أم عمر البشير تفشي أحد الأسرار: ضربني في عضم الشيطان!

أم عمر البشير تفشي أحد الأسرار: ضربني في عضم الشيطان!


03-28-2013, 07:13 AM


  » http://sudaneseonline.com/cgi-bin/sdb/2bb.cgi?seq=msg&board=420&msg=1364451200&rn=10


Post: #1
Title: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-28-2013, 07:13 AM
Parent: #0

قال :" كفاهو ما داير يحكم السودان تانى وقلنا ليو قدم شوية لى قدام..وانا قلت ياربى البلد دى بلا عمر بتبقى شنو ؟

03-27-2013 05:39 PM
كشفت الحاجة هدية محمد زين والدة الرئيس عمر البشير النقاب لأول مرة عن تفاصيل حياة الرئيس الباكرة وذكرت فى حوار مع صحيفة "الأهرام اليوم" بمناسبة عيد الام ان الرئيس كان ملحاحاً فى الإحتفاظ بحقه وكان دائما مايدخل فى شجار طفولى مع شقيقه حسن ..

والدة الرئيس البشير حكت عن طفولة الرئيس قائلة بسودانية جميلة :" عمر كان طبعو كويس لكن مرة دقيتو دقة شديدة عشان نزل البحر وهو طفل والدنيا كانت دميرة وقلت لى امى يمة ولدى بغرق انا ماشة الحقو وطوالى جبتو وكان عندو "قنقر "معانا وقال لى يمة قنقرى وينو ؟ما اشتغلتا بيهو وشلتا القهوة من امى ..قام مسك يدى وقال لى تانى يمة قنقرى وينو ؟ شلتا القهو باليد التانية وبرضو ما رديت عليو ..قام مسك يدى التانية والقهوة اتكشحت ..بعد داك دفرتوا جوة الاوضة انا اضرب فيو وامى تضرب فيو امى كانت ماسكاهو قلتا ليها يمة ماتفكيو لو اتفكا بيعمل فينا مصيبة ..امى فكتو شال الحديدة ام راسين البكسرو بيها السكر زمان وضربنى فى عضم الشيطان وغاب سبعة يوم فى بيت جدو الا بعد داك خجل واعتزر.

واماطت الحاجة هدية اللثام عن الحظات العصيبة الى عاشتها عند انقلاب 30 يونيو وقالت ان الإنقلاب وجدها فى صراصر بولاية الجزيرة التى ذهبت اليها فى واجب إجتماعى وقالت أن اهلها فى صراصر اخفوا عنها أمر الإنقلاب وأنها عرفت الحادث بالصدفة عندما قال احد سائقى العربات لزميله :"ان العميد الذى قلب الحكومة أهله من صراصر ،ومضت الحاجة هدية تقول انها لم تقابل الرئيس البشير واختفى عن ناظريها لمدة 4 ايام ودخل عليها فى اليوم الخامس برفقة الشهيد كمال على مختار واضافت الحاجة هدية انها لم تتمن ان يكون ابنها رئيس للجمهورية ولا لأحد من أبناءها .

واختتمت الحاجة هديه لقاءها مع الاهرام بتوصية نساء السودان بتربية ابناءهم التربية الصالحة وقالت ان عمر لم يقصر معاها وانها "عافية منو ورضيانة عليو " وعمر قال :" كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟".

الاهرام اليوم

الراكوبة:
http://www.sudaneseonline.com/news-action-show-id-92193.htm

Post: #2
Title: Re: أم عمر البشير تفشي أحد الأسرار: ضربني في عضم الشيطان!
Author: ياسر منصور عثمان
Date: 03-28-2013, 07:17 AM
Parent: #1

( وكان دائما مايدخل فى شجار طفولى مع شقيقه حسن ..)


شقيقه حسن؟؟

الناس ديل بكتبوا ساكت...



Post: #4
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-28-2013, 02:47 PM
Parent: #2

Quote: شقيقه حسن؟؟

أخونا ياسر منصور.. سلامات
إنت عمرك ما سمعت بديوان شعر سوداني إسمو (ظلال شاردة) للشاعر محمد محمد علي؟
وعمرك ما سمعت بأنو ممكن يكون إسمك مدبل لأسباب عندها علاقة بالعادات والتقاليد؟؟!
ياخ الزول ده: عمك حسن قرر يسمي ولدو حسن
إنت زعلان هسه مالك؟
ورينا عشان نفهم حاجة.

