Post: #1
Title: السادة وزارة الاستثمار: شركة سعودية صناعية كبرى
Author: محمد عمر الفكي
Date: 06-30-2013, 09:55 AM
تعلن عن بيع ارض صناعية بجمهورية السودان، الموقع ولاية الخرطوم وتبعد عن مدينة الخرطوم 60 كم.
المساحة 19,122 متر مربع
كان ممكن يقولوا بيع مصنع بس بيع ارض دا معناها مافي حاجة قامت من الاساس!!!!
قبل ايام دريم لاند اعلان تصفية
لماذا يهرب المستشمر او يفلس؟
|
Post: #2
Title: Re: السادة وزارة الاستثمار: شركة سعودية صناعية كبرى
Author: محمد عمر الفكي
Date: 06-30-2013, 09:57 AM
Parent: #1
الاعلان على الصفحة الثانية بجريدة الشرق الاوسط عدد اليوم
|
Post: #3
Title: Re: السادة وزارة الاستثمار: شركة سعودية صناعية كبرى
Author: محمد علي البصير
Date: 06-30-2013, 10:19 AM
Parent: #2
الظاهر يا أبو عمر طلعوا تفتيحة
وأكتشفوا اللعبة من بدري
فبدل يتورطوا أكثر أحسن يخسروا في بيع الأرض
بلد تقطع فيها الكهرباء بالساعات حتى في العاصمة
تجي تقول لي إستثمار ؟
بلد كل زول فيها عاوز يبلع وبس
تقول لي إستثمار
السعودي دا لعبا صاح
شائف أول أمبارح برضو المشروع الهزلي بتاع قلب العالم الكان غشاهم بيه واحد خليجي وقال حيستثمر فيه 10 مليار دولار ، وهو صاحب إمكانات متواضعة للغاية
رفعوا عليه دعوى في محكمة بورتسودان
|
Post: #4
Title: Re: السادة وزارة الاستثمار: شركة سعودية صناعية كبرى
Author: محمد عمر الفكي
Date: 06-30-2013, 10:46 AM
Parent: #3
شائف أول أمبارح برضو المشروع الهزلي بتاع قلب العالم الكان غشاهم بيه واحد خليجي وقال حيستثمر فيه 10 مليار دولار ، وهو صاحب إمكانات متواضعة للغاية
رفعوا عليه دعوى في محكمة بورتسودان
انت بصحك يا ابو حميد؟ 
والله الناس ديل يحيروا؟ صقر قريش، جمعة الجمعة، احمد بهجت، الوليد بن طلال كلهم جونا وشردوا، معقولة المشكلة عندهم هم؟ اذا المستثمر الاجنبي المفروض تكون كل التسهيلات مفتوحة ليهو بيشرد فما بالك بالمستثمر المحلي؟
يعني بدر الدين الامير لو داير يستثمر في السودان يعمل شنو مثلاً؟
|
Post: #5
Title: Re: السادة وزارة الاستثمار: شركة سعودية صناعية كبرى
Author: محمد علي البصير
Date: 06-30-2013, 11:20 AM
Parent: #4
((انت بصحك يا ابو حميد؟ )) ـ
((صدرت المحكمة الإدارية العليا حكماً بإبطال قرار منح المستثمر السعودي أحمد الحصيني جزيرة «مقرسم» بولاية البحر الأحمر لإقامة مشروع «قلب العالم» الذي تبلغ تكلفته «11» مليار دولار،
ووجهت المحكمة بتسليم الجزيرة للشاكي دياب إبراهيم دياب الذي استأجر الجزيرة من الإدارة العامة للحياة البرية في العام 2005م لمدة إبتدائية «10» أعوام تنتهي في نوفمبر 2015م. وأفاد محامي الشاكي
هاشم فضل كنة في مؤتمر صحفي ببورتسودان أمس، أن موكله دياب إبراهيم دياب حصل على تصديق لإقامة مشروع لتوطين الحياة البرية بالجزيرة واستوفى كل الشروط المطلوبة.
وقال إن إدارة الحياة البرية تراخت في تسليم الجزيرة لموكله.وكشف عن أن وزارة الاستثمار منحت الجزيرة للمستثمر السعودي لإقامة مشروعه «قلب العالم»، وأكد أن موكله حصل على حكم ببطلان قيام المشروع.
وأضاف كنة أن الحكم تم تنفيذه وتم التحفظ على المعدات الخاصة بالمستثمر السعودي. وأشاد كنة بالجهات المسؤولة لإعلاء سيادة حكم القانون بالولاية.))
شائف يا أبو عمر الجماعة زاقوا كيف من المشروع ؟؟
بعد ما أكتشفوا إنو الزول طلع ماسورة
|
Post: #6
Title: Re: السادة وزارة الاستثمار: شركة سعودية صناعية كبرى
Author: محمد عمر الفكي
Date: 06-30-2013, 11:52 AM
Parent: #5
وهم قبل ما يدوها ليهو كانو نايمين
القصة دي مالها بتشبه لي قصة الاتفاقية الحصرية بتاعة تصدير الماشية؟
|
Post: #7
Title: Re: السادة وزارة الاستثمار: شركة سعودية صناعية كبرى
Author: محمد المسلمي
Date: 06-30-2013, 12:47 PM
Parent: #1
الاخ محمد سلام
انت الأرض قائلة وين دي جنب ناس وداصول الحسانية قدام قري
ديل ناس الاستثمار باعوا ليهم الهوا والصقايع بدون كهرباء
أوموتية أو خدمات
ناس وداصول خط مواصلات ما عندهم معتمدين علي لواريهم
|
Post: #8
Title: Re: السادة وزارة الاستثمار: شركة سعودية صناعية كبرى
Author: محمد عمر الفكي
Date: 06-30-2013, 01:04 PM
Parent: #7
ههههههههههههههههههههههههه
تعرف يا محمد مرة واحد مغترب جاء في الزاكياب ومعاهة مرته وشفعهم ولاقو واحد وقالوا ليهو له نحن مغتربين واشترىنا قطعة ارض في الخوجلاب المحورية وماشين ليها نشوفها فعليك الله وصف لينا الدرب
الزول عاين في الشفع وقال لها : خلاص شيلوا معاكم موية الشفع ديل ما تقطعهم عطشة
|
|