دو يو بولوبيف على قول اللمبى :))))

دو يو بولوبيف على قول اللمبى :))))


03-05-2013, 09:19 AM


  » http://sudaneseonline.com/cgi-bin/sdb/2bb.cgi?seq=msg&board=430&msg=1364758042&rn=33


Post: #1
Title: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 09:19 AM
Parent: #0






ان فى مثل هذا اليوم سنة 1995 فجراااااااااااااااااااااااااااااااا وصلنا مطار الخرطوم وكانت الدهسه ,.,.,.,.,. قصدى الدهشه :))
لقاء غير متوقع وغير قابل للتخيل والتصور
فراق غير سلسل مفعم بالرهبه والغصه والحيره
اصلا المطار ما كان فيه غيرنا لمن وصلنا لوطنا الحبيب
والطياره كانت مثال حى لكيفية الطيران بالبركه مع الخطوط الجويه السودانيه لانها كانت اول مره اركبها فى حياتى وبقيت اخر مره زاتوووووووو
بعد طيران الخليج وايجيبت اير توشك كده سودانير
ياها دى البيقولوا عليها النكسه
اصلا الانتقال كان من الكويت لمصر فى نهاية التمنينات مجزره نفسيه اجتماعيه فكريه عاطفيه لكينونتنا الطفوليه
تجى بقى عليها بعد مرور ست سنوات لخوض تجربه اشد انبعاجا ورعبا
والغريبه ان بعد قضاء 18 سنه فى نثايا الوطن
لسانى ليسه معوج
ولحسى الناس بتعاين لى انى مغتربه
والحياه ماشيه برتم سررررررررريع شديد لدرجه انى ما قادره استوعب الــ 18 سنه ديل عدو بالجد ولا انا حاسبه غلط




Post: #2
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 09:36 AM
Parent: #1




لمن قررت الاسره العوده بعد سنين غياب واغتراب للوطن
كنت شخصيا سعيده بالقرار شدددددددددددددددددددديد
خصوصا بعد وفاة ابويه الله يرحمه حسيت انى ما ضايقه اقعد فى مصر نهائيا
وكنت دايما بسمع من ماما حواتيت عن اهلها والعائله
وكانت اخر اجازه جيناها سنة 84 وبتذكرها طشاش وبعديها ما حصل جينا تانى
فكنت متشوقه اشوف العائله وانى احس بمعنى العائله والاهل والخال والخاله وبنات الاهل وجكس الاهل
كان تغير لابد منو لان مرات فى مرحله معينه فى حياتنا بنحس ان الحياه فيها ركود مخيف واى تغير حتى لو كانت مجرد حصحاصه لتحدث امواج مفيد وضرورى
لمن جينا نركب الطياره ووقفنا فى الباب منتظرين المضيف يدلنا على الكراسى المفروض انها محدد فى البورد نقعد فيها
استنكر انتظارنا وقال لينا اقعدوا فى اى مكان الطياره فاضيه
دخلنا وتعترت بالحديده الفى الممر المنبثقه من ارضيه الطياره
واندهشت من منظر الكراسى والبقع الفيها التخلى الزول يفضل يصل شماعه ولا يلامسها بهدومه
وعلى مضض اخترت اكتر كرسى قابل للملامسه وقعدنا
وفجعتااااااااااااااااااااااااااا لمن بدأ الطياره فى التحرك
النور طفاااااااااااااااااااااا والدنيا ضلمة شديد وعليت اصوات زى البنسمعها فى الادغال
لحظتها قولت انا لله وانا اليه راجعون


Post: #3
Title: Re: دو يو بولوبيف على قول اللمبى :))))
Author: عبد الله فقير
Date: 03-05-2013, 09:41 AM
Parent: #2

Quote: وفجعتااااااااااااااااااااااااااا لمن بدأ الطياره فى التحرك
النور طفاااااااااااااااااااااا والدنيا ضلمة شديد وعليت اصوات زى البنسمعها فى الادغال
لحظتها قولت انا لله وانا اليه راجعون


Post: #4
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 09:52 AM
Parent: #3

والله يا عبده لحسى ما قادره انسى الخلعه المسكتنى
من الله خلقنى وانا بركب طيارات
ما حصل النور طفا كده مع اصوات بتاعت الاحراش دى
يعنى دايرينا كان نتلب ولا شنو الجماعه
:)))))))

Post: #6
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 10:10 AM
Parent: #4




من الاشياء الكانت ظاهره عيانا بيانا
ان المضيف كاره روحو شددددددددددددددددددددددددددديد وملابسه مكرفسه كرفست الياباك
حاولنا ندير معاه حوار لتلطيف اجواء فيلم الرعب الكنا فيه
وسئلنا الوضع كيف فى البلد
قال حتصلوا وتشوفوا براكم ومشى وخلانا
حليل المضيفين اللبنانيين والابتسامه البهجه التى لا تفارق شفاههم
اخويه كان اخد له 3 كراسى ورقد فيها
اختى قعدت جنب الشباك
امى قعدت فى النص
مافى شى يتفرجوا عليه ولا مجلات يقروها ولا حمامات نسرق الصابون الفيها
ولا سماعات ساى نسمع بيها راديووووووووووووو
بركه الرحله كانت ما طويله شديد
على نهايتها جاملونا بصينه فيها اظن نص برتقاله ناشفه وجبنه وعيش حطب
ولمن نزلت الطياره طلعنا جاريين عديل انا ودبدوبى
نسيت طبعا اقوليكم ان كان برفقتى دبدوبى الاحمريكا
الدبدوب دا من وانا عمرى سنتين وهو عندى
كبيييييييييييييييييييييييييير وامى كانت مكيساه ومعلقاه
اها لمن جينا لسفر قولت ليها لازم اشيلوا معاى
ولحسى قاعد فى غرفتى وبرغم انه اقدم دبدوب لكن اعز دبدوب لقلبى

Post: #5
Title: Re: دو يو بولوبيف على قول اللمبى :))))
Author: درديري كباشي
Date: 03-05-2013, 10:04 AM
Parent: #3

تكونوا ركبتوا الدفار الجوي ود عادتا بيجي من القاهرة الخرطوم عن طريق الردمية الجوية

وما بيستعملوه الا المضطرين


المهم بركة الجيتو

Post: #7
Title: Re: دو يو بولوبيف على قول اللمبى :))))
Author: سليمان القرشي
Date: 03-05-2013, 10:11 AM
Parent: #5

اختي رانيا سلامات
واصلي في الحكي الطاعم
ومتابعين وبالجد بوستاتك لاتمل
مودتي

Post: #9
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 10:28 AM
Parent: #7

اخى سليمان
غايتو بعد كتبته قربت امسحه
قولت انا كرهت الجماعه دى بالحكى والذكريات
تانى قولت لكن اليوم دا يوم تاريخى مميز كيفين يمر بدون تنفيض ذكراه
وتوكلت وكلكت
بركه العجبك يا ذوق
انا قولت دا حيكون مستحمى وما حلقى فيه رد بالغلط حتى
:)))))

Post: #8
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 10:14 AM
Parent: #5

بصات الوالى الحسى كانت اخير من الطياره الركبناها يا دردر
والحسى مستغربه فيه كانت فااااااااااااااااااااااااااااااااااضيه
والمطار دا بيهش ضبان عديل
وحالتها سنه 1995 يعنى ما بعيده شددددددددددددددديد

Post: #10
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 11:11 AM
Parent: #8



لمن وصلنا لموضوع العفش امى قامت قالت لينا
بعد دا تقوموا تلحقوا الشنط انتو
ما ممكن اهلى بعد 11 سنه ما شافونى يلقونى بسك فى السير ورا الشنط
قولنا ليها تتتتتتتتتتتتتتتتتتب ما عندك عوجه :))) طبعا بما معناه لان لحظتها تب زاطووووووو ما ناقشين خبرها
واصلا ما كان فى السير غير حاجاتنا
لبعناها فى العربه العايزه ليها عربه تجرها
ومشينا اتجاه الضيوف
كشفت يمين فى شمال ناس الانتظار
لقيت رررررررررررررررصه طويله طول عجججججججججججججيب
هو اصلا المطار مافيه غيرنا
ديل تبع منو
ولمن عاينت لامى وشوفتها كل شويه ملامحها تبتهج ازيد والابتسامه تتسع
قولت بينى وبين نفسى اممممممممممممممممممممك ديل كلهم اهلنا سجمى
وقفت وراها عشان تبدى هى تشريفة السلام
وجات اختى دفشتنى و وقفت قدامى
الضحكنى ان الجماعه بتسلم سلام الاكتاف
يعنى هو لا حضن لا ما حضن
على قول المثل لا بريدك لا بقدر على جفاك
ماهو الزول يا حضنك يا يطرطف بصوابعه
دق الكتف دا لزمو شنووووووووووووو
اها اختى كل ما يجى واحد من اهلنا يسلم تنكمش فى روحها
وتمد يدها
منظرها كان تـــــــافه
غايتو انا مع اول دقسه ونقشت الفوله
دق دق
عنو ما حد حووووووووووووش


Post: #11
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 01:41 PM
Parent: #10