Post: #15
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 07:59 AM
Parent: #2

Quote: وكان دائما مايدخل فى شجار طفولى مع شقيقه حسن ..)


شقيقه حسن؟؟

الناس ديل بكتبوا ساكت...




القصة إنو داير أوريك ما بنكتب ساكت.
والبوست بما إنو ‘نحرف عن موضوعو مافي مشكلة إنت الما بتتكلم ساكت قول لينا (فرتيقة أم لبوس) يعني شنو.. وما تستعين بزول من خارج البوست


http://www.youtube.com/watch?v=uWggKd_CxBk

Post: #3
Title: Re: أم عمر البشير تفشي أحد الأسرار: ضربني في عضم الشيطان!
Author: FAKHER ELDEEN AHMED
Date: 03-28-2013, 07:44 AM
Parent: #1

وانا قلت ياربى البلد دى بلا عمر بتبقى شنو ؟".


بتبقي قنقليز

أو عنكوليب

Post: #5
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-28-2013, 02:53 PM
Parent: #3

Quote: وانا قلت ياربى البلد دى بلا عمر بتبقى شنو ؟".


بتبقي قنقليز

أو عنكوليب


البلد ببساطة حتبقى بلد.. لأنو التنوع لا عنقوليب من "عنقالي": ولا(عنكوليب من عدار).. شفتو القصص الفارغة البقينا ندخل فيها
ده مناخ التردي العام.
أخير لينا نمشي نسمع الساقية لسه مدورة ونبكي على رفبتنا ونريح نفسنا.

Post: #6
Title: Re: أم عمر البشير تفشي أحد الأسرار: ضربني في عضم الشيطان!
Author: عرفات حسين
Date: 03-28-2013, 06:41 PM
Parent: #5

احمد ضحية

عظيم كونك فتحت هذا البوست



البشير يضرب امه ... بالحديده .عشان قنقر. صوره

Post: #7
Title: Re: أم عمر البشير تفشي أحد الأسرار: ضربني في عضم الشيطان!
Author: سليمان القرشي
Date: 03-28-2013, 09:42 PM
Parent: #6

ضحية سلامات
هسي وين الاسرار هنا
طفل ضرب امو فيها حاجة دي
غايتو كان دي معارضتنا
واطاتنا شمسها مرقت برة
غايتو من الليلة دي احمد ولدي
كان ضربني مابخليهو كلو كلو
لانو الموضوع دا كبير خلاص
وانا ماعارف
تسلم ياحبيب

Post: #8
Title: Re: أم عمر البشير تفشي أحد الأسرار: ضربني في عضم الشيطان!
Author: mutwakil toum
Date: 03-29-2013, 01:42 AM
Parent: #7

سلام عليكم
القنقر ده شنو؟

Post: #9
Title: Re: أم عمر البشير تفشي أحد الأسرار: ضربني في عضم الشيطان!
Author: Adil Hamza
Date: 03-29-2013, 02:02 AM
Parent: #8

Quote: القنقر ده شنو؟

قندول عيش الريف

سلام يا احمد و ضيوف البوست
البشير اصلو شرانى من صغير
شالو القنقر بتاعو شال السودان كلو

Post: #13
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 06:08 AM
Parent: #9

Quote:
قندول عيش الريف

سلام يا احمد و ضيوف البوست
البشير اصلو شرانى من صغير
شالو القنقر بتاعو شال السودان كلو

تسلم يا أستاذنا
شقت المحن بتاعة التنوع كيفن. الزول ده بدل يسألني أنا وتجاوب ليه إنت كان يمشي (طالما يهمه الأمر)يشوف عون الشريف قاسم في (قاموس اللهجة العامية في السودان).
ناس لهجاتهم بتنوعها ما بيعرفوها, ولا عايزين يعرفوها حيعذبوا خلق الدنيا كلهم ما أمهاتهم بس.
تعليقك يا أستاذنا ريحني خالص خالص. (شال السودان كلو)..

