بيان هام من تنظيم الرايات الاربعة السري

بيان هام من تنظيم الرايات الاربعة السري


09-06-2013, 12:21 PM


  » http://sudaneseonline.com/cgi-bin/sdb/2bb.cgi?seq=msg&board=430&msg=1370776917&rn=0


Post: #1
Title: بيان هام من تنظيم الرايات الاربعة السري
Author: توفيق عيسى مكي
Date: 09-06-2013, 12:21 PM

نؤيد اي فعل رجولي يحفظ لنا كرامتنا وقوتنا وشجاعتنا نحن امة مسلمة لا تخضع الا للمولى عز وجل
لا شرقية ولا غربية اسلامية 100%
نؤيد لغة الخطاب الاستعلائي امتثالا لله حيث امرنا بذلك حيث خاطبنا ب .... ولا تهنوا وانتم الاعلون
نؤيد لغة الخطاب الجهادي التعبوي وفتح معسكرات الدفاع الشعبي


اقفلوا ماسورة الماسورة الخائن
واشنقوا المواسير ناس الطابور الخامس في ميدان ابو جنزير
وحتى حريمنا شيلوهم السلام
نحن امة مجاهدة

Post: #2
Title: Re: بيان هام من تنظيم الرايات الاربعة السري
Author: توفيق عيسى مكي
Date: 09-06-2013, 12:42 PM
Parent: #1

لا تفاوض ...
لا هدنة ...
لو دايرين دواس نحن جاهزين 100%
ندافع عن الوطن والدين معاكم

ونحذركم من لغة التودد والخيابة مع امريكا ودول الغرب

نحن باسلامنا ...
ما شايفين الا الله قدامنا


وبس ...

Post: #3
Title: Re: بيان هام من تنظيم الرايات الاربعة السري
Author: توفيق عيسى مكي
Date: 09-06-2013, 12:46 PM
Parent: #2

جنحنا للسلم امتاثلا لامر الله وايداناكم في ذلك
لنحفظ دماء طيبة من ابناء هذا البلد


ولكن ....


نحن شعب لا يرضى الحقارة

Post: #4
Title: Re: بيان هام من تنظيم الرايات الاربعة السري
Author: توفيق عيسى مكي
Date: 09-06-2013, 12:50 PM
Parent: #3

فيا أمير المؤمنين ....

اعلن الجهاد المقدس
وشوف كان تلقى ليك متمرد واحد في السودان




رئيس التنظيم
ت

Post: #7
Title: Re: بيان هام من تنظيم الرايات الاربعة السري
Author: أيمن الفاضل
Date: 09-06-2013, 01:13 PM
Parent: #4

توفيق ازيك
مشتاقين
Quote: فيا أمير المؤمنين ....

ده منو ؟
قصدك البشير ؟
Quote: رئيس التنظيم
ت

وده منو ؟
ولي شنو رمزت ليهو بحرف التاء ؟
لانو شخصية (سرية)؟

Post: #5
Title: Re: بيان هام من تنظيم الرايات الاربعة السري
Author: humida
Date: 09-06-2013, 01:06 PM
Parent: #2

اديلو ادي ..
التيتة فى الننا والننا فى التيتة ..

Post: #6
Title: Re: بيان هام من تنظيم الرايات الاربعة السري
Author: Faisal Elrasheed
Date: 09-06-2013, 01:11 PM
Parent: #5

ده شنو

Post: #8
Title: Re: بيان هام من تنظيم الرايات الاربعة السري
Author: ABUHUSSEIN
Date: 09-06-2013, 01:29 PM
Parent: #6

هن بقن أربعة رايات ....؟؟؟؟ يعني زي الجهات ....؟؟؟؟

و التنظيم دا سري ليه ....؟؟؟؟ ببيع بنقو و ل شنو ...؟؟؟؟

Post: #9
Title: Re: بيان هام من تنظيم الرايات الاربعة السري
Author: حيدر حسن ميرغني
Date: 09-06-2013, 01:50 PM
Parent: #8

انت زول كويس ياتوفيق
لا تعود لهذا الضلال القديم
هؤلاء مجرد كذبة وتحار دين لا غير

Post: #10
Title: Re: بيان هام من تنظيم الرايات الاربعة السري
Author: عبداللطيف شريف على
Date: 09-06-2013, 02:30 PM
Parent: #9

توفيق ...

يااا توفيق ات بجدك ...

ولا ...بتهظرررر ساااااكت .

Post: #11
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 12:13 PM
Parent: #10

Quote: توفيق ازيك
مشتاقين


يا ايمن الفاضل يا اخوي ...
ال ت دي الرمز السري لرئيس الرايات
وما تهظر مع ناس الريات ديل
ديل ما عندهم لعب
استمتع بالقراية .....
واقيف بعيد

Post: #12
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 12:29 PM
Parent: #11

Quote: اديلو ادي ..



