خالنا ود شيقوق وصل يا شباب..إنتو فاكرين ساي؟؟

Post: #1
Title: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-23-2013, 02:14 PM

وود شيقوق هو خال سعادة اللواء عمر وخالي أيضا..

وصل ود شيقوق الي مقره سالما بعدإجازة بالوطن العزيز صرف فيها كل ما يملك من أموال وصبر..
ورجع منها وهو يحمل "حلة" محروقة لعمل اللبن المقنن الذي يعشقه كما يعشق موبايله الجديد..

إنتو ود شيقوق ده بيعمل قراء كتيرين كده كيف وهو ما قاعد يكتب الا كلمة كلمتين؟؟

ياربي السر شنو؟؟

.......
.......

Post: #2
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد فضل الله المكى
Date: 03-23-2013, 03:32 PM
Parent: #1

.
.
يااااااااااااااااااااخبر ... والله يا بت الخليفة إفتقدنا الزول!
و مرّه كِده جانا خبر (شايلو النسيم) والحكاية حصلت في السلطنة !!، وعارف زولي قليبو رهيف
وعندو حبة شفقه ، إستنجدت بسعادة اللواء.... إلا طمنني.

حباب شيقا اخوي .... حباب شيخ العرب

مطر الخير دَفَقْ، من غير سِحابْةً قالعـه
حباب شيقا الأصم، من يومَه شمسك طالعه
أجواداً كريم، ما سيـد ضبيحةً ضالعـه
إن جيت في الديار، يوماتي نارك والعـه

حباب شيقا.... ألف مرحب.... شكراً بت ابوي الخليفة

Post: #3
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد فضل الله المكى
Date: 03-23-2013, 03:38 PM
Parent: #2

.
.
أدفق يا شيقا أدفق بس على خفيف أنا عارفك جايي جرابك مليان !

لكن بكري شايل سيف الأرشفة
التقيله بعد الأرشفة.... أكيد عبيد الطيب في الطريق

حباب شيخ العرب.. الشكر ليك بت ابوي الخليفة

Post: #4
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-23-2013, 03:53 PM
Parent: #3

Quote: أدفق يا شيقا أدفق بس على خفيف أنا عارفك جايي جرابك مليان !

لكن بكري شايل سيف الأرشفة
التقيله بعد الأرشفة.... أكيد عبيد الطيب في الطريق

حباب شيخ العرب.. الشكر ليك بت ابوي الخليفة

مرحب بيك الاول في الترحيب برجعة خالنا ود شيقوق..
الراجل الطيب الضاحك دائما..
وبخته بأبيات السلام الطيب..

وترانا منتظرين جيته للبوست يحكي لينا..
أيامه كانت كيف..
وشجرة العفاريت في الدندر موجودة ولا العفاريت ماتت وماتت معاهم الشجرة..

والسبب شنو البخليه يشيل حلة اللبن المقنن معاه..ماكان يحرق ليه حلة تانية وخلاص!

منتظراه معاك ومع الجايين يا محمد فضل أخوي..

Post: #5
Title: Re: خالنا ود شيقوق وصل يا شباب..إنتو فاكرين ساي؟؟
Author: الفاتح ميرغني
Date: 03-23-2013, 04:15 PM
Parent: #4

Quote: إنتو ود شيقوق ده بيعمل قراء كتيرين كده كيف وهو ما قاعد يكتب الا كلمة كلمتين؟؟

ياربي السر شنو؟؟
سلام يا منى واريتك طيبة.
والف حمدا لله على السلامة على عودة المستشار بالجد.
انا ذاتي بتساءل زيك، وقلتا يمكن شيقا ده عنده ريتينزات وكده.
لكن أظن لانه بيكتب باريحية مطلقة من غير تكلف، عشان كده اطلقوا عليه " روح وريحان" المنبر.
مش إبن خلدون قال فيما معناه البدو أكثر اريحية من أهل الحضر؟
غايتو خليتينا نكسر تلج في الربيع!

محبتي

Post: #6
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-23-2013, 04:45 PM
Parent: #5

Quote: والف حمدا لله على السلامة على عودة المستشار بالجد.
انا ذاتي بتساءل زيك، وقلتا يمكن شيقا ده عنده ريتينزات وكده.
لكن أظن لانه بيكتب باريحية مطلقة من غير تكلف، عشان كده اطلقوا عليه " روح وريحان" المنبر.
مش إبن خلدون قال فيما معناه البدو أكثر اريحية من أهل الحضر؟
غايتو خليتينا نكسر تلج في الربيع!

محبتي

إزيك يالفاتح ود عمنا ميرغني..
نحنا من أمس التلج هاطل علينا ومن الربيع ما شوفنا الا تاريخ إعلان بدايته السنوي..
أنا غايته بخم من التلج بره وأجيب ليكم هنا..

.........
.........

غير كده الطيب فعلا زول قلبه طيب جدا وبسيط للغاية..
بس كمان ماقدر يشيل ليه حلة محروقة لمسقط..

إنت كيف أحوالك يالفاتح حضورك قليل للنادي..

لك من المحبة اضعافها..

Post: #7
Title: Re: خالنا ود شيقوق وصل يا شباب..إنتو فاكرين ساي؟؟
Author: أنور سيد ابراهيم
Date: 03-23-2013, 05:08 PM
Parent: #6

سلام عليك اختنا منى

سلام .. لاخونا وحبيبنا .. الطيب .. الراجل الطيب

عودا حميدا

بس يا ربى ماجاب معاهو عنكوليب ؟

ولا غشّوهو جاء شايلو ( عـدار )

غتكم بعافية

Post: #14
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 07:12 PM
Parent: #7

انور ود كوستي

ياخ الشوق ليك مطامير

Quote: بس يا ربى ماجاب معاهو عنكوليب ؟

ولا غشّوهو جاء شايلو ( عـدار

ههههههها المرة دي خالك جاب معاهو شطة قبانيت من الدمازين انت فاكر ساي ؟

Post: #55
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-25-2013, 11:07 AM
Parent: #7

Quote: سلام عليك اختنا منى

سلام .. لاخونا وحبيبنا .. الطيب .. الراجل الطيب

عودا حميدا

بس يا ربى ماجاب معاهو عنكوليب ؟

ولا غشّوهو جاء شايلو ( عـدار )

غتكم بعافية

كيف حالك يا أنور..

إنت اسأله من شجرة العفاريت..
عايزين نعرف حصل عليها شنو..

Post: #63
Title: Re: خالنا ود شيقوق وصل يا شباب..إنتو فاكرين ساي؟؟
Author: أنور سيد ابراهيم
Date: 03-26-2013, 02:12 PM
Parent: #55

ااطيب اخوى

كنا عاوزين نسالك عن الشطة ..

الاّ اختنا منى .. قالت نسالك عن شجرة العفاريت ... ؟!!!!!

غايتو جننتونا معاكم .. مرّة منى تقول ليك خالى الطيب شيقوق ..

ومرّة انت تقول خالتى منى .....!! بالله دا نقول عليهو شنو ..؟

يا ربى الشجرة دى فى المنبر دا ولا شنو ؟؟؟ ( وجه ضاحك ) على قول اختنا زمان نادية مختار .. كج .. كج ...كج ..كج .. فى رواية اخرى

ههههههههههههههههههههههه

Post: #8
Title: Re: خالنا ود شيقوق وصل يا شباب..إنتو فاكرين ساي؟؟
Author: عبيد الطيب
Date: 03-23-2013, 05:08 PM
Parent: #6

Quote: وصل ود شيقوق الي مقره سالما بعدإجازة بالوطن العزيز صرف فيها كل ما يملك من أموال وصبر..
ورجع منها وهو يحمل "حلة" محروقة لعمل اللبن المقنن الذي يعشقه كما يعشق موبايله الجديد..

أُم عروض بت الخليفة إنت بشارة خير وسحابة أُم بشَّار
ويا مراحب بأبوي الطيب وشاهيهو "أبو كتحة" المقنِّن

الشاهي أبو لبن خلاهو يمشي ينود
وعانج عنجة الصقر اللِّقالو عتود
إتنين وتلاتة ما بتمَّن المقصود
وخمسة وسته في الراس بفتحلُّو قدود

Quote: شَنَق طاقيتو فوق الهامة ود شيقوق
ؤطرا ناس أُم عروض والرَّاسي سمح الزّوق
ؤجَرَّ النَّم ؤشايل لي البِقولَن قوق
ؤقال غير عازة حَاتك مافي لي معشُوق
بريدها من جِنِي بي عُرفي تابْع النّوق
أطقِّع في الطيور بي القرجة والسَّفروق
اللَّرْنَب بَصِيدها وكان قِمحت أُم طوق
ؤبَفزع لي النَّبق والدِّفرة والدَّايوق
ؤبعد ما كِبرت بَدُخْل التِّيه بشُق العوق
رافاي لي الضَّعيف رقَّاع لي القِدود ؤشقوق
براحِم أهلي كل العِندو فوقي حقوق
ماني داير شُكر راجي الثَّواب من فوق
البلد الأهلها عزاز ؤافر خيرها مو ممحُوق
كسرو كراعو عُقبان قصُّو من الطايوق

محبتي

Post: #9
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد فضل الله المكى
Date: 03-23-2013, 06:29 PM
Parent: #8

Quote: [Qصرف فيها كل ما يملك

الزول جايي شبعاااااااااااااااان لحم

Post: #10
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 06:39 PM
Parent: #9

خالتي منى الله يخليك و يجازي محنك

قالت اللبن المقنن ههها !!