Post: #12
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 05:58 AM
Parent: #8

متوكل التوم سلامات
Quote: سلام عليكم
القنقر ده شنو؟


والله أنا زيي زيك. عرفت من أستاذنا وتاج راسنا عادل حمزة هسة.

Post: #11
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 05:55 AM
Parent: #7

Quote: ضحية سلامات
هسي وين الاسرار هنا
طفل ضرب امو فيها حاجة دي
غايتو كان دي معارضتنا
واطاتنا شمسها مرقت برة
غايتو من الليلة دي احمد ولدي
كان ضربني مابخليهو كلو كلو
لانو الموضوع دا كبير خلاص
وانا ماعارف
تسلم ياحبيب

يا أخينا إنت كان ما فيها حاجة بالنسبة ليك (بإعتبارك من ناس قدوقدو والنظام العام وكده) بالنسبة لي أنا فيها حاجة.
أنا شخصيا أمي كانت دايما بتقولي يا أحمد إنت زي إسمك .. كلو كلو ما عذبتني حتى في الولادة. والله صحي!
الغريب في الأمر هسه بقيت أعذب الناس جنس نوعك ده؟!.
وبالمناسبة أهديك الأغنية دي:
http://www.youtube.com/watch?v=zwlpXP3Lmq8

Post: #10
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 05:49 AM
Parent: #6

عرفات
سلامات
رديت عليك في بوستك
تسلم يا حبيب

Post: #14
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 06:15 AM

سلام عليكم
الفافنوس ده شنو؟
في أغنية الكابلي أعلاه.
وما تنسوا معاها فرتيقة أم لبوس.

Post: #16
Title: Re: أم عمر البشير تفشي أحد الأسرار: ضربني في عضم الشيطان!
Author: Muna Khugali
Date: 03-29-2013, 12:17 PM
Parent: #14

كيف حالك يا احمد..
اصلو الزول ده موعود بزوجته تفضحه من نا حية وأمه من ناحية تانية وده كله بدون قصد سيء..هو قايل ربنا بيفضح الناس كيف؟؟

__________________________________________________________________________________________________
واختتمت الحاجة هديه لقاءها مع الاهرام بتوصية نساء السودان بتربية ابناءهم التربية الصالحة وقالت ان عمر لم يقصر معاها وانها "عافية منو ورضيانة عليو " وعمر قال :" كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟".
__________________________________________________________________________________________________

بكره يمشي مبارياه جرائمه وتشوف السودان من غيره بيقي كيف!

Post: #17
Title: Re: أم عمر البشير تفشي أحد الأسرار: ضربني في عضم الشيطان!
Author: Sulaiman Adam
Date: 03-29-2013, 12:31 PM
Parent: #16

تستغرق مناقشة المسائل ال########ة وقتاً طويلاً لأن بعضنا يعرف عنها اكثر مما يعرف عن المسائل الهامة.

Post: #18
Title: Re: أم عمر البشير تفشي أحد الأسرار: ضربني في عضم الشيطان!
Author: وضاحة
Date: 03-29-2013, 12:41 PM
Parent: #17

اموا !!!!!!!!!!!!!!!!!!!!!!!!!!!!!
معقول ياخى دا كلام بكون مفبرك
الام دى الواحد ما بقدر يرفع عينوا يعاين فيها او يملى عينوا فيها
اكيد الكلام دا ما صاح وبعدين الزمن داك بكون طفل ياخى الاطفال ابرياء

Post: #22
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 11:33 PM
Parent: #18

Quote: اموا !!!!!!!!!!!!!!!!!!!!!!!!!!!!!
معقول ياخى دا كلام بكون مفبرك
الام دى الواحد ما بقدر يرفع عينوا يعاين فيها او يملى عينوا فيها
اكيد الكلام دا ما صاح وبعدين الزمن داك بكون طفل ياخى الاطفال ابرياء

الأخت العزيزة وضاحة
سلامات والله كلامك ده ما عندنا فوقو راي. كلامك صحي.