اكتر شى ادهشنى لمن طلعنا
وكان ياداب الفجر بيزقزق ومافى شمس
المنظر جميل
والشارع كيف كيف
والبيوت شرحه وبرحه
والدششه مطايره زى المضلات
لان تخيلاتى كانت اسوووووووووووووء ما يكون
ولمن مشينا بيت خالى فى الرياض
قولت السودان دا شكلللللللللللللللله راحات شديده
ما زى ما بيقولوا عليه مجاعات وقطوعات
وكان لقاء الاهل روووووووووووووووووووووووووووعه
اول مره اشوف خالاتى وخيلانى
وحلاة جكس بلدى
حسى الجكس بقى خستك ساى
زمان كان ليهم قومه وقعده وتلقى الواحد كده شادى حيلو
لا سلسل فى الرقبه لا اساور فى اليد لا شعر واقف مسوح لا مشيه مكعوجه
المهم اخدنا لينا نومه بسيطه وعلى الظهر اظنى قومت
لقيت البيت مكوووووووم خلق زياده عن الصباح
وبقيت افتش فى امى
قالوا لى فى الحويشه التانيه
مشيت بقوا الجماعه يعاينوا لى بتفصيص
ويقولوا لامى ما شاء الله بتعرس بتعرس
ياها الكجونى بيها ليووووووووووووووم الليله
كلهم عرسوا الا انا




Post: #12
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:03 PM
Parent: #11


بتذكر تانى يوم مشيت لخالتى وساكنه برضو فى الرياض برجولى مع ود اهلى
يا سلاااااااااااااااااااااام على جمال الحيشان والحدايق والشارع والشمس والاجواء الطبيعيه
كانت هاديه شديد ما زى حسى قمة فى الازعاج ومحلات الهتش والبشر والجنسيات الاخرى المرافقه
الغربه بتخلى الزول يشوف الشمس غريبه وكانها بتظهر فى الاعياد فقط من كتر حبست الشقق
واللغه العجيبه حقتنا ما كنت بفهم ابو تتح لكن بكون مبتسمه بهباله لمن يتكلموا معاى
عاجبنى ايقاع الحكى تقول سيلفونيه
وكل ما يحاولوا يشرحوا لى كنت بنسى معانى الكلمات منها جبت ورقه وقلم وبقيت اسجل كل كلمه وجنبها ترجمتها
اول كلمه لفتت نظرى حقت ارح كاكى
:))))
ااااااااااااااخ انا
كانت ايام جميله وكانت ليسه فى نفوس طيبه ومليانه امان وثقه واحترام



Post: #13
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:31 PM
Parent: #12

بتذكر خالتى اديتنى شكولاته اسمها اسمها اسمها
ااااااااااااااااااح انا حسى كانت فى بالى
شبه التوكس كده لكن صناعه سودانيه
غير سفارى
عبوتها صفرا وصباعين
حاليا فى الدكاكين موجوده
غايتو الاسم طااااااااااااااااااااااااار حسى دى
وفى كان الماندولين برضو
ديل كانوا فى القمه ايامتنا ديك
دلوقتى حليلهم تلقاهم فى الدكاكين المحشوره فى الاحياء الشعبيه
ما بقوا من مستوى ناس الرياض والمنشيه
ايام زجاج الببسى من الدكان حسى بقى موبايل وباربيكان
غايتو فوارق عجيبه فى خلال 18 سنه بس
ما كان فى ركشات ولا باصات
يا عربات يا دفااااااااااارات
:)))))
من ايام لجيتنا عندى ود اهلى عرسوا كان فى اونكل يوسف وبعباره اخرى الحج يوسف
اها العيله اتفقت القافله تبدأ سيرها من الرياض وتغشى امدر وتفحط على بحرى
اها صحيت مبسوطه بحس البرنامج
زمان كنت بلبس بس بناطلين جينز والقمصان مع الكوتشى وشتات
لو اتهورت بدعك الماسكرا فى الرموش وبكده بكون حاسه روحى قمه فى المكياج
طلعت الشارع لقيته واقف
اول مره كنت اتعرف بيه
ومستغربه دا بيركبوا كيفين
لمن بدوا الجماعه تدفس فيه
اتزنقت ولقيت روحى بجوا
اها طيب مافيش كراسى يا عالم
الناس حتبقى شماعه ساى ولا شنو
غايتو كان عندى خاله ظريفه الله يرحمها
كل ما يجى مطب ولا حفره
وناس تدفق فى بعض هى تزغرت
:))))))
لمن وصلنا بحرى قولت ليهم دا طرفى منكم ومن دفاركم
تلبت مع خالى فى البوكس حقوا
ودى من اكتر الاشياء المحببه لنفسى
قعدة البوكس بورا
واهم شى فى الحفه مافى النص وتحت
احساس روعه والهوا بينفخ فيك ومع زيادة السرعه بتحس بروحك حطيييييييير
غايتو جيل حسى مساكين
ما عاشوا الحياه دى ببساطتها وجمالها وخفتها وطيبتها
حسى الحياه رتمها قاسى شدددددددددددددددددددديد ومرعب
وبيهتموا باتفه الامور



Post: #14
Title: Re: دو يو بولوبيف على قول اللمبى :))))
Author: حيدر حسن ميرغني
Date: 03-05-2013, 02:39 PM
Parent: #13

تحية لروحك الجميلة في الكتابة يا رانية
جد ممتعة
ربنا يحفظك

Post: #18
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:50 PM
Parent: #14

تسلم يا حيدر
حكى زمااااااااااااااااااااااان جميل وذكرياته اجمل
الدنيا بالجد كانت حلووووووووووووووووووووه
والضحكه كانت من جوا
حسى اتملينا مر عجييييييييييييييييب ياخى
الله يدينا خيرها ويحسن خاتمتنا فيها
وتسلم على ردك اللطيف

Post: #35
Title: Re: دو يو بولوبيف على قول اللمبى :))))
Author: حامد بدري
Date: 03-18-2013, 05:02 PM
Parent: #14

Quote: بتذكر خالتى اديتنى شكولاته اسمها اسمها اسمها
ااااااااااااااااااح انا حسى كانت فى بالى
شبه التوكس كده لكن صناعه سودانيه
غير سفارى
عبوتها صفرا وصباعين
حاليا فى الدكاكين موجوده
غايتو الاسم طااااااااااااااااااااااااار حسى دى

حبيبه مشتاقين ومساك عافيه كتبتا ليا مداخله مابعرف طفشت وين لكن هاكي النكته ماتقوم تطيير زي شوكلاطتك
مسطول طالع من محل التلفونات بيتكلم مع نفسه :
تويكس اسلم ؟
لا لا
سنكرز كافر ؟
لا لا
... مارس مرتد ؟
لا لا
كندر فاسق ؟
لا لا
رجع للمحل وسأل :
بالله قلت لي اسم الجهاز الكان كافر و أسلم

سيدالمحل : ياخي للمره المليووون قولتا ليك ،،
جالكسي تاااااب

Post: #15
Title: Re: دو يو بولوبيف على قول اللمبى :))))
Author: عبد العزيز محمد عمر
Date: 03-05-2013, 02:40 PM
Parent: #13

رانية

أعتقد أن الوطن قد احتواك .. فها أنت ذا تجوبين عاصمته يمنة ويسرة

ولديك من الوقت ما تولجين به إلى هذه الساحة .. وساحات أخرى

قرار حتمية العودة .. مرير.. ولكنه ناجع ...

سرد جميل..



عبد العزيز

Post: #19
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:55 PM
Parent: #15

عارف يا عبد العزيز
من جيتى ما سافرت الا اربع مرات اظن
اتنين مصر واتنين دبى
والله لمن اصل الاسبوع التانى رويحتى بتحرقنى عدددددددددددددددددددددددددددددددديل ارجع متين لكنداكه حقتنا
شى غريبببببببببببب
شوق وكاروشه ما طبيعيه
اخوانى مهما جاتهم فرص اغتراب رفضوها رفض بات
قالوا من هنا ما بنتحتح
هو زاتو الاهل بقوا بالعدد
والكبار راحوا اغلبيتهم وخلونا
نخليها لمن تانى ونفوت
:((
لكن غايتو ولوج دى حترفد بيها قريب
الجماعه بدوا يشمونى شدددددددددددددددددددددديد
شغاله طقطقطقطقطقطقطقطق لمن الكيبورد شكيت وبكيت
:)))))

Post: #17
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:47 PM
Parent: #13





طبعا ما حقدر احكى الـــ 18 سنه دى كلها حسى
غايتو كان صبرتوا بنديها ليكم جرعات لحد ما الربع الاول ينقرض
:)))))))))))))))))))))))))))))


Post: #33
Title: Re: دو يو بولوبيف على قول اللمبى :))))
Author: حامد بدري
Date: 03-18-2013, 04:35 PM
Parent: #13

Quote: بتذكر خالتى اديتنى شكولاته اسمها اسمها اسمها
ااااااااااااااااااح انا حسى كانت فى بالى
شبه التوكس كده لكن صناعه سودانيه
غير سفارى
عبوتها صفرا وصباعين
حاليا فى الدكاكين موجوده
غايتو الاسم طااااااااااااااااااااااااار حسى دى

حبيبه كيفنك ومشتاقين شديد طبعا زايغ وشارد من ديوني اسمعي دي بي مناسبة الاسم الطار منك

مسطول طالع من محل التلفونات بيتكلم مع نفسه :
تويكس اسلم ؟
لا لا
سنكرز كافر ؟
لا لا
... مارس مرتد ؟
لا لا
كندر فاسق ؟
لا لا
رجع للمحل وسأل :
بالله قلت لي اسم الجهاز الكان كافر و أسلم

سيدالمحل : ياخي للمره المليووون قولتا ليك ،،
جالكسي تاااااب

Post: #34
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 04:41 PM

هههههههههههههههههههههههههههههههههههههههه
ماشيه اسرقها الفيسبوووووووووك
حلوه
:)))))))))))))))))))))
منور ومافى اى زوغان يا روعه