يا حميده ...
مهما جبنت وبقيت تحرش من بعيد
يدنا طايلاك طايلاك

ابشرك ...
تم تحويلك لامير الجهاد ليبت في امرك

Post: #13
Title: Re: بيان هام من تنظيم الرايات الاربعة السري
Author: محمد عثمان الحاج
Date: 10-06-2013, 12:31 PM
Parent: #11

بالله ياتوفيق من أبي بكر وحتى السلطان عبد الحميد، شفت ليك أمير مؤمنين بيرقص؟

Post: #14
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 12:57 PM
Parent: #13

Quote: ده شنو


انحن في السودان مشكلتنا الناس الجاهلة


والناس الدايشة المافاهمة حاجة

غايتو .....


ما عارف اقول شنو !!!!

Post: #15
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 01:07 PM
Parent: #14

Quote: ببيع بنقو و ل شنو ...؟؟؟؟



يا ابو حسين ...
البنقو ده شنو ؟؟
سلاح جديد زي القنبلة الذرية
ولا برنامج كمبيوتري خطر xxx

يا أخ ...
نحن ناس جهادية
ودين ...
وصلاة وصيام
ناس دواس وكتل
دايرين ننضف السودان من المنافقين والمشركين والفاسدين وكده

فهمت ؟؟

ولا الفها ليك بي كرت واجي ارطنها ليك رطانة ؟؟

Post: #16
Title: Re: بيان هام من تنظيم الرايات الاربعة السري
Author: ABUHUSSEIN
Date: 10-06-2013, 01:23 PM
Parent: #15

Quote: يا أخ ...
نحن ناس جهادية
ودين ...
وصلاة وصيام
ناس دواس وكتل
دايرين ننضف السودان من المنافقين والمشركين والفاسدين وكده


و عايزين تكتلو منو إن شاء الله ......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #17
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 01:25 PM
Parent: #15

Quote:
انت زول كويس ياتوفيق
لا تعود لهذا الضلال القديم
هؤلاء مجرد كذبة وتحار دين لا غير


اخي حيدر حسن ميرغني ..


لقد اربكتني بجد
دعني اتنفس بحرية واخرج كل الاصوات التي بداخلي

Post: #18
Title: Re: بيان هام من تنظيم الرايات الاربعة السري
Author: توفيق عيسى مكي
Date: 10-06-2013, 01:36 PM
Parent: #17

Quote:
توفيق ...

يااا توفيق ات بجدك ...

ولا ...بتهظرررر ساااااكت .



اخي عبد اللطيف شريف

دي مواضيع ما فيها هظار
أسأل عننا وحا تعرف نحن بالجد خطرين

Post: #19
Title: Re: بيان هام من تنظيم الرايات الاربعة السري
Author: محمد عمر جبريل
Date: 10-06-2013, 02:27 PM
Parent: #18

Quote: رئيس التنظيم
ت


قالوا في واحد حنكوش خش الكلية الحربية ..
التعلمجي سألو ,, أسمك منو .. قال ليهو توتو ..
التعلمجي طااااخ أداهو كف .. قال ليهو تعال الكلية الحربية دي بي اسم زي اسامي الرجال
بعد يومين التعلمجي تاااني لقاهو واقف في طابور الصباح .. قال لي اسمك منو يا مستجد إنت .. قال لي اسمي توتو الشرير ..


توفيق ياخ نوثينق بيرسونال .. بس اتذكرت النكتة دي ما عارف ليه

Post: #20
Title: Re: بيان هام من تنظيم الرايات الاربعة السري
Author: توفيق عيسى مكي
Date: 12-06-2013, 06:24 PM
Parent: #19

UP

Post: #21
Title: Re: بيان هام من تنظيم الرايات الاربعة السري
Author: توفيق عيسى مكي
Date: 13-06-2013, 12:38 PM
Parent: #20

Quote: بالله ياتوفيق من أبي بكر وحتى السلطان عبد الحميد، شفت ليك أمير مؤمنين بيرقص؟


افتح تلفزيون السعودية وشوف العرضة على اصولها

امراء بنو امية والعباسيين ما سمعنا برقيصهم - وان صورتهم روايات اليهود بانهم كانوا اصحاب هلس وفسوق مع الجواري كقصص هارون الرشيد- لكن لكل فئة من البشر هناك تعبير حركي يدل على الفروسية والشجاعة انظر لرقصة اهلنا في الشرق فهي مسوحاة من بعض القبائل العربية

Post: #22
Title: Re: بيان هام من تنظيم الرايات الاربعة السري
Author: توفيق عيسى مكي
Date: 14-06-2013, 06:52 PM
Parent: #21

Quote: و عايزين تكتلو منو إن شاء الله ......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



عايزين نكتل الجراد .....