Post: #21
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 11:30 PM
Parent: #17

Quote: تستغرق مناقشة المسائل ال########ة وقتاً طويلاً لأن بعضنا يعرف عنها اكثر مما يعرف عن المسائل الهامة.

النكلمك يا اللخو..
(رغم إنو شكلك عايز ترجعنا أركان النقاش تاني_ بعد ما شاب ودوه الكتاب).. وفي الحالة دي سأحيلك لصديقي الجميل جدا وائل خلف الله.
على أية حال لم تحدثنا عن المسائل المهمة والهامةالتي يجب أن ينشغل بها بالنا؟!
قولينا برضو عشان نفهم حاجة.
بالمناسبة حأوريك مقلب البوست ده في النهاية.

Post: #19
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 09:21 PM
Parent: #16

Quote: كيف حالك يا احمد..
اصلو الزول ده موعود بزوجته تفضحه من نا حية وأمه من ناحية تانية وده كله بدون قصد سيء..هو قايل ربنا بيفضح الناس كيف؟؟

__________________________________________________________________________________________________
واختتمت الحاجة هديه لقاءها مع الاهرام بتوصية نساء السودان بتربية ابناءهم التربية الصالحة وقالت ان عمر لم يقصر معاها وانها "عافية منو ورضيانة عليو " وعمر قال :" كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟".
__________________________________________________________________________________________________

بكره يمشي مبارياه جرائمه وتشوف السودان من غيره بيقي كيف!

Post: #20
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 11:23 PM
Parent: #16

Quote: كيف حالك يا احمد..
اصلو الزول ده موعود بزوجته تفضحه من نا حية وأمه من ناحية تانية وده كله بدون قصد سيء..هو قايل ربنا بيفضح الناس كيف؟؟

__________________________________________________________________________________________________
واختتمت الحاجة هديه لقاءها مع الاهرام بتوصية نساء السودان بتربية ابناءهم التربية الصالحة وقالت ان عمر لم يقصر معاها وانها "عافية منو ورضيانة عليو " وعمر قال :" كفاهو ما داير يحكم السودان تانى وقلنا ليو قدم شوية لى قدام قال لاكفاى انا تعبت وانا قلت ياربى البلد دى بلا عمر بتبقى شنو ؟".
__________________________________________________________________________________________________

بكره يمشي مبارياه جرائمه وتشوف السودان من غيره بيقي كيف!

أختنا العزيزة منى خوجلي سلامات..
معليش والله جاني تلفون مهم.. فغلطت وضغطت على send قبال ما أقول كلامي.
لك التحية والإحترام والتقدير على التفاعل الإيجابي.
__________
تخوينة:
أخبار معدل جرائم إغتصاب الأطفال شنو؟

Post: #23
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-29-2013, 11:41 PM
Parent: #20

omeralbashier.jpg Hosting at Sudaneseonline.com

Post: #24
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-30-2013, 07:47 AM
Parent: #23

أنحنا هسه جبنا سيرة عمر .. حاشا وكلا وتا الله..
لكن الزول ده طبيعي؟!!

Post: #25
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-30-2013, 08:22 AM
Parent: #24

عضم الشيطان ده منو ده؟!
_
سؤال للدردقة

Post: #26
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-30-2013, 05:09 PM
Parent: #25

omer16.jpg Hosting at Sudaneseonline.com

Post: #27
Title: Re: أم عمر البشير تفشي أحد الأسرار: ضربني في عضم الشيطان!
Author: وضاحة
Date: 03-30-2013, 05:12 PM
Parent: #26

غايتوا يا احمد مبالغة اخر كاركتير طماطم بث

Post: #28
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-31-2013, 01:43 PM
Parent: #27

Quote: غايتوا يا احمد مبالغة اخر كاركتير طماطم بث

الأخت وضاحة
سلامات
شفتي الناس ديل بقونا "ملجة" كيفن!
قلت لي طماطم بث!.. ده الكلام!