Post: #16
Title: Re: دو يو بولوبيف على قول اللمبى :))))
Author: سليمان القرشي
Date: 03-05-2013, 02:44 PM
Parent: #11

صدقت والله يارانيا في حتة الاولاد
زمان والان فرق شاسع والله ماشين
علي زمن الولد من البنت مابتفرز
يلا ارحكاكي منتظرنك تواصلي هههههه
تسلمي

Post: #20
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 02:58 PM
Parent: #16

زمان تلقى الولد داخل الجامعه وشنبه قرب يصل اضانه يا سليمان
حسى يجيك زول ما قادر يشيل انبوبة البتجاز يقوليك انا فى 3 جامعه
كر عليه وعلى شبابنا
بقينا نحنا البنشيل الانابيب
:))))))))))))))))))))

Post: #21
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-05-2013, 03:26 PM
Parent: #20


اخر حتوته ليوم عشان مشتته التمرين
,.,.,.,.
لمن قرروا يسجلونى طوالى عشان الحق امتحانات السنه دى
الاتفاق كان انى اخدها نظام استطلاع للمنهج
وود اهلى ما قصر تانى يووووووووووم مشى سجل اسمى عشان كان خلاص باب التسجيل حيقفل
اصلا نحنا جينا يوم 5 مارس والامتحانات كانت يوم 27 مايو
يعنى معقووووووووووووووووول انا فذذذذذذذذه قدر دا وماشيه اجضم المنهج فى شهرين ونص
وعلى نباغتى اخترت ليهم علمى رياضيات
ماهو بيقولوا البيتبلبل بيعوم
وجابوا لى اولاد اهلى الكتب
وخالتى حشرتنى فى صالونهم براى عشان اذاكر قال
غايتو بركه الفيه بابين
يحشرونى بواحد وبجيهم بالتانى
وللمصداقيه بتذكر انى كملت منهج الرياضيات بفروعه
لكن باقى المواد كنت بختار عشوائى
النضجته فيها حفظ سورة النوروالحجرات
بياتو عدددددددددددددددددددددل الناس تحفظها فى 3 سنين وعايزين انا احفظها ليهم فى شهرين وننننننننننص
الشهرين زاتو ونص ديل ما صافين
كان فيهم ولائم وعزومات على شرف حضور الوالده اخيرا بعد غياب السودان
وفيهم وفاة راجل خالتى قرضناه فى 15 يوم من جيتنا الله يرحمه
وكان برنامج البكى دا حتووووووووووووووووووووووته
لكن حسى انا مستعجله
غايتو دى نقاط معلقه يتم ملحقا تفصيلها
لان خلاص باقى لىىىىىىىىىىىىىىىىىىىىىىىى
سته

خمسه

اربعه

,,,


,,,,



,,,,,
شاو


Post: #22
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-17-2013, 07:09 AM
Parent: #21







برغم ما عارفه النقاط المعلقه كم نقطه
لكن اتذكرت لمن ود اهلى مشى مع اختى عشان يتموا اجراءات تسجيلى للامتحان فى مدرسة البرارى فى برى
طلبت المديره لقائى الشخصى
ف تانى يوم شحطه البنطلون الجينز الماخمج وحشيت القميص الكاروهات ولميت الشعر بالباندا ولبست الكوتشى الاسود العاجبنى شديد وانطلقنا
لمن دقينا الباب وقالت لينا نتفضل
كانت مديانا ظهرها
واول ما التفت لينا عينا ما شافت الا النور
الزوله ما قالت لى سلام الله
نزلت فينى مووووووووووووووووووووووشح عجججججججججججججججيب من البهدله
ودا شنو اللبساااااااااااااه
وحسى فرقك شنو من ود اهلك الواقف جنبك
وانا قوووووووووووووووووووولت لاختك
...
فى قولت لاختى عررررررررررررررررفت اختى عملتها فينى تعمدا
لانها اصلا بتكره زول يعلق ليها على ملابسها
لكن انا ذنبىىىىىىىىىىىىىىىىىىى شنو كان نبهتنى كان لبست شى تانى
لكن شنو اصلا الشى التانى
انا هدومى كلها اصلا بنااااااااااااطلين وقمصان
لا امتلك جيبه لا فستان لا اى شى انثوى بتاتا
حتى طرحه بالغلط ما عندى
,,,,
غايتو المديره ما قصرت
غسلتنى بالفونا سمح
ومنها شتتنا ورجعنا البيت
وهجمت من الباب على اختى لانها السبب فى الشحوره د
,,,...,,,,

بديت الاستعدادت للدراسه
وجابوا لى الكتب وانفرشت فى صالون خالتى رحمة الله عليها
وشى افهموا وشى اجليه وشى اعمل منو رايحه
العجبنى فى التصفح قصيدة الطلاسم لايليا ابوماضى
والغريبه لحسى معلق معاى منها مقطع

كم فتاة مثل ليلى وفتى كأبن الملوح
أنفقا السّاعات في الشّاطىء ، تشكو وهو يشرح
كلّما حدّث أصغت وإذا قالت ترنّح
أخفيف الموج سرّ ضيّعاه؟..
لست أدري!


كنت بمسك الكتاب واغنيها وانا بنطط فى السرير
كان كنت اجتهدت فى باقى المواد كده كان اظن النتيجه جات تبل الريق
النكته انها اصلا ما كانت مقرره علينا
.,.
المهم
بقينا مترحلين من بيت لبيت
وشايله خلجاتى من بيت لبيت
وكل بيت يحشرنى فى الصالون عشان اذاكر فى هدوء
وحالتهم ما عارفين ان الهدوء بينومنى
وانى بحب اذاكر فى الجوووووووووووووووطه
وعديت الايااااااااااااااااااااااااااااااام
وجيه باكر اليوم الموعوووووووووووووووووود
:((((
موعووووووووووووووووود بالعذاب يا قلبى
ولا بتهدى ولا بترتااااااااااااااااااااح فى يوم يا قلبى
:((((((((



Post: #23
Title: Re: دو يو بولوبيف على قول اللمبى :))))
Author: محمد عبد الماجد الصايم
Date: 03-17-2013, 09:32 AM
Parent: #22

Quote: اونكل يوسف

يا سلام ياخ!
أونكل عديل كـدا

يمين رفعتي معنويات الجريف شرق وأم دوم كمان!!

Post: #24
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-17-2013, 10:47 AM
Parent: #23

يا محمد ما سمعت نكة المصرى الجيه السودان
وهو واقف فى الموقف والحافلات تجى وتقيف
وكمسارى ينادى الحج يوسف الحج يوسف
اها المصرى بقى مستغرب ومنها قام سئل زول واقف جنبه قال له هو الحج يوسف انهارده مالو كل الناس ماشيه له
:)))))))))))))))))))))))

Post: #25
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 10:24 AM
Parent: #24




كان ود اهلى اسمه عمر ممتحن معاى لتانى مره برضو
وتم الاتفاق على نظام الذهاب والعوده
بحيث بينزلنى ود اهلى ايمن القاعدين معاهم عند ناس خالتى الابنها عمر ممتحن معاى وهم فى الرياض الاتنين اصلا
منها اخو عمر الكبير بياخدونا كلنا انا وعمر واصحابه وبينزلونى فى الاول انا فى مدرسه وبعد دا بينزلهم هم
فى الرجعه بيجى ود اهلى امجد القاعدين معاهم يرجعنى مشيا على الاقدام ( كان الجكس الوقت داك عشان كده كان متحمس يتلتل بالكرعين )
:))))))))
ومع اول يوم كان الوضع غريب
ومش الفكره ان الزول مرعوب انه داخل امتحان ومذاكر ولا ما مذاكر
كانت بالنسبه لى الرهبه من كل شى
من جو اولاد الاهل الكتير دا حوالينى وما متعوده عليه
واصحاب اولاد الاهل
وانى فى عربيه مع الكم الفظيع دا من الجكس
حياتنا فى الغربه كانت مقفوله شدددددددددددديد
فدا كان يعتبر تحول وانى لاول مره امرق مع ناس غير ناس البيت واخوانى
لمن وصلنا باب المدرسه ونزلت
كان فى مدرستين وقفات جنب الباب وقاموا سئلونى ممتحنه شنو
اتخلعت لان اعصابى كانت محلوله عديل
قولت ليهم ايييييييييييييييييييه
عادوا نفس الكلام او السؤال
وكانت اللغه السودانيه بالنسبه لى وقتها ما واقع لى بالسهوله دى
ما عرفت دا انجليزى ولا هيروغليفى البيقولوا فيه
عادوا السؤال حوالى 4 مرات ولمن زهجوا شوحوا لى ادخل
الغريبه ان فى المره الاخيره كنت خمنت السؤال شنو
المشكله انى حاولت اتذكر انا اصلا ممتحن شنو
وما اتذذذذذذذذذذذذذذذذذذذذكرت
لمن دخلت عاينت لقيت الحوش مليان بنات بالزى المدرسى
وبيعاينوا لى باستغراب
غايتو من مجتمع الخليج لمجتمع المصرى لمجتمع السودانى يا قلب لا تحزن
الغريبه انى عشقت مجتمعنا السودان بكل حزافيره
طبعا جيت لابسه ملابسى المعتاد بنطلون وقميص ودى كانت الطامه الكبرى
واحساسى انى براااااااااااااااااى والجماعه بتعاين لى كده اتمنيت الارض تنشق وتبلعنى
ولمن بقيت فى نص الحوش ما عارفه مفروض امشى وين واسوى شنو
الموضوع اتأأأأأأأأأأأأأزمت شديد
:((((((((((((((((((((((((((