ياخ انا جاي نازل هسه من الطيارة وقلت ادخل المنبر ابل شوقي ساي واسأل من عولي الاسفيريين تقومي تلهميني البوستات ؟

كتر خير اصحاب السعادة واولاد البادية الجو يسعلوا منى

كدى دحين ارخي لي اضانك انسعلك - دحين الخال وين ؟

Post: #11
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-23-2013, 07:01 PM
Parent: #9

شركنا للطيارة بي جاي لقيناها فاتت ..كنا عايزين ننزله ليك زي ما الكوتش المرحوم نزل ليك ناس فاروق وبابكر ..
لكن ما تخافي .. بنشرك ليه تاني لامن نجيبه مشرقط .. وتعالي شوفي كان ما خليناهو براه يقول الناس ديل انا كنت تايه
عنهم كيف ؟ ..

هييييييييييع خالي الكلس .. مشيت السودان وجيت منو سالم ؟ .. عافي منك دنيا واخره ..
بي حله محروقه .. بي شنطه فاضيه .. بي سروال بلا عراقي .. بي كليقة عنكوليب .. البركة الجيت بي غضم رقبتك سالم ..

خلي ود المكي وعبيد الطيب يدقوا نحاسهم ويطمبرو قدر ما عندهم .. لكن قول لي مني بعد سؤالها

Quote: إنتو ود شيقوق ده بيعمل قراء كتيرين كده كيف وهو ما قاعد يكتب الا كلمة كلمتين؟؟

مسينييييييييحه

خالكم اب راسا مقطوع ليهو شهر ..
عمر علي حسن

Post: #60
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-25-2013, 12:19 PM
Parent: #11

Quote: مسينييييييييحه

خالكم اب راسا مقطوع ليهو شهر ..
عمر علي حسن

هو بالله كان شهر؟؟

حمدلله علي السلامة فكل من ذهب اليها مفقود مفقود..

Post: #15
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 07:18 PM
Parent: #8

العبيد اخوي

Quote: الشاهي أبو لبن خلاهو يمشي ينود
وعانج عنجة الصقر اللِّقالو عتود
إتنين وتلاتة ما بتمَّن المقصود
وخمسة وسته في الراس بفتحلُّو قدود

هيييع كع

وحياتك جاى في الطيارة من الخرطوم وبالصدفة لقيت نفسي بجوار واحد من اهلك الكبابيش اسمه الطيب كمان لما قلت ليهو العبيد وعقبت ليهو بحنفي سلم لي في راسي يا العبيد اخوي

Post: #58
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-25-2013, 11:40 AM
Parent: #8

Quote: أُم عروض بت الخليفة إنت بشارة خير وسحابة أُم بشَّار
ويا مراحب بأبوي الطيب وشاهيهو "أبو كتحة" المقنِّن

الشاهي أبو لبن خلاهو يمشي ينود
وعانج عنجة الصقر اللِّقالو عتود
إتنين وتلاتة ما بتمَّن المقصود
وخمسة وسته في الراس بفتحلُّو قدود

Quote: شَنَق طاقيتو فوق الهامة ود شيقوق
ؤطرا ناس أُم عروض والرَّاسي سمح الزّوق
ؤجَرَّ النَّم ؤشايل لي البِقولَن قوق
ؤقال غير عازة حَاتك مافي لي معشُوق
بريدها من جِنِي بي عُرفي تابْع النّوق
أطقِّع في الطيور بي القرجة والسَّفروق
اللَّرْنَب بَصِيدها وكان قِمحت أُم طوق
ؤبَفزع لي النَّبق والدِّفرة والدَّايوق
ؤبعد ما كِبرت بَدُخْل التِّيه بشُق العوق
رافاي لي الضَّعيف رقَّاع لي القِدود ؤشقوق
براحِم أهلي كل العِندو فوقي حقوق
ماني داير شُكر راجي الثَّواب من فوق
البلد الأهلها عزاز ؤافر خيرها مو ممحُوق
كسرو كراعو عُقبان قصُّو من الطايوق

بركة يالشوفة يا عبيد ود الطيب خالي..
أهو خالك رجع..تاني بتغيب؟؟

Post: #13
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 07:09 PM
Parent: #5

Quote: انا ذاتي بتساءل زيك، وقلتا يمكن شيقا ده عنده ريتينزات وكده.

ههههها هسه كلامك دا اكان سمعتو هلاري كلنتون تاني بتخليك تتكي راسك قريييييييييب من كتافيها ؟

مجنووووووووووووون

Post: #12
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 07:05 PM
Parent: #2

Quote: مطر الخير دَفَقْ، من غير سِحابْةً قالعـه
حباب شيقا الأصم، من يومَه شمسك طالعه
أجواداً كريم، ما سيـد ضبيحةً ضالعـه
إن جيت في الديار، يوماتي نارك والعـه

عليك النبي يا ام عروض هسه النم دا ما بستاهل خالك يسمعو ويجيك قادل ويدق كراعو تااااااااااااااااح نامن العلال يعكل ويخليك تتنفضي زى العاضاك باعوضة؟

Post: #16
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-23-2013, 07:25 PM
Parent: #12

Quote: هييييييييييع خالي الكلس .. مشيت السودان وجيت منو سالم ؟ .. عافي منك دنيا واخره ..
بي حله محروقه .. بي شنطه فاضيه .. بي سروال بلا عراقي .. بي كليقة عنكوليب .. البركة الجيت بي غضم رقبتك سالم ..

خالي اول بالتبادي خالك كان هايبو والحين اتوازن - ات فاكر ساي ؟

جاييك احكي ليك المحن خليني انجم بس

Post: #17
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد على طه الملك
Date: 03-23-2013, 09:06 PM
Parent: #16

Quote: دحين الخال وين ؟

هههه ..
ماك طالبني حليفة لكين قدر ما شركنا للخال ودودرنا عشان يبيع عربكم أبا طااااااب ..
ياهو وفاء وانضباط الجنرالات الما بنقدر دا ..
:
عودا حميدا والتحية موضولة لبت خوجلي .

Post: #18
Title: Re: خالنا ود شيقوق وصل يا شباب..إنتو فاكرين ساي؟؟
Author: طارق جبريل
Date: 03-23-2013, 09:21 PM
Parent: #17

هو مقطوع الطاري دة حي

Post: #25
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:15 AM
Parent: #18

ود جبريل

بطل الحسادة يا بتاع العصيدييييييييييي - ولا اقبّل عليك بالعنكوليبة دي اوريك النجم بالنهار ؟

Post: #64
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-26-2013, 02:40 PM
Parent: #18

Quote: هو مقطوع الطاري دة حي

ده شنو يا ود عمي؟
إنت عايز خالنا يموت؟

Post: #19
Title: Re: خالنا ود شيقوق وصل يا شباب..إنتو فاكرين ساي؟؟
Author: خالد علي محجوب المنسي
Date: 03-23-2013, 09:27 PM
Parent: #17

Quote: إنتو ود شيقوق ده بيعمل قراء كتيرين كده كيف وهو ما قاعد يكتب الا كلمة كلمتين؟؟

ياربي السر شنو؟؟

ههههههههههههههههه
في المنبر يا منى بتلقي ود شيقوق دا زي ضبانة الإنداية من قرعة مريسة لقرعة تانية

ومابخلي زول ما بلزعو بي لسانو دا
عشان كدي انا لي شيقوق العدو الصديق لا بريدو ولا بحمل برا

ما سمعنا بي سفرو دا لكن يظهر بقى يكلم ناس ويدس من ناس

تحياتي منى

Post: #20
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-23-2013, 10:30 PM
Parent: #19

Quote: زي ضبانة الإنداية من قرعة مريسة لقرعة تانية

الهقلل ...............
انت ياشيخنا منسي والله مشكي ؟

عمر علي حسن

Post: #21
Title: Re: خالنا ود شيقوق وصل يا شباب..إنتو فاكرين ساي؟؟
Author: أبوبكر محمد عثمان
Date: 03-23-2013, 11:21 PM
Parent: #20

المسنوح ود شيقوق

حرم الشوق كيمان كيمان

جينا هنا وما لقيناك لما عرفت انك مشيت البلد
قلت قطع شك المسنوح دا بكون حسي فارش ليهو صفيحة طماطم في نص السوق

اها الجوز خليتو بي كم ؟

Post: #22
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد فضل الله المكى
Date: 03-24-2013, 05:09 AM
Parent: #21

Quote: ود شيقوق دا زي ضبانة الإنداية من قرعة مريسة لقرعة

ياااااااااااا المنسي ما خليتلو صفحةً يرقُد عليها!
أمانه ماك وصّااااااااف

Post: #30
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:29 AM
Parent: #22

Quote: ياااااااااااا المنسي ما خليتلو صفحةً يرقُد عليها!

