليك بمنتصف الصف ، وهذا مافعلته انا ،،
عموما: صلاتنا معلقة في رقبتك ههههههه،،

وأسعدنا لقاك بالجد ياحبيب ،،

Quote: بالله شوف الزول القطيم دا ،، أسألك متين وانت فاكي بنمرة اربعة ؟؟

Quote: الصورة دي في بداية الصلاة / وجاء أيمن دياب صلى جنبي

نعم وأشهد الله على ذلك..
لا عليك يا أبو خالد..
فالمتزمت هذا لا يعجبه العجب ولا الصيام في رجب..

Quote: بالله شوف الزول القطيم دا ،، أسألك متين وانت فاكي بنمرة اربعة ؟؟

بالله الرشة المجيهة دي ليك إنت ....؟؟؟؟؟

أستاذنا عبد اللطيف :

Quote: بعدين الصورة دي في بداية الصلاة / وجاء أيمن دياب صلى جنبي

أخييير براك ..

كتب الصادق خليفة

Quote: و تحية للبوردابي الجديد الذي اوهمني عندما نادني بأسمي و كال لي السباب من يا عربي الجبنه و بعض عبارات المزحة الجميله وانا لم اعرفه حينها الا ان رجع بي لعام 1990 الاخ عبد العزيز الباك كما يحلو لاصحابه في جامعة الخرطوم ان ينادوة فكم كنت سعيد بلقاءة بعد حين من الزمن.

بالجد يا ود الخليفة تشرفنا بإعادة قليل من ذكريات 1990 ...

وأتاريها جبنة الدويم دي بتحافظ على الذاكرة ..


شكرا ليك يا حبيب





الشغيل

ما كتب الاخ محمد حميده فى الفيس بوك

في ناس كتيرة جدا ما جات او ابتعدت من افطار بورداب الرياض .. حقه الناس تقعد تشوف حل للاشكالية بتاعت سيطرة شلة معينة علي الكيان دا ..
رد · 1 · أعجبني · ‏الأحد‏، الساعة ‏05:34 مساءً‏

---------------------------------------------------------------------

اخونا العزيز حميده

كل عام وانت بخير ورمضان كريم

بالمناسبه الحوارات الجانبيه كلها كانت عن الغياب فى المنبر والدعوات

بس ما وصلت لحد النقاش العام لان بعضها خصوصيات ووجهات نظر

لكن السؤال الاهم اللجنه الدائمه دى ما انت عضو فيها من زمان والكل

راضى لنشاط مسؤليها وكان هناك وجهات نظر ما تقعدوا وتحلوا الاشكالات

وأظن هذا انفع للجميع .

بالمناسبه انا رشحت الاخ حسين ديجول لنشاطه مع اللجنه وهو اول المستحقيين

من البورداب الجدد ومثله اخرون لم تختذن الذاكره اسمائهم غير العضوات الفاعلات

الذين وقفن على الترتيب فى الافطار

المهم التحيه للمنظميين جميعا والامانى أن تجلس مع الاخرين للحل النهائى

تحياتى

سيد سيدنا

الاخ العزيز / سيدنا محمد احمد
تحياتي ورمضان كريم

Quote: المناسبه الحوارات الجانبيه كلها كانت عن الغياب فى المنبر والدعوات بس ما وصلت لحد النقاش العام لان بعضها خصوصيات ووجهات نظر لكن السؤال الاهم اللجنه الدائمه دى ما انت عضو فيها من زمان والكل راضى لنشاط مسؤليها وكان هناك وجهات نظر ما تقعدوا وتحلوا الاشكالات وأظن هذا انفع للجميع .