Post: #26
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 11:01 AM
Parent: #25




لقيت الجماعه الفى حوش كلها بتعاين لى وبتلفت بعض
وبديت اسمع صوت عالى بتاع كواريك
اتلفت اتجاه مصطبه واقفين فيها كم هائل من النساء بالاتواب وفى نصهم البتكورك وبتشوح بيدينها
يعنى انا اصلا ما بفهم الكلام وهو بيتقال زى الخلق حفهم ليها شنو وهو عايزه تزعمط شعرها كده
الاستنتجته انها بتهزق فينى وبقيت محنطه مكانى ما عارفه اطير وين ولا ابيع الفكره وامرق من الباب
طيب حصل البيت كيف اصلا وانا لا بعرف حتى رقم تليفوووووووووووووون
غايتو سبيت ولعنت بينى وبين نفسى اى مخلوق تسبب فى الموقف الزباله الانا فيه دا
وكان يوم اغبر يوم فكرت امتحن الشهاده السودانيه
فى وحده فجئه من وسط حشد المدرسات مشيت لمديره قبال تجيها هارد اتاك وقعت تتكلم معاها
الوليه بديت تهدى ومنها سكتت لمن المدرسه جات اتجاهى
وقالت لى انتى مش بت ساميه
انا طبعا لحظتها العبره كانت خنقانى وقربت انفجر بالبكى
قولت ليها اى
قالت لى انا بعرفكم انتو جايين ياداب من مصر
قولت ليها اى
قالت لى اللبس دا ممنوع وانا شرحت لمديره انك جديده فى البلد وما عندك زى مدرسى
لكن تعالى بكره بجيبه وبلوزه ما بالبنطلون وختى طرحه فى راسك
قولت ليها خير وبينى وبين نفسى قولت دا لو اصلااااااااااااااااااااا انا جيت بكرررررررررررررررررررررره
اها سئلتها المفروض امشى وين واعمل شنو
ومنها دليتنى على مكان جلوسى والفصل وين وانى انتظر الجرس وكده
غايتو كتر خيرها لوماهى بالجد انا ما كنت عارفه حتحل كيييييييييييييفين من الشربكه دى
قعدت فى سلم منتظره الجرس
والبنات المنهم ليسه مواصل البحلقه والرجع يعاين فى الورق القدامه
كانت لحظتها ما فارق معاى الامتحان
ولا هو كان همى
الوضع كان فوق قدرت احتمالى واستوعابى واعصابى
لمن الجرس رن مشيت وفتشت على الكرسى حقى وقعدت
لمن بدوا يوزعوا المجلدات الفاضيه
كان دا الناقصنى
دا شنووووووووووووووووووووووووووووو كمان
كان فى الخليج كان فى مصر
الامتحان ورقه وش وظهر ولو جيه ورقتين بتكون طفره غير مقبوله
وورقة الاجابه فلسكابيه وااااااااااااااااااحده
ما البتتفتح يمين وشمال
لا اللى ليها وش وظهر فقط
يبقى كيف يدونىىىىىىىىىىىىىىىى كتيب فاضى عديل
دا ماشيه اكتب فيه سيرتى الذاتيه من يوم ولدونى ولا شنو
لمن بقى وزعوا كتيب الاسئله
الوضع بقى خارج السيطره والوصف
زى جريدة الحوادث المصريه
قلبتها كانى بتفرج فى مجله
قسم اول وقسم تانى وقسم تالت
دا جابوا من وين
هو المنهج ما كان قدر دا الذاكرته اصلا
او بالاصح الاخترت انى اذاكره من كل المقرر
كيفين ماشيه املى ليهم الجرايد دى حسى
غايتو يمين فى شمال قولت عليه وعلى اعدائى
ومع اول جرس لبدأ التسليم سلمت المجلد وطلعت
وكان دا حال كل امتحان لمن فى مره وقفتى طالبه
قالت لى انتى حكايتك شنو
اول ما يرنوا الجرس ان نصف الوقت عدى وممكن تسلمى ورقة الاجابه بتقومى وما بتنتظرى باقى الزمن
قالت لى يا اما انتى شاطره شديد يا كيشه شديد
قولت ليها شوفتى التانيه دى هى انا زاطوووووووووووووووووووووووووووووو
لدرجه فى مره دقوا الجرس
وطلعت كعادتى وفجعتا لقيت المدرسات بيكوركوا اقبضوااااااااااااااا
قولت فى حرامى ولا شنوووووووووووووو
لأتفاجىئ بالهجوم عليه انا وحبسونى فى غرفه فاضيه لان الجرس طلع دقوا بالغلط وزمن ما جيه
الجميل انى بديت اكون صحوبه ظريفه
وعشان اعتبرونى كائن فضائى ولغتى عجباهم
فكانوا حابيين يتواجدوا معاى
لكن المشكله كانت فى تانى يوم كيفين حلقى لى جيبه وبلوزه
وكيف كان الاحساس مع اول جيييييييييييييييييبه البسها فى حياتى
يعنى ما ممكن اجرب اى شى لاول مره وانا ممتحنه شهاده
غايتو الامتحانات كانت مسكينه معاى
ما اشتغلت بيها شغله
ولا حاولت اصلا اشتغل بيها
بيقولوا الجواب بيبان من عنوانه
دا انا النجاح مامفروض حتى احلم بيه
لكن الحصل فعليا كان معجزه ولحسى ما عرفت حصل كيف
نرجع لجيبه وعملية البحث اللى اخرتها رسيت على بنت جيران ناس خالتى
جابوا منها جيبه كلوش جميله
وزى ناس الافلام لمن يجيبوا الوحده تقيف قدام المرايا تتحسس شكلها وشعورها وهى بالهيئه دى فى فستان الزفاف
انا بقى بديت اتحسس ملمس الجيبه على كيانى وشعورى
وبالجد كان رووووووووووعه
لاول مره احس انى انثى
وان الشعور بالانوثه شى جميل
غايتو دا كان زمان
حسى كرهت عديل الانوثه لانها بلاااااااااااا فى زمنا دا
يندموووووووووك عليها ندم السوووووووووووووووووووووااااااد والرماااااااااااااااااااااااااااااااااااااااااد









Post: #27
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 11:55 AM
Parent: #26