انت يا سعادتك مالك بتشرك وبتحاحي ؟

المسنوح دا ما تعدل ليهو

Post: #23
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-24-2013, 05:10 AM
Parent: #21

Quote: إنتو ود شيقوق ده بيعمل قراء كتيرين كده كيف وهو ما قاعد يكتب الا كلمة كلمتين؟؟

ياربي السر شنو؟؟

الاستاذة/ منى خوجلي

سلامات

كدا اولا نقول بسم الله.. محمد معانا ما تغشانا

اها نحن استوائيون ناس رطوبة ودفء ساي لا عندنا تلج ولا برودة

لكن العنكوليب.. وده أس المشكلة لو قلنا متوفر...

الله يعينا

Post: #31
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:33 AM
Parent: #23

يا عزو

ياخ الف سلامة

Quote: كدا اولا نقول بسم الله.. محمد معانا ما تغشانا

اها محمد بقى راكب ليك في عنقرتك يا مسنوح

Quote: اها نحن استوائيون ناس رطوبة ودفء ساي لا عندنا تلج ولا برودة

لكن العنكوليب.. وده أس المشكلة لو قلنا متوفر...

فصاحة لسان ساي هسه لو قلبوا عنكوليبك يلقوهو عدار ومهشر

Post: #68
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-27-2013, 02:39 PM
Parent: #23

سلامات

كدا اولا نقول بسم الله.. محمد معانا ما تغشانا

اها نحن استوائيون ناس رطوبة ودفء ساي لا عندنا تلج ولا برودة
____________________________________________

كيفك يا عبد العزيز أتمني صحتك تكون بقت تمام..

عندنا تلج كثير الأيام دي أرسل ليك منو؟؟

Post: #84
Title: Re: خالنا ود شيقوق وصل يا شباب..إنتو فاكرين ساي؟؟
Author: Mohammed Haroun
Date: 03-28-2013, 01:27 PM
Parent: #23

Quote: كدى دحين ارخي لي اضانك انسعلك - دحين الخال وين ؟

يا شيخ العرب حمد لله على سلامة العودة ... قلت لي شطة قبانيت من الدمازين!! يا أخي ما عندكم زول جاي علينا بي جاي عشان تبرني بي شوية كدا منها؟

قلت لي الخال وين ... غايتو إنت حرفنتك فاتت المعقول ...

الخوجلية سلام ... ايه الخصام غير المعلن دا؟ لا بتردي لا بتسالمي ..

تحياتي

Post: #99
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 10:38 AM
Parent: #84

الخوجلية سلام ... ايه الخصام غير المعلن دا؟ لا بتردي لا بتسالمي ..
__________________________________________

ولله في خلقه شئون..

ضربني وجري..سبقني إشتكي!

غير كده لعلك طيب ود هارون ..

Post: #87
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-28-2013, 04:09 PM
Parent: #23

Quote: جاييك احكي ليك المحن خليني انجم بس

الالفه بتاع البوست ده وين ؟
خالي ده رابطنا بي جاي ليهو خمسه ايام ... قال عايز ينجم .... ينجم خمسة ايام .... االكرسابل ..
شوفي لينا الحاصل او سجليهو غياب .. وخلينا نقلبها كماج ودواس

عمر علي حسن

Post: #28
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:27 AM
Parent: #21

سيدنا ابو بكر محمد عثمان

كيفك يا الحبيب ؟

Quote: جينا هنا وما لقيناك لما عرفت انك مشيت البلد
قلت قطع شك المسنوح دا بكون حسي فارش ليهو صفيحة طماطم في نص السوق

وكمان جابت ليها فرش اعشاب ظهرت جديدة في السودان قالوا بتمتّن العنكوليب انت فاكر ساي ؟

Post: #67
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-27-2013, 01:44 PM
Parent: #21

المسنوح ود شيقوق

حرم الشوق كيمان كيمان

جينا هنا وما لقيناك لما عرفت انك مشيت البلد
قلت قطع شك المسنوح دا بكون حسي فارش ليهو صفيحة طماطم في نص السوق

اها الجوز خليتو بي كم ؟
________________________________

مرحب أبو بكر محمد عثمان..

سؤالك عن الطماطم المفعصة ولا الطماطم السالمة الجديدة؟؟

Post: #27
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:24 AM
Parent: #20

Quote: انت ياشيخنا منسي والله مشكي ؟

دا يا خال خالك ما بمد يدو عشان يحك خربشتو

خليهو يخربش ساي زكاة جسم

Post: #26
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:18 AM
Parent: #19

منسي

مسيخ لكن برضو مشتاق ليك يا مسجم

Quote: في المنبر يا منى بتلقي ود شيقوق دا زي ضبانة الإنداية من قرعة مريسة لقرعة تانية

ومابخلي زول ما بلزعو بي لسانو دا
عشان كدي انا لي شيقوق العدو الصديق لا بريدو ولا بحمل برا

ما سمعنا بي سفرو دا لكن يظهر بقى يكلم ناس ويدس من ناس

امشي غير دلاقينك وتعال فاصح

زي ...... الشايلة .....

Post: #65
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-26-2013, 04:04 PM
Parent: #19

Quote: ومابخلي زول ما بلزعو بي لسانو دا
عشان كدي انا لي شيقوق العدو الصديق لا بريدو ولا بحمل برا

ما سمعنا بي سفرو دا لكن يظهر بقى يكلم ناس ويدس من ناس

غايتو يا خلد اخوي هو ماكتب عن سفره هنا لانه كان خايف من ناس الامن في السودان يقروا المنبر ويعرفوا بسفره ويبوظوا عليه سفريته..
مااليوم داك قال في واحد من البوستات انو الحكومة لازم تنزل الاسعار بما يتناسب مع دخل الأغلبية..

Post: #24
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:13 AM
Parent: #17

مولانا الملك

كيفك وكيف اولادك

يعلم الله محل مشيت خلال اجازتي فانت الحاضر الغائب في كل مجالسنا

Quote: ماك طالبني حليفة لكين قدر ما شركنا للخال ودودرنا عشان يبيع عربكم أبا طااااااب ..
ياهو وفاء وانضباط الجنرالات الما بنقدر دا ..
:
عودا حميدا والتحية موضولة لبت خوجلي

يا مانجل الخال كان مركب مكنتين واحدة بندرية واخرى ضهارية الاولى عرف لما تستهلك ما عندها اسبيرات ابدا والتانية يمكن يمشيها بمحجان طلح بس انت فاكر ساي ؟

Post: #29
Title: Re: خالنا ود شيقوق وصل يا شباب..إنتو فاكرين ساي؟؟
Author: عبيد الطيب
Date: 03-24-2013, 06:28 AM
Parent: #24

Quote: يا مانجل الخال كان مركب مكنتين واحدة بندرية واخرى ضهارية الاولى عرف لما تستهلك ما عندها اسبيرات ابدا والتانية يمكن يمشيها بمحجان طلح بس انت فاكر ساي

عجبني محجان الطّلح والله كان سمعنك ناس "المردي" بشكنك لي شيخ العرب
وتري يا أبوي الطيب قالوا آخر الزمن بفضل راجل واحد والنسوان بطردنوا وبسكنوا وبجري بفز منهن
وبطلع في شجرة طويلة اها عندهن محجان طلح طويل "بلمسنٌّوا بيهو في راس الشجرة وبقعدن بتكرفن فوقو
اها ابقي عشرة علي محجان طلحك

حمدلله علي سلامتك وتحياتنا لسالم وصالح
اها عشان رويحة البادية اللي الليلة عاكلة فيك اقع سودانايل بتلقي
صاحبك حنفي مع "صديق النجوم وقاهر الرمال --علي ود قدال"
وبتلقا ولدك العبيد مع شيخ العرب والشّول ابو دعكاب"
محبتي

محبتي

Post: #32
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 06:37 AM
Parent: #29

العبيد

Quote: عجبني محجان الطّلح والله كان سمعنك ناس "المردي" بشكنك لي شيخ العرب
وتري يا أبوي الطيب قالوا آخر الزمن بفضل راجل واحد والنسوان بطردنوا وبسكنوا وبجري بفز منهن
وبطلع في شجرة طويلة اها عندهن محجان طلح طويل "بلمسنٌّوا بيهو في راس الشجرة وبقعدن بتكرفن فوقو
اها ابقي عشرة علي محجان طلحك

الله يجازي محنك - والله زول كاشف حالي في المنبر دا غيرك مافي
ياخ خليني اقدل واتجدع في ناس البندر ديل - هسه بيكونوا فاكرين المحجان دا فندق 5 نجوم

