صورة نادرة (يوهانس) لاعب الهلال الراحل

منقولة من صور السودان القديمة - الفيس بوك

اعتقد آخر كورة لعبها الراحل الحريف مع الهلال كانت ضد فريق الخرطوم (الخرطوم ثلاثة سابقاً)
دخلتها مخصوص لأجل الاستمتاع بلمسات هذا الساحر وكانت في مطرة صابة اثناء الكورة.

يقال انه افضل محترف مرً علي تاريخ الهلال رغم قصر فترته التي قضاها في الملاعب السودانيه

قاتل الله الجهل والتخلف والعصبيه التي افقدت الهلال هذا الفنان

استمتعنا به كثيرا مع نادي التحرير الارتري الذي كان يزور كسلا بانتظام

يا سلاااام على يوهانس ..الله يرحمو ياخ ..
عارف يا عمر انا بكيت بحرقة لفقد يوهانس ووالي الدين وإيداهور ..أولهم فاجعة كان يوهانس
هذا اليوهانس والله ووالله جعل الجمهور يملأ المدرجات في التمارين..مما جعل إدارة النادي تعمل التمرين بي قروش وكان تمرين الهلال بيحقق دخل اعلى من دخل اي مباراة حتى لو طرفها المريخ ..
اخر مرة شوفتو كانت في كورة ودية مع التحرير البحراوي ..الزول ده جاب اربعة اقوان والكورة لسسسة بتقول يا هادي والناس لسسسة بتحاول تعرف التشكيلة فيها منو ..
مباراة الخرطوم 3 كانت فعلاً اخر مباراة وهي المباراة اللي خلّت الناس تقول إنو مات بي عمل سحر لأنو يوهانس كان بيسخن وأوول ما فريق الخرطوم تلاتة جا نازل بي الشعار الأحمر يوهانس فجأة وقع وما قدر يكمل التسخين وحمل للمستشفى ومن يومها ما شم عافية ..ده حسب المقولات طبعا ولاحقاً حسب روايات اهل بيته اللي ما كنت متأكد من صحتها حول إنو كل ما يشوف حاجة حمرا بيكورك وبيغمى عليهو..

احرف من رايته من المحترفين


قل ان تجود به الملاعب مرة اخري

يوهانس له الرحمة والمغفرة

شاهدته عن قرب وجالسته في زواج وزير الدفاع طارق احمد ادم في الديم كان انيقا في ملبسه وسيما محط انظار الجميع رجالا ونساء في الحفلة وفوق كل ذلك له سن براقة فضية او ذهبية لا استحضرهاتزيده بهاءا وجمالا و يتميز بالدعابة وخفة الروح

بحكم هلاليتي وجنوني بعشق الهلال في ذلك الزمان كنت من رواد التمارين دعك من المباريات ، فعلا كان الهلال يستثمر التمارين من خلال جمهور وضجة هذا النجم الذي احضر للهلال خصيصا بطائرة خاصة في زمن المغفور له قاهر الظلام عبد المجيد منصور .. اي مباراة لعبها كانت له اهداف فيها وفعلا سقط ارضا في مبارة الخرطوم 3 وكانت على ما اعتقد عصرا ومنها لازم الفراش حتى فارق الحياة .. نسأل الله له المغفرة والرحمة


مودتي


الرحـــال

يوهانس لاعب حريف مافى شك فى دلك
شاهدته فى التلفزيون مع التحرير و ولم اشاهده مع الهلال
الراجل مات ليس كما يدعى الوسط الرياضى السودانى بفعل السحر
الراجل مات بسبب التخلف الطبى السودانى و التخلف السودانى عموما
التقيت صديقه الشخصى و صديق عائلته ( ايوب) حبشى عاش فى ارتيريا
كان لقاءانا فى شارلوت ( كارولينا الشمالية) فى سنة 2000
سالنى ان كنت اعرفه او شاهدته فى الهلال السودانى اجبت بنعم
حكى لى عن يوهانس و عن مرضه و موته
الشعب السودانى لا يعرف غير يوهانس
و الحقيقة التى لا يعرفها الوسط الرياضى السودانى هى
ان شقيق يوهانس الاصغر قد مات بنفس الطريقة التى مات بها يوهانس
هذا ما قاله ايوب صديق يوهانس
هل سحر المريخ وصل الى اخيه ايضا ؟؟؟
و بعد ايداهور سوف يموت فى الملعب ابراهيما سانيه اذا لم يعالج بالطريقة الصحيحة
لان بلع اللسان لا ينتج عن الاترقاء للكورة بالطريقة الخطأ كما تزعم ادارة الهلال

Quote: و الحقيقة التى لا يعرفها الوسط الرياضى السودانى هى ان شقيق يوهانس الاصغر قد مات بنفس الطريقة التى مات بها يوهانس هذا ما قاله ايوب صديق يوهانس هل سحر المريخ وصل الى اخيه ايضا ؟؟؟

مشكووور كتير اخى كمال الماحى

يوهانس توفي في خشم القربه في خلوة احد الشيوخ ...

بل توفي في الشواك قرب القضارف حيث حمله بعض اقطاب الهلال
الي فكي هناك..