لمصداقيه من 3 يوم بديت احب البرنامج
والمدهش فى شعبنا انه ولووووووووووووووووووووف شديد
يعنى بعد الزرزره الحصلت فى اليوم الاول
لقيت مساندات معنويه ظريفه من بنات معاى شجعتنى اواصل المسيره
خصوصا لمن نقيف بره بعد انتهاء الامتحان
ونشترى الدردمه
غايتو اكلتها باعداد ما طبيعيه
وقبال امتحان الاستاتيكا قام عليه ألم فى الأسنان ما عالم بيه الا الله
ومهما بلعت مسكنات حللللللللللللللللللللللللللف ما يخطانى
وكانت خلاص الامتحانات قربت تخلص
كنت لو فتحت خشمى الهوا العادى بيصقنى كهربا
اتذكر فى مره غير دى جانى الم ما مفهوم وعلاجه كان انى اشرب مويه يقوم يديها كده صنه حقت دقايق ويقوم تانى
ونحنا ماشيين لدكتور كنت شايله باغت المويه فى يدى اشفط فيها ساى عشان اتصبر
المهم المره دى وانا مجبوره امشى الامتحان وما اى امتحان
امتحان الاستاتيكاااااااا والديناميكا
بقيت زى البتولد
كل ما الالم يقوم عليه اتكرفس فى حنانى لمن ياخد وقته ويروح حبه
اها المشرفه افتكرنى متازمه من الامتحان
وجات تطبطب عليه وتقولى لو هديتى حتقدرى تتذكرى ما تقلقى
ناسنا زمان كانت الحنيه بتنقط منهم
وشوشهم كانت بتشف طيبه وامان
نظره ليهم بتشفى وبتزيل اى قلق
شنو الحصل وخلانا قاسيين كده
انا ذاتى بقيت قاسيه
معقول الحياه الغيرتنا ولا نحنا الغيرناها
انا لقيت بشريه من مختلف الجنسيات
لكن طيبة ناسنا واهلنا ما لقيتنى فى اى مجتمع
اى مس ذيز بيبول اند ماى سلف سوووووووووووو مطش :((((((
اها نرجع للازمه وكان يوم خميس وامتحانى التانى اظن السبت
البتذكره وانا راجعه ود اهلى وجكسى سابقا كان ماشى بعيد منى بمترين
لانى كنت بسب وبلعن وببكى وبكورك وبرفص فى لحظه وحده من الوجع
خلانى افرغ طاقتى كلها لحد ما وصلنا البيت
كنت فيسط ورقدته انوم
لمن صحيت وقاعدين نتغدى
اختى تعاين لى وتضحك
انا كنت صاحيه بدون الم ودا كان اسعدنى شديد
انى ما متألمه
لكن الحكايه بقيت ماياها كل الفى الطاوله يعاين لى
ويبتسم
ويسكتوا فى اختى البتضحك
قولت ليهم فى شنو
قالوا لى انتى ما حاسه بشى
قولت ليهم دا افضل حاجه حاصله لى انى ما حاسه بشى
لكن فى شنو
قالوا لى ما تتخلعى
لكن نص وشك ورمان
جريت المرايا
لقيت فعلا نص وشى الشمال ورمان
وعلى المغرب وقريب العشى
كان الورم اتفاقهم لمن العين قفلت من الورم وبقيت شبه الزول الداقيينوا فى مصارعه
ودونى اولاد اهلى الدكتور ولمن فحص
قال لى ما حقدر افهم الحاصل الا الالتهاب الحاصل دا ينزل
ونعمل اشعه بعد دا ونشوف
اظن اخدت له يومين ورجعت سحنتى لقواعدها سالمه
ولمن تانى مشيت له طلع عندى خراج فوق السن الامامىىىىىىىىىىىىىىى
ودى حتوتتها حتووووووووووووووته
كانت من الاحداث العجيبه المريت عليه
اخر زياره لسودان كان 84 وكنا صغار
وبتذكر على طشاش جوطتنا فى الحيشان الواسعه
وما عرفت الحصل شنوالخلا اخويه الكبير امير يسكنى وجريت ادسيت تحت السرير
ولمن جيه يمرقنى ومسك يدى وبدا يشد
رفعت راسى وانا مبتسمه قامت حافة السرير الحديد دقتنى فى سنتى البقدام وكسرت طرفها
ماما اليوم دا قعدت تبكى وخالاتى يهدوا فيها
خافت سنتى تبقى مترومه كده طول عمرى لكن لمن رجعنا الكويت ووديتنى الدكتور قال ليها لمن تكبر بنعمل ليها تلبيسه
فمافى شى بيخوف
للاسف كان فى شى لكن مافى زول نقشه
وكنت سنويا بيجينى الم فظيع وبمشى الدكتور ويقولوا التهاب فى اللثه
وابلع مسكنات
عشان كده بعد 11 سنه لمن جينا 95 والالم قام عليه المسكنات ما بقيت جايبه فايده
ولا بتسكن
بتذكر قربت ادق راسى فى الحيطه عشان بس اغمر من شدة ضيقى منو
وكتر الالم خلا وشى يورم ولمن اتفش وقرروا العمليه
الدكتور كان قريب قريبتنا وقال لى تعالوا مواعيد نهاية العياده عشان اكون بمزاج هادى
امى طبعا بتخاف من العمليات
مشى معاى خالى ومرته واختى
اختى من قولت تيت لمن فجئه الدم طلع لمن شرط غمرت ومرقوها بره الغرفه
:)))
طوالى عامله فينى كده
اكون انا الفينى الكك وهى التغمر بالنيابه عنى
اشتغل فينى شغل الدكتور
وانا خاته كراع فى الواطه وكراع فى الكرسى الراقده فيه
وممرضه تشيل وتمسح دموعى
ومستغربه مالى لكن فعليا المسكنات وحقنت المخدر ما عامل مفعول قدر دا لمن فى نص العمليه تانى ادانى حقنه تخدير
وحقنة التخددددددددددددددددددددددددددددير واى انا منها
كانت عامله زى خطاف الصيد
بحسها فى حلقومى عديل
وهو كان شق من قدام ومن جوا
ولقى الخراج اتحجر عديل من طول السنين
وبدا يكرت فيه تقول بينحت فى صخره
غايتو كان خلص وخلصته انا ذاتى من العمليه
ومريت على خير الحمدلله
وعمل لى تلبيسه لسنه
وكانت النكته انى ما بقيت عارفه اتكلم
لسانى كان متعود يلعلع براحته
فجعتا لقى له سد سداااااااااااااااااه
اها بقيت الحروف بتمرق شاتره لحد اسبوع كان بديت استعدل واتكلم زى الناس
اها الحكمه شنو ان سنتى تتكسر فى السودان ومع 11 سنه فى بلدين ما اكتشفها الا فى السودان برضو
:)))
لا حوله نسيت زاتو وقفت وين فى الامتحانات
غايتو نرسل دا وامشى اقرا وقفت وين فيه وارجع اواصل



Post: #28
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 01:35 PM
Parent: #27





عملت كده بالضضضضضضضضبط لمن كنا قاعدين فى السلم بنراجع فى مادة الفيزياء يا الكيمياء
لقيتهم ماسكين حاجه غريبه
انا طبعا ما ناكره انى ما تميت دراسة كل المنهج
لكن تصفحته كويس
الرسمه دى اصلوااااااااااااااااا ما لمحتها
اها فى المناتله دى ما معانا ودى معانا
اكتشفت ان فى مواد من سنه اولى وتانيه مرفقه فى المنهج
اهاااااااااااااااااااااااااااااااااااا
دى بقى معلومه جديده واموت واعرف الفكره فيها شنو
ما الجماعه درستها وامتحنت فيها
شنو الفايده يعتلوها كل سنه كده
وقالوا ضربوا الاعور فى عينه قال ليهم ماهى خربانه خربانه
يعنى جات على دى
لكن فرقت معاى لصراحه فى التربيه الاسلاميه
قولت اكيد دا حيكون اسهل امتحان برغم ما حفظت سورة النور لانها طويله لكن الحجرات ما قصرت فيها
ودخلت الامتحان باطمئناااااااااااااااااان بالغ
القى فجعتا اخر سؤال عن درس العقوبات فى الاسلام
كرشت فاخورتى وحاولت اتذكر دا لقانى وين
ماااااااااااااااااااا اتذكرت
والسؤال كان بيقول لو زول قتل فى قريه وما عرفوا قاتلوا منو الحكم شنو
غايتو ما قصرت فتيت زى مفتيين زمنا دا
المسامح كريم
وعفا الله عما سلف
وقلبكم ابيض
انا واثقه ان القرا اجابتى يكون امن ان عندى خلل فى فيوزات الراس
فى العاده كنت بختصر الاجابات
يعنى فى الرياضيات كنت بالجد ما بصل للحل بالدرب العديل
خصوصا فى المعادلات
بكون فتتتتتتتتتتتتتتتتترته ومنها بكتب
شايفين المعادله ب ادمجوا مع دى والحل بيجيكم
يعنى مش كفايه انى اجتهدت فى المعادلات ليهم
غايتو خلصت الامتحانات وحاسه بانجاز
انى تجاوزت تجررررررررررربه فظيعه
وما كنت لصراحه بفكر فى النتيجه الحتظهر السنه الجايه
وما منطقى زول يمتحن ويخلل فى البيت سنه
فكرة التعليم السودانى فى الحته دى ما كويس بتاتا
المهم اقترب موعد النتيجه
وفى اليوم البيزيعوا فيه اوائل الجمهوريه
شى بديهى ما ممكن اتخيل انهم حيذيعوا اسمى
مممممممممممممش
ولا
ماااااااااااااااااااااااااااا مش
ولا رأيكم شنو
:)))))

Post: #29
Title: Re: دو يو بولوبيف على قول اللمبى :))))
Author: عبد الله عبد العزيز
Date: 03-18-2013, 03:58 PM
Parent: #28

ماااااااااااااااااااااااااااا مش

Post: #31
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 04:01 PM
Parent: #29

غايتو لو مااااااااا مش يا عبده يبقى نقول على التعليم السودانى يا حليلوووووووووووووووووووو

Post: #30
Title: Re: دو يو بولوبيف على قول اللمبى :))))
Author: نورالدين الفحل
Date: 03-18-2013, 03:58 PM
Parent: #28

قادر اللة مابصدق انتى كنت حنكوشة قدر دة ياحبيبة يا سودانية
ياخى لما لاقيتك زمان فى مكان عملك لقيتك تفتيحة وشايلا مفاتيحا
واصلى الفضفضة والاندياح صدقا اجد فى ماتكتبينة السهل الممتنع
قلتلى اونكل يوسف وحياة النبى حلوة قوى قوى وسكرة يابت يارانية ...

Post: #32
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-18-2013, 04:04 PM
Parent: #30

انا غايتو جيت نص حنكشه على ربع خشخشه
طيروها لى فى راسى بالاحفاد والفيلتريب والدفار
كان بعد دا ما بقيت تفتيحه كان لقيتنى فى تجانى الماحى يا نور
:))))))))
تسلم يا روعه وابقى عيد الطله لان بعيد عنك الكبر دخل وبديت اخرف وانسى
:))))

Post: #36
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-19-2013, 02:32 PM
Parent: #32