Quote: حمدلله علي سلامتك وتحياتنا لسالم وصالح
اها عشان رويحة البادية اللي الليلة عاكلة فيك اقع سودانايل بتلقي
صاحبك حنفي مع "صديق النجوم وقاهر الرمال --علي ود قدال"
وبتلقا ولدك العبيد مع شيخ العرب والشّول ابو دعكاب"

يطول عمرك اها من دربي دا لسودانايل عشان اشوف بدعكم

Post: #33
Title: Re: خالنا ود شيقوق وصل يا شباب..إنتو فاكرين ساي؟؟
Author: Alshafea Ibrahim
Date: 03-24-2013, 07:41 AM
Parent: #32

حمدا لله على السلامة ..
الأهل والحبان هناك كيف ؟ الصيف الجو السعية والرعية العيش الأردب الكيلة عساها متاحة ومتوفرة ؟
شكرا منى
الشفيع إبراهيم

Post: #34
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 08:12 AM
Parent: #33

الشفيع يا ابن عمي

سلام وكيف اولادك؟

وحياتك السنة الرعية متوفرة بالحيل والشاي المقنن محل تمشى تلقاهو

Post: #35
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-24-2013, 09:35 AM
Parent: #34

Quote:
يا مانجل الخال كان مركب مكنتين واحدة بندرية واخرى ضهارية الاولى عرف لما تستهلك ما
عندها اسبيرات ابدا والتانية يمكن يمشيها بمحجان طلح بس انت فاكر ساي ؟

عارف يا خال اخوك في غيبتك يتدبا بشيش بشيش بي تحت الحيط .. يهبش الهبشه ويفوت .. ما عارف له بر يرسي عليه ..
قاموا اهلك الملوك اتحاوشوني .. القاضي بي جاي والفنان بي غادي .. قلت ياولد اركز ديل ملوك ..كان جريت بيجيبوك ..
.. انقر في الاخر مالقيت نصهم حلاوين ....

عيييييييك محجان الطلح بعد ده اخوك ما بحصله .. الشجر في العرضي نخل .. عشرة امتار ولي فوق .. خلي النسوان يشربن
ما يرون ..

تحياتي
عمر علي حسن

Post: #36
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 10:03 AM
Parent: #35

Quote: عارف يا خال اخوك في غيبتك يتدبا بشيش بشيش بي تحت الحيط .. يهبش الهبشه ويفوت .. ما عارف له بر يرسي عليه ..
قاموا اهلك الملوك اتحاوشوني .. القاضي بي جاي والفنان بي غادي .. قلت ياولد اركز ديل ملوك ..كان جريت بيجيبوك ..
.. انقر في الاخر مالقيت نصهم حلاوين ....

عييييييييييك اهلك الحلاويين ديل يكون كتلوك بالعوج او يكون فطروك كسرة ببصلة وموية وبس - وكمان بعد دا كلو لسانهم طويل يقولوا ليك دي لا بت###### ايديك ولا بتغلط عليك . الغلطة ال ........

تاني ياخال اتلهم الملوك واولاد الملوك بترسوك مشاوي نامن تترع

Quote: عيييييييك محجان الطلح بعد ده اخوك ما بحصله .. الشجر في العرضي نخل .. عشرة امتار ولي فوق .. خلي النسوان يشربن
ما يرون ..

ما بيغلبن حيلة يا خال بعرفن البصارة ات فاكرهن ساي ؟

Post: #37
Title: Re: خالنا ود شيقوق وصل يا شباب..إنتو فاكرين ساي؟؟
Author: عماد الشبلي
Date: 03-24-2013, 10:43 AM
Parent: #36

حمدا لله

علي سلامته

وسلام خاص للمسنوح

Post: #38
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-24-2013, 11:11 AM
Parent: #37

Quote: ما بيغلبن حيلة يا خال بعرفن البصارة ات فاكرهن ساي ؟

الله يجازيهن .. هن وابليس حدهم الصرط ..
يحلنا الحلا بله ..

عمر علي حسن

Post: #49
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:22 AM
Parent: #38

Quote: لله يجازيهن .. هن وابليس حدهم الصرط ..
يحلنا الحلا بله ..

هووووووووى خالي مالك عايز تطفر الحمام . خالك رامي سنارتو وبقوقي زى القمرية ومرات صفارة سااااااااااااااااي

Post: #45
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-24-2013, 08:14 PM
Parent: #37

حباب

رانية

حباب الخال والمنسيي
حباب ود الكامل

جاييكم هسه مشغول بتوزيع الوصايا شيئ جبنة وشيئ فسيخ وشيئ تمباك وحاجات تانية حامياني

انقروها شنوووووووووووو؟

Post: #46
Title: Re: خالنا ود شيقوق وصل يا شباب..إنتو فاكرين ساي؟؟
Author: خالد علي محجوب المنسي
Date: 03-24-2013, 08:42 PM
Parent: #45

Quote: جاييكم هسه مشغول بتوزيع الوصايا شيئ جبنة وشيئ فسيخ وشيئ تمباك وحاجات تانية حامياني

انقروها شنوووووووووووو؟

بكون ( طـــ لـــ ح )
اخسي عليك شيلوك الطــ .......

بس ما تكون الخُــ
م
ر
ة
إندلقت في هِدومك

بتكون شايل كرتونتك وقادل في مطار الخرتوم يا المسنوح

هيييييييييييع نحن بنجي شايلين شمار بس وكمان ما مسحون عشان رائحته ما تنفذ مع الرطوبة بنسحن شوية
شوية
ودور دور دور
يا اللابس البمبي

=======================
طبعاً يا بتاع البردانة تحلو في موسيقى الروك أند رول الرقص
قد برع فيها في فرنسا الشيخ الكبير ..............وفيها نال جوائز
وهذا النوع من الرقص على انغام الروك اند رووول
بعرفو ناس سيادتو عمر ( كان اسمه التويستي إزدهت به ليالي العاصمة في الستينات )
لكن شباب الزمن دا مابعرفو كويس دا تجيب ناس زمان بس وصعاليك اوروبا ( انا الككو الفجخ ..... )
وخليها بالمرة لانو دوّر دور دور دي ... دورت بي زي ساقية كروم
الروك أند رووول على اصوله

wake me up before you Go - Go

Post: #50
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:24 AM
Parent: #46

Quote: بكون ( طـــ لـــ ح )
اخسي عليك شيلوك الطــ .......

بس ما تكون الخُــ
م
ر
ة
إندلقت في هِدومك

بتكون شايل كرتونتك وقادل في مطار الخرتوم يا المسنوح

هيييييييييييع نحن بنجي شايلين شمار بس وكمان ما مسحون عشان رائحته ما تنفذ مع الرطوبة بنسحن شوية
شوية
ودور دور دور
يا اللابس البمبي

هههههههههههههههههههههها الله يجازيك يا مسنوح - باقي لي فلان اتحرك وجاب ليك العلوم من جبال واسو

Post: #48
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:19 AM
Parent: #37

ود الشبلي

كيفك يا فردة ؟

اتذكرتك وانا بنقي لي في عنكوليبة تحت سدرة - شفت كيف؟

Post: #72
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-27-2013, 11:22 PM
Parent: #37

حمدا لله

علي سلامته

وسلام خاص للمسنوح
_______________________

مرحب بيك يا عمده..
والمسنوح هو صاحب المصطلحات الغريبة..

Post: #69
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-27-2013, 02:56 PM
Parent: #33

حمدا لله على السلامة ..
الأهل والحبان هناك كيف ؟ الصيف الجو السعية والرعية العيش الأردب الكيلة عساها متاحة ومتوفرة ؟
شكرا منى
الشفيع إبراهيم
_________________________

قال ليك الحياة صعبة شديد والغنم ماتو من الجوع واللبن المقنن ذاتو ما اتوفر ليه كل يوم..
والأردب بقي فد كياو!

إنت كيف حالك الشفيع أخوي..

Post: #47
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد الكامل عبد الحليم
Date: 03-24-2013, 08:48 PM
Parent: #24

تحية مني...عطرية وردية..

(طيبتو محبباهو....) يتحرك الانسان ساعات الهجير محتميا بالظل....هو الظل...والطل...

عودا حميدا مستطاب...

قراءة عن الواقع مطلوبة عن ديار ليلي...

Post: #51
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:29 AM
Parent: #47

سعادة المستشار محمد الكامل

كيفك يا الحبيب وكيف الاولاد ؟ منك طولة والشوق غلب

Quote: تحية مني...عطرية وردية..

(طيبتو محبباهو....) يتحرك الانسان ساعات الهجير محتميا بالظل....هو الظل...والطل...

عودا حميدا مستطاب...

قراءة عن الواقع مطلوبة عن ديار ليلي...

الله يحفظك ويخليك ويديك الصحة والعافية

جاييك الكثير من الديار ديار ليلي

Post: #74
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-28-2013, 00:06 AM
Parent: #47

تحية مني...عطرية وردية..