Post: #29
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-31-2013, 02:23 PM
Parent: #28

الأخوة المتداخلون
سلامات
أنا شايف نفسي قايم ونفسكم قايم فإيه رايكم لو قعدنا نفسنا في الواطة بالأغنية دي:
http://www.youtube.com/watch?v=EodrCIKBCToandfeature=endscreenandNR=1

Post: #30
Title: Re: أم عمر البشير تفشي أحد الأسرار: ضربني في عضم الشيطان!
Author: عرفات حسين
Date: 03-31-2013, 03:48 PM
Parent: #29

الاخ احمد

اسمح لي .... لمن كان الطاؤؤس شعار الكيزان الجهلا

الكابلي

لماذا

بلا مقدمات في وضح النهار

سألني ابني الصغير لماذا يكرهنا الكبار

لماذا يقتلنا الكبار

سألته من أين جاء بالأخبار

أجاب في براءة من نشرة الأخبار

تلفازنا المحروس تلفازنا العروس

الملوّن الطاووس قد جاء بالأخبار

رأيت فيه ياأبي إخوتي الصغار

في كافة الأقطار

أرجلهم مقطّعة أذرعهم مقطّعة

رقابهم مقطّعة

لا لا يا أبي

لا أريد الإنتقال لا أريد الإرتحال

إلى بلد بلا آمال إلى بلد بلا أجيال

إلى بلد بلا أطفال

و عادني دوار الإلتياع من سائل يريدني إقناع

وا حسرتي أنا بلا إقتناع

فالطفل رمز الطهر و السذاجة

و الدهشة الممدودة اللجاجة حلواه قبل كل حاجة

تلعابه و أمه مزاجه لايعرف التدليس و الفجاجة

و لا لماذا أطفئوا سراجه يذبحه الأشرار كالدجاجة

عار لعمري أيّ عار تخجل منه الشموس و الأقمار

و يحزن الأشعار و الأوتار فتهجر الطيور للأوكار

لكّنها الحياة يا صغار يسطع من ديجورها النهار

و في غد ستشرق الأنوار و تصبحون سادة الأقمار

و حتما ستغفرون للتتار و يحى من الكبار

................................................

هذه دولة الطاووس (الطويس)

طويس

هو أبو عبد المنعم عيسى بن عبد الله الذائب، وسمي بالذائب لترديده البيت الآتي:

قد براني الشوق حتى صرت من وجدي أذوب


ولد سنة 11 هـ، 632 م في المدينة المنورة، وهو أول مغن وموسيقي في الإسلام في عصر الخلفاء الراشدين.
تعلم الغناء عن الرقيق الفرس الموجودين في المدينة المنورة.
فصار مغنيا بارعا. وهو أول من أدخل الإيقاع في الغناء إذ أنه كان لا يصطحب في غنائه غير الرق.
وقد اشتهر في غناء الهزج وكان يضرب فيه المثل، فيقال أهزج من طويس.

وقد فرّ إلى السويداء في خلافة مروان بن الحكم وقد بقي فيها إلى أن توفي هناك سنة 92 هـ، 710 م.

تتلمذ عليه أناس كثيرون أشهرهم ابن سريج والدلال نافذ ونؤوم الضحى وفند

.........................................

كان (الطاووس ) طويس يقول:

يا أهل المدينةِ توقعوا خروجَ الدجالِ ما دمتُ فيكم:

وًلِدتُ في الليلةِ التي مات فيها رسولُ اللهِ صلى اللهِ عليه وسلم،

وفُطِمتُ في الليلةِ التي مات فيها أبو بكر رضي الله عنه،

وبلغتُ الحلم في الليلة التي قُتِلَ فيها عمر رضي الله عنه،

وتزوجتُ في اليوم الذي قُتل فيه عثمان رضي الله عنه،

ووُلِدَ لي ولدٌ في اليوم الذي قُتِل فيه علي كرّم الله وجهه.