اكيد اى زول فينا بيتذكر لحظات انتظار اى نتيجه
كان فى المدرسه ولا فى الجامعه
وكيف بتكون حالته
بتذكر اختى كانت من النوع البتجضم الدراسه شديد
وكرهتنى عديل المذاكره من كتر ماهى مدمنه عليها
يوم النتيجه وبداية اليوم كانت بتدعى يا رب النسبه فى التسعينات
وكان اخويه مشى يجيبها ليها
وطبعا بيكون موووووووووووولد عديل من البشريه
وما كان فى موبايلات
يعنى الا ننتظر رجوعه
اها كل ما الوقت يتاخر
النسبه بتقل
يا رب تمانينات
يا رب سبعينات
الضحكنى ان فى اخر الانهيارات اتزنقت فى كورنر الغرفه تبكى وتقول يا رب انجح
:)))))))))))
بما انى طبعا الموقف دا عدى عليه قبال كده
لانى كنت امتحنت فى مصر
واى كنت عارفه روحى ما اجتهدت شديد لكن كنت اجتهدت انى اضمن النجاح
فلمن اخويه مشى وجيه
وفتحت له الباب
وقف صامت
قولت له سقطت قال لى لا
قولت له نجحت يعنى قالى لى لا
قولت له كيف يعنىىىىىىىىىىىىىىىىى
قال لى ما كاتبين حاجه جنب اسمك
قولت له كيف يعنى ما عندى نتيجه
ولمن لقانى انهرت بالبكى رجع تانى المدرسه
ولقى انى ناجحه مجموع لكن ساقطه فى ماده من المواد
وان المادة انجليزى اللى ما صعب اصدق انى اسقط فيها
يعنى لو اى ماده تانيه كان معليش
اختى من الزعل كان فى طاوله فيها برطمانات مربى فاضيه ومغسوله نظيف
اوفر 50 برطمان
كشحتهم كلهم فى الواطه واتكسروا
اى بتذكر انى زعلت وبكيت
لكن ما غضبت قدرها
ولمن قالوا لى يا اعيد السنه كلها يا اعيد الماده بس
قولت ليهم الماده بس ما عندى اخلاق لكل المواد
قالوا يبقى لازم اترفدت من المدرسه عشان تلقائيا اتحول منازل وبس اجى امتحن وقت امتحان الماده
قولت دا برناااااااااااااااامج كارب معاى
اها عشان اترفدت من المدرسه لازم اغيب 15 يوم متواصله
قولت ليهم عز الطلب النوم دا اسهل منو مافى
وفعلا لمن البوسطه جات تسلمنا خطاب الرفد
من اول شارع البيت وهو يكورك بيت المرحوووووووووووووم محمد الشيخ
اها المصريات الشمار عندهم الدوز فيهم اعلى من السودانيات
يشيلوا ويحنسوا فى راجل يسلمهم الجواب وهو رافض
دا جواب رسمى من المدرسه لازم ولى الامر
ماما لمن فتحت الباب لقيت نساوين الحله واقفه ورا الراجل
لمن فتحته قالت لهم دا خطاب رفد من المدرسه
اها مصمصموا شفايفهم سمح وما قصروا فى عبارات المواساه وشتتوا
,.,.,
انقطاع اكتئابى حاد جانى
بكمل ليكم بكره كان الله حيانى
ولو ما حيانى بيكون مكككككككككككككسب شديد معاى
وما عايز زوووووووووووووووووووووول يعععععععععععععععععلق لىىىىىىىىىىىىىىىىىىىىىىىىىىىىى فى الححححححححححححته دىىىىىىىىىىىىىىىىىىىىىىىىىىىىىىىىىىىىىىىىىى

Post: #37
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-20-2013, 12:15 PM
Parent: #36



صباح النتيجه كنت بحاول اكون ما مهتمه
اكيد سقطت يعنى كيفين حكون نجحت
برغم امس هذا اليوم ليلا دخلت الصالون وسبحت بالصلاه والسلام على الرسول الف مره
وما عرفت اصلا عملت كده ليه ولا ما بتذكر السبب
كان معظم اولاد اهلى طلعوا الشغل والطلع جامعته
مافى زول بيقدر يجيب النتيجه اصلا
شكل الاغلبيه كانت فاقده فعلا الامل فى نجاحى عشان كده ما اشتغلوا بينى شغله
:))))))
جيه ود خالتى عمر الامتحن معاى وطلع انه نجح وجاب 83%
وبدوا يحنسوا فينى نمشى نجيب نتيجتى
قومت بديت ابكى ورفضت
وبعد الجرجره للعربيه والدفرى عشان امشى لمن وصلنا المدرسه لقيناها قفلت
اليوم عدى عادى احتفالا بود اهلى الناجح
ورسم لخطة المستقبل فى اعادتى حتكون كيف
تانى يوم ما حاولت اسئل زاتو
على الظهر انا قاعده فى الكرسى جانى ود اهلى( اخو عمر الكبير) قالى نجحتى
قولت له بطل هزار نجاح شنو ياخى
قال لى جبتى 57%
قولت له انت جادىىىىىىىىىىىىىىىىىىىىىىىىىىىىىىى
طبعا كانت صاعقه للكل
ومافى زول اصلاااااااااااااااااااااااااااااااا مصدق
كيف الكلام دا
نجججججججججججججججحت
يا ناس
معقوووووووووووووووول
نتيجتى عملت صدى اكبر من نتيجة ود اهلى حقت 83%
فى شهرين وبالهترشه دى نجحت وبنسبة 57%
شنو العبقريه دى
:)))))))))))))))))))))))))
لمن طلعنا الشهاده كانت فيها طفره
انها مكتوبه نجاح ونتيجتى فى الدين تحت نسبة النجاح
كانت 46 والنجاح كان 50
واى زول قال ما مفروض اصلا يعتبروها نجاح الشهاده ويطلعوها من الوزاره
كيف عملوا كده
غايتو لحسى اولاد اهلى ما فهموا دى حصلت كيف
ودخلت بيها الاحفاد واسطه طبعا
لمن مشيت لقاسم بدرى بالتوصيه وقالى شهادتك قاده فيها شنو
قولت له دين
قالى تنفعى معانا بما ان ما عندك دين
:)))))))))))
ومنها جاب دفاتر تسجيل الكليات وقال لى اختارى ياتو كليه عايزه
وعشان بحب الحسابات اخترت ادارة اعمال
وفتح الدفتر سجلى اسمى وقالى خلاص خلصنا
برغم كان فى العاده بيكون اجراءات قبول ومقابلات
ما سويت اى شى من دىىىىىىىىىىىىىىىىىىىىىىىىى
طوالى تانى يوم نزلت الكورس بكل بساطه
غايتو مرات الواسطات بتكون ظريفه
لكن لمصداقيه حسيتها تسهيل من رب العباد
لان بالجد ما كان فيها اى عصلجه برغم اى اى شى فيها كان ما منطقى
عشان كده فعلا لمن ربنا بيقول ليها كونى بتكووووووووووون

Post: #38
Title: Re: دو يو بولوبيف على قول اللمبى :))))
Author: Asim Fageary
Date: 03-20-2013, 12:21 PM
Parent: #37



يا بت إنتي حكًاية (بفتح الحاء وتشديد الكاف)

أحكي متابعنك من الأول بس ما كنا عاوزين ندخل عشان ما نوقف الحكي اللذيذ دا


متعة والله


_______________________

حقوالواحد يرسل ليك دستة بناطلين جينز




Post: #39
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-20-2013, 12:59 PM
Parent: #38

اخيرااااااااااااااااااااااااااا فى زول رد
:))))))))))))))))))
غايتو يا عاصم جيت فى وقتك بالضبط
لكن حكايه دى يعنى نضامه وبالجنبه كده نقناقه ممممممممممممش
:)))))))))
شرفتنا بالطله وبننتظر البناطلللللللللللللللللللللللللللللللللين اياك تنط منها

Post: #40
Title: Re: دو يو بولوبيف على قول اللمبى :))))
Author: Asim Fageary
Date: 03-20-2013, 01:01 PM
Parent: #39



إنتي واصلي وأنا ما بنط من كلامي

Post: #41
Title: Re: دو يو بولوبيف على قول اللمبى :))))
Author: علي محمد الفكي
Date: 03-20-2013, 01:17 PM
Parent: #40

رانية
حكي جميل وطاعم
ويعالج مسألة مهمة جداً بطريقة رائعة ..
وهي الغربة واثرها في من تربوا في كنفها ..
والمفارقات والبحث عن الهوية عند العودة للوطن ..
وحقيقي تتمتعين بقدرة ممتازة في طرح المواضيع الجادة والهامة في اسلوب جاذب
وقالب قصصي ..
جرينا كرسينا وجبنا قهوتنا ومتابعين
تحياتي

Post: #42
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-20-2013, 01:26 PM
Parent: #41

عاصم
انا عندى شنو غير اواصل
:))))
شيل شيلتك انت من النطه



يا سلام
كماااااااااااااااان على
ايه النور دا يا عم
كرسى
هاك الشنزيليزو دا عدييييييييييييييل
عشان تنوم قفا
:)))))))))))))))))))))))))))))))))))))))
تسلم يا روعه
واكيد حياة كل واحد فينا فيها دروس لوحاول يشارك غيروا فيها حيفيد حتى لو كان ما استفاد
اقلها ممكن يكتشف خطئه وين وينبه غيره منو
غايتو الغربه دى زى مرض الضغط
اصلوا ما بيخليك باقى عمرك
ولحسى بعد كل السنين دا
فهم مغتربه مازال يصاحبنى
وبرغم انه مفيد فى نقاط لكن للاسف سيىء فى نقاط اخرى
وفى بعض الاشخاص بيعتبروا سبب فى فرزك وابعادك من حياتهم
فقط لانك مغترب
:(

Post: #43
Title: Re: دو يو بولوبيف على قول اللمبى :))))
Author: رانيه محمد الشيخ
Date: 03-20-2013, 07:48 PM
Parent: #42

http://www.youtube.com/watch?v=NZaE6Zg9bag


Post: #44
Title: Re: دو يو بولوبيف على قول اللمبى :))))
Author: يحي قباني
Date: 04-01-2013, 02:38 AM
Parent: #27

Quote: ولا حمامات نسرق الصابون الفيها

باللااااي ...