(طيبتو محبباهو....) يتحرك الانسان ساعات الهجير محتميا بالظل....هو الظل...والطل...

عودا حميدا مستطاب...

قراءة عن الواقع مطلوبة عن ديار ليلي...
____________________________________________

محمد الكامل كيفنك أخوي..

ما أظنو عنده قراية للواقع جديدة..
ياهو تقسيم القروش وغشوات الزراعة وعد الغنمز.
معاهم كده كم زيارة وكم فاتحة وكم عزومة..
يقعد في المغرب في الحوش الواسع يستمتع بصوت ماء وباء وكورية اللبن جنبه والحاجة تملاها ليه كل ما يخلصها..
ومرة الريسبشن كويس بتاع الموبايل ومرات كتيرة لأ..
يجي الخرطوم يلعب مع اولاده وأحفاده..برضه كام فاتحة علي كم مبروك..
يحضر الشنطة والأمانات والوصايا بتاعة الناس..جبنة..شطة..ويكة وما بعرف شنو كده..
يصل السلطنة يجي المنبر وما ينسي يوزع الامانات وخلاص!

الناس في العالم كله تسافر إجازات تلف فيها الدنيا تشوفها وتتعلم منها..
الا إحنا في السودان نمشي إجازات كل سنة لنفس المكان ونعمل نفس الحاجات ونصرف قروشنا ونرجع من الإجازة مهدودين!

غايتو قرايتي دي أكثر قراية واقعية..

يللا..عمر البشير ولا غيره كله محصل بعضه!

Post: #61
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-25-2013, 01:26 PM
Parent: #17

عودا حميدا والتحية موضولة لبت خوجلي.

الله يسلمك يا مولانا..
أهو الطيب عمل لينا حركة شوية..

Post: #62
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-26-2013, 01:27 PM
Parent: #12

Quote: عليك النبي يا ام عروض هسه النم دا ما بستاهل خالك يسمعو ويجيك قادل ويدق كراعو تااااااااااااااااح نامن العلال يعكل ويخليك تتنفضي زى العاضاك باعوضة؟

يا سلام علي الطرب ياخوانا وأوصافه..

نم نعقبه عرضه تسبب لي أنا بالذات نفضة كأنهاعضة الباعوض..ياسلام علي الجمال والفن في التعبير..

حمدلله علي السلامة يا ود شيقوق..

Post: #39
Title: Re: خالنا ود شيقوق وصل يا شباب..إنتو فاكرين ساي؟؟
Author: رانيه محمد الشيخ
Date: 03-24-2013, 11:16 AM
Parent: #1

يا منى هو اللبن المقنن الا بحله محرووووووقه
:)))))))))))
دى معلومه جديده عليه
:)))))
ازيوووووووووووووو وتحياتى ليكى ولد شيقوق

Post: #40
Title: Re: خالنا ود شيقوق وصل يا شباب..إنتو فاكرين ساي؟؟
Author: خالد علي محجوب المنسي
Date: 03-24-2013, 06:19 PM
Parent: #39

Quote: الهقلل ...............
انت ياشيخنا منسي والله مشكي ؟

عمر علي حسن

ما شفتو مسك المكرفون كيف وتكن بت خوجلي ابعدها بعيد
اصبر علي شوية طوّل زولك من النظري ( الفاقاق النضمي )

وزولك بقى ما بطرى البردانة اجازتو كلها في البندر يشرب في الحليب بالعملة

وين بت خوجلي خلت ابــ رويس متجدع يسرح ويمرح ويضرع

مودتي سيادة اللواء

Post: #41
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-24-2013, 06:44 PM
Parent: #40

Quote: وزولك بقى ما بطرى البردانة اجازتو كلها في البندر يشرب في الحليب بالعملة

وين ياولد .. البردانه شتروها ليك بالجلاكسي بقت زي نيويورك .. الحليب ذاتو لغوه منها .. انت قايل ساي

عمر علي حسن

Post: #42
Title: Re: خالنا ود شيقوق وصل يا شباب..إنتو فاكرين ساي؟؟
Author: خالد علي محجوب المنسي
Date: 03-24-2013, 06:51 PM
Parent: #41

Quote: وين ياولد .. البردانه شتروها ليك بالجلاكسي بقت زي نيويورك .. الحليب ذاتو لغوه منها .. انت قايل ساي

عمر علي حسن

ههههههههههههه
والعوض على الله
والله من يوم علق نضيضيرات عودي في بقى عود مراة
( ما تجيني الجندرية عزاز الشامي )
في الورثة عود المراة نص الرجل
ومن هنا جاء حديثي
عودي في بقى عود مراة ( مرة )
اسألوا من الدكتور الهندي وقصتو معا بينك وبينو
هههههههههههههه
مودتي يا سيادتو

وانا ماخايف منو شاري ضارعي وراجي برا في السهلا
أنا الكوكو الفجخ الطين

Post: #43
Title: Re: خالنا ود شيقوق وصل يا شباب..إنتو فاكرين ساي؟؟
Author: سيف الدولة كامل
Date: 03-24-2013, 07:16 PM
Parent: #42

حباب المسنوح ,,, والله فقدناك لكن تلفونك مغلق

اتاريك بشويش مرقتها في البردانة .

شكرا يا بت الخليفة

Post: #44
Title: Re: خالنا ود شيقوق وصل يا شباب..إنتو فاكرين ساي؟؟
Author: وضاحة
Date: 03-24-2013, 08:10 PM
Parent: #43

شيقاااااااااااااااااااااااااااااااااااااااااااااااا

الشوق غلب

Post: #54
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:42 AM
Parent: #44

وضاااااااااااااااحة

مشتاقووووووووووووووووووووون

وحياتك البسكويت الجاء مع الاغاثة هولكم عمل لوليداتنا كضيمات بقوا يرقصوا وينقزوا زى التيوة مع انغام طيور الجنة

Post: #106
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 01:15 PM
Parent: #44

مرحب يا وضاحة..

Post: #53
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:38 AM
Parent: #43

سيف ود الكامل

كيفك يا وجيه؟

مشيت اليمن ولا شنو؟

Quote: حباب المسنوح ,,, والله فقدناك لكن تلفونك مغلق

اتاريك بشويش مرقتها في البردانة .

صحيح مغلق لاني سافرت - شايف ناس البندر بيعملوهو رومنغ محل يقدل بتلحق

مرقة البردانة زوغة بس من العنكوليب شفت كيف؟

Post: #101
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 11:54 AM
Parent: #43

حباب المسنوح ,,, والله فقدناك لكن تلفونك مغلق

اتاريك بشويش مرقتها في البردانة .

شكرا يا بت الخليفة
________________________

وما تنسي كمان الحوامة في المطاعم في الخرطوم..
وبعدين شديد ما بيشغل خطه العماني ما تشوف كلامه عن جهله بالرومينق ده بس علشان ما يكلفه قروش..

كيف حالك يا سيف كامل

Post: #52
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 05:33 AM
Parent: #41

Quote: وين ياولد .. البردانه شتروها ليك بالجلاكسي بقت زي نيويورك .. الحليب ذاتو لغوه منها .. انت قايل ساي

هههههها كلامك صاح يا سعادتك ناس البردانة دخلوا التقنيات الحديثة حتى في نظام حفر المطامير وغيرها .....

ات فاكر ساي؟

بت الخليفة اخبارها شنو البقت زى خط هيثرو ؟

Post: #56
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-25-2013, 11:10 AM
Parent: #52

Quote: فصاحة لسان ساي هسه لو قلبوا عنكوليبك يلقوهو عدار ومهشر

كدا اولا نقول يا كافي البلاء..

البوست ده هول منو؟
فتحت انت ولا منى خوجلي؟

ياخي انا منتظر منى خوجلي ترد علي تجي تتلحني انت..
شكيتك لشيخنا داك البتعرفو كويس..

بعدين
ومن حيث كذلك
ثم ماذا

العنكوليب ده مش فصاحة ساي

دي ياخوي امبحتي
وترميل
كديب وشلخ
كدا تعالي لي بغادي
عشان تعرف العنكوليب من صفقه!!!

Post: #57
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-25-2013, 11:29 AM
Parent: #56

Quote: كدا اولا نقول يا كافي البلاء..

البوست ده هول منو؟
فتحت انت ولا منى خوجلي؟

عندى توكيل من منى خوجلي وهي بكامل اهليتها وحالتها العقلية المعتبرة شرعا يا مسنووح

Quote: ياخي انا منتظر منى خوجلي ترد علي تجي تتلحني انت..
شكيتك لشيخنا داك البتعرفو كويس..

دى وجبة ما مهم تكون حبوب السكري جنبك
احتفظ بحبوبك لحدى تجى بت الخليفة

Quote: العنكوليب ده مش فصاحة ساي

دي ياخوي امبحتي
وترميل
كديب وشلخ
كدا تعالي لي بغادي
عشان تعرف العنكوليب من صفقه!!!