أخي سيدنا منذ ان كلفنا من الجمعية العمومية تعودنا أن تكون الدعوات لكل فعالياتنا عبر المنبر الذي يمثل
ارض للتلاقي بيننا , وتكون دعواتنا عبر الهاتف للضيوف من غير الأعضاء , وهنالك اجتهادات شخصية لبعض
أعضاء اللجنة التنفيذية بدعوة الأعضاء بالتلفون او الرسائل حرصاً منهم علي حضور اكبر عدد من الأعضاء وهذا ما انتهجناه في الإفطار الأخير ,
تواثقنا في اللجنة التنفيذية منذ تكليفنا أن نتجاوز ذواتنا وخلافاتنا الأيدلوجية والفكرية من اجل مصلحة ووحدة
بورداب الرياض ولقد تعرضنا لكثير من الاستقطاب من جهات مختلفة ولكن ظللنا متمسكين بمبادئنا التي تعاهدنا
عليها من اجل البورداب وصمام وحدتنا هو وعينا بمسئولياتنا ويكفيني شرفاً ان البورداب هو الكيان الوحيد بمدينة
الرياض الذي لم ينقسم لأجسام كما حدث في كل منظمات المجتمع المدني والأحزاب السياسية , وقد تعرضنا لشتي
انواع الاستقطاب والإساءات ولكن تجاوزناها من اجل المصلحة العامة , ولكن البعض لايدرك حجم المسئولية التي
حملناها وحافظنا عليها ويصفنا باننا عصبةً تتحكم في البورداب ولا يدرك اننا نستقطع من وقت عملنا ومالنا وراحة اسرنا
من اجل البورداب وجاء الوقت ان اقل نيابة عن اللجنة التنفيذية إننا أكثر الناس حرصاً علي تسليم الأمانة والدعوة لجمعية
عمومية وسنعمل كشف حساب لكل نجاحاتنا واخفقاتنا ليشهد عليها كل بورداب العالم ونسلم المسئولية لغيرنا ونستشهد
بمقولة الزعيم الزعيم الأزهري عليه رحمة الله نسلمكم البورداب زى صحن الصيني لافيهو شق ولا طق .

Quote: بالمناسبه انا رشحت الاخ حسين ديجول لنشاطه مع اللجنه وهو اول المستحقيين من البورداب الجدد ومثله اخرون لم تختذن الذاكره اسمائهم غير العضوات الفاعلات الذين وقفن على الترتيب فى الافطار

نرحب بكل من له القدرة علي العطاء من اجل استمرارية كيان البورداب وللعلم
اخي سيد لقد انضم لللجنة المنتخبة كثير من الا عضاء واخرهم
1- الاخ النشط ايمن دياب
2 - د. داليا كباشي
3- عفاف ابوحريرة
4- سامية حامد
وحتي لا يفهم البعض بأننا نرفض الاضافات هذة نماذج حية للتواصل مع كل من
له قدرة علي الاعضاء وقلبه علي وحدة البورداب .

لك الود
تصوم وتفطر علي خير

الاخ يوسف السمانى

شكرا كثير وكثير على كل المجهودات التى تقدمونها واكيد

كل البورداب رضا وشكر على اعمال اللجنه وكما نقول

بالسودانى ( ما يجى يوم شكركم ) .

والشكر ايضا للمنضميين الجدد للبورداب واللجنه ونرفع

لهم العمائم ( بدل القبعات ) لانهم بحق يستاهلون .

من تعليق حميده شعرت إن له رأى وحبيت أن تجلسوا

وتناقشوهـ لاننى أعرف ان كل اعضاء اللجنه من اصدقائه

والدنيا رمضان ربما يحببكم بصداقاتكم .

موضوع الاستقطابات دا عهدوا ولى واحمد الله إن تجمع

البورداب رغم اختلاف توجهاتهم يحترمون بعض والحد بينهم

الكلمه والرأى وهذه اكبر محمده .

نشكر لكم مره اخرى جهدكم وفى موازيين حسناتكم بإذن الله

وفقكم الله .

تحياتــــــــى

سيد سيدنا

Quote: المهندس / صلاح غريبة - خبير وطني

زي ناس ربيع عبدالعاطي وكده؟؟



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

والله يا بورداب الرياض سعدت كثيراً بلقاء أشخاص كنت دائماً أمنى النفس بلقائهم ، وكان لى الشرف الكبير فى الجلوس بينكم وأكل طعامكم ورؤيتكم ومقالدة الكثير منكم وتحسس أنفاسكم فوجدتكم نعم الإخوة ونعم الأحباب ، لله دركم ، بارك الله فيكم أجمعين

الصور المنشورة توجد بصورة أكثر وضوحا وأكبر حجما
من يرغب بأحد الصور عليه تحديدها وسأرسلها له

الأخ / أيمن
تصوموا و تفطروا على خير
جديد لنج - ليه ما وجهتو لينا دعوة عشان نتعارف

تقبل الله صيامكم وقيامكم.. ودائماً فى الخير إن شاء الله.