وانا اقول منو ؟؟؟

Post: #45
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-01-2013, 12:27 PM
Parent: #44

كان اجمل شى فى الطيران الخليجى الكروت البتتخت فى الفواصل والهدايا البيوزعوها لينا ونحنا اطفال
كان السفر متعه جميله مش رحلة تعذيب يا يحى
:)))))
تسلم يا روعه على المرور

Post: #46
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-01-2013, 03:20 PM
Parent: #45



الغريبه لمن جيت من الكويت لمصر 1989
كان احساسى بالغربه فظيع
ما زى احساسى لمن جيت بلدى
ودا الادانى يقين ان مافى اروع من احساسنا بوطنا
كنت مرعوبه فى اول يوم نزلت فيه درس فى معهد قدام البيت
عشان احاول اندمج فى المنهج المصرى
كانت العيون شرسه وحسيت بيها عدائيه عددددددددديل معاى وكانهم كارهينى
وجنهم تريقه
لمن قعدنا بنكتب فى الدرس وبديت افتش فى محايه عشان حرف كتبته غلط
وسئلت الجنبى ممكن محايه نططت لى عيونها وقالت لى لحظه ولفتت الجنبها وقالت لى عيدى القولتى
قولت ليها ممكن محايه قامت ديك لفتت البعديها وبقى منظر تـــــــافه وهم بيلفتوا فى بعض عشان ما فاهمين محايه يعنى شنو
وطلعت الاستيكه ولا القومه بعد سلوا روحى فى الشرح واحساسى انهم بيتمسخروا بينى
اينعم اتعرفت على كم صاحبه كويسات منهم وكانت الاقرب لى ايمان لحد الثانوى كنا مع بعض من الاعدادى
طيبه وكانت قريبه منى شديد فى طباعها
لمن وزعونا على المدارس واننا محولين من الخليج
اخويه واختى مدارسهم جات راقيه جدا
لكن مدرستى للاسف كانت فى حى شعبىىىىىىىىىىىىىىىىىىىىىىىىىىىىىىىىىىى تحفه
وراه طوالى مقابر وقدامه زريبة حمير
غايتو كانت فعلا صدمه حضاريه لى
يعنى لمن جيت السودان اصلا ما حسيت انى ادهورت واتبهدلت قدر ما نقلت الكويت لمصر اثرت معاى شديد فى الاحساس دا
اخويه كان بيمشى مدرسته بالقطار واختى بالمايكروبس وانا بكرعين
اول يوم اتفقت مع بت الجيران امشى معاها
كنت شايفه انه احراج امى توصلنى
حيقولوا عليه شنووهو اصلا ما مقصرين بوضعى كده ولغتى وشكلى
حسسونى فعلا انى غريبه بكل المقاييس
اها امى بعد وافقت ما تمشى تودينى وامشى مع بت الجيران
بعد نزلت اكتشفت انها وراى
واشتغلانا زى البوليس والحرامى
هى سكانى وانا جاريه
:))))
الله يديها العافيه غايتو عذبتها بالجد
صعب نفهم قلق الام
ولحسى ما قادره افهم خوفها المميت علينا دا لانه مرات كتير بيخنق اكتر ما بيسعد
لو عليها ما اسوى اى شى فى حياتى واكون بس محنطه قدامها عشان تطمئن انى بخير
المهم وصلت باب المدرسه نفسى مقطوع من ملاحقه
ولمن وصلت هى نفسها برضو كان مقطوع
قولت ليها خلاص اطمنتنى ارجعى
وبرجع براى بطريقتى
ما تجىىىىىىىىىىىىى عليكى الله
فى الكويت طبعا كانت بتوصلنا وبتجيبنا دايما
فكانت لحظه غايه فى الصعوبه عليها
بتذكر لمن مشيت الثانوى ومدرستى كانت الا بالقطار امشيها
اول يوم مشيت معاى امى واخويه اسامه
لمن رجعت البيت الظهر اسامه قال لى امك فرجت فينا القطار بالبكى
وانى كيف حركب براى
وبتوصى الكمسارى امشوا براحه
وانتظروا لمن يركبوا ويقعدوا
والراجل حن عليها وبدى يطمنها ساى
لانه الشغله ما بتجى كده اصلا
ههههههههههههههههههههه
مدرسة الثانوى كانت احلى من الاعدادى
غايتو فى الاعدادى ما خليت لى كريته حايمه ما ركبتها
اختى كانت بتقول لى يا بيئه بقيتى ياااااااااااااااع سوقيه
ماهو من عاشر قوم 40 ليله صار شنو
نسخه طبق الاصل
ويعنى وراى مقابر وقدامى اسطبل
ماشيه ابقى شنو اكيد حماااااااااااااااااااار مميت
:))))))))))))))))
ولا الاساتذه
كر علييييييييييييييييييييييييييييييييييييه
استاذ الانجليزى كان اسمه مستر مراد كان راقى جدا
استاذ الرياضيات كان اسمه محمد وصاااااااااااااااااااااااايع اوىىىىىىى ومحبينه فى المدرسه بالكوم
كان الفلنتينووووووووووووووو بتاع كل طالبه
حتى انا شخصيا ما انكر
يعنى لو بس نظر لوحده بيبقى يومها كل وردى فى وردى
والدرس الخصوصى معاه من اول غايات الطالبات جميعا
وفى الدرس البتقعد جنبه ياها الما فهمت شى فى حصه والباقيين بيكونوا كارهينا
اصلا انا كنت بتحسس من وجود اساتذه رجال لان فى الخليج ما اتعودنا على كده
فلما يجوا يقيفوا جنبى كان دمى بينشششششششششششف عديل
وما كنت بقدر اعاين ليهم وهم بيتكلموا معاى
استاذ مراد كان بيراعى لحالتى وبيحاول يطمنى فى تعامله
لكن استاذ محمد كان فظظظظظظظظظظظظظظظظظيع وبيتعمد يوتر لى اعصابى
اتذكر فى مره كنت لابسه كوفيه مترين طولها
وختيتها فى رقبتى ايام الشتى
وجيت داخله لفصل اشحت طباشير ولقيت استاذ مراد
ولمن لقى الكوفيه جاره الواطه
ندانى وعدلها لى
غايتو انا واثقه تصرفه كان نبيل
لكن انا الما كنت نبيله
:)))))))))))))))))))))))))))))))))
جاتنى اعراض ذبحه صدريه عديل
ما عرفت دا بسبب تربيتنا
لان امى كانت دايما بتنبهنا وبتحذرنا مافى زول يقرب منا
ولا زول يخت يده حتى فى يدنا
كنا دايما بنقيف قدام الزول ومسافة متر بينا
عشان كده بقى فى احساس فطرى بعدم الاقتراب الشديد من الجنس الرجالى بتاتا
النكته بقى كانت فى مدرستى الاعدادى انها 3 افواج
يعنى الصباح بنكون نحنا بنات الاعدادى
فى فتره نصفيه فيها اظن ابتدائى
والمسى اولاد
وفى نص السنه بيقلبونا
بنبقى نحنا المسى والاولاد الصباح
ودى كانت برنامج انى ارجع البيت من مدرسه بعد العشى
غايتو فى مصر شوووووووووووووووووفت البدع
وساعدتنى فى الدردرحه شديد
وابقى على قول اسعاد يونس دا نحنا تربية بلاليع
ريم كانت حنكوشه لحد حسىىىىىىىىى وهى محنكشه
وبتعتبرنى انى سوفااااااااااااااااااااااااااج بالنسبه ليها
لكن ما ذنبى
المندره كانت من اكتر الاحياء شعبيه فى اسكندريه
وقضيت فيها سنتين بحزفيرها
وصحباتى البنات منها
يعنى حجيب الاستقراطيه من وين
,,,



فاصل ونواصل

Post: #47
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-01-2013, 03:50 PM
Parent: #46



برغم انها كانت سنة 1989 لكن العجيب انى لمن
فى مره شايله سندوتش بيرقر ماما عملتوا لى لفطور المدرسه البنات اندهشوا دا شنو البيرقر
ما حصل قال سمعوا بيه
ما شافوا ايام الخليج وكان الفطور عباره عن جبنه الكلاسات ومرتديلا الما خجم والبارد الفى عبوات وكيس حلويات
ماما وبابا كان يودونا نمشى محل الجمله نشترى حلوياتنا البنحبها بالكراتين
عمرنا ما مشينا دكان الا فى مصر اظن
حتى الايسكريم ونحنا بنكون راجعين من مدرسه وماما تلقى عربيتهم الكبيره بتوزع على المحلات بتوقفها
وبنشترى منهم بالكراتين واى زول فينا بيختار البيحبه
الله يديهم العافيه عيشونا عيشة ملوك وهم كانوا بسيطين وابويه الله يرحمه موظف عادى
لكن ما حرمونا اى شى وكل البيجيبه بيصرفوا علينا وعلى راحتنا وترفيهنا كان الله يرحمه
اها نرجع لمندره والاعدادى والبيئه الجعانه ديك
ماما لمن رجعت وقولت ليها الحصل
بقيت تعمل لى سندوتشات زياده
عشان صحباتى المعاى
مصر دى ما تشوفوها كده
قامت حسى على الحنكشه قريب فى اواخر التسععينات
والله السودان كان فايتها بمراحل رقى وتطور وناسه كان ناس عز وفهم وطيبه للاخر
المهم تانى نرجع لهباب الاعدادى :(
مدرساتنا كانت شرسات
مصريات من اللغلوغ
وكانت حقت الرياضيات فقريه شددددددددددددددددددددددددددددديد الجاتنا فى سنه 3 اعدادى
لانى فى 2 اعدادى كان استاذى محمد الصايع
اها مرات بيكون عندنا حصص فاضيه بنقوم نزوغ ونفتش على استاذ محمد وين وندخل حصته
ما نظام حبا فى القرايه لكن عشقا فى طلته
:))))))
وفى مره منيله بنيله دخلت استاذتنا حقت الرياضيات فصله وكحلتنا
وياها الكحله
حصتها الجايه اول ما دخلت
شاورت علينا بالنفر وقالت لينا اطلوع اقيفوا فى السبوره
وما كان محتاجه تبرر هى ناديتنا ليه
واضح انها حركه انتقاميه عشان دخلنا حصة استاذ محمد غريمها
اها مسكت اول وحده فينا ترصع فيها كفوف والبنت تلاوز
وكل ما تلاوز البت هى تديها من امه زياده
التانيه لقيت الملاوزه ما نافعه قالت تكون صنديده
اخدت الطريحه صمتا ورا بعض بثبات
انا قولت اخير ابقى زى الاخيره ما فى فايده من الملاوزه والبكى
اول ما جات وقفت قدامى اتشهدت بينى وبين نفسى وقولت توكلنا على الله
طاخ طاخ طاخ طاخ
ما بتذكر زاتو عددهم
لكن حسيت وشى ملتهب وصوابعها منحوته فيه
طبعا مافى زول بيقدر يشتكى
دا نحنا فى مصر يا جدعان
لو فى خليج كان بيشوتوهم بره عديل
لكن وين
لينا الله فى مصر
غايتو ادقيت دق السنين الما ادقيته فى الخليج
فى مره كان عندنا حصة تربيه دينيه واستاذنا ما بيشوف فاقد البصيره الله يدى العافيه ويسامحه
نادوا عليه فى الاداره وقام مسك الفصل لوحده زميلتنا سقيله
قال ليها اى زول يعمل ازعاج اكتبى اسمه
وما قصرت اول اسم كتبته اسمى
اها جيه وقال ليها نادى على الاسماء
وكان واقف قدام باب الفصل لمن ناديت عليه
قال لى تعالى وما نقشت فى الاول التعذيب حيكون كيف
قال لى مدى يدينك قدام وخلى الكف لتحت
وقام اتحسسهم وثبتهم فى مسافه معينه
وبالبسطومه الفى يده فى اطراف الصوابع شحطنى اظن خمسه يا عشره ما بتذكر
لكن الوجع والألم كااااااااااااااااان رهيب
حسيت صوابعى اتخدروا عديل وكانهم اتقطعوا
ومع زعله والبكى دخلت هجمت على البت الكتبت اسمى
ولمن سمع الكواريك حقتها
ندانى تانى تم على باقى الصوابع
وصحباتى حنوا عليه وجابوا لى كيزان مويه نقعت فيها الصوابع باقى الحصص ويشيلوا ويمسحوا لى مخاخيطى والدموع