عندى درسة منقية . ارسلها ليك؟

Post: #59
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-25-2013, 11:51 AM
Parent: #57

Quote:

عندى درسة منقية . ارسلها ليك؟

يا سعادة المستشار

كدا لا تلخبطنا

درسة دي يعني تيوشن!! Tutorial؟؟

ونحن لسة في انتظار البترول!!

Post: #66
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-26-2013, 08:06 PM
Parent: #59

Quote: درسة دي يعني تيوشن!! Tutorial؟؟

لا يا الحبيب يعني مصفوفة هههههههها انت مالك ما متابع مصفوفات اديس ابابا ولا بتتجانن ساي ؟

Post: #70
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-27-2013, 04:00 PM
Parent: #66

غلبنا معاك ياخ ..نقعد نفتش مداخلاتك بالبطارية وبالتاريخ والساعة ..
من فضلك ساعدينا بالتسلسل الزمني .. نحن اتعلمنا الحاجان دي علي كبر

عمر علي حسن

Post: #75
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 08:37 AM
Parent: #70

Quote: غلبنا معاك ياخ ..نقعد نفتش مداخلاتك بالبطارية وبالتاريخ والساعة ..
من فضلك ساعدينا بالتسلسل الزمني .. نحن اتعلمنا الحاجان دي علي كبر

سألت بت الخليفة قلت ليها انت مالك بتعذبي الناس بالتفتيش لمداخلاتك ؟

قالت لي بالحرف الواااحد الحاجة الساهلة ما طاعمة - انت فاكر ساي؟

Post: #103
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 12:21 PM
Parent: #70

غلبنا معاك ياخ ..نقعد نفتش مداخلاتك بالبطارية وبالتاريخ والساعة ..
من فضلك ساعدينا بالتسلسل الزمني .. نحن اتعلمنا الحاجان دي علي كبر

عمر علي حسن
____________________________

وانا ياني الولدوني بعرفا؟؟
والله قدر ما حاولت واتفلسفت ياهو الحال..
بس مصيرا يوم تلفق وتجي صح!

Post: #105
Title: Re: خالنا ود شيقوق وصل يا شباب..إنتو فاكرين ساي؟؟
Author: علي محمد الفكي
Date: 03-29-2013, 01:03 PM
Parent: #103

ود شيقوق دا لسة ما راح منو فتر جري السودان ولا شنو

عودا حميدا
وفي انتظار النبق واللالوب والعنكوليب
تعال اتحفنا بيهم
الدار بلاك صي

Post: #71
Title: Re: خالنا ود شيقوق وصل يا شباب..إنتو فاكرين ساي؟؟
Author: أنور سيد ابراهيم
Date: 03-27-2013, 04:03 PM
Parent: #66

يا قطبا من اقطاب كوستى .. اخونا الطيب

انا غايتو منى بت خوجلى بت خالى دى ( نتلبّط شويّة ) هههههه

اها .. عملت لى توكيل حق سؤالا كدى لاايحلها اجابتو ..!!

قــصــّة شـــجــرة الــعــفــاريــت دى شنو ؟؟؟

انا اصلى كنت جاى اسالك عن الشطة القبانيت .. بس الاّ وصية منى ما بنرميها ..

وحبوبتنا الحاجة السرة بت العوض بت جاد الكريم جارة ناس كلتوم بت ود المرضى جارة ناس ( سعدية ) كج كج كج كج ... وجوه ضاحكة

المهم حبوبتنا دى قالت لى شجرة العفريت دى ..ياهو منبركم دا

اها الاجابة دى صاح ولا غلط لانى بصراحة كدة حبيت اخارجك من بت خوجلى

فتكم بعافية ..

Post: #73
Title: Re: خالنا ود شيقوق وصل يا شباب..إنتو فاكرين ساي؟؟
Author: معاوية المدير
Date: 03-27-2013, 11:40 PM
Parent: #71

الناس الزينين كيف حالكم ؟؟؟

سمِح الفال،
الحبوبة جابت لنا خبر الخال.

مودتي لكما من غير تطفيف...

Post: #77
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 08:41 AM
Parent: #73

ود المدير

سلام
Quote: الناس الزينين كيف حالكم ؟؟؟

سمِح الفال،
الحبوبة جابت لنا خبر الخال.

مودتي لكما من غير تطفيف...

يديك العافية يا فالنا السمح خلقة واخلاق

Post: #104
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 01:02 PM
Parent: #73

الناس الزينين كيف حالكم ؟؟؟

سمِح الفال،
الحبوبة جابت لنا خبر الخال.

مودتي لكما من غير تطفيف...
_________________________________

بوست عمر الاربعين والخمسين لازم تجيب بعده الستين والسبعين..
الحياة شباب للأبد..

يا معاوية انا ما جبت خبر الخال..
والدليل إنه عايش في أمان الله..

Post: #76
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 08:39 AM
Parent: #71

يا انور ود السيد إبن كوستي

Quote: يا قطبا من اقطاب كوستى .. اخونا الطيب

انا غايتو منى بت خوجلى بت خالى دى ( نتلبّط شويّة ) هههههه

اها .. عملت لى توكيل حق سؤالا كدى لاايحلها اجابتو ..!!

قــصــّة شـــجــرة الــعــفــاريــت دى شنو ؟؟؟

انا اصلى كنت جاى اسالك عن الشطة القبانيت .. بس الاّ وصية منى ما بنرميها ..

وحبوبتنا الحاجة السرة بت العوض بت جاد الكريم جارة ناس كلتوم بت ود المرضى جارة ناس ( سعدية ) كج كج كج كج ... وجوه ضاحكة

المهم حبوبتنا دى قالت لى شجرة العفريت دى ..ياهو منبركم دا

اها الاجابة دى صاح ولا غلط لانى بصراحة كدة حبيت اخارجك من بت خوجلى

فتكم بعافية ..

مالك بقيت تلخبط الكيمان ؟ شن جاب القبانيت للشواطين وحبوبتك دي بالحيل صدقت منبرنا بمعاييرو دى فعلا عفريت .

Post: #78
Title: Re: خالنا ود شيقوق وصل يا شباب..إنتو فاكرين ساي؟؟
Author: أنور سيد ابراهيم
Date: 03-28-2013, 09:49 AM
Parent: #76

الـطـيـب اخوى صباحك زين

شـن نـسـوّى فى لخبطة الكيمان

الـشـطة الـقبانيت دى زغللت لينا عيونا

* انت شن سويت فى موضوع جيتك لينا .. ولا نسيت اداء العمرة

آآآآه ولا نسيت ..اتاريك انت قاعد فى ضل الشجرة القالتها بت خوجلى وابيت تجاوب

عليها وخميتنى ساااااكت

Post: #79
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-28-2013, 10:57 AM
Parent: #78

Quote:

لا يا الحبيب يعني مصفوفة هههههههها انت مالك ما متابع مصفوفات اديس ابابا ولا بتتجانن ساي ؟

أحي عولمة العنكوليييييييييييييييب

Post: #82
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 11:37 AM
Parent: #79

Quote: أحي عولمة العنكوليييييييييييييييب

هو ذاتو صار versions ابقى على احدث واحد ما يخموك ساي

Post: #80
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 11:35 AM
Parent: #78

Quote: * انت شن سويت فى موضوع جيتك لينا .. ولا نسيت اداء العمرة

آآآآه ولا نسيت ..اتاريك انت قاعد فى ضل الشجرة القالتها بت خوجلى وابيت تجاوب

ما خميتك يا العشاء بس فلوس العمرة دى اولى بيها الناس الجعانين اجرهم اكبر ولا كيف؟

Post: #102
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 12:07 PM
Parent: #78

آآآآه ولا نسيت ..اتاريك انت قاعد فى ضل الشجرة القالتها بت خوجلى وابيت تجاوب

عليها وخميتنى ساااااكت
___________________________________________________

أنور ود كوستي السمكنها الطاعم..
إشتغلت في كوستي علي 3 أوقات كل وقت كنت بقضي فيها إسبوع..
كل يوم بالمسا ما باكل حاجة غير السمك..
ولما ارجع الخرطوم أملا العربية بجرادل الفسيخ الذي لا أطيق سيرته..وصايا وهدايا
زي حقة ود شيقوق دي..
اصلنا في السودان متعتنا الوحيدة بتكون في الأكل والغنا!

كوستي سمحة والله والحمدلله الكبري إشتغل الناس تعبت من المعدية..

Post: #100
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 10:57 AM
Parent: #41

وين ياولد .. البردانه شتروها ليك بالجلاكسي بقت زي نيويورك .. الحليب ذاتو لغوه منها .. انت قايل ساي
____________________________________________

ماهو طبعا يا سعادة اللواء وخالد ما ممكن تقعد "بردانة" للأبد..ولا شنو؟؟

Post: #81
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-28-2013, 11:37 AM
Parent: #39

Quote: يا منى هو اللبن المقنن الا بحله محرووووووقه
:)))))))))))
دى معلومه جديده عليه
:)))))
ازيوووووووووووووو وتحياتى ليكى ولد شيقوق

إزيك يا رانية..