والدبايب ....


يا ابو حسين

Post: #23
Title: Re: بيان هام من تنظيم الرايات الاربعة السري
Author: ناصر احمد الامين
Date: 14-06-2013, 07:36 PM
Parent: #22

انت موضوع شركة الشفافية خليتو و اللا شنو؟

Post: #24
Title: Re: بيان هام من تنظيم الرايات الاربعة السري
Author: محمد جلال عبدالله
Date: 14-06-2013, 08:00 PM
Parent: #23

Quote: بيان هام من تنظيم الرايات الاربعة السري

سلام يا حبيبنا توفيق
ياخ انت ليك سنتين بتدندن بالتنظيم ده
وهو لسة سري؟؟؟ ياخ هسي السي آي ايه وكل مخابرات الدنيا كشفته
بعدين ياخ كلمناك قلناليك الرايات الأربع وليس الأربعة
ما عندكم أمير للغة العربية؟؟؟

بعدين أمير التنظيم (ت) .. ده توفيق وللا شنو؟؟
على العموم تحياتي لأمير الطمأنينة ^__^

Post: #25
Title: Re: بيان هام من تنظيم الرايات الاربعة السري
Author: عماد حسين
Date: 14-06-2013, 08:27 PM
Parent: #8

Quote: هن بقن أربعة رايات ....؟؟؟؟


وحالتك كورنجي يا أبو حسين

يعني نسيت رايات الكورنر

Post: #26
Title: Re: بيان هام من تنظيم الرايات الاربعة السري
Author: توفيق عيسى مكي
Date: 16-06-2013, 01:00 PM
Parent: #25

Quote: التعلمجي طااااخ أداهو كف .. قال ليهو تعال الكلية الحربية دي بي اسم زي اسامي الرجال
بعد يومين التعلمجي تاااني لقاهو واقف في طابور الصباح .. قال لي اسمك منو يا مستجد إنت .. قال لي اسمي توت


في الحلفاية انا اعرف باسم توتو ده
وهذا ليس بمستحدث ونحن اولاد تسعة في الحلفاية مشهورين ومعروفين باننا حناكيش
عندنا حوحو (حميده)
خوخو (خلف الله)
بق بق (عبد الحميد)
روني (حسن محمد اسماعيل)
ديلو (الدليل )
ثق ثق (الواثق مكي - عضو المنبر)
كوكو ( احمد كوارع المحامي المشهور)

......


ولستة طويلة جدا جدا

طبعا ما تنساني انا = تو تو الشرير

غايتو ...

ما عارف اقول ليك شنو

في ايامنا لو جيت ماري بينا الله اعلم تطلع سالم
على الاقل بتتهبش !!!

Post: #27
Title: Re: بيان هام من تنظيم الرايات الاربعة السري
Author: توفيق عيسى مكي
Date: 16-06-2013, 01:39 PM
Parent: #26

Quote: انت موضوع شركة الشفافية خليتو و اللا شنو؟


الاخ الحبيب ناصر ...
اولا هي ما شركة بل مؤسسة الشفافية للخدمات التجارية وهي مؤسسة ناجحة جدا
كدي خش موقعها واحكم
http://transparencysudan.net/web/
وبتاخد مني وقت مبالغ فيه
لكن ....
لي في هذا المنبر محبة وعشق
وناس بحبهم

Post: #28
Title: Re: بيان هام من تنظيم الرايات الاربعة السري
Author: Elawad Eltayeb
Date: 16-06-2013, 02:44 PM
Parent: #27

Quote: نؤيد لغة الخطاب الاستعلائي


يا كافي البلا

الشي شنو؟

Post: #29
Title: Re: بيان هام من تنظيم الرايات الاربعة السري
Author: محمد عثمان الحاج
Date: 16-06-2013, 05:41 PM
Parent: #28

ياتوفيق أنا قاصد عينة الرقصة دي ما تقول لي إنو عمر بن العزيز رقص زيها، بعدين ياخي إنت مرة شفافية ومرة "السري" ياخي حيرتنا معاك!


Post: #30
Title: Re: بيان هام من تنظيم الرايات الاربعة السري
Author: توفيق عيسى مكي
Date: 29-06-2013, 06:34 PM
Parent: #29

يقول امير راية الطمئنينة . . .
اطمئن يامولاهم . .
ديل حداثين ما سوايين

Post: #31
Title: Re: بيان هام من تنظيم الرايات الاربعة السري
Author: توفيق عيسى مكي
Date: 29-06-2013, 06:37 PM
Parent: #30

يا أمير المؤمنين
ادينا الأذن
نلاعبهم شوية