Post: #31
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-31-2013, 05:29 PM
Parent: #30

Quote: الاخ احمد

اسمح لي .... لمن كان الطاؤؤس شعار الكيزان الجهلا

الكابلي

لماذا

بلا مقدمات في وضح النهار

سألني ابني الصغير لماذا يكرهنا الكبار

لماذا يقتلنا الكبار

سألته من أين جاء بالأخبار

أجاب في براءة من نشرة الأخبار

تلفازنا المحروس تلفازنا العروس

الملوّن الطاووس قد جاء بالأخبار

رأيت فيه ياأبي إخوتي الصغار

في كافة الأقطار

أرجلهم مقطّعة أذرعهم مقطّعة

رقابهم مقطّعة

لا لا يا أبي

لا أريد الإنتقال لا أريد الإرتحال

إلى بلد بلا آمال إلى بلد بلا أجيال

إلى بلد بلا أطفال

و عادني دوار الإلتياع من سائل يريدني إقناع

وا حسرتي أنا بلا إقتناع

فالطفل رمز الطهر و السذاجة

و الدهشة الممدودة اللجاجة حلواه قبل كل حاجة

تلعابه و أمه مزاجه لايعرف التدليس و الفجاجة

و لا لماذا أطفئوا سراجه يذبحه الأشرار كالدجاجة

عار لعمري أيّ عار تخجل منه الشموس و الأقمار

و يحزن الأشعار و الأوتار فتهجر الطيور للأوكار

لكّنها الحياة يا صغار يسطع من ديجورها النهار

و في غد ستشرق الأنوار و تصبحون سادة الأقمار

و حتما ستغفرون للتتار و يحى من الكبار

................................................

هذه دولة الطاووس (الطويس)

طويس

هو أبو عبد المنعم عيسى بن عبد الله الذائب، وسمي بالذائب لترديده البيت الآتي:

قد براني الشوق حتى صرت من وجدي أذوب


ولد سنة 11 هـ، 632 م في المدينة المنورة، وهو أول مغن وموسيقي في الإسلام في عصر الخلفاء الراشدين.
تعلم الغناء عن الرقيق الفرس الموجودين في المدينة المنورة.
فصار مغنيا بارعا. وهو أول من أدخل الإيقاع في الغناء إذ أنه كان لا يصطحب في غنائه غير الرق.
وقد اشتهر في غناء الهزج وكان يضرب فيه المثل، فيقال أهزج من طويس.

وقد فرّ إلى السويداء في خلافة مروان بن الحكم وقد بقي فيها إلى أن توفي هناك سنة 92 هـ، 710 م.

تتلمذ عليه أناس كثيرون أشهرهم ابن سريج والدلال نافذ ونؤوم الضحى وفند

.........................................

كان (الطاووس ) طويس يقول:

يا أهل المدينةِ توقعوا خروجَ الدجالِ ما دمتُ فيكم:

وًلِدتُ في الليلةِ التي مات فيها رسولُ اللهِ صلى اللهِ عليه وسلم،

وفُطِمتُ في الليلةِ التي مات فيها أبو بكر رضي الله عنه،

وبلغتُ الحلم في الليلة التي قُتِلَ فيها عمر رضي الله عنه،

وتزوجتُ في اليوم الذي قُتل فيه عثمان رضي الله عنه،

ووُلِدَ لي ولدٌ في اليوم الذي قُتِل فيه علي كرّم الله وجهه





عوفات يا خيي
سلامات
تسلم وتشكر
أنحنا قلنا نخت الكورة في الواطة!
فدحين إنت هسه هبشت حتات حساسة (بيني وبينك عجبتني)= (نظام غتاتة وكدة).
فخلينا كلامك ده كلو ما نرد عليهو بالجملة هسه.. خصوصا إنو البلد كلها بقت بالقطاعي.. ولا شنو؟!
_
تخوينة: حنرد بالجملة ولا بالقطاعي..

Post: #32
Title: Re: أم عمر البشير تفشي أحد الأسرار: ضربني في عضم الشيطان!
Author: احمد ضحية
Date: 03-31-2013, 05:38 PM
Parent: #31

يا عرفات أخوي أسمع الأغنية دي كمدخل للقطاعي:
http://www.youtube.com/watch?v=hL-SPJKLqXIandNR=1andfeature=endscreen

Post: #33
Title: Re: أم عمر البشير تفشي أحد الأسرار: ضربني في عضم الشيطان!
Author: عرفات حسين
Date: 03-31-2013, 06:00 PM
Parent: #32

اخي

احمد

الله يحي الحس الوطني في الناس النايمه

ويشوفو الكارثه التي حلت بوطنهم

الله يكثر من امثالك يا احمد يالمحمد