غايتو ماما جارة زمان كان عندها حلة محروقة شديد ومكعوجة..
كانت الصباح لما تعمل الشاي ليها وللخليفة بتغلي اللبن فيها..
يختو كبايتين شاي كبار موجودات معاها من زمن إتزوجوها-ودي حقيقة- ومعاها براد ألمونيوم لامع مع لقيمات ولا كيك علي حسب الموجود..
البراد ذاتو فيه حرجل..بتعرفيه؟؟
وإحنا كلنا ما بنشرب شاي بس هم الإتنين..تلقيهم قاعدين يشربوا بمزاج نستغرب ليه لأنه ما بنطيق ريحة اللبن المحروق
ولا الحرجل ذاتو..لكن هم بمزاجهم!

المهم ..
هل تعرفين أن الصلصة تصنع من الطماطم الحمرا شديد ولا لأ؟؟

مع اكيد الحب والرغبة في الضحك..

......
......

Post: #83
Title: Re: خالنا ود شيقوق وصل يا شباب..إنتو فاكرين ساي؟؟
Author: أنور سيد ابراهيم
Date: 03-28-2013, 12:18 PM
Parent: #81

الطيب اخوى

زماااان قلت لك انت والمسنوح ابوكدوك .. نحن مـتـكـفـلـيـن .. طـــب بالوضوع

حرررررررم انتو بس ساعدونا بالنية .. وربنا يقبل

اها شن قــولــك ؟؟

Post: #85
Title: Re: خالنا ود شيقوق وصل يا شباب..إنتو فاكرين ساي؟؟
Author: محمد المرتضى حامد
Date: 03-28-2013, 02:14 PM
Parent: #83

Quote: خالنا ود شيقوق وصل يا شباب..إنتو فاكرين ساي؟؟

ساي؟
يا منى ، لدرجة مسقط مِطرَت..
لكن الأرصاد قالت منخفض جوي..

Post: #86
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-28-2013, 03:47 PM
Parent: #85

Quote: لكن الأرصاد قالت منخفض جوي..

اسمه منخفض السودان يامولانا ... كان مغلبنا في السعوديه ..
هل وصل الخليج ؟ وهل اسمه منخفض البردانه ؟

الله يستر

عمر علي حسن

Post: #88
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-28-2013, 04:28 PM
Parent: #86

Quote:

هو ذاتو صار versions ابقى على احدث واحد ما يخموك ساي

الاحدث مزروع ترميل وما مشلوخ!!!!!!!!!!!!!!!!

وارد أم خيرين........

Post: #89
Title: Re: خالنا ود شيقوق وصل يا شباب..إنتو فاكرين ساي؟؟
Author: عمر علي حسن
Date: 03-28-2013, 04:48 PM
Parent: #88

Quote: جاييك احكي ليك المحن خليني انجم بس

الالفه بتاع البوست ده وين ؟
خالي ده رابطنا بي جاي ليهو خمسه ايام ... قال عايز ينجم .... ينجم خمسة ايام .... االكرسابل ..
شوفي لينا الحاصل او سجليهو غياب .. وخلينا نقلبها كماج ودواس

عمر علي حسن

Post: #90
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-28-2013, 05:09 PM
Parent: #89

Quote: الالفه بتاع البوست ده وين ؟
خالي ده رابطنا بي جاي ليهو خمسه ايام ... قال عايز ينجم .... ينجم خمسة ايام .... االكرسابل ..
شوفي لينا الحاصل او سجليهو غياب .. وخلينا نقلبها كماج ودواس

الألفة والأبلة والخالة في هذا البوست قررت إنه تخضع ود شيقوق للإستجواب
لأدائه الإستهبالي المبالغ فيه في هذا البوست..

بلا وصايا بلا حركات معك..

عدلت وصايا مقصود بيها وصايا ود شيقوق البيوزع فيها...
يوم بيوزع ويوم لسة الشغل ما إستعدل..

Post: #91
Title: Re: خالنا ود شيقوق وصل يا شباب..إنتو فاكرين ساي؟؟
Author: mona altom
Date: 03-28-2013, 05:27 PM
Parent: #89

قال اخوي ود المنسي حفظه الله

في المنبر يا منى بتلقي ود شيقوق دا زي ضبانة الإنداية من قرعة مريسة لقرعة تانية[/B

والله ضحكتني يالمنسي صدقت تب
صحبك عامل درقه بالعنكوليب هاهاههههههها

مني ياسميه كيف حالك اول مره نتقابل فيها و انشاء الله دائما

شيقا كيف خليت الدراري

Post: #92
Title: Re: خالنا ود شيقوق وصل يا شباب..إنتو فاكرين ساي؟؟
Author: Ahmed al Qurashi
Date: 03-28-2013, 07:48 PM
Parent: #91

التحية لك أختي منى خوجلي

والتحية للعزيز الطيب شيقوق

وألف حمد لله على السلامة

Post: #114
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-30-2013, 10:07 AM
Parent: #92

التحية لك أختي منى خوجلي

والتحية للعزيز الطيب شيقوق

وألف حمد لله على السلامة

______________________________

سلام يا احمد القرشي..
ماشي بارا متين؟

Post: #93
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 08:11 PM
Parent: #91

دكتورة منى التوم قريبتي

كييييييييفك وكيف احوالك ؟ انت في فرنسا ولا الجزائر؟ اخبارك مقطوعة طب والله

طبعا في اجازتي مشيت الدمازين وغشيت ابو حجارة باكرية شربت القهوة وانعدلت

ياخ ابو حجار تغيرت وصارت مدينة عديل ممكن تستوعب خالك عبد العزيز عيسى ذاتو

Quote: قال اخوي ود المنسي حفظه الله

في المنبر يا منى بتلقي ود شيقوق دا زي ضبانة الإنداية من قرعة مريسة لقرعة تانية[/B

والله ضحكتني يالمنسي صدقت تب
صحبك عامل درقه بالعنكوليب هاهاههههههها

الله يجازي محنك هسه جاية تناصري سجم الرماد دا ؟

Quote: شيقا كيف خليت الدراري

هووووووى تعرفي دكتور الدراوي من وين؟ اوع تكوني عضوة معانا في منتدى سنار وانا ما عارف؟

Post: #94
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 08:38 PM
Parent: #93

Quote: التحية لك أختي منى خوجلي

والتحية للعزيز الطيب شيقوق

وألف حمد لله على السلامة

دكتور القرشي

كيفك ياخ وكيف صحار معاك
ياخ مرتضى محذرني قال لي اوعاك تتصل وتشغل الزول دا لانو صار مشغول بعمليات جراحية من النوع الميجر

Post: #95
Title: Re: خالنا ود شيقوق وصل يا شباب..إنتو فاكرين ساي؟؟
Author: يحي قباني
Date: 03-28-2013, 08:43 PM
Parent: #94

Quote: سألت بت الخليفة قلت ليها انت مالك بتعذبي الناس بالتفتيش لمداخلاتك ؟

قالت لي بالحرف الواااحد الحاجة الساهلة ما طاعمة - انت فاكر ساي؟

يا ود شيقوق ياخي حمدالله علي السلامة ...

ات فوقك الملايكة اليومين ديل ... وكنا ما دايرين نشاغلك ...

لكن الشباب جو عملو الزفة ... وجابو حسب الله ...

( فوقك الملايكة ) لانك رجعت سالماً من الدندر ...

Post: #96
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-28-2013, 09:25 PM
Parent: #95

الزعيم قباني

الف مرحب بيك

Quote: يا ود شيقوق ياخي حمدالله علي السلامة ...

ات فوقك الملايكة اليومين ديل ... وكنا ما دايرين نشاغلك ...

لكن الشباب جو عملو الزفة ... وجابو حسب الله ...

( فوقك الملايكة ) لانك رجعت سالماً من الدندر ...

ههههههههههههههههههها الله يجازيك يا ود قباني فوقي الملائكة لاني رجعت سالم من الدندر ؟؟؟؟؟؟؟؟؟؟؟؟؟؟؟

اول مرة في حياتي اسمع بملائكة رجوع بالسلامة

الملائكة ديل عندهم jurisdictions معرووووووووووووفة ياخ

Post: #97
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-29-2013, 04:09 AM
Parent: #96

Quote:

ياخ ابو حجار تغيرت وصارت مدينة عديل ممكن تستوعب خالك عبد العزيز عيسى ذاتو

عين لا تحمد الا في العنكوليب!!
قول ما شاء الله
دحين للحول لو اتشقت حيطة في الحلة الجديدة او سائر ابوحجار بنوصلك لي لاهاي!!

Post: #98
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-29-2013, 08:39 AM
Parent: #97

Quote: عين لا تحمد الا في العنكوليب!!
قول ما شاء الله
دحين للحول لو اتشقت حيطة في الحلة الجديدة او سائر ابوحجار بنوصلك لي لاهاي!!