Post: #48
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-10-2013, 09:45 AM
Parent: #47




وصلت لقناعه ان من الصعب نحكم حتى على ذاتنا
اننا صح ولا غلط
اننا طيبين ولا اشرار
فى مواقف كتير بنكتشف فى ذاتنا حاجات بنستغربه
وممكن لمن يفوت الزمن نسئل نفسنا عملناها كيف وليه
بنستنكرها وبنندم عليها
وفى اشياء بنسعد بانجازها وبنتمنى تكرارها
حياتنا فى حد ذاتها درس صعب كتير نستوعبه ونطلع منو بخلاصه محدد وحكمه وحده
فيها الجميل وفيها المر وفيها الفرح وفيها الألم
بنحاول نعيشها ونكون راضيين عن انفسنا فيها لمن نختلى بيها
فى امور صعب تتنسى وبتبقى عالقه بطريقه غريبه
من ضمن الامور دى صحبتى فى مصر
حكيت لى شى
لحسى ما قادره انساه وما عارفه ليه متذكراه
اى هو مشمئز فى فكرته لكن حاليا بقى فى افظع منو
الناس ما اتغيرت لان اصلا من زززززززززززززمن الجاهليه فى انسان سيىء وانسان كويس
وعشان نحنا جاهلين بالفات وقرينا بس عن الجميل فقط منو
شايفين واقعنا اسوء منو
لكن صعب نعرف فعلا هو اسوء ولا احسن
المهم
زميلتى دى كانت اخدت درس خصوصى جدا جدا جدا عند استاذ محمد الصايع
الذكرته فوق فى قصصى وكان مدرسه رياضيات
وكانت بتاخده فى بيته براها
وكان بيوديها اخوها بنفسه الحصه
وبيجى ياخدها
ما عرفت هل فعلا الثقه العمياء ممكن تكون لدرجه دى
اى هو استاذ لكن فى الاول والاخر راجل وشاب
كيف يقبلوا انها تاخد درس خصوصى براها وفى شقته العايش فيها براه
دينا اوضح العديد من التعليمات ما من فراغ
ربنا ادرى بدواخلنا لانه خلقنا
ولمن منعنا امور معينه لان اكيد ضررها اكتر من نفعها
والحذر ما شى كعب ولا بيعنى ان الشخص التانى سيىء
الحرص واجب والتعاليم والحدود بتوزن حياتنا وبتجنبنا ضعف الانفس
قالت لى الاكيد انتو فاهمتوا
ما محتاج اقولوا بالتفصيل
ما بغلطها ولا بغلطه هو براهم
بغلط اهلها واخوها الكانوا بيودوها لحد عندو فى البيت
مفروض اولياء الامور يكونوا واعيين
ما ممكن ابسط الامور الصح طاشيين فيها وبيستهتروا بيها
ما بقول اخنقوا اطفالكم ولا بقول ادوهم الحريه المطلقه
بقول خلوا بالكم منهم وحافظوا عليهم من منعدمين الاخلاق والضمير
صحبتى كانت فى الابتدائى زى الزمن داك
هل مؤهله انها تعلم روحها الحياه
ولا كانت محتاجه للاكبر منها لتوعيتها

Post: #49
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-15-2013, 11:38 AM
Parent: #48





من الحاجات الكان نفسى اعيشها واحس بيها فعليا كيف
الاعياد والمناسبات وتجمعات العائله
وكيف النساويين جايطين فى الحلل والعضه
والشباب مرطرطين فى المصطبه بينضموا
والجكس مبطوح فى الغرفه بيقطعوا
والشفع بتطاير هنا وهناك
احساس جميل ما حيشعر بقيمته الا المحروم منو
كنت عطشانه لاجواء دى لان مهما كانت تعاملاتك وتواصلك فى الغربه
ما بتكون زى اهلك
فى اول رمضان مشينا نفطر عند خالتى فى امدرمان
وبنات اهلى قالوا لى ارح التراويح
كان اول مره فى حياتىىىىىىىىىىىىىىىىىىىىىىىىىىىى امشى التراويح وحالتى كان عمرى 18 سنه
اها فرحت زى الشافعه العمرها 8 سنين ولفحت المصلايه زى ماهم عاملين
وتلفحت بالتوب
ولحظوا تلفحت بيه ما لبسته
غايتو كان من الحاجات المصره اتعلمها
لانى لمن كنت البسه ويكون ثابت بحس روحى محنطه لانى لو ساى تنفست بيجى واقع
اها مشينا الزاويه
ودى من الحاجات الاكتشفتها
ان فى جامع وفى زاويه
وفى برش
:)
ادفست فى نص بنات خالتى لان الاجواء كانت ليسه غريبه عليه
وبرغم الفرحه انى بجرب فى حاجه جديده كان فى برضو خوف ورهبه
وطبعا الناس بتعرف بعض لكن بالنسبه ليهم كنت كائن غريب
بديت الصلاه
وجمال الصمت والاستعداد للتلاوه
مافى سقف
احساس انك طاير
ومافى اى عازل بينك وبين ربنا
هوااااااااااااااااء طلق وصلاه على الملأ
ايه الهنا الانا فيه داااااااااااااا يا جدع
ازغردت
:)))))
ومع اول ركعه وتانى ركعه جيه التشهد
الجماعه فجئه فررررررررررررتلب وقفوا وانا ليسه ما خلصته
سريع سريع شفطته فى سرى الباقى ووقفت احصلهم
التانى كان عادى وسلمنا
وتانى جات الركعه الاولى والتانيه والتشهد
والجماااااااااااااااااااااااااااااعه تانى تعملها فينى والقاهم وقفوا وانا ليسه ما خلصت
اجى يا ناااااااااااااااااااس
معقول بياكلوا الحروف قدر دا ولا شنو
فى البعديها قولت ابقى حريصه واسرع منهم عشان احصلهم
لكن برضوووووووووووووووووووو ما حصلتهم
واحترت فى شنو غلط فى صلاتى
وانتظرت على نار نخلص عشان اسئل الحكايه شنو
وبعد تداولات واستفسارات عشان اعرف الخلل
طلع ان الجماعه بيقسموا التشهد نصين
تشهد اول وتشهد تانى
ولمن استفسرنا من شيخ ان الصلاه مختلفه كده وياتو الصح
قال اختلاف مذاهب والاتنين صح
لان الخليج اظن مذهب مالكى والسودان حنيفى

Post: #50
Title: Re: دو يو بولوبيف على قول اللمبى :))))
Author: garjah
Date: 04-15-2013, 02:10 PM
Parent: #49

رانية

يو ميد ماي داي

ثانكس كتييير

Post: #51
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-15-2013, 02:35 PM
Parent: #50

thanx for u dear coz u take from ur time to read me
:))))))))))))))))))))))))

Post: #52
Title: Re: دو يو بولوبيف على قول اللمبى :))))
Author: garjah
Date: 04-16-2013, 09:59 AM
Parent: #51

Quote: لان الخليج اظن مذهب مالكى والسودان حنيفى



العكس يا رانية

Post: #53
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-16-2013, 10:38 AM
Parent: #52

غايتو انا ما متاكده من منو فى منو
لكن بستغرب ليه تختلف المذاهب فى طريقة الصلاه المفروض تكون ثابته

Post: #54
Title: Re: دو يو بولوبيف على قول اللمبى :))))
Author: رانيه محمد الشيخ
Date: 04-29-2013, 12:55 PM
Parent: #53

لأن الحاضر لم يعد يشبهني !!.. صرت .ا.سافر للأمس كثيرا ..

لان معظم الأشياء التي بقيت في الخلف كانت جميلة
,.,



مسروقه من الفيسبوك