آآآآآآآآآآآي انت عديها لي هملة في سنغافورة وقت ترجع محل قبرك ما تلم فيها .

مسنووووووح

Post: #115
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-30-2013, 10:12 AM
Parent: #95

( فوقك الملايكة ) لانك رجعت سالماً من الدندر ...
__________________________________

يا ود قباني قالوا شجرة العفاريت قطعوها..
علشان كده بيكون رجع سالم..

Post: #108
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 02:37 PM
Parent: #91

في المنبر يا منى بتلقي ود شيقوق دا زي ضبانة الإنداية من قرعة مريسة لقرعة تانية[/B

والله ضحكتني يالمنسي صدقت تب
صحبك عامل درقه بالعنكوليب هاهاههههههها

مني ياسميه كيف حالك اول مره نتقابل فيها و انشاء الله دائما

شيقا كيف خليت الدراري
__________________________________________

مرحب بيك يا منمون..
بإذن الله نتقابل..
إنتي طبعا دخلتي المنبر أثناء غيابي منه..
مرحب بيك زميلة وأخت عزيزة بإذن الله..

Post: #107
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 02:10 PM
Parent: #85

ساي؟
يا منى ، لدرجة مسقط مِطرَت..
لكن الأرصاد قالت منخفض جوي..
________________________________

كيف حالك يا مرتضي..
بجتك بالمطر طبعا ما مطر شتا زي مطرنا هنا..
قبل تلاتة يوم نشوف التلج نازل زي القطن..يصل الأرض موية..
بس سقوف البيوت تلقاها مليانة..

Post: #109
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-29-2013, 07:06 PM
Parent: #107

منى

Quote: كيف حالك يا مرتضي..

هو مرتضى دا كتب وين ؟

كدى اخمشي لي مداخلتو ونزليها لي هنا - قدر ما فتشت ما لقيت حاجة منو .

Post: #110
Title: Re: خالنا ود شيقوق وصل يا شباب..إنتو فاكرين ساي؟؟
Author: Muna Khugali
Date: 03-29-2013, 09:38 PM
Parent: #109

ساي؟
يا منى ، لدرجة مسقط مِطرَت..
لكن الأرصاد قالت منخفض جوي..
____________________________________

يا ود شيقوق دي مداخلة محمد المرتضي..
ولا قصدك علشان قلت مرتضي بس؟؟

Post: #111
Title: Re: خالنا ود شيقوق وصل يا شباب..إنتو فاكرين ساي؟؟
Author: خالد علي محجوب المنسي
Date: 03-29-2013, 10:07 PM
Parent: #110

Quote: ساي؟
يا منى ، لدرجة مسقط مِطرَت..
لكن الأرصاد قالت منخفض جوي..

صدق الارصاد وحق قول الارصاد منخفض جوي
والله كان علي المسنوح شيقوق .... صلوااااااااات إستسقاء ما تحلكم ...

دا ينشف الحلق المبلول ... بس ناس الصيدلة وتحضير الادوية ما فاكرين لي .... إلا وكان استخدموه كجرعات تجفبف منابع ريالة الطفل ( انطقها بالعامية يا سعادة المستشار ود المرتضى ) ....
وكان ستر لينا وزير الداخلية والدفاع وهسي موش عارف شنو

مسنوح والسنحة فوق وجيهو دا
وخلي يجيني هو عارف محلي
أنا الككو الفجخ الطين

Post: #112
Title: Re: خالنا ود شيقوق وصل يا شباب..إنتو فاكرين ساي؟؟
Author: يحي قباني
Date: 03-30-2013, 03:00 AM
Parent: #111

Quote: ههههههههههههههههههها الله يجازيك يا ود قباني فوقي الملائكة لاني رجعت سالم من الدندر ؟؟؟؟؟؟؟؟؟؟؟؟؟؟؟

اول مرة في حياتي اسمع بملائكة رجوع بالسلامة

الملائكة ديل عندهم jurisdictions معرووووووووووووفة ياخ

إلا تكون عريس جديد و انحنا ما عارفين ...

لكن لو ياها زااااتها ... معناتها ملايكتك معاك و حواليك في مسقط دى ...

Post: #113
Title: Re: خالنا ود شيقوق وصل يا شباب..إنتو فاكرين ساي؟؟
Author: Abdlaziz Eisa
Date: 03-30-2013, 05:26 AM
Parent: #112

Quote:

آآآآآآآآآآآي انت عديها لي هملة في سنغافورة وقت ترجع محل قبرك ما تلم فيها .

خلينا ليك العنكوليب.. بس لا تزاحمنا في العدار!!

Post: #116
Title: Re: خالنا ود شيقوق وصل يا شباب..إنتو فاكرين ساي؟؟
Author: mona altom
Date: 03-30-2013, 10:33 PM
Parent: #113

هووووووى تعرفي دكتور الدراوي من وين؟ اوع تكوني عضوة معانا في منتدى سنار وانا ما عارف؟

المسنوح سلام دراري وليست دكتور الدراوي و معناها الاولاد في عربي الجزائر هاهاها العجله من الشيطان
وبعدين معاك ابوحجار خارج ولايه سنار ولا شنو

وثانيا ابوحجار دي فاكرها حقت الثمنينات ولا عامل فيها مغبي هههههه

ثالثا انا في فرنسا لكن عني النيه اغرب اكثر

Post: #117
Title: Re: خالنا ود شيقوق وصل يا شباب..إنتو فاكرين ساي؟؟
Author: mona altom
Date: 03-30-2013, 10:42 PM
Parent: #116

Quote: مرحب بيك يا منمون..
بإذن الله نتقابل..
إنتي طبعا دخلتي المنبر أثناء غيابي منه..
مرحب بيك زميلة وأخت عزيزة بإذن الله..

اهلا وسهلا بالغاليه مني والله حباب الخوه يانا ناسا
اهل صعيد و ضهاري وعندك شيقا خير ممثل لنا ههه
طلعت ما محظوظه وانشاء الله تاني غياب مافي

Post: #118
Title: Re: خالنا ود شيقوق وصل يا شباب..إنتو فاكرين ساي؟؟
Author: mona altom
Date: 03-30-2013, 10:48 PM
Parent: #117

عبدالعزيز عيسي سلام
اعمل حسابك المسنوح دي لو اتلحك بوديك التوج
نعم هو طيب ذي اسمه الا عندو حضرات بتاورو ههههه

Post: #124
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:53 AM
Parent: #118

Quote: اعمل حسابك المسنوح دي لو اتلحك بوديك التوج
نعم هو طيب ذي اسمه الا عندو حضرات بتاورو ههههه

دا يا منى لابس ضامن عشرة في ضرعاتو شر بجيهو مافي

Post: #123
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:51 AM
Parent: #116

Quote: المسنوح سلام دراري وليست دكتور الدراوي و معناها الاولاد في عربي الجزائر هاهاها العجله من الشيطان

ياخ نحن هسه فاكرنك علمتيهو ام بقبق والويكاب - اتاريهو الفالح لهمك لكنة الجزايريين ؟

Quote: وثانيا ابوحجار دي فاكرها حقت الثمنينات ولا عامل فيها مغبي هههههه

ثالثا انا في فرنسا لكن عني النيه اغرب اكثر

وحياتك ابو حجار صار عندها راي في سنجة ذاتا لكن استلموها عولك الشنبلاب والعزيزاب لقيتم ليك الواحد بارم شنبو وعكازو وحجباتو ويحوم بين المقاهي وزريبة المواشي .

Post: #122
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:46 AM
Parent: #113

Quote: خلينا ليك العنكوليب.. بس لا تزاحمنا في العدار!!

وكمان الانيس و أم ..... التحت الطندبة

تعرفها ولا طاشي؟

Post: #121
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:44 AM
Parent: #112

ود قباني

كيفك وكيف خالنا؟ - شايف لايام دي اتلهم عطبرة ساي اظنو صار يحن للسيمافور والتابلت

Quote: إلا تكون عريس جديد و انحنا ما عارفين ...

لكن لو ياها زااااتها ... معناتها ملايكتك معاك و حواليك في مسقط دى ...

لا يا العشاء ديل ملائكة ام عبد الله اصلو بقدمونى من مطار الخرطوم لحدي مطار مسقط وبرجعوا طوالي

Post: #120
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:39 AM
Parent: #111

Quote: والله كان علي المسنوح شيقوق .... صلوااااااااات إستسقاء ما تحلكم ...

انا ولا انت يا ابن سلول ؟

مسنووح

Post: #119
Title: Re: خالنا ود شيقوق وصل يا شباب..إنتو فاكرين ساي؟؟
Author: الطيب شيقوق
Date: 03-31-2013, 05:38 AM
Parent: #110

Quote: يا ود شيقوق دي مداخلة محمد المرتضي..
ولا قصدك علشان قلت مرتضي بس؟؟

وحياتك ما شفتها

هو مالو بدفس المداخلتو جوة ؟ ما شايف الصقيعة البرة دي ههههها؟

ولا قاصد يجيب لينا اللوم ساي؟